ЛУФТХАНЗА

(Видео) Драма пред полетување: Попушти носната опрема на Боинг, повредени членови на екипажот

Неколку лица се повредени откако предната опрема за слетување на авион „Боинг 787“ неочекувано попуштила додека леталото било паркирано на гејт на аеродромот во Франкфурт, соопшти германската авиокомпанија Луфтханза.Од компанијата информираа дека во моментот на инцидентот патниците сè уште не биле качени во авионот, но во леталото се наоѓале членови на екипажот и персонал задолжен за опслужување на летот.Според Луфтханза, двајца членови на кабинскиот екипаж и уште неколку вработени од надворешни сервисни компании биле повредени и пренесени во болница за укажување медицинска помош.„Патниците сè уште не беа качени во авионот. Во тек е истрага за утврдување на точните околности под кои се случил инцидентот“, соопшти портпарол на компанијата.Од Луфтханза додаваат дека во соработка со надлежните органи се работи на целосно расчистување на случајот.

Свет | пред 5 дена

Луфтханза ја укинува директната линија Франкфурт – Скопје

Луфтханза ја укинува авиолинијата меѓу Франкфурт и Скопје, која беше активна повеќе од три години.Во резервациониот систем на компанијата веќе нема достапни летови ниту за летната, ниту за зимската сезона, што започнува на 25 октомври.Наместо директна линија, патниците ќе можат да патуваат до Скопје преку Виена со „Австриан ерлајнс“, која е дел од групацијата Луфтханза.Германската авиокомпанија ја воведе рутата во април 2023 година, кога доби и државни субвенции за нејзино отворање. Во различни периоди имаше меѓу седум и десет летови неделно, но во текот на зимската сезона бројот беше намален на три ротации.Укинувањето на линијата доаѓа во период кога групацијата Луфтханза спроведува поширока реорганизација на европската мрежа, со фокус на намалување на трошоците и задржување на поисплатливите рути.Во последните месеци компанијата се соочуваше и со повеќе предизвици, меѓу кои штрајкови на персоналот, затворање на подружницата „Ситилајн“ и приземјување на дел од флотата.Дополнителен притисок врз работењето создава и неизвесноста околу цените на горивото поради конфликтите на Блискиот Исток.Како дел од новите прилагодувања, Луфтханза ги намалила и фреквенциите кон повеќе градови во регионот, меѓу кои Белград и Љубљана, а скратени биле и стотици летови од базите во Франкфурт и Минхен.

Македонија | пред 3 седмици

Штрајк во „Луфтханза“: Откажувања и доцнења на летови од Франкфурт и Минхен

Вработените во германската авиокомпанија „Луфтханза“, на повик на синдикатот УФО, ќе стапат во штрајк на 10 април, кој ќе трае од 00:01 до 22:00 часот, при што ќе бидат погодени сите полетувања од аеродромите во Франкфурт и Минхен.Се очекуваат бројни откажувања и доцнења на летовите, а дополнително на штрајк ќе излезе и кабинетскиот персонал на регионалната подружница „Ситилајн“ на девет германски аеродроми, меѓу кои се Хамбург, Бремен, Штутгарт, Келн, Дизелдорф, Берлин и Хановер.Синдикатите наведуваат дека до штрајкот доаѓа по неуспешните преговори со раководството, при што големо мнозинство од вработените се изјасниле во корист на ваквиот чекор. Околу 19.000 членови на кабинскиот персонал бараат подобрување на работните услови, додека дел од вработените во „Ситилајн“, која е најавена за затворање во 2027 година, инсистираат на социјален план.Меѓу клучните барања се подобро планирање на работното време, подолги отказни рокови и нови колективни договори. Од синдикатот оценуваат дека штрајкот можел да се избегне доколку компанијата понудела конструктивно решение во текот на преговорите.Од „Луфтханза“ истакнуваат дека штрајкот ќе има значително влијание врз патниците, особено во периодот на враќање по велигденските празници. Компанијата додава дека останува подготвена за продолжување на дијалогот и пронаоѓање одржливо решение, нагласувајќи дека штрајковите треба да бидат крајна мерка.

