ГЛАВНИ-ВЕСТИ

Според бројот на издадени државјанства, Каракамишева на ФБ ги преброи националностите во државата

-Согласно ажурираните податоци за издадени државјанства, во Македонија има нешто повеќе од 2,4 мил.издадени државјанства, од кои 1.883.612 (72,66%) се декларирале како Македонци, 375.601 (16,7%) – Албанци,2,66% Роми, 3,85% Турци, 1,78% Срби,0,84% Бошњаци,0,48% Власи и 1,03% други.https://www.facebook.com/Karakamisheva/posts/2161714330579125Четиво за оние кои се уште се прават недоветни дека не разбираат и не знаат што се случува на Балканот!, напиша професоркта Тања Каракамишева на својот фејсбук профил.По оваа објава на Каракамишева грст од коментари, од оние кои се сложуваат со неа и ја поддржуваат, до оние кои го тврдат спротивното.

Македонија | пред 7 години

Скопје: Повредени 34 лица во сообраќајки

Триесет и четири лица се здобиле со лесни телесни повреди во 16 од вкупно 34 сообраќајни незгоди што се случиле изминатиот викенд на подрачјето на Град Скопје. Во 18 сообраќајни незгоди е причинета материјална штета.Според податоците на Министерството за внатрешни работи полицијата од сообраќај исклучила 114 возачи кои се движеле со поголема брзина од дозволената, 12 возачи кои управувале возило под дејство на алкохол, 35 пред да се стекнат со право на управување моторно возило и 10 почетници.Од сообраќај биле исклучени и 20 нерегистрирани возила, 115 за не прописно паркирање, а со специјалното возило „пајак“ биле подигнати 75 возила.Полицијата санкционирала и 11 возачи кои поминале крстосница на црвено светло, четири возачи кои не даваат првенство на минување на пешаците на обележан пешачки премин, еден за не правилно престорјување, четворица за не правилно престигнување, четворица возачи кои не даваат првенство на минување на возила во зона на крстосница, девет за не поседување пропишана зимска опрема во возилата, 10 за не носење сигурносен појас од страна на возачите за време на управување на моторни возила и четворица за користење на мобилен телефон од страна на возачите за време на управување на моторни возила.

Скопје | пред 7 години

Мицковски: Над 150 деца во моментов се хоспитализирани на Детската клиника поради загадениот воздух

Над 150 деца во моментов се хоспитализирани на Детската клиника, а голем дел од нив се соочуваат со респираторни нарушувања поради загадениот воздух, напиша на Фејсбук новинарот Ивор Мицковски.„Ниту една конкретна мерка не презедоа, шминка до шминка, алиби до алиби. Домаќинствата биле, не можеле ништо, ќе требале години, а кога требаше да дојдат на власт, ветувања, ќе се мерело, ќе се возело еколошки, немало градби да има.Па Град Скопје со таа градба кај Јужен, го загади градот за уште толку. Насекаде се гради ко лудо, додека сте договорени со градежна мафија да раскажувате како имало пад во градбата, па уште на цел памет да изјавувате дека слободна механизација немало да остане оваа година. Цела држава е депонија, цела држава ја загадуваат неколку големи газди и ништо не правите, освен пред избори да им поделите на градоначалници пари наводно да преместат депонии еден километар. Дрисла ќе ја затваравте, Дрисла ве јебала, се што кажавте излажавте. Една шајка не тргнавте од СК 2014-та, очи и слух немате за никаква сугестија, узурпација на јавен простор оставивте, една тераса не тргнавте, барокот им го доградувате и сервисирате. Како не ви е срам, вие не сте власт, вие сте корумпирани гниди кои го оправдувате и легитимирате режимот и неговите симболи. Вие немате ефективна власт, прво зошто сте неспособни, второ зошто немате никаков културен хоризонт и вредносен систем, вас ве занима само да товарите магарето и да раскажувате приказни. Градот се распаѓа, буквално, вие го доуништувате тоа што требаше да почне да се менува и спасува. Ма што се објаснувам бе ја, реалноста е пред очите на сите, каков пропалитет сте вие“, стои во објавата на Фејсбук.

