МИЦКОСКИ

Мицкоски оствари телефонски разговор со американскиот државен секретар за економија Лутник

„Во текот на вчерашниот ден остварив телефонски разговор со американскиот државен секретар за економија, Хауард Лутник, пријател на Македонија и докажан поддржувач на нашата земја, кој веќе еднаш го посети Скопје“, објави премиерот Христијан Мицкоски и додаде:„Во духот на блиското македонско-американско партнерство, потврдивме дека нашите односи се цврсти, пријателски и исполнети со заемна доверба, при што истакнав и дека стратешкото партнерство со САД е врвен приоритет за Владата.Ја нагласив важноста на американската поддршка за стабилен и просперитетен Балкан, а посебно за прашањата кои се од витално значење за економската соработка.Се согласивме да продолжиме да го развиваме стратешкото и економско партнерство помеѓу двете земји“.

Македонија | пред 1 година

Мицкоски: Згрозен сум од пресудата за смртта на Теодора, Судскиот совет да го преразгледа работењето на судијата, правдата ќе ја истераме до крај

„Корупцијата убива надеж. Ги тера младите да си заминат. Ги обесхрабрува чесните. Го подрива општеството. Сакам да подвлечам дека корупцијата е најголема пречка за растот, развојот и иднината на една држава. Не смееме да делуваме отсутно и да не зборуваме за случаите кои силно удираат по правдата“, вели претседателот на Владата Христијан Мицкоски.Премиерот Мицкоски истакна дека е згрозен од пресудата за случајот во Тетово, каде младата Теодора беше прегазена, а сторителот кој одзема млад човечки живот беше осуден на 2 години казна. Како што рече тој тоа не е правда, туку целосно потфрлање на системот и побара јавно од Судскиот совет да ја преразгледа работата на судијата.„Вчера јавноста, најново се згрози за случајот во Тетово. По сообраќајна несреќа во август 2022 година, на првото судење во ноември 2023 година, по признавање на вина, сторителот кој одзема млад живот беше осуден на три години и шест месеци затвор. По жалба, Апелациониот суд ја намали казната, повторувам, Апелациониот суд ја намали казната на две години затвор, за да Врховниот суд ги укине двете пресуди на Основниот и Апелациониот суд и предметот го врати на повторно судење. Судот во Тетово вчера му досуди две години затвор на сторителот кој смртно одзема недолжен човечки живот, 22-годишната Теодора Ристевска. Повторувам, Судот во Тетово му досуди две години затвор на сторителот кој смртно ја прегази 22-годишната Теодора Ристевска. Јавно да прашам, има ли некој во државава кој смета дека тука имаме задоволена правда?! Јас не само што не сметам дека правдата е задоволена, но и како претседател на Владата, како човек и родител на две деца сум силно разочаран. Ова не е правда, и тука имаме потфрлање на системот по сите основи. Знам дека некој ќе ми се налути, ќе излезат и такви полноглавци коишто ќе ме критикуваат после ова што ќе го кажам, но јавно барам од Судскиот совет да се преразгледа работењето на овој судија и уште еднаш да се реализира оваа пресуда.Ова не е партиска борба, ова е битка за вистината, за одговорноста, за правдата. Затоа што ова е борба меѓу луѓе и нелуѓе. И луѓето мора да победат. Само така можеме заедно да победиме. Ако овој систем не се ресетира сега, ако не се преземат мерки сега, тогаш бадијала ни е сè. Ова не е прашање на политика, ова е прашање на иднината. Кој бил дел од ова, кој дозволил, кој гледал настрана – ќе одговара. И институциите, и одговорните лица, и сите кои на било кој начин придонеле за оваа трагедија да се случи. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата. Ова нема да биде уште еден случај што ќе се затвори без одговорност. Лично ќе го следам и јас ви ветувам дека правдата ќе ја истераме до крај. Ова е моментот кога мораме да покажеме дека законите важат за сите. Затоа што можна следна жртва е секој еден од нас. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата“, дециден е Мицкоски.

Македонија | пред 1 година

Мицкоски: Корупцијата е најголема пречка за развојот и иднината на еден народ, и затоа мојот став е остра и бескомпромисна борба

