мицкоски

Додека бил директор на АД ЕЛЕМ, и по неговото разрешување, Мицкоски добил над 93.000 евра пари од граѓаните, вели СДСМ

Христијан Мицкоски е прв и главен паразит на ВМРО-ДПМНЕ, вели СДСМ„Додека бил советник за енергетика, директор на АД ЕЛЕМ, но дури по неговото разрешување, Мицкоски добил над 93.000 евра пари од граѓаните.Во времето на ВМРО-ДПМНЕ, кога минималната плата беше 8.000 денари, Мицкоски земал речиси 100.000 денари плата од ЕЛЕМ.Покрај тоа што земал хонорари и плата од АД ЕСМ Мицкоски добивал надоместок и после неговото разрешување, на име разлика во плата од АД ЕСМ добивал месечно 60.444,00 денари.За 12 месеци му се исплатени вкупно 805.920,00 денари бруто.По раскинување на менаџерскиот договор, примил уште над 13.000 евра пари од граѓаните.Покрај Мицкоски и Гордана Кочоска Димитриевска примала надомест по разрешувањето од функцијата член на управен одбор и директор за финансии на тогашното АД ЕЛЕМ.Гордана Кочоска Димитриевска уште една година примала цела плата од 66.432 денари нето.Еве кои се вистинските паразити и по разрешување од функцијата продолжиле да земаат пари од граѓаните иако можеле да се откажат од таквата придобивка“, се вели во соопштението.

Македонија | пред 3 години

Груевски ги отвори картите: Не стојам зад Данела, не застанав Мицкоски да биде лидер зошто бев разочаран од него

