ИРАН

Нов ирански напад врз Израел, сирени низ целата земја

Во тек е нов ирански напад врз Израел, јавуваат израелски медиуми. Според информациите што ги пренесува Kanal 12, нападот се одвива во неколку бранови, при што се активирани широки зони на предупредување низ целата земја.Сирените за воздушна опасност се огласиле од северните до јужните делови на Израел, а граѓаните се повикани да побараат засолниште.Засега нема официјални извештаи за жртви или за поголема материјална штета, но надлежните служби остануваат во состојба на висока подготвеност додека трае нападот.Ова е уште една ескалација во тековниот конфликт, кој последните денови се карактеризира со интензивна размена на ракетни и воздушни удари меѓу двете страни.Повеќе информации наскоро.

Свет | пред 1 месец

Иранската државна телевизија тврди дека дел од седиштето е погоден во нов бран напади

Иранската државна телевизија соопшти дека делови од нејзиното седиште биле погодени во нов бран напади, за кои ги обвини, како што наведе, „американско-ционистичките непријатели“.Во живо на информативниот канал ИРИНН, во 20:53 часот по локално време на 1 март, водителка изјави дека „пред неколку моменти“ делови од комплексот на Islamic Republic of Iran Broadcasting се нападнати.Таа нагласи дека емитувањето на програмата продолжува непречено и дека техничките служби ја проценуваат евентуалната штета.Претходно во текот на денот, на социјалните мрежи се појавија информации дека седиштето на радиодифузерот било погодено, но тие тогаш беа демантирани.Ова не е првпат државниот медиум да биде цел на напади. За време на конфликтот меѓу Иран и Израел во јуни 2025 година, комплексот беше погоден додека траеше живо издание на вестите. Тогаш водителката Sahar Emami се слушна како извикува „Алах е голем“ додека одекнуваа експлозии, по што втор удар доведе до делумен колапс на таванот во студиото и прекин на емитувањето.Иранските власти засега не соопштуваат детали за евентуални жртви или за степенот на оштетување на објектот.

Свет | пред 1 месец

Судир меѓу Белата куќа и технолошка компанија поради воена употреба на вештачка интелигенција

Американската војска наводно го користела моделот за вештачка интелигенција „Клод“, развиен од компанијата Anthropic, за прибирање разузнавачки информации и поддршка при избор на цели во нападот врз Иран, иако претседателот Доналд Трамп само неколку часа претходно наредил прекин на соработката со компанијата.Според извештаи на странски медиуми, алатките биле користени за разузнавачки анализи, симулации на бојното поле и поддршка во процесот на таргетирање за време на заедничкото американско-израелско бомбардирање. Одлуката за прекин на користењето на „Клод“ во федералните агенции била донесена непосредно пред почетокот на операцијата.Тензиите меѓу Белата куќа и „Антропик“ дополнително се зголемиле поради претходна употреба на моделот во операција насочена кон венецуелскиот претседател. Компанијата се спротивставила на воена примена на својот модел, повикувајќи се на условите за користење кои забрануваат насилни намени, развој на оружје и надзор.Министерот за одбрана Пит Хегсет јавно ја обвини компанијата за „ароганција и предавство“, нагласувајќи дека американските вооружени сили нема да зависат од, како што рече, идеолошки позиции на технолошки компании. Тој побарал целосен пристап до моделите на „Антропик“ за секоја законска цел, но истовремено признал дека воените системи се длабоко интегрирани со алатките за вештачка интелигенција и дека раздвојувањето нема да биде моментално.Како можен наследник во соработката со Пентагон се појавува OpenAI. Нејзиниот извршен директор Sam Altman изјавил дека е постигнат договор за користење на нивните алатки, вклучително и „ЧетГПТ“, во класифицираната мрежа на американското Министерство за одбрана.Случајот отвора поширока дебата за улогата на вештачката интелигенција во современите воени операции и за границите меѓу технолошкиот сектор и државните безбедносни структури, особено во услови на вооружен конфликт и геополитичка ескалација.

