ЈСП

(Видео) Нема партиски вработувања, туку 300 работници помалку во ЈСП, тврди Арсовска и седна до синдикалците

Градоначалничката на Скопје, Данела Арсовска, ги поддржа вработените од ЈСП кои ги оставија автобусите и претпријатието и излегоа на протест да бараат плата. Според неа, тезите на советниците дека има партиски вработувања се неточни, а ниту тезите дека ЈСП не е транспарентно како ги троши парите. Таа ги повика советниците да ги изгласаат советниците за да вработените во ЈСП земат плата.„Како што можевте да видите во изминатите денови, од синдикатите на ЈСП имаше реакции, дека со неизгласување на одлуката за доделување на субвенции за ЈСП, средства кои се веќе одобрени и изгласани во буџетот, тие истите се тука со нас и јас им давам поддршка. Тие својата плата ја имаат одработено. Тие работат макотрпно, би сакала да поразговараме за тезите – зошто како советници не сте гласале за одлуката. Првото е транспарентноста и како се трошат парите од ЈСП – на кратко образложи директорот. Управниот и надзорниот одбор го излгасавте вие. Дека целосно и детално сте информирани е видно од извештаите за резултатите кои сте ги добиле“, кажа Арсовска.За обвинувањата за превработеност, Арсовска посочува дека тоа не е точно.„За илустрација, во 2022 година, има намалување од 150 вработени од претходната година, а во 2023 година има намалување за 300 вработени. Вработувањата не се зголемени“, додаде Арсовска.Според неа, расчистени се тие кои не оделе на работа и нема никакви вработувања. Посочува и дека ваква криза може да има и во другите јавни претпријатија.„Некој тука сака да креира ваква слика и во другите претпријатија, кои средства не се гласаат и за таа криза, одговорноста ќе ја носите вие на грб“, посочи Арсовска.

Скопје | пред 2 години

(Видео) Во времето на Коце, ЈСП функционираше со 150 милиони, а сега со 700 милиони не функционира - зошто?, прашува советничката Андоновска

Советничката на ВМРО-ДПМНЕ во Град Скопје, Марија Андоновска, смета дека во ЈСП се истураат пари, а нема квалитетен превоз, туку гужви и помалку линии. Таа направи споредба на мандатот на Данела Арсовска со мандатот на Коце Трајановски и праша како може ЈСП да не функционира со над 700 милиони субвенции, а можело со 150 милиони субвенции. Постави низа прашања до директорот на ЈСП, Крсте Петревски.„Како во времето на Коце Трајановски со 150 милиони можеше да функционира, а сега со 700 милиони не може да функционира?! Ве прашуваме што е проблемот, кај се парите – велите ви дадовме извештаи. Да ви го читам извештајот, вие нема да го разберете, не пак граѓаните. Не можеме да ви даваме постојано средства оти не се наши. Треба да кажете како со помалку пари да функционира и да има постојано јавен градски превоз. Зошто да немаат луѓето автобуси, а имало со помалку средства? Се гужваат по автобуси, чекаат по 45 минути минимум“, вели Марија Андоновска, советничка од ВМРО-ДПМНЕ.Таа побара извештај за финансиското работење на ЈСП.„Овој совет има неколку одлуки, се однесуваат на продолжување на одредени автобуски линии, за воведување на автобуски линии, одлуките кои сме ги предложиле и се изгласани, до тука е наша одговорност. Понатака, вие, ЈСП и градоначалникот треба да ги реализирате. Зошто одлуките за минимум пет-шест автобуски линии кои се продолжени, не се направени? И зошто воведување на минимум две линии не е направено тоа. Ова Собрание има одлука со рок, каде бара детални информации за финансиското работење на претпријатието – ги немате доставено. Лага е дека сте доставиле извештаи. Не, сте ни доставиле штури извештаи, а не онакви какви што баравме како Собрание“, додаде Андоновска.

