обсе

ОБСЕ ја истражува цензурата врз Левица

Адвокат Катерина Јовановска - како претставник на правниот тим на Левица, оствари средба со Радивоје Грујич - правен аналитичар во ОБСЕ-ОДИХР, соопшти Левица.-На средбата се дискутираше за правните механизми кои Левица како политичка партија досега ги превзема во врска со контроверзното Упатство за радиодифузерите за Локалните избори 2025 година донесено од ААВМУ, со кое ПП Левица е директно оштетена на начин што и е ЗАБРАНЕТО политички да се рекламира на медиумите во текот на целата кампања, како и за правните чекори кои Левица ќе ги превземе во иднина со цел заштита на своето уставно право на политичко организирање и дејствување.Средбата беше многу конструктивна и двете страни изразија желба за понатамошна соработка со цел навремено информирање во однос на исходот од судските постапки, како и постапките кои што се водат пред другите надлежни институции во Република Македонија и евентуално пред Европскиот суд за човекови права во Стразбур, се наведува во партиското соопштение.

Македонија | пред 3 месеци

Нема фотографија

Заврши првиот ден од самитот на ОБСЕ во Скопје: во фокусот војната во Украина

Првиот ден од 30. Самит на министрите за надворешни работи на Организацијата за безбедност и соработка во Европа (ОБСЕ) заврши денеска во Скопје и ќе продолжи утре.Во фокусот на обраќањата на шефовите на делегациите беше војната во Украина, а најголемо внимание, според написите во медиумите, привлече присуството и обраќањето на рускиот министер за надворешни работи Сергеј Лавров.Лавров денеска изјави дека ОБСЕ е пред колапс и дека Западот ги убива шансите за заживување на организацијата.Ова е првпат Лавров да престојува во европска земја членка на НАТО од почетокот на руската специјална операција во Украина.Иако изминативе денови се очекуваше средба помеѓу Лавров и државниот секретар на САД Ентони Блинкен бидејќи тие првпат ќе се затекнеа заедно на едно место, тоа не се случи. Имено, Лавров пристигна во Скопје откако Блинкен го напушти и отпатува за Тел Авив, анализираат медиумите во регионот.На најголемиот меѓународен политички настан организиран во Северна Македонија од нејзината независност присуствуваат шефовите на дипломатиите на најголемиот број земји-учеснички на ОБСЕ – САД, Канада, Велика Британија, министрите на земјите членки на ЕУ и НАТО, од Медитеранот, Блискиот Исток и Централна Азија.За утре се планирани три настани на теми: Млади и граѓанско општество, За луѓето е влијанието на теренските операции на ОБСЕ во 2023 година и Зачувување на плурализмот, безбедност на новинарките.Министерскиот состанок започна вчера со неформална вечера на повеќето министри, каде тема на разговор беше воената агресија врз Украина и потребата од функционална Организација во време на конфликти и зголемени тензии.Министрите за надворешни работи на Србија, Црна Гора, Северна Македонија, Босна и Херцеговина и Албанија денеска во Скопје, за време на Министерскиот совет на ОБСЕ, потпишаа заедничка декларација за борба против корупцијата.Шефовите на дипломатиите Ивица Дачиќ, Филип Ивановиќ, Бујар Османи, Елмедин Конаковиќ и Игли Хасани во Заедничката изјава како клучни точки ги наведуваат промоцијата на дигиталните алатки за рано откривање на криминалот, спречување на корупција и зголемена транспарентност, ефикасно користење на алатките за враќање на средствата и зголемување на капацитетот за намалување на ризиците поврзани со дигиталните средства, како што се криптовалутите, во контекст на перење пари.

Македонија | пред 2 години

(Фото) Тензична атмосфера: На масата кај Лавров оставен лист „Резервирано за НАТО“

Тензичната атмосфера на релација Русија-ЕУ на Самитот во ОБСЕ и натаму трае. Портпаролката на руското МНР, Марија Захарова, објави фотографија која тврди дека е направена во салата „Борис Трајковски“. На местото каде треба да седне министерот на Русија, Сергеј Лавров, бил оставен лист на кој пишува „Резервирано за НАТО“ на англиски јазик.„На масите во салата за состаноци на Советот на министри за надворешни работи на ОБСЕ има јасна манифестација на она за што зборуваше Сергеј Лавров во својот говор: под притисок на САД, логиката на ОБСЕ се заменува со агресивната идеологија на НАТО“, пишува Захарова.„Скопје1“ објави дека додека трае сесијата која во главно е фокусирана на војната која ја започна Русија, Лавров не е во салата.

