маричиќ

Маричиќ негира дека тој продал државна парцела на Анѓушев, но не негира дека ја продала Владата на седница која тој ја водел

Поранешниот вицепремиер за евроспки прашања, Бојан Маричиќ негира дека продал археолошко наоѓалиште на Анѓушев за фотоволтаици. Но не негира дека парцела била продадена со одлука на Влада, на седница со која тој раководел.„Целосна невистина е пропагандата на Левица дека наводно јас “сум продал археолошко наоѓалиште на Анѓушев за фотоволтаици”.Еве ги фактите:Јас, ниту како министер за правда, ниту како вицепремиер за европски интеграции никогаш не сум имал надлежности за оттуѓување државно земјиште.Се злоупотребува тоа што јас сум претседавал со одредена седница на Влада, по налог на премиерот, на која седница оваа точка била на дневен ред.Одлуките од овој карактер задолжително се носат со мнозинство гласови, како колективни одлуки на владата, но исклучиво после добиено позитивно мислење од сита надлежни институции.Во овој случај, како што веќе известија медиумите, претходно позитивно мислење дале сите релевантни институции, а особено важно е што Националниот конзерваторски центар и Управата за заштита на културното наследство дале мислења дека нема културно наследство што е загрозено со отуѓување на оваа парцела.Во вакви случаеви, оној кој претседава со седница на Влада има обврска да ја стави точката на дневен ред и да побара мислење од Владата.Заклучок: Левица тера лажна пропаганда, Владата донела одлука врз основа на претходни позитивни мислења од сите засегнати институции, а јас како вицепремиер само сум ја водел таа седница на Влада, по налог на премиерот кој бил оправдано отсутен“.

Македонија | пред 1 година

(Видео) Маричиќ стана вирален со реакцијата, а јавно призна дека СДСМ остава напластени проблеми за решавање

Поранешниот вицепремиер за европски прашања, Бојан Маричиќ јавно призна дека СДСМ и остава на ВМРО-ДПМНЕ напластени проблеми. Откако вчера, СДСМ призна апсолутен пораз, реакцијата на Маричиќ за време на прес-конференцијата на партискиот претседател Димитар Ковачевски стана вирална.„Македонските гласачи синоќа избраа претседателка на државата и 120 пратеници во законодавниот дом. Им честитам на победниците за успехот, а на граѓаните и на институциите за демократските и мирните избори. Новата власт има доволно гласови и поддршка од граѓаните за да ги решава сите напластени проблеми, но и да ги продолжи европските реформи и да не застрани од патеката на европската интеграција и регионалната соработка, нешто што во повеќе наврати беше јавно промовирано и ветувано од нивна страна. Ние, како социјалдемократи, како прогресивни и принципиелни политичари, оставаме во наследство подобра држава од онаа која ја затекнавме, но не доволно добра за очекувањата на граѓаните. Ние како опозиција ќе бидеме постојано тука за потребите на развојот, да иницираме но и поддржиме тоа што им треба на граѓаните, да поддржиме европски реформи, да споделиме искуства, но и да критикуваме и да се бориме за демократија, слобода и социјална правда доколку новата власт се дрзне да се репризира себеси како во годините пред 2017. Покрај тоа, јас лично, со цел свој капацитет, со цела своја енергија, посветеност и знаење, ќе се вложам во заздравувањето и реформите на СДСМ како партија која искрено ја сакам и со гордост и припаѓам, бидејќи во овој момент каузите за кои целиот свој живот сум се борел се загрозени и со ослабена подлога и база“, напиша Маричиќ.Посочи и:„Нема компромис по однос на мојот порив да продолжам да застапувам европски реформи за членство на Северна Македонија во ЕУ, користење на европските можности, солидарност, соработка и почитување на различностите. Ќе дејствувам со ум, со разум, со љубов и со посветеност, за подобра европска Македонија, за СДСМ кој води, а не заостанува. Им благодарам за соработката на сите колеги од Владата, од партијата, од граѓанското општество и од бизнис секторот со кои имав можност да соработувам во изминативе седум години“.

