ДПМНЕ

ЈО да испита дали Шанси инвест послужила како параван за парите од МЕПСО да завршат кај функционери на СДС и ДУИ, бара ВМРО-ДПМНЕ

„Длабоките релации и разработените шеми за извлекување на милионски суми од МЕПСО се многу очигледни. Директор во МЕПСО од редовите на СДС и ДУИ доделил тендер во вредност од 10 милиони евра на фирма која е директно поврзани со него. Имено, тендерот од МЕПСО за набавка на уред за корекција на напонски профил на албанската компанија „Шанси Инвест“ заедно со Далековод АД Заегреб, им е доделен во период кога раководителот на комерцијалниот сектор на МЕПСО бил Мелаим Адеми“, соопшти ВМРО-ДПМНЕ.„А, истиот овој Милаим Адеми, своевремено бил и управител на подружницата на Шанси инвест во Скопје.Ова поврзаност ги отвара сомнежите дека албанската компанија послужила само за испумпување на пари од МЕПСО, каде што требало да заврши разликата од неколку милиони евра од првичниот договор, кој потоа бил изменет и дополнет, со единствена цел зголемување на вредноста на тендерот.Од тука се поставува прашањето, колку пари од МЕПСО завршиле на сметка на Шанси инвест, која освен штанцање фактури за наплата, пред да ги префрли парите на фирмата производител, која во случајов е Далековод АД Загреб, нема никаква додадена вредност.Друго, уште посуштинско прашање е во чии џебови и на чии сметки на лица од СДС и ДУИ требале да завршат парите од Шанси инвест од разликата во цените?Затоа, го повикуваме Јавното обвинителство веднаш да отвори истражна постапка за оваа јавна набавка на МЕПСО, да ги испита сите индиции и докази и да утврди дали Шанси инвест е параван фирма за наплата на милиони евра од функционерите на СДС и ДУИ“, се вели во соопштението на ВМРО-ДПМНЕ.

Македонија | пред 1 година

(Видео) Директор во МЕПСО од СДС и ДУИ претходно бил управител во Шанси инвест од Албанија која добила 10-милионски тендер, кажа Петрушевски

„Раководството на МЕПСО од СДС и ДУИ имало длабоки релации со Албанската фирма Шанси инвест, која го добила тендерот за набавка на уред за корекција на напонски профил заедно со Далековод АД Загреб“, рече Бране Петрушевски, пратеник на ВМРО-ДПМНЕ.„Мелаим Адеми кој бил раководител на комерцијален сектор во МЕПСО, кога Шанси инвест го добила тендерот, своевремено бил управител на подружницата на Шанси инвест во Скопје.ЈО треба веднаш дс отвори постапка за оваа набавка, и да ги испита сите докази. Дали Шанси инвест е фирма која е параван за наплата на функционери на СДС и ДУИ?Колку пари од МЕПСО завршиле на сметка на Шанси инвест, која буквално нема никаква додадена вредност во набавката, освен штанцање на фактури кон МЕПСО за наплата, пред да и префрли пари на фирмата производител?На чии сметки на лица од СДС и ДУИ требале да завршат парите во разликата во цени од Шанси инвест? ЈО да презема акција. Одговорност мора да има“, изјави Бране Петрушевски, пратеник на ВМРО-ДПМНЕ.

Македонија | пред 1 година

Иванов: Владата предводена од ВМРО-ДПМНЕ нема да дозволи промена на Уставот се додека патот кон ЕУ за Македонија е непредвидлив

Во гостување на 24 Телевизија во емисијата „Анализа 24” присуствуваше пратеникот од редовите на ВМРО-ДПМНЕ Душко Иванов. Тој се осврна на извештајот од Европската Унија за напредокот на Македонија во врска со уставните измени.„Веќе по не знам кој пат Владата предводена од ВМРО-ДПМНЕ и коалицијата „Твоја Македонија” повторува, а тоа всушност беа и предизборните ветувања на ВМРО-ДПМНЕ дека нема да се согласи со ултимативни барања од страна на соседните држави”, потенцираше Иванов.Исто така Иванов се осврна на актуелниот проблем кој ја задира Македонија, а беше наследен од претходната Влада. Тој нагласи дека сегашната Влада ќе направи напори за решавањето на овој проблем, но не под секој услов, односно дека оваа Влада нема да дозволи промена на Уставот се додека патот до Европската Унија не е придвидлив.„Тоа е причинско последична врска која ја наследивме од претходната влада, едноставно прифатиле одговорност која што свесно знаеле дека нема да ја спроведат. Сегашната Влада ќе преземе сигурни чекори да ја стабилизира државата во патот кон европските интеграции меѓутоа нема да се согласиме и нема да дозволиме промена на Уставот се додека не е придвидлив патот на Европската Унија на Македонија од причина што во текот на отварањето на поглавјатата на сите кластери можеме да имаме нови барања од Република Бугарија и патот кон Европската Унија да биде долгорочен процес кој што не одговара на граѓаните на Република Македонија”, рече Иванов.Иванов потенцираше дека уставните измени ќе се направат само доколку се прифати истите да бидат направени со одложено дејство.„Доколку сме се обврзале да ја направиме промената на Уставот ќе биде со одложено дејство и премиерот исто кажа ајде да му дадеме време на времето и тоа ќе биде разумен период да се обидеме да стекнеме некакви подобри позиции при преговарањето, треба да имаме политичка Влада во Република Бугарија. Да се состави таа Влада за да имаме соговорник од другата страна со кој што ќе може да преговара Република Македонија и тие преговори да имаат легитимитет од двете страни”, додаде Иванов.