Скопје | пред 2 години

„Ова е срамота, мизерно и перверзно“, вели заменик-градоначалникот на Скопје за неисплатата субценции за ЈСП

Заменик-градоначалникот на Скопје, Александар Трајановски и член на Советот на градот, побара да се одобри исплата на субвенциите за ЈСП. Според него, ова што се случува е срамота и изрази поддршка за вработените.„Како може уште да дебатирате, надвор чекаат луѓето да земат плата, јака им душа како прекрцале во декември и јануари. Да излегувате и да прашувате за автобуски линии е мизерно и перверзно“, рече Трајановски.Тој додава: „Во тоа јавно претпријатие не работат луѓе од само една политичка определба, не купувајте вака политички поени“.Укажа дека одговорноста е кај советниците.„Оваа деструктивност не треба да се користи како политика, нема има исход позитивен. Ако мислите дека можете друг да посочите како кривец, се лажете. Одговорноста е кај нас. Граѓаните ни ја дале“, додава Трајановски.

Скопје | пред 2 години

(Видео) Граѓаните нема да видат нови линии, додека не се купат нови автобуси

Директорот на ЈСП, Крсте Петревски, одговарајќи на советнички прашања во Град Скопје, кажа дека нови автобуски линии нема да има додека не се добијат нови автобуси.„Не е проблем да ги воведеме линиите, изгласајте ги автобусите за ЈСП веднаш ќе ги воведеме. Ресурсите на ЈСП со оваа флота која ја имаме 13 години стара, тие се можностите“, посочува Петревски.Кажа дека трошоците се зголемени, оти цените се повисоки.„Во времето на Коце, нафтата беше 27 денари, платата минимална беше 9.000 денари и споредувате тој период со овој. На крај, за трошоците – на секое прашање ќе ви одговарам. Со претпријатието управува Управниот и надзорниот одбор, директорот извршува. Тие имаат увид за секој потрошен денар. Треба да присуствувате на состанок да видите како се дискутира по седум часа. Ако вас не ве известуваат тоа е ваш проблем“, додаде директорот.Тврди дека не троши пари за ресторани и патувања.„Ако треба три дена ќе ви образложувам за секој денар. За репрезентација и патување, имам 0 денари потрошено. Импутирате доблест и чест, а за тоа да го дискутирате треба да го поседувате“, додаде тој.

Скопје | пред 2 години

(Видео) Јаневски: Вашите вработени директоре немаат плата да земат, а вие се возите со службен автомобил

