Вчера во 14.40 часот, полициски службеници од СВР Велес го привеле Р.А. од Велес, кој бил баран со наредба од Основен суд Велес за издржување на затворска казна.Лицето било спроведено во Казнено - поправната установа Затвор Идризово за издржување на казната.
Македонија | пред 1 година
Вчера во 08.15 часот во Полициската станица Делчево било пријавено дека кај место викано „Тузлучка маала“ кај село Бигла, делчевско, се случила сообраќајна несреќа помеѓу патничко возило „фолксваген голф“ со делчевски регистарски ознаки, управувано од 25-годишниот Н.И. од село Бигла, делчевско и патничко возило „киа“ со штипски регистарски ознаки, управувано од 73-годишниот П.Л. од Делчево.Во несреќата со тешки телесни повреди се здобил П.Л., а со телесни повреди се здобила Н.И., констатирани во здравствена установа.Извршен бил увид од увидна екипа од ОВР Делчево.
Македонија | пред 1 година
Вчера во 07.50 часот во СВР Скопје било пријавено дека на сервисна улица во кругот на АСУЦ „Боро Петрушевски“ во Скопје се случила сообраќајна несреќа помеѓу патничко возило „фолксваген поло“ со скопски регистарски ознаки, управувано од 51-годишниот Ф.К. од Скопје и мопед „априлиа“ со скопски регистарски ознаки, управуван од 60-годишниот Џ.Љ. од Скопје.Во несреќата со тешки телесни повреди се здобил возачот на мопедот, констатирани во Градската општа болница „Св.Наум Охридски“.Извршен бил увид од увидна екипа од СВР Скопје.
Скопје | пред 1 година
ОВР Кавадарци, до Основно јавно обвинителство Кавадарци, поднесе кривична пријава против 41-годишната С.В, Н.В.(43) и Р.В.24), сите од Кавадарци, поради постоење основи на сомневање дека сториле кривично дело „кражба“ по член 235 став 5 во врска со став 1 од Кривичниот законик и против З.К.(64) од Кавадарци поради постоење основи на сомневање дека сторил кривично дело по член 235 став 1 во врска со член 23 до Кривичниот законик.На 14.09.2024, полициски службеници од ОВР Кавадарци ги затекнале С.В., Н.В. и Р.В. како берат грозје од лозов насад во атар на село Возарци, кавадаречко, сопственост на 54-годишната Л.Р. од Кавадарци. Притоа, во возило комби „форд“ со кавадаречки регистарски ознаки, паркирано покрај насадот, и во редовите од насадот биле пронајдени 11 вреќи полни со грозје со вкупна тежина од околу 300 килограми. З.К. го сторил делото на тој начин што го поттикнал Н.В. да го изврши.Имено, тие се сретнале на 13.09.2024 во вечерните часови се сретнале, при што му рекол да оди на тој лозов насад и да го обере грозјето.
Македонија | пред 1 година
30-годишна жена била убиена во Дортмунд, Германија. Насилникот кој бил од Македонија ја избодел со месарски нож и тоа пред трите малолетни деца, соопштува Билд.Жената сакала да се раздели од насилниот сопруг и да почне нов живот. После настанот мажот побегнал и ја оставил жената да крвари во ходникот. Малите деца го пријавиле случајот кај соседите. Децата биле на возраст од 3, 4 и 6 години.Билд пренесува дека жената неодамна се разделила од сопругот кој бил македонски државјанин. Жената долго време трпела семејно насислтво, а на крајот на октомври се преселила со нејзините три деца во нов стан во Дортмунд.Сторителот потоа бил фатен на автопат во Вирцбург, а се претпоставува дека тргнал да бега на пат кон Македонија. Моментално е во притвор во Нирнберг, од каде ќе биде префрлен во Дортмунд, соопштуваат германските медиуми.
