ГЛАВНИ-ВЕСТИ

Русковска: Интерпол повеќе од 2 месеци одбива да објави меѓународната потерница за Груевски и Бошкоски

Обвинителката за гонење организиран криминал и корупција, Вилма Русковска, изјави дека Интерпол повеќе од 2 месеца одбива да ја објави меѓународната потерница за Никола Груевски и за, Никола Бошкоски.Рускоска на прашање на новинарите до каде е истрагата за Никола Груевски и процесот за екстрадиција, изјави дека пристигнала документација од Албанија.Инаку таа потсети дека кон крајот на овој месец ќе поднесе обвинение и за организаторите на 27 април. 

пред 6 години

Дали горивата драстично ќе се зголемат или намалат, зависи од Пендаровски

Денеска, 8 мај, завршува дваесетгодишниот договор со скопската рафинерија „Окта“, со кој РКЕ имаше обврска пресметката на цената на горивата  да  ја утврдува по утврдена методологија. Но веднаш по победата новиот претседател Стево Пендаровски, кој треба да биде инаугуриран в недела, на 12 мај годинава, посочи дека уште првиот работен ден тој ќе ги потпише сите закони кои досега не беа потпишани од досегашниот претседател.Дали горивата од идната недела драстично ќе поскапат или поевтинат? Одговорот ќе го знаеме по 12 мај.По првомајските празници на 30 април годинава за последен пат беше донесена одлуката за цената на горивата што се точат на бензинските пумпи низ државата, методологија која се применува речиси од формирањето на Регулаторната комисија за енергетика. Досегашната методологијата беше поврзана со Анексот на договорот за продажба на ОКТА, при што дел од формирањето на цената на горивата се земаше предвид цената на Светските берзи на чистата бренд нафта и курсот на доларот во однос на еврото. 

Македонија | пред 6 години

СДСМ ќе бара оставка од двајца градоначалници во Скопје?

По најавата за „метла“ на функционри кои не служат доволно добро на народот, од редовите на владејачката партија, таа најверојатно ќе „заигра“ и меѓу градоначалниците во неколку скопски општини.Според неофицијални информации, се разгледувала можност да им бидат побарани оставки на двајца градоначалници на скопски општини, каде што е евидентиран најиндикативен пад во однос на последните локални избори, и кои беа често на тапет на јавноста поради лоши потези, посебно во делот на урбанизмот.Проценките, наводно, се дека е подобро да се организираат дополнителни избори во тие општини, макар и да победи ВМРО-ДПМНЕ, отколку да продолжи да се нарушува имиџот на СДСМ со непродуктивно и неажурно работење на дел од локалните власти. Соговорниците на „Независерн весник“ најавуваат посебна анализа за потфрлањата во главниот град на овие избори, наспроти убедливата победа што беше остварена во сите скопски општини и во градот во целина на локалните избори пред една и пол година.Посебно се посочуваат општините Кисела Вода и Гази Баба, каде што е забележан најголем пораз, но и Аеродром и Ѓорче Петров, во кои ВМРО-ДПМНЕ исто така обезбеди подобар резултат од СДСМ. На скопскиот градоначалник Петре Шилегов, пак, меѓу другото му се забележува дека истовремено е и потпретседател на партијата, така што проценките се дека не придонел доволно за подобар резултат во главниот град.Од друга страна, се посочува и на одреден „кадровски дисбаланс“ во изминатиот период по преземањето на власта, така што на најистурени позиции предност им беше дадена на кадри од внатрешноста, за на крајот да се нотираат послаби резултати од опозицијата во многу општини – и во Скопје и во внатрешноста.Такви анализи, впрочем, се прават и за другите градови каде што е воочена поголема загуба на гласови. За Прилеп, од каде што, на пример, почна кампањата на Пендаровски се посочува дека е алармантна загубата на гласови во периодот од две недели – од околу сто гласови предност на ВМРО-ДПМНЕ во првиот круг до близу 1.500 во вториот круг. Особено ако се има предвид дека оваа општина е мошне солидно кадровски застапена во централната власт, така што има еден министер, двајца пратеници и уште неколку раководители на истурени позиции.Извор: Независен.мк