Она што се случува во претпријатието изминатите две години е целосно крахирање на системот и функционалноста на претпријатието. За ваквата состојба никако не може да се обвини Советот на Град Скопје, бидејќи ние сме локална законодавна власта во градот. Извршната власт во градот се градоначалникот и директорот на ЈСП односно менаџментот на ЈСП, вели советникот во Советот на Град Скопје од коалицијата предводена од ВМРО-ДПМНЕ, Филип Јаневски на денешната вонредна седница.Јаневски посочи дека во извештаите има ставки за договорни услуги од 200.000 евра, за нематеријални трошоци од 350.000 евра, потенцирајќи дека нејасно е каде се потрошени тие пари.Ние како локална законодавна власт вршиме контрола врз извршната власт. Затоа вие кога нас ни велите, не можеме за извештајот да поставуваме прашања, тоа е нелогично, бидејќи ние сме тука да дискутираме за извештаите на сите претпријатија и да поставуваме прашања за нејаснотите и нелогичностите кои ги има во тие извештаи. Велите дека истата форма била на извештаите децении наназад. Но, тоа не е точно. Првиот квартален извештај има различна форма, вториот квартален извештај има различна форма. Таму имате ставки кои велат 12 милиони денари договорни услуги, кои се тие договорни услуги од 200.000 евра. Што се договарате толку за 200.000 евра? Пишува други нематеријални трошоци 21 милион денари или 350.000 евра. Кои се тие други нематеријални трошоци од 350.000 евра? Тоа се тие прашања за кои ние бараме одговори, бидејќи е нејасно каде се потрошени тие пари, истакна тој.Јаневски потсети дека советниците до сега за ЈСП изгласале помош од 12 милиони евра, укажувајќи дека на седницата на 14 ноември, директорот велел дека тие 2 милиони евра кои ги изгласале во советот ќе бидат доволни за исплата на ноемвриската и декемвриската плата.Што се однесува за грижата за вработените во ЈСП, да ве потсетам ние на 14 ноември имавме деветта вонредна седница на која што изгласавме дополнителни 2 милиони евра за субвенции за ЈСП, на што директорот ни кажа дека тие ќе бидат за декемвриските плати. Првично дадовме 10 милиони евра, па дадов 2 милиони евра и ни беше ветувано дека со тие пари целосно ќе се покрие годината и ќе се заврши. А сега ни кажувате дека декемвриската плата не ја земале. И сега се поставува прашањето како успеавте да го доведете претпријатието до ова дереџе, праша Јаневски.Јаневски нагласи дека во време на Коце Трајановски субвенциите за ЈСП биле 150 милиони денари, додека сега со Данела Арсовска субвенциите се 750 милиони евра, или 600 милиони денари повеќе.Кога Коце Трајановски бил градоначалник 150 милиони денари биле субвенциите, а сега се 750 милиони денари повеќе. Тоа се 600 милиони денари односно 10 милиони евра повеќе. Па ние во 2022 година изгласавме субвенции од 525 милиони денари, а ЈСП ја заврши годината со загуба од 384 милиони. Па тоа е дупка од над 900 милиони денари, дециден е Јаневски.Јаневски му порача на директорот на ЈСП дека додека неговите вработени протестираат, тој го користи службеното возило платено токму со нивни пари.Вашите вработени директоре немаат плата да земат, а вие се возите со службен автомобил, платена со нивни пари. Ако веќе се грижевте ќе дојдевте со нас да разговараме за сите нејаснотии, да ги објасните, му порача Јаневски на директорот на ЈСП.Јаневски вели дека Советот упорно одобрува пари за ова претпријатие, а упорно и упорно не ни се даваат одговори каде се трошат парите.Значи ние упорно и упорно истураме пари во ова претпријатие, а упорно и упорно не ни се даваат одговори каде се трошат парите. Минатата година беа дадени рекордни 740 милиони денари, 12,5 милиони евра на ова претпријатие, а сега допрва ќе видиме со колкава загуба ќе ја заврши 2023 година кога ќе стигнат извештаите. Знаете ли кој е концептот на субвенции. Помош при потешкотии во работењето. Ние гласаме потешкотии на работењето за 2024 година, а годината уште не е започната. Знаете што значи ова? ЈСП не може ниту плати да ги исплати на своите вработени без од градот да има над 10 милиони евра секоја година дадено, тоа е 10 проценти од буџетот на градот. Тоа се помалку пари за булевари, водовод, улици, заклучи Јаневски.Јаневски порача дека нема да ја поддржат точката за дополнително давање на помош на ЈСП, додавајќи дека вработените во ЈСП треба да се обратат до нивниот директор бидејќи тој не им обезбедил плата.Ние нема да поддржиме ваква точка, не за вработените да не земаат плата, туку тие треба со својот проблем да отидат кај директорот на ЈСП. Тој не им овозможил плата, тој им е директор, порача Јаневски.

Скопје | пред 2 години

(Видео) Наместо за платите во ЈСП, дискусија за телефонот на Славески: Пинот е 220960, отклучете, видете

Советничката Ирена Витина, која во ноември лани го напушти ВМРО-ДПМНЕ и остана да дејствува како независна советничка во Советот на Скопје, пак се скара со претседателот на Советот, Трајко Славески. Таа посочи дека тој нема концентрација и куца на телефон, односно дека добива инструкции.Славески ѝ го понуди телефонот таа сама да се увери дека тоа што го кажува не е точно и да го задржи кај неа. Таа одби. Потоа Славески отиде на говорница и го кажа пинот и пак го понуди телефонот.„Пинот е мојот роденден, 220960.. Користам Вибер, Телеграм, Сигнал. Ќе го оставам телефонот тука, се заклучува на две минути, отклучете го“, кажа лавески.Потоа, тој кажа дека не се правда. А Витина врати: „Сега не ви ѕвонат, таква е насоката, а постапувате како ќе ви кажат“.

