Единицата за недозволена трговија при СВР Скопје на 02.11.2024, по претходна наредба од Основен суд Скопје, изврши претрес во гаража во центарот на Скопје, при што се пронајдени и одземени околу четири килограми марихуана, спакувана во неколку пакувања.По наредби на јавен обвинител, пронајдената марихуана е одземена и дадена на вештачење и по целосно расчистување на случајот ќе биде поднесен соодветен поднесок.
Скопје | пред 1 година
На 02.11.2024 во 17.25 часот во СВР Скопје било пријавено дека на крстосницата од ул.„500“ и ул.„401“ во село Марино, скопско, патничко возило „хонда цивик“ со скопски регистарски ознаки, удрило во В.Н.(78) од село Марино, а потоа возилото го напуштило местото на настанот. Во несреќата, од здобиените повреди, на местото на настанот починала В.Н., а лекар од Итната медицинска помош констатирал смрт. По насоки на јавен обвинител телото на почината било предадено на обдукција. Извршен бил увид од јавен обвинител и увидна екипа од СВР Скопје и биле преземени низа оперативни мерки за пронаоѓање на возачот и возилото. Прегледани се видео снимки од околни објекти, разговарано е со лице- сведок, како и со лицата кои се сопственици на возилото, кои во службен разговор изјавиле дека го дале возилото на непознато лице без купопродажен договор.Но, по преглед на снимките од „Сејф сити”, констатирано е дека се работи за лажна изјава на сопственичката на возилото Ј.С. од Скопје, која веднаш е приведена во ПС Гази Баба и признала дека нејзиниот сопруг И.С. (46) го управувал возилото. По документирање на случајот ќе биде поднесена соодветна пријава.
Скопје | пред 1 година
Драма се одвивала во паркот во Ѓорче Петров во текот на вчерашниот ден. Мајка пријавила обид за киднапирање на нејзиното дете, од страна на жена која седела на една од клупите во парк. Според информациите кои „Скопје1“ ги доби и од очевидци, жената прво го викнала детето и му дала да јаде, потоа го фатила за рака и го носела со неа, надвор од паркот.Кога мајката забележала што прави, почнала да вика да застане, а поради сомнежот дека се обидува да и го киднапира детето, почнала да вика и „полиција, полиција“. Жената застанала и и рекла да престане да се дере. Случајот е пријавен и во полиција, а жената која го земала детето посочила дека целта и била да го однесе кај нејзините деца додека го најде родителот - иако мајката била цело време близу со детето.„Ддодека била со нејзините две деца, М.М.(46) од Скопје, која била со своето дете, викнала едно од децата на А.Б. да седи со нејзиното дете и им дала да јадат. Потоа М.М. со детето на А,Б. тргнала накај пазарот, по што А.Б. истрчала по нив и си го земала детето. Со М.М. е извршен службен разговор во ПС Ѓорче Петров и посочила дека сакала да го однесе детето кај своите деца додека да го најде родителот“, велат од МВР за „Скопје1“За случајот е известен и јавен обвинител.
Скопје | пред 1 година
Во врска со извршеното кривично дело „убиство" на 01.11.2024 во с.Арачиново, скопско, каде што со огнено оружје беше убиен С.А. (56) од с.Арачиново, a Х.А. (20) од с. Арачиново, се здобил со прострелни рани, од страна на Единицата за насилен криминал при СВР Скопје преземени се мерки и активности, при што утврден е идентитетот на сторителите и тоа Ш.Ш. (23) од с.Арачиново и Е.Ш. (31) од с.Арачиново.Исто така, утврдено е и возилото со кое е извршено кривичното дело "ауди А5" со скопски регистерски ознаки, во сопственост на Е.Ш., кое е пронајдено и одземено.На 02.11.2024 од страна на ЕНК-ОКСД во координација со ОЈО Скопје поднесена е кривична пријава по брза постапка против Ш.Ш. за кривично дело „убиство" предвидено и казниво по член 123 од КЗ и кривично дело „убиство" предвидено и казниво по член 123 во врска со член 19 од КЗ и кривична пријава против Е.Ш. за кривично дело „убиство" предвидено и казниво по член 123 во врска со член 22 од КЗ и кривично дело „убиство" предвидено и казниво по член 123 во врска со член 19 во врска со член 22 од КЗ, при што Е.Ш. е лишен од слобода, а Ш.Ш. е во бегство и се преземаат мерки за негово пронаоѓање..Од страна на Судија на претходна постапка на двете пријавени лица им е одредена мерка притвор во траење од 30 дена.