Скопје | пред 6 години

ФОТО: Се крева нов спрат на минарето од охридската џамија

Минарето на Алипашината џамија во Охрид продолжи со градба. Здружението „Совест“ објави фотографија на социјалните мрежи, каде работниците се качени на скеле и продолжуваат со ѕидање на објектот.„Си поминаа изборите и си тераат по старо. Оп, еве, денес, се спрема нов спрат на минарето, кое е дивоградба на Алипашината џамија. Правда, закон, жолт картон, порака, нешто? Охрид нема време да чека. Довербата повторно ви ја дадовме, жолтиот картон го испорачавме, не дозволувајте да не изиграте, оти следно е црвен!“, објави здружението „Совест“.

Македонија | пред 6 години

Милошоски: Немаме основа за триумфализам, но сме на добар пат

Антонио Милошоски од ВМРО-ДПМНЕ во вчерашното гостување на телевизија Телма рече дека неговата партија нема основа за триумфализам, но е на добар пат.-Ние немаме основа за триумфализам, но гледаме дека се движеме во добра насока. Сметам дека анализата дека СДСМ без коалиционите партнери тежи 330 илјади гласови е точна. Ние со оглед дека сме опозиција и во помала коалиција, сметам дека сме на добар пат. Од 1991 година до денес никогаш не победил канидидат на опозицијата, без разлика кој е на власт, заклучи Милошоски.

Македонија | пред 6 години

Њујорк Тајмс: Завршува тридецениската меѓународна изолација, посета на папата ја става Северна Македонија на светската мапа

Весникот Њујорк Тајмс во текст под наслов „Посета на папата Франциск ја става Северна Македонија на светската мапа (Visit by Pope Francis Helps Put North Macedonia on the Map)“, пишува за денешната историска посета на папата на нашата земја.-Откако горчливиот спор за името со Грција конечно се реши и членството во НАТО се очекува до крајот на годинава, Северна Македонија доби уште еден знак дека нејзината речиси тридецениска меѓународна изолација завршува: се случи првата папска посета на земјата, пишува весникот.Во текстот се потсетува на патот на нашата земја од независноста до Договорот од Преспа и промената на името и очекуваниот влез во НАТО, како и олеснување на патот кон ЕУ.-Сепак, не сите присутни го споделија ентузијазмот на папата за овие случувања, пишува весникот и пренесува дел од говорот на претседателот Ѓорге Иванов, претставувајќи го како еден од противниците на договорот кој одбива да го користи новото име. Њујорк Тајмс пишува и дека Иванов е на самиот крај на својот мандат и дека неговиот наследник Стево Пендаровски е поддржувач на договорот.Во текстот е пренесена и изјава на премиерот Зоран Заев, како и дел од говорот и пораките на папата Франциск.

Македонија | пред 6 години

Димитров до Милошоски: Гладна кокошка, просо сонува

Министерот за надворешни работои, Никола Димитров, синоќа му испрати порака на поранешниот шеф на македонската дипломатија Антонијо Милошоски дека ВМРО-ДПМНЕ нема за брзо време да се вратат на власт.„Гладна кокошка, просо сонува …“, кусо искоментира Димитров на својот профил на Фејсбук, а потоа додаде во коментарите „Ќе пораснеме, па што сака нека биде. Ќе се радуваме на успесите на сите наши. И ќе научиме да се поддржуваме меѓусебно“, напиша Димитров по настапот на Милошоски на телевизија Телма.Антонио Милошоски од ВМРО-ДПМНЕ во вечерашното гостување на телевизија Телма рече дека неговата партија нема основа за триумфализам, но е на добар пат.-Ние немаме основа за триумфализам, но гледаме дека се движеме во добра насока. Сметам дека анализата дека СДСМ без коалиционите партнери тежи 330 илјади гласови е точна. Ние со оглед дека сме опозиција и во помала коалиција, сметам дека сме на добар пат. Од 1991 година до денес никогаш не победил канидидат на опозицијата, без разлика кој е на власт, заклучи Милошоски.

