МЕРКО

Не може да се продаде службеното „ауди“ кое го купи Мерко за Струга

Не може да се реализира продажбата на службениот автомобил „ауди А6“ на Општина Струга, кој требаше да биде ставен на аукција на 16 овој месец, поради извршна постапка поврзана со стар долг на општината.Од Општина Струга информираат дека постапката е попречена поради долг наследен од 2016 година во вредност од околу 1,4 милиони денари. Поради камати и пресметки што се вршат од 2018 година, долгот во моментов изнесува околу три милиони денари.Средствата од продажбата на возилото требаше да бидат наменети за набавка на комбе што ќе го користат спортските клубови и центарот за деца со посебни потреби.Од општината посочуваат дека градоначалникот Менди Ќура е во комуникација со засегнатите страни за да се надмине проблемот и процесот да се заврши во интерес на граѓаните.Службеното „ауди А6“ беше купено за 67.000 евра во периодот кога градоначалник на Струга беше Рамиз Мерко. Набавката предизвика јавна дебата бидејќи возилото беше купено во време кога општината имала блокирана сметка. Против Мерко беше водена судска постапка, но Основниот суд во Струга утврди дека нема вина за набавката на возилото.

Македонија | пред 1 седмица

На аукција ќе се продава „Аудито на Мерко“, почетна цена 21.800 евра

Општина Струга информира дека на 16 овој месец ќе се одржи аукција за продажба на автомобилот Ауди А6 со почетна цена од 1.344.636 денари или околу 21.800 евра.Аукцијата, како што соопшти општинската прес-служба, ќе почне во 10 часот на интернет страницата e-stvari.mk.Конечно, многу коментираниот автомобил на поранешниот градоначалник на Општина Струга ќе им се врати на граѓаните на Струга.Преку продажбата на ова возило, кое стана вирално во медиумите во земјата и пошироко како автомобилот „со волан од змиска кожа“ или како „убавата кола“, овој подвижен имот ќе се претвори во финансиска ликвидност во буџетот на Општина Струга.Со средствата од продажбата на автомобилот ќе се набави комбе кое ќе служи за потребите на општинската администрација и спортските клубови во градот.Општина Струга ги информира сите граѓани на Струга и пошироко дека на 16.03.2026 година, со почеток во 10:00 часот, на интернет страницата e-stvari.mk, ќе се одржи аукција за продажба на возилото, автомобил тип Audi, модел A6.Огласот бр. 1/2026 за продажба на подвижни предмети – патничко моторно возило, преку електронска аукција (прва објава), веќе е објавен и во Службен весник.Почетната вредност за наддавање на аукцијата за ова возило, според проценката на овластен експерт, изнесува 1.344.636,00 денари, односно околу 21.800 евра.Градоначалникот на Општина Струга, г. Менди Ќура, од првиот ден од преземањето на функцијата, ниту еднаш не ги користел автомобилите од возниот парк на Општина Струга, со цел максимална рационализација на високите трошоци создадени низ годините.Воедно, ја користиме оваа прилика уште еднаш да ги демантираме невистинитите информации објавени претходно во јавноста, кои тврдеа дека почетната проценка на возилото е под пазарната цена.Ги покануваме сите заинтересирани страни да учествуваат на соодветната аукција.На аукцијата ќе бидат објавени сите информации за возилото, како и потребните упатства за аплицирање.Во продолжение ќе бидат објавени и деталните спецификации на возилото, како и соодветната документација, велат од Општина Струга.

Македонија | пред 2 седмици

Се продава службеното „ауди“ на Мерко

Општина Струга ќе формира комисија која ќе ја утврди почетната цена за продажба на службениот автомобил „Ауди А6“, по што возилото ќе биде понудено на јавна, отворена и транспарентна аукција, соопшти денеска општинската прес-служба.Одлуката за продажба на службеното возило беше првата што градоначалникот Менди Ќура ја потпиша веднаш по превземањето на мандатот. Одобрување за реализација доби и од Советот на Општина Струга.- Општина Струга не планира набавка на службено возило за градоначалникот. Како што е јавно соопштено, во текот на целиот мандат градоначалникот ќе користи сопствено приватно возило, а сите трошоци поврзани со неговото користење ќе ги покрива лично. Наместо луксузно возило, Општина Струга ќе набави функционално комбе, во служба на општинската администрација, спортските клубови и градските активности, стои во информацијата.Минимизирањето на трошоците на градоначалникот и на администрацијата на Општина Струга, според соопштението, е јасен приоритет на градоначалникот Ќура.Против поранешниот градоначалник на Општина Струга се водеше судски процес за набавката на луксузниот автомобил „Ауди“ во вредност од 67.000 евра, а Судот во Струга донесе ослободителна пресуда.