Македонија | пред 7 години

ЕКСКЛУЗИВНО: ВМРО-ДПМНЕ има прислушкувани разговори од владеењето на Заев

Нови прислушкувани разговори се подготвени за објавување во јавност,  дознава „Скопје 1“ од упатени извори во процесот.Опозициската ВМРО-ДПМНЕ поседува нелегално прислушкувани телефонски разговори во периодот по 2016 година, дознава „Скопје 1“ од извори во партијата.Во сниманите разговори од изминативе три години, генерално се слушаат гласови на актуелни политичари, министри функционери. Темите се поврзани со пазарења за судски процеси, добивање гласови од пратеници, јавни набавки, но и други важни прашања,Овие информации вечерва ги потврдија и функционери од највиското раководство во ВМРО-ДПМНЕ, од каде додаваат дека секојдневно добивале докази за незаконитости во работењето на власта, а се децидни дека за тоа кога тогаш ќе понесат одговорност.Од партијата велат дека немаат намера да влегуваат во преговори за носење Закон со кој би се спречило нешто, што би довело до правна разврска и понесување одговорност на сторители на различни криминални дела.„До нас секојдневно стигнуваат материјали и документи од незаконското работење на кадри на оваа влада, на локално но и на централно ниво. Македонија не е веќе заробена држава. Криминалци ја окупирале Македонија. Ова е страшно што се случува во Македонија. Инаку за нелегално емитување на прислушкувани материјали ние како партија секогаш сме имале јасен став дека незаконски стекнати присклушкувани материјали не смеат да се емитуваат или да бидат користени како докази во судска процедура. СДСМ и Зоран Заев откако ја уништија правната држава и владеењето на законите и уставот за политички цели сега ќе се обидат да донесат законски решенија со кои ќе сакаат да ги покријат криминалите кои секојдневно ги прават“, коментира висок функционер од ВМРО-ДПМНЕ за „Скопје1.мк“.На прашањето дали ќе ги објават снимките кои ги поседуваат, односно што ќе прават со материјалите, функционерот на опозицијата вели „Откако ќе биде поразена оваа криминална влада, прв приоритет ќе биде враќање на правната држава и владеењето на правото, а сторителите на криминал ќе бидат изведени пред лицето на правдата без разлика на име и презиме, партија или функција“.Функционерот од раководството на ВМРО-ДПМНЕ не сакаше да коментира дали станува збор за телефонски разговори или друг вид на снимани разговори.Всушност, ова сценарио е познато на политичката сцена. Сегашниот премиер, тогашен претседател на СДСМ, Зоран Заев во 2015 година ја услови ВМРО-ДПМНЕ велејќи „Бомбите ќе продолжат ако нема договор за обвинител“. Првата т.н. бомба на Заев беше објавена на 9 февруари 2015 година.Имајќи во предвид, дека овие информации сега излегуваат во јавност, се отвора дилемата дали на истиот датум, но 2019 година, ВМРО-ДПМНЕ ќе го возврати ударот кон сегашната владеачка гарнитура на СДСМ. Иако од опозицијата се противат на јавно објавување прислушкувани материјали, но, имајќи во предвид фактот дека во минатото, јавноста можете да види снимки добиени со ПИ-мерки, разговор на Заев и Груевски во кабинетот во Владата, можноста за повторно бомбите да се чујат во јавноста, не се исклучува.

Македонија | пред 7 години

ЈП Комуналец Неготино со наредба - Не доаѓајте пијани на работа

Директорката на ЈП Комуналец Неготино, Марина Бојаџиева, со писмена наредба им истакна на вработените да не доаѓаат на работа во алкохолизирана состојба, и да не пијат алкохол додека се на работа, бидејќи во спротивно ќе заработат отказ. Исто така, таа им нареди да го почитуваат и работното време и своите работни задачи, објави fokus.mk.Не е познато дали на вработени во неготински Комуналец им се случило пијани да доаѓаат на работа и дали токму такви случки ја ,,прелиле” чашата на директорката, но наредбата која е истакната на јавно место, пред просториите на ЈП Комуналец, не предизвика големо изненадување кај неготинчани. Во градот на виното и ракијата, каде речиси секое семејство произведува алкохол за домашна употреба, многумина практикуваат да испијат по некоја чашка како ,,загревање” пред работа. Утринско кафе и ракија е традиција во многу семејства во Неготино и Кавадарци.Текстот во целост на fokus.mk.