„Со денешната седница, го конституираме Меѓуресорското тело за координација на активностите против корупцијата. Ова тело претставува чекор напред во обидот конечно да воспоставиме функционален и синхронизиран систем кој ќе ѝ застане на патот на корупцијата“, рече премиерот Христијан Мицкоски и додаде:Но дозволете ми веднаш да бидам јасен:Ова тело нема да биде само уште една административна конструкција.Ние сме овде за да создадеме нова форма којашто ќе има суштина, а нема да биде форма којашто ќе биде без содржина. Сакаме да изградиме механизам што ќе делува – брзо, ефикасно и бескомпромисно.За жал, изминатите години гледавме како корупцијата тивко, но упорно ја разјадува довербата и кај граѓаните, но и во институциите.Судски постапки што траат со години.Обвиненија што никогаш не завршуваат со пресуда.Истраги што се отвораат само кога ќе станат медиумска сензација.Сето тоа создаде чувство кај граѓаните дека правдата е селективна, а корупцијата – прифатена.И токму тоа е најголемата штета. Не само изгубените пари. Туку изгубената верба.Корупцијата убива надеж. Ги тера младите да си заминат. Ги обесхрабрува чесните. Го подрива општеството.Сакам да подвлечам дека корупцијата е најголема пречка за растот, развојот и иднината на една држава.Не смееме да делуваме отсутно и да не зборуваме за случаите кои силно удираат по правдата.Вчера јавноста, најново се згрози за случајот во Тетово. По сообраќајна несреќа во август 2022 година, на првото судење во ноември 2023 година, по признавање на вина, сторителот кој одзема млад живот беше осуден на три години и шест месеци затвор. По жалба, Апелациониот суд ја намали казната, повторувам, Апелациониот суд ја намали казната на две години затвор, за да Врховниот суд ги укине двете пресуди на Основниот и Апелациониот суд и предметот го врати на повторно судење. Судот во Тетово вчера му досуди две години затвор на сторителот кој смртно одзема недолжен човечки живот, 22-годишната Теодора Ристевска. Повторувам, Судот во Тетово му досуди две години затвор на сторителот кој смртно ја прегази 22-годишната Теодора Ристевска. Јавно да прашам, има ли некој во државава кој смета дека тука имаме задоволена правда?! Јас не само што не сметам дека правдата е задоволена, но и како претседател на Владата, како човек и родител на две деца сум силно разочаран. Ова не е правда, и тука имаме потфрлање на системот по сите основи. Знам дека некој ќе ми се налути, ќе излезат и такви полноглавци коишто ќе ме критикуваат после ова што ќе го кажам, но јавно барам од Судскиот совет да се преразгледа работењето на овој судија и уште еднаш да се реализира оваа пресуда.Ова не е партиска борба, ова е битка за вистината, за одговорноста, за правдата. Затоа што ова е борба меѓу луѓе и нелуѓе. И луѓето мора да победат. Само така можеме заедно да победиме. Ако овој систем не се ресетира сега, ако не се преземат мерки сега, тогаш бадијала ни е сè. Ова не е прашање на политика, ова е прашање на иднината. Кој бил дел од ова, кој дозволил, кој гледал настрана – ќе одговара. И институциите, и одговорните лица, и сите кои на било кој начин придонеле за оваа трагедија да се случи. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата. Ова нема да биде уште еден случај што ќе се затвори без одговорност. Лично ќе го следам и јас ви ветувам дека правдата ќе ја истераме до крај. Ова е моментот кога мораме да покажеме дека законите важат за сите. Затоа што можна следна жртва е секој еден од нас. Секој што ја злоупотребил својата моќ, секој што го ставил својот интерес пред безбедноста на граѓаните – ќе се соочи со правдата.Ова е моментот кога мора да покажеме дека законите важат за сите.Оваа борба не е само борба против криминал, корупција туку ова е борба за душата на нашата татковина.За вредностите што сакаме да ги живееме.За тоа дали ќе бидеме општество на ред и закон или на „врски“ и „договори под маса“.Меѓуресорското тело има историска одговорност – да воспостави координација помеѓу сите клучни институции:– Државната комисија за спречување на корупција,– Министерството за внатрешни работи,– Јавното обвинителство,– Финансиската полиција,– Управата за јавни приходи,– Царинската управа,– Министерството за правда,– Министерството за финансии,и други.Овие институции веќе имаат надлежности. Она што им недостасува е:координација, храброст и одговорност.Ова тело мора да биде местото каде што информациите се споделуваат навремено.Каде што никој не премолчува. Каде што се преземаат иницијативи, се следат случаи и се бараат резултати.Но исто така, мораме да ја признаеме и реалноста:За жал, граѓаните не се задоволни од работата на судиите. Судството и обвинителството се слабата алка во борбата против корупцијата.И тоа не е мое мислење. Тоа е впечаток на народот.А народот не греши кога со години гледа како правдата се одложува, извртува, исчезнува.Судството мора да ја врати својата улога – не како нем набљудувач, туку како клучен актер во оваа борба.Ќе ги поддржиме со законски решенија, со буџет, со логистика, сѐ што треба ќе направиме. Но истовремено – бараме отчетност.Не може повеќе предметите да чекаат, додека јавноста очекува.Како што има кажано Винстон Черчил: „Силата на еден народ не се мери само со армијата, туку и со правдата што тој народ ја гарантира.“Граѓаните не сакаат спектакл. Тие сакаат резултати. Сакам да гледаме функционери коишто кога ќе се огрешат, кога ќе бидат вовлечени во криминал ќе одговараат, институции што не толерираат, и систем што штити – не краде.Нема да дозволиме борбата против корупција да остане на хартија.Ќе следиме конкретни резултати. Ќе поставиме индикатори и истите ќе ги објавуваме јавно.Нема веќе недопирливи. Нема веќе „тој е наш“.Јас лично – како претседател на Владата – ќе бидам дел од секој извештај, секоја средба, секоја проценка.Ќе бидам најгласниот поддржувач на ова тело, но и негов најголем критичар – ако не дава резултати, се разбира.Ова не е борба на една Влада. Ова е борба на целото општество.И затоа ги повикувам сите – граѓаните, медиумите, невладиниот сектор, бизнисот – да бидат дел од овој процес.Да пријавуваат. Да реагираат. Да не молчат.Ќе изградиме систем каде што функцијата ќе значи служба, а не привилегија.Каде што законот ќе важи за сите – не само за обичниот човек.Каде што младите ќе останат тука – затоа што ќе имаат причина да веруваат.И не заборавајте корупцијата е најголемата пречка за растот, развојот и иднината на една држава.Да создадеме држава која нема да се срами од вистината. Туку ќе се гордее со неа.Држава во која корупцијата не е навика – туку забранета зона.Држава во која не победуваат најгласните – туку најчесните.

Македонија | пред 1 година

Мицкоски: Наш предизвик и цел како Влада во периодот кој следи, е да го подигнеме социјалниот и економски статус на Ромите

„Во името на Владата и во мое лично име на сите граѓани од ромската етничка заедница им го честитам 8 Април - Меѓународниот ден на Ромите“, вели премиерот Христијан Мицкоски и додава:Македонија е земја која историски и традиционално гледано секогаш била пример за толеранција, разбирање и инклузивност на своите граѓани без разлика на нивната етничка или верска припадност.Наш предизвик и цел како Влада и како држава, во периодот кој следи, е да го подигнеме социјалниот и економски статус на Ромите, а со тоа и подобрување на целосната положба на Ромите во сите сфери на општественото живеење.Ова е процес кој мора да започне од потполна достапност до системот на образование и едукација, преку организиран и институционален систем на заштита од дискриминација, до апсолутна вклученост на Ромите во економските и социјални текови на нашата заедница. Македонија е земја со ограничени ресурси и затоа мора својот приоритет да го постави во насока на искористување на сите кадровски и човечки потенцијали со кои располага, со стремеж постигнување на заеднички напредок.Најдобар одговор за социјалното и економското назадување е образованието. Нашите напори се да воспоставиме реформи кои земјава ќе ја реформираат, унапредат и обезбедат иднина и развој.Мораме да ја претвориме нашата земја во држава која дава еднакви можности на сите, која ќе го цени и вреднува успехот и квалитетот на индивидуалецот, како предуслов за градење на подобра иднина на сите.Заедно можеме повеќе, подобро и само така Македонија ќе биде нашиот заеднички дом.

Македонија | пред 1 година

Царините кои ни ги воведе САД се резултат на некаква грешка, контактираме, очекуваме да излеземе од состојбава, рече Мицкоски

Премиерот Христијан Мицкоски рече дека работат на темата со царините, кои американскиот претседател Доналд Трамп ги воведе за увозот од 180 земји, вклучувајќи ја и Македонија. За увозот од Македонија, Трамп одреди царина од 33 отсто.„Очекувам многу скоро да се корегира ова што очигледно е резултат на некаква грешка. Ние сме во дефицит во 2024 година, а тие кои се во дефицит немаат вакво зголемување на даноците. Во контакт сме со Амбасадата, со Министерството за економија.. Така што очекувам да се излезе од оваа состојба“, рече Мицкоски.Тој посочи дека ако земјите од ЕУ не го надминат ова со САД, ефектите по домашната економија ќе бидат поголеми.„Процесот е сензитивен, не би откривал ништо додека сѐ не се заврши. Додека не се заврши - нема ништо, кога ќе се заврши, ќе соопштиме“, додаде Мицкоски.Трговската размена меѓу Македонија и САД минатата година изнесувала 314 милиони долари, од кои што 118 милиони долари е извоз на Македонија.Трамп воведе царини од 20 отсто на земјите од ЕУ, како и 34 отсто на Кина. На Балканот, најголема царинска стапка отсега ќе има Србија – 37 отсто, по што следува БиХ со 35 отсто, додека Албанија и Косово ќе имаат по 10 отсто.Новите царински стапки треба да стапат во сила задутре.