Македонија | пред 1 година

Постојат индиции за сторен милионски криминал од раководството на МЕПСО назначено од СДС и ДУИ, ЈО да отвори предмет, бара ВМРО-ДПМНЕ

„Јавното обвинителство да се одважи и да отвори предмет за да ги истражи наводите и сомнежите за сторен криминал во склучениот договор за јавна набавка од страна на МЕПСО. Веќе два дена јавно, на прес конференции, изнесуваме факти кои покренуваат сомнежи дека раководството од СДС и ДУИ во МЕПСО, склучувало и менувало договори за нивните потреби со единствена цел испумпување пари од претпријатието“, соопшти ВМРО-ДПМНЕ.„Како што посочивме до сега, претпријатието Далековод АД од Загреб само можело да се јави на тендер и да го добие и дека истото немало потреба од албанската фирма Шанси Инвест, која најверојатно послужила како параван за испумпување на парите.Тендерот на МЕПСО прво го доби хрватсаката фирма производител Далековод АД Загреб, при што македонското акционерско друштво претходно до добавувачите доставило модел договор и барало да биде прифатен, за на крај да дозволи измена и дополнување на договорот.МЕПСО под раководство на лица од СДС и ДУИ направило промена на договор за набавка од 10 милиони евра, со цел фактурите да му ги доставува некоја тампон фирмата Шанси Инвест, а не директно производителот.И сето ова може да се види во чл.9 од договорот каде што е дополнето дека доставувач на фактурите ќе биде Шанси Инвест од Албанија, а не Далековод АД Загреб, кој всушност е и производител на опремата. Дополнително, во договорот е наведено дека Шанси Инвест ќе биде доставувач на авансната и сите други фактури до МЕПСО.Го повикуваме обвинителството да истражи зошто кога производителот Далековод АД Загреб, можел сам да се јави на тендерот тоа не го сторил и дали за тоа бил уценет и ако бил од кого?“, се вели во соопштението на ВМРО-ДПМНЕ.

Македонија | пред 1 година

Нема фотографија

Стојаноска: ВМРО-ДПМНЕ ги поставува основите за нова економска реалност

Темата за потрошувачката кошничка стана особено актуелна во последниот период. На ова се осврна и пратеничката Дафина Стојаноска, во вчерашното гостување на поткастот „ВМРО-ДПМНЕ Зборува“, и изрази уверување дека мерките што ги презела Владата предводена од Христијан Мицкоски веќе даваат резултати.Стојаноска се осврна и на периодот кога ВМРО-ДПМНЕ беше во опозиција и го критикуваше претходниот владин состав.„Кога ВМРО-ДПМНЕ како опозиција ја критикувавме тогашната власт дека вештачки ги зголемуваа платите, кога ги предупредувавме на она покачување на минималната плата дека Македонија ќе ја направат држава на луѓе со минимални плати, тогаш тие одеа само со популистички мерки, сметајќи дека можеби на тој начин ќе го задржат столчето на власт, но видовме како катастрофално завршија. Затоа што од едната страна вештачки ги покачуваа платите на вработените, а од друга страна нормално дека инфлацијата растеше“, додаде Стојаноска.Стојаноска ја истакна и независноста на синдикалните организации во Република Македонија.„Потрошувачката кошничка ја креираат Сојузот на синдикати на Македонија, не е тоа партиски извештај што ВМРО-ДПМНЕ го направила“, посочи Стојаноска.Таа сугерираше и на успешните мерки во контекст на економската политика, но и потребата за континуирано следење на истата. Стојаноска укажа и на важноста на дијалогот и соработката помеѓу различните актери.„Во време на владеењето на ВМРО-ДПМНЕ од неколку месеци веќе и двоцифрената инфлација падна на едноцифрена бројка. Одиме разумно, одиме пресметливо со сериозни анализи и средби со сите чинители кои се фактор во ова покачување“, рече Стојаноска.Стојаноска потенцираше дека сегашната Влада работи со јасна стратегија и планира да продолжи со активностите за подобрување на економската ситуација.„Се што е во добровид на граѓаните на Македонија ќе се преземе со широка дебата со сериозни луѓе“, кажа Стојаноска.Изјавите на Стојаноска рефлектираат позитивен став кон иднината и подготвеноста за конструктивен ангажман во подобрување на економските услови во Македонија.„Економијата во државата ќе застане на стабилни нозе и повеќе нема да се зборува за тоа кој колку крадел, кој колку тендери наместил, кој каков процент зел, туку исклучиво посветено само за нашите граѓани“, заклучи Стојаноска.

Македонија | пред 1 година

Мицевски: ВМРО-ДПМНЕ тоа што го вети во предизборието го реализира секој ден

Координаторот на пратеничката група на ВМРО-ДПМНЕ, Никола Мицевски, во интервју за Поглед.мк, се осврна на актуелните политички прашања.Мицевски истакна дека ВМРО-ДПМНЕ, како и секоја политичка партија, како во Македонија, така и во светот, нормално е да напредува и паралелно да ги следи политичките и општествените текови и случувања.„ВМРО-ДПМНЕ е народна партија која што постојано се развива, расте и еволуира. Сметам дека тоа е нормален и континуиран процес кој ниедна партија не може и не смее да го заобиколи и избегне. Сепак, мислам дека кај нас има политички партии кои што свесно се обидуваат и пружаат отпор на овој процес, но за жал тие остануваат заглавени во минатото, не можејќи да ги задоволат потребите и барањата на своите гласачи, но и генерално на сите граѓани на Македонија’’, рече Мицевски.Во однос на прашањето за приоритетите на ВМРО-ДПМНЕ во овој парламентарен состав, тој појасни дека приоритетите се исти они кои што ги ветувале во предизборната кампања.„Заложбите на ВМРО-ДПМНЕ како владејачка партија се евроинтеграција на Македонија, силна борба против криминалот и корупцијата, забрзан развој на македонската економија, рамномерен регионален развој, намалување на даноците, зголемување на пензиите и платите, подобрување на патната и железничката инфраструктура, како и градење на добри односи со сите соседи, но и со сите држави и влади во светот’’, додаде Мицевски.Мицевски дополни дека ВМРО-ДПМНЕ е македонска партија која што е демократска, отворена, и партија која што секогаш прифаќа различни мислења.„Без разлика дали станува збор за мислења и идеи кои доаѓаат од високи партиски функционери или пак од месните комитети, од член и активистите. Токму тоа е силата и предноста на ВМРО-ДПМНЕ како народна партија’’, заклучи тој.