Свет | пред 1 година
Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупциіа, поднесе кривична пријава против А.М.(45) од Кочани поради постоење основи на сомнение за сторено кривично дело „злоупотреба на службената положба и овластувања" по член 353 од Кривичниот законик.Пријавениот, вработен во МВР на работното место началник на Отсекот за криминалистичко разузнавање, статистика и документирање во ОВР Кочани - СВР Штип, на 11.07.2024 во неколку наврати со неговото приватно возило ги поминал наплатните станици Кадрифаково и Преод без да плати поединечен билет за патарина, односно на вработените во кабината им ја покажувал службената легитимација и ги поминувал наплатните станици. Во врска со настанот, од Јавното претпријатие „Државни патишта“ доставен е видео материјал од безбедносните камери на наведените наплатни станици на кои се гледа како пријавениот ја покажува службената легитимација.Одделот за внатрешна контрола, криминалистички истраги и професионални стандарди до Одделот за дисциплински и судски постапки против А.М. ќе поднесе предлог за поведуванье на постапка за утврдуванье на одговорност за кршење на работната дисциплина и ќе биде отстранет од работното место до завршување на постапката.
Македонија | пред 1 година
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило – Тешки дела против безбедноста на луѓето и имотот во сообраќајот согласно член 300 став 2, а во врска со член 297 став 1, но и кривично дело – Неукажување помош на лице повредено во сообраќајна незгода според член 301 став 2 од Кривичниот законик.Осомничениот 46-годишен скопјанец, на 2 ноември, управувал автомобил “Хонда” под дејство на опојна дрога. Во селото Марино возел со брзина поголема од дозволената и неоприспособена спрема условите на патот, така што кога се доближил до раскрсница меѓу две улички не забележал дека на коловозот има жена-пешак. Неможејќи навреме да запре, со автомобилот удрил во телото на жената, која се здобила со тешки телесни повреди и починала. Осомничениот, по несреќата, веднаш го напуштил местото на настанот и се обидел да го прикрие стореното кривично дело.Јавниот обвинител до судијата на претходна постапка достави предлог за определување мерка притвор за осомничениот.
Македонија | пред 1 година
Вчера во 10,20 часот во СВР Охрид е пријавено дека наставник во едно основно училиште во Охрид, со пластичен предмет нападнал ученик во училиштето.Се преземаат мерки за расчистување на настанот, по што ќе биде поднесена соодветна пријава.
Македонија | пред 1 година
Вчера во 21.56 часот во СВР Битола било пријавено дека на патот Битола - Демир Хисар, во близина на село Лисолај, патничко моторно возило „фолксваген голф” со битолски регистарски ознаки, управувано од 29-годишниот А.Р. од Битола, излетало од патот.Во несреќата со тешки телесни повреди се здобил малолетен сопатник од Битола, додека сопатничката Џ.М.(23) од Кичево се здобила со телесни повреди, констатирани во Клиничка болница Битола.Увид на местото извршила увидна екипа на СВР Битола.
Македонија | пред 1 година
Вчера во 02.15 часот на Граничниот премин Долно Блаце, на влез во државата, полициски службеници го лишиле од слобода 26-годишниот Е.У.К. од Република Турција затоа што при пасошка контрола и проверка во оперативната евиденција било констатирано дека бил баран од Интерпол – Узбекистан.Лицето било предадено на Секторот за меѓународна полициска соработка за понатамошна пстапка.
Македонија | пред 1 година
Вчера околу 18.30 часот во СВР Штип било пријавено дека на регионалниот пат во правец кон село Крупиште, штипско, патничко возило „рено“ со штипски регистарски ознаки, управувано од 18-годишната И.В. од село Стар Караорман, штипско, излетало надвор од коловозот.Во несреќата со тешки телесни повреди се здобил сопатникот С.Д.(56) од Штип, а со телесни повреди се здобила И.В. констатирани во Клиничката болница Штип. Извршен бил увид од увидна екипа на СВР Штип.
Македонија | пред 1 година
Вчера во 09.05 часот во ОВР Крушево, 37-годишниот С.С. од село Борино, крушевско, пријавил дека на место викано „Брака” во село Борино, пронашол неексплодирана рачна бомба.Од пиротехничар од Дирекцијата за заштита и спасување бомбата била безбедно подигната и било констатирано дека се работи за рачна бомба од Првата светска војна.