Македонија | пред 1 месец

Обвинителството бара Мерко да се прогласи за виновен, бранителите тврдат-законски поставувал директори

Денеска во Основниот суд во Струга се одржаа завршните зборови за судскиот процес против градоначалникот на Струга Рамиз Мерко, кој е обвинет за незаконско поставување директори на училиштата во Лабуништа, Радолишта и Подгорци.Судијата Јордан Јованов, кој води неколку случаи против Мерко, пресудата ќе ја соопшти утре во 12:30.Јавните обвинители Ванеса Бизати Билали и Џемал Љога во своите завршни зборови нагласија дека обвинетиот во својство на градоначалник постапил спротивно на прописите и позитивните законски овластувања во неколку случаи, со тоа што назначил лица кои не ги исполнувале условите за функцијата вршител на должноста директор.Тврдат дека Мерко назначил привремени директори без одлука од училишните одбори, без објавен конкурс и постапил небрежно во користењето на своите дискрециони овластувања како градоначалник, со што го нарушил и процесот на функционирање на образовните институции.Адвокатот на Мерко, Игор Петковски, посочи дека обвинителството не успеало да ја докаже вината на обвинетиот во овој процес.Според него доказите изнесени на главната расправа јасно не ја докажуваат намерата на обвинетиот да добие корист за некој друг или да предизвика штета, туку напротив да овозможи непречено функционирање на училиштата.

Македонија | пред 9 месеци

Луксузното „Ауди“ не беше доволно – Мерко ослободен од вина

Градоначалникот на Струга, Рамиз Мерко, доби ослободителна пресуда во постапката за набавката на луксузниот автомобил „Ауди“ во вредност од 67.000 евра, откако Судот оцени дека нема доволно докази за сторено кривично дело.Судската одлука утврди дека во текот на јавната набавка не постојат докази кои укажуваат дека Мерко имал намера да ја злоупотреби својата функција. Неговиот бранител, Игор Петковски, истакна дека со пресудата се потврдува оти при купувањето на службените возила, чија вкупна вредност изнесува 114.000 евра, не било прекршено ниту едно законско правило.Обвинителството за гонење на организиран криминал и корупција го обвини Мерко за злоупотреба на службена положба. Случајот привлече внимание и поради тоа што Мерко се најде на американската црна листа поради сериозни сомнежи за коруптивни дејствија и влијание врз правосудниот систем.Сепак, Судот оцени дека нема доволно правна основа за негово гонење во конкретниот случај, поради што Мерко беше ослободен од обвинението.Истрагата против градоначалникот на Струга, Рамиз Мерко, започна по иницијатива на Државната комисија за спречување на корупцијата и беше процесуирана од страна на Обвинителството за гонење на организиран криминал и корупција. Предмет на постапката беше јавната набавка на луксузен службен автомобил „Ауди А6“, во вредност од 66.700 евра, кој го користел самиот градоначалник, како и уште три други возила, со вкупна вредност од 114.000 евра.Обвинението беше поднесено по член 353 став 4 од Кривичниот законик, односно за злоупотреба на службената положба и овластување, дело за кое е предвидена затворска казна од една до пет години.Антикорупциската комисија укажа дека купувањето на скапи возила било спроведено во време кога Општина Струга се соочувала со тешка финансиска состојба и долг од околу четири милиони евра, што според нив, претставувало неодговорно и штетно управување со јавните средства.Во своја одбрана, Мерко тврдеше дека автомобилот не е луксузен и дека набавката била неопходна поради дотраената состојба на постојниот возен парк. Тој дури изјави дека и обични граѓани возат автомобили вредни 100.000 евра, со што се обиде да ја релативизира вредноста на службеното возило.Обвинителството поднесе обвинение по повеќе од една година откако Ислам Абази ја презеде функцијата како шеф на Обвинителството за гонење на организиран криминал, а јавноста покажа засилен интерес за случајот, особено откако Мерко беше ставен на „црната листа“ на САД поради сериозни сомнежи за корупција и влијание врз правосудниот систем.