Македонија | пред 1 година

(Видео) Петрушевски: Раководството на МЕПСО од СДС и ДУИ дозволило промена на договор за набавка од 10 милиони евра, за фактурите да му ги доставува тампон фирма, а не производителот

„Раководството на МЕПСО од СДС и ДУИ при набавката на уредот за корекција на високонапонски профил од скоро 10 милиони евра инфлагранти исцртале шема како ги испумпувале парите. На вчерашната прескоференција кажавме дека претпријатието Далековод АД од Загреб само можело да се јави на тендер и да го добие, истото немало потреба од Албанската фирма параван за испумпување на парите“, рече Бране Петрушевски, пратеник на ВМРО-ДПМНЕ.„Дали МЕПСО под раководство на СДС и ДУИ ја поставиле Шанси инвест од Албанија како фирма од која тие требало да ги поделат провизиите?МЕПСО кое доставило модел договор до добавувачите и барало тој да биде претходно прифатен, откако Далековод АД Загреб го добива тендерот дозволува измена и дополнување на договорот.Во чл.9 од договорот е дополнето дека доставувач на фактурите ќе биде Шанси инвест од Албанија, а не Далековод АД Загреб, кој всушност е и производител на опремата. Дополнително наведено е дека Шанси инвест ќе биде доставувач на авансната и сите други фактури до МЕПСО.И студент од прва година правен или економски факултет ќе сфати дека Шанси инвест до МЕПСО доставува фактура, си ја наплаќа провизијата, а потоа му исплаќа на производителот Далековод АД Загреб за опремата.Го повикуваме ЈО да отвори случај. Далековод АД Загреб можел сам да се јави на тендерот, зошто не го сторил тоа и дали за тоа бил уценет и од кого?ЈО мора да го истражи овој случај. Утре продолжуваме со нови детали за оваа скандалозна набавка“, изјави Бране Петрушевски, пратеник на ВМРО-ДПМНЕ.

Македонија | пред 1 година

Дали Ахмети мисли дека некој ќе му дозволи да си игра со стабилноста на Македонија, праша Ковачки

Во вчерашна емисија Заспиј ако можеш, пратеникот од ВМРО-ДПМНЕ, Драган Ковачки, изрази јасен став во однос на писмата на Али Ахмети и албанските политички претставници во Македонија. Ковачки ја рефлектираше актуелната политичка динамика и покажа дека ВМРО-ДПМНЕ се позиционира како легитимна сила која ги застапува интерсите на сите грѓани на Македонија.„Не доаѓа во предвид Али Ахмети да биде тој кој што ќе прави споредби и ќе биде лидер на Албанците. Тој не е веќе лидер на Aлбанците. Албанците имаат свои лидери и тие лидери се во Владата на ВМРО-ДПМНЕ“, рече Ковачки.Според Ковачки, актуелната структура на власта ги репрезентира Албанците.„Во македонската Влада седат лидерите на Албанците, тие се репрезентите на Албанците во моментот. Имаат Албанците претставници и во парламентот. А Али Ахмети, тој негов Европски фронт во моментот се распаѓа“, кажа Ковачки.Ковачки нагласи дека Ахмети не може да се претставува како единствена сила која ги обединува Албанците.„Меѓутоа Али Ахмети не е репрезент на сите албанци. Тој се претставува дека ги обединува сите Aлбанци и зборува во нивно име. Видовме тој колку им мисли, видовме каде живее во какви и хациенди, колку се грижи за обичните Албанци, јасно им е на сите и затоа веќе тие не се дел од македонската власт“, изјави Ковачки.Тој се осврна и на однесувањето ДУИ и нивниот повторен обид за манипулации и закани.„Таа дописна агенција наречена ДУИ во моментов нема друга опција освен да се заканува и да објаснува дека тие немаат игра, тие цело време можат да играат на етничка карта“, истакна Ковачки.Ковачки потенцираше став на премиерот Христијан Мицкоски, кој ја исклучува дискусијата за етничките прашања„Премиерот, Христијан Мицкоски, кажа дека етничките прашања нема да бидат дискутирани. Македонија треба да се развива, а ние веќе тргнавме напред, Ахмети повторно сака да не навраќа на некои работи кои се затворени“, рече Ковачки.Кoвачки дополнително укажа на недоследностите во комуникацијата на Ахмети.„На Али Ахмети не му се исти писмата до претседателот на ВМРО-ДПМНЕ и до странските амбасади. Тие се разликуваат во одредени сегменти, некаде има закани некаде нема. Ме интересира како може Али Ахмети да се заканува во оваа држава со дестабилизација и со пред воена состојба во земја членка на НАТО во услови кога имаме војна која беснее на тлото на Европа. Дали господинот Али Ахмети мисли дека некој ќе му дозволи да си игра со стабилноста на Македонија. Јас мислам дека е надвор од разумот и треба да се праша дали живее во имагинација или во реалниот свет“, дециден е Ковачки.

Македонија | пред 1 година

ЈО да истражи во чии џебови завршија три милиони евра повеќе од предвиденото за набавка на уред од МЕПСО, бара ВМРО-ДПМНЕ

„СДС и ДУИ се симбол за криминал, корупција, скандали, злоупотреби на службените должности и овластувања за лично богатење на поединци во нивните редови и лица блиски со нив“, велат од ВМРО-ДПМНЕ.„Владеењето на СДС и ДУИ е забележано со бројни криминални и корупциски скандали, таков е последниот во МЕПСО каде постојат сомнежи и индиции за злоупотреба на три милиони евра пари на граѓаните. Компанијата, под водство на лица од овие партии, склучила договор за набавка на уред за три милиони евра поскап од предвидениот План за развој, кој самите го донеле.Под водство на Зуди Енуз од, така наречениот, фронт на ДУИ и поставен од СДС, во јуни годинава МЕПСО склучил договор со албанска фирма „Шанси Инвест“ за набавка на уред за корекција на напонски профил на трансформаторска станица. Во Планот за развој на електро преносниот систем на МЕПСО 2021-2030 година, буџетот предвиден за уредот за корекција изнесува 2.8 милиони евра, а во договорот склучен со оваа фирма истиот уред изнесува 5.864 милиони евра, што е за три милиони евра повеќе од планираното.Дополнителен загрижувачки факт е што на овој тендер албанската фирма Шанси Инвест учествува со Далековод АД Загреб, која е фирма за производство на таквиот вид на опрема и која се јавува како поголем партнер во конзорциумот.Од сето ова се покренуваат сомнежи за улогата на албанската фирма кога истата опрема доаѓа, можела да се набави и да биде монтирана директно од фирмата производител. Дали Шанси Инвест е фирма која послужила за вадење на профитот од над 3 милиони евра повеќе од планираното?Го повикуваме Јавното обвинителство веднаш да отвори случај и да истражи во чии џебови завршила разликата од три милиони евра“, соопшти ВМРО-ДПМНЕ.

