ГЛАВНИ-ВЕСТИ

Пијан кичевчанец кршел инвентар и се заканувал на перосналот

Приведен кичевчанец кој ноќеска по полноќ го нарушил јавниот ред и мир во угостителски објект во селото Трапчин Дол.-Денеска во утринските часови односно во еден часот и 40 минути, во угостителски објект во кичевското село Трапчин Дол, нарушен е јавниот ред и мир. Во видно алкохолизирана состојба, Б.З. 31-годишен од Кичево започнал да упатува вербални закани и навреди кон персоналот во угостителскиот објект по што, започнал да крши дел од инвентарот, информира портпаролот на СВР Охрид Стефан Димоски и додаде дека Б.З. е приведен по што, против него ќе биде поднесена соодветна пријава.

Македонија | пред 7 години

Нема фотографија

Нов земјотрес во Грција

Изутринава Грција ја погоди земјотрес со јачинаод 4,9 степени според Рихтер. Епицентарот бил во подрачјето на Пелопонез. Денеска се измерени уште неколку потреси во регионов. Турција се стресе со 4,4 степени по скалата на Рихтер, а послаб земјотрес регистриран е и на Малта.

Свет | пред 7 години

Владата на Република Македонија денеска ќе ја одржи редовната 111-та седница

На денешната седница на Владата на Република Македонија за точки не дневен ред се предложени неколку предлог-закони и информации од страна на Министерството за финансии.Министерството предлага Владата да се произнесе во врска со Предлог - законот за изменување и дополнување на Законот за вршење на услуги брз трансфер на пари, за Предлог - законот за изменување и дополнување на Законот за преземање на акционерски друштва, како и за Предлог - законот за изменување и дополнување на Законот за данокот на добивка.На денешната седница на Владата на РМ ќе бидат презентирани и информациите за подобрување на справувањето со нефункционалните кредити и за поттикнување на употребата на локалната валута, со Предлог - стратегија за поттикнување на справувањето и подобрување на управувањето со нефункционалните кредити и Предлог - стратегија за денаризација на Република Македонија, и информација за усвојување на Национална стратегија за борба против измама за заштита на финансиските интереси на Европската унија во Република Македонија 2019 - 2022 година, со текст на Национална стратегија и Акциски план за спроведување.Министерството за труд и социјална политика за денешната седница ги достави Предлог - законот за социјалната заштита, Предлог - законот за социјална сигурност за старите лица, како и Предлог - законот за изменување и дополнување на Законот за заштита на децата.Истото министерство на седницата за доненсување одлука ги предлага и Предлог - програмата за изменување на Програмата за субвенциoнирање на потрошувачката на енергија за 2018 година, Предлог - програмата за изменување на Програмата за условен паричен надоместок за средно образование за учебната 2018/2019 година, и Предлог - програмата за изменување на Програмата за изградба, опремување и одржување на објекти за социјална заштита и домови за стари лица за 2018 година.На денешната седница на владата ќе се најде и Предлог - одлуката за распределба на средства за проектите: Изградба на улици и патишта во општина Липково и Изградба на пристапен пат до археолошки локалитет Тауресиум, општина Зелениково, на предлог на Министерство за транспорт и врски.

Скопје | пред 7 години

Арнаудов ни со пари не дава изјава, новинaрите собраа пари, изјава не добија

По изјавата на обвинетиот пратеник Љубен Арнаудов дека од сега ќе дава изјави само за пари, поточно за 50 евра, новинарите собраа пари, но изјава повторно не добија...Во кусиот разговор со новинарите тој им кажа дека се пошегувал, а тие отворено му објаснија дека Ги навреди.

Скопје | пред 7 години

Владимир Путин нема мобилен телефон, му верува само на фиксниот - ЗОШТО?

Претседателот на Русија, Владимир Путин не користи мобилен телефон затоа што тој уред подразбира подготвеност на целосна транспарентност, соопштил портпаролот на Кремљ, Дмитриј Песков.Според зборовите на Песков, користењето на смартфон е "доброволен егзибиционизам, целосна отвореност". Оној момент кога ќе земе смартфон во рака, корисникот прифаќа да стави се на "повелете", уверен е претставникот на Кремљ."Секако, еден претседател не треба да го прави тоа, посебно не претседател на земја како Русија и претседател каков што е Владимир Путин", рекол Песков, додавајќи дека "добриот стар телефон со затворена врска ќе ги надживее сите смартфони".