Македонија | пред 9 месеци

Мерко може да избега, па побарано одземање на пасошот - сега го гонат и за предизвикување етничка нетрпеливост

Основното јавно обвинителство Струга до струшкиот суд достави предлог за определување мерки на претпазливост за едно лице, односно одземање на патна и друга исправа за преминување на државната граница и обврска тој повремено да се јавува во Судот. Мерките се побарани поради опасност од бегство, имајќи предвид дека во текот на вчерашниот ден ОЈО Струга поднесе уште едно обвинение против истото лице.“Надлежен јавен обвинител, по спроведена претходна постапка, поднесе Обвинителен предлог затоа што обвинетиот, како градоначалник на општина Струга, во март годинава, поставил спомен обележје – плоча на влезот на општинската зграда, со кое поттикнал етничка омраза и раздор меѓу жителите на Струга, со што сторил кривично дело предвидено во член 27 од Законот за меморијални споменици и спомен-обележја.Имајќи предвид дека обвинетиот е долгогодишен јавен функционер, против кого ОЈО Струга во краток временски период годинава поднесе повеќе обвиненија и веќе води осум судски постапки за кривични дела – Злоупотреба на службена положба и овластување и Несовесно работење во службата, надлежниот јавен обвинител оцени дека постои реална опасност обвинетиот да се обиде да го избегне кривичниот прогон.Имено, со последното поднесено обвинение вчера, во основните судови во Струга и во Битола, против обвинетиот ќе се водат вкупно девет активни судски постапки, при што во секоја од нив му е запретена и затворска казна.Основниот суд Струга го прифати предлогот на обвинителството и донесе Решение со кое му го одзеде пасошот на обвинетиот и го задолжи еднаш неделно да се јавува во судот”, велат од Обвинителството.

Македонија | пред 1 година

Осмо обвинение за Рамиз Мерко

Основното јавно обвинителство Струга поднесе Обвинителен предлог против службено лице – градоначалник на Општина Струга за кривично дело – Несовесно работење во службата од член 353-в став 1 од Кривичниот законик.Обвинетиот свесно ги повредил законските прописи при именување вршител на должност – директор на општинско основно училиште во селото Радолишта. Иако Законот за основно образование предвидува дека вршител на должноста директор се избира од редот на вработените во училиштето кои ги исполнуваат условите за директор, обвинетиот на 12.01.2022 година за вршител на функцијата во училиштето во Радолишта именувал лице кое не ги исполнувало таквите услови, односно немало работно искуство од најмалку пет години во воспитно-образовна работа.Именуваната ја вршела функцијата директор на училиштето во периодот од 12.01.2022 до 31.07.2023 година, за кој период и биле исплатени плата и придонеси како в.д. директор со што му била нанесена штета на училиштето.

Македонија | пред 1 година

(Видео) Таравари: Не би студирал медицина во Струга, јас сум против факултетите каде се запишуваш и по 3-4 години да си купиш диплома

Министерот за здравство, Арбен Таравари, ќе бара ревизија на сите медицински факултети во Македонија.Тој во поткастот „Претрес со Ландов“ прашан дали би студирал медицина на факултетот во Струга во јавноста познат како „факултетот на Мерко“, одговори: „Јас не би студирал. Ќе треба ревизија. Јас сум против сите универзитети каде постојат сомнежи, искрени сомнежи, дека се запишуваш и по 3-4 години можеш да одиш да купиш диплома“.Таравари додава: „Сметам дека треба да се направи ревизија на сите универзитети. Се надевам посебно за медицинските факултети. Јас ќе имам состанок со деканите на медицинските факултети, а посебно и со министерката за образование која е професорка која е ценета и квалитетна“.Вчера, на првата владина седница, беше донесена одлука со која се укинува изучување на медицинско образование на факултетот во Струга.?t=2138