Скопје | пред 1 година
„Денеска 01.11.2024 околу 20.15 часот во ПС Штип дошол Ф.З. (25) од Штип и пријавил дека ја убил неговата партнерка Е.П. од Штип и посочил дека телото се наоѓа во објект во Штип“, велат од МВР за „Скопје1“ и додаваат:Од страна на полициски службеници телото е пронајдено.Во тек е увид на местото на настанот во присуство на дежурен јавен обвинител.
Македонија | пред 1 година
На 01.11.2024 околу 19 часот од Ургентен центар Мајка Тереза во СВР Скопје е пријавено дека со повреди од огнено оружје биле донесени С.А. и А.А. од с.Арачиново.Според пријавеното, во нив во с.Арачиново било пукано со огнено оружје од страна на две лица кои биле со возило “Ауди”.Се преземаат мерки за расчистување на случајот.
Скопје | пред 1 година
Пукање ги вознемири жителите на Арачиново, а има и повредени кои се пренесени во болница.Засега не се познати детали, а полицијата го проверува случајот. Не е познато ни каква е состојбата на повредените.По лицата кои пукале се трага.„Скопје1“ побара детали од МВР, од каде очекуваме повеќе информации.Во Арачиново, пукање имаше и пред една недела, кога едно лице беше погодено од куршум.
Скопје | пред 1 година
Во врска со кривично дело „убиство" предвидено и казниво по чл. 123 во врска со чл. 19 од КЗ, случено на 05.10.2024 на ул.„ Цветан Димов" во Скопје, при што со повреда од огнено оружје се здобил А.Б.(19), од страна на полициски службеници од Единицата за насилен криминал при СВР Скопје преземени се голем број на мерки и истражни дејствија и случајот е расчистен.„Денеска (01.11.2024) од страна на ЕНК до ОЈО Скопје поднесена е кривична пријава против Б.Б. (24) за сторено кривично дело „убиство" по член 123 во врска со член 19 од КЗ и Б.З.(25) за сторено кривично дело "убиство" казниво по член 123 во врска со член 19 во врска со член 22 од КЗ“, велат од МВР.
Скопје | пред 1 година
Три лица меѓу кои девојче биле претепани вчеравечер пред ноќен клуб во Скопје, дознава „Скопје1“. Според неофицијални информации, дел имаат и сериозни повреди. „Скопје1“ дојде до снимки од кои се слуша како тепаните бараат помош.„Нормален ли си? Обрзбедување помогнете! Сестра ми ја утепа бе ало! Помогни ми бе“, вели едно од лицата, додека девојче се развикува: „Вие сте ненормални, психопати!“.Тепаните, настанот го пријавиле во полиција. Досега, насилниците не се пронајдени.„Денеска (01.11.2024) во 01.30 часот во СВР Скопје, М.М.(20), М.С.(20) и Н.Ч.(22) сите од Скопје пријавиле дека пред угостителски објект на подрачјето на Центар М.М. и М.С. биле физички нападнати од едно лице, а Н.Ч. бил физички нападнат од две лица“, велат од МВР за „Скопје1“.Снимката е заматена со цел заштита на идентитетот на жртвите. На настанот имало куп сведоци. Видеото ќе биде доставено и до надлежните органи.
Скопје | пред 1 година
Вчера во 23 часот на улица „Илинденска“ во Тетово, полициски службеници од СВР Тетово ја привеле 20-годишната А.А. од тетовско Ларце, по судска наредба за издржување на затворска казна во врска со сторено кривично дело „неовластено производство и пуштање во промет на наркотични дроги, психотропни супстанци и прекурсори“.А.А. ќе биде предадена на надлежната казнено поправна установа.