Скопје | пред 2 години

ЈСП пријави двојно поголема загуба

Јавното сообраќајно претпријатие „Скопје“ до Град Скопје пријави загуба од 6,2 милиони евра во 2022. Приходот од 28 милиони евра бил недоволен за да се оствари одржливо салдо.Од таму ја информирале градската управа дека ова е двојно поголема загуба во работењето во споредба со 2021 година кога минусот беше 3 милиони евра, објави СДК.Сега од Град Скопје бара да им се покрие минусот, што ќе се разгледува на седницата на Советот на Град Скопје која ќе се одржи во четврток.„Загубата од работењето во 2022 годин е 384 милиони денари или 6,2 милиони евра. Загубата останува непокриена. Во текот на 2023 година основачот Град Скопје да најде начин за покривање на загубата со оглед дека се исцрпени сите законски резерви на ЈСП Скопје, па согласно Законот за јавни претпријатија основачот да изврши докапитализација на претпријатието“, стои во одлуката доставена до Советот на Град Скопје.

Скопје | пред 2 години

ЈСП денес вози по неделен возен ред

Јавниот превоз во Скопје денеска ќе функционира по неделен возен ред поради верскиот празник Богојавление – Водици.Како што соопшти ЈСП „Скопје“, исклучок ќе бидат линиите 18А, 32, 47А, 51, 55, 55В, 56, 56А, 70, 74, 81, 118, 160, 164 и 180, кои ќе сообраќаат по саботен возен ред.Дежурни од 6 до 13:30 часот ќе бидат билетарниците на Транспортен центар, Зелен пазар и билетарницата во Ѓорче Петров.Жичарницата ќе работи вообичаено, од 10 до 17 часот.

Скопје | пред 3 години

ЈСП го укина бесплатниот превоз, еден ден откако го воведе за да се исчисти воздухот

Од утре нема повеќе бесплатен јавен превоз во ЈСП. Ова го соопштија од претпријатието. Мерката траеше еден ден.„Ве информираме дека од утре, среда (28.12.2022 год) прекинува да важи одлуката за бесплатен превоз за сите граѓани во јавниот превоз, која времено се донесе како една од пакетот мерки на Град Скопје за намалување на загадувањето на воздухот.Согласно податоците од Државниот мониторинг систем за квалитет на амбиенталниот воздух на ден 26.12.2022 година, среднодневните концентрации на РМ10 суспендираните честички се под дефинираниот праг на алармирање од 150 мg/m3, и епизодата од два последователни дена е прекината во Скопје и престануваат да важат препораките и мерките за надминат праг на алармирање.Град Скопје ќе продолжи и натаму да ја следи состојбата со аерозагадувањето и во случај од потреба за повторно активирање на мерките, меѓу кои и бесплатен јавен превоз, ЈСП Скопје навремено ќе ја информира јавноста“.

Скопје | пред 3 години

Алармантната состојба со воздухот во Скопје, донесе бесплатен превоз во ЈСП

ЈСП Скопје ги информира граѓаните дека согласно соопштението од Министерствтото за животна средина и просторно планирање за надминување на прагот на алармирање на суспедндирани честички со големина до 10 микрометри, се активира мерката бесплатен јавен превоз.Мерката започнува да се применува од 26.12.2022 година, па се до завршување на алармантната состојба, што ќе биде објавено од надлежното министерство согласно резултатите од државниот мониторинг систем за квалитет на амбиентен воздух.