Екслидерот на ВМРО-ДПМНЕ, премиер на Македонија и бегалец, Никола Груевски преку статус одговори на сите прозивки. Неговото излагање во целост:Вообичаено не коментирам шпекулации, и разни лаги и невистини кои иако долго не сум во политиката секојдневно се лиферуваат на социјалните мрежи, медиумите, од разни квази аналитичари, новинари, политичари и слично, бидејќи ги има толку многу што треба секој ден само тоа треба да правам. Најчесто времето и настаните со нивниот природен тек покажуваат дека станува збор за лаги и невистини а и оние кои го прават тоа најчесто со текот на времето сами себе се негираат или влегуваат во такви контрадикторности, што се станува јасно по некое време.Сметам и на тоа дека народот после три децении плурализам, не така лесно верува на сите лаги и измислици, дека здравата логика, рационалното размислување и паметењето е доволно присутно да некои измислени афери, валкани новинарски конструкции кои поединци ги прават од личен најчесто финасиски интерес не поминуваат и повеќето луѓе се повеќе сакаат да видат уверливи докази за секојдневните озборувања, пласираните лажни тези и клевети, иако во Македонија има неколку новинари, некои т.н.аналитичари, разни безделници или платени од некои од партиите или којзнае од кои центри разни “сејачи на магла” кои незнаат поинаку да заработат за да опстанат, па во секој нивен јавен настап или пишан збор пишуваат нови и нови измислени работи, политички конструкции и фантазии поврзани со мене.Сепак, иако мошне ретко повремено правам исклучок кога ќе почуствувам дека во некои ситуации измамите и лагите успеале да освојат позначаен број луѓе, како што е поводот за денешниот статус.Повеќе од два месеци од одредени центри масовно се шири информација за која според реакциите кои ги добивам голем број луѓе веруваат, а тоа е дека јас сум стоел и сум бил (таен) организатор зад одредени актуелни јавни политички и медиумски активности на актуелниот градоначалник на Скопје - Данела Арсовска, но и други политички личности, новинари и медиуми кои се во очигледна јавна конфронтација со раководството на партијата ВМРО-ДПМНЕ.Всушност ваков вид на лажни информации ако добро се потсетиме се шират барем еднаш на секои 4 до 5 месеци во изминатите 4 години, секогаш кога има некакви збиднувања во партијата, најчесто кога за нешто треба да се најде виновник, да се префрли вината на друг или да се направи збрка, многу често кога на некој новинар на кој слабо му оди гледаноста или читаноста, или кога некој т.н. аналитичар, бивш, нереализиран или неуспешен политичар ќе констатира дека не е доволно актуелен во јавноста и слични ситуации.Па така, сите тие сакаат тоа да го променат и подобрат со креирање на лажна приказна за наводни мои заткулисни активности, валкани игри, конструкции и слично и секогаш кога власта е безидејна и нема што да каже (а континуирано и безнадежно е безидејна), но понекогаш и од некои центри на опозицијата.Бидејќи никогаш не нудат никаков доказ, најчесто одат со некакви измислени конструкции, поткрепени со некакви квази логицизми, поврзуваат разни случајности ос различни времиња од минатото, измислуваат средби и разговори кои никогаш не се случиле или пак сами си креираат приказна што се зборело на тие средби и слично, и од тоа создаваат приказна, и градат тези базирани исклучиво на лажни претпоставки, полувистини или голи лаги.Да не должам многу и да кажам:1. Не сум никаков таен организатор или конструктор на политичките активности и препукувања на градоначалничката на Скопје Данела Арсовска, ниту на другите актуелни јавни политички битки на луѓе кои во минатото биле коалициски партнери на ВМРО-ДПМНЕ, десно ориентирани медиуми, поедини новинари, поранешни политичари, функционери или активисти.2. Лажна е и шпекулацијата дека на некаков начин јас сум лобирал во партијата за Данела Арсовска да биде кандидат на ВМРО-ДПМНЕ за градоначалник на Скопје, како и за почесен конзул на Унгарија во Штип или пак претседател на стопанската коморота во времето кога бев премиер.Не постои член на стопанската комора кај кого сум лобирал за таа да биде избрана.Во тоа време јас не ја познавав г-ѓа Арсовска. Прв пат го чув нејзиното име кога во една прилика на еден вид проштална средба кај мене дојде нејзиниот претходник на таа позиција кој меѓудругото ме извести дека неговиот мандат завршува, дека нема повторно да се кандидира и дека тој и многу други бизнисмени планираат да ја подржат токму неа, кажувајќи неколку позитивни коментари за неа, на што јас му одговорив дека тоа е нивна работа и дека кого и да изберат, што сака да соработува со владата во интерес на стопанството, ќе соработувам со него како иден претседател на таа стопанска комора.Подоцна до крајот на мојот мандат имав неколку службени средби со госпоѓа Арсовска, не паметам точно колку, но можеби 5 или 6, во кои главно договаравме начини за решавање на конкретни проблеми во стопанството, организирање групни средби со сите членови на стопанската комора и потоа исполнување на превземените обврски од тие средби.Повеќе од 5 години веќе немам никаков директен или индиректен контакт или комуникација со Данела Арсовска од причина што нашата комуникација беше исклучиво службена и траеше додека извршував јавни политички функции.За нејзиниот избор за почесен конзул на Унгарија во Штип се информирав од македонските медиуми. Од искуство знам дека најчесто такво назначување државите прават по нечија препорака, најчесто од нивните амбасади кои по барање на нивното МНР бараат добро позиционирани личности во одредени земји заради нивна промоција и други обврски кои ги носи титулата почесен конзул. Не знам кој ја прпеорачал Данела Арсковска во Унгарија, но знам дека тоа не бев јас, ниту пак со било кого сум имал разговор на таква тема.За нејзиниот избор за подршка на ВМРО-ДПМНЕ за кандидат за градоначалник на град Скопје исто така дознав од медиумите иако неколку недели претходно се шпекулираше дека партијата го тестирала нејзиното име на нарачаните анкети за проверка на јавното мислење од страна на партијата.Ниту некој од раководството на партијата ме прашал за мислење за таа одлука, ниту сум дал мислење, а најмалку сум лобирал.Како раководството на партијата дошло до таа одлука, како и преку кого претседателот на партијата се сретнал и запознал со идната кандидатка, тие најдобро знаат и доколку се процени дека има потреба можат да и ја соопштат на јавноста.3. Лажни се и секојдневните шпекулации дека јас целосно или делумно раководам со партијата од дистанца од Будимпешта, дека Христијан Мицковски и други членови на раководството се среќаваат со мене кога доаѓаат во Будимпешта и дека јас давам некакви инструкции или на било каков начин учествувам во носењето одлуки на ВМРО-ДПМНЕ.Прво, партијата има свое раководство и нормално е тоа раководство да ги носи одлуките.