Македонија | пред 1 година
Вчера во 12.39 часот во СВР Битола, било пријавено дека на улицата „8 Септември“ во Битола се случила сообраќајна несреќа помеѓу патничко моторно возило „шкода” со битолски регистарски ознаки, управувано од 71-годишниот К.П. од Битола и патничко моторно возило „форд” со битолски регистарски ознаки, управувано од 60-годишниот Љ.П. од Битола.Возачот К.П. починал, а смрт констатирал доктор од Клиничка болница Битола.Увидот во присуство на јавен обвинител го изврши увидната екипа на СВР Битола.
Македонија | пред 1 година
Вчера вечер во 23 часот полициски службеници од СВР Куманово го лишиле од слобода 28-годишниот С.Р. од Куманово.Тој бил осуден на една година и шест месеци затворска казна за сторено кривично дело „тешка кражба“ по член 236 од Кривичниот закони, а бил баран по потерница за доиздржување на една година и четири месеци од казната.Лицето било спроведено во Казнено поправна установа Затвор К’шање за доиздржување на казната.
Македонија | пред 1 година
На 31.10.2024 СВР Струмица-ОВР Гевгелија до Основното јавно обвинителство Гевгелија поднесе кривична пријава против А.М.(22) и Л.Б.(26), двајцата од Гевгелија, поради постоење на основано сомнение дека сториле кривично дело „неовластено производство и пуштање во промет на наркотични дроги, психотропни супстанции и прекурзори“, по член 215 од Кривичниот закон.На 30.10.2024 А.М., заради продажба, купил 25 парчиња екстази и 68 грама амфетамин, а подоцна во станот на Л.Б. набавениот амфетамин го препакувале во мали најлонски пакувања за понатамошна продажба.При претрес на домот на Л.Б., извршен со судска наредба, биле пронајдени амфетамин и марихуана, а во дворното место било пронајдено најлонско ќесе со екстази, амфетамин и една дигитална вага. Лицата биле лишени од слобода и задржани во Полициската станица Гевгелија, каде во службениот разговор го признале делото, а А.М. признал и дека предметите кои биле пронајдени во дворното место ги фрлил тој, откако забележал дека пред зградата има полициски службеници.Од страна на судија од Основен суд Гевгелија на осомничените им била определена мерка притвор во траење од по 30 дена.
Македонија | пред 1 година
Во врска со зголемениот број на измами што годинава беа забележани а кои опфаќаат фишинг-напади и случаи на лажно претставување во име на министерот за внатрешни работи и директорот на Бирото за јавна безбедност, Секторот за компјутерски криминал при МВР, Ве известува дека главната цел на фишинг-измамите е да се приберат личните податоци на примателот или да се натера да посети лажна веб-страница.„Обидите најчесто доаѓаат преку електронска пошта, но и преку социјалните мрежи, СМС пораки или телефонски повици. Во некои случаи, жртвите добивале порака дека се предмет на наводни правни постапки за измислени кривични дела и се повикувале да стапат во контакт со испраќачот преку вибер или телеграм линк.Дополнително, постојат случаи во кои граѓаните добивале пораки наводно испратени од директорот на Бирото за јавна безбедност или министерот за внатрешни работи, со кои им се соопштува дека се под истрага за извршени кривични дела и дека е потребно да се регистрираат преку е-пошта и да ги достават нивните лични податоци.Овие електронски пораки се класичен обид за измама со цел прибирање на лични податоци за нивна понатамошна злоупотреба. Затоа, апелираме до сите граѓани да бидат внимателни, да не ги отвораат овие пораки и никако да не контактираат со испраќачот преку доставениот линк или да споделуваат лични податоци доколку тоа се бара.За да се избегне ризикот од зараза со малициозен софтвер, Секторот за компјутерски криминал препорачува граѓаните да не отвораат сомнителни линкови и датотеки прикачени во е-маил пораки од непознати испраќачи. Дополнително, сакаме да ја информираме јавноста дека ваквите измами честопати имаат меѓународна димензија, бидејќи слични пораки се забележани и во други држави од регионот“, велат од МВР.
Македонија | пред 1 година
На 30.10.2024 во 18.20 часот во СВР Скопје од КПУ Затвор-Идризово било пријавено дека околу 17.00 часот во канцеларија на полуотворено одделение во установата осудените лица В.К.(20) од Дебар, А.З.(21) од Скопје и А.А.(27) од с.Сарај,скопско, со тврди предмети искршиле дел од инвентарот.Се работи на расчистување на случајот.