Македонија | пред 7 години

Сообраќајка на патот Крива Паланка - Куманово, сообраќајот во прекин

Поради сообраќајка во прекин е сообраќајот на патот Крива Паланка-Куманово кај месноста викана Просеченик во атарот на селото Псача.Авто мото сојузот на Македонија соопшти дека патниот правец е во прекин во двата правца од 15:40 часот поради сообраќајна незгода меѓу патничко и товарно возило.

Македонија | пред 7 години

Нема фотографија

Стапуваат на сила интервентните мерки против загадувањето, се запираат сите градежни активности

Соодветно препораките на централната и градската власт и заложбите на Општина Аеродром, ги активираме дополнителните интервентни мерки кои се однесуваат на целата територија на Општината, конкретно:- Општина Аеродром ги запира сите градежни активности на градилишта под своја надлежност,- Ги задолжува сопствените служби да продолжат интензивно да ги чистат јавните површини,- Се намалува до 50% употребата на службените возила;- Продолжуваат зголемените инспекциски контроли на градилиштата и субјектите кои управуваат со отпадни гуми и отпадни масла од страна на општинските инспекциски служби;- Со цел заштита на децата, почетокот на второто полугодие на учебната година се одложува за два дена во основните и средни училишта. Согласно препораките на Министерството за животна средина и Интерсекторската група за следење на состојбата со квалитетот на амбиенталниот воздух второто полугодие ќе започне на 23.01.2019 година.- Работниците на отворено ќе работат од 11.00 до 17.00 часот;- Бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста се ослободуваат од работни обврски;- Се одложуваат активностите на отворено, доколку не се итни;Овие мерки со воведуваат веднаш по известувањетo од страна на Министерството за животна средина дека квалитетот на воздухот последователно два дена е надминат над законски пропишаниот миниумум, односно над 188 μg/m3 на мерните станици во Карпош, Центар и Ректорат.Општина Аеродром е посветена на борбата против загадувањето преку целата година. Локалната самоуправа реализира мерки, меѓу кои набавка на прочистувачи за воздух во сите градинки, субвенции за печки на пелети за индивидуалните домаќинства, набавка на нови 1.800 високоизраснати садници и дополнителна менахизација за чистење на јавните .површини. Во соработка со градската, централната власт, граѓанскиот сектор и сите засегнати страни работиме на креирање ефикасни интервентни мерки, како и наоѓање трајно решение за загадувањето.

Скопје | пред 7 години

Во Охрид одбележан денот на рибарите

Традиционално како и секоја година и оваа на малиот плоштад кај Долна порта, се одбележа Денот на рибарите. Со рибна чорба, пача, плашици, вино, греана ракија и традиционалното капење во водите на Охридското езеро, охриѓани го прославија денот на Свети Јован.На манифестацијата присуствуваше и в.д. градоначалникот Константин Георгиески, кој заедно со тајфата на Иван Лотески, фаќачот на Чесниот крст, се искапија во водите на Охридското езеро. 

Македонија | пред 7 години

Поради големото загадување на воздухот, се продолжува зимскиот распуст за сите ученици заклучно со вторник 22 јануари

Во врска со континуирано зголемените концентрации на загадувачки честички во воздухот во повеќе градови во Република Македонија, како и метеоролошките прогнози за следните денови, Владата на Република Македонија, покрај серијата мерки со кои се веќе задолжени надлежните министерства, во функција на заштита на здравјето на децата и во функција на скратување на времето на изложеност на загадениот надворешен воздух, донесе итна мерка за продолжување на траењето на зимскиот распуст.Одлуката се однесува на сите ученици од сите јавни и приватни основни и средни училишта во Република Македонија, а истата е донесена преку итна координација на Министерството за образование и наука, Министерството за животна средина и просторно планирање и Министерството за здравство.Продолжување на траењето на зимскиот распуст за сите ученици ќе трае во времетраење од два дена, заклучно со вторник, 22 јануари 2019 година.Училиштата ќе бидат во функција, учениците нема да посетуваат настава во наведениот период.Во овој период Владата, пред сѐ Министерството за животна средина и просторно планирање и Министерството за здравство ќе ја следат состојбата врз основа на која состојба, а во координација со Министерството за образование и наука ќе одлучат околу времетраењето на продолжувањето на зимскиот распуст.

