Вчера во 21.30 часот во Куманово, полициски службеници од СВР Куманово го лишиле од слобода 27-годишниот Џ.И. од Виница. Тој се сомничи дека истиот ден во угостителски објект на улица „Борис Кидрич“ во Куманово одзел мобилен телефон.Џ.И. бил приведен во полициска станица и по целосно документирање на случајот против него ќе следува соодветна пријава.
Македонија | пред 1 година
На 10.11.2024 во 17.33 часот на место викано „Живинарска фарма“ во Гевгелија, полициски службеници од Полициската станица за граничен премин и граничен надзор Богородица го привеле К.Х.(33) од Република Грција. Претходно, тој бил забележан како со патничко возило „нисан навара“ со грчки национални ознаки нелегално, на необележан граничен премин, влегол во Република Северна Македонија.Тој бил предаден на полициски службеници од Полициската станица Гевгелија за понатамошна постапка.
Македонија | пред 1 година
Ноќеска во 00.05 часот во Транзитниот центар Табановце, полициски службеници од Полициската станица за Граничен надзор Сопот го лишиле од слобода А.Р.(25) од Пакистан затоа што кај него биле пронајдени и одземени марихуана и смолеста материја. Тој бил предаден на полициски службеници од СВР Куманово за понатамошна постапка.На 10.11.2024 во 12.00 часот на Граничниот премин Меѓународен аеродром-Скопје, полициски службеници го привеле И.Н.Д.(26) од Република Австрија затоа што при извршена пасошка контрола било констатирано дека го пречекорил дозволениот престој во државата. Тој бил предаден на полициски службеници од Одделението за прекуграничен криминал, миграции, странци и реадмисија Скопје за понатамошна постапка.
Македонија | пред 1 година
На 10.11.2024 во 22.50 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода М.Н.(26) од Гостивар, затоа што кај него била пронајдена и одземена прашкаста материја.На 10.11.2024 во 14.45 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје лишиле од слобода малолетник од Скопје, затоа што кај него била пронајдена и одземена марихуана.На 10.11.2024 во 12.25 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода А.Ц.(31) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.На 10.11.2024 во 13.20 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го привеле Р.Л.(20) од Скопје, затоа што кај него бил пронајден и одземен нож.На 10.11.2024 во 15.00 часот во Скопје, на подрачјето на Карпош, полициски службеници од Полициската станица Карпош привеле малолетник од с.Могорче, дебарско, со престој во Скопје и Е.Х.(19) од с.Крушопек, скопско, затоа што кај нив биле пронајдени и одземени боксирач и два ножеви.
Скопје | пред 1 година
На 09.11.2024 во 21.30 часот во СВР Куманово било пријавено дека на автопатот Куманово-Скопје, во близина на наплатна станица „Романовце“, се случила сообраќајна несреќа помеѓу патничко возило „шкода“ со кумановски регистарски ознаки, управувано од А.И.(47) од Куманово и товарно возило „ивеко“ со кумановски регистарски ознаки, управувано од М.Ј.(60) од Куманово.Во несреќата со тешки телесни повреди се здобила сопатничката М.И. од возилото „шкода“, а со телесни повреди се здобиле возачот А.И и уште еден сопатник Ј.И. од истото возило, констатирани во Општата болница Куманово.Извршен бил увид од увидна екипа од СВР Куманово.
Македонија | пред 1 година
На 08.11.2024 во 08.10 часот во СВР Скопје било пријавено дека на крстосницата од ул.„Васко Карангелевски“ и сервисна улица која ги поврзува ул.„Васко Карангелевски“ со ул.„Коста Новаковиќ“ во Скопје патничко возило „цитроен“ со скопски регистарски ознаки, управувано од С.М.(42) од Скопје, удрило во малолетен пешак од Скопје.Во несреќата со тешки телесни повреди се здобил пешакот, констатирани во Градската општа болница „Св.Наум Охридски“.Извршен бил увид од увидна екипа од СВР Скопје.
Македонија | пред 1 година
На 09.11.2024 околу 02.45 часот во Скопје, во централното градско подрачје, полициски службеници од Единицата за интервентна полиција при СВР Скопје ги лишија од слобода Ј.Т. (19) и К.П. (19), двајцата од Скопје, поради основано сомнение дека сториле кривично дело „разбојништво“.“Веднаш по добиената пријава околу 02.30 часот од Ф.Ф. (22) дека во близина на Собрание на град Скопје две лица со закана со остар предмет му одзеле пари, преземени се соодветни мерки и активности и извршителите се лишени од слобода, а одземеното е пронајдено и ќе биде вратено на сопственикот”, велат од МВР.Пронајден е и предметот со кој е извршено делото и по документирање на случајот, ќе биде поднесена соодветна пријава.