Свет | пред 1 месец

Техеран тврди дека се брани, но остава отворена врата за деескалација

Иран нема да си поставува „никакви ограничувања“ во правото да се брани од израелско-американските напади, изјави шефот на иранската дипломатија Абас Арагчи во разговор за ABC News.„Се браниме, без оглед на цената, и не си поставуваме никакви ограничувања во одбраната и заштитата на нашиот народ. Никој не може да ни каже дека немаме право да се браниме“, изјави Арагчи. Тој нагласи дека, според Техеран, постои суштинска разлика меѓу, како што рече, „агресијата“ на САД и „одбранбените мерки“ што ги презема Иран.Истовремено, иранскиот министер во телефонски разговор со својот омански колега Бадр Албусаиди посочил дека Техеран е отворен за сериозни напори насочени кон деескалација на состојбата, по нападите извршени од Израел и САД во текот на викендот. Информацијата ја објави Министерство за надворешни работи на Оман.Оман има улога на посредник во разговорите меѓу САД и Иран поврзани со нуклеарната програма. Во меѓувреме, по нападите врз Иран, Техеран возврати со ракетни напади врз повеќе земји во регионот, особено каде што има американско воено присуство, што дополнително ја зголеми регионалната нестабилност.

Свет | пред 1 месец

(Фото) Црн чад над Абу Даби: илјадници туристи блокирани на крузери

Густ црн чад денеска се издигаа над пристаништето во Абу Даби, по напад со беспилотни летала во близина на поморската база Ал Салам. Призорот од балкон на крузерот Mein Schiff 4 го снимила германска туристка, додека бродот бил укотвен во пристаништето Порт Зајед.Според соопштението на Министерство за одбрана на Обединетите Арапски Емирати, станува збор за напад со два ирански дрона кои погодиле складиште во поморската база, при што се запалиле два контејнера. Експлозијата одекнала околу пладне по германско време.На крузерот, кој е во сопственост на TUI Cruises, се наоѓаат околу 3.500 патници. Дел од нив опишуваат драматични сцени. Една патничка изјавила дека добиле итно предупредување на мобилните телефони и им било наредено веднаш да се соберат во бродското театарско салонче. Друг патник сведочи дека експлозијата се слушнала во непосредна близина и дека екипажот им наредил да останат внатре, подалеку од прозорците.Меѓу патниците, според сведочењата, владее вознемиреност, особено кај семејствата со деца. Дел од туристите изразуваат страв од нови напади и неизвесност околу тоа кога и како ќе можат да ја напуштат регијата.Покрај „Мајн Шиф 4“, во Доха се наоѓа и Mein Schiff 5, исто така во сопственост на TUI. Во Дубаи се укотвени MSC Euribia на MSC Cruises, како и „Селестијал Дискавери“ и „Селестијал Џорни“ на Celestyal Cruises, како и „Ароја“ на Aroya Cruises.Сите компании ги откажале планираните крстарења и во координација со локалните власти работат на обезбедување на патниците и екипажот, додека безбедносната состојба во регионот останува неизвесна.

Свет | пред 1 месец

Муцунски го осуди иранскиот напад врз Катар во разговор со катарскиот министер

Министерот за надворешни работи и надворешна трговија Тимчо Муцунски попладнево остварил телефонски разговор со државниот министер за надворешни работи на Државата Катар, Султан бин Саад Ал Мураихи, информира Министерство за надворешни работи и надворешна трговија на Македонија.Во разговорот, Муцунски го осудил отворениот ирански напад насочен кон територијата на Катар, оценувајќи го како сериозна повреда на принципите на меѓународното право, вклучително и почитувањето на државниот суверенитет и територијалниот интегритет. Тој изразил цврста солидарност и целосна поддршка кон Катар, потврдувајќи ја поддршката за мерките и одлуките преземени со цел заштита на безбедноста и стабилноста на државата.Муцунски нагласил дека во услови на зголемени регионални тензии неопходни се воздржаност, одговорност и засилен дипломатски ангажман, со цел спречување понатамошна ескалација и зачувување на мирот и стабилноста во регионот.

Свет | пред 1 месец

(Видео) „Ситуацијата во Дубаи е сериозна, експлозиите се од пресретнати проектили, животот продолжува“, вели Македонецот Јовановски кој живее таму