Македонија | пред 1 година
На 30.10.2024 во 20.00 часот во СВР Скопје, полициски службеници од ОКР Ѓорче Петров при СВР Скопје, лишиле од слобода малолетник од Скопје, по претходна пријава од неговиот 48-годишен татко дека околу 18.30 часот во семејниот дом на подрачјето на Ѓорче Петров, агресивно се однесувал, искршил дел од покуќнината и му го оштетил возилото.По целосно документирање на случајот ќе следува соодветен поднесок.
Скопје | пред 1 година
Вчера во 15.50 часот во Полициската станица Кичево било пријавено дека на магистралниот пат Охрид–Кичево патничко возило „фиат“ со скопски регистарски ознаки, управувано од А.П.(48) од Скопје удрило во велосипед управуван од малолетник од Кичево.Во несреќата со тешки телесни повреди се здобил малолетникот, констатирани во Медицинскиот центар Кичево.Извршен бил увид од увидна екипа од ОВР Кичево.
Македонија | пред 1 година
Денеска околу 03 часот во Скопје, на подрачјето на Бутел, полициски службеници од Единицата за интервентна полиција при СВР Скопје го лишиле од слобода 18-годишниот Е.А. од Скопје, поради тоа што претходно со уште едно лице со тврд предмет искршиле излог од објект- експозитура на правно лице, по што влегле и одзеле сеф, по што со мотоцикл го напуштиле местото на настанот.Веднаш по добиената пријава, полициски службеници од СВР Скопје презеле соодветни мерки и активности и ги лоцирале двете лица додека се движеле со мотоциклот, а кога им се приближиле, едно од лицата го фрлило сефот кон полициското возило.Се преземаат мерки за пронаоѓање на другото лице и по целосно документирање на случајот ќе следува соодветен поднесок.
Македонија | пред 1 година
Вчера во 17.00 часот во СВР Куманово било пријавено дека на магистралниот пат Куманово-Крива Паланка, патничко возило „фолксваген пасат“ со српски национални ознаки, управувано од 46-годишниот В.Б. од Република Србија удрило во пешакот 64-годишниот Б.Д. од село Облавце.Во несреќата пешакот починал на местото на настанот. Возачот се здобил со тешки телесни повреди, констатирани во Општата болница Куманово. Извршен бил увид од Јавен обвинител и увидна екипа од СВР Куманово.
Македонија | пред 1 година
Во текот на вчерашниот ден четворица скопјани пријавиле каснување од куче скитник во полициските станици низ градот, извести МВР.На 30.10.2024 во 12.45 часот во Полициската станица Центар, К.Д.(68) од Скопје пријавила дека на ул.„Елисие Поповски Марко“ во Скопје била касната од куче скитник.На 30.10.2024 во 12.45 часот во Полициската станица Аеродром, Л.С.(69) од Скопје пријавил дека на бул.„Јане Сандански“ во Скопје бил каснат од куче скитник.На 30.10.2024 во 22.10 часот во Полициската станица Аеродром, Е.Ш.(43) од Скопје пријавила дека на бул.„Кузман Јосифоски-Питу“ во Скопје, нејзиниот малолетен син бил каснат од куче скитник.На 30.10.2024 во 20.15 часот во Полициската станица Карпош, Ј.Ј.Н.(49) од Скопје пријавила дека на бул.„Митрополит Теодосиј Гологанов“ во Скопје била касната од куче скитник.
Скопје | пред 1 година
Вчера во СВР Штип било пријавено дека во 11.05 часот во Казнено поправната установа Затвор Штип кај двајца осуденици, 28-годишниот Х.Д. и 27-годишниот О.М. била пронајдена марихуана.Излезено било на местото на настанот од страна на полициски службеници од Отсекот за недозволена трговија на дрога и оружје при СВР Штип и марихуаната била одземена.По целосно документирање на случајот ќе следува соодветен поднесок.
