игри на среќа

Нема фотографија

АСОМ: Очекуваме конструктивна соработка со новата Влада за Законот за игри на среќа

,,По вчерашната изјава на премиерот Христијан Мицкоски со која тој најави ревидирање на Игрите на среќа, ние од Асоцијацијата на спортски обложувалници на Македонија (АСОМ) сакаме да го поздравиме пристапот на новата Влада и воедно порачуваме дека сите членки на АСОМ се легитимни претставници на индустријата кои во ниту еден момент не смеат да бидат исклучени од процесот на одлучување или менување на Законот за игри на среќа.Како приредувачи на игри на среќа секогаш делуваме конструктивно, со низа аргументи и предлози за унапредување на сите аспекти од работењето на индустријата. Затоа, очекуваме и конструктивна соработка со новата Влада, која ќе биде во интерес на сите чинители.Како што најави и премиерот Мицкоски, потребно е целосно преиспитување и ревидирање на досегашниот пристап, со цел да се дојде до сеопфатно законско решение кое ќе биде поправедно, како за граѓаните, така и за приредувачите на игри на среќа, но и за нивните вработени.Оттука, порачуваме да не се направи истата грешка како претходно и ние, легитимните претставници на индустријата на игри на среќа кои сочинуваме 95% од лиценцираните компании во државата, да бидеме целосно вклучени од процесот на ревидирање.Повикуваме на конструктивна соработка со новата Влада во интерес на граѓаните, но и на нашите вработени и воедно потсетуваме дека од оваа гранка живеат повеќе од 10.000 вработени, а над 54.000 индиректно го остваруваат својот приход од игрите на среќа.Индустријата за игри на среќа е сериозна стопанска гранка од која во буџетската каса по сите основи се слеваат повеќе од 280 милиони евра и затоа, заедно со новата Влада, треба да работиме партнерски за да се превенира злоупотребата на игрите на среќа и да се изнајде европско решение и квалитетен закон со кој ќе се постигнат низа позитивни промени и ќе се унапреди индустријата.”, изјавија од Асоцијацијата на спортcки обложувалници на Македонија.

Македонија | пред 1 година

Казината среќни: Вработените се заштитени! Остануваме конструктивен партнер за вистинска јавна дебата за игрите на среќа

Асоцијацијата на спортски обложувалници (АСОМ) ја поздравува одлуката на пратениците да не го поддржат Законот за изменување и дополнување на Законот за игрите на среќа и за забавните игри во трето читање на вчерашната седница на Собранието.„Нашите апели да не се поддржи спорниот и неевропски Закон за игрите на среќа конечно беа препознаени и од пратениците.По Претседателот на Република Северна Македонија Стево Пендаровски, кој не го потпиша указот за прогласување на Законот, како и Делегацијата на Европската Унија во земјава кои предупредија дека се злоупотребува европското знаменце, вчера и пратениците докажаа дека треба да се спротивстават на процедуралните неправилности со кои се туркаше носењето на овој закон.Како сектор кој се грижи за 10 илјади директно вработени и одржување на уште 54 илјади други работни места сметаме дека треба да бидеме рамноправен партнер во креирањето на иднината и законите што ја регулираат оваа област.Во таа насока, остануваме и понатаму конструктивни и очекуваме дека со вклучување на АСОМ, Асоцијацијата на приредувачи на игри на среќа (АПИС) и сите други релевантни експерти и пошироката јавност во јавните дебати за потребите од носење на ново законско решение ќе придонесеме за подобро регулирање на оваа важна економска гранка од која зависат голем број на семејства во државата.Како сериозна организација низ годините докажавме дека имаме капацитет и понудивме многу предлози како да се унапреди целата индустрија по европски терк. Со нашиот стручен тим ќе продолжиме да нудиме решенија коишто ќе се темелат на европски искуства и коишто ќе се грижат и за играчите и за индустријата.Сакаме да потсетиме дека нашата дејност не поттикнува млади да играат игри на среќа, туку постојано работиме на нивна заштита. Истовремено, како општествено одговорни компании, годишно вложуваме десетици илјади евра за спроведување на кампањи за едукација на играчите, а воедно 100% ги почитуваме актуелните законски норми и правила поврзани со нашата дејност, плаќаме даноци и со тоа постојано ги зголемуваме буџетските приливи“, вели Асоцијацијата на спортски обложувалници (АСОМ).