Македонија | пред 2 години

Нема фотографија

(Фото) Додека внатре ја осудуваат Русија и праќаат пораки, Лавров надвор си одржува средби

Во тек се излагањата на 70-те делегации на Самитот на ОБСЕ. Најголем дел од министрите за надворешни работи и останатите дипломати се осврнаа на војната во Украина односно руската агресија, како и нападот на Израел. Сите упатуваат пораки до Русија.Додека трае оваа сесија, министерот за надворешни работи на Русија, Сергеј Лавров, кој треба да ги чуе пораките и пренесе во Кремљ, е надвор од салата. Неговата портпаролка, Марија Захарова, објави за неколку негови средби.„Средба на министрите за надворешни работи на Русија и Ерменија во Скопје“, објави Захарова.„Руско-унгарски преговори на маргините на Министерскиот совет на ОБСЕ“, додава таа.Потоа извести и за друга средба.„Сергеј Лавров со шефот на австриското МНР“, напиша Захарова.

Македонија | пред 2 години

(Видео) Се очекуваше хаотично Скопје, добивме празно: на улиците без гужви, околу салата хеликоптер

Иако се очекуваше сообраќаен хаос, скопските булевари се празни. Од утрово, речиси и да ништо не укажува дека во Скопје се одржува Самитот на ОБСЕ, кој од светските медиуми е карактеризиран како клучен и историски, бидејќи на него ќе се одлучува за иднината на организацијата. Блокирани се дел од улиците и булеварите, а на останатите, го нема вообичаениот сообраќај. Единствен знак дека нешто се случува е надлетувањето на хеликоптерот, кој постојано кружи над салата „Борис Трајковски“. Овој настан е од висок безбедносен ризик поради 70-те делегации од цел свет кои престојуваат во Македонија. Тоа пак, повлекува невообичаено обезбедување на целиот град.„Илинденска“ е затворена на потегот од „Сити мол“ до Влада. Исто така, за сообраќај не е достапен и булеварот „8 септември“ од „Партизанска“ до „Момин поток“. На останатите сообраќајници, сообраќајот е вообичаен, без гужви.Сите кои патуваат со јавен превоз, треба да знаат дека дел од автобусите возат по изменети рути. Линиите 8 и 15А од мостот „Гоце Делчев“, наместо по булевар „Илинден“, ќе продолжуваат по булевар „Партизански одреди“. Линиите 7, 15, 19, 26, 29 и 59 наместо на крајните терминали во Карпош 3 и Карпош 4, ќе продолжуваат по булевар „Партизански одреди“, па десно по улица „Никола Парапунов“ (стара телевизија) каде не чекаат време, туку веднаш ќе продолжуваат десно по булевар „Илинден“, па десно по улица „Љубљанска“, па со лево свртување ќе продолжуваат по булевар „Партизански одреди“. Линии 18, 21А и 118 од булевар „Крсте Петков Мисирков“ ќе продолжуваат право кон Бит пазар, потоа по булевар „Никола Карев“ (Пластичарска улица) и од кај Момин поток ќе продолжуваат по сопствените редовни траси до крајните стојалишта.

Скопје | пред 2 години

(Видео) Лавров стигна во „Борис Трајковски“ - новинарите го нападнаа со десетици прашања

Министерот за надворешни работи, Сергеј Лавров, пристигна во салата „Борис Трајковски“ каде ќе се одвива Самитот на ОБСЕ. Тој беше протоколарно спроведен, а новинарите имаат десетици прашања за него. Лавров, ги одмина микрофоните и влезе во салата, каде претходно пристигнаа најголем дел од делегациите. Пред влезот, се поздрави со министерот за надворешни работи, Бујар Османи. Потоа, се упати во салата.Лавров го има статусот на „ѕвезда“ бидејќи повеќе делегации, меѓу кои украинската, откажаа присуство на Самитот поради неговото присуство. Во последен момент кажа дека ќе лета за Македонија. Имаше и проблем со прелетот, бидеќи во авионот со него имаше делегат за кого земјите од ЕУ имаат донесено забрана.Во салата се чека делегацијата на Франција.