Скопје | пред 3 години

Проблемот со приватните превозници се продлабочува, Арсовска им порача дека нема да можат да се јават на новиот повик

„Јавниот градски превоз, го организираат органите на локалната самоуправа, а не приватни бизнисмени, политички партии или други интересни групи. Во случајов, организацијата на јавниот градски превоз е обврска на градот Скопје и ЈСП Скопје“, вели Данела Арсовска, градоначалничка на Скопје.Таа додава:Основна заложба на ова градско раководство е оптимизација на непродуктивните трошоци и пренасочување на тие средства кон проекти од корист за граѓаните. Оттука, градот Скопје и ЈСП во последните шест месеци успеа да оспособи 130 автобуси од флотата на ЈСП со што бројката на градски автобуси се зголеми од 140 активни во овој период минатата година, на 270. На овој начин, граѓаните на градот Скопје добиваат подобра, сигурна и стандардизирана услуга.Што се однесува до јавниот повик, истиот ќе биде објавен утре, а се однесува на линиите од кој градот Скопје има потреба - тоа се линиите со бр. 20 и бр. 22. Единствена разлика е во тоа што ниту „Слобода Превоз“ ниту „Макекспрес“ нема да можат да конкурираат една година од денот на раскинување на договорот поради прекршување на одредбите од договорот од нивна страна.Ги повикуваме сите приватни превозници да аплицираат на објавениот јавен повик, индивидуално или преку претставник на група на приватни превозници.

пред 3 години

Хаос во ЈСП: Нема гориво, има дефекти - Скопје може да остане без превоз

Градскиот автобуски превоз на Јавното сообраќајно претпријатие Скопје е пред колапс, така што постои опасност утрешниот ден да почне со многу проблеми за скопјани кои на работа патуваат со автобус, алармираат возачи и вработени во јавното претпријатие со кои конктактираше Плусинфо.– Од петокот од 17 часот нема нафта во гаражите во Автокоманда и во Ѓорче Петров. Денеска 3-4 автобуси на ЈСП останаа на улиците без нафта. Во моментов десетина автобуси се принудени да се повлечат во гаражите. Секој момент може да се случи кинеските двокатни и украинските автобуси да немаат повеќе нафта за возење – велат изворите на Плусинфо од ЈСП.Целиот текст можете да го прочитате тука

Скопје | пред 3 години

Aвтобусите на ЈСП се вратија на улиците низ главниот град

Денес автобусите на ЈСП се вратија на улиците низ главниот град, откако Град Скопје обезбеди плата за вработените.Советот на Скопје донесе одлука за пренамена на средства за исплата на плати за вработените, а градоначалничката Данела Арсовска побара да се подмират долговите на институциите кон ЈСП, но и одговорност од раководството и сите кои придонеле за лошата состојба во претпријатието.Скопјани вчера по прв пат останаа без услугите на јавниот градски превоз, поради проблемот со неисплатените плати на вработените во ЈСП.Градоначалничката Данела Арсовска изјави дека Министерството за образование и наука им должи 120 милиони денари за субвенциите за вршење линиски превоз за студенти и ученици во средно образование.

Скопје | пред 3 години

Бадијала чекате, автобуси на ЈСП - нема

Автобусите на Јавното сообраќајно претпријатие – ЈСП Скопје утринава во пет часот, на почетокот на работното време, останаа во гаража.Скопјани бадијала ќе чекаат на станица, автобусот нема да дојде.Вработените на ЈСП ќе бидат во автобазите на ЈСП во Ѓорче Петров и Автокоманда.На вонредната седница на Советот на Град Скопје, вчера се одвиваше расправија, а присутните меѓусебно си ја префрлаа вината. Советничката група на ВМРО-ДПМНЕ, ја обвини градоначалничката на Град Скопје, Данела Арсовска, а и советниците на СДСМ вината ја гледаат во локалната власт.Арсовска пак, повторно имаше расправија со претседателот на Советот, Трајко Славевски, а на советниците им порачуваше да не шират лаги во јавноста.Заклучокот е дека за прв пат во својата историја, Градот Скопје останува без јавен превоз.