Македонија | пред 1 година

Почна судењето против Мерко за незаконско назначување директори во училиштата, вели дека не се чувствува виновен

Во Основниот суд во Струга денеска почна судењето против струшкиот градоначалник Рамиз Мерко за незаконско назначување директори во четири основни училишта во Струга.,,Моментално за училиштето во Велешта се води одвоен предмет затоа што таму се четворица обвинети, а за другите три училишта се води споен предмет. Три постапки во еден предмет. Покрај кривично дело несовесно работење во службата во Велешта, дел од обвинетите се гонат и за кривично дело фалсификување исправа. Значи во тој предмет се две кривични дела”, изјави Јованов.Мерко вели дека не чувствува вина за делата за кои го обвинува Јавното обвинителство. Тој истакна дека разбира за што е обвинет, но не се чувствувал виновен за кривичните дела, бидејќи, како што рече, направил континуитет во работата на основните училишта.

Македонија | пред 1 година

За здравје кај Мерко нема да се учи, поништено одобрението за струшкиот универзитет

Одборот за акредитација на високото образование го поништи Факултетот за здравствени науки издадена за Меѓународниот универзитет-Струга, со кој раководи семејството на струшкиот градоначалник Рамиз Мерко.Одборот за акредитација на високото образование на денешната седница донесе Одлука за поништување на акредитацијата на проектот за основање на Факултет за здравствени науки на приватната високообразовна установа Меѓународниот Универзитет во Струга.„Со оваа Одлука на Одборот за акредитација на високото образование се поништуваат и сите други правни дејства во врска со почеток со работа на Факултетот за здравствени науки на приватната високообразовна установа Меѓународниот Универзитет во Струга“, соопштија од Одборот за акредитација на високото образование.

Македонија | пред 1 година

„Убо ова со медицински факс во Струга - ојш на плажа, се капиш и дур се сушет купаќите завршвиш“, иронични реакции за Мерко

На Факултетот за здравствени науки на Меѓународниот Универзитет во Струга нема да се запише ниту еден студент и нема да се студира се додека не се исполнат законските услови за акредитација на студиските програми кои согласно Законот за високо образование се суштински дел за една високообразовна институција да започне со работа, велат од Одборот за акредитација.Позитивно мислење претходно дале и Агенцијата за квалитет на високо образование и Одборот за акредитации.Од МОН велат дека поради потребата од повеќе здравствени работници во државата, Владата во изминатиот период поддржала повеќе иницијативи за основање на нови единици во состав на неколку високообразовни установи кои ќе реализираат студиски програми од соодветната област.Вчера беше објавено дека на Универзитетот на Рамиз Мерко во Струга ќе почне со работа факултет за здравствени науки, што придонесе за многу реакции од јавноста:https://twitter.com/SicarioMK/status/1801711435174584643https://twitter.com/jasisamojas1/status/1801552876335988871https://twitter.com/deleted90808465/status/1801533286956548401https://twitter.com/IvanAnastasovs1/status/1801244937163309245https://twitter.com/Shoeder006/status/1801503511294755122https://twitter.com/Orest29992620/status/1801285096504246398https://twitter.com/ellaobiekenobie/status/1801201186566996018 

Коментари | пред 1 година

Мерко доби дозвола за основање Факултет за здравствени науки во Струга

Меѓународниот универзитет во Струга, зад кој стои струшкиот градоначалник Рамиз Мерко, ќе добие нова образовна гранка. Отсега на универзитетот ќе има и Факултет за здравствени науки. Вакво решение донесе министерот за образование и наука во заминување е Јетон Шаќири.Според Министерството за образование и наука е утвредено дека се исполнети условите за почеток со работа на Факултетот за здравствени науки при Меѓународниот Универзитет во Cтруга. Позитивно мислење дале Агенцијата за квалитет на високо образовани и Одборот за акредитација.Во Македонија има неколку медицински факултети, вклучувајќи го Медицинскиот факултет во Скопје, Штип и Тетово, а од минатата година дозвола за основање на Факултет за здравствени науки доби и Меѓународниот универзитет „Визион“ во Гостивар.

