еу

Изјавата на Македонија во ЕУ за македонскиот јазик

Политички состанок на Меѓувладината конференцијаза пристапувањето на Северна Македонија во Европската Унија Брисел, 19 јули 2022 годинаЕДНОСТРАНА ИЗЈАВА НА РЕПУБЛИКА СЕВЕРНА МАКЕДОНИЈА(да се приложи кон записникот на првата политичка МВК)Како што е прoпишано во Уставот на Република Северна Македонија, македонскиот јазик и неговото кирилско писмо е службен јазик на Република Северна Македонија на целата територија на државата и во нејзините меѓународни односи.Литературниот македонски јазик е кодифициран во 1945 година. Согласно сознанијата утврдени со акти, широко прифатените теории и емпириските истражувања на современата светска славистика и лингвистичката наука, македонскиот јазик има свој јазичен, просторен и временски континуитет. Овој континуитет се заснова на специфичниот развој на дијалектите што се во неговата основа и биле распространети на територијата на денешна Република Северна Македонија. Македонскиот јазик се определува како словенски јазик, кој се наоѓа во јужнословенската група јазици, кој низ вековите растел, се развивал и се издигнал во наддијалектен, национален стандарден јазик на Македонскиот народ.Македонскиот јазик беше признат на Третата Конференција на ОН за стандардизација на географските имиња, одржана во Атина во 1977 година.Македонскиот јазик се изучува на многу катедри за славистика и лекторати на факултети и универзитети низ Европа и светот. Неговата долга говорна и писмена традиција е неоспорен факт во лингвистичката наука. Литературата напишана на македонски јазик е добитник на меѓународни награди и признанија.При склучувањето на било какви договори, спогодби и документи на Република Северна Македонија со Европската унија кои содржат јазична одредба со поименично наведување на сите официјални јазици на ЕУ, како што е договорот за соработка со Фронтекс, Северна Македонија очекува истите да се потпишат со поименично наведување на македонскиот јазик без било какви објаснувања, додавки или фусноти.Во текот на преговорите за пристапување се до нивното завршување со склучување на Договор за пристапување на Република Северна Македонија во ЕУ и по приемот во полноправно членство во ЕУ, Северна Македонија нема да прифати да разговара за поинакво решение за Македонскиот јазик од тоа наведено во Преговарачката рамка. Со приемот на Северна Македонија во полноправно членство во ЕУ, Македонскиот јазик треба да стане еден од службените јазици на ЕУ.

Македонија | пред 3 години

Изјава на претседателот Пендаровски по повод почетокот на пристапните преговори за членство во ЕУ

Им честитам на сите македонски граѓани за официјалниот почеток на преговорите за полноправно членство во ЕУ. И покрај предизвиците со кои се соочувавме низ годините, граѓаните ја одржаа поддршката за исполнувањето на нашата европска агенда.Започнуваме нова фаза за политичка интеграција, да станеме дел од европското семејство на нации, каде македонскиот јазик ќе биде еден од службените јазици на Унијата.Нѐ чека напорна работа, вложување на целокупните општествени и институционални капацитети за понатамошните фази на процесот на преговори.Благодарност до сите кои низ годините беа дел од институциите кои работеа на пристапувањето кон Европската Унија и максимално се вложуваа за успешна евроинтеграција.Да овозможиме европските вредности на слобода, демократија, правда, различност и просперитет да завладеат и кај нас дома, во нашата заедничка татковина.

Македонија | пред 3 години

Апасиев: Го шитнаа народот за една фотосесија

Пратеникот Димитар Апасиев, кој е и лидер на Левица, посочи: „Ќе победиме“. Тој за денешното патување во Брисел на половина од македонската Влада вели дека е само фотографирање.„За една фотосесија на ко божемска "конференција" која не постои во европското право - го шитнаа и народот, и јазикот, и културата, и историјата и Републиката!? СДС не е партија. СДС е дијагноза“, напиша Апасиев.Инаку, во Брисел се одржува првата Меѓувладина конференција.