Македонија | пред 1 година

Ниту Таравари заминува, ниту Димитриевски доаѓа: Реконструкција на Владата нема да има пред локалните избори

Премиерот Христијан Мицкоски рече дека нема да има реконструкција на Владата пред локалните избори. Ова доаѓа откако дел од медиумите објавија дека Максим Димитриевски се подготвува да биде нов министер за одбрана.Ова би значело дека и Арбен Таравари останува министер за здравство, наспроти информациите во јавноста дека тој ќе замине од функцијата.Претходно на ова прашање одговараше Изет Меџити од Вреди, кој рече дека реконструкција на Владата е возможна, но не е планирана.

Македонија | пред 1 година

Мицкоски за царините на Трамп: За скоро денеска очекувам добра вест

Премиерот Христијан Мицкоски рече дека работат на темата со царините, кои американскиот претседател Доналд Трамп ги воведе за увозот од 180 земји, вклучувајќи ја и Македонија. За увозот од Македонија, Трамп одреди царина од 33 отсто.„Работиме и на таа тема. Со САД сме во постојана комуникација и со Министерството за економија и Министерството за финансии. На дневна основа работат тимови и телефонски се разговара. За многу скоро денеска очекувам добра вест за македонските граѓани и македонската економија“, рече Мицкоски.На презентацијата на новите царини во Белата куќа, Трамп покажа серија табели со детали за царинските стапки, но и за царинските стапки кои што другите земји и ги наметнуваат на САД. Во овие царински стапки на другите земји од администрацијата на Трамп велат дека се вклучени „манипулации со валутите и трговски бариери“. За Македонија, оваа бројка изнесува 65 отсто, но не е јасно како е пресметана.Трговската размена меѓу Македонија и САД минатата година изнесувала 314 милиони долари, од кои што 118 милиони долари е извоз на Македонија.Трамп воведе царини од 20 отсто на земјите од ЕУ, како и 34 отсто на Кина. На Балканот, најголема царинска стапка отсега ќе има Србија – 37 отсто, по што следува БиХ со 35 отсто, додека Албанија и Косово ќе имаат по 10 отсто.Новите царински стапки треба да стапат во сила во текот на наредните седум дена.

Македонија | пред 1 година

(Видео) Мицкоски до Ахмети: Вратете се на џогирање на падините на Водно, ќе ви се разбистри умот за да дадете квалитетна идеја

Премиерот Христијан Мицкоски тврди дека ДУИ се уплашени оти треба да одговараат, па ги делат граѓаните. Им порача да се посветат на џогингот и зелената агенда, но остава на нив да одлучат. Според него, ДУИ предизвикува етнички тензии и во јавноста наметнува етнички предзнак на многу прашања, оти се водат истраги против нивни функционери.„Јас би ги повикал да се вратат на зелената агенда што ја промовираа пред неколку години, кога џогираа на падините на скопско Водно, можеби при таков еден џогинг, ќе им се разбистри умот и ќе дадат една квалитетна идеја“, рече Мицкоски.За обвинувањата од Али Ахмети, Мицкоски рече: „Навистина толку успеси има оваа Влада, што беспредметни е да се коментираат изјавите на Али Ахмети. Не ги делиме граѓаните, имаме мултиетничко општество кое не го делиме. Ние ги делиме граѓаните на лојални и чесни кои почитуваат Устав и закони и оние кои не почитуваат“.

Македонија | пред 1 година

Мицкоски: Трагедијата во Кочани да ни биде потсетник дека човечноста, солидарноста и заедништвото се најсилното оружје што го имаме

Премиерот Христијан Мицкоски се обрати на редовниот годишен состанок на Постојаниот комитет на Парламентарното собрание на НАТО, кој денеска се одржува во Собранието на Република Северна Македонија.Нагласи дека треба да се размисли за воведување на механизми каде нема да се дозволи билатерални спорови да бидат пречка за остварување на колективната и заедничка цел.Во продолжение говорот на премиерот Мицкоски:„Пред само неколку недели, нашата нација беше погодена од трагедија која остави длабоки рани во срцата на нашите граѓани. На 16 март, во пожар во ноќен клуб во Кочани, животите ги загубија 59 млади луѓе, а над 150 беа повредени. На огромна жал вчера животот го загуби и Александар Карадаковски. Лекарите се бореа до последниот момент да го спасат неговиот живот. Битката продолжува.Оваа несреќа не само што ни покажа колку е кревок животот, туку и ја истакна важноста на солидарноста и меѓусебната поддршка.Во тие тешки моменти, сведочевме на вистинска солидарност од нашите сојузници и партнери. Девет европски држави понудија помош на нашата земја веднаш по трагедијата во Кочани. Европската унија, пак, преку механизмот за цивилна заштита, координираше медицински евакуации на повредените до специјализираните болници во регионот.Оваа трагедија ни покажа дека солидарноста не е само збор, туку дело што ги поврзува народите. Таа е темелот на нашата Алијанса-принцип што не води во заедничките напори за зачувување на мирот и безбедноста.Солидарноста значи дека кога еден од нас страда, сите страдаме.Кога еден е во неволја, сите притрчуваме на помош.Во изминатите пет години од нашето членство во НАТО, активно придонесувавме кон колективната безбедност и стабилност на Алијансата.Нашите вооружени сили учествуваа во НАТО мисиите во Косово и Авганистан, демонстрирајќи ја нашата посветеност кон заедничките цели. Ја зголемивме одбранбената потрошувачка со јасен план да постигнеме резултат којшто ќе биде поголем од 2% од нашиот БДП, со што ја зајакнавме способноста да придонесеме кон колективната одбрана. Преку организација на вежби за цивилна подготвеност и придонес во НАТО Фондот за одговор на пандемии, покажавме дека сме подготвени да преземеме одговорност и во мир и во криза.Во изминатите пет години, значително ја подобривме интероперабилноста на нашите вооружени сили со оние на другите сојузници.Преку учество во заеднички вежби, нашите војници стекнаа искуство и знаење што ја подобри нивната ефикасност во мултинационални операции. Интеграцијата во НАТО системите за воздушна и ракетна одбрана овозможи подобро споделување на информации и координација т.е. суштинска компонента на модерната безбедност.Во духот на нашата заложба за целосна интеграција, спроведуваме темелни реформи во одбранбениот сектор.Работиме на подобрување на стратешкото планирање, цивилната контрола врз армијата, модернизацијата на опремата и транспарентноста во управувањето со одбранбените ресурси.Обуките се одвиваат според НАТО-доктрини, а новите институционални механизми нè прават поотпорни на хибридни закани. Сето тоа е одраз на нашата политичка волја и консензусот дека безбедноста и интегритетот на државата се врвен приоритет.Иако сме горди на постигнатото, свесни сме дека патот не завршува тука.Хибридни и сајбер закани, дезинформации, климатски кризи-сите тие бараат постојана адаптација и координација.Продолжуваме да инвестираме во човечки капитал, дигитална отпорност и капацитети за брза реакција. Но најважно од сè-остануваме доследни на вредностите кои нè обединуваат: демократијата, слободата, владеењето на правото и солидарноста.Регионалната соработка е клучна за стабилноста на Балканот. За нас тоа претставува одговорност и прилика да биде мост-меѓу народи, меѓу институции, меѓу визии.Преку иницијативи како Јадранската повелба и билатерални партнерства со соседните држави, вложуваме во безбедност што не познава граници.Веруваме дека Балканот може и треба да биде пример за решавање на разлики преку дијалог и заемна почит.Нашата татковина во многу наврати ја докажа својата солидарност со останатите држави во светот. И во својот трнлив пат до целта направи многу отстапки, многу одрекувања, и многу од нив наидоа на дебата кај граѓаните, некои внесоа оправдано сомневање, но истраавме и ја покажавме својата лојалност кон вредностите кон кои и понатаму веруваме.Од друга страна не секогаш го добиваме она што го очекуваме, и таквата лојалност спрема нашите заложби се исполнувала.Тоа е чувството кое го има секој еден кон нас и секој еден граѓанин.Мислам дека е важно да се знае ова, ниту пак треба да се скрие ова горко чувство кај секој еден Македонец, каде и да се наоѓа во светот.Пријатели си помагаат, но и пријатели искрено си ги кажуваат своите чувства и забелешки. Сметам дека треба да се размисли и за воведување на механизми каде нема да се дозволи билатерални спорови да бидат пречка за остварување на колективната и заедничка цел. Ако ние сите заедно ја чуваме куќата, тогаш и заедно имаме право да си ги кажеме нашите проблеми, разочарувања и очекувања. Ние ќе останеме лојален партнер, и заедно и посветено ќе работиме кон остварувањето на колективните цели.Сосема на крај,Предизвиците се менуваат, но нашата заедничка решителност мора да остане цврста.Нека трагедијата во Кочани ни биде потсетник дека човечноста, солидарноста и заедништвото се најсилното оружје што го имаме.Нека ова ни биде дополнителна обврска, да бидеме подобри, поблиски и побезбедни, заради граѓаните кои ни ја дале честа да ги водиме.“