Македонија | пред 6 години

Осумте пратеници влегуваат во власта !

Осумте пратеници се се' поблизу до влез во владината коалицијата, нешто за што Скопје1.мк пишуваше уште пред околу два месеци. Дел од пратениците уште пред изборите нуделе функции и вработувања во идната Влада, а најдалеку од сите отишол пратеникот Љубен Аранудов кој во Охрид на луѓе од ВМРО ДПМНЕ цело време додека течеше кампањата за избори им нудел места по министерствата во Скопје.Дека нешто се случува можеше да се види и синоќа кога гостувајќи во една емисија, пратеникот Мухамед Зекири поголем дел од емисијата го помина критикувајќи ја ДУИ и Реисот на ИВЗ и обвинувајќи дека блиските релации на ДУИ со ВМРО ДПМНЕ не се никаква тајна.ЉУБЕН САКАЛ СРЕДБА СО МИЦКОСКИ И НИКОЛОСКИ Интересно е тоа што пратеникот Љубен Арнаудов пред првиот круг на изборите се обидувал да се сретне со Христијан Мицкоски или со потретседателот на ВМРО ДПМНЕ Александар Николоски. Арнаудов направил неколку напори да дојде до оваа средба, но не знаеме дали таа се реализирала како и што сакал од нив и за што барал да се сретне со Мицкоски.Претходно Љубен Арнаудов и Крсто Мукоски беа заедно со луѓе вработени во МВР кои се од голема доверба на Оливер Спасоски во Охрид.ВИДЕО ОД КАМПАЊИТЕ КОГА АРНАУДОВ ЈА ГРАДЕШЕ КАРИЕРАТА ВО ВМРО ДПМНЕ И БЕШЕ КАДАР НА КАДРОВИЦИТЕ НА ОВАА ПАРТИЈА

Македонија | пред 6 години

(ВИДЕО) Молам за 100 денари за вреќа брашно, синот умре-снаата и децата мора да јадат

Мерем Алишани од Куманово секој ден доаѓа во Скопје во Старата скопска чаршија. Седи начесто кај споменикот Скендербег. Нема ни кутија. Покриена со бела крпа преку нозете раката и е пружена моли за некој денар, објави досие.мк.Синот и починал на 32 години и нема машка глава да се бори за гол живот за снаата и децата. Нема телефон, живее во населбата Диво Насеље во Куманово.Институциите се оние кои може да ја најдат и да ја решат маката на жената и нејзиното семејство.извор: досие.мк

Македонија | пред 6 години

(ФОТО) По папата, ѓубре на плоштадот: Тоа се тие јаки верници

По литургијата на папата Франциск, верниците оставија куп отпад. Ова беше доволна причина за на социјалните мрежи да се критикува. Новинарката Јадранка Ивановска-Јоци искоментира „тоа се тие јаки верници“.„Тоа се тие јаки верници. Културни, воспитани, морални, чисти душички, создадени и предодредени за рајските градини со своите манири. Просто преслатки. Да посака атеист секој ден со нив да оди и во кревет“, напиша новинарката Ивановска-Јоци.

Скопје | пред 6 години

Нема фотографија

„Метлата“ на Заев ќе исчисти 15 функционери?

„Метлата“ на премиерот Зоран Заев ќе „исчисти“ функционери од секое ниво на власта. Извори од СДСМ брифираат за ТВ Алсат дека премиерот направил список со над 15 имиња кои ќе бидат сменети.Во него, според телевизијата, има потпретседател на партијата, министри, пратеници, градоначалници, директори и други функционери.Меѓу ресорите каде може да има промени се  министерството за информатичко општество, за земјоделство, но и во здравство. Се шпекулира и трампа на министерствата за правда и за образование.Извори од ДУИ велат дека партиските крила од Гостивар и Тетово бараат да го добијат ресорот бидејќи ДУИ од Куманово веќе има две министерски функции.Коалициските партнери не дискутирале ниту за судбината на Министерството за култура, откако министерот Асаф Адеми вчера даде оставка поради здравствени причини.На списокот институции каде се очекуваат промени на кадри се споменува и МНР. Неофицијално, Никола Димитров бара да замине од министерската фотелја, но причините не се откриваат.