Македонија | пред 1 година

Ќе ги спакуваат ли Данела и Мерко куферите за брзо: се бара итно менување на закон за да градоначалниците можат да се разрешат

Се погласни барањата измената на Законот за локална самоуправа да биде приоритет на Собранието, за да градоначалниците да можат да бидат разрешени. Ова доаѓа откако собранискиот спикер Африм Гаши кажа дека меѓу приоритетните законски одлуки ќе биде да нема предвремени избори за градоначалници во општините чии предводници ќе одлучат да влезат во извршната власт. Незадоволството од скопската градоначалничка Данела Арсовска и нејзиното работење, но и од струшкиот градоначалник Рамиз Мерко кој се најде на црната листа на САД – го донесоа ова барање.Овозможување да се разреши градоначалник е и едно од ветувањата во изборната кампања на ВМРО-ДПМНЕ. Не се знае кога ваквите законски измени ќе се спроведат, но се знае начинот на кој градоначалник ќе може да биде разрешен.„Преку поширок политички дијалог ќе предвидиме законски измени со кои ќе се воведе можност Советот на единицата на локалната самоуправа да го отповика градоначалникот. Членовите на Советот ќе имаат можност во јасно утврдена процедура со 2/3 мнозинство да го отпочнат и да го завршат процесот на отповикување на градоначалникот“, стои во програмата на ВМРО-ДПМНЕ.Според сегашниот закон за Локална самоуправа граѓаните немаат никаква законска форма да го отповикаат градоначалникот што го избрале на непосредни избори, доколку не се задоволни од неговата работа.Гаши смета дека итно треба да се промени законот со кој треба предвремени избори, доколку некој градоначалник, на пример, стане министер. Се споменува дека таква намера има Арбен Таравари, додека градоначалникот на Сарај Блерим Беџети веќе стана пратеник, воедно, се очекува и Тимчо Муцунски од Аеродром да оди во извршната власт.„Сметам дека е погрешно и спротивно на Уставот некој да се избира на четири години, а друг да ги добива гласовите на народот на избори со мандат од осум месеци. Сметаме дека тоа е противуставно и треба да се коригира со закон кој ќе го овозможи тоа“, кажал Гаши во интервју за РСЕ.

Македонија | пред 1 година

Уште едно обвинение против Мерко: ќе му се суди за несовесно работење

Основното јавно обвинителство Струга поднесе Обвинителен предлог против едно лице за кривично дело – Несовесно работење во службата од член 353-в став 1 од Кривичниот законик.Обвинетиот, како службено лице – градоначалник на општината Струга,на 31.01.2022 година, свесно ги повредил законските прописи за совесно постапување при именувањето на вршител на должност – директор на општинско основно училиште во селото Лабуништа. Притоа, донел решение и за вршител на должноста именувал лице кое не било од редот на вработените, како што е предвидено во членот 118 од Законот за основно образование, и немала соодветно работно искуство во воспитно-образовна работа предвидено во членот 109 од Законот.Така обвинетиот овозможил лицето да биде именувано на функцијата и да и се исплаќа плата како в.д. директор 19 месеци, со што на училиштето му била нанесена штета во вкупен износ на неосновано исплатените плати и придонеси.

Македонија | пред 2 години

Во онлајн-системот на т.н. црна листа на САД го нема Рамиз Мерко при пребарување

Во онлајн-системот на САД, за непожелни лица кои имаат забранет пристап и санкции од Стејт департментот, не може да се најде струшкиот градоначалник, Рамиз Мерко. Тој заврши на т.н. црна листа, уште во јуни минатата година. Се обидовме, но неговото име не го прикажува на листата. Тој е единствениот од ДУИ, кој се најде на оваа листа.„Вашето пребарување не врати никакви резултати“, е пораката која ја покажува системот за санкции.За разлика од името на Мерко кое не го прикажува во системот, достапни се имињата на Никола Груевски, Сашо Мијалков, Орце Камчев, Мендух Тачи – кои ги прикажува при пребарувањето.За името на Рамиз Мерко, кој во три мандати управува со општина Струга се врзуваат многу афери и обвинувања за корупција. Но ниту една не добила судска завршница. Покренато е и обвинение за набавката на луксузниот марка „Ауди А6“ вреден речиси 67.000 евра. Стејт департментот наведе дека има силни докази дека струшкиот градоначалник бил вмешан во голема корупција, присвојувал пари и се мешал во судски и други јавни процеси, нанесувајќи штета на демократските процеси во земјава.

