ГЛАВНИ-ВЕСТИ

Манчевски најави чистката за вработените во администрацијата кои не одат на работа, а земаат плата

Министерот за информатичко општество и администрација Дамјан Манчевски вели дека ќе ја почитува евентуалната одлука и тој да биде зафатен со „чистката” на владините функционери што ја најави неодамна премиерот Зоран Заев.Според министерот, со „чистката” ќе бидат опфатени вработените во администрацијата кои не одат на работа, а земаат плата.Манчевски вели дека е субјективно е да каже колку е задоволен од својата работа, смета дека секогаш може подобро и дека е главен судот на граѓаните.

Македонија | пред 6 години

Прва оставка по изборите, jа поднесе Министерот Адеми

Министерот за култура Асаф Адеми денеска поднесе оставка од функцијата. Адеми ја соопшти одлуката на прес-конференција во партиското седиште на „Алтернатива“ во скопска „Мавровка“.Причина за негова одлука како шро кажа се здравствени проблеми.Оставката, како што наведе, ја поднесува поради здравствени причини и во консултации со партискиот лидер Африм Гаши.Инаку, на функцијата министер за култура тој дојде во јуни минатата година наследувајќи го Роберт Алаѓозовски.

Македонија | пред 6 години

(ФОТО) Дрво падна на автомобили во центарот на Охрид

НАСКОРО ПОВЕЌЕ ...

Македонија | пред 6 години

Исчезна дедо Трајан од Усје, семејството моли за помош

 Скопјанецот Горан Илиев апелира до јавноста за било каква информација за неговиот дедо Трајан. Трајан од село Усје, боледува од деменција и од утрово му се губи трага.Доколку имате било каква информација, јавете се на 070 350 294.https://www.facebook.com/ilievg.mk/posts/10214302051881024

Македонија | пред 6 години

Денеска е Ѓурѓовден – се прославува будењето на вегетацијата и на животот воопшто

Празникот на светиот великомаченик Георгиј познат како Ѓурѓовден се празнува на 6-ти мај според новиот (или на 23-ти април според стариот) календар. Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.Именден празнуваат:Ѓоко, Ѓорѓија, Ѓуро, Ѓурѓа, Ѓоре, Ганка, Ганчо, Гинка, Ѓурѓица и други.Големиот црковен и народен празник посветен на светиот великомаченик Георгиј Победоносец меѓу народот познат како Ѓурѓовден спаѓа меѓу неподвижните празници или меѓу празниците со постојан датум. Секоја година се паѓа на 6 мај според новиот, или на 23 април според стариот календар.Како голем празник Ѓурѓовден се поврзува со Велигден, па и во народната песна се пее за нивната поврзаност, за раззеленувањето на вегетацијата и за враќањето на животот по пасивниот зимски период.Ѓурѓовден е празникот  врзан со најголем број обичаи што постојат во народното верување и спаѓа меѓу неподвижните празници или меѓу празниците со постојан датум. Секоја година се паѓа на 6 мај според новиот, или на 23 април според стариот календар. Овој празник се смета за граница меѓу зимата и летото, празник врзан за здравјето на домашните, женачката, плодност на стоката и добри посеви.Главен обичај е плетење венец од билки, миење со цвеќиња, капење во река. Венецот сплетен од цвеќиња треба да се стави на влезната врата во куќата и тоа значи дека домот и годината ќе бидат богати.Наутро со билките и со цвеќињата што домаќинката претходно ги потопила во вода, прво се мијат децата за да бидат здрави како дрен преку цела година, девојките и момчињата се грабаат околу нив, старите да бидат витални, а домашните куќата да им биде чувана.Се верува дека на Ѓурѓовден не треба да се спие, бидејќи главата може да ве боли цела година.Во селата се палеле големи огнови за да се избркаат сите зли и лоши сили.Се верувало дека ако е ведро, годината ќе биде плодна, а ако врне, дека ќе биде сушна година.  