Македонија | пред 1 година

Мицкоски за синдикатите: Претходната влада вештачки ја зголемувала минималната плата и не исплаќала, ние секој договор меѓу синдикатите и стопанствениците ќе го поздравиме

Премиерот Мицкоски рече дека Владата не може да биде добра за сите, но е добра за големо мнозинство. Според него најдобар одговор за оние кои не ја поддржуваат работата на оваа влада е таа да работи без афери и скандали и да испорачува резултати.„Доколку продолжиме многу да работиме без афери, без скандали, без корупција ќе испорачуваме резултати, како на пример 1 милијарда 255 милиони странски инвестиции кои се историски рекорд, 400 милиони само во 4 квартал, раст на БДП во третиот квартал од 3%, во четвртиот 3,2%, не би се изненадил ако биде помеѓу 3,5 и 4% во првиот квартал. Расте извозот во првиот квартал од 5%, замислете во оваа криза, зголемени се пензиите за 5.000 денари линеарно, нешто за кое велеа дека е невозможно, се потпишаа колективните договори, веќе тргна исплатата на повисоки плати за здравствените работници и образовните работници, МВР доби 10% зголемување“, изјави Мицкоски во гостувањето во емисијата „За или Против“ на телевизија Алфа.Премиерот потсети дека дополнително во изминатиот период била вратена еврообврзница од половина милијарда евра, 250 милиони евра се дадоа како поддршка на стопанството, а исто толку средства и за општините, а сметката на владата од минус 12 милијарди денари сега е помеѓу 3 и 4 милијарди во плус и сето тоа е резултат на многу залагање и труд. Мицкоски посочи дека сега една група од синдикатите со која имал средби забележува дека немало економско социјален дијалог, при одредувањето на минималната плата.„Немаме репрезентативен синдикат затоа што репрезентативноста истекла. Именувавме комисија, претставници од 3 институции, од Министерство за социјални работи, демографија и млади, од Министерство за правда и од Министерство за економија и труд. Ја поминавме на владина седница, таа комисија ќе се состане и ќе одреди репрезентативен синдикат. Ние што треба да направиме како Влада? Знаеме дека согласно закон треба да донесеме одлука за минималната плата. Ние како Влада мораме да постапиме согласно закон, таму има методологија и ние донесовме врз основа на закон. Но велиме, секоја одлука, секој договор кој ќе го постигнат работниците и работодавачите во било кој период од годината ние ќе го поддржиме“, рече Мицкоски.Премиерот Мицкоски истакна дека како Влада најлесно ќе биде да каже минималната плата ќе биде 30.000 или 60.000 денари бидејќи ќе значи поголем број уплати на здравствено осигурување и персонален данок.„Ние до вакво дереџе дојдовме со таков тип на интервенционизам, како што тоа беше во годините позади нас. Инаку нас ни е најлесно. На 25 илјади денари придонесите се теоретски 12 илјади денари, на 30.000 се 15 илјади денари. Разликата е 3.000. Таа завршува во буџетот. Претходната влада што правела? Вештачки ја зголемувала минималната плата, но тоа не го почитувала кога станува збор за вработените во јавната администрација. И затоа сега одбрана и МВР плаќаат тужби во милиони евра“, посочи Мицкоски и дополни дека на пример во минатиот период на синдикатот УПОЗ им беше понудено покрај законското зголемување да има зголемување во 4 години 7-5-5-7 % покрај законското под услов да се тргне колективниот договор за кој и двете страни утврдиле дека е лош, но разговорите престанаа и почнаа протести.