Второ, со дел од тие одлуки јас не се согласувам, односно мислам дека се погрешни, но разбирам дека тој кој ја има одговорноста го има и правото да одлучува особено ако зад тоа стои мнозинството од членството на партијата и секако дека и јас кога сум бил претседател на партијата, сигурно дел од членовите на партијата не се согласувале со дел од одлуките и политиките на тогашното раководство, и тоа е нормална работа во една партија, бидејќи неможе сите да мислиме исто за се.Сето она што приватно го мислам за политиките и одлуките на актуелното раководство го споделувам во приватни разговори само во потесен круг на 10-15 пријатели кои најголем дел немаат политички активности, исто како и секој друг човек. Јавно барем досега не се произнесував по однос на одлуките и политиките на актуелното рководство бидејќи не сакам да правам дополнителни проблеми во партијата, ниту пак сакам да го правам тоа што не сум сакал мене да ми го прават, а тоа е да вршам притисок и влијание за различни политички, кадровски или организациски одлуки на оние кои во моментот ја носат целата одговорност. Затоа премолчив многу настани, дури и напади, префрлања вина, обвинувања и други несоодветности, за кои многумина блиски ми реагираа дека не треба да молчам. Сепак, така е веќе пер години по избор на новото раководство на партијата.Како што е забележливо, мошне ретко и само по исклучок во моите обраќања кон јавноста во претходниот период се осврнував на дневно политичките настани во државата и уште помалку во партијата.Трето, потврдувам дека ниту еднаш од десетината доаѓања во Будимпешта не сум имал средба со Христијан Мицковски или некој кој е во негова придружба, ниту пак со некој од актиелното раководство на партијата (ИК и ЦК), од причина што таква средба не побарале. Зошто не побарале средба, тие најдобро знаат, но оние членови на партијата кои не се дел од сегашното раководство, кои добро ги познавам и кои побарале средба со мене, сме се сретнале на разговор кој најчесто е од пријателска природа со луѓе со кои во минатото сме соработувале.Знам дека и членството на партијата и јавноста во голема мера се убедени дека јас се среќавам со Х.Мицковски, па оттука веројатно и дека за ова многу членови на партијата нема да веруваат. Можеби и јас кога би бил на нивно место не би верувал па оттука воопшто не им се лутам. Сепак, мое е да ја кажам вистината, па кој верува-верува.4. Широко распространета лага која често се повторува е дека јас сум издејствувал Христијан Мицковски да биде претседател на ВМРО-ДПМНЕ.Тоа е лага и ги повикувам сите 550 делагти, ако кај еден од нив лично сум лобирал за изборот на Мицковски слободно јавно да го соопшти тоа и да ме демантира. Еве сега веќе пет години не сум на партиска а уште подолго на државна функција, под силен политички прогон сум, во друга земја живеам и нема од што да се плашат.И порано и сега има многу луѓе кои лажно се преставуваат како лица преку кои јас наводно испраќам некакви пораки, или зад чии став некои веруваат дека стои мојот став и слично, и тоа веројатно како проблем го има секој претседател на партија во Македонија, премиер, министер или друга моќна личност. Такви луѓе имало и ќе има.Но, од аспект на мое лобирање кај оние кои директно го вршеа изборот, барем на еден од 550 делегати на Конгресот кои мнозинство од нив го избраа Мицковски за претседател, категорично тврдам дека такво нешто нема.Напротив, во деновите кога уште не се знаеше кој се ќе се кандидира и колку кандидати ќе има, кога согласно статутот се собираа потписи за кандидатура, (во тоа време имаше шпекулации или информации за неколкумина можни кандидати), одреден број делегати на конгресот, (дел од нив поединечно, дел во помали групи) побараа лична средба со мене со единствена цел, да сум им дал насока за гласање.“Нема насока”, беше мојот одговор. “Возрасни сте, искусни сте,одберете сами!” Клучно за овој мој став беше разочарувањето од некои луѓе од моето опкружување во тие последни недели или месеци, и на речиси сите од нив чии имиња се вртеа во јавноста како можни кандидати за претседател на партијата, во личен разговор им кажав дека “нема да застанам зад ниту еден од потенцијалните кандидати бидејќи сите ми се помалку или повеќе подеднакво блиски, но и од сите сум разочаран”. Ниту еден од нив не ме праша зошто од него сум разочаран. Веројатно го знаеја одговорот...Од тие причини несакав да превземам одговорност да давам препораки, насоки и слично.Знам дека и ова на многумина нема да им се верува. Не им се лутам, бидејќи и за неверување е 🙂5. Се раширија и лаги дека со мене преговарале домашни структури од актуелната власт или странски преставници со цел за наводен мој договор со нив во кој тие би изработиле прекин на политичкиот прогон кон мене а за возврат јас наводно сум ветил или ќе сум помогнел за носење на некакви штетни за македонската нација одлуки во парламентот, или создавање кризи во ВМРО-ДПМНЕ.Такво нешто не постои. Ниту сум имал такви разговори со претсавници на СДСМ или некој од власта, ниту со некои преставници на друго држави. А и доколку имало, тоа сигурно ќе било одбиено!Впрочем доколку јас сакав на таков начин да го запрам политичкиот прогон кон мене, имав шанси, имав прилики и понуди уште додека бев во Скопје, кои категорично ги одбив.6. Исто така со години се зборува дека јас наводно располагам со некои големи пари со кои креирам влијание и што ли уште не во Македонија, од медиуми, до секакви измислени настани, субјекти и личности. Такво нешто не постои, тоа е лага. Лага интересна за слушање на секој човек, особено лековерните карактери.Ако некои медиуми се во сопственост на државјани на земјата каде сега живеам, тоа не значи дека јас имам влијание врз нив или уште помалку сопственост. Или дека воопшто ги познавам сопствениците.Впрочем и односот на тие медиуми кон мене веројатно би бил поинаков, да беше така.Речиси дека непостои посериозно политичко збиднување во Македонија каде моето име не е спомнато во овие 4 години, најчесто како лага. Тоа е вистината.Ако секој ден не демантирам разни измамници, платеници и безделници, тоа не значи дека тоа што го говорат или пишуваат е вистина.Едноставно, повеќето озборувања ги игнорирам. Не вреди со секого да си го трошам времето и да се расправам.Ова е вистината.Кој верува-верува! Кој не верува нека живее во лаги, илузии, конструкции, и фантазии кои секој ден ги слушаме низ медиумскиот и интернет простор.Македонија е станата плодна почва за лаги и конструкции.Луѓето пред да поверуваат треба да се запрашаат кои се доказите за одредени тврдења, дали некој не ги лаже или манипулира со некоја цел и да не прифаќаат така лесно квази логики на разни досетливи манипулатори кои добро се навежбале да манипулираат со народот па на тој начин заработуваат и живеат од тоа.И запомнете: ако јас сакам да изразам мој политички став за било што, подржувачки или против за нешто или некого, за одредени државни или партиски прашања или личности, тоа ќе го направам директно а не преку други! Како што и секогаш сум правел.