Свет | пред 7 години

Свиркачите Лазаревски и Костовски вратени на своите работни места во МВР

Министерот за внатрешни работи, Оливер Спасовски, објави на фејсбук дека свиркачите Ѓорѓи Лазаревски и Звонко Костовски од денеска повторно се враќаат на своите работни позиции во МВР.И двајцата имаа клучна улога во промената на власта во Македонија. Преку нив беше обелодената аферата за масовното прислушување што незаконски го правела Управата за безбедност и контраразузнавање, на чело со Сашо Мијалков, каде беа вработени пред да бидат обвинети во предметот „Пуч“.„За професионалците секогаш ќе има место во МВР“, напиша Спасовски.https://www.facebook.com/o.spasovski/photos/a.319952798182350/1155725177938437/?type=3&theater

Скопје | пред 7 години

(ВИДЕО) Шест месечно бебе пронајдено како живо плови по ледено езеро: Таткото ја признал страшната тајна

Шестмесечно бебе било пронајдено како живо плови во езеро во северозападно Мисури, неколку минути откако нејзиниот татко им признал на полицајците дека се обидел да ја удави.Бесчувствителниот Џонатан Зикарели во понеделникот наутро отишол во полициската станица во Гринвуд и им кажал на службениците дека се обидел да ја удави својата ќерка, вели извештајот од полицијата.Зикарели наводно им рекол на инспекторите дека го смислил планот за убиство 24 часа порано бидејќи бил под стрес за празниците и сакал да и ги олесни работите на својата сопруга.

Свет | пред 7 години

Ограбувале трафики и аптеки низ Скопје со пиштол запалка, двајца разбојници фатени на дело

Одделението за имотни деликти и малолетничка деликвенција Кисела Вода, Аеродром и Драчево во Единица за имотни деликти и малолетничка деликвенција при Секторот за внатрешни работи Скопје, до надлежното Основно јавно обвинителство – Скопје поднесе кривична пријава против Ж.М.(33) и Д.Т.(39) поради постоење на основано сомнение дека сториле шест кривични дела, од кои четири кривични дела „разбојништво“ предвидени и казниви согласно член 237 од КЗ на РМ и две кривични дела „Разбојништво во обид“ предвидени и казниви согласно член 237 в.в со член 19 од КЗ на РМ.Имено, на 18-ти овој месец во близина на продавница на булевар „Кузман Јосифовски Питу” со намера да извршат кривично дело затекнати се пријавените лица, по што се лишени од слобода. При преглед над пријавените пронајдени се еден пиштол-запалка и други предмети што ги користеле при извршување на кривичните дела.По преземени мерки и извршен разговор со приведените, тие ги признале делата и го појасниле начинот на извршување на шесте кривични дела за кои е поднесена кривична пријава.Кривичните дела се извршени во текот на ноември и декември годинава, кога пријавените со закана со пиштол извршиле разбојништво во две трафики (тобако) лоцирани на булевар „Климент Охридски“ и улица „11-ти Октомври“ како и во четири аптеки лоцирани на булевар „Кочо Рацин“, улица „Вангел Тодоровски” и две на улица „Васил Главинов“, сите во Скопје.

Скопје | пред 7 години

Игор Југ: Што се криеш сега бе како п…а под кошула?

Тензично во Основниот суд Скопје 1 пред почетокот на денешното судење за организираниот напад на Собранието на 27 април.Обвинетиот Игор Југ, за кого во незавршена судска постапка против 33-цата обвинети, Собранието веќе го класираше во тие кои носеле оружје, а за кои нема да има амнестија, се обрати кон еден од тројцата пратеници на ВМРО-ДПМНЕ за кои се изгласа специјален закон за амнестија: „Што се криеш сега бе како п…а под кошула?“.По оваа изјава на Игор Југ веднаш реагираше судската и затворската полиција и Алфите. како и „алфите“, јавува скд.мк.

пред 7 години

Арнаудов: Од сега за изјва по 50 евра

Пратеникот Љубен Арнаудов, обвинет во предметот за 27 април, на прашање на новинарите дали ќе поднесе барање за амнестија согласно Законот кој завчера беше донесен во Собранието, рече дека од сега ќе ги наплаќа своите изјави.-Изјава давам само за 50 евра – одговори Арнаудов пред да влезе во Кривичниот суд на денешното рочиште.