Македонија | пред 7 години

Протестите против Македонија во Грција станаа насилни

Илјадници грци излегоа на улиците каде протестираат против Договор од Преспа и името Македонија.Маскираните демонстранти фрлаат црвена боја и разна пиротехника кон полицијата. Некои од демонстрантите успеаа да се пробијат низ полицијата која подоцна врсти на ударот и употреби шок бомби.

Свет | пред 7 години

ВО ЖИВО: Масовни протести против Договорот од Преспа во Грција

Денеска во Атина од 14 часот по грчко или 13 часот по македонско време, се одржува нов протест против Договорот од Преспа и името Македонија.Следете го протестот во живо:https://www.facebook.com/RTnews/videos/356177328551760/  

Свет | пред 7 години

Во Прилеп, попот го пуштил крстот по тобоган директно во базен

Празникот Водици од година во година станува вистинска продија. Еден од најголемите христијански празници секој го празнува на различен начин, крстот се фрла во кофи, мочуришта, а во Прилеп попот го пуштил по тобиган.Колку и да звучи чудно, оваа информација неофицијално е точна. Никој не очекувал дека свештеното лице би направило ваков гаф, но очигледно ова ќе биде уште еден настан по кој ќе се памети Водици 2019 година. Инаку, крстот заврши во локалниот базен, како и секоја година.

Македонија | пред 7 години

Утре почнува второто полугодие

По три недели зимски одмор, околу 270.000 средношколци и основци, меѓу кои и 20.000 првачиња утре ќе се вратат на настава за второто полугодие од учебната 2018/2019 година.Министерството за образование и наука пред една седмица соопшти дека за евентуално одложување на второто полугодие поради заразата од морбили ќе биде во координација со министерствата за здравство и за труд и социнална политика, но Комисијата за заразни болести од Министерството за здравство пред два дена заклучи дека нема продолжување на распустот за учениците.Министерот Арбер Адеми неодамна информираше дека е во финална фаза втората нацрт-верзија од новиот закон за основното образование и дека наскоро ќе биде објавена на електронскиот регистар на прописи-ЕНЕР.

Македонија | пред 7 години

Денеска се празнува Собор на св. Јован Крстител, дел од моштите има во Бигорскиот манастир

Според календарот на МПЦ (Јулијанскиот календар) денеска е 7 јануари.Православните Христијани денеска го одбележуваат празникот Собор на Св. Јован Крстител. Именден прославуваат, Јован, Јована, Јоне.Свети Јован Крстител е важен светец во христијанството, братучед на Исус Христос според евангелието на Лука и човекот којшто го крстил во реката Јордан. Со оглед дека оваа главна улога на Свети Јован се остварила на денот на Богојавление (19 јануари), древната Црква денот по Богојавление му го посветил на неговиот спомен.Моштите на св. Јован Крстител се наоѓаат на неколку места низ светот, а дел од дланката се наоѓа во Бигорскиот манастир, св. Јован Крстител во Македонија.Јован Крстител најверојатно имал голема улога во првите векови во христијанството, а според некои, тој дури имал и поголем број на верници.Денеска, во христијанството, Јован се смета за светец и маченик. Во исламот е познат како пpорок Јахја ибн Закарија. Медејците, пак, го сметаат за единствен и вистински меcија.Празникот Свети Јован Крстител се прославува неколку пати во годината, но народот најмногу го празнува овој ден, 20 јануари по македонскиот православен црковен календар.Исто така, во православната црква се празнува и денот на отcекувањето на главата на Св. Јован Крстител (11 септември). Меѓу евангелските личности околу Исус Христос тој има посебно место.

Македонија | пред 7 години

МАН: „Никоб“ да ги пријават насилниците во полиција, а МВР што побрзо да го расчисти случајот

МАН остро го осудува инцидентот за време на денешната манифестација по повод големиот христијански празник Богојавление-Водици, во кој беше повредена новинарката Мирјана Мирчевска од Канал 5 телевизија.„Очекуваме од агенцијата „Никоб“ најпрво сами да го расчистат насилството и да ги пријават насилниците во полиција.МВР мора што побрзо да го расчисти случајот, а виновниците да бидат санкционирани.Правниот тим на Македонската асоцијација на новинари ѝ стои на располагање на новинарката Мирјана Мирчевска“ се наведува во реакцијата.