Македонија | пред 6 години

Силјановска Давкова призна пораз: По овие избори ништо повеќе нема да биде исто

 Пресс конференција во ВМРО ДПМНЕ. Пред симпатизерите и членството се обрати Гордана Силјановска Давкова.-Заврши изборната трка, заврши изборната сага за мене невообичаена. Чудно се чувствувам. Бројките говорат за пораз, обично поразените не се чувствуваат добро, но јас никогаш не сум се чувтсвувала подобро, побогато поблагородно. Од среце ви благодарам што иако не бев член толку многу се зближив со унијата на жени, со симпатизерите со членството, а најмногу со граѓаните.Ние слушаме се, а јас слушам дека деновиве сум се подмладила. Тоа е поради граѓаните. Јас не знаев дека директните средби со нив, затоа што верував дека ако им се обраќам нив можам да помогнам во градењето на демократија во земјава која ја нема, и добив дијалог кој ми покажа дека допира до нив, до нивниот ум и срца, и верувајте тоа ме подмлади, рече Давкова.Таа потенцираше дека е задоволна од учеството во изборната трка..-Денешниов ден ми личеше на Вивалди. На четирите годишни времиња. Признавам дека утрото почна со дожд , наликуваше на зима, но дека на крај ќе заврши како пролет. Претпоставувам заврши како пролет за победниците, но за мене не е зима. Верувајте, да добиете речиси 370 000 гласови, не е воопшто малку.  Јас како поединец нити како кандидат на ВМРО ДПМНЕ не ја згубив битката.-Некој може да помисли дека наивно влегов во политиката по 30 децении. Јас сеуште мислам дека политиката има логика ако се перципира како уметност на возможноста, во смисла да подобрите нешто, да внесете нешто ново, да критикувате, да посочувате на добрите европски практики и приказни и да нудите решенија. Се обидов да го направам тоа, но неможам да не кажам дека политиката во Македонија сеуште не е уметност и дека сеуште е во рацете на партиите, тие одлучуваат каде ќе одат гласовите, а не граѓаните.Резултатот е јасен, но прашање е дали овој резултат со поразениот дали води кон помирување и обединување или означува поделба внатре во државата по повеќе основи, и прашање е дали синтагмата „Заено одиме напред“, навистина го ветува тоа, рече Силјановска Давкова.   

пред 6 години

Груби: ДУИ и Ахмети прават претседатели и премиери во државава, ние сме победници

Пратеникот од ДУИ, Артан Груби на социјалните мрежи објави фотографија од лидерот Али Ахмети под кога напиша дека неговата партија е заслужна за изборот на претседател на државата и Собранието, но и за изборот на премиер.„Али Ахмети и ДУИ прават претседатели на Собрание. Али Ахмети и ДУИ прават премиери. Али Ахмети и ДУИ прават претседатели на државата. Без Али Ахмети и ДУИ не ја бива работата. Победници“, напиша Груби, прогласувајќи ги ДУИ за победници.Вечерва во партискиот штаб на СДСМ, каде се слави победата на Стево Пендаровски не се појави лидерот на ДУИ, Али Ахмети, ниту пак Артан Груби. Заев на прес-конференцијата кажа дека телефонски исконтактирале и дека Ахмети ја честитал победата на Пендаровски.https://www.facebook.com/photo.php?fbid=10217112680723078&set=a.1073851060433&type=3&theater

Македонија | пред 6 години

Активитите на СДСМ со „Уа“ додека новинарите поставуваа прашања, Пендаровски побара да слави

Од Државната изборна комисија уште не кажаа кој е конечниот резултат на престојните претседателски избори, а Стево Пендаровски на прес-конференција се прогласи за врховен командант на армијата.За време на прес-конференцијата, додека новинарите постауваа прашања, поддрувачите извикуваа „Уаааа“, но никој не реагираше, иако тоа се случи неколку пати.На крајот, Пендаровски се обрати до новинарите и рече „Поставувајте прашања колку сакате, ама дајте ни шанса да прославиме“. На ова се смееа партиските активисти. По неколку секунди, Пендаровски рече дека е шега, но никој тоа не го сфати како такво и новинарите се повлекоа.

Македонија | пред 6 години

Заев: Мицкоски е поразен!