пред 7 години

Сообраќајна несреќа едно лице со тешки телесни повреди

На 20.12.2018 годинa во 01,40 часот било пријавено дека на крстосницата од улица “Митрополит Теодосиј Гологанов“ и улица “Франклин Рузвелт“ се случила сообраќајна незгода помеѓу патничко моторно возило “Фолсваген голф“ со скопски регистерски ознаки управувано од Е.З.(22) од Скопје и патничко моторно возило “БМВ“ со скопски регистерски ознаки управувано од С.З.(23) од Скопје. Во незгодата со тешки телесни повреди се здобил сопатникот од возилото “Фолсваген голф“ Ф.З.(18), а со телесни повреди се здобила сопатничка од истото возило А.Ш.(20) од Струга, како и Е.З. констатирани од страна на лекар од Комплекс клиники “Мајка Тереза“. Извршен бил увид на местото на настанот.

Скопје | пред 7 години

МВР: Девет сообраќајни незгоди од кои една железничка незгода со загинати лица

Во текот на изминатиот ден (19.12.2018 година) на подрачјето на Секторот за внатрешни работи Скопје се случиле вкупно девет сообраќајни незгоди од кои една железничка незгода со загинати лица, две сообраќaјни незгоди со телесни повреди и шест со материјална штета. Во сообраќајните незгоди едно лице го загубило животот и четири лица се здобиле со телесни повреди. Од преземените мерки и активности констатирано е дека 36 возачи управувале возило со брзина поголема од дозволената. Од сообраќај се исклучени 13 возачи од кои: еден затоа што управувал возило под дејство на алкохол, 10 возачи затоа што управувале возила без да се стекнат со право за управување на моторно возило и двајца затоа што биле возачи почетници. Исто така исклучени од сообраќај се и 10 возила бидејќи биле нерегистрирани. Санкционирани се четири возачи поради поминување на крстосница на црвено светло, двајца поради неносење пропишана зимска опрема, 12 возачи поради неносење сигурносен појас и 20 возачи поради користење на мобилен телефон при управување со возило. Во текот на изминатиот ден издадени се 118 мандатни платни налози и 74 возила се подигнати со специјално возило "пајак".

Скопје | пред 7 години

Трагедија во Штип: При гаснење на пожар, на пожарникар му се слошило и починал

На 19.12.2018 година околу 17,15 часот во Штип на улица „Браќа Даневи“ при гаснење на пожар (оџак од зграда на наведената адреса), на Ѓ.Џ.(57) - пожарникар, му се влошила здравствената состојба и со возило на Итна медицинска помош бил пренесен во Клиничка болница Штип каде била констатаирана смрт. По наредба на јавен обвинител, телото на починатиот е дадено на обдукција. Извршен бил увид на местото на настанот.

Македонија | пред 7 години

Нема фотографија

Годишна прес конференција на Путин

Рускиот претседател Владимир Путин денеска ќе ја одржи својата традиционална годишна прес-конференција на која ќе одговара на многу прашања од различни теми.За настанот се акредитирани повеќе од 1.700 новинари од речиси сите руски региони, како и од Азија, Европа и Америка. Ова е 14-та прес-конференција на Путин откако дојде на власт во 2000 година. Се очекува да трае неколку часа. Неговата прва прес-конференција како претседател во 2001 година траеше час и половина, во 2004 година повеќе од три часа, а во 2008 година повеќе од четири.Се очекува годинава на Путин да му се поставуваат прашања во врска со затегнатите руско-американски односи, за односите со Западот како целина, кризата во Украина, економијата, зголемувањето на цените на комуналните услуги, непопуларната пензиска реформа.Портпаролот на Кремљ, Дмитриј Песков, рече дека претседателот активно се подготвува за средбата со медиумите, и оти „работи до доцна во ноќта за да се запознае со материјалите подготвени од министрите и експертите на претседателската администрација“.

