Министерството за култура и туризам нареди на хотелите во Абу Даби да им го продолжат престојот на гостите, бидејќи многумина чиј престој истекува не можат да патуваат во моменталните околности.Во дописот се наведува дека трошоците ќе ги покрие Министерството.
Свет | пред 1 месец
Израелските одбранбени сили (IDF) соопштија дека во вчерашните почетни напади во Иран биле убиени 40 „клучни“ ирански воени команданти, вклучувајќи го и началникот на Главниот штаб Абдолрахим Мусави. Според тврдењата на армијата, овие 40 команданти, заедно со други високи ирански функционери, меѓу кои и врховниот лидер Али Хамнеи, биле убиени во напади изведени за помалку од една минута.Од IDF наведуваат дека сега можат да ја потврдат смртта на Мусави во почетните удари. Мусави дошол на чело на армијата по Мохамад Багери, кој беше убиен во израелски напади за време на војната во јуни 2025 година.Според армијата, Мусави бил одговорен за „управување со иранскиот безбедносен апарат и надгледувал испукување на стотици балистички проектили кон израелска територија, кои убиле израелски цивили за време на операцијата“.IDF исто така соопшти дека „поголемиот дел од највисоките воени функционери на иранското безбедносно раководство се елиминирани“.
Свет | пред 1 месец
Иранскиот ајатолах Насер Макарем Ширази прогласи џихад против Соединетите Американски Држави и Израел, известуваат иранските медиуми, во време на драматична ескалација на судирите на Блискиот Исток.Според достапните информации, еден од највлијателните шиитски верски авторитети во Иран упати порака во која повикува на „свет отпор“ против, како што наведе, „агресијата и криминалните напади“ на САД и Израел врз иранските цели. Неговата изјава доаѓа по интензивирањето на воздушните напади и меѓусебните закани, кои го доведоа регионот на работ на поширок конфликт.Макарем Ширази, кој важи за еден од највисоките верски авторитети во Ком, и има големо влијание меѓу верниците, претходно имал остри ставови кон Вашингтон и Тел Авив, но сега, според иранските извори, ја подигнал реториката на највисоко ниво, користејќи го терминoт „џихад“, кој во овој контекст означува верска обврска за одбрана на земјата и исламот.Ескалација на судирите Иран – САД – ИзраелНајновата криза избувна по серија напади врз воени и инфраструктурни цели во Иран, за кои Техеран ги обвинува Соединетите Американски Држави и Израел. Иранските власти тврдат дека станува збор за директна агресија и кршење на меѓународното право, додека Вашингтон и Тел Авив наведуваат дека акциите се насочени кон спречување на безбедносни закани и дестабилизација на регионот.Иран повеќепати предупреди дека на секој напад ќе одговори „одлучно и без ограничувања“. Прогласувањето џихад од страна на еден од највлијателните ајатоласи дополнително ја зголемува тензијата и испраќа силна порака внатре во Исламската Република, но и низ целиот шиитски свет.
Свет | пред 1 месец
Претседателот на СДСМ, Венко Филипче, ја спореди актуелната македонска власт со режимите во Иран и Венецуела, оценувајќи дека земјата се движи во опасна насока на авторитарност и институционално разградување. Тој има разбирање за нападот на САД кон Иран, со помош на Израел.„Тоа е за доброто на иранскиот народ, како што беше за доброто на народот во Венецуела. Очекувам да има деескалација на работите. САД како наш стратешки партнер треба да знаат дека во нашата земја има власт со многу слични карактеристики како властите во земјите со кои се соочуваат“, изјави Филипче.Тој обвини дека актуелната власт одржува отворени контакти со Москва.„Оваа власт има отворени контакти со Путин, преку контактите на вицепремиерот со ‘Ноќните волци’. Вториот човек во Владата не ги крие контактите со луѓе блиски до Путин“, рече Филипче откако претходно му замеруваа на министерот Иван Стоилковиќ за средбите во Белград.Според него, постои сериозно влијание врз судството, а институциите се под директна политичка контрола.„Премиерот преку телевизија именува и разрешува обвинители. Портпаролката објавува судски одлуки пред тие официјално да бидат донесени. Имавме враќање на бегалецот Груби по договор. Имавме случај со пет тони марихуана што поминала низ граница – нешто што не може да се случи без знаење на високи функционери. Се задушува слободата на говорот“, истакна тој.Филипче оцени дека ваквите состојби ја приближуваат земјата кон модел на управување што, како што рече, наликува на тоталитарни режими со кои се соочуваат Соединетите Американски Држави на глобално ниво.„Имаме работа со терминално неспособен премиер и терминално неспособна влада, кои се грижат само за себе“, додаде лидерот на СДСМ.