Македонија | пред 1 година

Мицкоски: Без оглед на разликите со Филипче, потребно ни е единство за Македонија и важните прашања

„Се побара средба, јас веднаш одговорив, доколку се има некаков план за волја на вистината немаше таков план, таква реторика еве ова е мојот план, чекор еден, два или три. Туку едноставно побараа вклучување и еден инклузивен процес. Ценам дека како политичар и како човек, како најголеми треба да привлечеме од сите слоеви од општеството и интелектуалци, и невладини, и политички партии кои што можат да помогнат да помогнат во одредени процеси“, вели Христијан Мицкоски претседател на Владата во интервју во емисијата „За или против“ на ТВ Алфа.Премиерот Мицкоски истакна дека без оглед на разликите кои ги има со претседателот на СДСМ Венко Филипче, потребно е единство и обединување за важните прашања за Македонија.„Јас ценев дека со една ваква средба ќе испратиме порака, дека ние политичарите ја научивме лекцијата и дека кон граѓаните треба да рефлектираме порака на обединување, на единство, посебно околу клучните прашања, стожерните прашања и низ поинаква оптика да ги гледаме работите кога станува збор за таков тип на прашања. А воедно во услови на траор, во услови на специфична емотивна состојба на населението да испратиме порака дека политичарите не се оние кои што со ниски страсти на дневна основа комуницираат, со политиканство гледаат да спечалат некаков политички поен. Туку може да се покаже ширина и да се рефлектира таа ширина кон јавноста“, дециден е Мицкоски и додаде јавноста нека суди дали погрешил или направил добар чекор што остварил лидерска средба со претседателот на СДСМ, Филипче.Јавноста нека суди дали сум погрешил или сум направил добар чекор, но во овој момент тоа во Македонија е потребно.

Македонија | пред 1 година

Мицкоски на маса со Филипче: Сакам да се знае дека одговорност, мудрост и чесност и се повеќе од потребни на Македонија!

Премиерот Христијан Мицкоски објави фотографии од средбата со лидерот на СДСМ, Венко Филипче.„Средба каде разговараме за актуелните случувања, и од која сакам да се знае дека одговорност, мудрост и чесност и се повеќе од потребни на Македонија!“, напиша Мицкоски.Во овој состанок нема етничка основа, рече лидерот на СДСМ, Венко Филипче, кој отиде на средба со премиерот Христијан Мицкоски. Тој од пред Владата посочи дека очекува конструктивен разговор.„Очекувам конструктивен разговор, навистина ми е драго што премиерот го прифати состанокот уште веднаш. Жалам што одредени политички партии уфрлија етничка димензија. Повикот за меѓупартиска средба е за сите партии. Ќе поразговараме за темите кои сметам дека заеднички треба да се менаџираат. Темите ги нафрлив вчера, денеска ќе се обидам подетално да му ги објаснам, така како што мене ми е размислувањето. Отворен сум да разговараме за сите опции. Внимателен оптимист сум“, рече Филипче.

Македонија | пред 1 година

Филипче влезе на состанок со Мицкоски: Јас сум внимателен оптимист

Во овој состанок нема етничка основа, рече лидерот на СДСМ, Венко Филипче, кој отиде на средба со премиерот Христијан Мицкоски. Тој од пред Владата посочи дека очекува конструктивен разговор.„Очекувам конструктивен разговор, навистина ми е драго што премиерот го прифати состанокот уште веднаш. Жалам што одредени политички партии уфрлија етничка димензија. Повикот за меѓупартиска средба е за сите партии. Ќе поразговараме за темите кои сметам дека заеднички треба да се менаџираат. Темите ги нафрлив вчера, денеска ќе се обидам подетално да му ги објаснам, така како што мене ми е размислувањето. Отворен сум да разговараме за сите опции. Внимателен оптимист сум“, рече Филипче.Иницијатор на средбата беше Филипче, кој претходно истакна свои барања и рече: „Системот очигледно на многу места не функционира како што треба, јавните сервиси немаат прерформанс каков што граѓаните навистина заслужуваат и за тоа вина имаме сите политички партии СДСМ, ВМРО-ДПМНЕ, ДУИ, другите политички партии на Албанците и останатите партии. Сметам дека, слушајќи го овој аларм и барањата од граѓаните, потребно е да се направи еден систем, една нова форма на политички и општествен дијалог во кој ќе се вклучат сите политички партии пред сè најголемите и секако други чинители во општеството со цел да се изготват стратешки документи врз основа на кои ќе се направи стратегија врз основа на која државата ќе функционира повеќе од една деценија, деценија и пол или две децении – многу повеќе од мандатот на која било влада и партија или коалиција која ќе ја води. Во некои области очигледно мора да знаеме каде одиме“.

Македонија | пред 1 година

(Видео) Беџети од ДУИ и Мицкоски влегоа во „клинч“, се дискутира според кој закон може да се „влече за уши“

Пратеникот на ДУИ, Блерим Беџети упати пратеничко прашање кон премиерот Христијан Мицкоски и го обвини дека се мешал во правосудната власт преку прес-конференцијата која ја одржа во Владата. Според Беџети, премиерот обвинувал. На ова, возврати Мицкоски кој кажа дека тој не го прави тоа што не сака да му го прават на него.„Јас никогаш не се изразив како што вие велите, да било кого осудам пред време иако ние како политичка партија, знаеме што значи да се биде жртва на таков тип квалификации, сме го почувствувале тоа. За нас важи правило не им го прави на луѓето тоа што не сакаш да ти го прават. Јавното обвинителство ја води истрагата, а кога ќе ја заврши, ќе се произнесе дали обезбедените лица се  осомничени или не. Јас не би обвинувал, ниту сум обвинувал како што вие велите. Точно е дека јавно кажав, со триста огради, дека може да влијаам на истрагата ако кажам дека постои фалсификуван документ/лиценца за истиот клуб каде се случи трагичниот настан и точно е дека откако се провери во архивата, под тој архивски број е друг документ заведен. Документите (лиценците) се издавани од Министерството за економија, таму јас не сум бил министер, министри (со исклучок), од 2008 година наваму биле предлози на ДУИ. Овој клуб почнува во 2012 година, а тогаш бил министер од ДУИ. И додека постоел, министер бил од ДУИ. Тогаш се поставува кој ги потпишувал овие документи? Таму стои ‘во име на министерот’... Да почекаме обвинителството да се произнесе, нели го браневте? Тие дојдоа таму, тие ја водат истрагата. Нека ја завршат, да видиме, можеби јас ќе бидам осомничен, можеби Тошковски, можеби некој друг и тогаш да направиме заклучок дали е селективно или не “, рече Мицкоски.Потоа, Беџети излезе на говорница го праша Мицкоски, кој закон му овозможува да спроведува правда со влечење за уши, алудирајќи на негова претходна изјава. Беџети констатираше дека имало дофрлање „според нашиот“, па искоментира.„Ооо... тогаш важи вашиот закон во оваа држава, не законите и Уставот. Се надевам дека целата јавност го слуша овој одговор, дека од законот на премиерот Христијан Мицкоски, можат да се влечат луѓе за уши“, рече Беџети.

