Нов удар од Вашингтон: Трамп вели НАТО сам си создал проблем

Американскиот претседател Доналд Трамп упати остри критики кон НАТО, тврдејќи дека Алијансата не ги поддржала САД кога тоа било потребно.

— реклама —

„Трошиме билиони долари за НАТО, а кога ги замолив да се вклучат во една многу помала ситуација – не застанаа зад нас. Никој од нив“, изјави Трамп од Белата куќа, пренесува The Guardian.

Тој додаде дека САД во минатото стоеле зад Украина кога се соочувала со проблеми, но изрази сомнеж дека европските сојузници би возвратиле со иста поддршка во случај на сериозна криза.

— реклама —

„Не верувам дека би застанале зад нас во големи проблеми, и затоа мислам дека самите си создадоа проблем“, рече Трамп.

— реклама —

Паралелно со критиките, Трамп најави дипломатска иницијатива, посочувајќи дека во наредните денови очекува средба меѓу лидерите на Израел и Либан во Вашингтон.

Според него, станува збор за потенцијално историски состанок, прв по повеќе од четири децении, кој би можел да отвори пат за поширок договор на Блискиот Исток.

— реклама —

Изјавите доаѓаат во период на зголемени геополитички тензии, при што односите меѓу САД и сојузниците повторно се ставаат под лупа.