Настани | пред 1 месец
Странски работник е повреден откако два дрона го погодиле пристаништето во Дукм, на источниот брег на Оман, објавија во неделата државните медиуми на Оман, пренесува Anadolu Agency.Државната новинска агенција ONA, повикувајќи се на официјален извор, наведе дека пристаништето, сместено во градот Дукм во покраината Ал Вуста, било „мета на два дрона“. Еден од дроновите погодил мобилна станбена единица за работници и при тоа повредил странски работник, додека делови од вториот паднале во близина на резервоари за гориво, без човечки жртви и без материјална штета, соопштил изворот.Покрај тоа, нафтен танкер бил нападнат утринава околу пет наутички милји од брегот на Масандам во Оман, соопшти поморскиот безбедносен центар на земјата. Во нападот се повредени четири лица, а дваесет члена на екипажот се евакуирани. Станува збор за пловило со име „Skylight“, кое пловело под знамето на Палау, мала островска држава во западниот Пацифик.Ова е прв удар на Иран врз Оман, кој повеќепати посредуваше во индиректните нуклеарни преговори меѓу Соединетите Американски Држави и Иран и има релативно пријателски односи со Техеран.Оманските власти го осудија инцидентот, порачувајќи дека „ги преземаат сите неопходни мерки за да се спротивстават на какви било дејствија што би можеле да ја загрозат безбедноста на државата и на лицата што престојуваат во неа“.
Свет | пред 1 месец
Рускиот претседател Владимир Путин првпат официјално ги коментираше американско-израелските напади врз Иран и одмаздничките удари што следеа. Целното убиство на иранскиот врховен водач, ајатолахот Али Хамнеи, го нарече „циничен чин“, пренесува руската државна новинска агенција ТАСС. Според Путин, со тој потег биле прекршени „сите норми на човечкиот морал и меѓународното право“, објави CNN.Путин додаде дека Хамнеи во Русија ќе остане запаметен како „извонреден државник“.Москва и Техеран се долгогодишни клучни сојузници. Иран ѝ обезбедуваше воена поддршка на Русија, вклучително и беспилотни летала и балистички проектили, а ѝ помогна и во изградбата на постројки за производство на дронови за потребите на војната во Украина.Овие изјави доаѓаат еден ден откако руското Министерство за надворешни работи ги осуди американските и израелските напади врз Иран, оценувајќи ги како „безобѕирен чекор“ и „непредизвикан чин на вооружена агресија“.
Свет | пред 1 месец
Судирот доведе до затворање на клучните аеродроми во Дубаи, Абу Даби и Доха и до откажување на повеќе од 1.800 летови на големите блискоисточни авиопревозници, според податоците на аналитичката компанија Cirium. Од околу 4.218 планирани летови за сабота, откажани се 966, односно 22,9 проценти.За недела се откажани 716 од вкупно 4.329 планирани летови. Во меѓувреме, платформата за следење летови FlightAware објави дека до недела во 3:30 часот по средноевропско време, глобално биле одложени повеќе од 19.000 летови, а над 2.600 целосно откажани.Неизвесноста за патниците расте, бидејќи засега не е јасно колку долго ќе траат прекините во воздушниот сообраќај. Џонатан Ескот и неговата свршеница во саботата пристигнале на аеродромот во Њукасл во Англија, за да дознаат дека нивниот директен лет за Дубаи со „Емирати“ е откажан. Ескот се вратил кај семејството, кое живее на околу еден час од аеродромот, но не знае кога ќе може да отпатува.„Никој не знае“, изјавил Ескот. „Никој навистина не знае што се случува со судирот. Дури ни ‘Емирати’, ни тие немаат одговор. Никој нема јасна слика.“Како одмазда за нападите на САД и Израел, Иран започна серија напади врз Израел и врз заливските држави во кои се наоѓаат американски воени бази – Бахреин, Кувајт, Катар и Обединетите Арапски Емирати. Трите главни заливски авиопревозници – „Емирати“, „Етихад“ и „Катар ервејс“ – вообичаено превезуваат околу 90.000 патници дневно преку своите центри.Два аеродрома во Обединетите Арапски Емирати пријавиле инциденти. Властите во Дубаи соопштија дека четири лица се повредени, додека од Меѓународниот аеродром „Зајед“ во Абу Даби информираа дека едно лице загинало, а седум се повредени во напад со беспилотно летало. Напади биле регистрирани и на Меѓународниот аеродром во Кувајт.Иако Иран официјално не презеде одговорност, обемот на нападите, кои заливските држави му ги припишуваат, се прошири и надвор од американските бази што претходно беа посочени како цели.Аналитичарот за воздухопловство Хенри Хартевелд предупредува дека ситуацијата нема да се нормализира веднаш. „Патниците треба да се подготват за доцнења и откажувања во следните неколку дена, сè додека нападите траат и, се надеваме, не завршат“, изјавил тој.