Македонија | пред 1 година

Маричиќ до тетка Верица: Како ќе растат внуците, така ќе растат пензиите

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.Во разговорот со Верица Јанева, пензионерка од Карпош, Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.Тој нагласи дека пензионерите тоа заслужуваат.„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.

Македонија | пред 1 година

Нема фотографија

Владина делегација положи цвеќе и оддаде почит пред спомениците на депортираните македонски Евреи и на паднатите борци во НОБ

Првиот заменик претседател на Владата задолжен за европски прашања Бојан Маричиќ денес ја предводеше владината делегација по повод одбележувањето на депортирањето на Евреите од Македонија.На денешен ден се одбележуваат осумдесет и една година од грозоморните дела на окупаторите кои собрале преку 7200 луѓе, мажи, жени и деца евреи од цела Македонија по што следела депортација во логорот на смртта во Треблинка.Околу 7.200 луѓе биле биле собрани и испратени во логорот Треблинка, каде што биле веднаш убиени во гасните комори во логорот.Сеќавањето на овие ужасни, нехумани и брутални убиства служи како симбол на издржливоста на човечкиот дух наспроти неволјата. Тоа е доказ за трајната борба за надеж, слобода и помирување.Со оддавањето почит ја потврдуваме нашата посветеност на борбата против омразата, фанатизмот и угнетувањето во сите нејзини форми. Високата морална одговорност е солидарност со оние кои страдале и кои продолжуваат да страдаат поради прогон и дискриминација.Во чествувањето на овој ден, во спомен на жртвите со надеж дека такви злосторства никогаш повеќе нема да се случат. Да се стремиме кон иднина изградена на толеранција, разбирање и почит кон целото човештво.Денешниот настан е дел од тридневната Комеморативна програма 1943-2024, во организација на Еврејската заедница во државава и на Фондот на Холокаустот на Евреите од Македонија, што се реализира под слоганот „Сеќавање- 11 Март, Холокаустот на македонските Евреи“. На комеморацијата на депортираните Евреи од Македонија и паднатите борци во НОБ, учествуваа и претставници од собранието на Република Северна Македонија како и претставници од Еврејската заедница.

Македонија | пред 1 година

Османи ќе си користи приватно возило, но не и Маричиќ: можеби е законски, но дали е во ред од морален аспект

Бујар Османи ќе почне да оди по митинзи со приватно возило, а најави и дека ќе внимава максимално во кампањата за да не користи државни ресурси. Ова доаѓа откако тој држеше прес-конференција на која отиде среде работно време со службено возило. Ставот го искажа во „Топ тема“, каде меѓудругото посочи дека ќе успее да извршува четири функции истовремено - портпаролската, партиската, кандидатската, министерската.Истовремено, молк од вицепремиерот Бојан Маричиќ кој со службено возило, си вршеше приватни потреби. Иако според дел од познавачите на правилниците во МВР, Маричиќ има право 24/7 да користи службено возило и обезбедување, во прашање се доведува моралниот аспект. За разлика од Османи, кој исто така има право на службено возило, но прави чекор назад за да не излезе дека злоупотребува државни ресурси, Маричиќ досега нема таква намера. Претходно, беше објавено дека нема месец во кој Бојан Маричиќ како министер за правда не бил во ресторан на државна сметка. Од бифтеци и печења до свежи риби и јунешки мускули се плаќале со неговиот министерски потпис. На сметките исто така има и жолти ракии и висококвалитетни вина. Плаќал со службената картичка, но и на фактури што угостителските објекти ги доставувале до Министерството за правда.

Македонија | пред 1 година

Лефков: Маричиќ нека каже еден пример на функционер од ЕУ кој што злоупотребува службени средства како што прави тој