Свет | пред 7 години

Обновено: Пасат излета од патот во Охрид

На 20 декември оваа година, во 04 часот и 30 минути, на улицата „Ристо Чадо“ во Охрид, случена е сообраќајна незгода во која Б.Т.(21) од Охрид се здобил со телесни повреди. Тој е пренесен во Општата болница во Охрид каде е задржан на понатамошно лекување.Сообраќајната незгода се случила кога, сега повредениот Б.Т. кој по улицата управувал патнички автомобил „Пасат“ со охридски регистарски ознаки, изгубил контрола врз автомобилот, излетал надвор од коловозот по што удрил во жичана ограда, сообраќаен знак и во куќа лоцирана на истата улица.Увид на местото на сообраќајната незгода, по овластување на Јавен обвинител извршија екипи на СВР Охрид.

Македонија | пред 7 години

Студентите нема да го преболат, омилениот професор Стојаноски

Почитуван и драг наш профeсор Јован Стојаноски,Уште од првиот момент кога сите ние, студентите, првпат присуствувавме на вашите предавања, веднаш заклучувавме дека Вие сте посебен. Веднаш сите коментиравме дека професор Јован е различен од другите професори... Различен и единствен бевте со вашиот специфичен стил на предавања, вашиот грижлив и татковски однос кон нас, студентите.И секогаш се прашувавме: колку далеку и колку високо ќе патувате во вашата професионална надградба...?Единствен бевте и по својот карактер, остроумност и вистина која ја носевте во себе и со која допиравте до нас.Ние сме сведоци на тоа дека кога Вие ќе влезевте на предавања, просторот добиваше некаква друга димензија, обземен од вашата професорка енергичност и желба да нѐ мотивирате да размислуваме со своите глави.И секогаш го очекувавме тоа од Вас, а со нетрпение ја очекувавме и следната недела и следното Ваше предавање.Она што Вие како аманет ни го оставивте нам, студентите, е немерливо, несогледливо, премногу е...Вие со вашиот личен пример ни покажавте и докажавте како се бори за вистината и за себе, како секогаш се оди до крај во борбата, но чесно и со Бог.Ни покажавте како се презира сѐ што е лажно, сѐ што е погрешно, ни покажавте како работите да ги нарекуваме со нивните вистински имиња без оглед на тоа колку тешко би звучеле.Ни покажавте како да бидеме горди на своите корени и потекло, бидејќи како што кажувавте Вие Профа, она што нè разликува го носиме во срцето и во мислата.Ни покажавте како може да се биде директен и искрен, а истовремено да се биде достоинствен и авторитативен.Ни покажавте колкава големина носите во себе кога секој студент, секој колега, секој вработен, секој случаен познајник или непознајник што ќе го сретневте низ ходникот на ФТУ ќе го поздравевте прво Вие.Ни покажавте како се сака „Партизан“ и како се навива за тимот што се сака.Но, пред сѐ, ни покажавте и докажавте како да бидеме свои.Тагата е голема колку што и Вие бевте голем како човек.Чест ни е што бевме ваши студенти и што ја имавме привилегијата да ги слушаме Вашите предавања и да Ве запознаеме како наједноставен човек, а во исто време НАЈГОЛЕМ!Ви благодариме за сè што ни дадовте, а ни дадовте многу.Имаме уште многу да Ви кажеме, драг професоре, но предупредени сме од вашата мера за добар вкус кој беше ваша вродена одлика и Ви порачуваме дека вечно ќе живеете во секое едно студентско срце.НИ БЕВТЕ И ЌЕ НИ БИДЕТЕ НЕДОСТИЖЕН ИДОЛ!ВЕ САКААТ ВАШИТЕ СТУДЕНТИ,ВЕЧНА ВИ СЛАВАADIO ПРОФА!Студентите од Факултет за туризам и угостителство - Охрид

Македонија | пред 7 години

Нема фотографија

Протестен марш на ВМРО-ДПМНЕ денеска во 19 часот

ВМРО-ДПМНЕ денеска во 19 часот го организира новиот протестен марш.-Црнилата кои надвиснале над државата мора да бидат победени. Република Македонија не заслужува да живее во очај и црнило. Токму затоа ВМРО-ДПМНЕ ги повикува сите незадоволни граѓани од оваа однародена власт на протестен марш во четврток, 20.12.2018 година со почеток од 19 часот од плоштад ВМРО до Владата на Република Македонија, се вели во соопштението на ВМРО-ДПМНЕ

Скопје | пред 7 години

Судскиот совет си ги зголеми платите, ни помалку ни повеќе туку за по 21.000 ден

Жарко Караџоски, Претседателот на Судскиот совет како претседателот на Судскиот буџетски совет, заедно со членовите донел одлука за зголемување на платите на ова тело за 21.000 денари, објави 1ТВ претпладнево, приложивајќи и документ со вчерашен датум.Станува збор за зголемување на платите за 35 отсто, а дејството ќе биде ретроактивно и ќе има исплата на овој надоместок и за платите од септември и октомври.