Македонија | пред 3 години

(ВИДЕО) Штеди струја и се облекува „дебело“ по дома: Мицкоски откри од кои пари живее

Јавноста не знае каков имот има Христијан Мицкоски, прв човек на ВМРО-ДПМНЕ. Не е обврзан да го обзнани ова на граѓаните, бидејќи не е државен функционер. Нема поднесено анкетен лист, затоа што тоа не е ниту побарано од него. Во интервјуто за „А1он“, Мицкоски, откри дека дома кај него се штеди. Сите членови се наоблекуваат, за да им биде потопло, а грејните тела им се со намалена тепература. Истовремено, откри и од какви примања живее.„Дома се повеќе сме облечени, пониска е температурата, помалку грееме“, рече Мицкоски, па прашан од новинарот: „Штедите и вие?“, Мицкоски одговори: „Па нормално дека штедиме, јас живеам од професорска плата, јас во политиката живеам од примањата кои ги имам од мојата матична институција – Машинскиот факултет во Скопје. Нормално е дека како влијае инфлацијата врз другите семејства, влијае и врз моето семејство. Јас не водам бизнис, немам дополнителни приходи“, кажа Мицкоски.Денеска високата цена на електричната енергија е причина за несреќата на многу семејства, вели претседателот на ВМРО-ДПМНЕ Христијан Мицкоски во интервју за порталот А1 ОН и додаде дека енергетската криза прераснала во општа економска криза бидејќи граѓаните кога пазаруваат можат да забележат како се намалува кошницата, бидејќи за разлика од сега порано како што рече тој со 1000 денари можело да се купат многу повеќе прехранбени производи.„Јас не знам Ковачевски како ги разбира граѓаните, но ценејќи според неговите политички потези и однесување мислам дека воопшто не ги разбира. Но, доволно е да се појде во продавница, не за да се купи тост, туку да се појде до продавница и да се испазаруваат основни прехранбени производи. Порано со 1.000 денари можеше да се купи многу повеќе, можеби два пати повеќе производи отколку сега“, додаде Мицкоски.?t=2466

Македонија | пред 3 години

(ВИДЕО) Ќосето за изјавата на Мицкоски за Груевски: Ј*бете се, како не ти е срам!

„Оној кој што е бегалец од правдата, треба да се соочи со правдата, тука да немате дилема. Потерницата си е потерница, ако мислите дека ние ќе ја бришеме таа потерница за лица кои што се осудени кои што имаат правосилна пресуда, мислам дека кај господинот Груевски нема се уште таква пресуда. Секој оној кој што си е правосилно осуден треба да си одговара“, изјави лидерот на ВМРО-ДПМНЕ, Христијан Мицкоски во интервју за А1 он.На ова реагираше Горан Ангелов кој е осуден на 12 години затворска казна за случувањата во Собранието на 27 април .„Ова е и значи и за 27 Април ,пошто сме правосилно осудени треба да си лежиме за “ТЕРОРИЗАМ”‼️Абе ЈЕБ*ТЕСЕ ,како не ти е срам“, вели Ангелов.Потоа тој на Фејсбук објави нов статус.„За кои пресуди зборуваш?! Оние од Кацарска и Русковска, нели беа “Кацарска судство ‘ или сега ти се арни!?“, напиша Ангелов.

Коментари | пред 3 години

Јакимовски со совет до Мицкоски: Кики, подобро ти е да се пријавиш како доброволец да одиш на фронт во Украина отколку да војуваш со сите нас

Таче заедно со странците се обидува да направи предизборна коалиција со сите албански партии. Додека пак лидерот на опозицијата Христијан Мицковски ако нема со кого да завојува наутро сам на себе си удира бокс во сопственото огледало, вели градоначалникот на Карпош и лидер на ГРОМ, Стевчо Јакимовски.„За 9 месеци успеа завојува со мене и ГРОМ, Градоначалничката на Скопје Данела Арсовска, а сега гледам војува и со ЛДП. Како што кажуваат Пенов бил транзициски политичар, а до вчера во градскиот совет им беа Михајло Маневски и Владо Поповски кои заедно имаат 160 години и се во политиката уште од Коча Поповиќ.Трајко Славевски -талентот не бил транзициски зошто само 3 години помалку бил на функции од Пенов кој во 1996 година стана Градоначалник на Скопје, а Трајко во 99 стана министер за развој‼️Хипокризија‼️‼️‼️Малку му бевме ние па сега отвори фронт и према Никола Груевски‼️Ќе го ставал во затвор, требал да лежи.Толку ли нема осет дека најмалку 30/40% од членството во партијата се “Груевисти” и со длабока почит кон својот поранешен лидер.Запомнете го следниво, времето во ВМРО ќе се мери до Груевски и после Груевски. Или да ви преведам, пред и по него се е празно.Нема приказна, нема резултати, нема успеси нема 500илјади гласови.Незнам како мисли да тера понатаму со секојдневно отварање на нови фронтови⁉️Премногу е слаб да војува со нас и затоа би му дал еден совет: Кики, подобро ти е да се пријавиш како доброволец да одиш на фронт во Украина отколку да војуваш со сите нас.Таму полесно ќе пројдеш“, вели Јакимовски.