Коментари | пред 3 години

Верхеји: Претставниците на народот јасно кажаа дека ова сакаат да продолжи и пристапниот процес да се забрза

Оливер Вархеји, еврокомесар за проширување и соседска политика на ЕУ посочи дека Македонија забрзано ќе чекори на патот кон ЕУ. Скринингот почнува веднаш, додаде тој.„С. Македонија е партнер од доверба. За првпат ја применуваме ревидираната методологија, целосно, со новите пристапни преговори. Нашата порака денес за граѓаните од С. Македонија е јасна, ве сакаме во ЕУ. Тука не постојат сомнежи. Денес праќаме и моќна порака и надвор од него. Ќе продолжиме да правиме се што можеме за да се забрза процесот на преговори со ЕУ. Уште попладнево ќе почнеме со скининг на законодавството на ЕУ. Уверен сум дека со одлучноста и решителноста на Македонија ќе можеме да работиме брзо и ефективно во текот на преговорите“, рече Вархеји.„Премиере знам дека не беше лесно, но го избравте најдемократскиот процес, го прашавте Собранието, а тоа кажа многу јасно. Претставниците на народот јасно кажаа дека ова сакаат да продолжи и пристапниот процес да се забрза. Европа донесе исто така одлука и се согласи со вашето Собрание. Ова ни се моментите кои се потреби, кои ќе ја порменат и унапредат Европа. Сакаме да продлжите да комуницирате со сите во С. Македонија, потребни ни се да работат за земјата, за тоа С. Македонија да стане земја членка“, додаде Вархеји.

Македонија | пред 3 години

Али Ахмети се обрати за првата меѓувладина конференција

Претседателот на Демократската унија за интеграција, Али Ахмети по повод одржувањето на првата меѓувладина конференција на земјата со Европската Унија во Брисел им честиташе на сите граѓани за овој важен момент кој значи деблокирање на евроинтегративниот процес.Во продолжение неговата целосна објава:Почитувани граѓани,Започнуваме ново поглавје. Секогаш сме докажале дека заедно можеме да го надминеме секој предизвик.Европа е нашиот дом и немавме друг избор и покрај препреките низ кои поминавме.Во овие 20 години покажавме дека знаеме да водиме и насочуваме големи процеси за доброто на сите граѓани со голема поддршка од нашите меѓународни сојузници, особено од Брисел и Вашингтон.Со храбри и мудри одлуки решивме предизвици кои за некои изгледаа како невозможна мисија и затворивме отворени билатерални прашања.Притоа, во ниту еден случај не отстапивме од европскиот курс, од реформите и изградбата на добрососедските односи и регионалната соработка. Остануваме посветени на спроведувањето на реформските процеси и постигнатите договори.Патувањето секако не беше лесно, но не беше и невозможно бидејќи нашата ориентација кон големото европско семејство беше јасна.Ја користам ова прилика да им честитам на сите наши граѓани за почетокот на преговорите за членство во Европската Унија, со што ќе ви обезбедиме јасна перспектива, безбедност во земјата и регионот како и пошироко, а со една единствена цел за поголема благосостојба за идните генерации.Продолжуваме напред со целосна храброст, одлучност и максимална посветеност!