Скопје | пред 7 години

Владиката Петар: Развод - само после неверство!

Преспанско – пелагонискиот владика Петар во телефонски разговор во Централниот дневник на 1ТВ одговори на неколку прашања во врска со денешното излагање кое предизвика бурни реакции во јавноста.Во врска со вашата сугестија до младите, мислите дека тоа го прават од каприц или сепак за тоа има посериозни социо-економски проблеми?Владиката Петар: Проблемите се многустрани, но конкретно проблемот е во тоа што денешнте млади понесени од западниот начин на живеење не живеат според потребите, туку желбите. А во тој случај нема ограничување на желбите и во таа смисла никогаш нема да бидат задоволни.Дали сте разговарале со младите или дали МПЦ се обидела да изврши влијание врз младите во однос на обезбедување домови и работа?Владиката Петар: Јасно е дека нашите млади што одат на запад се современи заробеници, тие таму работат и тие се таму граѓани од втора категорија, се додека не станат полноправни граѓани на таа земја.Што е со оние на кои таков им е изборот и не сакаат да стапат во брак?Владиката Петар: Јас сум должен како владика да ги кажувам ставовите на Црквата и во таа смисла знаеме дека здраво семејство е ако тоа се формира на време. Денешните т.н. пробни бракови до каде доведуваат и на крајот нема ништо од тоа. Истото се случува и при разводите. Јас не сакам да им судам кој е виновник, а кој не. Развод на брак следува само во исклучителен случај односно неверство.Дали сметате дека жените имаат премногу права?Владиката Петар: Не велам дека имаат премногу права, туку дека често пати, повеќето сакајќи да покажат дека се рамноправни ја запоставуваат својата улога како жена и мајка. Во смисла кога ќе треба улогата на жената да ја врши мажот. Мајчинството е една, татковството друга работа.Дали имате иницијатива да им помогнете на млади брачни парови кои се сиромашни?Владиката Петар: Секако дека тука црквата е вклучена и тоа го прави. Не е наша должност да го фаворизираме некој. Помагаме и ќе го правиме тоа понатаму, но не сакаме тоа јавно да биде, бидејќи би било фалење, а со тоа нема да биде примено како добро дело пред Бога.Дали црквата ќе ги пријави парите кои ги заработува, да дава фискални, да плаќа даноци?Владиката Петар: Треба да разбереме дека црквата треба да се раководи согласно зацртаните принципи како непрофитна организација во врска со тоа се знае од кои нешта е ослободена.извор:либертас.мк

Македонија | пред 7 години

Наумче Здравески од Охрид е најновиот милионер – добитник на Џек Пот на Државната видео лотарија

Наумче Здравески од Охрид е најновиот во листата милионери на Државна видео лотарија на Република Македонија, откако освои добивка е вредна 1.640.646 денари.Милионер Џек Пот добивката е освоена на 18.12.2018 година во „Спорт Лаиф Трејд“ во Охрид, а Наумче е добитник на наградата за месец декември.– Видно возбуден, во друштво на неговиот брат, тој го подигна добитниот Милионер Џек Пот, вреден 1.640.646 денари. Скромен, но и расположен заради убавата добивка, со нас ја сподели својата среќна приказна. Пред Нова Година со неа, се менуваат и желбите и очекувањата од 2019. Ни откри дека претходно немал никакви очекувања, дури не верувал дека токму него и токму во местото каде ја освои добивката, тоа и ќе се случи. Добивката вистински го изненадила, посебно затоа што неколку минути пред да го слушне добитниот среќен звук, заедно со останатите играчи коментирале дека не постојат шанси, добивката да се случи токму на ова место. Најверојатно дел од парите ќе ги потроши за да си овозможи убаво новогодишно патување, информираат од Државна Видеолотарија.извор: faktor.mk

Македонија | пред 7 години

На Пулмологија се одбележа ,,св.Никола“ , молитва од свештеник , свеќи и погача

Со христијански верски ритуал, свеќи во раце, поп, молитва, погача и славско јадење распослано на клупите од амфиетатарор, колегиумот на Клиниката за пулмологија, на чело со директорот д-р Дејан Доиќ, го прослави верскиот празник ,,св. Никола“.Овој верски празник е прогласен за слава на Клиниката за пулмологија и токму поради тоа вработенитете го одбележаа со верски ритуали.