Премиерот Зоран Заев ја потврди победата на Стево Пендаровски. Тој рече дека граѓаните остануваат заедно за остварување на стратешките цели. Заев упати порака и до ВМРО-ДПМНЕ на која и порача дека треба да се реформира„Имаме успешни и демократски избори, добивме претседател на државата. Оддекна мнозинската граѓанска определба. Продолжуваме заедно и одговорно напред. Патот е потврден и пополчен со успех. Република Северна Македонија со сигурност продолжува напред. Граѓаните остануваат заедно за остварување на стратешките цели. Ова е победа на концептот, но пред се на граѓаните и републиката. Денес сите можеме да славиме, оти покажавме дека имаме земја која е европска, но и народ со демократски определби. Имаме беспрекорно чисти избори во двата круга. Северна Македонија има врвни демократски капацитети. Од денес ништо повеќе не е исто. Никој не може да застане на патот за прогресот и перспективите. Граѓаните го кажаа своето. Од преброени од 96,5 проценти од гласовите, Стево Пендаровски има освоени 423 илјади гласови, а Силјановска нешто над 360 илјади гласови, што е разлика од 55 илјади гласови“, рече Заев.Заев рече дека нема веќе режим и дека ова е крај на мрачното минато.„Мицкоски е поразен, поразени се политиките на ВМРО-ДПМНЕ на сеење страв. Ќе се учи за оваа политичка пракса и демократска зрелост. Честитам претседателе Стево Пендаровски. Да ми ги чуваш и штитиш граѓаните. Биди секогаш праведен и правичен, објективен, критичен. Еве ги резултатите кога се слуша граѓанскиот глас. Оваа генерација политичари и граѓани, одговорија на аманетот на претците. Со пенкало и глас донесовме исправна одлука. Заедно напред. Пендаровски е наш, ваш, мој, твој претседател“, додаде Заев.

Македонија | пред 6 години

Пендаровски се прогласи за претседател: Излеговме од дното, ќе служам на секого

Стево Пендаровски на почетокот на прес-конференција ја започна на македонски и албански, со што им се заблагодари на сите кои гласале за него.„Ова беше нашиот мудар народ. Оваа победа денеска е победа на мнозинството граѓани на Северна Македонија, која без разлика на етничка припадност се обедини и рече 'Заедно напред, никогаш повеќе режим'. Свечено сакам да објавам дека ќе им служам посветено на сите. Исходот од овие претседателски избори значи загарантиран пат напред како луѓе, семејство, држава. Излеговме од темното дно и оваа придобивка да си ја чуваме и развиваме. Исходот е поголем успех затоа што овие избори се победа на заедништвото. Победата на овој концепт носи иднина за Северна Македонија и наша карта за Европа. Доказ дека само стабилност, безбедност и прогрес се можни кога сме обединети. Ќе стојам зад секој чесен граѓанин, ќе обединувам и нема да делам. Ќе бидам претседател на сите. Ќе забележувам, ќе критикувам. Ќе бидам сојузник во остварување на интересите на граѓаните, а знам дека успех е можен со искрен пристап, соработка и трпение“, рече Пендаровски.Пендаровски му се заблагодари на Заев за поддршката, но и на против кандидатите Блерим Река и Гордана Силјановска-Давкова.„Сакам да ви ветам една работа, ќе бидам претседател на државата од која нема да се срамите ни тука, ни во странство. Ви благодарам на поддршката“, додаде Пендаровски.

Македонија | пред 6 години

Георгиески: Докажавме дека сме сплотени во заедничката визија за подобра иднина на нашиот град!