Македонецот Марио Јовановски, кој живее и работи во Дубаи, каде е сопственик на бренд за персонални фитнес-тренинзи, за „Скопје1“ говори за актуелната безбедносна состојба во градот и за, како што вели, ширењето на бројни дезинформации на социјалните мрежи.Тој посочува дека во текот на вчерашниот ден имало повеќе експлозии над Дубаи, но објаснува дека станува збор за пресретнување на проектили и ракети што пристигнувале од правец на Иран. Според него, експлозиите што се слушаат се резултат на активирањето на одбранбените механизми на Обединетите Арапски Емирати, кои ги неутрализираат ракетите во воздух.Јовановски наведува дека, според официјалните податоци, безбедносните сили на Емиратите пресретнале околу 165 ракети и приближно 530 ирански беспилотни летала. Дел од остатоците од пресретнатите проектили, како што појаснува, паѓаат на различни локации, што довело до појава на пожари, вклучително и во близина на аеродромот во Дубаи и во дел од областа Палм Џумеира.Тој нагласува дека ситуацијата не е за потценување, но дека досега безбедносните сили успешно се справуваат со заканите и дека градот останува релативно безбеден, иако звукот од експлозиите предизвикува вознемиреност кај населението.Аеродромите во Дубаи, Абу Даби и Шарџа се превентивно затворени, а летовите кон и од Емиратите се привремено прекинати. Сепак, секојдневниот живот, според Јовановски, продолжува, иако со намалена динамика во споредба со претходните денови.Тој апелира јавноста да не им верува на сите видеа, фотографии и објави што кружат на интернет, оценувајќи дека значителен дел од нив содржат неточни или непроверени информации кои не ја отсликуваат реалната состојба во Дубаи.

Настани | пред 1 месец

(Видео) Нападнато седиштето на иранската државна телевизија

Според првичните извештаи, Израел извршил воздушен напад во Техеран насочен кон пропагандните структури на исламскиот режим.Цел на ударот на израелските воздухопловни сили било седиштето на иранската државна телевизија и радио.

Свет | пред 1 месец

(Видео) Американците објавија снимка: Со „невидливи“ бомбардери го нападнавме Иран

Американските воздухопловни сили синоќа извршиле напад врз ирански постројки за балистички проектили со стелт-бомбардери Б-2, соопшти Американската централна команда (CENTCOM) на платформата Икс.CENTCOM, заедно со видеоснимка од бомбардерите, објави дека „американски стелт-бомбардери Б-2, вооружени со бомби тешки 900 килограми, синоќа нападнале утврдени ирански постројки за балистички проектили“, додавајќи дека ниту една држава не треба да се сомнева во американската решителност.Соединетите Американски Држави и минатата година користеа бомбардери Б-2 во напади врз ирански нуклеарни постројки лоцирани длабоко под земја, кога леталата полетаа од воздухопловната база Вајтман во сојузната држава Мисури. Засега не е објавено од каде полетале авионите употребени во најновиот напад.

Свет | пред 1 месец

Иранската револуционерна гарда тврди дека уби и рани 560 американски војници

Иранската револуционерна гарда (IRGC) објави дека извршила напади на американски и британски цели на море и копно, тврдејќи дека погодиле три нафтени танкери и дека во нападите врз американските бази во регионот биле убиени или повредени 560 американски војници.Според тврдењата на гардата, нивните сили гаѓале три нафтени танкери за кои велат дека припаѓаат на САД и Велика Британија. „Со проектили погодивме три офанзивни нафтени танкери кои припаѓаат на САД и Британија во Заливот и Хормушкиот теснец“, се наведува во нивната изјава. Покрај нападите на море, IRGC соопшти дека извршила и удари врз копнени цели. „Целевме разни американски бази во регионот, што резултираше со смрт и повреди на 560 припадници на американскиот воен персонал“, соопштија од гарда.Од американска страна, Американското централно командување (CENTCOM) потврди дека три американски војници загинале, а уште петмина се тешко повредени во операцијата наречена „Епски гнев“. „Неколку други војници имаат полесни повреди од шрапнели и потреси на мозокот и се враќаат на должност. Опсежните борбени операции продолжуваат, а нашиот одговор е во тек“, се наведува во соопштението.Сè уште не е познато на кој начин точно се случиле повредите и смртта на војниците.