Македонија | пред 7 години

Во Македонија над 500.000 вработени се водат како сиромашни

Половина милион граѓани од земјава иако се вработени се водат како сиромашни. Овој алармантен податок за Алсат го обелодени Оливера Доцевска од невладината организација Платформа за борба против сиромаштијата.Статистички можеби овој негативен феномен се намалува, но во реалноста е сосема друго, кај најмладите, но и кај лицата од третата доба, сиромаштијата се зголемува со забрзано темпо. Потребни се поголем број мерки, програми и законски решенија.„Многу е тешко во Република Македонија да кажеш кој е сиромав, а кој не е. Замислите ние имаме половина милион сиромашни – вработени, а тоа е онаа стапка под минималниот приход и минималната плата“, рече Оливера Доцевска, Македонска платформа против сиромаштијаПоголемиот дел од граѓаните кои ги анкетиравме сметаат дека нискиот стандард и слабата куповна моќ на младиот човек е доволна причина да си замине од земјава. Но, сепак, кај дел од граѓаните сè уште постои оптимизам.„Животот во Македонија е многу поскап од европските земји, а нашите плати се многу ниски. Прашањето е за децата, што иднина ние садиме за нашите деца. Мислам дека за 100% треба да се промени мислењето, треба да останат младите во Македонија и ние како возрасни треба да им подадеме рака за подобра иднина.“„Знаци има за подобрување, да бидеме искрени. И кај народот и надвор веќе нè почитуваат.“„Треба како што се ветува, плата од 500 – 600 евра, минимум требаат толку пари за една фамилија, ако се повеќе членови во фамилијата и илјада евра се малку бидејќи цените се високи за сè“, реагираат граѓаните.Од Министерството за труд и социјална политика велат дека новите законски решенија ќе влијаат врз намалување на сиромаштијата. Со пакетот закони за социјална реформа кои се во собраниска процедура, сметаат дека ќе се подобри состојбата кај ранливите категории на граѓани.

Македонија | пред 7 години

Нападната новинарка од обезбедувањето на МПЦ

На манифестацијата по повод верскиот празник Водици денеска во Скопје се случи инцидент меѓу обезбедувањето ангажирано од МПЦ и новинарските екипи.Во еден момент новинарите и снимателите беа насилно спречени да земат изјава од момчето кое го фати крстот, а притоа кон нив беа упатувани навредливи зборови и пцости.Најлошо помина новинарката на телевизија Канал 5, Мирјана Мирчевска која заврши со повреди на вратот.-За оваа невидена агресија, на ден кој треба да е духовен празник, Канал 5 телевизија ќе поднесе пријава до јавното обвинителство и полицијата. Истовремено се прашуваме, како е можно МПЦ да дозволи, на настан организиран од нејзина страна, да се случуваат вакви напади врз новинарски екипи?, велат од Канал 5.

Македонија | пред 7 години

Воздухот во Прилеп мириса на расипана кисела зелка, загадувањето енормно

Прилеп оваа вечер е на врвот од листата на градови каде аерозагадувањето е највисоко.Прилепчани коментираат дека воздухот мириса на расипана кисела зелка, а ПМ10 честичките се качени на 1250, покажува мерната станица.Загадувањето на воздухот може да биде дефинирано како присуство на токсични материи и хемикалии во воздухот, и тоа во количество што претставува ризик за здравјето. Воздухот е речиси целиот составен од само 2 гаса, 78% азот и 21% кислород, и неколку други гасови, како јаглероден диоксид, кои ги има во мал процент. Разликата помеѓу безопасното присуство на некој гас и загадување со истото е концентрацијата на тој гас во воздухот. На пример, јаглеродниот диоксид има концентрација помала од 0,05%, но воздухот со 5% јаглероден диоксид е отровен и може да ве убие.

Македонија | пред 7 години

ВИДЕО: Кристијан Нинески го фати крстот во Скопје

Дваесет и пет годишниот Кристијан Нинески го фати крстот во Скопје. Тој посака здравје среќа за сите, а во Вардар скока по шести пат.Сто и четириесет лица беа пријавени за учество во традиционалното спуштање на крстот во реката Вардар, што се одржи во центарот на Скопје, по повод Богојавление – Водици.https://www.facebook.com/skopje1mk/videos/2029062544054165/Спуштањето на крстот во водите на Вардар беше напладне од мостот кај хотелот „Холидеј Ин“ и го изврши поглаварот на Македонската православна црква – Охридска архиепископија г.г. Стефан.