Коментари | пред 3 години

(ВИДЕО) Мицкоски не ја поштеди Арсовска: Јас не сум психијатар

Лидерот на ВМРО-ДПМНЕ, Христијан Мицкоски во интервју за А1он изјави дека градот Скопје имал многу подобри градоначалници од Данела Арсовска во оваа прва година.„Данела позади која застана ВМРО-ДПМНЕ победи на избори. Јас како човек сум  застанал позади карактер, па не сум на крајот од денот психијатар за да можам дап роценувам карактери, па дали се тие со вакви или такви склоности. Јас како претседател на политичка партија бирам победник или губам на избори, вели Мицкоски.Тој ја прокоментира изјавата во која Арсовска вели дека треба да се побара оставка од „Мицкоски, шпицниот градоначалник“.„Непријатно е да ги слушате овие работи, бидејќи сепак треба да се има едно човечко достоинство, да бидете пред се дама, да бидете мајка, да бидете сопруга, педагог и така и да се однесувате. Повторно уште еден бесплатен совет до госпоѓата Данела Арсовска да се задржи на оние принципи на кои што сум ја учел во времето на кампањата и во тој период, да биде дама, да биде госпоѓа, да биде мајка, да биде сопруга, да биде посветена на работата.  Ова што сега го гледаме е спротивно на тоа.?t=581 

Македонија | пред 3 години

(ВИДЕО) Стевчо го нападна Мицкоски поради Груевски: Вмровци видовте каков ретардињо имате за претседател?

Градоначалникот на Карпош Стевчо Јакимовски ја искоментира изјавата на лидерот на ВМРО-ДПМНЕ, Христијан Мицкоски во која вели дека кога ќе дојде на власт, нема да ја укине меѓународната потерница по Никола Груевски, што ќе значи враќање на експремиерот директно во затвор. Мицкоски во интервјуто додаде дека секој што е правосилно осуден, треба да си ја одлежи казната.Јакимовски вели дека Груевски оди во затвор, за Мицкоски да ужива во Белата палата и да ги користи становите, куќите и деловните простори кои ги спечалил.„Видовте ли бе ВМРОвци кого имате за претседател⁉️Каков Ретардињо‼️Што би рекол Његош : “На трон седиш неправо узети”. Го фати Груевски за крагња како сиротче и го седна во Белата Палата.И Груевски да одел во затвор, а не само тој туку и секој што имал правосилна пресуда и пази богати, немал намера да му ја укинува потерницата.Па нели бе Кики ова беше Русковска судство?Па нели таму место право се делеше неправо?Груевски да оди во затвор, за ти да уживаш во Белата палата да шеташ по шумите, ливадите, нивите.Ливадо една! Да ги користиш становите куќите и деловните простори што ти ги спечали тој.Само така, сите ќе одат во затвор само Ретардињо да дојде на власт!ВМРОвци! Зошто ми се љутите мене, нели гледате дека вашиот претседател е ограничено способен за политика!ПС. И расипан како шуплив заб“, вели Јакимовски.

Коментари | пред 3 години

(ВИДЕО) Мицкоски за Груевски: Секој што е бегалец од правдата треба да се соочи, а правосилно осудените треба да одговараат

Во интервју за „А1он“, претседателот на ВМРО-ДПМНЕ, Христијан Мицкоски, кажа дека кога ќе дојде на власт, нема да ја укине меѓународната потерница по Никола Груевски, што ќе значи враќање на експремиерот директно во затвор. Мицкоски во интервјуто додаде дека секој што е правосилно осуден, треба да си ја одлежи казната.„Потерницата е потерница. Ако вие мислите дека ние ќе ја бришеме таа потерница... Лица кои се осудени, кои имаат правосилна судница, мислам кај господинот Груевски нема...“, рече Мицкоски, на што новинарот реплицираше дека експремиерот е осуден за набавката на Мерцедесот, а Мицкоски додаде: „Е па секој што е правосилно осуден, треба да си одговара. Дали се вика Никола Груевски, Христијан Мицкоски, Зоран Заев, Димитар Ковачевски или било кој друг во државата, без разлика на функцијата, треба да одговара“.На констатацијата од новинарот кој кажа: „Да, но тој ве донесе на чело на партијата, а сега ако дојдете на власт, нема да ја укинете потерницата и ќе го пратите во затвор.. малце...“.Мицкоски одговори: „Се обидувам да ја игнорирам оваа лажна вест која ја кажувате во вашата емисија дека тој ме донел. Но бидејќи третпат инсистирате, ќе ви дадам одговор. Позади мојата кандидатура се потпишаа неколку стотици членови на Конгресот на ВМРО-ДПМНЕ, но не беше и потписот на господинот Никола Груевски. Мене ме избраа делегатите на тој конгрес во Валандово“.Првиот човек на ВМРО-ДПМНЕ кажа и: „Апсолутно секој што е бегалец од правдата ќе треба да се соочи со правдата, тука да немате дилема“.?t=1080

Македонија | пред 3 години

Мицкоски: 129 години ВМРО, борба за Македонија која трае, честит празник Македонијо

Лидерот на ВМРО-ДПМНЕ, Христијан Мицкоски упати честитка по повод 23 Октомври - Денот на македонската револуционерна борба.„Денот кога е формирана македонската револуционерна организација, подоцна ВМРО, која е константа на борбата на македонскиот народ за слобода и независност на Македонија.Ако во една реченица треба да се опише таа херојска епопеја на подеми и падови, неспорно е да се каже дека денес славиме 129 години ВМРО, борба за Македонија која трае!Честит празник Македонијо“, вели тој.