Македонија | пред 1 година
Вчера во 10.30 часот во СВР Скопје било пријавено дека на паркинг простор на улицата „Македонски војски“ во Скопје, патничко возило „мерцедес“ со скопски регистарски ознаки, управувано од 58-годишниот А.В. од Скопје, удрило во пешакот Т.Н.(74) од село Вратница, тетовско.Во несреќата со тешки телесни повреди се здобила Т.Н. констатирани во Градската општа болница „8 Септември“.Извршен бил увид од увидна екипа од СВР Скопје.
Македонија | пред 1 година
На 04.11.2024 во 12.00 часот во Полициската станица Центар, В.Ф.(38) од Скопје пријавил дека на кеј на реката Вардар, во Скопје бил каснат од куче скитник.На 04.11.2024 во 20.00 часот во СВР Битола, В.Ш.(74) од Битола пријавила дека на ул.„Кланица” во Битола била касната од куче скитник.На 04.11.2024 во 14.30 часот во ОВР Прилеп, В.Х.(68) од Прилеп пријавил дека во Градскиот пазар во Прилеп бил каснат од куче скитник.
Македонија | пред 1 година
Вчера во 08.50 часот во СВР Скопје било пријавено дека на автопатот Гоце Делчев, кај клучка Миладиновци, патничко возило „мерцедес“ со беровски регистарски ознаки, управувано од 61-годишниот Д.Ц. од Берово, излетало од коловозот.Во несреќата со тешки телесни повреди се здобил возачот, а со телесни повреди се здобиле сопатничките М.С.(24) и М.Д.(24), двете од Берово и М.Ш.(20) од Пехчево, констатирани во Градската општа болница „Св.Наум Охридски“.Извршен бил увид од увидна екипа од СВР Скопје.
Македонија | пред 1 година
Вчера во 16.40 часот, во атар на село Болно, ресенско, полициски службеници од ОВР Ресен ги лишиле од слобода 47-годишниот С.Д. од Ресен и 45-годишниот Т.Д. од Прилеп поради сомнение за сторено кривично дело „кражба” по член 235 од Кривичниот законик.При контрола на трактор со приколка, кој го управувал С.Д., а сопатник бил Т.Д., биле пронајдени огревни дрва за кои не поседувале никаква документација.Тракторот, дрвата и приколката биле одземени, а по целосно документирање на настанот против лицата ќе следува соодветна пријава.
Македонија | пред 1 година
Вчера во 14.30 часот, полициски службеници од Отсекот за недозволена трговија со дрога при СВР Велес го лишиле од слобода 28-годишниот А.Р. од Велес. При претрес во неговиот дом, извршен со наредба од Основен суд Велес, била пронајдена и одземена кафеава прашкаста материја.А.Р. бил приведен во полициска станица, известен бил јавен обвинител и по документирање на настанот против него ќе биде поднесена соодветна пријава.
Македонија | пред 1 година
Вчера во 11.35 и во 12.20 часот во с.Боговиње, тетовско, полициски службеници од Полициското одделение Камењане ги лишиле од слобода Љ.З.(36) од с.Боговиње и Е.Н.(32) од с.Горно Седларце.Тие се сомничат дека во периодот од 01.00 до 06.00 часот извршиле тешка кражба во продажен објект сопственост на Н.И.(55) од с.Боговиње, при што одзеле пари и повеќе производи.Лицата биле задржани во полициска станица и по целосно документирање на случајот, против нив ќе следува соодветна пријава.