Скопје | пред 7 години

Пронајден штитеник на домот „Ранка Милановиќ“

На 18.01.2019 година во 14.30 часот во село Сопиште полициски службеници пронашле 17-годишен штитеник на домот „Ранка Милановиќ“, кој беше пријавен за исчезнат на 17.01.2019 година.Во 15.30 часот момчето било предадено на воспитувач од домот.

Скопје | пред 7 години

Нема фотографија

Возило излета од патот Кичево-Охрид

На 18.01.2019 година во 08.30 часот на магистралниот пат Кичево-Охрид, товарно возило „Форд Транзит“ со скопски регистарски ознаки, управувано од А.Б.(44) од Скопје, излетало од патот.Притоа, со тешки телесни повреди се здобил возачот А.Б., кој со возило на Итна медицинска помош бил пренесен во болницата „Св.Еразмо“ во Охрид. Увид на местото извршила увидна екипа на СВР Охрид.

Македонија | пред 7 години

Двајца од напаѓачите на Села истепани, еден во бегство

Министерството за внатрешни работи неколку месеци го расчистува случајот со претепаниот осуденик Стојан Павлески, кој беше еден од осудените за напад на пратеникот на Алијанса за Албанците, Зијадин Села. Павлевски бил претепан во октомври минатата година кај Зелен пазар и оттогаш се наоѓа на Клиниката за трауматологија, пишува ИРЛ.Од МВР тогаш било објавено кусо соопштение во дневниот билтен. „На 24.09.2018 од граѓани било пријавено дека на влезот од Зелен Пазар, во паркот лежеле две лица. Полициски службеници излегле на местото, а лицата со возило на Итна медицинска помош биле однесени во Комплексот клиники „Мајка Тереза“ каде им била укажана лекарска помош. По преземените мерки било утврдено дека станува збор за лицата В.Т. (58) и С. Павлевски (52), двајцата од Скопје, стои во соопштението од МВР.Верица Митевска, сестрата на Павлески, за ИРЛ опишува како тој и негов пријател биле нападнати кај Зелен пазар во центарот на градот.„Двајцата биле претепани, случајни минувачи ги нашле како лежат на улица во бесознание. Минувачите случајот го пријавиле во полициската станица Беко. Полицијата дошла и брат ми и неговиот пријател биле пренесени со брза помош на клиника. Пријателот бил со скршена рака, додека на брат ми му била направена операција на носот, а исто така имал повреди и на главата.

Македонија | пред 7 години

(ВИДЕО) Како Дачиќ му ја пее „Каљинка“ на Путин

Српскиот министер за надворешни работи, Ивица Дачиќ уште еднаш ги покажа своите пејачки способности.[embed]На рускиот претседател Владимир Путин кој беше во посета на Србија, му ги испеа руските песни „Каљинка“ и „Рјабинушка“.