СДСМ во Охрид слави победа. Од аналитичкиот центар на СДСМ, информираа дека нивниот кандидат води со 3.881 гласа повеќе пред противкандидатот од ВМРО ДПМНЕ, Митре МИлошевски.Почитувани, Охрид денеска на мирни, фер и демократски избори, одлучи да оди напред! Уште еднаш докажавме и покажавме дека сме сплотени во заедничката визија за подобра иднина на нашиот град! Ви Благодарам на вашата голема поддршка! Охрид има Градоначалник! Одиме Заедно Напред! напиша на својот фејсбук профил Константин Георгиески.ФОТО ОХРИД ПРЕСС

Македонија | пред 6 години

ВИДЕО: Со оро, трубачи и знамиња се слави пред СДСМ

Пред седиштето на СДСМ веќе започна да се слави со трубачи и оро, за победата на Пендаровски.Партиски поддржувачи со државно знаме и знаме на ЕУ играат околу тапаните.Погледнете ја атмосферата тука:[embed]https://www.facebook.com/RSEMK/videos/820177311700615/UzpfSTEwMDAwMjQ2MjcyMTMwMjoyMTk4OTExNDQwMjAwOTI1/[/embed]

Македонија | пред 6 години

ВИДЕО: Најмалку 13 лица загинаа по пожар во руски авион

Најмалку 13 лица загинаа по авионскиот пожар на летот на компанијата „Аерофлот“ во Русија, во неделата, објави руската државна новинска агенција ТАСС.Рускиот „Суперџет 100“ летал од Москва до Мурманск, кога избувнал пожарот.Авионот „Аерофлот“ се врати на аеродромот во Москва, но имаше тешко слетување.Видеата на социјалните медиуми укажуваат на тоа дека авионот е зафатен со пламен на пистата, а луѓето се евакуираат преку излези за итна употреба.ФОТО: CNN[embed]https://www.instagram.com/p/BxFk4iBlbpw/?utm_source=ig_embed[/embed]ни- 

Свет | пред 6 години

Се бројат гласовите - во СДСМ нарачале кетеринг

Државната изборна комисија ги пребројува гласовите, а во штабовите на двете партии СДСМ и ВМРО-ДПМНЕ како веќе да е познат резултатот, објави irl.mk. Претседателскиот кандидат Стево Пендаровски уште во 17.30 часот пристигна во централата на СДСМ. Таму се и функцинерите од врвот на партијата – Дамјан Манчевски, Радмила Шеќеринска, Петре Шилегов и луѓето кои се дел од тимот на Пендаровски.Репортерот на irl.mk забележал како во СДСМ се носат послужавниците со храна која ја нарачале во штабот. Според порталот обичното членство си честита, раководството се слади, а атмосферата делува победнички.Текстот и фотографијата се превземени од irl.mk. Текстот во целост на irl.mk. 

пред 6 години

(ВИДЕО) Спасовски: Изборите минаа во мирна и фер атмосфера

Најнапред дозволете ми искрено на сите граѓани да им честитам за денешниов изборен ден кој што мина во една мирна и фер атмосфера, како што впрочем и доликува на секоја демократска и слободна земја. Искористувајќи го слободно и непречено своето загарантирано право на глас, граѓаните уште еднаш ја демонстрираа својата зрелост и одговорност да одлучуваат за иднината на својата земја, рече министерот Оливер Спасовски по завршувањето на гласањето во вториот круг од Претседателските избори 2019 година.-Им се заблагодарувам на сите припадници на Министерството за внатрешни работи кои што и овој пат како и пред две недели, одговорно ги извршија своите работни задачи, овозможувајќи целиот процес да се спроведе мирно и безбедно, согласно сите законски прописи- рече Спасовски.До сега регистрирани се три случаи на фотографирање на гласачко ливче. Првиот на избирачко место во село Другово, кичевско, вториот на гласачко место во ОУ “Кузман Јосифовски Питу“ во Скопје, а третиот во Неготино. Против лицата ќе бидат поднесени соодветни пријави. Евидентиран е и случај во Неготино каде едно лице при гласање на еден од параваните со пенкало испишал бројка.Пријавени се четири случаи за наводно агитирање и по преземените мерки утврдено е дека пријавите се неосновани. Исто така евидентирани се и две пријави за организирано носење гласачи при што во едниот случај за избирачко место во Битола е утврдено дека пријавата е неоснована додека пак за случај во Кочани се превземаат мерки за расчистување на случајот. Доколку има други пријави, Министерството за внатрешни работи соодветно ќе ја информира јавноста.-Значи, можам да констатирам дека имавме изборен ден со незначителен број на неправилности, без нарушување на јавниот ред и мир. Уште еднаш им честитам на граѓаните и институциите на одлично спроведените избори, како што и доликуваат на демократска земја како што е европска Република Северна Македонија- рече Спасовски.