Македонија | пред 6 години

(ВИДЕО) Паштети, мајонез, парички: Посетителите си ги бараат предметите по мисата на папата Франциск

Поглаварот на Римокатоличката црква, папата Франциск, денеска отслужи миса на плоштадот „Македонија“ во Скопје на која присуствуваа околу 15.000 граѓани од земјава, како и верници од странство. Поради засилените безбедносни мерки, граѓаните беа принудени да остават многу од своите лични предмети пред влезот на плоштадот.Од видеото објавено од МИА се гледа дека, и покрај апелите на на надлежните на миса да не се доаѓа со чадори, запалки, храна и слично, многумина не ги послушаа.Во продолжение погледнете со што сѐ дојдоа граѓаните на миса:

Македонија | пред 6 години

Заев ги сака Макрон и Меркел во Македонија, а тој ќе ја следи мисијата на Мајка Тереза

Посетата на Папата Франциск на земјава е доказ за иднината – вели премиерот Зоран Заев.Тој не сакаше да го коментира обраќањето на претседателот Ѓорге Иванов бидејќи како што рече ова е ден за убави пораки. Според Заев, светата литургија со која Папата ги благослови сите католици, но и сите граѓани во земјава е израз на почит . ,,Тоа е силен почит и поттик за сите нас, тоа е силна порака која што денеска беше пренесена низ светот”, рече Заев и додаде: ,,Нашиот народ ја следи мисијата на Мајка Тереза, што го потврдивме на овој денешен настан на заедништво”.Прашан кои се неговите следни цели, Заев одговори дека се надева следен што ќе ја посети Македонија ќе биде претседателот на Франција, Емануел Макрон.-Макрон барем десет пати, премиерот Руте и канцеларката Меркел. Бидејќи Ципрас го направи тоа, Борисов исто така. Првата цел ја завршивме, ќе бидеме членка на НАТО, останува уште ЕУ, втората и подеднакво важна цел е да добиеме датум за преговори – рече Заев.  

Македонија | пред 6 години

ФОТО: Сопругите на Мицкоски, Иванов и Заев со голи нозе го дочекаа папата

Непочитување на дрес-кодот при спредба со папата Франциск денес покажаа сопругите на премиерот Зоран Заев, претседателот во заминување Ѓорѓе Иванов и претседателот на ВМРО-ДПМНЕ, Христијан Мицкоски. Тие на средбите со папата се појавија во кратки здолништа, со голи нозе, што е недозволено според правилата на Ватикан.„При средбите со папата, прифатливо е жените да носат фустани под коленици во црна боја, со едноставен крој. Тие треба да бидат со покриени раменици“, пишува на официјалната страна на Ватикан, во делот за дрес-код.Зорица Заева, Маја Иванова и Рози Мицкоска се облекоа спротивно на правилата на Ватикан.Интересно е што Владата подолго време испраќаше насоки кои треба да се почитуваат кога стануваше збор за посетата на папата Франциск во земјава, но очигледно, не бил задолжителен за секого.Дрес-кодот на Ватикан, во продолжение:

Македонија | пред 6 години

Самохрана мајка, му ја раскажа својата тажна приказна на папата: Кога ми беше најтешко бев прифатена од чесните сестри

Папата Франциск во дворот на Меморијалниот центар ,,Мајка Тереза” се сретна и благослови граѓани кои припаѓаат на социјални ранливите категории. Една самохрана мајка, му ја раскажа својата тажна приказна и истакна дека кога се нашла во тешка животна ситуација заедно со нејзината ќерка била прифатена од Чесните сестри, иако е од православна вероисповед и упати благодарност до Чесните сестри и Светиот отец, додавајќи: ,,Чесните сестри никогаш не настојуваа тоа да се смени или јас да ја променам верата. Тие се грижеа за нас, ни дадоа покрив над главата, разбирање и се што требаше”.По напуштањето на дворот на Спомен куќата на Мајка Тереза, Неговата Светост Папата Франциск кон плоштадот ,,Македонија” каде што тој чиноначалствуваше со светата Литургија, се движеше во својот папа-мобил и се поздравуваше со присутните верници.