Скопје | пред 1 година
Исчезната е жена која последен пат е видена на автобуската станица во Јурумлери.Како што објавија од нејзиниото семејство, таа носи зелен дуксер со црни шари, бели фармерки и црни чизми.
Скопје | пред 1 година
Ноќеска, во 03.20 часот по полноќ во СВР Охрид е пријавено дека на улица „Методи Патче“ во Охрид настанал пожар во патничко моторно возило „бмв“ со охридски регистарски таблици, сопственост на 36-годишниот М.Г. од Охрид, извести СВР Охрид.Повредени лица нема, а интервенирала Територијалната противпожарна единица од Охрид. Се преземаат мерки за расчистување на настанот.
Македонија | пред 1 година
Вчера во 07.35 часот во ОВР Прилеп било пријавено дека на улицата „Александар Македонски” во Прилеп се случила сообраќајна несреќа помеѓу велосипед управуван од 82-годишниот В.А. од Прилеп и патничко возило „пежо” со прилепски регистарски ознаки, управувано од 63-годишниот Љ.М. од Прилеп, извести МВР.Во несреќата велосипедистот се здобил со тешки телесни повреди, констатирани во Градска болница Прилеп.Увид извршила увидна екипа на ОВР Прилеп.
Македонија | пред 1 година
Вчера во 16.43 часот во СВР Штип, од Казнено - поправната установа Затвор Штип било пријавено дека кај осуденикот 28-годишниот Х.Д. од Штип била пронајдена бела грутчеста материја.По целосно документирање на случајот ќе следува соодветен поднесок.
Македонија | пред 1 година
Во полициските станици во Скопје во текот на вчерашниот ден три лица пријавиле каснување од куче скитник.На 07.11.2024 во 11.45 часот во Полициската станица Карпош, Ц.Д.(34) од Скопје пријавил дека на подрачјето на Карпош во Скопје бил каснат од куче скитник.На 07.11.2024 во 13.45 часот во Полициската станица Карпош, Ф.К.(59) од Скопје пријавил дека на ул.„Московска“ во Скопје бил каснат од куче скитник.На 07.11.2024 во 17.00 часот во Полициската станица Ѓорче Петров, И.С.(45) од Скопје пријавила дека на ул.„Ѓорче Петров“ во Скопје била касната од куче скитник.
Скопје | пред 1 година
Вчера во 12.00 часот во Полициската станица Струмица било пријавено дека на регионален пат Струмица - Берово, кај место викано „Палазлија“, се случила сообраќајна несреќа помеѓу патничко возило „рено“ со штипски регистарски ознаки, управувано од 22-годишниот Б.Г. од Берово и патничко возило „дачија“ со скопски регистарски ознаки, управувано од 40-годишниот П.П. од Неготино.Во несреќата со тешки телесни повреди се здобил возачот на патничкото возило „рено“, а со телесни повреди се здобиле возачот и сопатникот во патничкото возило „дачија“, С.М.(49) од Скопје, констатирани во Медицински центар Струмица.Увид на местото извршила екипа на Полициската станица Струмица.
Македонија | пред 1 година
СВР Струмица до Основното јавно обвинителство Струмица поднесе кривична пријава против Б.К.(39) од Струмица поради постоење на сомнение дека сторил кривични дела „злоупотреба на службена должност“ по член 353 и „примање поткуп“ по член 357 од КЗ. Пријавениот Б.К., референт во Јавно претпријатие „Национални шуми“, подружница Беласица – Струмица, се сомничи дека во претходните шест години, континуирано секој месец, лично или со посредство на друго лице, барал и добивал паричен надомест од жител на струмичко село, кој требало да добие дозвола за сеча на дрва. Исто така, лицето за да добие дозвола за сеча на дрва плаќало и други услуги во корист на осомничениот. Откако ќе добиел надомест, пријавениот се јавувал на лице кое требало да ја издаде дозволата за сеча на дрва на планината Огражден, за да му биде изготвена и дадена на лицето.На 06.11.2024 во Струмица, во моментот кога примал паричен надомест од истото лице, полициски службеници од СВР Струмица го лишиле од слобода Б.К.. Исто така, со судска наредба, биле извршени претреси во неговиот и во домовите на уште две други лица, при што биле пронајдени и одземени предмети за кои постои сомнение дека се поврзани со делата.Од страна на судија од Основен суд Струмица на осомничениот му е определена мерка притвор во траење од 30 дена.