Вчера новинарите го фатија Бојан Маричиќ како користи државно, службено возило за партиски настан. Службените возила коишто имаат и свој возач се сопственост на државата, на народот и се платени од народни пари и не смеат да бидат користени на начин на којшто ги користи, и тоа замислете вицепремиер за евроинтеграции, вака пратеникот на ВМРО-ДПМНЕ, Миле Лефков за време на денешната прес конференција одговори на новинарско прашање во врска со вчерашниот случај со вицепремиерот Бојан Маричиќ кој со службено возило беше да се потпише за кандидатот на неговата партија за претседател.„Нека каже еден пример каде функционери од Европската Унија вака злоупотребуваат службени средства. Очигледно е дека не се прави разлика буџет, сопствен џеб. Не се прави разлика меѓу сопствени и државни возила и помеѓу партијата и државата“, потенцираше Лефков.Тој исто така упати апел и до ДКСК да реагира за оваа злоупотреба и го повика Маричиќ да одговори уште за колку партиски активности во текот на вчерашниот ден го злоупотреби службеното возило.„Ја повикуваме Државната комисија за спречување на корупција веднаш да реагира за тоа што Маричиќ беше однесен во подрачната единица на ДИК за да го даде својот потпис на Пендаровски, што е чиста партиска активност, а Маричиќ може да одговори дали со тоа службено возило беше и на партискиот настан во Кавадарци и уште на колку партиски настани во неработниот ден, односно вчера е злоупотребено службеното возило“, истакна Лефков.

Македонија | пред 1 година

Бугарски фудбалски клуб во Македонија со име Вардар не е реално, вели Маричиќ

Вицепремиерот за евроинтеграции Бојан Маричиќ во попладневното интервју за Канал 5 вели дека не е реално да се формира бугарски фудбалски клуб кој би настапувал во македонската лига со име Вардар - бугарски, додека за најавите за отворање бугарски телевизии во Македонија смета дека тоа е законски дозволиво.- Ние слушавме и дека јазикот треба поинаку да го викаме „Македонски 2“, отворање на телевизија се регулира со Закон за медиуми кој важи за сите јазици без разлика дали се бугарски или не. Тоа е уште едно страшило, а фудбалските клубови се брендови сами по себе. Брендот Вардар е бренд и не може да му се земе името. Не е коректно да се измислуваат страшила. Вардар е институција. Да не веруваме во лагите дека некој може нешто да ни одземе или наметне, рече Маричиќ.Фондација на контроверзниот Виктор Стојанов најави дека ќе регистрираат бугарски фудбалски клуб наречен ФК Вардар - бугарски, како македонскиот клуб. Тие се пофалија со логото на клубот кое е исто како на Вардар, но со бугарско знаме. Според нивните пишувања, тие веќе почнале да собираат пари за да дојдат до сопствеништво на некој актуелен тим од Македонија, но засега немаат решено дали тоа ќе биде екипа од Третата или од Четвртата лига.„Фондацијата Македонија ќе има свој фудбалски клуб во Северна Македонија, кој ќе биде првиот бугарски фудбалски клуб во земјата од 1944 година. Секој од вас може да се вклучи со учество во капитал или со донација“, беше објавено во прогласот.

Македонија | пред 2 години

Најчевска до Маричиќ: Не бре дете, не е добро што доаѓа европска мисија да врши мониторинг врз судскиот совет

Професорката Мирјана Најчевска со пост на својот Фејсбук профил се осврна на изјавата на министерот за европски прашања, Бојан Маричиќ, дека е добро што доаѓа европската мисија која ќе врши мониторинг врз работата на оваа Судскиот совет оти имиџот на оваа институција е слика за целото правосудство.На ова Најчевска му укажа дека напротив, не само што не е добро, туку и лошо зборува за нас, и нашето судство.- Не бре дете, не е добро што доаѓа европската мисија да врши мониторинг врз судскиот совет.Тоа значи дека сме недоветни, неспособни, шутрачиња кои некој треба да ги мава по уши за да не си ги јадат мрсулите - напиша Најчевска на Фејсбук.