Македонија | пред 1 година

СДС е распадната структура, коридорите и беа маска за полнење на сопствените џебови, реагира ВМРО-ДПМНЕ

„Во СДС се далеку од реалноста и се дезориентирани. Политичката сцена бара сериозност и одговорност, а СДС наметнува реторика без суштина. СДС е само распадната структура која нема кредибилитет, компетентност, ниту има слух за проблемите на граѓаните и нивно решавање“, реагира ВМРО-ДПМНЕ на прес-конференцијата на Благој Бочварски.„ВМРО ДПМНЕ не игра на карта на тврдоглавост, туку работи во интерес на граѓаните. ВМРО – ДПМНЕ никогаш не е против коридорите, планот е јасен, коридорите се неопходни за поврзување и развој на Македонија.ВМРО-ДПМНЕ не е против реализирање на проекти. За ВМРО-ДПМНЕ е клучен начинот на реализирање на проектите. ВМРО – ДПМНЕ со домаќинското работење покажа дека всушност коридорите може да се реализираат со намалување на средствата. Со коридорите Македонија ќе има значајна улога во транспортната и енергетската инфраструктура на европската мапа.СДС е поим за најнеодговорна партија и партија која се грижи само за корупција и за сопствените интереси.СДС на 8 мај доби црвен картон од граѓаните и време е да ја научи лекцијата. СДС мора да ја прифати реалноста, нивното време заврши!“, се наведува во реакцијата на ВМРО-ДПМНЕ.

Македонија | пред 1 година

(Видео) МЕПСО под СДС и ДУИ склучило договор за набавка на уред за 3 милиони евра поскапо од предвиденото во Планот за развој кој самите го донеле, рече Петрушевски

„СДС и ДУИ ги злоупотребувале енергетските претпријатија за да испумпаат милиони евра народни пари на сметки на фирми блиски до нив. Денес ќе презентираме фрапантни докази за милионски криминал во МЕПСО, за кој очекува ЈО да отвори случај“, рече Бране Петрушевски, пратеник на ВМРО-ДПМНЕ.„МЕПСО под водство на Зуди Енуз, од фронтот на ДУИ, а поставен од СДС, на 26.06.2024 година склучил договор со албанската фирма Шанси Инвест за набавка на уред за корекција на напонски профил на 400kV во трансформаторска станица Дуброво во висина од 576 милиони денари, односно близу 10 милиони евра.Буџетот за уредот за корекција во Планот за развој на електропреносниот систем на МЕПСО 2021-2030 година изнесува 2.8 милиони евра, истиот уред во договорот склучен со Албанската Шанси Инвест изнесува 5.864 милиони евра. Тоа се цели 3 милиони евра повеќе од предвиденото.Дополнителнк загрижува фактот што Албанската Шанси Инвест на овој тендер учествува со Далековод АД Загреб, фирма за производство на таквиот вид на опрема, која се јавува како поголем партнер во конзорциумот. Имено се поставува прашањето, која е улогата на Албанската фирма кога опремата доаѓа и е произведена и може да биде монтирана од фирмата производител?Дали Албанската Шанси инвест е тампон фирма за вадење на профитот од над 3 милиони евра повеќе од планираното?Каде завршиле 3 милиони евра разлика? Го повикуваме ЈО веднаш да отвори случај и да реагира“, изјави Бране Петрушевски, пратеник на ВМРО-ДПМНЕ.

Македонија | пред 1 година

Ковачки: СДС И ДУИ немаа цел Македонија да напредува, сега нека се соочат дека се опозиција и колку побрзо ќе се реформираат подобро ќе е за сите

Во вчерашниот поткаст „На кавга со Иван“, членот на ИК и пратеник на ВМРО-ДПМНЕ, Драган Ковачки, покрај истакнувањето на позитивните промени спроведени од актуелната влада и големиот број реализирани проекти вклучувајќи ги растот на платите во образованието, покачувањето на пензиите, поддршката за стимулација на општините и така натаму, се осврна и на моменталната опозиција.Според него ова се само бледи обиди на ДУИ и Али Ахмети кој не може сеуште да се навикне на опозиција. Истовремно истакнува дека во текот на нивните 20 години поминати на власт, не само што ја парчосаа државата, туку ги понижија и сите граѓани, а сега се обидуваат да се прикажат како нивни легитимни претставници.„Факт е дека се опозиција. Нека се реформираат, нека се трансформираат, нека се прочистат од криминалците, а во ова ќе им помогне и државата и постепено нека се прилагодат на тоа како е да се биде во опозиција“, прецизен е Ковачки.Тој јасно потенцира дека легитимитетот на моменталната влада е неспорен и истиотот доаѓа од граѓаните, додека ДУИ потребно е конечно да сфати и да се помири дека токму тој легитимитет го изгубија на изборите и сега е залудно да се трудат по секоја цена да го повратат.„Исто така, многу е важно дали и СДС се подготвени да седнат со нас на заедничка маса. Понудивме една општоприфатлива платформа и визија, нудиме една подадена рака, за сите кои што ќе застанат зад оваа наша идеја“, вели Ковачки во текот на своето натамошно излагање, зборувајќи и за СДС како моментален политички опонент.Ковачки цени дека опозиционите партии мора да имаат во предвид затоа што со нив се гради општествен консензус кој ќе биде во интерес на сите граѓани. Во овој контекст тој ја истакнува важноста на постигнувањето усогласеност дома, во сопствената држава, за понатаму да се настапува со преговори за влез во ЕУ, а при тоа да бидат заштитени идентитетските прашања.„Владата предводена од СДС и тогашниот премиер, очигледно имала некоја друга цел, за жал целта не им била Македонија да напредува, напротив тие целеа да создадат што е можно повеќе проблеми на патот. Затоа ги повикуваме да застанат зад оваа наша идеја која го отвара патот на Македонија. Истовремено не гледам зошто би ја одбиле, освен од нивна лична себична причина, само да докажат дека тоа што тие некогаш го нуделе било последното. Еве сега ние покажуваме ентузијазам и дека може поинаку“, заклучува Ковачки.

