аеродром

Муцунски ги потпиша решенијата, 500 аеродромци добиваат субвенции за еколошки превоз

Денеска градоначалникот на Општина Аеродром, Тимчо Муцунски, ги потпиша решенијата за доделување паричен надоместок за секој купен велосипед или електричен тротинет, за што неодамна Општина Аеродром објави јавен повик.Од објавувањето на повикот, па сè до исцрпувањето на предвидените средства, апликации за добивање на овие субвенции поднесоа 549 граѓани, од кои 497 ги поднесле сите потребни документи, па според тоа и ќе добијат надоместок.Ова е прва година во која Општина Аеродром, покрај за велосипеди, доделува субвенции и за електрични тротинети. Со овие мерки и со наши инвестиции во подобрувањето на инфраструктурата за користење алтернативни средства за превоз, заеднички со граѓаните придонесуваме за зачувување на животната средина.

Скопје | пред 3 години

Нема фотографија

Илинденските коњаници од Аеродром тргнаа на пат кон Крушево

Одржувајќи ја традицијата од 1978. година, Илинденските коњаници од Општина Аеродром вечерва тргнаа на пат кон Крушево.По 44-ти пат, во организација на Здружението на граѓани од Горно Лисиче „Илинденски марш 1978“, 27 коњаници, меѓу кои и една девојка, тргнаа кон местото каде што започна Илинденското востание и ќе дадат свој значаен придонес во одбележувањето на 119. годишнината од големиот македонски празник.Нивниот марш започна од паркот „Јане Сандански“, каде градоначалникот Тимчо Муцунски им го предаде општинското знаме. Потоа, придружени со зурли и тапани коњаниците поминаа низ неколку главни булевари низ Аеродром и се упатија кон црквата „Св. Петар и Павле“ во Горно Лисиче, каде се одржа богата културно- уметничка програма, како круна на целиот настан.Општина Аеродром оваа година беше главен покровител и спонзор на овој голем традиционален настан. Почитта кон традицијата е една од клучните работи кои го зајакнуваат нашиот идентитет и национално чувство, а гордоста токму Аеродром да биде домаќин на оваа долгогодишна традиција е огромна.

Скопје | пред 3 години

Нема фотографија

Коњаниците од Аеродром тргнаа кон Крушево

Во пресрет на големиот национален празник Илинден, од паркот „Јане Сандански“ во Општина Аеродром денеска тргнува 44-от традиционален коњички марш до Крушево.Стартот на маршот е во 17:30 часот, кога градоначалникот Тимчо Муцунски ќе им го предаде општинското знаме на коњаниците, кои преку црквата „Св. Петар и Павле“ во Горно Лисиче ќе го почнат својот долг пат до славното Крушево.Општина Аеродром како главен покровител на овој настан и најголем финансиски поддржувач, ќе продолжи да ја негува оваа традиција и во наредните години, која е од огромно значење за Аеродром и Република Македонија.

Скопје | пред 3 години

Аеродром субвенционира купување тротинети, објавени условите

Општина Аеродром во понеделник, 4 јули, го отвора јавниот повик за надоместување на дел од трошоците за набавка на велосипеди, а субвенциите од оваа година се проширени и ќе се однесуваат и на електрични тротинети:- за велосипеди во износ од 50% од вредноста на велосипедот, но не повеќе од 3.000 денари;- за електричен тротинет во износ од 30% од вредноста на електричниот тротинет, но не повеќе од 5.000 денари по лице.Заинтересираните граѓани е потребно да поднесат:- Барање за надоместок (барањето може да се подигне во архивата на Општината или да се обезбеди од веб-страницата http://aerodrom.gov.mk/vest/8955, почнувајќи од понеделник)- Фотокопија од лична карта или пасош како доказ за жителство во Општина Аеродром- Фотокопија од трансакциска сметка на барателот- Оригинална фискална сметка или фактура со датум од тековната 2022 година како доказ дека е извршено купување велосипед и електричен тротинет- Изјава (која може да се подигне од архивата или на линкот http://aerodrom.gov.mk/vest/8955), со која барателот под полна материјална и кривична одговорност ќе потврди дека нема добиено субвенции од друга институција.Документацијата се поднесува во архивата на Општина Аеродром секој работен ден од 09:00 до 15:00 часот во затворен плик со намена за „Јавен повик за субвенции за граѓаните на подрачјето на Општина Аеродром за купување велосипеди и електрични тротинети за 2022 година“ со назнака „НЕ ОТВОРАЈ“.