Македонија | пред 1 година

Не е донесен Законот за игри на среќа - фалеа 10 гласови

Законот за игри на среќа со кој требаше казината да се оддалечат на 500 метри од училиштата, не го помина собранискиот филтер. За овој закон да биде усвоен, требаше поддршка од 61 пратеник, а фалеа дури 10 гласови. Асоцијација на приредувачи на игри на среќа кажа дека донесувањето на овој закон ќе остави илјадници граѓани без работа оти ќе бидат затворени скоро сите казина низ Скопје.„Имајќи ја предвид Одлуката од Уставниот суд У.бр. 115/2019 од 14.05.2020 година, според која за да биде усвоен Законот потребни се најмалку 61 глас ЗА, при одлучувањето за Законот за игри на среќа и забавни игри, на 145. седница, Законот доби поддршка од 51 глас ЗА, со што не се исполнети условите за Законот да биде усвоен и со тоа завршува процедурата по тој Закон“, велат од Собранието.На почетокот на февруари, пратениците го усвоја Законот, кој беше предложен од Владата со европско знаменце. Кога стигна на потпис кај претседателот Стево Пендаровски, тој го врати назад со образложение дека овој закон не може да се носи со европско знаменце.

Македонија | пред 1 година

Законот кој го врати Пендаровски за селење на коцкарниците, пак пред пратениците: Во чиј интерес е ова катастрофално решение

Законот за игри на среќа кој претседателот Стево Пендаровски одби да го потпише ќе биде првиот со кој ќе започне денешната собраниска седница. Повторно, пратениците ќе се обидат да го изласаат решението на ДУИ, со кое, сакаат да ги оддалечат казината и обложувалниците на 500 метри од училиштата - што би значело нивно целосно затворање и иселување од градските средини. Негов предлагач е Фатмир Бесими.Експресна реакција утринава има од Асоцијација на спортски обложувалници (АСОМ).„Пратениците денес се исправени пред предизвикот да кажат конечно и последно „против“ штетниот Закон за изменување и дополнување на Законот за игрите на среќа и за забавните игри во трето читање за кој одлучно „Не“ кажа Претседателот на државата, Стево Пендаровски и Делегацијата на Европската Унија во Република Северна Македонија.Како Асоцијација на спортски обложувалници (АСОМ), која се грижи за 10 илјади директно вработени и одржување на уште 54 илјади други работни места, ги повикуваме пратениците да не даваат поддршка на овој закон и да одговорат на нашите долгогодишни повици за започнување на транспарентна и инклузивна дебата преку која заеднички ќе дојдеме до вистинско европско законско решение за уредување на оваа област притоа не загрозувајќи ја иднината на нашите десетици илјади вработени, играчите и на малолетниците.За АСОМ останува нејасна упорноста со која се турка носењето на овој закон, за кој и Делегацијата на ЕУ во Скопје забележа дека се носи со злоупотреба на европското знаменце, бидејќи конкретниот закон не е поврзан со усогласување со правото на ЕУ. Напротив, преку неправилното означување на законот со ЕУ знаме, се скратува јавната дебата за важни прашања.Неодговорно е под заштита на ЕУ знамето да се тврди дека ограничувањето на просторот, на кој можат да работат приредувачите на игрите на среќа, е со цел да се заштитат младите од лоши и несоодветни навики за нивната возраст. Преку оддалечувањето на нашите деловни простории на повеќе од 500 метри од основните и од средните училишта власта го олеснува патот за пристап на младината до нерегулираниот простор на игрите на среќа на црно, и ги штити приватните интереси на поединци.Овие ограничувања ќе имаат негативни финансиски последици за државниот буџет и ќе овозможат стотици милиони евра наместо за општествено корисни проекти да се слеваат во приватни џебови или да завршуваат надвор од земјата на сметките на странски компании коишто приредуваат онлајн игри на среќа.Приливот во буџетот на државата од легалните приредувачи на игри на среќа изнесува повеќе од 280 милиони евра годишно, пари кои претставуваат силен поттик за македонската економија. Дополнително, како општествено одговорна економска гранка, годишно вложуваме дополнителни десетици илјади евра за спроведување на јавни кампањи за едукација на играчите и заштита од негативните последици.Во таа насока, одговорно тврдиме дека нашата дејност ниту поттикнува млади да играат игри на среќа ниту пак симулира зависност. Спротивно на тврдењата на Владата, Законот за игрите на среќа скроен ваков каков што е ќе овозможи зголемување на игрите на среќа на црно, развој на сивата економија и пораст на криминалот.Уште еднаш прашуваме во чиј интерес е носењето на овој катастрофален закон во пресрет на изборите? Свесни ли се пратениците дека со поддршката за овој закон се лишуваат од поддршката од нашите десетици илјади вработени кои наместо светла иднина за своите семејства, ќе добијат мрачна реалност од народните избраници“, велат од АСОМ.Претходно, претседателот Стево Пендаровски не даде зелено светло за законот за игрите на среќа. Тој одлучи да не го потпише Указот за прогласување на Законот за изменување и дополнување на Законот за игрите на среќа и за забавните игри, што Собранието го донесе на седницата одржана на 7 февруари 2024 година.Законот беше донесен во скратена постапка, со европско знаменце. Собранието со 55 гласа „за“ ги усвои измените со коишто се предвидува обложувалниците и казината да бидат оддалечени најмалку 500 метри од основните и средните училишта.Пендаровски кажа дека неговата одлука да не го потпише указот е донесена врз основа на детална анализа на текстот на законот и на постапката во која што е донесен, како и по спроведени консултации со Делегацијата на ЕУ во земјата, како најважен партнер во процесот на преговори.