Македонија | пред 1 година
Јавен обвинител од ОЈО ГОКК ноќеска ја координираше акцијата на Одделот за сузбивање организиран и сериозен криминал при МВР во која три лица се лишени од слобода и против кои е донесена наредба за спроведување на истражна постапка. Осомничените во периодот од декември 2019 година до март 2021 година извршиле кривично дело Злосторничко здружување и продолжено кривично дело Оддавање на службена тајна, дополнително прво и третоосомничениот сториле и кривично дело Попречување на правдата, а на првоосомничениот му се става на товар и кривичното дело Противправно стекнување и прикривање имот.Осомничените, од користољубие, се поврзале со организираната криминална група „Дуќанџик“ од с.Грчец и како припадници со посебна улога, поттикнати со умисла од првосомничениот во предметот „Грчец“, пренесувале службени информации. Во наведениот период осомничените од кои двајца поранешни главни инспектори за имотни деликти, односно недозволена трговија со дрога, преку третоосомничениот за криминалната група прибавувале, пренесувале и споделувале информации за постапки што се од значење за јавната безбедност, како и за безбедносни и разузнавачки активности на државните органи. За ваквото неовластено откривање со кое предизвикале штета во работењето и ефикасноста на истражните органи и органите на прогонот и го отежнувале или оневозможувале обезбедувањето на доказите, осомничените добивале награда.Според содржината на наредбата за истрага осомничените, заедно или поединечно, со информациите што ги споделувале, го отежнале докажувањето во кривичните постапки и тоа:– за кривично-правен настан случен во декември 2019 година, секој посебно заканувајќи се дека повторно ќе биде нападнат тој или членовите на неговото семејство, влијаеле врз оштетен – жртва на обид за Убиство по нарачка, а сега починат, да ја смени изјавата дадена пред овластени полициски службеници;– за Убиство во месец август 2020 година осомничените споделиле значајни информации за криминалната група;– во текот на втората половина од 2020 година осомничените споделувале службени информации за примена на посебни истражни мерки за тогаш актуелно криминалистичко истражување под кодно име „Планина“ во кое беа опфатени лица од оваа организирана група;– за кривично – правен настан случен во септември 2020 година во кој петмина беа осомничени за кривично дело Грабнување биле пренесени информаци за обезбедените докази и изјави на сведоции задржани лица;– за двојното убиство од март 2021 година во Скопје за кое биле пренесени информации кој е задржан во полициска станица, кои активности се преземаат и кои службени лица се вклучени во криминалистичкото истражување.Првично обезбедените материјални докази за првоосомничениот упатуваат дека тој и членовите на неговото семејство поседуваат недвижен и движен имот и штедни влогови, што во големи размери ги надминуваат неговите законски приходи како полициски службеник.Осомничените денес ќе бидат изведени пред судија на претходна постапка при Основниот кривичен суд – Скопје на кој јавниот обвинител ценејќи дека се исполнети условите ќе му предложи да им биде определена мерката притвор.
Македонија | пред 1 година
Одделот за сузбивање на организиран и сериозен криминал - Сектор за криминалистички истраги - Единица за корупција, до Основно јавно обвинителство за гонење на организиран криминал и корупција, поднесе кривична пријава против Д.Г.(58), Е.А.(58) и О.П.(44), сите од Скопје, поради постоење основи на сомнение за сторени кривични дела „злосторничко здружување“, „оддавање службена тајна“, „попречување на правдата“ и „противправно стекнување и прикривање имот“. Пријавените Д.Г. и Е.А., во периодот кога биле вработени во Министерството за внатрешни работи, заедно со О.П., се приклучиле на организирана криминална група за која прибавувале, соопштување, пренесување или на друг начин овозможувале достапност на податоци што претставуваат службена тајна.