Аеродромите низ Блискиот Исток останаа затворени и во неделата, втор ден по ред. Управата на аеродромите во Дубаи потврди дека операциите на „Дубаи интернешнл“ и „Дубаи ворлд сентрал“ се суспендирани до понатамошно известување. „Емирати“ привремено ги прекина сите летови до и од Дубаи до недела во 15 часот по локално време.Летовите на Меѓународниот аеродром „Хамад“ во Катар исто така беа суспендирани, а „Катар ервејс“ најави дека ќе продолжи со работа откако катарските воздухопловни власти ќе го прогласат воздушниот простор за безбеден.Според FlightAware, најмалку 145 авиони што во саботата летале кон Тел Авив и Дубаи биле пренасочени кон Атина, Истанбул или Рим, додека дел се вратиле на полетната точка. Еден авион поминал речиси 15 часа во воздух откако полетал од Филаделфија, стигнал до Шпанија, па се вратил назад.Картата на FlightRadar24 покажува дека главниот воздушен коридор исток–запад над Ирак, еден од најпрометните што ја поврзува Азија со Европа, е речиси целосно празен, што ја нагласува сериозноста на нарушувањата.Заливските превозници „Емирати“ и „Етихад“ во саботата откажале 38, односно 30 проценти од своите летови, додека „Катар ервејс“ суспендирал 41 процент од летовите од Доха. Голем број европски и светски авиокомпании исто така ги прекинаа летовите кон и од регионот.Поради вонредните околности, патниците нема да имаат право на класична финансиска отштета за доцнењата, но авиокомпаниите се должни да обезбедат грижа – храна, пијалаци и, доколку е потребно, сместување. Во случај на откажан лет, патниците имаат право на целосен поврат на средствата.Експертите предупредуваат дека доколку кризата продолжи, летовите ќе мора да се пренасочуваат околу зоните на судир, што ќе го продолжи времетраењето на патувањата, ќе ги зголеми трошоците за гориво и можно е да доведе до поскапување на авионските билети.
Свет | пред 1 месец
Низа експлозии одекнаа во американска воена база во Ербил, на северот на Ирак, по што над базата почнал да се издигнува густ чад, јавуваат локални извори. Според нивните наводи, детонациите го потресле поширокото подрачје, а се верува дека станува збор за директен воздушен напад врз воени цели во рамките на комплексот, пренесува Anadolu Agency.Одговорноста за нападот набргу ја презеде ирачката шиитска група Сераја Евлија ед-Дем. Во соопштение наведоа дека со беспилотно летало ги нападнале американските воени инсталации во тој реон.По нападот, на небото над Ербил била забележана засилена активност на хеликоптери и беспилотни летала на меѓународната коалиција. Истовремено, на терен безбедносните сили воспоставиле засилени мерки за обезбедување околу целото подрачје на базата.Засега нема официјални информации за евентуални жртви меѓу американскиот воен персонал, ниту за обемот на материјалната штета. Претставниците на коалицијата сè уште не се огласиле со детали за нападот.
Свет | пред 1 месец
Најмалку девет лица загинаа во пакистанскиот град Карачи за време на протестите пред американскиот конзулат, кои избувнаа поради американско-израелските напади врз Иран, јавуваат агенциите повикувајќи се на спасувачките служби.Според информациите, пакистанската полиција употребила солзавец за да ги растера демонстрантите, откако тие ја пробиле надворешната ограда на американскиот конзулат во Карачи. Новинар на Ројтерс пријавил и истрели, а видеоснимки од местото покажуваат запалени возила пред главниот влез на објектот.Локалните власти соопштија дека демонстрантите биле оттурнати од конзулатот, додека состојбата во градот останува тензична.Протести се одржаа и во други делови на Пакистан. Во северниот град Скарду, во покраината Гилгит-Балтистан, демонстранти ја запалиле зградата во која се сместени канцеларии на Обединети нации. Локалните власти информираа дека нема жртви во тој инцидент.Во Лахоре, стотици луѓе се собрале пред американскиот конзулат, но без сериозни инциденти. Според очевидци, полицијата ги спречила обидите за оштетување на безбедносната ограда без употреба на сила.Паралелно, протести се одржаа и во ирачкиот главен град Багдад, каде проирански демонстранти се собраа пред Зелената зона, во која се наоѓа и американската амбасада.Тензиите се прелеаја и во индискиот дел на Кашмир, каде илјадници шиити излегоа на улиците во знак на жалост и протест. Во регионалниот центар Сринагар се слушаа антиамерикански и антиизраелски пароли, но собирот минал без поголеми инциденти.Ескалацијата на протестите доаѓа во време на засилени регионални тензии по најновите воени случувања на Блискиот Исток.