Македонија | пред 3 години

Мицкоски е за бришење на бадентерот и балансерот: Се надевам албанските политичари нема повеќе да ги потценуваат граѓаните Албанци

Христијан Мицкоски, лидер на ВМРО-ДПМНЕ, посочи дека треба да се избрише нормата балансер и бадентер, а во институциите место да има за сите квалитетни кадри.„Подготвен сум да разговарам со секого, но треба да разговараме за нормата балансер, бадентер. Да имаме можност луѓето да напредуваат но не поради процент, туку поради капацитет и квалитет. Се надевам албанските политичари нема повеќе да ги потценуваат граѓаните Албанци и ќе ги избришеме тие бадентер и балансер“, кажа Мицкоски.

Македонија | пред 3 години

Мицкоски: Систем за кој вреди да се бориш

Овие денови Македонија празнува 81 година од кревањето на востанието против фашистичкиот окупатор. Таа генерација млади луѓе тргнаа против далеку поснажните сили затоа што веруваа во идејата за слобода, и затоа што ја почитуваа борбата за слобода на своите претходници. И веројатно проценија дека алтернативата на сево ова е да се биде роб под друго знаме, туѓа идеја и да се наведне главата тогаш кога треба да се исправи. 81 година потоа, многумина ќе речат дека е друго време, друг систем, поинакви борби за младиот човек. И точно е тоа, но сепак пронаоѓањето на мотивите за борба, желбата за промени, пркоста и вербата во себе се подеднакво исти, само овој пат насочени на поинаков начин и во други околности, вели лидерот на ВМРО-ДПМНЕ, Христијан Мицкоски.„Пред 32 години Македонија се создаваше тој 8 септември. Тогаш со моите 16 години како и сите од мојата генерација сметавме дека е тоа нашето време, најмодерното, дека ние го имаме правото да ги диктираме условите, да ги менуваме работите, да ги поставуваме условите, мислевме дека сè до тогаш беше некако стереотипно и назадно, и дека светот чека на нашиот глас.Во голема мера нашата генерација ја имаше горката судбина да успее насекаде низ светот, само не дома, иако ние сепак го имавме правото да ги диктираме работите кои сакавме да ги имаме и за кои сонувавме.Од денешна перспектива сфаќам дека на сево ова има право секоја една генерација, и обврска на сите останати е тоа да ѝ го овозможат, како и обврската на таа генерација самата да се избори за она право што ѝ припаѓа.И веројатно многу од работите остануваат специфични за моментот но се многу универзални. Тогаш со истото чувство на посебна гордост и предност кон Македонија, како и денес стојам пред химната Денес над Македонија се раѓа. Тоа за мене не е само едноставна почит кон зборовите, туку разговор со оние титани од минатото кои го даваа најскапото кога се бореа за нашата слобода и ја плаќаа скапата цена за градба на татковината.Но од денешна перспектива прашањето е што значи сево ова за младиот човек и како тоа изгледа во неговите очи .Денес реалноста со која тој се соочува ги одзема шансите за целосно размавнување на потенцијалите и работите во кои верува. Одземањето на таа шанса значи ускратување на целата нација за некое ново научно достигнување, за некоја нова писателска, или спортска ѕвезда, за некој нов шампион кој ќе нè претставува низ светот, за некоја наша гордост. Цената од таквото колективно промашување е иселување, потрага по нешто подобро, споделувајќи ја судбината на стотици илјади кои досега ја напуштија земјата. И за тоа генерално постои една сериозна причина, а тоа е отсуството на систем. Систем кој ќе даде шанса на способните, систем кој ќе им даде можност на талентираните, отсуство на систем кој ќе е темелен на вредности и заслуги, систем кој ќе даде шанса за оние кои сакаат да дишат со полни гради, кои ќе ги стимулираат младите да го прават тоа што најдобро го знаат и најмногу го сакаат. Систем кој ќе ги отрфли корумпираните, лукративните, систем каде за да се прескокне пречката ќе треба пот, труд и демонстрација на способност, а не конекции, непотизам и корумпираност. Систем во кој најсиромашниот ќе ја има најголемата шанса, не затоа што не е богат, туку затоа што е способен. Систем кој талентираноста ќе ја поттикнува и ќе ја развива, а слабоста ќе ја селектира и ќе создава услови таа да се надмине. Не треба да се откажуваме од ниту еден човек, но мора способните да ја добијат својата шанса и да го живеат својот сон.Примерите кога поединците ќе сакаат да го заобиколат системот и да напредуваат се присутни секаде, но добрите држави се издвојуваат по системите кои ги откриваат таквите поединци и ги ставаат во нормалата која подразбира успех само со многу труд и работа.Некој ќе праша дали е тоа можно кај нас по толку децении потрошени на омраза, рушење на системите и создавање на изместени вредности. Можно е, но за тоа е потребна борба. Да не се потргнуваме настрана кога ќе е тешко, да не се откажуваме затоа што поединечното откажување создава принцип кој потоа станува традиција што се следи. Ако јас се откажам, ударот доаѓа на наредниот до мене. Да не го одбираме најлесниот пат, туку вистинскиот за да стигнеме до целта. А сите неуспеси да бидат лекција за наредните победи.Како професор на факултет кој гледа како добрите генерации студенти ги празнат клупите и си ја бараат среќата некаде надвор по светот, навистина боли фактот кога пред очи добри луѓе го градат својот сон за некаде надвор од својата татковина. И прашањето е зошто ако тие млади луѓе успеваат насекаде надвор, не можат да успеат дома. Едната причина е токму тој распаднат систем кој ја труе секоја здрава клетка и не овозможува развој, втората причина е што помалку сите млади, но и сите ние се навикнавме да ги прифаќаме работите без отпор и борба, а токму тој отпор ја создава револуцијата на духот, револуцијата на потенцијалите, експлозијата на колективната способност сами да одлучуваме за работите. Ако молчиме, тие ќе мислат дека го имаат природното право да управуваат со нашите судбини, и секоја неодговорна влада ќе зема повеќе од нашиот природен простор на живеење. А колку помалку го има тој простор толку помалку ќе ги има слободата и идеите во кои веруваме. И успехот не е можен без колективната заложба тие промени да станат основата од која понатаму ќе се гради и ќе се создава иднина. И во таа борба секој млад човек ќе ја има мојата поддршка за промени, затоа што ова е и наша заедничка борба. Без оглед каков е поединечниот интерес, целта и мотивите за борба не се поинакви од тие за кои се бореа и илинденците и партизаните. Слободата и успехот се идеалот во кој веруваме, нашето сонце, но и нашата кауза. Слободата дава енергија, распостилање на талентот, експлозија на креативната енергија, и Македонците да веруваат во слободата која долго ја немале, и за која долго умирале и се раѓале мажи и жени под ова сонце.Затоа е скапа слободата и таа мора да се брани тогаш кога ни ја одземаат и да се негува и тогаш кога најмногу ја имаме. Да не се откажуваме оваа генерација да ја добие вистинската шанса каква сите претходни ја немавме. Вистинската слобода каде успехот ќе дојде како последица на заслуги и многу труд. Мојата борба е за таа шанса. Шанса да создадеме систем каков денес го немаме, а секој еден од вас го заслужува да го има“, додава тој.