Свет | пред 1 месец

Страв и хаос во ОАЕ по иранските напади

Во ОАЕ минатата ноќ беше немирна, а стравот меѓу жителите и туристите се зголеми по 36 часа постојани ирански напади. Стотици ракети и дронови беа пресретнати во воздушниот простор на земјата, додека силни експлозии одекнуваа низ градовите. Граѓаните преку итни предупредувања на мобилните телефони беа повикани да побараат засолниште и да се држат подалеку од прозорците, додека предупредувањата тресеа градот три пати во интервал од само десет минути, во согласност со звукот на експлозиите.Додека соседите разменуваа пораки за најблиските засолништа, некои ноќта ја поминаа спиејќи во ходниците и бањите, обидувајќи се да бидат што подалеку од опасноста. Снимки од нападите врз аеродромот во Дубаи покажуваат големи парчиња кршевина на подот на терминалот, а четворица вработени се повредени. Набрзо беше погоден и аеродромот во Абу Даби. Владата на ОАЕ потврди дека во нападите загинале три лица, а 58 се полесно повредени, додека воздушниот сообраќај во целата област останува запрен, оставајќи многу туристи во неизвесност.Ситуацијата дополнително ја влошува густ чад кој се крева над пристаништето Џебел Али во Дубаи, додека сеуште не е познато што предизвикало експлозијата. Призорите на сив чад над градската плажа предизвикуваат паника, а во близина се распоредени и американски поморски средства по најавата на поранешниот претседател Доналд Трамп за испраќање „армада“ во регионот. Британското амбасадорство втор ден по ред им препорачува на граѓаните да побараат засолниште, додека владата на ОАЕ им нуди надомест на туристите чии патувања се нарушени.И покрај тоа, многу луѓе со автомобили се упатија кон Оман, единствената заливска земја која вчера не беше погодена од нападите, веројатно поради улогата на посредник. Иако властите тврдат дека системите за противвоздушна одбрана функционираат ефикасно, призорите на хотели во пламен на островот Палма, повредените цивили и звукот на пресретнати ракети предизвикаа паника. Супермаркетите се празни, а стотици луѓе чекаат во редови за основни намирници.Дипломатскиот советник на претседателот на ОАЕ, д-р Анвар Гаргаш, предупреди дека Техеран ја преминал црвената линија. „ОАЕ нема да седат со скрстени раце пред иранските напади и ќе ги разгледа своите опции“, изјави тој за Sky News Arabia.

Свет | пред 1 месец

Убиен Али Хамнеи: Како САД и Израел изведоа воздушен напад во Техеран

Врховниот лидер на Иран, Али Хамнеи, беше убиен во саботата наутро во воздушен напад врз неговиот комплекс во центарот на Техеран. Според извори на The Telegraph, неговиот живот минатата година веќе висеше на конец за време на дванаесетдневниот конфликт со Израел, кога израелските власти имаа можност за атентат, но беа запрени од тогашниот американски претседател Доналд Трамп, што принуди двете страни на неизвесно примирје.Осум месеци подоцна, преговорите за иранскиот нуклеарен и ракетен програм закочија, а американскиот претседател го изгуби трпението. Иранските државни медиуми потврдија дека Хамнеи е убиен за време на состанок со најмалку пет други високи претставници на режимот. Израелските сили фрлија десетици бомби врз неговиот комплекс, а истовремени напади беа извршени и на најмалку две други локации во градот, во операција чија цел беше обезглавување на иранското раководство.Снимките, чија автентичност ја потврди The Telegraph, покажуваат густи столбови чад како се издигнуваат над Техеран од урнатините на канцеларијата на Хамнеи, закривајќи го сонцето. Сателитските снимки откриваат дека поголемиот дел од зградата е претворен во прав и пепел. Од урнатините, според извори, е извлечено телото на врховниот лидер, прострелано со куршуми, а фотографии од телото наводно биле покажани и на Трамп и на израелскиот премиер Бенјамин Нетанјаху.По минатогодишното искуство со блиска смрт, Хамнеи се повлекол во себе, а дури и неговите објави на социјалните мрежи станале ретки. Неговиот бункер се наоѓал толку длабоко под земја што лифтот потребувал повеќе од пет минути за да стигне до него. Нападот бил изведен во средината на денот, за време на Шабат и Рамазан, што ги изненадило иранските власти. Еден висок офицер го опишал како „масивен и исклучително храбар дневен напад“ кој „го погоди врвот на власта веднаш на почетокот“.Според истите извори, нападот бил поддржан и од Саудиска Арабија, а американската администрација имала информации за присуство на Хамнеи на состанокот. Иако првично иранските власти тврделе дека лидерот е безбеден, државните медиуми потоа признале дека Хамнеи е мртов во неделата рано наутро.Доналд Трамп веднаш објавил дека Хамнеи е убиен, нарекувајќи го „еден од најзлите луѓе во историјата“. Според неговата изјава, САД и Израел соработувале за да се следи Хамнеи и да се изврши нападот.Иранските власти најавиле одмазда, а неговиот најблизок соработник, Али Ларијани, изјавил: „Ќе ги натераме ционистичките злосторници и безобразните Американци да зажалат за своите дела. Храбрите војници и големиот ирански народ ќе одржат незаборавна лекција на пеколните меѓународни угнетувачи.“