Македонија | пред 1 година

Мицкоски побара МВР и Финансиска да ја „тресе“ Левица оти купила евтин деловен имот, го праша Апасиев дали ќе се наддава и за Соравија

Премиерот Христијан Мицкоски, одговарајќи на прашање на лидерот и пратеник на Левица, Димитар Апасиев, обвини дека купил деловен простор по ниска цена а во центарот на Скопје, како и дека сторил кривично дело. Потоа ги повика институциите да истражат. На ова одговори и Апасиев, кој го нарекува Мицкоски „северномакедонски премиер“, посочувајќи дека е спремен за кривичната пријава.„Политичката партија Левица купила деловен имот од 409 метри квадратни на адвокатската улица зад седиштето на компанијата А1, верувале или не, за цена од 295.000 евра со ДДВ или просечно квадратот на овој објект е 721 евро во центар на Скопје. За какво кривично дело е ова професоре? Сега ќе ви кажам.. Градот Скопје ви пресметал дека ова кривично дело кое го зборувам е еднакво на цена квадрат од 1150 евра, па сте платиле данок во вредност од 739.285 денари. Ова кривично дело е, некое кривично цело, ќе видиме, ќе се позанимаваат органите. Ова дело е преку Универзална инвестициона банка“, рече Мицкоски.Потоа му покажа фотографија од „Соравија“.„Што е заедничко помеѓу ова и ова? Извршителот Андреја Буневски. Тој е заеднички извршител за двата објекти. За Соравија очигледно не успеа бизнисот и е закажано јавно наддавање и проценета на 22.4 милиони евра, па имам дилема, дали како што го купивте овој деловен објект, а сте неподмитливите, ќе наддавате и за Соравија од 22.4 милиони евра“; додаде Мицкоски.Потоа Апасиев се обрати до МВР и Финансиската полиција.„Прво да проверат дали има основа за кривично дело, дали Левица сторила кривично дело, нема да кажам кое, ќе оставам професорот Апасиев да каже, така што го купила овој простор по 721 евро по метар квадратен, а вреди најмалку трипати повеќе, а Градот Скопје вели дека најмалку 50 проценти повеќе вреди, а потписник на договорот е Димче Апасиев, професор на Правниот факултет во Штип“, додаде Мицкоски.Апасиев му посочи дека е спремен за кривична пријава, па потоа додаде дека подготвува кривична против Мицкоски за попречување на правдата и оддавање службена тајна. Апасиев му посочи на Мицкоски дека тоа не му одговара на пратеничкото прашање и дефокусира, е „синдром на дива коза“.„Синдром на дива коза или дијареја, се вика ова што вие го правите. За се се правите флека, не зборувате за се што сте прашан, туку за други. Ние купивме подрумски простории со приземје, затоа е таа цена.  Мене и Заев ова ми го правеше. Да сум имал страв од вакви,  немало да се бавам со политика. Уште утре да ми поднесете кривична пријава, како што јас ќе ви поднесам за оддавање на службена тајна. Немојте вие да зборувате за поштеност.  Вашите два часовници вредат колку таа зграда“, врати Апасиев.

Македонија | пред 1 година

Нема фотографија

Талески за скандалот на бодигардот на Мицкоски: Кој му ги доставил доверливите информации на Самараков?

Пратеникот на СДСМ, Миле Талески на денешната собраниска седница посветена на пратенички прашања, упати прашање до министерот за внатрешни работи Панче Тошковски, кое се однесуваше на криминалните скандали со обезбедувањето на премиерот, кои станаа секојдневие.Во продолжение интегрален текст од прашањето:Моето трето прашање е поврзано со криминалните скандали со обезбедувањето на премиерот, кои станаа секојдневие.Ангел Самараков, припадник на најтесното обезбедување на премиерот Мицкоски, беше фатен како оддава доверливи информации. Со докази, со видео, слики. Фатен жив.Како е можно лице со такво однесување и поврзаност да биде дел од обезбедувањето на премиерот е прашање кое вака лебди во јавноста.Оти Самараков не е случајна фигура во безбедносниот тим на премиерот. Тој е долгогодишен партиски кадар на ВМРО-ДПМНЕ, неговата сопруга беше кандидат за советник од истата партија.А не е ниту изолиран случај. Ова е втор скандал за кратко време. Пред само неколку месеци, јавноста дозна дека шефот на обезбедувањето на премиерот физички нападнал полицаец кој бил на должност за време на акција против трговија со дрога.Овие инциденти министре отвораат сериозни прашања за безбедносниот апарат, но и за можната поврзаност на луѓе од власта со криминални структури.На неговото ниво, во структурата на МВР, тој немал пристап до таков вид на информации, значи морало да има некој што има пристап, за да му ги даде.Затоа, Ви ги поставувам следното прашање:Кој му ги доставил доверливите информации на лицето Ангел Самараков?Граѓаните имаат право да знаат дали безбедносниот систем воопшто функционира или служи на лични интереси поврзани со подземјето. Мора да има одговорност, транспарентност и итна постапка за расчистување на овие наводи.Затоа што ова е борба за каква држава ќе бидеме – правна и безбедна, или заробена од мафијата.

Македонија | пред 1 година

Филипче ќе бара состанок со Мицкоски, премиерот е спремен да седне со него и на полноќ - темата ќе бидат системските слабости

Претседателот на СДСМ, Венко Филипче повика премиерот Христијан Мицкоски на тет-а-тет средба, а потоа и на лидерска средба. Мицкоски пак, му одговори дека е спремен да се сретнат ако треба и на полноќ. Филипче смета дека треба да разговараат по трагедијата во Кочани, бидејќи, според него, системот на многу места не функционира и јавните сервиси немаат перформанс каков граѓаните засложуваат.„Јас ќе побарам состанок уште денеска или утре согласно агендите да ја организираме таа средба. Сега дадов малку подетално објаснување и се надевам дека кога политичките партии ќе го слушнат ова навистина ќе ја прифатат таа лидерска средба, но добро е прво тоа да го разговараме со премиерот имајќи предвид дека тој прв подаде рака и одговори дека средбата е прифатлива. Навистина не знам што од она што го кажувам како концепт би било неприфатливо или некој не би сакал да разговара кога тоа е констатација на секој еден граѓанин во државата“, рече Филипче.На ова, одговори Мицкоски.„Јас во една моја изјава кажав дека ова сериозна тема, а за сериозна тема се седнува и се разговара. Непристојно е преку медиуми да се разговара. Ако има план, подготвен сум да го примам на средба претседателот на СДСМ, за да го образложи планот. Ќе го прераспределам мојот распоред, на полноќ на полноќ, кога треба.. Ако планот има пристап ‘стабри’ (фантом фирма за која ВМРО-ДПМНЕ тврдеше дека била планирана од Заев и Филипче за книжење провизии од кинеските вакцини), тогаш таков план не можам да прифатам“, врати Мицкоски.Филипче ги оправда револтот и бесот на граѓаните бидејќи, како што рече, она што се нарекуваат реформи и транзиција очигледно не го дале посакуваниот резултат повеќе од три децении наназад.