Свет | пред 1 месец
Иранските власти денеска го именуваа Алиреза Арафи за правен член на привременото Водечко тело, кое ќе ги извршува должностите на врховниот лидер сè додека Собранието на експерти не избере нов водач, јави агенцијата ИСНА, повикувајќи се на официјални извори.Арафи, влијателен клерик и член на Советот на чувари, ќе биде дел од привременото Водечко тело заедно со претседателот на Иран, Масуд Пезешкијан, и претседателот на судската власт, Голамхосеин Мохсени Еџеи.Привременото Водечко тело има задача да ја обезбеди институционалната континуитет и стабилност на државата во периодот по смртта на врховниот лидер, додека Собрание на експерти не го избере неговиот наследник. Ова тело, составено од исламски правници, има уставна надлежност да го именува или разреши врховниот лидер на Исламската Република.Именувањето на Арафи доаѓа во чувствителен момент за Иран, во услови на ескалирани регионални тензии и внатрешна политичка неизвесност.
Свет | пред 1 месец
Висок ирански безбедносен функционер упати жестока закана до Соединетите Американски Држави и Израел, најавувајќи нови напади.Али Лариджани на платформата Икс напиша дека Иран веќе испукал проектили кон двете држави и дека им биле нанесени штети.„Денес ќе ги погодиме со сила каква што никогаш досега не искусиле“, порача тој.Неговата изјава следи по предупредувањето од американскиот претседател Доналд Трамп, кој на социјалните мрежи напиша дека Иран најавил силен удар и дека „подобро е да не го сторат тоа“, бидејќи во спротивно САД ќе возвратат со сила „каква што никогаш не била видена“.Во меѓувреме, Иран подигна црвено знаме над џамијата Џамкаран во градот Ком. Во шиитската традиција, црвеното знаме симболизира крв на неправедно убиените и повик на одмазда, а се крева по ликвидација на важни лидери или по големи напади.Иранскиот претседател Масуд Пезешкијан се заколна на одмазда, оценувајќи дека атентатот врз ајатолахот Али Хаменеи претставува објава на војна против муслиманите.Размената на закани дополнително ја зголемува неизвесноста во регионот и ја продлабочува кризата што веќе предизвика сериозни воени и дипломатски последици.
Свет | пред 1 месец
Министерот за надворешни работи и надворешна трговија на Унгарија, Петер Сијарто, изјави дека Будимпешта најостро ги осудува нападите на Иран врз суверенитетот и територијалниот интегритет на заливските држави. Како што наведе, нападите насочени кон Обединетите Арапски Емирати, Катар, Бахреин, Кувајт и Саудиска Арабија претставуваат сериозна закана за регионалната безбедност.Секој чекор што води кон ескалација на судирот е неприфатлив и дополнително ја зголемува нестабилноста на Блискиот Исток. Безбедноста и стабилноста на регионот се од глобален интерес, а Унгарија ја поддржува деескалацијата“, порача Сијарто во објава на социјалната мрежа X.Тој истакна дека Унгарија стои во солидарност со своите пријатели во регионот, кои, како што наведе, се изложени на континуирани напади.
Свет | пред 1 месец
Претседателот на Србија, Александар Вучиќ, во неговото денешно обраќање го коментираше оштетувањето на српската амбасада во Техеран.Таа е оштетена, цел на американскиот напад беше базата Басидж. Шрапнели ја оштетија нашата амбасада. Важно е да кажеме дека нашите луѓе се повлекуваат кон Баку и Азербејџан, документацијата е уништена и запалена целосно, во согласност со правилата. Нашиот амбасадор ќе замине во Баку со луѓето од дипломатското претставништво, но на лично инсистирање ќе се врати во Техеран, таму имаме еден брачен пар со сурогат бебе и сакаме да направиме сè што можеме за да им помогнеме“, рече тој.„Ние ги подготвивме авионите на Ер Србија, и тоа ме погодува, затоа што така и за време на короната им зборувавме на луѓето да не одат на Бали, па моравме на трошок на граѓаните на Србија да испраќаме авиони за да ги враќаме“, нагласи тој.