Македонија | пред 3 години

Мора да има измени на Уставот, дециден е Вархеји

Уставните измени мора да се случат. Еврокомесарот за проширување Оливер Вархеји, се обрати до опозицијата, која е децидна дека нема да гласа за промена на Уставот, да докажат дека се посветени да се случи членството на Македонија во Европската Унија.„Во врска со уставните измени, мислам дека е јасно дека тие мора да се случат. Постои јасна посветеност, не само од Владата туку и од Собранието. Токму поради тоа кажав дека ова е најдемократскиот начин да се добие мандат за Владата. Затоа што, уредувањето на францускиот предлог вклучува дел од компетенциите на Собранието. Затоа беше важно да се слушне Собранието и Собранието јасно покажа дека се подготвени за вакво нешто“, кажа Вархеји.Тој изрази надеж дека и опозициските партии, ВМРО-ДПМНЕ и Левица, кои кажаа дека нема да гласаат уставни измени, а без кои нема мнозинство, ќе се вклучат во работата за европска иднина.„Искрено се надевам дека сите партии, вклучително и опозицијата ќе работат за европската иднина, дека нема да започнат со контроверзии и предизвикување емоции кои нема да ја носат земјата напред. Емоции кои нема да резултираат со ништо битно во земјата. Ја повикувам опозицијата, а имав прилика да видам како се надминаа границите на европски вредности. Но се надевам дека со оваа одлука денес, можеме да свртиме нова страна и да работиме, С. Македонија да стане земја членка. Ги читав изјавите на опозицијата, тие секогаш тврдат дека се посветени да се случи ова членство на земјата. Ајде да го докажеме тоа“, додаде Вархеји.Во врска со извештаите кои се бараат со францускиот предлог, а се однесуваат на добрососедските односи меѓу Македонија и Бугарија, Вархеји даде свое објаснување.„Извештаите на Комисијата се годишна активност. И можеби медиумите не го откриле тоа, но известуваме за овие прашања, добрососедските односи, со сите земји кои пристапуваат. Самото посебе, известувањето постои за да ги презентира фактите, не само за земјите членки туку и јавноста“, додаде тој.

Македонија | пред 3 години

Груби: Во срцето на Европа ја проектираме европската иднина

Првиот потпретседател на Владата на Република Северна Македонија од Брисел денес им честиташе на граѓаните на земјата за реализацијата на првата меѓувладина конференција на земјата со Европската унија, момент од кој земјата ја започнува активната фаза на преговорите за интеграција.Груби истакна дека ова достигнување е резултат на определбата на граѓаните, на искрената работа за да се надмине секој предизвик, за да се има хоризонт без никакви пречки кон интегративниот процес.Во продолжение целосната изјава на Првиот подпретседател на Владата на нашата земја, Артан Груби од Брисел:“Дојде денот кога сите напори за одржување на прозападната ориентација на земјата се крунисаа со успех, кога целиот наш конструктивен пристап да имаме хоризонт без никакви пречки кон крајната цел на интеграцијата стана реалност.Се наоѓаме во Брисел на првата меѓувладина конференција и од денес заедно со граѓаните на земјата почнуваме да го пишуваме новото поглавје на напредокот и развојот, тоа на почетокот на преговорите за членство во Европската Унија.Колку само предизвици имавме пред нас, се чинеше невозможно да се постигне целта, колку идеологии на дезориентација и страв од регресивните сили сакаа да не спречат да ја постигнеме оваа цел, но со решителност, со работа, со голема поддршка од цела Европа успеавме да седнеме на работната маса во срцето на Европа денес за да ја проектираме европската иднина.Ни претстои многу работа, голема одговорност да ги спроведеме следните процеси, но со зрелост и рационалност, како и досега, ќе успееме да ги надминеме сите предизвици. СО СРЦЕ И УМ ЗАЕДНО КОН ЕВРОПА!“.

Македонија | пред 3 години

„Честитки до граѓаните, нашата земја е Европа во мало“, рече Ковачевски говорејќи за компромисите

Премиерот Димитар Ковачевски честиташе на граѓаните на Македонија, на кои им порача дека овој ден, кој го нарече историски, е нивни ден. Кажа дека донесени се тешки одлуки, патриотски одлуки, за да се отпочнат преговорите.„Им честитам на граѓаните на Република Северна Македонија, тие се најзаслужни за овој ден. Тие не се предадоа пред ниту еден предизвик, пред планини тешки отстапки и компромиси, за да го исполнат својот сон, припадност во ЕУ. По 17 години и тешки компромиси, се отвора приемот на Македонија кон ЕУ. Првиот чекор е направен. Денес почнуваме ново поглавје во македонската историја“, кажа Ковачевски.Според него, залагањето за просперитетот на државата е најголем патриотизам.„Зачуван е македонскиот јазик, ЕУ не прифаќа како Македонци кои говорат македонски јазик. Ова е обезбедено засекогаш, не се преговара за ова, ниту ќе се преговара. Сите ќе излеземе посилни и постабилни“, додаде Ковачевски.Според него, помошта која ЕУ ќе ја обезбеди, ќе овозможи македонските граѓани да добијат европска поддршка.„Со верба во себе, предците, посебноста, ја движиме државата напред. Градиме европско општество. Нашата држава е Европа во мало“, додава тој.