Скопје | пред 7 години

Нема фотографија

Судијата Владимир Панчевски преку ТВИТЕР најавува нов скандал :Обвинителите не биле само прислушувани, тие биле и следени

Поранешниот претседател на Основниот суд Скопје 1, Владимир Панчевски, најави нов скандал поврзан со обвинителите од ОЈО.„Нов скандал ќе го стресе обвинителството! Обвинителите не само што биле слушани туку било следено и снимано нивното движење со видео надзор, никој нели не го провери ова??? Го прашал ли некој Јовевски за ова???“, напиша Панчевски на Твитер.

пред 7 години

Објавена снимка од телефонот на Катица Јанева

Порталот Експрес.мк пишува дека на социјалните мрежи кружи видеоснимка направена со телефонот на специјалната јавна обвинителка Катица Јанева, најверојатно снимено во просториите на СЈО или за време на некоја посета на обвинителката на некоја институција каде што морала да го остави телефонот пред состанок.На видеоснимката во која имал увид порталот, но од безбедносни причини не е објавена, се гледа како Јанева во придружба на женско лице доаѓа најверојатно до безбедносниот магацин каде што во СЈО или друга институција поради заштита од прислушување се чуваат телефоните на вработените по што таа го зема телефонот и оди низ канцеларијата. Специјалната обвинителка не е свесна дека земањето на апаратот и одењето е снимено со нејзиниот телефон но во случајот она што е неверојатно е како се случило нејзините приватни или службени видеоснимки да излезат во јавност, пишува Експрес.мк.За да се почитува правото на Јанева на заштита на приватноста expres.mk нема да го објави видеото, но скандалозното истекување на видео снимка од телефонот на еден од најзаштитените македонски јавни функционери покажува дека безбедносните протоколи на СЈО чија линија и телефонски апарат користи Јанева се пробиени.Тој што дошол до видео од телефонот на шефот на СЈО веројатно веќе се обидел да дојде и до прислушуваните разговори и други важни документи и податоци од СЈО, констатира порталот.

Скопје | пред 7 години

(ФОТО) Автомобил излета од патот

Автомобил Пасат фолсфаген излета од патот на ул. Ристо Чадо во Охрид. Во несреќата повреден е возачот на автомобилот.СВР веќе е на терен и ги утврдува причините за несреќата. Портпаролот на СВР Стефан Димовски детали за несреќата најави за подоцна по завршувањето на истрагата.

Македонија | пред 7 години

ФОТО: „Охридско лето“ со незаборавен концерт на маестро Арчиули

Еден од најоригиналните изведувачи на денешната класична музичка сцена, италијанскиот пијанист Емануеле Арчиули, синоќа во Македонската опера и балет во Скопје приреди незаборавен концерт во рамки на зимскиот дел од програмата на фестивалот „Охридско лето“.На концертот што се одржа со поддршка на Италијанската амбасада во Република Македонија на чело со неговата екселенција, Амбасадорот Карло Ромео, меѓу другите, присуствуваа и министерот за култура на Република Македонија Асаф Адеми, како и претставници на Дипломатскиот кор во државава.За публиката што синоќа уживаше во неповторливите звуци на пијаното на Арчиули, по завршувањето на концертот беше приреден и свечен коктел во организација на Италијанската амбасада.Пијанистот Емануеле Арчиули редовно настапува во големите концертни сали и фестивали, како што се Берлинскиот фестивал, Виен Модерн, Ла Скала Милано, Биеналето на Венеција, Фестивалот за пијано во Мајами, Милерб театарот во Њујорк, Маџо музикале Фиорентино, Фестивалот на камерна музика Санта Фе, како и на меѓународните фестивали за пијано во Бреша и Бергамо. Предава современа музика на Академија ди Пинероло, професор е на конзерваториумот во Бари, а исто така е чест гостин професор на многу американски универзитети.Репертоарот на овој ислучително талентиран и виртуозен пијанист е огромен и опфаќа дела од Бах до современа музика, со силен афинитет кон композиторите од Соединетите американски држави.

Скопје | пред 7 години