Македонија | пред 2 години

Нема фотографија

Кривичен суд нема да го гони Рамиз Мерко - се прогласи за ненадлежен суд

Заради интерес на медиумите и невладините организации кои ја следат работата на судот, ја информираме јавноста дека Специјализираното одделение за организиран криминал и корупција ( КОК ) при Основниот кривичен суд Скопје постапувајќи по обвинителниот предлог со КО бр. 27/24 против обвинетиот Р.М. (Рамиз Мерко) од Струга за кривично дело Злоупотреба на службена положба и овластување од чл. 353 ст.4 вв со ст.1, донесе решение со кое се огласува за стварно ненадлежно и предметот, по правосилноста на решението, ќе биде доставен на надлежно постапување во Основниот суд Струга.„Согласно чл. 32 од Законот за судови, Специјализираното одделение ( КОК ) е надлежно за Кривичните дела: Злоупотреба на службена положба од чл. 353 ст.5, Примање поткуп од значителна вредност од чл. 357 и Противзаконито посредување од чл. 359 од КЗ, извршени од избран или именуван функционер, службено лице или одговорно лице во правно лице.Имајќи го предвид наведениот член од Законот за судови, последните измени на Кривичниот законик објавен во СЛ. Весник бр. 188 од 07.09.2023 год., како и правната квалификација од обвинителниот предлог, односно ст. 4, судот утврди дека Спелцијализираното одделение за оргнизиран криминал и корупција не е надлежно за судење на кривични дела од чл. 353 ст.4 вв со ст. 1 како што Јавниот обвинител го поднел обвинителниот предлог, туку цитираните одредби од Законот за судови се однесуваат само на делото пропишано во став 5 од овој член.Со оглед на сето тоа стварната надлежност да постапува е судот со основна надлежност на чие подрачје е извршено кривичното дело.Против ова решение странките имаат право на жалба пред Апелациониот суд Скопје“, велат од Кривичен суд.

Македонија | пред 2 години

(Видео) „Аудито“ остаре додека да се најдат докази против Мерко - сега ќе треба да докажува невиност пред суд

За контроверзната набавка на „ауди а6“ вредно 67 илјади евра, струшкиот градоначалник Рамиз Мерко ќе треба да докажува невиност пред судот. Обвинителството за гонење организиран криминал и корупција поднесе обвинение оти смета дека тој ја злоупотребил службената положба и овластување, дело кое се казнува од една до пет години затвор. Обвинението против Мерко доаѓа по пет години откако го набави возилото со општински пари, но и откако САД го ставија на т.н. црна листа поради корупција.„Макотрпна беше постапката, прибравме доволно докази“, рекоа од ОЈО-ГОКК.Овој предмет мина три обвинителства. Од скопското патуваше до Обвинителството во Струга, па од таму го вратија во Обвинителството за гонење организиран криминал и корупција.Откако го набави, Мерко се фалеше со автомобилот и иронично кажуваше дека требал да купи и поскапо од ова.

Македонија | пред 2 години

Мерко најдобро е како слободен граѓанин да се соочи со обвинението, вели Лога

Министерот за правда Кренар Лога вели дека струшкиот градоначалник Рамиз Мерко мора да ја докаже својата невиност „како слободен граѓанин“, а не како функционер, по ставањето на „црната листа“ на САД.Најмалку што може да направи е да сведочи од позиција на слободен граѓанин, вака министерот за правда Кренар Лога оценува дека градоначалникот на Струга, Рамиз Мерко, прогласен за „персона нон грата“ не треба да носи државни функции.Лога во емисијата „SummerClick“ на ТВ21 рече дека само прекинот на партиските активности во ДУИ нема да значи ништо.„Мислам дека дури и господинот Мерко и сите што ќе се најдат на оваа листа, добро е да размислат и да ги преземат врз себе политичките и институционалните последици и најмалку што треба да направат е да докажат дека се невини од позиција на слободен граѓанин“, рече Лога.