Македонија | пред 3 години

Ковачевски: Во овој голем ден е вграден трудот и работата на сите граѓани и чинители од осамостојувањето до сега

Премиерот Димитар Ковачевски пред почетокот на Првата меѓувладина конференција во Советот на Европската Унија изјави дека во овој голем ден за Република Северна Македонија е вграден трудот на голем број лидери на земјата, но и трудот и работата на сите граѓани.,,После 17 години чекање, после 17 години носење на тешки, важни, патриотски одлуки Република Северна Македонија денес ги започнува преговорите за полноправно членство во ЕУ. Во овој голем ден вградена е работата, трудот на сите граѓани на државата без разлика на нивната етничка, верска или било каква друга припадност. Вграден е трудот и работата на голем број лидери на државата од нејзиното осамостојување, од првиот претседател Киро Глигоров, премиерот Кљусев, преку претседателот Борис Трајковски, Црвенковски и другите премиери, министри на државата. Сите вработени во институциите кои работеа на подготовки на Република Северна Македонија за отпочнување на преговорите.Ова е резултат и на големата одлука што граѓаните преку своите пратеници во Собранието ја донесоа во изминатите денови каде што многу јасно кажавме дека ние сме држава која што е Европа во мало и која што цивилизациски, историски и на секој друг начин припаѓа во ЕУ. Овој голем ден го започнавме со заедничка прес-конференција и состанок со претседателката на ЕУ, со премиерот на Албанија на чиишто граѓани исто така сакам да им го честитам почетокот на преговорите со ЕУ и со чешкиот премиер кој и претседава со ЕУ. Сакам да им се заблагодарам на францускиот претседател Макрон, на германскиот канцелар Шолц и на сите други претседатели и премиери на 27-те земји членки на ЕУ за што денес Република Северна Македонија ги започнува преговорите со ЕУ”, изјави Ковачевски.

Македонија | пред 3 години

СДСМ и ДУИ водени од болна амбиција за власт, дозволија Бугарија да го оспорува македонскиот јазик, вели ВМРО-ДПМНЕ

СДСМ ги лажеше граѓаните дека македонскиот јазик е загарантиран и никој не го оспорува. Вистината е дека СДСМ со своите предавнички политики им отвори врата на негаторите на македонскиот јазик и идентитетот постојано да оспоруваат. Последниот доказ за тоа е изјавата на бугарското МНР кое тврди дека за нив македонскиот јазик е непризнат. Ова е огромен дипломатски пораз за Македонија, вели ВМРО-ДПМНЕ„Дипломатијата на Ковачевски и Османи дозволи Бугарија да подготви документ поврзан со нашето пристапување во ЕУ, во кој го оспорува македонскиот јазик и го нарекува бугарски дијалект. Тоа е срамно и преставува предавство. Дека оваа власт на СДСМ и ДУИ ништо не загарантирала говори и изјавата на портпаролката на ЕК, што целосно се коси со уверувањата кои ги даваат владините функционери. Ова покажува дека власта на СДСМ и ДУИ водени од болната амбиција за власт, распродаваат и асимилираат се што е македонско.Предавникот Ковачевски треба да знае дека за овие велепредавства ќе одговара. И ќе има одговорност“, се вели во соопштението.

Македонија | пред 3 години

Фон дер Лајен се обрати: Албанија и С. Македонија ги почнуваат преговорите

Луѓето од Албанија и Северна Македонија го заслужуваат ова. Ова е ставот на претседателката на Европската комисија, Урсула Фон дер Лајен. Таа кажа дека денеска двете држави ги отвораат пристапните преговори со ЕУ. За неа, ова е успех на граѓаните и државите.„Македонија набрзо ќе преговара со нас за ФРОНТЕКС. Тоа ќе ја зацврсти нашата соработка за миграцијата. Можете да сметате на мене за да бидете сигурни дека договорот ќе биде преведен на македонски јазик без фусноти. Ќе има зголемени инвестиции, подобрени трговски врски, подобра соработка за енергетиката и транспортот. И ова е она што вашите граѓани го чекаа толку долго и го заслужуваат. Покажавте лидерство, стратешко трпение. Особено Еди. Покажавте дека сте вистински пријатели и партнери“, посочи Урсула Фон дер Лајен.Таа посочи дека се покажало отпорност и задржана е вербата во пристапниот процес со борбата против корупцијата, зацврстување на правото, добро граѓанско општество, бројни реформи.