Македонија | пред 1 година

Казината ги скараа ДУИ и Пендаровски; Шефот на државата утврди злоупотреба, Ахмети му кажа дека раскажува приказни

Претседателот Стево Пендаровски не го потпиша указот на Законот за игри на среќа и го врати во Собранието, а ДУИ му порача дека одлуката која ја донел е за жалење. Шефот на државата кажа дека ваков закон не може да стапи во сила, а тоа го констатирал заедно со Делегацијата на Европската Унија во Македонија бидејќи тој е донесен во несоодветна постапка со употреба на европско знаменце. Овој закон го туркаше пратеничката група на ДУИ, кои дадоа сѐ од себе за да биде изгласан.„Претседателот Пендаровски, имајќи ја предвид важноста за сеопфатно регулирање на оваа област, но и за легитимните и оправдани грижи на граѓаните во однос на можното штетно влијание на игрите на среќа и забавните игри врз младите, особено врз нивниот психолошки развој, го повикува Собранието без одложување одново да почне дебата и постапка за ова прашање, но во редовна законодавна постапка со широка и инклузивна дебата со сите засегнати страни, онака како што ѝ доликува на една зрела парламентарна демократија“, велат од Кабинетот на Пендаровски.По ваквата одлука, ДУИ го поздравија Пендаровски со критики. „Одлуката на Пендаровски е за жалење“, велат од партијата.„Опозицијата две години по ред го блокираше законот за одалечување на казината и обложувалниците од нашите училишта и деца. Сите ги знаеме нивните мотиви. По сите блокади и опструкции, парламентарното мнозинство конечно го изгласа законот, кој го поздравија сите граѓани, Албанци, Македонци, Турци, Роми, Срби, Босанци и сите останати, а посебно мајките со пораки ‘ни ги спасивте децата’, како и здруженијата против коцкање. Довербата на пратениците и граѓаните кои го поддржаа, како и целата оваа битка за отстранување на казината и обложувалниците од нашите училишта и деца, за двојно зголемување на даноците и зголемување на буџетските приходи и отежнување на процедурите за отворање и проширување на индустријата, Пендаровски ја фрли во корпата за отпадоци, ја одбра страната на обложувалниците и казината. Образложението дека европското знаменце била злоупотребено за усвојување на законот е приказна за мали деца. Замислете немале забелешки за содржината, туку за процедурата. Ние не се предаваме во оваа битка и убедени сме дека пратениците со чиста совест се на страната против казината и обложувалниците“, се вели во реакцијата на ДУИ.

Македонија | пред 1 година