Свет | пред 1 месец

Иран возврати напад: Иран испрати ракети кон ОАЕ и Кувајт – најмалку 12 загинати

Израелските итни служби денеска соопштија дека осум лица загинале во иранскиот ракетен напад врз градот Бејт Шемеш, додека Обединетите Арапски Емирати пријавија три жртви, а Кувајт една жртва во одмаздата на Иран.Иранската револуционерна гарда објави дека со четири балистички проектили ја гаѓала американскиот носач на авиони USS Abraham Lincoln, пренесуваат иранските државни медиуми. Според Агенцијата за поморска трговија на Обединетото Кралство, еден брод бил погоден со непознат проектил на 17 наутички милји северозападно од пристаништето Мина Сакр во емиратот Рас Ал Хајма во ОАЕ.Големи облаци чад се видени во пристаништето Зајед во главниот град на Емиратите, Абу Даби, изјави очевидец за Reuters. По воздушните напади на Иран низ Персискиот залив, советникот на претседателот на ОАЕ, Анвар Гаргаш, повика Техеран „да се врати во разум“, истакнувајќи дека ова не е војна со соседните арапски заливски држави.Израел денеска започна нови напади врз Техеран, со цел да доминира на небото откако силите на Израел ликвидираа ирански висок функционер. Портпаролот на израелската војска, потполковник Надав Шошани, изјави дека остануваат бројни цели, вклучувајќи објекти на воената индустрија. „Имаме капацитет и цели да продолжиме колку што е потребно“, додаде тој, нагласувајќи дека во изминатите 24 часа израелските авиони ги демонтирaле повеќето системи за воздушна одбрана во западен и централeн Иран.

Свет | пред 1 месец

(Видео) Иран ја нападна француската морска база во Абу Даби

Иранскиот Корпус на чувари на Исламската револуција (IRGC) соопшти дека покренал нов бран проектили и дронови кон земјите во регионот.Од облаците чад се подигнуваат од област во близина на пристаништето во Абу Даби по силните детонации што се слушнале над градот.На снимките се гледа чад над пристаништето, додека жителите пријавиле дека слушнале летала над градот. Остатоците од ирански дрон погодиле седиште на израелската амбасада во Абу Даби. Иран тврди дека гаѓал и француска морска база.

Свет | пред 1 месец

(Видео) Иран: Соборивме моќен американски дрон

Иран тврди дека неговите сили собориле американски беспилотен летач MQ-9. Американскиот MQ-9 Reaper е мултифункционален беспилотен летач кој го користат американското воено воздухопловство и други западни армии. Станува збор за голем воен дрон наменет за долготрајно набљудување, извидување и собирање разузнавачки податоци, како и за изведување прецизни воздушни напади. Летачот може да остане во воздух повеќе од 24 часа и да дејствува на големи височини, без пилот во кабина. Покрај сензорите за набљудување и камерите со висока резолуција, MQ-9 може да носи и навоѓени проектили и бомби, што го прави еден од клучните алати на САД во модерните воени операции.САД се уште не се огласиле по овие тврдења.

Свет | пред 1 месец

Американската војска: Потопивме ирански воен брод

Американската војска објави нови информации за нападите врз ирански цели, тврдејќи дека погодила „иранска корвета од класата Џамаран“.„Бродот моментално тоне на дното на Оманскиот залив кај пристаништето Чах Бахар“, се наведува во соопштението. Исто така, упатена е порака до иранските сили, цитирајќи го американскиот претседател: „Како што претседателот рече, припадници на иранските вооружени сили, на Гардијците на исламската револуција и полицијата, мора да се предадете. Напуштете го бродот.“

Свет | пред 1 месец

Иранска гарда тврди напад врз американски носач на авиони

Иранската револуционерна гарда (IRGC) соопшти дека лансирала четири балистички проектили кон американскиот носач на авиони USS Abraham Lincoln, јавија иранските државни медиуми. Станува збор за петти носач на авиони од класата Нимиц во составот на Американската воена морнарица.На Abraham Lincoln се наоѓаат најновите невидливи борбени авиони F-35, способни да избегнат непријателски радари. Ударната група на носачот ја сочинуваат три разурнувачи опремени со крстосувачки проектили Tomahawk за напади на копнени цели, а обично го следи и нуклеарна подморница со исто вооружување.Според сателитски снимки потврдени од BBC Verify, носачот последен пат бил забележан на 15 февруари крај брегот на Оман.САД сè уште не одговориле на тврдењето на Иран.