Скопје | пред 3 години

Коментар на денот: Вие од ДПМНЕ, СДС и ДУИ, сосе шушумигана Данела, обезбедете плати, JСП утре мора да не' вози

Новинарката Соња Христовска Угриновска реагираше на социјалните мрежи откако ЈСП прогласи штрајк. Таа вели дека не може да не возат, без законски прогласен штрајк.„Не слушнав дека ЈСП прогласи штрајк!Како тогаш нема да не' возат, без законски прогласен штрајк?Синдикатот вика, нема да ве возиме, зашто сме гладни! И ладно, од утре нема да возат во поламилионски град.Законот вика дека во случај на штрајк или спор на дејностите од општ интерес или во оние каде прекинот на работата може да го загрози животот и здравјето на луѓето или да нанесе штета од големи размери, страните во спорот се должни веднаш да пристапат кон мирно решавање!Незаконски штрајк повлекува последици за организаторите и учесниците.Така да. Едно е протест. Друго е штрајк.ЈСП утре мора да не' вози.Убаво би било медиумите да се сетат и на овој аспект.А вие слоти во Совет на Град Скопје од ДПМНЕ, СДС и ДУИ, сосе шушумигана Данела, обезбедете плати за возачите кои имаат многу одговорна работа и чесно ја работат, за да не ви дојдеме пола град пред баракичкине картонски и да ве оддуваме“, додава таа.

Коментари | пред 3 години

JСП денес на протест пред владата

Вработените во ЈСП Скопје денес на пладне ќе протестираат пред владината зграда поради неисплатени плати.-Скопјани заслужуваат квалитетна и редовна услуга, но бидејќи Владата и општините не ги исполнуваат своите обврски кон ЈСП, претпријатието најавува дека од денеска,12 часот ќе отпочне со протест пред Влада се до подмирување на долговите кон ЈСП, соопшти вчера генереланиот секретар при Град Скопје, Зоран Глигоров.Градоначалничката на Град Скопје, Данела Арсовска рече дека автобусите на ЈСП ќе се постават пред сите институции и ќе блокираат сообраќај, се додека државата не го исплати долгот кој го има кон ЈСП.

Скопје | пред 3 години

Средношколците од прва година, билети за автобус ќе добијат во училиште

Ги информираме учениците од прва година средно образование кои ги исполнуваат условите за бесплатен превоз, дека билетите ќе ги добијат во матичните училишта, велат од ЈСП.Тие додаваат:Учениците од повисоките одделенија, во случај да има потреба од нова електронска картичка „Скопска“ (поради изгубена картичка и слично), нова/дупликат можат да обезбедат во било кој центар за персонализација на ЈСП Скопје.Неопходно е да достават потврда од училиште и да платат еднократен надомест од 200 ден за изработка на картичката.Средношколските билети за бесплатно користење на јавен превоз, важат за сите линии (градски и приградски) во период од 05 до 24 часот, односно, единствено не важат за користење на ноќни линии.

Скопје | пред 3 години

Возачот на ЈСП кој претепа патник е суспендиран, се гледаат снимките

Ве информираме дека ЈСП Скопје веднаш презеде мерки за расчистување на инцидентот кој се случи вчера вечерта во возило на ЈСП на линија 24 помеѓу возачот и патник, при што од видео снимките од возилото е утврдено дека возачот физички го нападнал патникот.Денеска, изготвено е решение за суспензија на возачот и покрената е процедура за преземање на соодветни законски мерки за извршениот престап на работното место.Министерството за внатрешни работи го потврди немилиот настан кој вчеравечер се случил во автобус на ЈСП каде возачот по претходно несогласување со еден од патниците, физички го нападнал и му нанел видливи повреди.– На 19.07.2022 во 21.17 часот во Полициска станица Карпош е пријавено дека лице кое управувало автобус на ЈСП број 24, по претходно недоразбирање, физички нападнало патник во автобусот. Се работи на расчистување на случајот – информираат од СВР Скопје за Плусинфо.