Македонија | пред 3 години

Ковачевски не седнува со Мицкоски во четири очи

Димитар Ковачевски, премиер, најави дека за во среда се поканети Христијан Мицкоски и двајца економисти од ВМРО-ДПМНЕ. Ковачевски посочи дека нема да прифати т.н. „неутрално место“ за средба, туку само на состанок во Влада, во среда.„Местото каде се носат економски политики е Владата односно во економскиот совет во проширен состав, кој функционираше во корона кризата. Сите решенија од таму беа преточени во одлуки на комисии, тела и седници на Влада. Тоа е институционалниот начин за одлуки. Во среда има закажано состанок, каде поканети ќе се претседателот на ВМРО-ДПМНЕ и двајца економисти од ВМРО-ДПМНЕ кои и претходно беа поканети но не дојдоа“, посочи Ковачевски.Тој одби состанок на како што вели „во четири очи“, кога во прашање е Мицкоски.Инаку, претседателот на ВМРО-ДПМНЕ побара од Ковачевски да се сретнат во седиштето на неговата партија, за да му даде понуди односно контакти за купување на поевтина сруја.

Актуелно | пред 3 години

Од шеги до заговори: Немој да пиете шилеговача, видовте што се случува со Данела

Караницата на релација ВМРО-ДПМНЕ - Данела Арсовска не застанува. Скопската градоначалничка последно го повика Христијан Мицкоски, лидер на опозициската партија, да дојде и лично да се пресмета со неа. Тој пак, преку телевизиско интервју ги смируваше страстите посочувајќи дека ова не е војна. Сепак, се чини дека страстите се зовриени, ако се има во предвид дека секојдневно ВМРО-ДПМНЕ испраќа соопштенија до медиумите со кои ја девалвира и дискредитира Арсовска.И јавноста има свои коментари. Дел се шегуваат, на дел ништо не ми е јасно, а трети, имаат своја страна.Дел од нив, објавени на „Твитер“, во проодлжение:„Данела, сега, добра е или лоша? Не разбрав“https://twitter.com/KRodzers/status/1569741548212060162„СДСМ и се воодушевува на Данела. Каков ти е денот таква ти е годината“https://twitter.com/Schiffer_PG14/status/1570374548075290628„Ќе потврди ли сега дпмне дека Данела е Бугарка?“https://twitter.com/AnaFiljana/status/1570507059850018819„Исто како што заврши Тривке невини ќе заврши и данела без ниту еден реализиран проект...“https://twitter.com/NoStAlGicArOt/status/1570358754012499971„Фала #Данела за денешните вмровски солзи. Кралице моја. Срно моја“https://twitter.com/100deutschemark/status/1569321593557368833„Кај е шпицниот Градоначалник, кај се крие? - ДанелаЈас од Нервно:“https://twitter.com/CheGuev21277156/status/1570425607888195586„Уште 5-6 глупи мемиња со Данела и нова година“https://twitter.com/mancesterovec7/status/1570522125718659074„Данела пред поплавите да го фатеше директорчето у мед ќе и простевме“https://twitter.com/Act_A__Fool/status/1570522809310511107„Ипак ја мислам дека Данела премлада влезе у политика.. Мислења?“https://twitter.com/HerrPIPO/status/1570532535914090498„Немој да пиете шилеговача, видовте што се случува со Данела , па таа стана ШИЛЕЖЕ“https://twitter.com/WolverineNase/status/1570550762266296320„Данела решила да се справува со корупција. Сасвим нормално е дека нема да има поддршка од ниедна политичка партија“.https://twitter.com/AntovSr/status/1570648404145090561„Имајки го предвид минатото на Данела не верувам дека решила да се справува со корупција или пак да одолее на партиски влијанија. Мислам дека едноставно не сака да дели со ниту една партија“.https://twitter.com/ibogovitelicno/status/1570650477527986178„Данела Арсовска вели била најдобар градоначалник до сега. За мене од почеток до сега е најголемо разочарување и промашување“https://twitter.com/Nedopirliva1/status/1570656280519540737„И после #Данела не била царица! *само да се мрчело“https://twitter.com/MKDProLet/status/1570656640063635456„Значи Данела е есдееес“https://twitter.com/PinderhughesMKD/status/1570665409262788615„Во ред е да реагира ако брцнале во градскиот мед ама таа се жешти како да брцнале внејзиниот домашен мед, која сама го направила...🙄 Данела пчелката стана оса!“https://twitter.com/ANGELa99046218/status/1570667276617273345„Мора да признаеме дека Данела и се допадна на „заедницата“ затоа што покажа твитерашки шмек, користи наши финти за кревање на рич и си лапа симп фоловери (гласачи) со навежбано „дрско“ а у ствари простачко онесување..“https://twitter.com/zoranveli/status/1570667484927365123