Македонија | пред 1 година
Основното јавно обвинителство Гостивар донесе Наредба за спроведување истражна постапка поради основано сомнение за едно лице дека сторило кривично дело – Неовластено изработување, држење и тргување со оружје или експлозивни материи, согласно член 396 став 5 во врска со став 3 од Кривичниот законик.Осомничениот 30-годишен гостиварец, на 6 ноември управувал автомобил „Мерцедес –А класа“ по магистралниот пат А2, во правец Маврово-Гостивар. Кај асфалтната база – каменолом „Јефута“ полициски службеници му дале знак да застане заради контрола и преглед на возилото. Но, тој не ја почитувал дадената наредба и со голема брзина се упатил кон Гостивар. Полицајците се впуштиле во потера и го следеле со службени возила и во близина на Здуњски мост забележале дека преку прозорот на автомобилот фрлил автоматска пушка. Осомничениот подоцна бил запрен и приведен, а била пронајдена и автоматската пушка со вграден бајонет, чие поседување за граѓаните е целосно забрането, како и рамка со два куршуми со калибар 7,62 милиметри.Со оглед на тоа што во конкретниот случај постои опасност осомничениот да се даде во бегство или да се обиде да влијае врз сведоците, јавниот обвинител до судијата на претходна постапка од Основниот суд во Гостивар достави предлог за определување мерка притвор.
Македонија | пред 1 година
СВР Велес, до Основното јавно обвинителство Велес, поднесе кривична пријава против 33-годишниот А.Б. и 30-годишната А.С., двајцата од село Мелница, општина Чашка, поради постоење основи на сомнение дека сториле продолжено кривично дело „злоупотреба на службената положба и овластување“ по член 353 од Кривичниот законик.А.Б., вработен во Управата за водење на матични книги, издавал изводи и поднесувал барања за изводи за лица кои не се присутни во државата, односно за лица државјани на Република Турција, што е спротивно на Законот за водење на матични книги. Тој во период од три години посредувал при поднесување на документација за лица кои сакале да се стекнат со македонско државјанство и од лице се стекнувал со противправна имотна корист од 400 до 800 евра. На тој начин бил оштетен државниот буџет.А.С., вработена како советник за државјанства во Министерството за внатрешни работи, примала документи – барања за прием во државјанство за лица кои бараат државјанство по потекло, без да бидат присутни и лично да го поднесат барањето, што е спротивно на Законот за државјанство. Таа ја примала целата документација, која претходно била доставувана кај првопријавениот и кој ја доставувал кај неа.
Македонија | пред 1 година
Вчера во 23.50 часот кај место викано Здуњска крстосница, гостиварско, полициски службеници од ОВР Гостивар го лишиле од слобода 20-годишиот Л.Ј. од Гостивар.Претходно, тој во неколку наврати не застанал на знак за запирање даден од полициски службеници, а пред влезот на Гостивар од возилото „мерцедес“ со гостиварски регистарски ознаки, кое го управувал, фрлил автоматска пушка со рамка во која имало два куршуми, која била пронајдена и одземена, извести МВР.Тој е задржан во полициска станица и по целосно документирање на случајот против него ќе следува пријава по член 396 од Кривичниот законик.
Македонија | пред 1 година
Денеска во 00.15 часот на патот Прилеп – Дервен, полициски службеници од ОВР Прилеп ги лишиле од слобода 52-годишниот Г.К., 21-годишниот Г.О.Ч., 22-годишниот К.Б. и 52-годишниот К.Г., сите од Република Турција, со престој во Прилеп, затоа што кај нив била пронајдена марихуана.По документирање на настанот ќе следува соодветен поднесок.
Македонија | пред 1 година
Вчера во 11.28 часот во Полициската станица Прилеп било пријавено дека на регионалниот пат Прилеп-Крушево, кај место викано „Бегова ливада“, патничко возило „опел“ со прилепски регистарски ознаки, управувано од 59-годишниот С.Т. од Прилеп излетало надвор од коловозот, извести МВР.Од здобиените повреди на местото починал возачот, а смрт констатирал лекар од Итната медицинска помош.Извршен бил увид од јавен обвинител и увидна екипа од ОВР Прилеп.
Македонија | пред 1 година
Вчера во 23.30 часот во Струмица, полициски службеници од СВР Струмица го лишиле од слобода 41-годишниот Ѓ.А. од Струмица веднаш по извршување кражба во тобако во Струмица, од каде што одзел чанта со пари и лични документи.Кај него била пронајдена чантата и била вратена на оштетената. По извршени проверки било утврдено дека лицето било барано по потерница за издржување казна затвор од една година за сторено кривично дело „тешка кражба“, по што било спроведено во Казнено - поправната установа Затвор Струмица за издржување на казната.По целосно документирање на случајот, ќе следува соодветна пријава.