Македонија | пред 6 години

Кој е папата Франциск? Каде и како живее – факти за папата кои ќе ве изненадат

Денеска во земјава допатува поглаварот на Римокатоличката црква, папата Франциск. Ова се некои факти за папата кои ќе ве изненадат:– Вистинското име на папата Франциск е Хорхе Марио Бергољо. Роден е во Буенос Аирес на 17 декември 1936 година. Тој е еден од петте деца на италијански доселеници.– Течно зборува италијански, германски и шпански, а ги владее и англискиот, француски и португалски. Студирал филозофија и дипломирал хемиска технологија. Пред да стане надбискуп на Буенос Аирес предавал книжевност, психологија, филозофија и теологија. Во 1986 година во Франкфурт одбрани докторат по теологија.– Папата Франциск обожува танго. На часовите по танцување ја запознал својата тогашна девојка. Но потоа го почувствувал религискиот повик. Кога имал 12 години на својата прва симпатија наводно и рекол: Ако тебе не те оженам, ќе станам свештеник.– За да се прехрани и да заработи за стан во младоста работел и како исфрлувач во ноќни клубови во Буенос Аирес.– Тој е страстен навивач на локалниот арегентински фудбалски клуб „Сан Лоренцо“.  Тој активно играл кошарка. Исто така поседува голема колекција од дресови од фудбалски клубови.– Откако стана папа, тој беше кандидат за Нобелова награда за мир. „Тајм“ го прогласи за личност на 2013 година. 

Македонија | пред 6 години

(Во ЖИВО) Папата Франциск во посета на Македонија

Неговата Светост, Папата Франциск, врховниот свештеник на Римокатоличката црква, пристигна во еднодневна посета на Република Северна Македонија.На аеродромот во Скопје, Светиот Отец, Папата Франциск го пречекаа Претседателот на Република Северна Македонија Ѓорге Иванов и Претседателот на Владата на РСМ Зоран Заев, и други високи претставници на Владата и на градот Скопје. Церемонијата вклучи и високи државнички почести и традиционален пречек на кој учествуваа и граѓани од нашата земја и регионот.Неговата Светост  на плоштадот „Македонија“ ќе одржи светата литургија.Светата литургија на плоштадот „Македонија“ ќе ја проследат десеттина илјади граѓани, припадници на Римокатоличката црква, како и други граѓани и највисоките претставници на државата и на општествено-политичките институции.