Свет | пред 7 години

Двоглавиот орел – потекло и значење

Реакции во јавноста деновиве предизвикуваат фотографии и јавни истапувања на политичари Албанци кои со рацете го покажуваат знакот на двоглав орел. Тие што го покажуваат тврдат дека е без негативна конотација и оти е само знак на идентификација со нивната национална припадност. За оние што им пречи, пак, тоа е јавно и провокативно искажување на националистички и големодржавни претензии.Двоглавиот орел во различни варијации денес е симбол содржан на државните знамиња или на грбовите на повеќе земји: Албанија, Србија, Русија, Црна Гора, едноглав орел има и на знамињата на Австрија, Германија, Полска, Чешка, Романија… Се среќава и на многу христијански обележја особено на териториите што во минатотото биле под власт на Византиската империја.Потеклото на симболот што денеска најчесто се користи, сепак, датира многу подлабоко во историјата.Двоглавиот орел, според историчарите и хералдичарите, е древен соларен симбол. Најстариот познат двоглав орел се појавува на цилиндричен печат на сумерскиот град Лагаш околу 2500 пр.н.е. Потоа се јавува во древните цивилизаци на Хититите од Анатолија.Во словенската митологија орелот е божја птица, владетел на небесниот простор и заштитник од градоносните облаци. Орелот се јавува и во исламската традиција, каде што црниот стандард на Мухамед бил познат „знамето на орелот“ (иако тоа не прикажува орел, туку е целото црно).На овие простори двоглавиот орел се јавува како византиски амблем, симбол на моќта на „вселенското царство“ од времето на династијата Комнен. Ја претставува двојната власт на царот – световната и духовната, но и византиската царска надмоќ над Истокот и Западот. Едната глава го претставува Источното, а другата Западното Римско царство. Од Византија двоглавиот орел се проширува низ земјите кои биле под нејзино влијание, станувајќи многу застапен хералдички мотив и на државните и на црковнте власти. Двоглавиот орел денес е и еден од најпрепознатливите симболи на православието и како таков е присутен на многу сакрални предмети по црквите. Двоглавиот орел е симбол и на Вселенскиот патријарх во Цариград и се користи во црквите и манастирите под негова јурисдикција, како и на Света Гора, монашката република на Атос.Ромејски грбСпоред преданието неговите корени потекнуваат уште од самите почетоци на првото христијанско царство – Ромејското. Имено, кога светиот цар Константин Велики (306-337) ја обединил разединетата Римска империја и станал единствен нејзин господар, го вовел двоглавиот орел како симбол на единството – две глави (Истокот и Западот) во едно тело. Од времето на ромејскиот василевс (владаетел) Исак Комнен (1057-1059) двоглавиот орел се користи и како декоративен мотив на царскиот двор и на церемонијалните одежди на членови од царската фамилија. Овој знак го добива и своето друго значение – го симболизирал единството помеѓу црквата и државата, што делувала по принципот на симфонија, согласие помеѓу духовната и световната сфера во христијанското општество.По заземањето на Константинопол од страна на Латините (1204 г.), двоглавиот орел продолжил да се користи од земјите наследнички на Ромејското царство – Епир, Никеја и Трапезунт. Никејските владетели го користеле како ознака за источните и западните владенија на некогашната пространа империја, а кои владенија, сакале повторно да ги освојат. Со возобновувањето на Ромејското царство (1261 г.), со константинополскиот трон завладејува династијата на Палеолозите. Под влијание на западната хералдика, оваа царска фамилија го направила двоглавиот орел свој официјален грб, но тој се поистоветувал не само со династијата, туку и со целото царство. Притоа, орелот на Палеолозите бил со златно-жолта боја на порфирна позадина (тоа биле бои кои ја означувале царската власт). На средината од орелот била изобразена симпилема (династички монограм), а канџите на орелот биле слободни. Надвор од царската фамилија се употребувал црн орел на златна заднина (орелот бил црн – како сенка на владетелскиот златен орел).Во подоцнежните векови се појавиле неколку различни изобразенија на двоглавиот орел. Има претстави во кои орелот држи сфера со крст (како ознака на православната екумена) во едната од канџите и меч (симбол за победа и правда) во другата. Се среќаваат и претстави во кои орелот држи скиптар и крст, два меча, или пак, меч и сфера.Двоглавиот орел од Византија се раширил и во другите земји што духовно и културно се надградувале, црпејќи од неа. Русија го презела двоглавиот орел во времето на Великиот кнез Иван III (1462-1505). Откако кнезот Иван се оженил со византиската принцеза Софија Палеолог, се прогласил себе си за легитимен наследник на ромејските цареви. Московскиот двор бил преуреден по углед на византискиот царски двор; многу работи биле преземени од Византија, вклучително и двоглавиот орел.