пред 6 години

(ВИДЕО) Јанушев: Сѐ освен победа на Силјановска ќе фрли темни дамки за изборен инженеринг

ВМРО-ДПМНЕ се враќа на голема врата, рече генералниот секретар на опозициската ВМРО-ДПМНЕ, Игор Јанушев, на прес конференцијата  еден час по затворањето на гласачките места. Јанушев оцени дека во првиот дел од кампањата имало девијантни појави од власта кои ескалирале во вториот круг од претседателските избори.Народот се дигна против власта на Зоран Заев. Народот бара промени, рече Јанушев. Според него сето ова е реалност , се освем победата на Силјановска ќе фрли  дамка на изборниот инжињеринг.Тој наброја низа регуларности кои биле констатирани на повеќе изборни места како што биле обиди на поткуп, групно галасње, организиран превоз и полициска окупација на некои места посочуваји го Ново Село.

пред 6 години

ОД СЕКУНДА ВО СЕКУНДА: РЕЗУЛТАТИ ВО ЖИВО

Во продолжение, следете ги резултатите кои Државната изборна комисија ги објавува, во живо:Доколку имате проблем да ги видите резултатите, кликнете ТУКА 

Македонија | пред 6 години

Кирацовски е оптимист: Пендаровски е во водство, очекуваме да биде победник

Во штабот на СДСМ, владее оптимизам. Генералниот секретар на СДСМ, Александар Кирацовски вели дека тенденцијата е Стево Пендаровски да биде победник на изборите.„Стево Пендаровски е во водство и очекуваме победа. Очекуваме и останатите учесници во изборниот процес да дадат признание за мирните и демократски избори. Изборите да завршат изборите како и цел ден, во мирна атмосфера. Мнозинската волја на граѓаните, мора да биде испочитувана од секого“, рече Кирацовски на првата прес-конференција.„Според сите домашни и странски набљудувачи изборите поминаа во мирна атмосфера“, додаде Кирацовски.

Македонија | пред 6 години

Бучковски: Мицкоски бара алиби за да го оправда поразот

Поранешниот премиер на Македонија, Владо Бучковски оцени дека овие избори биле скандинавски, а пак, тоа што Мицкоски укажувал на одредени нерегуларност, според него е алиби да укаже дека се крадат гласови. Според Бучковски, ВМРО-ДПМНЕ не знае да признае пораз.„ВМРО-ДПМНЕ според мене не тежи повеќе од 350 илјади гласови. Ставовите на Силјановска-Давкова не се политики кои ги препознаваат Албанците. Таа им донесе повеќе гласови на ВМРО-ДПМНЕ, отколку нивните политики. Во вториот круг гледаме дека се беше различно, за разлика од првиот круг. Се водеше негативна кампања во вториот круг, се обидуваа да им се додворуваат на Албанците“, рече Бучковски на Канал 5. 

Македонија | пред 6 години

Силјановска Давкова: Политичката зима во Македонија, мислам дека ќе заврши со сонце

Гордана Силјановска Давкова, кандидат за претседател од ВМРО-ДПМНЕ очекува дека ќе биде петтиот претседател на Република Македонија.По гласањето таа изјави дека конечно политичката зима во Македонија ќе заврши со сонце.Мислам дека таргетот на кој се концентрирав, односно групите граѓани за кои мислам дека ќе се инспирираат или да им се разјаснат дилемите дали да излезат или не. Дека успешно го завршив, денот почна како со зима тоа е политичката зима во Македонија, мислам дека ќе заврши со сонце, истакна Силјановска Давкова.