Македонија | пред 1 година

И свети ВМРО нека е ќе биде казнет ако има сомневања за криминално однесувања, вели Мицкоски за обезбедувачот од МВР кој заврши во затворот во Шутка

Премиерот Христијан Мицкоски, вели дека апсењето Ангел Сарамаков од Велес, полицаец и член на неговото обезбедување е порака дека никој нема да биде поштеден ако стори криминал, без разлика колку му е нему близок.„Претпоставувам е ангажиран откако сум избран за претседател на Владата и откако се екипираше тимот. Но пораката е важна, дека ваков тип на однесување, каде постојат основани сомневања за криминално однесување, ќе бидат санкционирани. Се сеќавате дека имаше лица кои беа страв и трепет, вршеа прљави работи за Влада, а не беа санкционирани. Кој и да е, и брат и сестра да ми е и свети ВМРО да е, ако ја изневери довербата на граѓаните, ќе биде најжестоко и најостро санкциониран“, рече Мицкоски.Ангел Сарамаков од Велес, полицаец и член на обезбедувањето на премиерот Христијан Мицкоски, доби 30-дневен притвор под сомнение дека сторил кривично део „оддавање службена тајна“. Тој е спроведен во затворот во Шутка, каде ќе ја издржува мерката. Сарамаков беше фатен во акција спроведена од Обвинителството за гонење организиран криминал и корупција и МВР, а беше затекнат во возило „БМВ“ заедно со уште едно лице кое засега не се гони.

Македонија | пред 1 година

Филков и Милошоски имале лош ден, вели Мицкоски откако пратеникот и министерот јавно се скараа

Пратеникот на ВМРО-ДПМНЕ, Антонијо Милошоски и минситерот за правда, Игор Филков, вчера имале лош ден. Ова го посочи премиерот Христијан Мицкоски, откако тие двајца јавно се искараа.„Милошоски е дел од мојот најблизок периметар, тој е додадена вредност во рамките на партијата. Соработката со Милошоски ја оценувам на највисоко ниво“, рече Мицкоски.Потоа го искоментира и министерот Филков.„Филков знам каква состојба затекна во Минситерството, се координираме на дневно ниво за реформите. Но она што можев да го заклучам, а убеден сум дека ова ќе застане на овие два лични ставови, секој има право на лош ден, па така мислам дека тој лош ден и за едниот и за другиот помина“, додаде Мицкоски.Тој кажа дека и соработката со ВЛЕН е квалитетна, а Владата е стабилна.„Имаме исклучително квалитетна соработка, Владата е стабилна, граѓаните да бидат стабилни. Повеќе од 2/3, официјално 78 пратеника ја поддржуваат оваа Влада. Огромно е позитивното мислење дека Македонија се движи во правилна насока“, рече Мицкоски.

Македонија | пред 1 година

Обезбедувачот на Мицкоски требало да земе 50.000 евра за документите од МВР, фатен бил на паркинг, соопшти Обвинителството

Јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција при ОЈО ГОКК донесе Наредба за спроведување на истражна постапка против самостоен инспектор припадник на Единицата за лично обезбедување на Претседателот на Владата на РСМ, осомничен дека од користољубие сторил кривично дело Оддавање службена тајна.„Осомничениот како службено лице, вечерта на 30.3.2025 година на паркинг просторот пред хотел во Велес се сретнал со неповикано лице – сведок во постапката и му покажал службени документи на МВР, што претставуваат службена тајна. Притоа му дозволил на сведокот истите да ги снима, кажувајќи му кој документ за што се однесува. На овој начин, осомничениот од користољубие, а со цел да бидат објавени на социјалните мрежи, сторил достапни службени документи што претставуваат службена тајна, со цел да прибави паричен износ од 50.000 евра од лицето за кое се однесувале документите.Ценејќи ги околностите јавниот обвинител утврди дека се исполнети условите, па на судијата на претходна постапка при Основен кривичен суд Скопје му предложи на осомничениот да му определи мерка притвор во траење од 30 дена, кој предлог беше прифатен од судот.За ова кривично дело предвидено и казниво по член 360 од КЗ е предвидена затворска казна од најмалку една година.НАПОМЕНА: Основното јавно обвинителство за гонење на организиран криминал и корупција укажува дека ниту лицата, ниту документите во овој предмет, не се поврзани со лицата и групата од Грчец, како што во текот на вчерашниот и денешниот ден објавија дел од медиумите“, велат од Обвинителство.

Македонија | пред 1 година

Мицкоски: Денеска започнува исплатата на повисоки пензии за 2.500 денари, со тоа го испорачавме нашето ветување за повисоки пензии од 5.000 денари

„Напорната работа носи резултати. Имам одлична вест за сите пензионери. Од денес започнува исплатата на повисоки пензии за 2.500 денари. Со тоа го испорачавме нашето ветување за повисоки пензии од 5.000 денари“, им порача претседателот на Владата Христијан Мицкоски на пензионерите во денешното видео обраќање.Премиерот Мицкоски нагласи дека со ова е исполнето ветувањето за линеарно зголемување на пензиите од 5.000 денари на повеќе од 300.000 пензионери.„Повеќе од 300.000 пензионери ќе имаат повисоки пензии за 5.000 денари. Да, Македонија има многу проблеми. Да, проблеми има во секој дел од општеството, но затоа сме ние тука да ги решаваме проблемите и со решавање на проблемите Македонија ќе биде повторно горда, а на овој начин Македонија ќе биде повторно ваша. Нека е со среќа повисоки пензии, долговечно да ги користите, со многу радост, љубов и среќа во вашите семејства“, вели премиерот Мицкоски.

Македонија | пред 1 година

Безбедноста на Мицкоски не е загрозена, истрагата е во тек, вели Митева по апсењето на обезбедувачот на премиерот

Безбедноста на премиерот Христијан Мицкоски не е загрозена, вели портпаролката на Владата, Марија Митева, за „Скопје1“, а по апсењето на Ангел Самараков од Велес, член на неговото обезбедување, кој се сомничи дека од МВР извлекол материјали кој требало да ги предаде на трети лица. Засега останува непознато за какви материјали станува збор.„Не е загрозена безбедноста на премиерот. Истрагата е во тек. За првпат во историјата на државата, уапсен е човек од обезбедувањето на премиерот поради сомневање за сторено кривично дело“, вели кусо Митева за „Скопје1“.Обезбедувачот на Мицкоски беше фатен во акцијата спроведена од Обвинителството за гонење на корганизиран криминал и корупција. Обвинителот направил повеќе истражувања, меѓу кои и претреси во неговиот дом и возила. Самараков, според МВР, незаконски поседувал материјали од Минситерството, кои ги оддавал на трети лица.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода. Исто така, од преземените мерки и активности во процесот на проверка, ОВККИПС констатира дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ“ велат од МВР.