Свет | пред 1 месец

Брод погоден со проектил кај брегот на Обединетите Арапски Емирати

Еден брод бил погоден од засега непознат проектил на 17 наутички милји северозападно од пристаништето Мина Сакр во Обединетите Арапски Емирати, соопшти во неделата британската Агенција за поморски трговски операции (UKMTO), пренесува Ројтерс.Инцидентот се случил во емиратот Рас ал Каима. Според соопштението, проектилот предизвикал пожар на бродот, кој во меѓувреме бил изгаснат. Бродот планира да го продолжи своето патување.

Свет | пред 1 месец

(Видео) Тоне танкер во Ормускиот теснец: Иран потврди напад, бродот ја игнорирал наредбата

Иран денеска потврди дека извршил напад врз нафтен танкер, наведувајќи дека причината била непочитување на наредбата бродот да не минува низ стратешкиот Ормуски теснец. Според извештај на државната телевизија, танкерот се обидел незаконски да го премине теснецот, пренесува агенцијата Анадолу.Оманскиот Центар за поморска безбедност соопшти дека во нападот врз танкерот „Скајлајт“, кој пловел под знамето на Палау, биле повредени четири лица. Бродот бил погоден на пет наутички милји северно од пристаништето Хасаб, во гувернератот Мусандам. Сите 20 членови на екипажот, од кои 15 индиски и пет ирански државјани, биле евакуирани. На социјалните мрежи се појавија снимки на кои се гледа танкерот како тоне додека од него се издига густ чад.Инцидентот се случува во услови на засилена ескалација на конфликтот. Соединетите Американски Држави и Израел вчера извршија напади врз Иран, по што Техеран возврати со ракетни удари и беспилотни летала. По американско-израелските напади, иранските медиуми објавија дека Ормускиот теснец практично е затворен за сообраќај.Иран денеска ја потврди и смртта на врховниот лидер, ајатолахот Али Хамнеи, како и на неколку високи функционери кои загинале во нападите на САД и Израел.Вашингтон и Тел Авив со години го обвинуваат Техеран дека развива нуклеарна и ракетна програма што претставува закана за Израел, единствената земја во регионот со нуклеарен арсенал, како и за американските сојузници. Иран, пак, постојано тврди дека неговата нуклеарна програма има исклучиво мирољубива намена и дека не се стреми кон производство на нуклеарно оружје.

Свет | пред 1 месец

Најмалку шестмина загинати во ирански ракетен напад врз израелски град

Најмалку шест лица загинале во удар на ирански балистички проектил врз израелскиот град Беит Шемеш, кој се наоѓа недалеку од Ерусалим, соопштија израелските служби за итна помош.Според првичните информации, во нападот се повредени 23 лица, од кои две се во тешка состојба. Уште две лица се сериозно повредени, додека 18 имаат полесни повреди. Израелската војска соопшти дека на местото на ударот испратила спасувачки и медицински тимови, како и хеликоптер за евакуација на повредените.На снимки што се шират на социјалните мрежи може да се види моментот на ударот на проектилот. Беит Шемеш се наоѓа во централниот дел на Израел, западно од Ерусалим, меѓу Тел Авив и главниот град, и во изминатите години често бил цел на ракетни напади за време на ескалации на конфликтите во регионот.

Свет | пред 1 месец

(Видео) Иранската Револуционерна гарда започна нов бран напади, експлозии одекнаа во Абу Даби

Иранскиот Корпус на чувари на Исламската револуција (IRGC) соопшти дека започнал нов бран ракетни и дронски напади кон земји во регионот. Силни детонации одекнале над главниот град на Обединетите Арапски Емирати, Абу Даби, по што биле забележани облаци густ чад во близина на пристаништето.Засега не е јасно што точно го погодило подрачјето, но на снимки објавени на социјалните мрежи се гледа чад што се издига над пристанишната зона. Жителите сведочат дека слушнале авиони како летаат над градот непосредно пред експлозиите.Според првичните информации, мета на нападот било станбено подрачје, додека властите сè уште не објавиле официјални податоци за евентуални жртви или материјална штета.