пред 6 години

Цензус има: Досега излегле 44.5% од граѓаните

До 18:30 вкупно 795.575 граѓани излегле да гласаат. Изразено во проценти, тоа е 44.5 проценти.Најголема излезност има во Битола, Вевчани, Гевгелија, Демир Хисар, Дојран.Најмала излезност има во Струга, Шуто Оризари, Центар Жупа, Теарце, Студеничани.Според претседателот на ДИК, Оливер Дерковски, изборниот ден поминал мирно без поголеми инцинденти 

Македонија | пред 6 години

Нема фотографија

Пендаровски очекува поубедлива победа на изборите

„Денешниот изборен ден, во вториот изборен круг, почна мирно. Јас искрено се надевам и верувам дека така и ќе заврши. На тој начин ние ќе покажеме дека како држава сме подготвени да организираме фер, демократски, транспарентни избори, како што и приличи на земја која наскоро очекува да ги почне преговорите за членство во Европската Унија.Што се однесува до изборниот резултат, очекувам уште поубедлива победа во вториот круг, затоа што оние категории на луѓе кои останаа дома во првиот круг или оние луѓе кои гласаа за противкандидатот Река, кој ја заврши својата трка во првиот изборен круг, еден дел од нив очекувам дека ќе излезат на биралиштата и ќе гласаат.Мојата надеж е дека најголемиот дел од нив ќе го препознаат концептот за кој се залагам изминатиот месец, месец и половина во рамки на изборната кампања и дека ќе сакаат да го поддржат концептот кој значи одење напред за сите граѓани кои живеат во Северна Република Македонија, за сите етнички заедници, сосема независно од нивната верска, национална или партиска припадност“, рече кандидатот на СДСМ, Стево Пендаровски

Македонија | пред 6 години

Околу 100 учесници на скопскиот маратон станаа потенцијални дарители на коскена срцевина

На штандот на Универзитетската Клиника за хематологија-Скопје, како носител на националната камања  „Биди срцевина, биди херој“ за помалку од два часа, се пријавиле околу 100 доброволни потенцијални дарители на коскена срцевина, кои  стануваат дел од националниот дарителски регистар, а со тоа и дел од 30 милионското семејство на дарители на коскена срцевина обединето во светскиот регистар. Најмладиот од нив има 17 години. Потенцијалните дарители беа учесници на „Виз Ер скопски маратотон“.„Нѐ прави неизмерно среќни и задоволни фактот што грѓаните и учесниците на вчерашниот маратон, покажаа исклучително висока свест за хуманост и солидарност. Одѕивот ги надмина нашите најоптимистични очекувања и покажа дека можноста да се биде од полза за да се спаси нечиј живот е препознаена и кај нас. Луѓето сакаат да бидат дел од оваа заедничка хумана мисија. Стручно-медицинскиот персонал на Клиниката за хематологија, Институтот за имунологија и хумана генетика при УКИМ-Медицински факултет-Скопје,  националниот координаторот за трансплантација з заедно со пријателите и поддржувачите на кампањата зедоа активно учество во маратонот. Тие трчаа со цел да ја пренесат пораката на кампањата до сите присутни, дека со запишување во регистерот се зголемува можноста да се спаси живот“, подвлекоа од Клиниката.

Скопје | пред 6 години

До 17 часот нема цензус, помала излезност во општините со албанско население

До 17 часот своето право на глас го искористиле 665.985 гласачи, односно 38,23 проценти, соопшти ДИК.Поголема излезност е забележана во Аеродром, Битола, Богданци, Валандово, Вевчани и други места, каде излезноста е и над 60 проценти. Помала излезност има во Арачиново, Боговиње, Брвеница, Врапчиште.

пред 6 години

ВИДЕО: Шверцери го „запалија“ скопско Кале и развеаа огромен транспарент

Навивачите на прволигашот Шкупи од Чаир, популарните „Шверцери“ вчеравечер на Скопското Кале приредија пиротехничко шоу.Истото беше како најава за вчерашниот дерби дуел од Првата лига против Вардар кој се игра со почеток од 16:00 часот.[embed]https://www.facebook.com/tv21hd/videos/2274058932647139/[/embed]Воедно на овој дуел „Шверцери“ ќе прослават 30 години од своето постоење, а јубилеј има и подгрупата „Гамблерс“ која ќе го прслави својот 20-ти роденден.

Скопје | пред 6 години