Македонија | пред 1 година
Вчера беше спасено лице да не се удави во Дојранско Езеро во акција на МВР – Гранична полиција, извести ЦУК.Конкретно, Регионалниопт ЦУК Стумица, известува дека преку Едиствениот повикувачки број за итни повици 112 во 11.08 часот, е добиена пријава за лице кое е паднато од чамец и се дави некаде на средина од Дојранското Езеро.Веднаш е известена ПС Гевгелија, Гранична полиција која беше на терен, веднаш итно интервенираше и го извлече, го спаси лицето кое е здраво и живо, а го извлече и неговиот чамец, соопштија од ЦУК.
Македонија | пред 1 година
Вчера во 21.10 и 21.30 часот во близина на село Костурник, кумановско, полициски службеници од Полициската станица за граничен надзор Сопот при Регионалниот центар за гранични работи Север ги лишиле од слобода И.Н.(32) од с.Крушопек, скопско и Г.П.(50) од Велес поради сомнение за сторено кривично дело „криумчарење мигранти“.Претходно, околу 19.15 часот во близина на с.Табановце, кумановско, на автопатот „Пријателство“, полициски службеници ги забележале лицата како во патничко возило „фолксваген голф“ со скопски регистарски ознаки, кое го управувал И.Н., а Г.П. бил сопатник, сместуваат три женски лица мигранти од Непал. Притоа, тие не застанале на знак за запирање даден од полициските службеници, а откако биле употребени средства за присилно запирање на возилото го напуштиле возилото. Веднаш потоа мигрантите биле пронајдени и биле сместени во Транзитниот центар Табановце, а по преземени мерки биле пронајдени и лишени од слобода и ИН. и Г.П..Лицата биле задржани во полициска станица и за настанот бил известен надлежен јавен обвинител. По извршени проверки било утврдено дека И.Н. бил баран по потерница врз основа на наредба од Казнено – поправната установа Затвор Идризово поради бегство од затворот каде што издржувал шестгодишна затворска казна за сторено кривично дело „криумчарење мигранти“ по член 418 Б од Кривичниот законик. По целосно документирање на случајот, против лицата ќе биде поднесена соодветна пријава.
Македонија | пред 1 година
За продолжено кривично дело – Производство и дистрибуција на детска порнографија по член 193-а од Кривичниот законик, Основното јавно обвинителство Струга поведе истрага против 28-годишен жител на Велешта.Од ноември лани до мај годинава, осомничениот пренесувал, нудел и на друг начин правел достапна детска порнографија преку компјутерски систем. Обезбедени се докази согласно кои осомничениот, преку Телеграм, Сигнал, Вајбер и други апликации за комуникација инсталирани на неговиот мобилен телефон, пристапувал и учествувал во затворени групи за комуникација, а комуницирал и директно со профили креирани од други лица од повеќе земји во светот и со нив споделувал, испраќал и примал фотографии и видео материјали кои очигледно прикажувале полови дејствија со малолетни лица. Во наведениот период тој и за себе прибавувал детска порнографија која била откриена на неговиот мобилен телефон кога му бил одземен.Јавниот обвинител од Основното јавно обвинителство Струга до надлежниот судија на претходна постапка достави предлог за определување мерка притвор за осомничениот.
Македонија | пред 1 година
Денеска околу 06.30 часот на брегот на Охридското езеро во близина на Охрид, полициски службеници од Полициската станица за граничен надзор Охридско езеро ги лишиле од слобода З.В.(62) и М.П.(43), двајцата од Охрид. Претходно, тие биле забележани како пловат со кајче во водите на езерото, а откако го извлекле кајчето од езерото од него извадиле три пластични корита со мрежи и риба со тежина од околу 14 килограми.Притоа, тие се обиделе да побегнат на полициските службеници, но набргу биле фатени и приведени во полициска станица.Уловот, кајчето и мрежите биле одземени и за настанот бил известен јавен обвинител. По целосно документирање на случајот, против нив ќе биде поднесена соодветна пријава.
Македонија | пред 1 година
Вчера во 16.40 часот на Граничниот премин Табановце, на излез од државата, полициски службеници го лишиле од слобода 30-годишниот З.Ф. од Копаница, скопско, затоа што при пасошка контрола и проверка во оперативната евиденција било констатирано дека возачката дозвола што ја дал на увид била фалсификувана.По насока на Јавен обвинител, возачката дозвола му е одземена, а тој бил предаден во Одделението за прекуграничен криминал миграции странци и реадмисија Куманово за понатамошна постапка.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