Македонија | пред 1 година

Јаревски: 300 милиони евра беа потрошени, а не беше ништо помрднато од СДС и ДУИ, денес ја минуваме истата траса, но со интензивна и посветена работа од Владата

Во синоќешното гостување на ТВ24, во дебатната емисија Анализа 24, пратеникот на владејачката ВМРО-ДПМНЕ, Тони Јаревски, покрај останатите теми говореше и за изградбата на Коридорот 8 кој Македонија ја прави раскрсница на три коридори- патен, железнички и гасен.Тој во овој контекст појасни дека актуелната Влада наследи договор кој погледнат од било кој аспект и земјаќи ги предвид сите одредби кои ги содржи, а кои ги договориле СДС и ДУИ, би ни донел многу поголеми штети отколку бенефити доколку истиот сега се раскине.„Да не спомнувам, доколку го раскиневме и овој договор тоа ќе беше повторување на практиката на СДС и ДУИ, исто како во случајот со Клинички центар за кој плативме 18 милиони евра пенали или како за непотпишаната гаранција за кредитот и уште дополнителни 3 милиони евра пенали. Тоа се суми кои државата ги исплаќа за одобрени, а неискористени финансиски средства, се заради нивната неспособност и недоволните капацитети”, вели Јаревски.Според него, она што и преостанува на актуелната Влада е да се посвети максимално и да ги реализира дадените ветувања, со тоа што ќе се искористи постоечкиот договор, но од истиот ќе се извлечат најголеми бенефити за граѓаните, а ќе се намалат потенцијалните ризици од дополнителна штета.„Поради некој што не си ја завршил работата како што треба, сеуште не е завршена ниту експропријацијата до ден денес, дури ни 10 проценти."Претставниците на „Бехтел и Енка“ јасно истакнаа дека благодарение на напорите на новата Влада, им се отвора нова делница на која можат да работат“, потенцира Јаревски.Тој истакнува дека за многу краток период со напорна работа се завршени околу 1000 дополнителни предмети со експропријација, дополнително е среден и делот со дрвната маса како и останатите обврски кои ги превземала претходната влада и се обврзала да ги заврши до 2023 година, а од истите не се поместила ни милиметар.„До Нова година комплетната траса ќе биде завршена, со што на изведувачот ќе му се обезбеди поле за работа. Второ, предвидениот и потпишан договор за изградба на тунел од 250 милиони евра од страна на СДС и ДУИ, во консултација со стручната фела го исклучуваме, што значи се придвижуваме во насока на заштедување на средставата и помало чинење на изведбата“, заклучува Јаревски.

Македонија | пред 1 година

Владата e посветена на зголемување на животниот стандард на граѓаните, намалени трошоците за прехранбени производи, велат од ВМРО-ДПМНЕ

„Владата предводена од ВМРО-ДПМНЕ, на дело покажува вистинска грижа кон граѓаните и нивниот животен стандард. За само четири месеци се гледаат ефектите од домаќинското работење. Се намалуваат трошоците за живот, се зголемуваат платите и пензиите, почна заживувањето на економијата“, соопшти ВМРО-ДПМНЕ.„Минималната синдикална кошница за храна и пијалаци во месец октомври, споредено со септември годинава, бележи намалување од 1000 денари. Ова претставува намалување од 5 проценти на трошоците за храна и пијалаци.Тоа е така, благодарение на мерките на владата за ограничување на бруто профитната маржа на 73 производи, кои се најзастапени во потрошувачката кошница граѓаните.Дека владината мерка за ограничување на маржата дава резултати, и дека цените на прехранбените производи се намалуваат, го потврдуваат и до Сојузот на синдикати на Македонија (ССМ).Но, работа и посветеноста на владата во интерес и за зголемувањето на стандардот на граѓаните не застанува тука, и во иднина ќе продолжат мерките за намалување на цените на производите и зголемувањето на платите и пензии.Со тоа, владата ја прави живеачка полесна за сите и е посветена на намалува цените, намалува инфлацијата, на зголемување на животниот стандард и зголемува куповната моќ, како и зголемување на економскиот раст.ВМРО-ДПМНЕ на дело покажува одговорно и домаќинско раководење на државата и грижа кон сите категории на граѓани“, се наведува во соопштението на ВМРО-ДПМНЕ.

Македонија | пред 1 година

Ковачки: Владата предводена од ВМРО-ДПМНЕ во изминатите 100 дена покажа различност, реалзизира повисоки пензии и раст на плати

„Владата предводена од ВМРО-ДПМНЕ во изминативе 100 дена апсолутно покажа различност. Првото ветување сите што го зборувавме во предизборието беше покачување на пензиите за 5,000 денари законски тоа го направивме 2,500 сега и 2,500 денари во април. Тоа и понатаму ќе продолжи да расте и тоа е многу повеќе од тоа што го наследивме. Во буџетот немаше предвидено и пари за исплата на пензиите“, истакна пратеникот од ВМРО-ДПМНЕ Драган Ковачки во гостување во емисијата „На кавга со Иван“ на Канал 5 ТВ.Тој истакна дека како втор проект е покачувањето на платите на наставниците укажувајќи „знаете дека во рок од 4 години владата се договори платите да растат до 46%“.„Обезбедивме учебник за секое дете нешто што досега немаше. Ние дојде ред да се фалиме и гордееме со нешто што сосема беше нормално во изминатиот период кога нудевме компјутер за секое дете, а сега се доведовме во ситуација да нема учебник за секое дете и тоа го реализиравме да има учебни за секое дете“, рече Ковачки.Тој истакна дека средствата за стимулација кон општините се насочени кон сите општини без разлика на политичката провиниенција.„Премиерот потпиша договор со градоначалниците за поделба на средства за капитални инвестиции. 4 милијарди денари се во прашање, а верувам сумата ќе дојде до 6 милијарди денари. Тука не правиме поделба на општини на ВМРО-ДПМНЕ, СДСМ, ДУИ итн., туку даваме на сите општини без разлика од која политичка провиниенција доаѓа“, вели Ковачки.