Македонија | пред 6 години

(ФОТО и ВИДЕО) Папата Франциск во Скопје, го пречекаа Иванов и Заев

Неговата Светост, Папата Франциск, врховниот свештеник на Римокатоличката црква, пристигна во еднодневна посета на Република Северна Македонија.На аеродромот во Скопје, Светиот Отец, Папата Франциск го пречекаа Претседателот на Република Северна Македонија Ѓорге Иванов и Претседателот на Владата на РСМ Зоран Заев, и други високи претставници на Владата и на градот Скопје. Церемонијата вклучи и високи државнички почести и традиционален пречек на кој учествуваа и граѓани од нашата земја и регионот.Папата Франциск и неговата придружба во која се државниот секретар на Ватикан кардиналот Пјетро Паролин, кардиналите Леонардо Сандри и Курт Кох, задолжени за односи со источните цркви и за христијанско единство, како и десеттина надбискупи и други високи достојници на Римокатоличката црква и Ватикан, и бројната придружба на делегацијата, од аеродромот Скопје се упатија кон резиденцијата на Претседателот на државата каде што ќе биде приредена официјалната свечена церемонија на пречек со највисоки државнички почести.Во програмата на апостолската посета на Папата Франциск на нашата земја се средбите со претседателот Иванов и премиерот Заев, во придружба на нивните семејства, како и обраќањето на Неговата Светост Папата Франциск пред македонската јавност, пред претставниците на Собранието и на Владата, како и пред дипломатскиот кор во Северна Македонија и другите гости поканети на церемонијата на свечениот дочек во Вилата Водно.Според програмата на апостолската посета на Папата Франциск, Неговата Светост од Вилата Водно ќе пристигне во Спомен Куќата на Мајка Тереза каде што ќе се сретне со група граѓани од ранливите категории и со претставници на верските заедници во нашата земја.Од Спомен Куќата на Мајка Тереза, Неговата Светост и придружбата ќе заминат кон плоштадот „Македонија“ каде што ќе се одржи светата литургија со која ќе чиноначалствува Папата Франциск.Светата литургија на плоштадот „Македонија“ ќе ја проследат десеттина илјади граѓани, припадници на Римокатоличката црква, како и други граѓани и највисоките претставници на државата и на општествено-политичките институции.Во попладневните часови Папата Франциск ќе присуствува на Екуменска и меѓурелигиска средба со младите граѓани и граѓанки од земјата кои претходно се пријавија да бидат дел од оваа средба.Програмските содржини од првата, историска, средба на Папата Франциск на нашата земја ќе се заокружат со средба со свештениците, нивните семејства и богопосветените во катедралата „Пресвето Срце Исусово“, по што делегацијата на Ватикан ќе се упати кон аеродромот Скопје.

Македонија | пред 6 години

17 лица повредени во 16 сообраќајки во Скопје

Во текот на вчерашниот ден во Скопје се случиле вкупно 16 сообраќајни незгоди во кои едно лице се здобило со тешки телесни повреди, а 17 лица поминале со полесни повреди, покажуваат податоците од билтенот на СВР Скопје.Во текот на вчерашниот ден во Скопје санкционирани се четворица возачи за управување на возило пред да се стекнат со тоа право, а еден возач за поминување крстосница на црвено светло.Сообраќајната полиција издала 14 казни за непрописно паркирање, а со специјалното возило „пајак“ подигнати се 10 возила.