Македонија | пред 3 години

Борељ за пристапните преговори со Македонија и Албанија: Ова е истоориски момент

Шефот на дипломатијата на ЕУ, Жозеп Борељ, за денеска најави почеток на пристапните преговори со Македонија и Албанија.Тој оцени дека ова е „историски момент“.Борељ изјави дека гласањето во македонското Собрание ја „отвори вратата“ за процесот што ќе започне денеска со Меѓувладината конференција во Брисел.„Ова е добра вест. Немаме многу добри вести, но се надевам дека ова ќе го зајакне нашиот ангажман на Балканот“, рече Борељ.

Македонија | пред 3 години

Се огласи и Османи за францускиот предлог

„Со оглед на чувствителноста на моментот, сакам да посочам дека објавените документи во некои од медиумите не се финалниот предлог кој Француското претседателство го сподели денес со Владата преку Министерството за надворешни работи“, посочи Бујар Османи, министер за надворешни работи.„Имаме целосно разбирање од јавноста за потребата да бидат запознаени со содржината на предлогот, но во исто време ќе замолиме за кратко трпение со цел да поминат консултациите низ институциите и предлогот соодветно да биде презентиран. Како што беше ветено, почнуваме процес на широку консултации и автентичниот предлог интегрално ќе биде ставен на увид на јавноста“, додаде тој.

Македонија | пред 3 години

Нехамер: „Босна може да стане кандидат оваа година“

Босна и Херцеговина оваа година и официјално би можела да добие статус на кандидат за членство во ЕУ, истакна австрискиот канцелар Карл Нехамер.По Европскиот совет, Нехамер рече дека има промена на парадигмата. Според него, БиХ успеала повторно да се најде во фокусот, иако Украина и војната таму се доминантна тема.Тој потсети дека БиХ мора да спроведе 14 реформски точки, бидејќи досега направила премалку.Доколку БиХ сега ја спроведе реформата на изборниот закон и Уставот, тогаш земјата има јасна можност да добие статус на кандидат, а штом ги исполни сите 14 претходно поднесени барања, тогаш можно е да ги започне пристапните преговори, убеден е Нехамер.Тој пренесе дека од Самитот е испратена порака до Европската комисија да се забрза процесот за кандидатите.„Тоа ќе донесе резултати оваа година“, рече тој.

пред 3 години

ВИДЕО: Францускиот предлог не е прифатлив, рече Ковачевски и ја искара и ЕУ

Изарзив незадоволсто од динамиката со која се одвиваат пристапните преговори. Македонија е кандидат близу 18 години. Ова што се случува e сериозен проблем и сериозен удеар врз кредибилитетот на ЕУ. Македонија и Албанија не смееме да дозволиме да тапкаме во место поради една земја членка која едноставно не успева да се искоординира и да обезбеди деблокада на нашиот европски пат. Бугарија реши да се врати во минатото и повторно да постави блокада која никому не оди во прилог. Македонија направи многу, донесовме многу тешки одлуки, врме Ееу да ги даде своите ветувања пред да даде нови, ова го изјави Димитар Ковачевски по самитот на ЕУ.„Во врска со францускиот предлог, предлог кој би бил прифатлив треба да ги гарантира клучните елементи: чиста формулација за македонскиот јазик во преговарачката рамка и јасна заштита на македонскиот идентитет. Иаториските прашања не можат да бидат критериуми во преговарачката рамка. Преговорите меѓу Македонија и ЕУ мора да почнат пред почнување на постапката за уставните измени за вклучување на Бугарите, Хрватите и Црногорците во преамбулата на уставот. Предлогот во ваква форма е неприфатлив за мене, претседателот на државата, за Владата, за коалиционите партнери и за граѓаните на Македонија“, изјави Ковачевски

Македонија | пред 3 години