Македонија | пред 1 година

Наместо да шират дезинформации и да се впуштаат во лов во матно, СДС да ги научат правните норми и прописи по кои работи ЈПДП и конечно да започнат со консолидација на партијата, реагира ВМРО-ДПМНЕ

„СДС демолирана, наместо да шират дезинформации време е конечно да започнат со консолидација на партијата. Наводниот скандал за кој тврди СДС во ЈПДП за 40 те возила кои се пропуштени без да платат патарина е хуманитарен конвој кој години наназад, откако почнал поминувал без да плати патарина. Тоа било пракса и тоа СДС добро го знаат“, реагира ВМРО-ДПМНЕ на прес-конференцијата на СДСМ.„СДС прво да ги научи правните норми и прописи по кои работи ЈПДП, да ги разберат, да научат да ги толкуваат, за потоа да можат да увидат дали постои прекршување, злоупотреби или евентуално простор за санкции, за да не се сведуваат на ниво на шпекулации и „лов во матно“.Јавното претпријатие Државни патишта работи според сите законски прописи и за 4 месеци направи повеќе отколку СДС за 7 години.Владата предводена од ВМРО-ДПМНЕ за 4 месеци направи повеќе отколку СДС и ДУИ за 7 години и тоа народот го гледа на дело.Владата предводена од ВМРО-ДПМНЕ секојдневно работи за конечно државата да стане домаќин на три раскрсници, транспортна, железничка и енергетска. Приоритет на оваа влада предводена од ВМРО-ДПМНЕ е економска трансформација и градење на институциите и инфраструктурата.Наместо да манипулираат и шират дезинформации, СДС треба сериозно да се зафати да си ја консолидираат партијата и да не шират шпекулации“, се додава во реакцијата на ВМРО-ДПМНЕ

Македонија | пред 1 година

Нема фотографија

Милошоски: На Македонија за преговори со официјална Софија и треба стабилна влада во Бугарија

„Предолго трае оваа политичка драма во Бугарија и на овие избори нема убедлив победник, туку дополнителна фрагментација. Оваа ситуација ќе биде уште покомплицирана, бидејќи во составот на новото Собрание во Бугарија влегуваат три политички кои се радикална десница односно антиевропски настроени“, истакна пратеникот и член на ИК на ВМРО-ДПМНЕ Антонијо Милошоски во гостување во централниот Дневник на Сител ТВ во „Тема на денот“.Тој истакна дека на Македонија за понатамошни преговори со Бугарија и одговара стабилна влада во Бугарија со две партии и додаде:„Пречките со напредокот на Македонија би ги поврзал со директна фрагментираност во Бугарија. Проблемот во Македонија настана во моментот кога во Бугарија имаше стабилни влади но за жал, претходната Влада во Македонија прифати услови со кои создаде пречка за сите идни влади во Македонија. Затоа сметам дека потпишувањето на тој фамозен втор протокол од страна на поранешниот министер Бујар Османи заедно советуван со Ковачевски, Маричиќ и другата група раководители на надворешната политика кога го направија најголемиот проблем кога дозволија Македонија да влезе во лавиринтот на билатерализација на историски прашања како пречка на патот кон ЕУ“, вели Милошоски.Тој истакна дека македонскиот план звучи логичен и наидува на разбирање кај голем дел од соговорниците во ЕУ.„Според мене она што беше добиено како порака од посетите на владината делегација во Берлин е дека сепак македонскиот план звучи логично, има аргумент и истиот наидува на разбирање кај поголем дел од соговорниците во рамки на ЕУ, но мора да се напомене дека за истото треба да даде согласност и официјална Софија, затоа би било добро во Софија да има стабилна влада за да може да се разговара на еден рамноправен начин“, посочи Милошоски.

Македонија | пред 1 година

(Видео) За еден месец трошоците за храна и пијалоци намалени за 5%, мерките на владата се ефективни, вели Петрушевски

„За еден месец трошоците за храна и пијалоци намалени за 5%, мерките на владата се ефективни. Владината мерка за намалување на цените резултираше со намалување од 5% на трошоците за храна и пијалоци од синдикалната кошничка, односно 1000 денари“, вели Бране Петрушевски, пратеник на ВМРО-ДПМНЕ.„Синдикалната кошничка во делот на храна и пијалоци опфаќа 43 производи, а владата ги намали цените на 73, што значи дрка реалното намалување се движи и до 1500 денари, т.е. над 5%.На годишно ниво тоа се и до 18.000 денари заштедени во буџетот на едно домаќинство.Владата останува посветена на зачувување на животниот стандард на граѓаните.Покрај намалување на цените, растат пензиите и платите.СДС додека беа на власт животниот стандард паѓаше. Неспособноста заврши со нив“, изјави Бране Петрушевски, пратеник на ВМРО-ДПМНЕ.

Македонија | пред 1 година

ВМРО-ДПМНЕ: Мерките на Владата имаат влијание, после долго време намалени трошоците за живот

„Синдикалната кошничка намалена за 1000 денари, конкретните мерки на Владата даваат решение. Мерките кои ги презема Владата доведоа до намалување на трошоците за храна и пијалоци да се намалат за 1000 денари“, соопшти ВМРО-ДПМНЕ.„Синдикалната минимална кошница, која ја пресметува Сојузот на синдикати на Македонија, пресмета дека трошоците за храна и пијалоци на едно четири члено семејство се намалени за 1000 денари во октомври споредено со септември оваа година.Владата со преземање на реални мерки го зачувува и зголемува животниот стандард на граѓаните.Граѓаните добиваат партнер во Владата. Растат пензиите, платите, се подобрува бизнис климата.Инфлацијата сега е меѓу 2 и 2.5%, во време на владеење на СДС беше двоцифрена.Македонија оди напред, а економијата се трансформира кон подобро“, се наведува во соопштението на ВМРО-ДПМНЕ.