Скопје | пред 6 години

Специјален сообраќаен режим и траси на движење во центарот на Скопје

Денеска поради посетата на Папата Франциск, во Скопје сообраќајот ќе се одвива по специјален режим. Во централното градско подрачје во Скопје, поточно појасот „Голем ринг“, од 6 до 19 часот ќе има забрана и ограничување на сообраќајот. Сите возила ќе бидат пренасочени на сообраќајниците околу центарот во Скопје за да може непречено да се движат.Во овој временски период ќе се формира „рестриктивна зона“ на движење. За автомобили целосно ќе бидат затворени следните улици: 11 Октомври од крстосницата со булеварот Кочо Рацин до крстосницата со улиците Димитрие Чуповски, Даме Груев, Македонија, Васил Главинов, Филип 2 Македонски, Св. Климент Охридски (адвокатска) и Иљо Војвода.Сообраќајници по кои ќе биде дозволено движењето на возилата се следните: булевар Кочо Рацин, улица 11 Октомври од крстосницата со булевар Кочо Рацин до крстосницата со булевар Борис Трајковски, улицата Св. Кирил и Методиј, булеварите Св. Климент Охридски, Партизански одреди, Гоце Делчев и улицата Самоилова.Посебни сообраќајни правила на движење на автомобили ќе има и на трасата од Меѓународниот аеродром - Скопје до централното градско подрачје на Скопје. Во временските интервали од 7:30 до 9 часот и од 17 до 18:30 часот, сообраќајот по бул. „Александар Македонски“ од излезот на Скопје во Автокоманда, кон аеродромот, ќе биде затворен во двете ленти на булеварот и ќе биде пренасочен по споредни сообраќајници.На трасата Велес – Скопје, во овој временски интервал, сообраќајот за влез и излез во Скопје ќе се одвива преку трасата Миладиновци - Идризово - Маџари. На трасата Куманово – Скопје, на клучката Миладиновци (кај Рафинеријата), сообраќајот ќе се пренасочува кон Обиколницата на Скопје, на која прв дозволен влез во градот Скопје ќе биде на клучката кај Радишани.За време на апостолската посета на папата Франциск движењето во централното градско подрачје (познато како „Мал ринг“) за сите граѓани ќе биде непречено, но забавено, бидејќи овој појас ќе биде строго обезбедена зона. Сите граѓани што ќе пристапат во оваа зона во периодот од 6 до 19 часот на 7 мај ќе мора да се идентификуваат со важечки документ за идентификација и да поминат низ безбедносни проверки.Во зоната „Мал ринг“ ќе се пристапува преку осум влеза на кои МВР ќе врши безбедносна проверка на сите граѓани, како и проверка на лична карти или пасош.Ова се единствените влезови во кои ќе се пропуштаат граѓаните кои ќе се упатуваат кон плоштадот „Македонија“:- Влез кај Управен суд на улица Орце Николов- Влез кај хотел „Мериот“ на улица Максим Горки- Влез кај кафе „Тренд“ на улица Димитрие Чуповски- Влез кај Министерството за финансии на улица Даме Груев- Влез кај Завод за статистика на улица Даме Груев- Влез кај Пелагонија на улица Димитрие Чуповски- Влез кај порта „Македонија“ на улица 11 Октомври- Влез на предната страна од ГТЦ кон плоштадПешачките мостови на реката Вардар (Камениот мост, мостот Око и Мостот на уметноста) ќе бидат целосно затворени за движење, како и Кејот „13 Ноември“ од двете страни на реката.Сите граѓани што живеат или работат околу плоштадот „Македонија“ ќе имаат непречен пристап до своите живеалишта, односно места на работа, преку поминување на еден од одредените влезови. Важно е со себе да носат документ за идентификација. Внатре во зоната ќе имаат слободен пристап до сите локации, освен во затворената зона на самиот плоштад, за каде што е потребна влезница за учество на литургијата. Пристапот за моторни возила, велосипеди, мопеди и слично е забранет во обезбедената зона.Целосните промени и правила на движење можете да ги видите на следната интернет врска - https://papa.mk/soobrakjaj/ Целосните промени за движење на автобусите во јавниот градски превоз можете да ги видите на следната интернет врска - http://jsp.com.mk/vest.aspx?vest=912 

Скопје | пред 6 години

(ВИДЕО) Папата Франциск пристигна во Македонија

Поглаварот на Римокатоличката црква, папата Франциск, пристигна на аеродромот во Скопје со што ја почна историската Апостолска посета на Република Македонија.Папата на аеродромот беше пречекан од претседателот Ѓорге Иванов и премиерот Зоран Заев, по што ќе се упатат кон претседателската вила Водно каде што ќе се одржи официјална церемонија, а тој ќе има обраќање пред државните власти, граѓанското општество и дипломатскиот кор.На плоштадот „Македонија“ поглаварот на Римокатоличката црква ќе отслужи Света литургија на која се очекува да присуствуваат повеќе од 15 илјади граѓани од земјава, но и високи гости, верници и странски државјани, пред се од поширокото соседство.По литургијата папата ќе одржи екуменска и меѓурелигиска средба со младите во Католичката црква, а потоа и со свештениците и нивните семејства.

Македонија | пред 6 години

Нема фотографија

Каменуван автобус во кој се возеле навивачи на Работнички

Автобус кој превезувал навивачи на кошаркарскиот клуб Работнички вечерва е каменуван близу хотелот „Хилтон“ во Аеродром, по дерби мечот со МЗТ Скопје во спортскиот центар „Јане Сандански“, потврдија од МВР за САКАМДАКАЖАМ.МКСè уште нема детали за нападот, но неофицијално, на враќање од натпреварот врз автобусот се фрлени камења, а има и повредени кои се однесени со Брза помош.Каменуваниот автобус е паркиран на раскрсницата меѓу улиците Орце Николов и Рузвелтова во Центар, каде се врши увид на полицијата.