Коментари | пред 3 години

Мицкоски: Пред 31 година народот имаше ентузијазам, енергија и надеж, после 31 година одново се наоѓаме пред крстопат и нови предизвици

Лидерот на ВМРО-ДПМНЕ го честиташе Денот на независноста 8-ми Септември.Честиткатави ја прененесуваме во целостДозволете ми во мое лично име и од името на ВМРО-ДПМНЕ да го честитам Денот на независноста 8-ми Септември.На овој ден народот во огромно мнозинство одлучи дека сака да живее во своја независна, слободна и суверена држава.Пред 31 година народот имаше ентузијазам, енергија и надеж. После 31 година и поминати голем број на премрежја, предизвици, падови одново се наоѓаме пред крстопат и нови предизвици.Овој пат со многу помала надеж и ентузијазам поради лошото искуство низ годините. Имаме земја заглавена во исполнување на стратешките цели, децениско чекање за промени, отсуство на реформи, лош стандард, висок степен на корупција и уште поголема сиромаштија. Граѓаните ги делат истите страдања, истите маки.Македонецот знае да ја препознае тежината на времињата и да го избере патот кој е правичен, сигурен и носи просперитет и иднина.Сега повеќе од било кога се потенцирани предизвиците во форма на негација на македонскиот народ, идентитет, јазик, историја и култура.На Македонија и треба нов 8-ми Септември, нова надеж, национално и сеопштествено обединување околу заложбата за подобра иднина и зачуван идентитет.Како што на 8-ми Септември победи мислата за независна, суверена и самостојна Македонија, така и на претстојниот референдум ќе победи Македонија.Овој референдум ќе ја зацврсти Македонија и сите ние заедно ќе докажеме дека сме достојни на нашите предци и способни да им ја оставите државата просперитетна на нашите деца. Затоа е многу важно сите без разлика на националност, религија и политичка партија да се обединиме и исто како на 8-ми Септември 1991 година.Јас сум цврсто уверен дека македонскиот народ, заедно со Албанците, Турците, Ромите, Србите, Власите, Бошњаците и сите останати има и сила и мудрост да го помине и ова премрежје пред кое се наоѓаме.Нека ни е за многу години независноста.Да живее Република Македонија.Со почит,Проф. д-р Христијан МицкоскиПретседател на ВМРО-ДПМНЕ

Македонија | пред 3 години

Мицкоски со понуда до Ковачевски

Претседателот на ВМРО-ДПМНЕ Христијан Мицкоски денеска од Тетово им понуди на владата на СДСМ и Димитар Ковачевски на следната седница на Собранието веднаш да се стави на дневен ред предлогот за уставните измени, додавајќи дека доколку власта собере 80 пратеници тогаш тој ќе го исполни ветувањето и трајно ќе замине од политиката, а доколку не тогаш Ковачевски да прифати предвремени парламентарни избори.- Верувам во секој еден пратеник од пратеничката група на ВМРО-ДПМНЕ во рамките на парламентот дека под овие околности нема да гласа за промена на уставот и дека доколку се случи такво нешто ќе заминам трајно од политиката, затоа што има полна доверба во сите нив, потенцираше тој.- Еве денеска ќе одам и чекор понапред овде во Тетово, порака до владата предводена од СДСМ и ДУИ, до Димитар Ковачевски веднаш откако парламентот, односно парламентарците ќе се вратат од годишните одмори, првата точка на првата седница во парламентот да биде предлог за измена на Уставот на Македонија. И доколку тој собере 80 пратеника јас следниот ден ќе го исполнам даденото ветување. Доколку тој нема 80 пратеника да одиме на предвремени парламентарни избори. Еве чесна и фер понуда, порача Мицкоски.

Македонија | пред 3 години