Свет | пред 1 месец
Со оглед на влошената безбедносна состојба во регионот на Блискиот Исток, вчера во Министерството за надворешни работи и надворешна трговија беше формиран кризен штаб, кој е на 24-часовно располагање на граѓаните.Неговата задача е континуирано да ја следи состојбата и да ги координира и систематизира сите постапки поврзани со македонските државјани кои се наоѓаат во и околу загрозените подрачја, а на кои им е потребна помош или асистенција. Истовремено, дипломатско-конзуларните претставништва се во постојана комуникација и целосно на располагање на граѓаните. Согласно информациите од Амбасадите на Република Северна Македонија во Тел Авив, Доха и Абу Даби, како и според јавувањата на СОС телефонот во Министерството во Скопје, тековно се зголемува бројот на наши државјани кои пријавуваат дека се затечени во загрозените подрачја. Со сите пријавени лица се одржува постојан контакт, при што се преземаат подготвителни активности за евентуална асистенција и нивна безбедна евакуација, во зависност од развојот на состојбата.Министерството за надворешни работи и надворешна трговија, преку дежурниот телефонски број и преку дипломатско-конзуларните претставништва, и понатаму останува целосно на располагање на граѓаните. Уште еднаш ги повикуваме сите наши државјани кои се наоѓаат во земјите од регионот доследно да ги почитуваат упатствата и насоките на локалните надлежни безбедносни органи“, информираат од МНР. За дополнителни информации и помош, на располагање се: СОС дежурен телефон (МНРНТ):075/273-732 Амбасада на Република Северна Македонија во ДохаТел: +974 50 173 111 Амбасада на Република Северна Македонија во Абу ДабиТел: +971 56 441 7532 Амбасада на Република Северна Македонија во Тел АвивТел: +972 54 500 8566Тел: +972 54 967 0546
Македонија | пред 1 месец
Нафтен танкер бил нападнат во неделата на околу пет наутички милји од брегот на Масандам во Оман, соопшти поморскиот безбедносен центар на земјата.Во нападот се повредени четири лица, а целата екипаж од 20 членови е евакуирана, пренесува Си-Ен-Ен. Станува збор за пловило со име „Скајлајт“, кое пловело под знамето на Палау, островска држава во западниот Пацифик.Во спасувачката акција учествувале оманската морнарица и вооружените сили, што според соопштението ја одразува подготвеноста на државата за справување со поморски инциденти.Инцидентот се случува во време кога Оман има важна посредничка улога во регионот. Земјата неодамна посредуваше во преговорите меѓу Иран и Соединетите Американски Држави со цел постигнување нов нуклеарен договор.Засега нема информации за одговорноста за нападот, ниту детали за причините и начинот на кој бил изведен. Надлежните служби започнале истрага.
Свет | пред 1 месец
Израелски одбранбени сили објавија нови информации за нападите во кои беше убиен врховниот водач на Иран, ајатолахот Али Хаменеи.Во соопштението се наведува дека израелските воздухопловни сили, врз основа на прецизни разузнавачки податоци од военото разузнавање и во координација со Мосад, го погодиле комплексот на раководството во центарот на Техеран, каде што Хаменеи присуствувал на состанок со високи функционери.Американскиот претседател Доналд Трамп изјави дека разузнавачките служби го откриле движењето на Хаменеи и дека состанокот бил поместен од вечерните часови за сабота наутро, по што бил забрзан нападот.Според извештај на Њујорк тајмс, повикувајќи се на извори запознаени со случајот, ЦИА непосредно пред координираниот напад ја утврдила точната локација на Хаменеи и обезбедила „високо доверливи“ информации што биле клучни за операцијата. Наводно, американските служби со месеци го следеле неговото движење и безбедносните рутини.Информациите биле споделени со Израел, по што двете земји го прилагодиле времето на нападот. Наместо првично планираниот ноќен термин, ударот бил изведен во 9:40 часот по локално време, во моментот кога се одржувал состанокот.Белата куќа и ЦИА одбиле официјално да го коментираат извештајот.Сателитска снимка од компанијата Ербас, направена во 11:06 часот по локално време, покажува густ чад и сериозни оштетувања во комплексот во централниот дел на Техеран. Според достапните информации, погодени се најмалку четири објекти.Во соопштението, ИДФ оцени дека Хаменеи „промовирал екстремистичка идеологија против државата Израел и Западот“ и дека бил „архитект на планот за уништување на Израел“. Со неговата смрт, израелската војска порача дека е „затворен историски круг со елиминацијата на лидерот на иранската терористичка оска“.