Скопје | пред 3 години

Воведени две дополнителни редовни автобуски линии на ЈСП - Скопје

Советот на Град Скопје денеска на 13-тата седница ја донесе Одлуката за изменување и дополнување на Одлуката за линиски превоз на патници во градот Скопје, со која се воведуваат две нови редовни автобуски линии.Првата автобуска линија, со број 29, ќе се движи од Карпош 3 (кај Сити Мол) до Жданец, а ќе се движи по ул. Жданец, ул. Трнодол, ул. Козле, бул. 8-ми Септември, бул. Партизански Одреди и Карпош 3 (Сити Мол) и обратно.Втората автобуска линија е со број 50А, која ќе сообраќа од населбата Хиподром 2 до Клиничкиот центар „Мајка Тереза“. Автобусите на новата линија ќе се движи по ул. 1646, ул. Благоја Стефковски, бул. Александар Македонски, бул. Крсте Петков Мисирков, бул. Гоце Делчев, ул. Филип Втори Македонски, ул. Димитрие Чуповски, бул. Св. Климент Охридски и бул. Мајка Тереза и обратно.Покрај двете нови линии, се врши и промена на возниот ред на линијата број 60, како и промена на возниот ред на линијата број 50 со цел усогласување со возниот ред на новата редовна линија 50А.Одлуката за изменување и дополнување на Одлуката за линиски превоз на патници во градот Скопје се носи врз основа на барања на корисниците на јавниот превоз, а истите врз основа на податоци од снимања на линиите и анализирање на податоци од системот за АВЛ и SMART TIKETING.

Скопје | пред 3 години

Арсоска: Жал ми е што ЈСП ќе штрајкува, не знам зошто има потреба од вакви активности

Независниот синдикат на ЈСП најавува штрајк, бараат подобри услови за работа. Скопската градоначалничка Данела Арсовска кажа дека штрајкот е политички мотивиран. Според неа, не треба тоа да го прават, но не најави како ќе го спречи ова.„Многу ми е жал. Тоа претпријатие е останато девастирано од претходното раководство. Тие не успеале да ги сервисираат ниту новите возила од 2019 година, а да не зборам за експонатите. Независниот синдикат не знам зошто покренува вакви активности, можеби и политички е мотивирано, бидејќи беше разговарано за скалесто зголемување во рамки на сите претпријатија. Тоа не е добро за нив како синдикат бидејќи го губат својот кредибилитет во процесот на преговарање, а го нарушуваат она што вработените го имаат“, кажа Арсовска.

Скопје | пред 3 години

За Задушница ќе се пуштат дополнителни автобуси

Ве информираме дека поради верскиот празник Задушница, во петок (10.06.2022 година) јавниот превоз ќе сообраќа по саботен возен ред.Во петок, сабота (11.06.2022 год) и недела (12.06.2022 год) на линиите 59 (Карпош3-Кучевишка бара-Гробишта Бутел), 59А (Ново Лисиче-Гробишта Бутел) и 59Б (Кисела Вода-Гробишта Бутел) ќе сообраќаат дополнителен број автобуси.Распоредот на возниот ред е достапен на веб страницата на ЈСП Скопје (www.jsp.com.mk).

Скопје | пред 3 години

Во недела повеќе линии ќе сообраќаат по изменет режим од вообичаениот

Во недела (8.05.2022 год), поради одржување на уличната трка Халк Еко „Скопје трча 10 км“, во период од 8 до 11.30 часот, линиите 2, 4, 7, 8, 11, 11а, 12, 15, 15А, 19, 21, 22, 22А, 32, 56, 56а, 59 и 60 ќе возат по изменет режим од вообичаениот.ТРАСИ НА ДВИЖЕЊЕЛиниите 2, 4, 11, 11а, 12, 21, 22, 22А, 32, 56, 56а и 60 во правец кон Ѓорче Петров, кога ќе пристигнат кај ТЦ „Сити мол” ќе вртат лево по улица „Московска“, па десно по улица „Војвода Васил Чакаларов“ и од Порта Влае, секоја ќе продолжи по својата вообичаена траса.• Во обратна насока, сите ќе сообраќаат по вообичаената траса.Линија 8 од мост „Гоце Делчев“ по булевар „ВМРО“, ќе продолжува по булевар „Партизански одреди“ се до ТЦ „Сити мол“, потоа лево по улица „Московска“, па десно по улица „Војвода Васил Чакаларов“ и кај Порта Влае ќе продолжува кон својата почетна постојка.• во обратна насока, се до Соборен хром ќе сообраќа по булевар „Партизански одреди“, па по булевар „ВМРО“, мост „Гоце Делчев“, па по својата вообичаена траса.Линиите 7, 15, 15А, 19 и 59 во правец од Карпош 3 према Центар ќе сообраќаат по улица „Карпошово востание“, улица „Бледски договор“, булевар „Партизански одреди“ од каде секоја ќе продолжи по својата вообичаена траса.Линијата 15А ќе сообраќа како линија 15.Линиите 15, 15А и 19 во Карпош, за терминал ќе го користат терминалот од линиите 7 и 59.