Скопје | пред 6 години

Министерот Спасовски со видео порака по повод 7ми мај -Денот на македонската полиција

Министерот Спасовски со видео порака по повод 7ми мај -Денот на македонската полиција. Во обраќањето министерот истакна: Почитувани припадници на Министерството за внатрешни работи, Ви се обраќам по повод 7ми мај, Денот на македонската полиција.Ви се обраќам како министер, како колега, како ваш сојузник. Пред две години мојата цел како министер беше да го вратам угледот на министерството и да им овозможам на вработените чесно и одговорно да ги извршуваат своите работни задачи. Изминативе две години како министер во Владата на Република Северна Македонија се залагав за решавање на сите наталожени проблеми со кои вие се соочувавте во годините претходно.Заедно со вас успеавме дел од нив веќе и да ги надминеме и со тоа отвараме нови можности за постигнување уште поголеми резултати во периодот кој следи. Горд сум што и покрај сите негативни случувања во минатото, во ова министерство работат професионалци кои непоколебливо се борат против криминалот и корупцијата, против тероризмот, се грижат за јавниот ред и мир и секојдневните потреби на граѓаните.Во декември 2018 година беа исплатни покачени плати за 4.900 полициски службеници, за кои на годишно ниво одвоивме 79 милиони денари. И во периодот пред нас продолжуваме со подобрување на условите за работа, продолжуваме со реновирањето на полициските станици. Набавката на униформи да стане редовна активност, а не исклучок. Специјализираните оддели да бидат опременувани со модерна опрема со која ќе можат подобро да ги извршуваат своите работни задачи.Да не заборавиме наш партнер се и граѓаните. Сакаме да бидеме близу до нив, да превенираме и да ја зголемиме безбедноста на граѓаните и затоа ја воведовме позорникарската служба. Полицајците позорникари ја зголемуваат безбедноста во населените места, ја зајакнуваат борбата против криминалните појави, а со ова ја зголемуваме и довербата во полицијата.Во следниов период ќе работиме и на системско решавање на функционалните проблеми и ќе го зајакнеме институционалниот и административен капацитет на министерството.И во иднина, мој и на сите нас приоритет останува да ни биде заштитата на безбедноста и сигурноста на нашата држава и нашите граѓаните.  Да продолжиме по чесниот пат, зошто тој е вистинскиот.Почитувани колеги,Ви го честитам Денот на македонската полиција, вие сте столбот на мирно и демократско општество.

Македонија | пред 6 години

Се преврте камион на автопатот Тетово – Скопје

Камион се преврти на автопатот Тетово-Скопје, објави 1тв според информациите на очевидец. Не е позната причината за несреќата, се очекуваат дополнителни детали од МВР по истрагата.Поради несреќата, сообраќајот се одвива отежнато, по една сообраќајна лента.

Македонија | пред 6 години

Владата го прогласи 7 мај за неработен ден на територијата на Град Скопје

Согласно последните организациски проценки поврзани со протоколот за посетата на Неговата Светост Папата Франциск, и согласно потребите и барањата на институциите и граѓаните, Владата на Република Северна Македонија донесе одлука утрешниот ден, 7 мај (вторник), да биде неработен ден за сите вработени во јавната и државната администрација на територијата на Град Скопје.Со оваа одлука се опфатени основните и средните училишта, а градинките ќе бидат организирани непречено да ја извршуваат својата функција. Владата им препорачува и на приватните компании, особено од централното градско подрачје да ја прифатат одлуката овој ден да биде неработен и за вработените во овој сектор, и на тој начин да го дадат својот придонес во организацијата на програмските содржини од посетата на Папата Франциск.Дополнително ќе биде соопштено кој ден ќе биде определен за да се одработи утрешниот неработен ден.

Скопје | пред 6 години