Свет | пред 1 месец
Техеран го потресуваат нови експлозии, а снимки и фотографии од густ чад се појавуваат на социјалните мрежи.ИДФ пред нешто повеќе од половина час објави дека „започнале удари врз срцето на Техеран“.„Воздухопловните сили, водени од воената разузнавачка служба, токму сега започнаа широк бран напади врз цели на иранскиот терористички режим во срцето на Техеран“, додава војската.„Во текот на изминатиот ден, воздухопловните сили спроведоа обемни напади за да воспостават воздушна надмоќ и да го отворат патот кон Техеран“, се наведува во соопштението.
Свет | пред 1 месец
Иранскиот политички ветеран Али Ларијани во неделата соопшти дека ќе се воспостави привремено раководство откако во воздушен напад беше убиен врховниот водач ајатолах Али Хамнеи, пренесе Ројтерс. Ларијани минатата година повторно се издигна како една од највлијателните фигури во безбедносната структура на Иран.Тој раководел со широк спектар прашања – од нуклеарните преговори и регионалните односи, до одговорот на властите на внатрешните немири. Во август беше именуван за секретар на Врховниот совет за национална безбедност, функција што ја извршувал и претходно.Како близок соработник на Хамнеи, Ларијани учествувал во подготовките за индиректни нуклеарни разговори со САД во Оман, а во изминатите месеци повеќепати патувал и во Москва на средби со руското раководство. Тој зазема прагматичен тон за нуклеарното прашање, наведувајќи дека загриженоста на САД може да се реши, но истовремено истакнал дека иранската нуклеарна технологија „не може да се уништи“.САД во јануари му воведоа санкции, обвинувајќи го дека имал водечка улога во задушувањето на антивладините протести. Американското Министерство за финансии соопшти дека Ларијани повикал на насилен одговор против демонстрантите, додека организациите за човекови права наведуваат дека во пресметките биле убиени илјадници лица.Ларијани бил претседател на парламентот од 2008 до 2020 година и важи за влијателна фигура која одржува односи со различни фракции во системот. Роден е во 1958 година во Наџаф, во угледно клерикално семејство, а докторирал филозофија во Иран.
Свет | пред 1 месец
Израелски одбранбени сили објавија нови детали за нападите во кои, според нивните наводи, е убиен врховниот водач на Иран, ајатолахот Али Хаменеи.Во соопштението се наведува дека израелските воздухопловни сили, врз основа на „прецизни разузнавачки информации“ обезбедени од Воената разузнавачка служба и во координација со Мосад, го погодиле комплексот на раководството во центарот на Техеран, каде што се наоѓал Хаменеи заедно со други високи функционери.Според израелската верзија, разузнавачките служби го откриле неговото движење и информацијата дека состанокот што требало да се одржи вечерта е поместен за сабота наутро, по што бил забрзан нападот. Американскиот претседател Доналд Трамп претходно изјави дека Хаменеи и другите лидери „не можеле ништо да направат“ откако биле лоцирани.Сателитска снимка на компанијата Ербас, направена во 11:06 часот по локално време, прикажува густ чад и значителна штета на комплексот во централниот дел на Техеран. Според достапните информации, погодени се најмалку четири објекти.ИДФ во соопштението оценува дека Хаменеи „промовирал екстремистичка идеологија против државата Израел и Западот“ и дека бил „татко на планот за уништување на Израел“.Со неговата смрт, израелската војска тврди дека е „затворен историски круг со елиминацијата на лидерот на иранската терористичка оска“.Иранските власти претходно потврдија дека врховниот водач е убиен, а во земјата е прогласена жалост. Ескалацијата на конфликтот продолжува со нови ракетни удари и закани од двете страни.