Скопје | пред 3 години

Фестивалот „Гола Месечина“ од 25 до 30 јуни во Аеродром

Претставата „Да, инспекторе“ на прилепскиот театар „Војдан Чернодрински“, а во режија на Синиша Евтимов ќе го отвори годинешното издание на меѓународниот фестивал на комедијата „Гола Месечина“ што од 25. до 30. јуни ќе се одржи на стадионот во Реонски Центар во Аеродром.Традиционалниот фестивал е во организација на Општина Аеродром и Театар Комедија, а годинава на репертоарот ќе бидат претстави од Македонија и регионот, сите со почеток од 21:00 часот.Градоначалникот Тимчо Муцунски на денешната прес-конференцијата ги повика граѓаните да присуствуваат на деветтото по ред издание на овој фестивал и ја изрази заложбата за поголема поддршка од страна на Општината за надградување и успешна реализација на настани од културен карактер.-Наша обврска како локална власт е да обезбедиме подобра инфраструктура за во уште подобри услови, проекти слични на овој да се реализираат и Аеродром да стане центар на културата во главниот град. Како најурбана и најдинамична општина во Град Скопје, за мене е од огромно жалење што немаме свој театар. Затоа она што го ветувам е дека посветено работиме и преземаме чекори за до крајот на мојот мандат да го реализираме едно од клучните ветувања – Аеродром да го добие својот мултимедијален центар со кино, театар, простор за изложби, галерија, читална за младите лица и други содржини, рече Муцунски.Фестивалот и програмата ги најави директорот на Театар Комедија Дарко Спасов, кој ѝ се заблагодари на Општина Аеродром за несебичната поддршка при реализацијата на овој културен настан.„Ние сме подготвени за почетокот, а шесте ноќи ќе бидат исполнети со одлична забава и одлични претстави. Имаме две меѓународни гостувања, „Театар Славија“ од Белград и гостување од Бугарија на големиот национален театар „Иван Вазов“. Покрај нив, имаме и четири македонски групи – театри од Велес, Охрид, Струмица и од Прилеп“, изјави Спасов и изрази надеж дека и ова фестивалско издание ќе има огромна посетеност.Картите се бесплатни и можат да се добијат почнувајќи од петок на пријавницата во Општина Аеродром, како и на билетарницата на Театар Комедија, секој ден, освен недела, а едно лице има право на две карти за конкретна претстава.

Магазин | пред 3 години

Забавен и хуманитарен настан за најмладите – „Среќно лето, весел распуст“ во Општина Аеродром

Во пресрет на долгоочекуваното лето и на самиот почеток од летниот распуст, Општина Аеродром и „Capitol Mall“ организираат хуманитарен настан, на кој најмладите ќе можат низ забава да го одбележат успешниот крај на учебната година.Настанот ќе се одржи во понеделник (20.06.2022г.), со почеток во 18:45 часот, на плоштадот позади Трговскиот центар „Capitol Mall“, а предвидена е богата музичка и забавна програма во која ќе можат да уживаат дечињата, но и повозрасните.Забавниот настан ќе биде отворен со детско магионичарско шоу на Кристиан Шопов, по што најмладите посетители ќе можат да уживаат во настапот и изведбите на познатите „Поточиња“. Потоа, свој настап ќе има популарниот Таско, како и Некст Тајм, кои ќе го затворат настанот со големо изненадување за сите посетители. За присутните, предвидени се и голем број награди и изненадувања од Фудбалската федерација на Македонија, како и други партнери.Настанот е од хуманитарен карактер, а сите посетители кои се во можност ќе имаат шанса да донираат средства кои потоа ќе бидат наменети за помош на оние на кои им е најпотребно.