Свет | пред 1 месец

Кипар демантира дека бил цел на ирански ракети

Се појавија информации дека ирански ракети биле испукани кон Кипар, но портпаролот на кипарската влада, Константинос Летимбиотис, ги демантираше тврдењата дека кон земјата биле лансирани какви било проектили.„Во врска со изјавите и објавите кои се однесуваат на лансирање ракети во правец на Кипар, се појаснува дека тоа не е случај и дека нема индикации оти постоела закана за земјата“, изјави тој, додавајќи дека надлежните власти внимателно ја следат ситуацијата.Претходно, британски одбранбени извори тврдеа дека кон Кипар, каде што се наоѓаат британски воени бази, биле испукани два ирански проектила.

Свет | пред 1 месец

(Видео) Израелското воено воздухопловство погодило два ирански борбени авиони на аеродромот во Табриз

Израелското воено воздухопловство погодило два борбени авиони од типот Ф-5 и Ф-4 на аеродромот во градот Табриз, во западен Иран, додека се подготвувале за полетување, соопшти израелската армија.Во соопштението, придружено со видеоснимка од нападот, се наведува дека ударот бил изведен со цел да се ослабат активностите на иранското воено воздухопловство и дополнително да се намалат способностите на противвоздушната одбрана на режимот.

Свет | пред 1 месец

Портпаролот на кипарската влада демантира дека ирански ракети биле испукани кон Кипар

Се појавија информации дека ирански ракети биле испукани кон Кипар, но портпаролот на кипарската влада, Константинос Летимбиотис, демантира дека било какви проектили биле испукани кон таа земја.Во врска со изјавите и објавите кои се однесуваат на лансирање на проектили во правец на Кипар, се појаснува дека тоа не е случај и нема индикации дека постоела закана за земјата. Надлежните власти внимателно ја следат ситуацијата“, рече тој.Британски одбранбени извори тврделе дека кон Кипар, каде се наоѓаат британски воени бази, биле испукани два ирански проектили.

Свет | пред 1 месец

Ескалација во Ормускиот Теснец: Напад врз танкер ја зголеми неизвесноста на клучната нафтена рута

Во Ормускиот Теснец, една од најважните светски поморски рути за транспорт на сурова нафта, повторно растат тензиите по зачестените напади во регионот на Блискиот Исток. По неделниот напад врз нафтен танкер, германската бродска компанија Hapag-Lloyd соопшти дека до понатамошно известување го прекинува сообраќајот на своите пловила низ теснецот.Ормускиот Теснец, кој ги поврзува Персискиот и Оманскиот Залив, на најтесниот дел е широк околу 21 морска милја и претставува единствен поморски коридор за извоз на нафта од регионот кон светските пазари. Неговата стратешка важност го прави чувствителен на секоја безбедносна закана.Оманскиот Центар за поморска безбедност соопшти дека танкерот „Скајлајт“ бил нападнат на околу пет морски милји од брегот на Масандам во Оман, при што четири лица биле повредени. Иранската новинска агенција Mehr објави дека танкерот бил погоден по наводен „неовластен премин низ Ормускиот Теснец“ и дека поради оштетувањата почнал да тоне, но засега нема официјална потврда дали станува збор за истото пловило.И покрај инцидентите, UKMTO соопшти дека преку официјалните канали за поморска безбедност не е најавено формално затворање на теснецот. Сепак, организацијата предупреди дека зголемените воени активности во регионот претставуваат сериозна закана за трговскиот поморски сообраќај и апелираше бродовите да пловат со зголемена претпазливост и да пријавуваат секоја сомнителна активност.Според податоците за пловидба, најмалку 150 танкери се задржани надвор од клучниот пловен коридор, додека десетици други бродови мируваат и од спротивната страна на теснецот. Пловилата се концентрирани во отворени води покрај бреговите на големите производители на нафта во Заливот, меѓу кои Ирак, Саудиска Арабија и Катар.Ормускиот Теснец е под контрола на Иран, кој претходно се закани со негово затворање. Секое евентуално блокирање би имало сериозни последици врз глобалните пазари на енергенси и би предизвикало дополнителна нестабилност во веќе тензичниот регион.

Свет | пред 1 месец