Коментари | пред 2 години

Мизрахи до Маричиќ: Притисок врз пратеник е кривично дело и тоа треба да го знае како член на Владата

Во гостување во емисијата „Заспиј ако можеш“ на телевизија Алфа гостуваше пратеничката и член на ИК на ВМРО-ДПМНЕ Рашела Мизрахи. Таа посочи дека притисокот врз пратеник во однос на уставните измени е кривично дело.„Маричиќ се заборава дека припаѓа на законодавната власт додека пратениците припаѓаат на извршната власт што значи дека пратениците можат да го свикаат него да одговори на одредени прашања, а не тој нив. Инаку притисок врз пратеник е кривично дело и тоа треба да го знае како член на Владата“, рече Мизрахи.Мизрахи е децидна дека ставот на пратеничката група е повеќе од јасен со месеци и нема што да се разговара сето што требало да биде кажано е кажано и нема услови за уставни измени.„Иако владиното мнозинство константно заборува и е со полна уста за европски вредности и европска иднина тие забораваат дека основачкиот договор на Европската Унија се темели на 2 принципи тоа е право на држава, владеење на правото и економски развиени држави“, вели Мизрахи.Таа посочи дека во овој случај живееме во држава која не е ни најмалку правна држава, бидејќи ние имаме клептократска Влада„Доколку немаше криминал и корупција ќе видевме нешто од oгромниве буџети во јавност. Ние гледаме дека само се празни буџетот, а нема ништо“, рече Мизрахи.Мизрахи заклучи дека Буџетот на Република Македонија завршува во нечиј џебови што значи дека данокот на граѓаните не се враќа назад кај граѓаните бидејќи граѓаните само преживуваат коруптивен систем.

Македонија | пред 2 години

(ВИДЕО) Маричиќ: Секаде каде има омаловажување на нашиот народ обвинителство да си ја сработи работата, Пендиков не треба да биде исклучок

Вицепремиерот за европски прашања Бојан Маричиќ вели дека охриѓанецот Христијан Пендиков може кривично да одговара за тврдењата за малтретирање на Бугари во земјава. Пендиков во интервју дадено за бугарска телевизија обвини дека во Македонија убиваат, тепаат, стрелаат Бугари и дека полицијата на презема мерки.Маричиќ смета дека Пендиков не го нападнале во Охрид затоа што се чувствува како Бугарин.„Такво тврдење треба да се докаже. Тоа не е точно, според мене, дека е напаѓан затоа што е Бугарин. Ние одговоривме, секако дека не оправдуваме насилство кон никого", изјави Маричиќ за во интервју за Макфакс.Тој кажа дека момчето ќе сноси одговорност за навредите кон државата.„Би го повикал Обвинителството, исто како што сме го повикале и во најновите случаи сега, секаде каде што има говор на омраза, омаловажување на нашиот народ и на достоинството, да си ја сработи својата работа. Пендиков не треба да биде исклучок", рече Маричиќ. ?t=3128

Македонија | пред 2 години

(ВИДЕО) Маричиќ ги направи евроамбасадорите ненајадени

Бојан Маричиќ, вицепремиер за европски прашања, во интервјуто за „Макфакс“ зборуваше и за гоштавањата на државна сметка. Трошењата ги правдаше со ручеци со странци, а на укажувањето дека Европејците ги претставува како ненајадени, тој имаше свое објаснување.„Дури со амбасадорите сега инсистирам да бидат скратени средби и ретко се случуваат тие ручеци – кога се најнеопходни. Некои од тие ручеци во последно време сум ги платил и од сопствен џеб“, посочи Маричиќ.„Не велам дека е нормално да се јаде на државна сметка. Но, ако во една година сте имале посета на претседател на Европскиот суд за човекови права, и тоа прва по 20 години, три дена, и сте биле домаќин – дел од програмата е да ги однесете гостите од странство на ручек. Друг пример, имало министри за правда што доаѓале – сме ги однеле на вечера на разни места“, вели Маричиќ.При анализата на извештаите не секогаш се гледаше гоштавање на државна сметка со странска делегација, на што Маричиќ даде свое видување.„При гостувањето на двајца министри за европски прашања, на Ирска и Данска или Естонија, сме испиле неколку кафиња, а тие нешто јаделе“, рече Маричиќ.Маричиќ даде одговор и на прашањето која е разликата помеѓу актуелната Влада и владата на ВМРО-ДПМНЕ, која исто така трошеше од државната сметка за јадење и пиење.„Најслатка е храната што ја готвам во домашни услови со блиските. Никогаш не ми била слатка храна на туѓа сметка, а особено не на државна. На тоа сум гледал како на дел од работата“, одговара Маричиќ на прашањето дали е послатка храната купена од државна сметка.Сите детали за јадењето и пиењето на државна сметка во интервјуто на Маричиќ за „Макфакс“.