Во периодот од декември 2019 година до март 2021 година, знаејќи за постоење на интерес на поголем број на личности за добивање на вакви податоци и службени информации за актуелни криминалистички истражувања, планирани мерки и активности за лишување од слобода, со посебен акцент за податоци дали и против кои личности и од кои причини се спроведуваат оперативни и истражни дејствија, како и дека таквите податоци и информации можат да се прибават со давање на парични награди, се поврзале со оваа криминална група во која имале посебна улога за пренесување службени информации, поврзани со организирани криминални групи инволвирани во извршување на криминални активности од повеќе области, особено на тешки кривични дела, од кои за некои е предвидена и казна доживотен затвор. Имено, Бирото за јавна безбедност при МВР во координација со јавен обвинител од ОЈО ГОКК, од октомври 2023 година до јануари 2024 година спроведуваше истрага за македонски државјани, кои како членови на меѓународна криминална група, користејќи ја енкриптираната SKY/ECC апликација договарале и преземале активности за организирање на набавка и пренесување на кокаин од земјите на Јужна Америка до земјите на ЕУ и РС Македонија и учествувале во извршување на други кривични дела, а која заврши со кривична пријава против 16 лица. По поднесување на кривичната пријава, Одделот за криминалистичка полиција продолжи со анализа на податоците добиени од Еуропол и Еуроџаст и во координација со јавен обвинител од ОЈО ГОКК обезбедени се докази врз основа на кои е дојдено до сознание дека пријавените ги сториле делата.Начинот на кој пријавените ги извршувале делата предизвикало штета врз работењето на државните органи во постапките за кривичен прогон на лица, кои се од значење за јавната безбедност, безбедносните и разузнавачките активности на органите, како и прибирање и пренесување на информации кои не се наменети за јавна употреба, а со чие откривање се намалила ефикасноста на работењето на државните органи. На 03.11.2024, по преземени оперативно - тактички мерки и активности, како и врз основа на наредби од Основен кривичен суд Скопје, извршен е претрес во домовите на лицата, при што се пронајдени и одземени повеќе мобилни телефони, лап - топ компјутер и разновидна документација. Лицата се лишени од слобода.
Македонија | пред 1 година
Вчера во 21,15 часот во СВР Скопје било пријавено дека на булеварот „Борис Трајковски“ во Скопје, патничко возило „фолксваген“ со скопски регистарски ознаки, управувано од 74-годишниот П.Ј. од село Идризово, скопско, удрило во бетонски ѕид од објект на правно лице.Во несреќата со тешки телесни повреди се здобила сопатничката, 73-годишната Д.Ј. од село Идризово, додека со телесни повреди се здобил возачот, констатирани во Комплексот клиники „Мајка Тереза“ во Скопје.Увид извршила екипа од СВР Скопје.
Скопје | пред 1 година
На 03.11.2024 околу 10.00 часот на планинарска патека во планинскиот предел над село Грекај, општина Маврово и Ростуше, при извршување службени задачи, полициски службеници од ОВР Гостивар пронашле две неексплодирани рачни бомби кашикари.Увид бил извршен, а бомбите биле безбедно подигнати од екипа на Единицата за откривање и демонтирање на експлозивни средства и направи при Министерството за внатрешни работи.
Македонија | пред 1 година
Вчера во 13.45 часот во Полициската станица Гевгелија било пријавено дека на локален пат село Стојаково – село Богородица, гевгелиско, патничко возило „сеат“ со велешки регистарски ознаки, управувано од 18-годишната Е.Д. од село Стојаково, излетало од коловозот.Во несреќата со тешки телесни повреди се здобила Е.Д., констатирани во Медицински центар Гевгелија.Увид на местото извршила екипа на Полициската станица Гевгелија.
Македонија | пред 1 година
Вчера во 13.20 часот во Полициската станица Кочани било пријавено дека на кружен тек од улицата „Димитар Влахов“ и улицата „Глигор Апостолов Гочо“ во Кочани, 41-годишниот Ј.А. од Кочани, управувајќи велосипед паднал на коловозот.Во несреќата Ј.А. се здобил со тешки телесни повреди, констатирани во болницата во Кочани.Увид извршила екипа од ОВР Кочани.
Македонија | пред 1 година
Вчера во 22.10 часот над село Пршовце, тетовско, по преземени мерки и организирана потрага, полициски службеници од СВР Тетово во добра здравствена состојба ги пронајдоа 12-те планинари од село Боговиње, село Лисец, село Раковец, село Пршовце и Тетово, за кои во 21.30 часот А.Р. од тетовско Боговиње пријави дека не можел да стапи во контакт со нив, извести МВР.Имено, во текот на денот тие заминале во планината над село Пршовце за да одат до место викано „Доброшки езера“, а последната локација од каде контактирале била кога се наоѓале кај „Три Чешми“ во близина на границата со Косово.Лицата биле пренесени во Клиничката болница Тетово на преглед.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