Свет | пред 1 месец
Постојаниот претставник на Русија при Обединетите нации, Василиј Небензја, изјави дека Русија бара од Соединетите Американски Држави и Израел да ги прекинат агресивните дејства против Иран.Небензја на итната седница на Советот за безбедност на ОН за Иран, која беше свикана на барање на Русија и Кина, рече дека Русија смета дека ударите на САД и Израел врз Иран претставуваат „нож во грб“ и „вистинско предавство на дипломатијата“, бидејќи се изведени во време кога Техеран покажувал подготвеност за дипломатски преговори со Вашингтон, пренесува Спутник.Тој изјави дека Иран доследно соопштувал дека нема планови за создавање нуклеарно оружје и дека ги исполнува обврските во таа област, додавајќи дека ескалацијата околу Иран ја загрозува нуклеарната и радиолошката безбедност.Небензја наведе дека Русија ги смета за неосновани обидите на Западот да ја оправда „агресијата“ на САД и Израел против Иран, како и изјавите на претседателот на САД Доналд Трамп дека нападот бил изведен за да се спречи Техеран да дојде до нуклеарно оружје.Според неговите зборови, Русија повеќепати добивала сигнали дека Израел наводно не е заинтересиран за воена конфронтација со Иран, но дека сегашните активности на САД и Израел ризикуваат да доведат до хуманитарна и економска катастрофа. Небензја додаде дека Русија очекува генералниот директор на Меѓународната агенција за атомска енергија (IAEA), Рафаел Гроси, јасно да го осуди американскиот напад врз Иран.Во обраќањето на седницата на Советот за безбедност на ОН тој рече и дека Русија со „особена болка“ ја примила веста за ударот врз училиште во Иран и дека презема неопходни мерки за безбедноста на руските државјани во Иран.Дејствата на САД и Израел ги оцени како неиспровоциран акт на вооружена агресија и кршење на Повелбата на ОН и меѓународното право, како и дека воените акции се насочени кон отстранување на држава која е „незгодна за Западот“.САД и Израел го нападнаа Иран рано вчера наутро во, како што беше соопштено, „превентивни напади“, до кои дојде по неуспехот на повеќе рунди преговори за иранската нуклеарна програма.Иран потоа започна масовни одмазднички удари врз Израел и врз цели поврзани со САД низ регионот на Блискиот Исток.
Свет | пред 1 месец
Новинската агенција Фарс, поврзана со Корпус на исламската револуционерна гарда, објави дека во нападите биле убиени ќерката, зетот и внукот на врховниот водач на Иран, ајатолахот Али Хаменеи.Агенцијата, повикувајќи се на „добро информирани извори“ од кабинетот на врховниот водач, наведува дека во нападите наводно загинала и една од неговите снаи. Претходно веќе се појавија информации за смртта на членови од семејството, но дел од нив подоцна беа демантирани.Иранските власти сè уште немаат официјално потврдено ниту смртта на самиот Хаменеи.Во меѓувреме, американскиот претседател Доналд Трамп јавно изјави дека Хаменеи е мртов, оценувајќи дека станува збор за „правда за иранскиот народ и за жртвите ширум светот“. Тој најави продолжување на воените операции и ги повика припадниците на иранските безбедносни структури да се откажат од борбата и да побараат имунитет.На профилот на Хаменеи на социјалната мрежа Икс претходно беше објавена порака со религиозна симболика, во која се споменува имамот Али, што дополнително ги поттикна шпекулациите за неговата судбина.И покрај тврдењата од израелски и американски извори, од Техеран и натаму нема официјална реакција која би ги потврдила овие информации. Ескалацијата на реториката и наводите за ликвидации на највисокото раководство ја продлабочуваат неизвесноста во регионот.
Свет | пред 1 месец
Стотици луѓе денес упаднаа во американскиот конзулат во пакистанскиот пристанишен град Карачи, кршејќи прозорци по американско-израелскиот напад врз Иран и убиството на врховниот верски водач на Иран, ајатолахот Али Хамнеи.Пакистанската полиција соопшти дека во немирите се убиени најмалку шест лица.Полицијата и паравоените сили користеа палки и солзавец за да ја растераат толпата“, изјави полицискиот функционер Мохамед Џавад, пренесува АП.Нападот врз конзулатот беше изведен неколку часа откако ајатолахот Али Хамнеи беше убиен во голем напад врз Техеран што го извршија Израел и Соединетите Американски Држави.