Македонија | пред 1 година

(Видео) Мицкоски во клучен момент подаде рака за постигнување договор за Македонија, од СДС за момент нека заборават на личните интереси, вели Ковачки

„ВМРО-ДПМНЕ многу јасно и недвосмислено подава рака за национално обединување и иницира подготовка на стратегија за државата до 2050 година. Приоритетот интеграција на Македонија во ЕУ е јасен, но на патот до негово исполнување треба да реализираме многу работи, да бидеме подобри, подобри пред се за нас. За тоа да се реализира ни треба јасна стратегија како да стигнеме до целта“, изјави Драган Ковачки пратеник и член на ИК на ВМРО-ДПМНЕ.„Претседателот Христијан Мицкоски јасно кажува дека треба да се дефинираат приоритетите за развој на државата и тоа во повеќе области и да се одговори на повеќе предизвици, како демографски, економски, земјоделски, енергетски, транспортни и слично.Ги повикуваме СДС повторно да размислат и покрај нивното првично негодување за обединување околу една стратегија со помош на умовите од академската заедница.СДС мора да ја надмине кратколгледоста. СДС мора да прекине да мисли на интереси на поединци од партијата и на партиските интереси.Седум години ја запоставија Македонија, која не само што стагнираше, туку и назадуваше во одредени области.СДС мора да ги сфати зборовите на претседателот Мицкоски кој на 23 октомври во средата кажа цитирам „ова е суштински период верувајте. ова е период од кој ќе се знае ќе не биде или не, знам дека звучи драматично, некому можеби ќе му звучи и патетично, но дали знаете дека ако сакаме да успееме, немаме избор освен да соработуваме и тоа мора да почне веднаш и сега“, затворен цитат.Ако им треба време нека размислат уште малку, нека не брзаат, за момент кога ќе размислуваат на оваа тема за обединување нека заборават на личните и партиски интереси.Повторувам, од СДС нека се обидат да ги остават зад себе личните и партиски желби, нека го направат тоа за граѓаните, за државата, за подобро утре за сите.Претседателот Мицкоски конструктивно, во клучен момент подаде рака и ги покани сите заедно да постигнеме договор за Македонија! На потег е опозицијата, на потег е СДС, нека не размислува дневно политички, нека се преиспита. На потег е и академската заедница!“, соопшти Драган Ковачки пратеник и член на ИК на ВМРО-ДПМНЕ.

Македонија | пред 1 година

„На Македонија и треба долгорочна стратегија за раст и развој, СДС да се вразумат и партиски да се надминат“, вели ВМРО-ДПМНЕ

„ВМРО-ДПМНЕ преточена во владино раководство на чело со претседателот Христијан Мицкоски, покажува вистинско лидерство и визија во водењето на Македонија. Македонија има насушна потреба од нова визија, стратегија, долгорочен план за вистински развој во чие креирање ќе бидат вклучени најголемите македонски умови“, соопшти ВМРО-ДПМНЕ.„Токму тоа е и целта на последниот проект кој што го понуди претседателот Мицкоски повикувајќи на општо обединување.Повикот за обединување и креирање на стратегија за државата 2025 е конкретен проект, кој на едно место ќе ги собере македонските академци и интелектуалци. Идејата и визијата на претседателот Мицкоски е покрај општо народно обединубање, членовите на МАНУ и универзитетската заедница, сите професионалци во својата област да ги опфати приоритетите за развој на државата, демографските предизвици, економските цели како и начинот на нивно остварување.Покрај тоа, стратегијата треба да го опфати и земјоделскиот и технолошки развој, енергетскиот и транспортен развој, подобрувањето на животната средина, образованието, како и да овозможи здравство во тек со светските достигнувања.Токму ова е потребно за државата за да го фати текот со новото време, каде што научните, технолошките и економски процеси забрзано се развиваат.И за сето ова да се испланира, спроведе и реализира потребно е внатрешно обединување. Заради тоа, ги повикуваме СДС да се надминат себеси и барем еднаш во нивното партиско делување, државните интереси да ги стават над партиските.СДС треба да престане од ракав само се и сешто да одбива, туку за се што е во интерес на државата, како што е случајот со стратегијата за државата 2025, да ја поддржи. Тоа им го должиме, како генерација на одговорни политичари, на генерациите што следат после нас“, се наведува во соопштението на ВМРО-ДПМНЕ.

Македонија | пред 1 година

(Видео) СДС да се охрабрат и да ја поддржат визијата на Мицкоски за стратегија за Македонија до 2050, вели Ковачки

„Македонија има потреба од сеопфатна стратегија за правецот во кој ќе се движи во наредните децении. Визијата на претседателот Христијан Мицкоски за стратегија на државата до 2050 година е столб кој мора да не обедини како општество“, рече Драган Ковачки, пратеник и член на ИК на ВМРО-ДПМНЕ.„ВМРО-ДПМНЕ го повикува СДС да ги напушти теснопартиските интереси и да го прифати предлогот на претседателот Мицкоски. Важно е како опозиција да покажат конструктивност и чувство на одговорност кон државата.Ги повикуваме СДС да се произнесат. Визијата на претседателот Мицкоски за стратегија на државата до 2050 година ги опфаќа приоритетите на развој на државата, демографските предизвици, економските цели и како да се стигне до нив, земјоделски и технолошки развој, енергетски и транспортен развој, подобрување на животната средина, образование и здравство во тек со светските достигнувања. Македонија има потреба од нова парадигма, која ќе ја внесе државата во новото време.Ние не смееме да заостануваме кога се’ во светот се менува, а научните и економски процеси забрзано се развиваат.Македонија не смее да биде заложник на нечии теснопартиски интереси, ниту пак да биде монета за поткусурување на нечии политички кариери.Интересот на државата и на генерациите кои доаѓаат после нас мора да биде врвен приоритет. Тоа може да се оствари само со една сеопфатна стратегија, која ќе го трасира патот за развој на државата, каде граѓанинот и неговиот интерес ќе бидат јадрото.СДС да излезат од својата деструктивна матрица во која се затворени со години, и да покажат конструктивност и одговорност, затоа што потоа нема да имаат можност со ништо да се оправдаат пред идните генерации.Имаме одговорност како генерација да ја унапредиме државата и да овозможиме подобра стартна основа на генерацијата после нас, од таа што сме ја имале ние. И нека тоа биде императив за секоја идна генерација, така Македонија ќе биде секогаш држава која расте и се развива.Претседателот Мицкоски отвори дебата, ги повикуваме сите чинители во општеството да се вклучат“, изјави Драган Ковачки, пратеник и член на ИК на ВМРО-ДПМНЕ.