Македонија | пред 1 година
Вчера во 17.00 часот во Полициската станица Струга било пријавено дека на регионалниот пат од село Биџево кон село Драслајца, се случила сообраќајна несреќа помеѓу патничко возило „фолксваген голф“ со струшки регистарски ознаки, управувано од 31-годишниот Т.Д. од село Делогожда, струшко и патничко возило „бмв“ со охридски регистарски ознаки, управувано од 31-годишноот Х.Ш. од Германија.Во несреќата со тешки телесни повреди се здобиле Х.Ш. и сопатничка од возилото „голф“ А.Д.(28), а со телесни повреди се здобиле Т.Д. и сопатничката од возило „бмв“, А.Х, констатирани во Специјалната болница „Св.Еразмо“ во Охрид.Извршен бил увид од увидна екипа од ОВР Струга.
Македонија | пред 1 година
Вчера околу 12 часот во Тетово, полициски службеници од СВР Тетово го лишиле од слобода Л.М.(34) од Тетово, затоа што при извршен претрес, по судска наредба, во неговиот дом и други простории била пронајдена и одземена марихуана и предмет со остатоци од кокаин.Тој е задржан во полициска станица и по документирање на случајот против него ќе следува соодветен поднесок.
Македонија | пред 1 година
Денеска во 02.20 часот по полноч на улица „Илинденска“ во Тетово, полициски службеници од СВР Тетово, врз основа на потерница по судска наредба, го лишиле од слобода Б.С.(46) од Тетово, кој бил баран за доиздржување на затворска казна од 13 месеци, во врска со сторено кривично дело „неовластено производство и пуштање во промет на наркотични дроги, психотропни супстанци и прекурсори“.Тој е предаден во КПУ Затвор Идризово во Скопје за издржување на казната.
Македонија | пред 1 година
Одделот за криминалистичка полиција, Сектор за економски криминал и корупција во координација со Одделот за сузбивање на организиран и сериозен криминал, Сектор за криминалистички истраги, Единица за финансиски криминал до ОЈО Скопје поднесе кривична пријава за сторено кривично дело „злоупотреба на службена положба и овластување“ од член 353 став 4 во врска со став 1 од КЗ против Б.К.С. од Битола, како поранешен министер во Министерството за култура.Имено, пријавената Б.К.С., во својство на службено лице – избран министер во Владата на РСМ за Министерството за култура, на 19.02.2024 ја злоупотребила својата службена положба и овластување со неизвршување на својата службена должност, на начин што по донесена Одлука од Советот на Град Скопје и Заклучок од Владата на РСМ за пренесување на правото за реконструкција, доградба и надградба на постојниот објект Универзална сала во Скопје, како и по склучен Договор за регулирање на меѓусебните права и обврски помеѓу Град Скопје како сопственик и Министерството за култура како нов инвеститор, и покрај тоа што министерството било задолжено да ги спроведе неопходните постапки за доделување на сите потребни договори за целосно и комплетно завршување на реконструкцијата на објектот, иако согласно одредбите на Законот за јавни набавки била должна да спроведе нова постапка за јавна набавка за избор на најповолен изведувач на работите за довршување на реконструкцијата на објектот, во име на Министерството за култура како наводен нарачател со правно лице од Скопје како изведувач, склучила Договор за преземање и отстапување на права и обврски од договор за јавна набавка на работи во вредност од 115.173.789 денари, согласно кој министерството наводно ги преземало истите права, обврски и вредност од претходно склучениот договор помеѓу Град Скопје и истото тоа правно лице, иако знаела и била свесна дека претходно склучениот Договор за јавна набавка помеѓу Град Скопје како договорен орган и правното лице како носител на набавката за реконструкција на објектот на 04.09.2023 година бил со истечен рок за изведба на работите, за што од страна на договорниот орган Град Скопје на Електронскиот систем за јавни набавки - ЕСЈН на 18.09.2023 година било прикачено и Известување за реализиран договор и предметот кај договорниот орган Град Скопје бил архивиран како завршен и како таков договорот не претставува правен валиден акт кој може да биде преземен, врз основа на кој нов договор по доставени две времени ситуации од страна на изведувачот за изведени работи, истата на правното лице му исплатила вкупен износ од 27.197.845 денари, со што му овозможила на правното лице од Скопје како изведувач на работите да се стекне со противправна имотна корист во наведениот износ.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