Македонија | пред 2 години

Мерко се појави во јавност, доаѓа и натаму на работа

Градоначалникот на Струга, Рамиз Мерко, се појави во јавност по три дена откако Стејт Департментот го стави на „црната листа“.Сепак, функционерот на ДУИ засега останува резервиран и натаму и не сака да дава изјави. Камерата на ТВ21 го затекна на балконот од општината.ДУИ вчера преку Бујар Османи објави дека тој е исклучен од сите партиски органи.

Македонија | пред 2 години

Антикорупциска вели дека не знае за случајот со Мерко, Ковачевски и ЈО немаат информации, а тој е на црна листа за криминал и корупција, работи ли нешто власта, прашува ВМРО-ДПМНЕ

Антикорупциската комисија вели дека не знае ништо за случајот со Мерко, вели ВМРО-ДПМНЕ„Обвинителството вели дека нема целосни информации за Мерко.Премиерот Ковачевски вели дека нема информации за Мерко.Од ДУИ велат дека немаат информации за случајот со струшкиот градоначалник.А, Мерко е на црна листа за криминал и корупција.Прашањето е работи ли нешто оваа власт и за што земаат пари овие луѓе и институции“, се вели во соопштението.

Македонија | пред 2 години

ДУИ бара институциите да направат сеопфатна истрага за Рамиз Мерко

ДУИ донела три одлуки за иднината на струшкиот градоначалник Рамиз Мерко, откако тој се најде на црната листа на САД, со одлука на Стејт департментот. Му се замрзнува членството во раководните органи на партијата, се прекинуваат партиските изборни активности во Струга, а од институциите се бара истрага за нивниот сопартиец. Мерко имал средба со Ахмети, пред да бидат донесени сите овие одлуки. Османи посочи дека ДУИ би направила истрага за струшкиот градоначалник, ама не се истражен орган.„ДУИ ги донесе следните одлуки: Бара институциите да направат сеопфатна истрага за Рамиз Мерко за сите можни тврдења кои произлегуваат од Стејт департментот. ДУИ ја прифаќа одлуката на Мерко за замрзнување на неговото членство во Централното претседателство, Генералниот совет на ДУИ. ДУИ ги прекинува изборните активности во Струга, додека не се создадат нови услови за тоа“, рече Османи.Во зависност од исходот од истрагата, ќе се знае дали Мерко ќе се врати во раководните структури на ДУИ.„Во ДУИ има започнато изборен процес во поголем број ограноци и има одредени рокови за пријавување на кандидати. Изборите се закажани за 2 јули. За да се даде можност кој ќе биде кандидат, треба да се остави простор, да се замрзне процесот во огранокот во Струга“, објасни Османи за тоа што значи одлуката за замрзнување на изборните активности.Османи додаде: „Ги повикуваме сите државни институции да започнат истрага за сите политички партии – од претседателите до најниските ешалони на одлучување“.Османи смета дека ДУИ е единствената партија која бара ветинг. Ги цени одлуките на САД.„САД се наш најголем стратешки партнер и сојузник. Нивните ставови не само што во ДУИ ги почитуваме туку ги сметаме и за добронамерни. ДУИ има јасни ставови за владеењето на правото, борбата со корупцијата, начинот на кој работат носителите на функции и тие се формални одлуки на ДУИ. Ќе ве потсетам на две такви одлуки – за задолжителен ветинг на секој носител на јавна функција; одлука за итна институционална верификација за сите сомневања за сите носители на јавни и партиски функции“, додаде Османи.

Македонија | пред 2 години

Петрушевски: Случајот со Мерко го потврдува кажувањето на претседателот Мицкоски дека дедуизацијата е неопходен процес во Македонија