Скопје | пред 3 години

Четири градежни маркици се избришани, наместо градби во Аеродром ќе има парк

Советот на Град Скопје на денешната седница ја потврди иницијативата поднесена од страна на Општина Аеродром, а која се однесува на новиот Регулациски план за Реонски центар и населба Лисиче.Со оваа одлука, се потврдува нашата иницијатива за бришење на вкупно 4 градежни маркици на посочените локации. Две од маркиците на кои претходно беа планирани згради сега се претворени во земјиште на кое ќе има парк од 6.000 м2, додека другите две од станбено-деловен простор стануваат објекти за образование.Дополнително, одлуката на Советот за потврдување на нашата иницијатива, конечно ги создава правните предуслови за отпочнување на процесот за изградба на Спортскиот центар „Пирин“ во Населба Лисиче.Промените во начинот на владеење во Аеродром се случуваат. Ја исполнуваме нашата заложба да продолжиме со хуманата урбанизација и да го оправдаме епитетот на прва општина што пренаменува маркици од згради во паркови и објекти од корист за сите граѓани!

Скопје | пред 3 години

Со донации се опремува спортскиот центар „Марко Божиновски“: Парите место за млади таленти, ќе одат на столчиња и други зафати

Потребни се средства за околу 2000 столчиња за опремување на спортскиот центар во Ново Лисиче - „Марко Божиновски“. Ова на социјалните мрежи го објави Јорданка Ивановска-Јоци. Таа го искритикува актуелниот градоначалник на Аеродром, Тимчо Муцунски за кој рече дека единствено се појавил на сликање, а не направил ништо за спортскиот центар.„Ете, нема ни столчиња! Фондацијата ,,Марко Божиновски" беше формирана со цел помош на талентирани млади ракометари, но поради незаинтересираност на локалните власти да вложат во основни нешта во спортскиот центар, нивната работа и имено обврска, сега мора да им ја вршат граѓански здруженија. Парите место за млади таленти, ќе одат на столчиња и други зафати, кои, треба да ги плати имено Муцунски и Аеродром, но тоа не го прават!Очигледно е дека Општина Аеродром не вложи ништо во инфраструктурата, единствено #Тимчо #Муцунски само се појави за сликање. И толку. Но, за тоа другпат. За оние кои сакаат да донираат, повеќе детали на линкот: Фондација „Марко Божиновски“ https://markobozinovski.org/doniraj/, од странство прекуинтернационалната платформа GoFundMe: https://gofund.me/c749fc50“, објави Јоци.

Скопје | пред 3 години

Тешка сообраќајка во Аеродром, возач со Брза помош е однесен итно во болница

На 23.05.2022 во 08,00 часот на бул. Јане Сандански во Скопје пред спортска обложувалница пријавено е дека се случила сообраќајна несреќа помеѓу мопед „кивеј“ со скопски регистарски ознаки, управуван од А.Д.(21) од Скопје, и товарно моторно возило „фиат добло“ со скопски регистарски ознаки, управувано од Е.М.(42) од Скопје.А.Д. бил пренесен во Комплекс клиники „Мајка Тереза“ каде му се констатирани тешки телесни повреди, а на сопатничката од товарното моторно возило А.Т.(22) од Скопје и се констатирани повреди. Увид на местото на настанот извршила екипа од СВР Скопје.Фото:Илустрација