Македонија | пред 2 години

(ВИДЕО) Маричиќ за „Макфакс“: Бифтек во Влада немам јадено

Во интервју за Макфакс, поранешниот министер за правда, Бојан Маричиќ вели дека бифтек во Влада нема јадено.„За фамозните бифтеци, правдата која само што не дошла, обвинителите, изборот на новите судии и обвинители од редот на снаите и децата, евроинтеграциите –одговара вицепремиерот Бојан Маричиќ во интервју за „Макфакс“.Тој одговара и како ги „примамуваат“ пратениците за да соберат мнозинство за уставни промени, кој најавил поддршка, а кого убедуваат. Маричиќ зборува и како државата може да му одговори на Пендиков за обвинувањата, додека за европратеникот Џамбаски посочи дека е провокатор. Тој одговара и за внатрепартиските поделби, како и наводниот дуел Заев-Ковачевски“, стои во описот на видеото.

Македонија | пред 2 години

„Со додавањето на Бугарите во Уставот се прави јасна дистинкција помеѓу македонскиот и бугарскиот народ“, вели Маричиќ

Заменик претседателот на Владата задолжен за европски прашања Бојан Маричиќ во интервјуто за „Радио спектар“ рече дека на уставните измени треба да се гледа како заштита и зајакнување на македонскиот идентитет наспроти Бугарија.„Со ставањето, додавањето на Бугарите како етничка заедница во Уставот се прави јасна дистинкција помеѓу македонскиот народ, Македонците, мнозински народ во Северна Македонија и Бугарите како етничка заедница во државата и како малцинство, според конвенциите“, изјави Маричиќ.Тој потенцираше дека граѓаните имаат право слободно да се изјаснат како се чувствуваат и како што имаме седум други заедници во нашиот Устав, зошто да не се даде шанса и за Бугарите да, за ние на тој начин како што вели Маричиќ да бидеме заштитени дека никој не може да каже дека ние сме Бугари.Маричиќ смета дека треба да се навлезе во суштината на уставните измени и дека е време и со ВМРО ДПМНЕ да се разговара и низ содржинска расправа да кажат зошто е проблем да бидат вметнати Бугарите во Уставот.„Како тоа нам на Македонците ни е проблем и како тоа може да не загрози? Бидејќи содржински треба да го промениме Уставот во Преамбулата и во додавањето на Бугарите во оној Комитет за односи меѓу заедниците во Собранието, каде што ги има сите заедници. Тие се двете места во Уставот каде што се спомнуваат заедниците со име“, објасни вицепремиерот Маричиќ за слушателите на Радио Скопје.Маричиќ верува дека доколку се започне таква дискусија, ќе се дојде до разумни аргументи дека е навистина трагично да се блокира сопствената држава на патот кон Европската Унија заради прашањето на уставни измени, посочувајќи дека во текот на преговорите со ЕУ ќе се отвораат уште потешки прашања врзани со усогласувањето со Европската унија, како на пример со либерализација на пазарот во различни области, пристапот кон земјоделско земјиште, кои можеби сега изгледаат банални прашања, меѓутоа ќе бидат прашања коишто ќе засегаат голем број на луѓе и во приватниот сектор и од јавниот сектор во текот на преговорите.Во интервјуто Маричиќ зборуваше и за неодамнешната ратификација на Договорот од ФРОНТЕКС и какво е неговото значење за евроинтеграциите посочувајќи дека тоа било едно од нашите клучни барања при утврдување на Францускиот предлог, како гаранција дека Бугарија навистина нема проблем со македонскиот јазик и не се буни со неговото користењето во рамките на Европската Унија.„Баравме ФРОНТЕКС да биде практичен доказ дека Бугарија нема да го попречува користењето на македонскиот јазик во употреба во Европската Унија или во нашите односи со Европската Унија, а и понатаму кога ќе сме членки. Немаше поинаков начин како да докажеме дека унилатералната нота на Бугарија не ја обврзува Европската Унија, освен со ваков конкретен чекор како што беше ФРОНТЕКС“, рече Маричиќ.Тој додаде дека Договорот од ФРОНТЕКС е екстремно важен и во својата суштина, во својата содржина, не само како чин на прифаќање на Бугарија дека македонскиот јазик може да биде користен во оптек во нашите односи со ЕУ и во рамките на ЕУ, туку и за заштита на нашата нашите граници кон ЕУ, но и за заштита на границите и безбедноста на Европската Унија, но и го отвора патот за продолжување на интеграцијата во делот на Шенген зоната.На прашањето за евроинтегративниот пат на земјата и скрининг процесот Маричиќ рече дека како држава којашто преговара за членство имаме посебен статус и имаме посебни можности за соработка со Европската Унија, коишто не сме ги имале пред 19 Јули 2022 година.„Имаме можност да влеземе во некои системи на Европската унија и пред да станеме членка, имаме можност во некои области да побараме и одлагање. Сега сме во последната фаза од пристапните преговори, којашто знаеме дека ќе трае повеќе години, бидејќи траела за сите држави што пристапувале откако се воспоставени критериумите од Копенхаген“, истакна Маричиќ дообјаснувајќи дека преговорите се во фаза во којашто веќе ги договараме условите под кои нашата земја, државата, ќе пристапи до Европската Унија.