Свет | пред 2 месеци

Обилни снежни врнежи го блокираа аеродромот во Минхен – патници на Луфтханза ја поминаа ноќта во авион

Патниците на летот LH2446 на компанијата Луфтханза од Минхен до Копенхаген ја поминаа ноќта во авионот откако летот беше откажан поради обилни снежни врнежи и затворање на аеродромот.Летот беше закажан за петок во 21:30 часот, но по повеќе одложувања целосно беше откажан додека патниците веќе беа качени во авионот Ербас A320neo, кој се наоѓаше на оддалечена позиција на пистата, пренесува германскиот портал T-online.Според пишувањата на медиумите, екипажот ги информираше патниците на секои 30 минути за обидите да се организираат автобуси кои би ги вратиле до терминалот.Околу два часот по полноќ, патниците беа информирани дека аеродромот е затворен и дека нема повеќе возачи на автобуси, па мораа да останат во авионот до утринските часови. Ситуацијата беше дополнително отежната поради конфигурацијата на кабината наменета за кратки летови, со тесни седишта и без ќебиња и перници, додека залихите на храна и пијалоци беа ограничени.Аеродромот во Минхен, едно од главните јазли на Луфтханза, има строга забрана за ноќни летови од полноќ, што дополнително го комплицираше решавањето на ситуацијата. Патниците беа пренесени до терминалот дури во раните утрински часови и пренасочени на други летови за Копенхаген. Првиот утрински лет во 6:40 часот исто така каснеше околу еден час.Од Луфтханза соопштија дека причината за нарушувањето биле обилните снежни врнежи кои довеле до привремено затворање на пистите и дека компанијата жали за непријатностите кои ги претрпеле патниците.

Свет | пред 3 месеци

Луфтханза ќе укине 4.000 работни места до 2030, причината е дигитализација и автоматизација

Групацијата „Луфтханза“ соопшти дека до 2030 година, преку дигитализација и автоматизација на процесите, ќе укине 4.000 работни места, со очекување деловните резултати да се подобрат до крајот на деценијата. Во моментов групацијата вработува околу 103 илјади луѓе.Раководството наведе дека годинава, според новите проекции, очекува прилагодена добивка пред камати и даноци (EBIT) значително повисока од ланските 1,6 милијарди евра. Истовремено беа зголемени и среднорочните финансиски цели за периодот 2028–2030: сега се очекува прилагоден EBIT изразен како удел во вкупните приходи од 8 до 10 отсто, наместо претходно планираните 8 отсто.За зголемување на профитабилноста, компанијата најавува поконсолидирано управување со сите авиопревозници во составот на групацијата под посилна централна дирекција. Покрај носечкиот бренд „Луфтханза“, во групата се и SWISS, Austrian Airlines и Brussels Airlines, а има и малцински удел во италијанската ITA Airways.Плановите предвидуваат и зајакнување на нискобуџетниот превозник Eurowings, како и на одделите за логистика и техничко одржување на авиони. „Lufthansa Technik“ ќе го забрза развојот на новиот оддел „Defense“ со цел да ја зацврсти позицијата во растечкиот одбранбен сегмент. Овој оддел, во соработка со германската армија – Бундесверот, и НАТО, „обезбедува максимална оперативна подготвеност“ и нуди решенија за развој, интеграција, измени и сертификација на комплексни авијациски системи, стои во соопштението на компанијата.Целта на мерките е позиционирање на групацијата за иднината и обезбедување одржлив принос за акционерите, порача раководството.

Свет | пред 8 месеци

Нема фотографија

Аеродромот во Брисел парализиран: Откажани повеќе од 30 летови

Повеќе од 30 летови на германската авиокомпанија Луфтханза до и од аеродромот Завентем во Брисел меѓу средата навечер и саботата наутро беа откажани поради штрајк на персоналот на Луфтханза.Откажани се летовите меѓу бриселскиот аеродром и германските градови Франкфурт и Минхен, пишува „Brussels Times“.„Има шест лета до и од Минхен и 11 лета до и од Франкфурт. Ќе бидат откажани вкупно 34 летови. Не очекуваме да следат дополнителни откажувања“, изјавија за новинската агенција Белга на аеродромот во Брисел.Протестот најверојатно нема да има последици за филијалата на Луфтханза, Брисел ерлајнс, бидејќи летовите на компанијата до и од Франкфурт и Минхен ќе продолжат според планираното.На иницијатива на синдикатот Верди, персоналот на Луфтханза денеска во 20 часот ќе започне 60-часовен штрајк.Луфтханза претходно соопшти дека протестот ќе ги наруши плановите за патување за повеќе од 200.000 патници, на кои ќе им бидат понудени алтернативи или рефундирање.

Свет | пред 2 години