И Хабзбуршката монархија го прифатила двоглавиот орел од Ромејското царство, а тука се уште и Бугарија (го користела во врмето на царот Иван Александар (1331-1371)), Србија, Црна Гора.Ѓорѓи Кастриот, пак, во неговата борба против Османлиите, го зел двоглавиот орел како симбол на православната Византија и го направил свое востаничко знаме. Подоцна, тоа знаме, модифицирано и прилагодено за новосоздадената албанска држава, станало и официјално знаме на Албанија.Но, не биле само световните власти кои го преземале двоглавиот орел како државно обележје. Византија била теократска православна монархија, со устројство што претсавувало мирски (земски) образ на небесната хиерархија. Световното и духовното биле тесно поврзани и се надополнувале едно со друго. Оттаму, и двоглавиот орел се јавува како симбол на тоа двојство, но истовремено и на нивното единство. Па, затоа, тој нашироко се користи и во православната црква ширум светот, како еден од симболите на православието и православната држава. И црквите во Македонија не се исклучок од тоа. Кај нас, тукуречи, и да нема постара црква во која не се сретнува двоглавиот орел. Таква појава се и двата орли од Бигорскиот манастир. Тие денес се наоѓаат прилепени однадвор, на северо-западниот дел од северниот ѕид на манастирската црква.Oвие двоглави орли се изобразени во плиток рељеф на две мермерни плочи со правилна шестоаголна форма. И во двата на средината е извајана годината 1795. Наоколу на плочите стојат натписи во кои се споменуваат имињата на ктиторите на црквата: игуменот Тарасиј, архиѓаконот Стефан и папуџијата Велјан. Првобитно овие плочи се наоѓале внатре, во црквата – едната, во амвонот под големото кубе, а другата, под малата купола. Служеле за да ја означат годината на изградба или доградба на црквата (станува збор за постарата црквичка на чие место, подоцна, во времето на игуменот Митрофан, била изградена денешната голема црква). Обичај било кога ќе се изгради некоја црква, годината на изградба да биде впишана во плоча со двоглав орел. Овој симбол се користел од почит кон традиционално наследство на Ромејското царство. Ваквата постапка била практикувана при изградбата на повеќето храмови, без разлика во кое време и под чија јурисдикција биле изградени.Двоглавиот орел во АлбанијаНа територијата на Албанија двоглавиот орел се појавува во 15 век како симбол на семејството Кастриот, Јован – Ѓон Кастриот и Ѓерѓ – Ѓорѓи Скендербег. Амблем двоглав орел со шестокрака ѕвезда меѓу главите се гледа од печатот на документ испратен од Ѓорги (Ѓерѓ) Кастриот Скендербег до папата Пиј II во 1459 година.Црвеното знаме со двоглав црн орел како албански национален симбол почнува да го употребува Призренската лига во 1878 година. Како државно знаме, на предлог на Исмаил Ќемал, се воведува со декларацијата за независност донесена во Валона на 28 ноемри во 1912 година. Во времето на социјализмот и Енвер Хоџа, на државното знаме имаше петокрака, но по падот на комунистичкиот режим, Република Албанија во 1992 година ја острани, а го остави само двоглавиот орел.Во МакедонијаНа територијата на Македонија орелот се среќава на монети со Аминта трети во 4 век пне., потоа од времето на владењето на Римската империја. Орелот го има и на парите што ги ковал деспот Углеша, братот на кралот Волкашин, ктиторот на Марков манастир, а од 14 век станува чест мотив во црквите и манастирите. Двоглавиот орел станува и редовен дел од накитот на женската носија, обично како тока на која се поврзани низите со пари, но сепак најчестата употреба како симбол во Македонија е преку традицијата на православната црква.Двоглавиот орелот денес е симбол на две зедници во Македонија – на албанската и на српската. Во 2005 е донесен Законот за знамињата на заедниците во РМ со кој се дозволува употреба на знамињата кои тие ги избрале како симбол на својата заедница. Со законските дополнувања од 2011, знамињата на заедниците се истакнуваат заедно со државното знаме кое мора да е за третина поголемо од она на заедниците. Албанците и Србите во Македонија како свои симболи ги имаат избрано знамињата на Албанија односно на Србија.Извор: МИА/Македонско хералдичко здружение/Бигорски манастир

Македонија | пред 7 години

Дескоска: Заедно со претседателските треба да се одржат и предвремени парламентарни избори

Министерката за правда, Рената Дескоска, смета дека заедно со претседателските треба да се одржат и предвремени парламентарни избори. Таа е прв владин функционер што отворено се залага за ваква опција по барањето што го упати ВМРО-ДПМНЕ.„Јас искрено мислам дека треба да има, но тоа е прашање на крај на политичка одлука и анализа во рамките на органите, но јас ќе ја застапувам страната дека треба да се оди на парламентарни избори, заради тоа што одредени политики коишто реално ги промовиравме во изминатиот период и одредени прашања којшто ќе треба да ги решаваме, би било добро да бидеме со, на некој начин, почисти позиции во рамки на парламентот“ – рече Дескоска во емисијата „360 Степени“ на Алсат.

Македонија | пред 7 години