Македонија | пред 2 години

(ФОТО) Урнебесно: Студентите го реметат Маричиќ за бифтецитe

Пред Собранието на Република Македонија се одржа протест на студентите, кои на крајот решија да им го остават студентскиот оброк на пратениците и така да им испратат јасна порака.Студентите се борат за подигнување на студентскиот стандард во Македонија.„Без паника, не јадеме колку Маричиќ“, беше една од пораките на денешниот студентски протест пред Собранието. https://twitter.com/natwnajubaviot/status/1592207743636512768?s=20&t=tJuL6dBJu2p5byDku6ngsAhttps://twitter.com/DoneskiGoran/status/1592221320632102912?s=20&t=HNkMIcsUg149HPZnI97weQhttps://twitter.com/porecanecot/status/1592204745175085056?s=20&t=HNkMIcsUg149HPZnI97weQ

Коментари | пред 3 години

Намалени оброци за студентите, ги тренираат ли за да не јадат воопшто?, јавноста вика: Само Маричиќ не го оставајте гладен

Не стивнуваат реакциите од синдикатите и јавноста по објавувањето на владиниот документот за штедење во јавниот сектор. Освен намалување на платите на административците и јавните службеници, во документот јасно стои дека Владата има намера да го зголеми бројот на паралелки кои наставата ќе ја следат во една просторија, можни се намалувања на висината на стипендиите кои ги добиваат студентите, а ќе се прави и измена во обемот на храната која ја добиваат студентите од студентските мензи.Ова се реакциите на социјалните мрежиhttps://twitter.com/yakiboyyyyz/status/1580941106061025280?s=20&t=tXN-mDKrooHbLjvhOeryzAhttps://twitter.com/Mrchatina/status/1580926852927205376?s=20&t=tXN-mDKrooHbLjvhOeryzAhttps://twitter.com/natwnajubaviot/status/1580926392174530560?s=20&t=tXN-mDKrooHbLjvhOeryzAhttps://twitter.com/natwnajubaviot/status/1580907621678477320?s=20&t=tXN-mDKrooHbLjvhOeryzAhttps://twitter.com/Minskonhet_/status/1580918989437689856?s=20&t=tXN-mDKrooHbLjvhOeryzAhttps://twitter.com/toilet_paper10/status/1580952797700235265?s=20&t=-i1jTQAATr9FW_d5zLbooghttps://twitter.com/svirce3/status/1580918566979010561?s=20&t=-i1jTQAATr9FW_d5zLbooghttps://twitter.com/Minskonhet_/status/1580836131733590016?s=20&t=-i1jTQAATr9FW_d5zLbooghttps://twitter.com/toopersonal_1/status/1581027915382214656?s=20&t=iLExmaSbzk58GWMR8gUyhg 

Коментари | пред 3 години