На ДУИ очигледно не и одговара темата со Рамиз Мерко, градоначалникот на Струга и неговото ставање на црната листа на САД, па затоа не реагираат, за други настани реагираат, но не и за овој, рече Бране Петрушевски, пратеник од ВМРО-ДПМНЕ на гостување во емисијата „Заспиј ако можеш“ што се емитува на телевизија Алфа.„Има можности ДУИ да реагира, можеби не да го смени од градоначалник, но на пример исклучување од партијата и слично. Дополнувањето на црната листа на САД со Мерко е сериозен показател дека тоа што го кажува претседателот Христијан Мицкоски оти на Македонија и е потребна дедуизација е нешто неопходно што треба да се случи“, рече Петрушевски.Петрушевски укажа дека од ДУИ се метастазирани во сите институции на правосудниот систем, како и во други институции, и изненадува што од ДУИ е наведен само Мерко.„Ковачевски со изјавата како може да знаат во САД за Мерко, а не и домашните институции, покажа дека судството е руинирано. Сите случувања и со Судскиот совет на пример покажува вклученост, длабока вклученост на политиката. Ние како ВМРО-ДПМНЕ веднаш укажуваме дека некои кадри кои ги предлага Владата, претседателот за членови во правосудниот систем не се соодветни и укажуваме дека има политички, бизнис влијанија и слично“, кажа Петрушевски.Пратеникот Петрушевски укажа дека за кривичните за Мерко и молчење за истите, сите кои се вклучени во ова криење на пријавите треба да одговараат.„Се ова покажува дека процесот на дедуизација на Македонија и е неопходен и треба да се случи час поскоро, дури и пред да дојде ВМРО-ДПМНЕ на власт. Дедуизацијата е корисна за сите“, посочи Петрушевски.

Македонија | пред 2 години

(ВИДЕО) Досие „Мерко“: Дваесет години со плата од граѓаните и куп кривични пријави – чист за Македонија, но не и за САД

И по дваесет години седење во државна фотелја, правосудните институции во Македонија не најдоа незаконско постапување кај струшкиот градоначалник Рамиз Мерко од ДУИ. Стејт департментот го стави на црна листа поради корупција, додека струшкото Обвинителство ги отфрли девет од дванаесет кривични пријави, во кои дел имаше и вакви наводи.Затворен е и предметот против Мерко за набавката на луксузното Ауди со општински средства, во кој се вози низ Струга, а кој го водеше Обвинителството за гонење организиран криминал и корупција.За делата за кои се осомничен, предметите во кои бил опфатен, молкот од ДУИ за одлуката да се најде на т.н. црна листа, но и за тоа кој е Мерко – во сторијата на „Макфакс“.

Македонија | пред 2 години

Криминалот на Мерко ја замолчи ДУИ, само Ковачевски го брани, вели ВМРО-ДПМНЕ

САД го откри, a македонските институции го премолчуваат криминалот и корупцијата на СДС и ДУИ, вели ВМРО-ДПМНЕ„САД го прогласи Рамиз Мерко, градоначалник од ДУИ за персона нон грата во САД. Ова важи и за неговото семејство.Рамиз Мерко е на црната листа бидејќи бил вмешан во значителна корупција, влијаел на судски процеси и злоупотребувал фондови нотираат од Стејт Департментот.Мерко сам не можел да влијае на судски процеси без поддршка од другите владини функционери на ДУИ и СДС. Прашањето е во колку од овие криминални процеси се вмешани и други лица од ДУИ?САД потврди дека ДУИ е криминална.Сите ја гледаат корупцијата во ДУИ, само Димитар Ковачевски и СДС не ја гледаат.ДУИ мора да оди во опозиција. ДУИ мора да расчисти со криминалот во нивните структури.ВМРО-ДПМНЕ постојано алармираше за коруптивните и криминални афери и скандали поврзани со високи владини функционери, но институциите се во спрега со СДС и ДУИ.Бараме сериозна реакција од институциите“, се вели во соопштението.

Македонија | пред 2 години

Ковачевски да не глуми паднат од Марс, префрлајќи ја вината на обвинителство без да побара оставка од Мерко, вели ВМРО-ДПМНЕ

ВМРО-ДПМНЕ испрати соопштение до јавноста, како реакција на одговорот на Димитар Ковачевски во врска со скандалот за Рамиз Мерко„Гледајќи како Ковачевски ја префрла вината на судско обвинителните органи притоа упорно не барајќи оставка од Мерко кој продолжува да биде градоначалник на неговата коалиција имаме конкретни прашања:Кој е на власт последните 6 години?Кој велеше дека ќе донесе живот и правда за сите?Чив човек и пион е првиот обвинител Љубомир Јовевски?Глумењето паднат од Марс на Ковачевски е навреда за интелигенцијата на народот“, се вели во соопштението.

Македонија | пред 2 години