Скопје | пред 3 години

Нема фотографија

(ВИДЕО) Аеродром го одбележа 17. роденден

Општина Аеродром вчера во паркот „Авион“ го одбележа 17. роденден во боите на спортот, забавата, музиката, детскиот џагор и насмевките.Под априлските сончеви зраци, децата од градинките и училиштата, на голем број различни полигони беа посветени на спортски активности, под менторство на врвен наставен кадар од основните училишта и голем број спортски професионалци, со цел уште повеќе да им се доближи спортот на најмладите.А, особено изненадување за дечињата, но и возрасните, предизвикаа кошаркарите од клубот МЗТ Скопје Аеродром кои со своето присуство навистина ги израдуваа младите кошаркарски надежи. Врвните кошаркари ги споделија своите искуства за тоа што значи да се биде професионален спортист и колку е важна тимската игра.Она што е најважно, децата поминаа еден сончев ден без мобилни телефони и компјутери и место тоа, уживаа во забавата со своите врсници, се рекреираа и на крајот добија награди за својот ангажман и посветеност.Нека ѝ е среќен роденденот на нашата Општина, а Аеродром е приказна која продолжува да се раскажува... Од сè срце ви благодариме на сите!

Скопје | пред 3 години

Пријава за паднато сомнително летало во близина на скопскиот аеродром

Полициски екипи го обезбедуваат атарот на селото Бујковци каде очевидци велат дека виделе бело летало кое многу ниско се движело над нивите и претпоставувале дека воздухопловот паднал, објави ТелмаСе работи за летало кое не е пријавено во Агенцијата за цивилна и воздушна пловидба.Според првичните информации, жителите тврделе дека се работи за беспилотно летало дрон.Извори од МВР потврдија дека по пријавата постапиле и нивни претставници го проверувале атарот но не нашле ништо.Фото: Телма

Македонија | пред 3 години

Нема паднато летало во близина на Аеродромот во Скопје

Нема паднато летало во близина на Аеродромот во Скопје. МВР постапувало по пријава, но не било пронајдено ништо. Полицијата постапувала како и по секоја пријава, која овојпат, дошла од граѓани.

Скопје | пред 3 години

Муцунски: Наскоро нов парк од 5700 м2 во Реонски Центар Аеродром

Општина Аеродром ќе добие нов парк од 5700 квадратни метри во Реонски Центар Аеродром, значаен придонес во неговата изведба и уредување ќе биде обезбеден од страна на Шведска, а ќе го спроведе канцеларијата на УНДП. Шведска претставува најголем билатерален донатор помеѓу ЕУ земјите во нашата земја.„Денеска имав можност да се сретнам со шведската амбасадорка Кристин Форсгрен Бенгтсон, со која направивме прошетка низ нашата општина и обиколка на локацијата на која овој парк ќе биде поставен.На амбасадорката ѝ ги презентирав некои од нашите врвниприоритети за развој на општината во наредниот период, меѓу кои највисоко место зазема и заложбата за чиста и здрава животна средина. Оваа заложба ја потврдуваме со тоа што предвидениот парк се наоѓа на локација на која до сега беа предвидени градежни маркици за изградба на станбени објекти, а со наша одлука беа пренаменети во парк кој ќе зафаќа површина од 5700м2“, вели Тимчо Муцунски.

Скопје | пред 3 години

Се поставуваат столпчиња во Аеродром поради непрописно паркирање

Општина Аеродром по барање на граѓаните денеска поставува заштитни столпчиња на средина од коловозот што се наоѓа пред сендвичарницата „7“ кај „Три бисери“.„Столпчињата ќе го спречат непрописното паркирање на средина од улицата, што досега претставуваше опасност, односно го попречуваше нормалното одвивање на сообраќајот во овој фреквентен дел од населбата.Заштитни столпчиња ќе поставуваме на сите локации каде што е потребно тоа и апелираме сите учесници во сообраќајот да се однесуваат совесно, а надлежните институции да ги санкционираат оние што ги прекршуваат пропишаните закони.Истовремено ги информираме граѓаните дека Општина Аеродром и ЈП „Градски паркинг“ ја интензивират соработката на терен, а од јавното претпријатие најавуваат засилени контроли и акции за акции за отстранување на непрописно паркирани возила“, велат од општината

Скопје | пред 3 години