Скопје | пред 4 години

Објавен распоредот на автобуси за време на празниците

ЈСП информира дека поради Меѓународниот ден на трудот – 1 Мај и верскиот празник Рамазан Бајрам, во понеделник (2.05.2022 год), јавниот превоз ќе сообраќа по неделен возен ред.РАБОТНО ВРЕМЕ БИЛЕТАРНИЦИВо понеделник, од 7 до 14 часот дежурни ќе бидат билетарниците на Транспортен центар, Зелено пазарче и билетарницата во Ѓорче Петров.Утре, сабота (30.04.2022 год), сите билетарници и центри за персонализација ќе работат вообичаено, а недела (1.05.2022 год) е неработен ден за сите продажни места.РАБОТНО ВРЕМЕ ЖИЧАРНИЦАЖичарницата за време на претстојниот викенд, како и во понеделник ќе функционира вообичаено, од 10 до 18 часот.

Скопје | пред 4 години

Неделен возен ред за време на претстојните празници

По повод претстојните велигденски празници, возилата од јавниот превоз утре, петок (22.04.2022 год) ќе сообраќаат по неделен возен ред, со исклучок на автобусите на линиите 11, 11А, 18 А, 32, 47А, 51, 55, 55В, 56, 56А, 64А, 65А, 70, 74, 80А, 81, 118, 160 и 180 кои ќе возат по делничен возен ред.Во сабота (23.04.2022 год), недела (24.04.2022 год) и понеделник (25.04.2022 год) автобусите на сите линии ќе сообраќаат по неделен возен ред.РАБОТНО ВРЕМЕ БИЛЕТАРНИЦИУтре и во недела, од 7 до 14 часот дежурни ќе бидат билетарниците на Транспортен центар, Зелено пазарче и билетарницата во Ѓорче Петров.Во сабота сите билетарници и центри за персонализација ќе работат вообичаено, а понеделник е неработен ден за сите продажни места.РАБОТНО ВРЕМЕ ЖИЧАРНИЦАЖичарницата утре, во сабота и недела ќе функционира вообичаено, од 10 до 18 часот, а во понеделник нема да работи.РЕЖИМ НА СООБРАЌАЊЕ НА ЛИНИИТЕ ДО СРЕДНО ВОДНОЛиниите 25 (Транспортен центар-Средно Водно), 25А (Автомакедонија-Средно Водно) и 25Б (Дом на печат-Средно Водно) во понеделник нема да сообраќат, а во останатите празнични денови ќе возат по неделен возен ред.

Скопје | пред 4 години

(ВИДЕО) Шофер во ЈСП наместо рампа за лице со попреченост, му затвори врата и замина

Видео на кое автобус на ЈСП не ја спушта пристапната рампа за лице со посебни потреби, деновиве се прошири на социјалните мрежи.На видеото лицето ги замолува патниците да го информираат возачот на авотбусот дека треба да ја спушти пристапната рампа. Наместо тоа, возачот ги затвара вратите и продолжува кон следната постојка.„Џабе што има нови автобуси со рампи пристапни за лицата со посебни потреби, кога има несовесни шофери кои ги мрзи да станат и да отворат рампа. Лицата со посебни потреби оставени се на милост и немилост да чекаат некој следен автобус кој можеби ќе биде нов но ќе има исто несовесен шофер и нема да си ја изврши својата должност! Не е прв пат“, стои во описот на видеото.

Скопје | пред 4 години