Свет | пред 1 месец
Највисокиот ирански безбедносен функционер, секретарот на Врховниот совет за национална безбедност на Иран Али Лариджани соопшти дека таа земја денес ќе воспостави привремен управен совет, јавува агенцијата Тасним.Тоа е привремена мерка која ќе се применува во согласност со Уставот по убиството на лидерот на Исламската револуција, ајатолахот Сејед Али Хамнеи, во американско-израелски напад, и ќе важи сè додека не биде избран наследник на Хамнеи.Говорејќи на државната телевизија, Лариджани денес истакна дека иранската нација ги осуетила плановите на САД и Израел и дека, зачувувајќи го своето единство и зрелост, ги неутрализирала американските и израелските заговори со цел распад на Иран.Тој наведе дека Уставот содржи одредби за иднината на Иран во услови на отсуство на раководство и дека привремениот управен совет наскоро ќе биде формиран.Како што објасни, според член 110 од Уставот, ако земјата остане без лидер, претседателот, шефот на судството и еден од правните членови на Уставниот совет привремено ќе ги преземат должностите на лидерот сè додека не се избере нов водач.Лариджани, исто така, денес ги обвини Соединетите Американски Држави и Израел дека сакаат да го ограбат и дезинтегрираат Иран, пренесоа локалните медиуми.Привремениот совет за водство на земјата наскоро ќе биде формиран. Претседателот, првиот човек на правосудството и член од Советот на чуварите ќе ја преземат одговорноста до изборот на следниот лидер. Овој совет ќе биде основан што е можно поскоро. Работиме на тоа да го формираме веќе денес“, изјави Лариджани, кој бил советник на убиениот ајатолах Хамнеи.Лариджани за време на обраќањето на иранската државна телевизија предупреди дека „сецесионистичките групи“ ќе се соочат со остар одговор доколку се обидат на каква било акција.Хамнеи одредил четири нивоа на наследувањеДодека бил жив, врховниот ирански верски водач ајатолах Али Хамнеи му наложил на Лариджани и на неколкумина други блиски соработници да обезбедат земјата да преживее не само американски и израелски бомби, туку и каков било атентат врз него и највисокото државно раководство.Хамнеи на состанок со Лариджани на 22 февруари одредил четири нивоа на наследување на чело на државата и воената хиерархија.Исто така им рекол на сите на раководни позиции да именуваат до четири заменици и им делегирал одговорности на тесен круг доверливи лица да донесуваат одлуки во случај комуникацијата со него да биде прекината или ако биде убиен.Додека се криел за време на 12-дневната војна со Израел во јуни минатата година, Хамнеи именувал тројца кандидати кои би можеле да го наследат.Нивните имиња никогаш не биле објавени, но Лариджани речиси сигурно не е меѓу нив, бидејќи не е високорангиран шиитски верски водач, што е основен услов за секој наследник на чело на државата.Од друга страна, Лариджани бил во најтесниот круг доверливи соработници на убиениот ајатолах Хамнеи, во кој спаѓаат и воениот советник и поранешен врховен командант на Револуционерната гарда на Иран, генерал-мајор Јахја Рахим Сафави, како и бригадниот генерал и актуелен претседател на иранскиот парламент Мохамед Багер Галибаф.
Свет | пред 1 месец
Фарс и други државни медиуми во Иран објавија дека врховниот водач ајатолах Али Хаменеи бил убиен во својот комплекс во главниот град Техеран.Според информациите, Хаменеи загинал рано утрото во саботата „во својата канцеларија во резиденцијата на лидерот“, додека ги извршувал своите должности.Сателитски снимки на компанијата Ербас, направени по нападите, покажуваат густ црн чад кој се издига од комплексот во центарот на Техеран. На снимките се гледа дека повеќе објекти во рамките на комплексот се сериозно оштетени.Комплексот се наоѓа во централниот дел на градот, во близина на универзитетот, и претставува клучен центар за одлучување и седиште на теократското раководство на Исламската Република.Водителот на државната телевизија, кој ја соопшти веста за смртта, заплака додека го читаше официјалното соопштение.Поради смртта на врховниот водач, во Иран се прогласени 40 дена жалост.
Свет | пред 1 месец
Шест лица, меѓу кои и еден пратеник во парламентот, загинаа во саботата при пад на хеликоптер во западна Кенија, потврдија полициски и владини претставници.Несреќата се случила во округот Нанди, во регионот Норт Рифт, а причините за падот засега не се познати, пренесува Ројтерс.Командантот на окружната полиција Самуел Мукуси за телевизијата Citizen TV изјави дека во несреќата загинале пилотот, пратеникот и уште четири лица.Претседателот на Кенија, Вилијам Руто, на социјалната мрежа Икс потврди дека станува збор за пратеникот Јохана Нгену од изборната единица Емуруа Дикир.„Нашите мисли и молитви се со неговото семејство, пријателите, жителите на Емуруа Дикир и сите жртви и семејства погодени од падот на хеликоптерот во Мосоп, во округот Нанди“, напиша Руто.Идентитетите на останатите патници сè уште не се објавени. Надлежните служби започнале истрага за утврдување на причините за несреќата.
Свет | пред 1 месец
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