Македонија | пред 1 година

Паузирањето на разрешувањето на Коцевски не е трајно, за градоначалник на Кочани е рано да се зборува, за лидерска средба треба сериозен пристап, вели Мицкоски

Премиерот Христијан Мицкоски смета дека е рано да се разговара за заеднички кандидат на ВМРО-ДПМНЕ и СДСМ во Кочани, па посочи дека тие се подготвени за Анкетна комисија во Собранието за трагедијата во дискотеката „Пулс“, но да се разгледаат и други високопрофилни случаи за кои имаше низа реакции од јавноста. За паузирањето на разрешувањето на државниот обвинител Љупчо Коцевски рече дека не е трајна одлука.„Не би влегувал во таков тип на политиканство, се уште раните од ужасната трагедија не се залечени, а ние да размислуваме за избори во Кочани и кандидати за градоначалници. Прерано е за тоа да се дискутира и комбинира. Таков тип на пораки ќе биде дополнителна болка за луѓето кои ги загубија своите најблиски. Се уште 40 дена не се поминуати од овој настан, а некој размислува за избори, градоначалници“, рече Мицкоски.За лидерската средба рече: „Лидерската средба е пресериозна тема за да преку медиуми се разговара. Разбрав од јавнсота дека има план, може да го соопшти преку прес, но доколку смета дека и мене треба да ме запознае, јас сум секогаш тука на располагање. Сериозните теми бараат сериозен пристап“.Предлозите да се формира Анкетна комисија„Ги слушнав овие предлози и ова барање. И едната и другата опозициска партија, не биле задоволни од начинот како Обвинителството ја води истрагата. Тука би констатирал - прво обвинителот е истиот кој овие две политички партии го гласаа. Утрото во Кочани пред 8 часот, во просториите на МВР во Кочани пристигна со двајцата свои соработници, Ислам Абази и Гаврил Бубевски. Јасно ви е од кај доаѓаат, од кои тефтерчиња беа избрани. Тоа што не продолживме во процесот на процесот за промена на обвинителите, не значи дека сме заборавиле од каде доаѓаат и потекнуваат. Се повлековме за да оставиме простор да се даде јасен одговор и одговорност за секој кој има и најмало учество во оваа голема трагедија. Не е ова трајно. Будно ја следиме работата. Истите овие беа миленици на СДСМ и ДУИ кои сега велат дека не се заодовлни од истрагата која ја прават. Јас би ги прашал: Дали беа задоволни од истрагата за Ласкарци, Беса Транс, трговскиот центар Соравија, Модуларната болница? Јас апсолутно не бегам од никаква Анкетна комисија, ниту пратеничката група на ВМРО-ДПМНЕ нема да бега, но би сакал да ја прошириме со овие судски случаи“, рече Мицкоски.

Македонија | пред 1 година

Со измените на законот за ангажирање на лица ќе се регулира работниот однос и на лицата коишто се пензионирани и на студенти

Претседателот на Владата на Република Северна Македонија, Христијан Мицкоски одговарајќи на новинарско прашање во врска со најавените измени на законот за работно ангажирање на лица, истакна дека е тоа закон за кој којшто делумно има поддршка и од опозицијата.„Тоа е закон во којшто ќе биде регулиран работниот однос и на оние лица коишто се пензионирани или оние лица коишто се студенти. Досега тоа некако се одвиваше и беше дел од сивата економија, со измените во овој закон тоа ќе се регулира. Целта ни е да ја зголемиме вработеноста, да ја зголемиме продуктивноста, а во насока на зголемување на перформансите на економијата“, истакна премиерот Мицкоски и додаде:„Задоволни сме од резултатите во третиот и четвртиот квартал, тие се меѓу петте во Европа, над 3%. За првиот квартал од оваа година очекуваме исто така поволни резултати, ќе видиме како понатаму ќе се движи. Задоволни сме од нивото на странските инвестиции, тоа е историски највисоко. Задоволни сме што конечно извозот и индустриското производство, полека но сигурно почнуваат да растат. Така што сите перформанси во делот на економијата и сите оние индикатори покажуваат знаци на консолидирање, за разлика од тоа коешто во минатото претставуваше грабеж, пљачка и уништување“.

Македонија | пред 1 година

Мицкоски: Ќе се зголемат средствата за капитални проекти, а ќе се донесат и странски инвестиции и ќе се отворат нови работни места во Кочани

Претседателот на Владата на Македонија, Христијан Мицкоски денес одговарајќи на новинарско прашање во однос на тоа кои се плановите на Владата за поддршка на Кочани, освен помошта на семејствата на повредените и загинатите во големата трагедија, изјави:„Апсолутно да. Апсолутно да, Кочани ќе биде наш главен приоритет во периодот којшто следи, како што беше и во минатото исто така. Ќе бидат средствата зголемени во периодот што следи, во делот на инвестиции во Кочани, но ќе биде и приоритет во делот на обезбедување инвеститори и креирање на нови добро платени работни места во иднина. Веќе со две такви компании разговараме, преговараме, иако беа веќе утврдени местата на инвестиции, сега тие ќе се пренасочат во Кочани, во зоната таму. Но, исто така и ние како Влада преку овој проект за којшто денес зборуваме ќе одвоиме два до три пати повеќе средства за Кочани, во делот на инвестиција на инфраструктурните проекти.Истовремено продолжуваме да се грижиме за сите оние повредени лица. Можам да кажам дека поминаа оние два критични, можеби најкритични меѓника, тоа е 72 часа и 7 дена. Од тие речиси две стотини повредени коишто најголемиот дел имаат изгореници и повеќе од 50% до 80% и покрај тешката состојба, сите се во моментот стабилни, иако имаме 5 или 6 случаи коишто се критични, но се бориме и ќе продолжиме да се бориме.Ова беше прецизна, точна реакција, благодарност до медицинските тимови коишто ја дадоа онаа потребна прва помош и во Кочани и во Штип и во Скопје. Благодарност и до сите институции коишто помогнаа. Тој ден навистина сè функционираше, но и деновите потоа, беспрекорно. И ние сите должиме една огромна благодарност.Сите оние лица, а тоа се повеќе од стотина, се веќе надвор, згрижени, со двајца членови на нивните семејства. Како Влада, ние го обезбедивме и превозот и сместувањето таму и ќе продолжиме да се грижиме. Од информациите со кои располагам, од Министерството за здравство, дел од пациентите ќе почнат да се враќаат, дел коишто се хоспитализирани кај нас се отпишуваат, односно откако е пружена негата, одат во домашно лекување. Така што, со Господ напред, очекувам сè да биде добро, колку може да биде добро во оваа ситуација. Продолжуваме да се грижиме и за сите оние коишто, за жал, невини жртви, кои трагично го загубија животот, за нивните семејства и сè она за кои може Владата да помогне, во периодот којшто следи, ќе помага.“

Македонија | пред 1 година