Македонија | пред 1 година

Лефков: За земени кредити и нереализирани капитални проекти поради неспособноста на владата на СДС, државата платила 25 милиони евра камата

Пратеникот во македонското Собрание и член на ИК на ВМРО-ДПМНЕ, Миле Лефков во „Утринско Еспресо“ на радио Лидер, рече дека имаме опозиција која е слабо раководена и координирана, затоа настапува со критики по основ дневни политички темиЗборувајќи за состојбите во македонската опозиција, Лефков рече дека имаме исклучително слаба и лошо координирана опозициска партија, додавајќи дека истовремено се работи за опозиција кој е без конкретни теми за кои може да и забележи на власта, затоа и нивните настапи во Собрание се слаби.„Можете да забележите дека опозицијата се води, би рекол, од дневно политички теми и коментари во недостаток на конкретни и конструктивни предлози. Последна тема за која се спротивставија беше Унгарскиот кредит за кој обвинуваа дека станува збор за кинески пари за кој добија шлаканица, лично од Орбан“, посочува Лефков.Тој потсетува дека во изминатиот седумгодишен период поради одобрените земени кредити, а неповлечени средства поради немањето капацитет да се реализираат капитални проекти државата има платено некаде околу 25 милиони евра. Значи трошокот за нереализирани капитални инвестиции си добива само уште еден параметар, а тоа е 25милиони евра.„Да не потсетувам за оној заем кој не чинеше плус 17 или 18 милиони евра, се сеќавате кога министерот за правда беше приморан да даде оставка, па не ја потпиша еврообврзницата за која беа платени сите трошоци, а потоа се издаде со повисока каматна стапка. Ако сето тоа го пресметаат економистите, доаѓате до загуба од 15 до 17 милиони евра, се на грбот на граѓаните, со тоа што не можеме прецизни затоа што никогаш не беше објавено чинењето на консултантските услуги за таа обврзница“, истакна Лефков.Лефков посочи дека токму на оваа линија тие покажаа двојно полоши параметри и дека оние кои не задолжуваа во изминатиот период со емитување на државни обврзници со каматни стапки од 6,25% па нагоре, сега држат говори и излегуваат да критикуваат дупло поевтини кредити.

Македонија | пред 1 година

„Мицкоски ја фрли ракавицата кон СДС, останува да се види дали СДС ќе ја надмине политиката на водење на Македонија од ден за ден“, вели ВМРО-ДПМНЕ

„Од кога почнав да се занимавам со политика тврдам - На македонското прашање му е потребна енергија. И сметам дека денес дојде денот да отпочнеме еден сериозен проект, порача претседателот на ВМРО-ДПМНЕ и премиер на Македонија, Христијан Мицкоски на вчерашното одбележување на 23 октомври, Ден на македонската револуционерна борба“, соопшти ВМРО-ДПМНЕ.„Станува збор за проект кој Владата ќе се обиде да го договори со МАНУ и со универзитетската заедница. Идејата е проектот да биде сеопфатен и преточен во стратегија на државата до 2050 година. Целта на овој проект е да се дефинираат приоритетите на развој на државата, демографските предизвици, економските цели, и како да се стигне до нив, земјоделски, технолошки развој, енергетски и транспортен развој.Ракавицата од Мицкоски е фрлена кон СДС.Мицкоски потенцираше дека „мора да ги користиме знаењата на сите кои можат да помогнат, ние мора да се обединиме и да поставиме долгорочни цели за развој на државата“ и додаде „потоа ќе побарам широк партиски консензус за прифаќање на таа стратегија, на државата тоа и недостасуваше со години“.СДС сега треба да се надмине да заборави на приоритетите на поединци, на партиските приоритети и да подаде рака за развој на државата по сите погубни политики кои ги водеа во последните седум години.СДС мора да ја надмине кратковидоста и да прифати државна стратегија бидејќи само така Македонија ќе може да оди напред.Мицкоски заклучи „на граѓаните им е потребна им е стратегија и преку глава им е од водење на државата ден за ден“.Станува СДС да покаже што и е поважно лични и партиски интереси или Македонија!“, се наведува во соопштението на ВМРО-ДПМНЕ.

Македонија | пред 1 година

Нема фотографија

Петрушевски: СДС е во фаза на самоуништување и во опозиција не умее да биде конструктивна, а тоа е потребно за доброто на Македонија

„Народот го кажа мислењето за СДС, дека не ги бива и го доживеаа најлошиот и најкатастрофалниот резултат во историјата на постоењето на плурална Македонија и на СДС како политичка партија“, изјави пратеникот на ВМРО-ДПМНЕ на гостувањето на актуелниот подкаст „ВМРО – ДПМНЕ зборува“.Петрушевски спомена дека иако пратениците од СДС биле против унгарскиот заем, сепак нивните градоначалници аплицирале за да земат средства и напомена дека тука се гледа целото нивно лицемерие. Нивната неспособност да поздрават и поддржат добри политики. Исто така спомена дека како партија сеуште се во некаква реорганизација на која и нема крај.„Имаше случај кога пратениците беа против законот за поволниот заем од Унгарија кој што го обезбеди Владата, додека од нивната страна нивните градоначалници буквално сите до еден аплицираа со проекти за да земат пари од тој заем иако СДС го критикува. Венко Филипче како претседател го нема во Собранието, дел од другите функционери поранешни сегашни пратеници исто така ретко можат да се видат во Собранието, не предлагаат закони или пак некакви проекти и решенија“, рече Петрушевски.Исто така тој додаде дека констатациите кои ги дава не се затоа што се грижи за СДС, туку дека на политичката сцена е потребна опозиција која ќе дава конструктивни критики и предлози, се со цел да може да се работи за доброто на граѓаните.„Ова го зборувам не затоа што ми е грижа за проблемите во СДСМ, туку зборувам дека во Македонија мора да имаме конструктивна политичка опозиција и тоа е добро за државата. Ако ја имаме СДСМ во фаза на уништување, ако ја имаме Левица која што не ја интересира буквално државата и граѓаните туку само лични привилегии, ако го имаме ДУИ кој што исто така го интересираат само некакви националистички теми не е добро за државата, за демократијата. И мислам дека крајно време е целата опозициска сцена во Македонија да се консолидира, да се реформира за да можеме да имаме соговорници, да може да добиваме конструктивни критики и предлози кои што ќе можеме да ги имплементираме токму во интерес на граѓаните“, заклучи Петрушевски.

Македонија | пред 1 година