Македонија | пред 2 години

Захарова ја критикуваше забраната на Бугарија за нејзиниот лет: Опасна глупост!

Портпаролката на руското Министерство за надворешни работи, Марија Захарова, ја критикуваше одлуката на Бугарија да не дозволи авионот на рускиот министер за надворешни работи, Сергеј Лавров, да лета над нејзина територија доколку таа е во авионот. Според Захарова, Бугарија направила: „опасна глупост“.„Тоа не е само обична глупост, тоа е опасна глупост на шегаџија во бугарските владини тела. Работата е во тоа што воздушниот сообраќај е регулиран со Чикашката конвенција за меѓународно цивилно воздухопловство од 1944 година. Таа го толкува терминот „територија на една држава“ како „копнените области и територијалните води во непосредна близина на нив под суверенитет, сузеренитетот, заштитата или мандатот на таквата држава.“ Воздушниот простор не е опфатен со терминот „територија“. Оттука, санкциите на ЕУ, кои во секој случај се незаконски, не важат за нон-стоп летови од лице на кое му е забранет влез во оваа држава“, напиша таа на нејзиниот канал Телеграм.Според Захарова, ова е прв случај во историјата кога властите на една земја забрануваат дури и авион, туку поединец да лета над нејзина територија, бидејќи, според нотата на бугарското Министерство за надворешни работи, на авионот на руското Министерство за надворешни работи му било дозволено да лета над Бугарија.„Дали бугарските функционери мислеа дека можеме да употребиме слични мерки против илјадници претставници на НАТО кои се на нашите реципрочни црни листи како одговор? Мислеа ли дека создале опасен преседан? Мислам дека не. Патем, сега сме во Скопје“, додаде таа.Рускиот министер за надворешни работи, Сергеј Лавров пристигна во главниот град на Македонија, Скопје за да учествува на министерскиот состанок на ОБСЕ. Неговиот авион прелета над Грција, иако првично беше планирано да прелета преку Бугарија. Маршрутата беше променета откако бугарската страна не дозволи влез во нејзиниот воздушен простор на авионот на Лавров додека Захарова беше во авионот.

Македонија | пред 2 години

Борел потсети на уставните измени: Ако сакате во Европска Унија, завршете го процесот со уставните измени

Високиот претставник на ЕУ за надворешна политика и безбедност, Жозеп Борел, од Владата во Македонија потсети дека мора да се завршат уставните измени и вметнувањето на Бугарите, за да се продолжи кон членството во Европската Унија. Тој оддаде почит до премиерот Димитар Ковачевски за заложбите, па напомена дека Македонија ја има неговата поддршка за членство.„Можеби не се согласувате со многу работи за тоа што е демократија, но не треба да има политичка поделеност за прашањата за Европската Унија. Ако сакате да одите по тој пат, треба да го завршите процесот со уставните измени и да напредувате во клучните реформи. Тоа нема да донесе корист за една партија, туку за целиот народ и земја“, кажа Борел.Тој додаде дека Македонија припаѓа во Европската Унија, па рече да се продолжи со работа за да се добие членството во ЕУ.„Ја уважувам позицијата на Северна Македонија, вашето непогрешливо усогласување со законите на ЕУ, продолживте по европскиот пат. Особено вие премиере, вашиот ангажман, вашиот силен ангажман за да ја внесете Македонија во Европа, особено го цениме“, рече Борел.

Македонија | пред 2 години

(Фото) Објавена заедничката фотографија на сите делегации дојдени за ОБСЕ

Министерот за надворешни работи, Бујар Османи, пред неформалниот почеток на Самитот на ОБСЕ во Скопје, објави фотографија со шефовите на делегациите.„Семејна фотографија со министрите за надворешни работи и шефови на делегации во пресрет на 30-тиот Министерски совет на ОБСЕ во Скопје. Нашата заедничка сила е ОБСЕ“, напиша Османи.

Македонија | пред 2 години

(Видео) Остри пораки за Путин и Кремљ од Скопје: Борел му порача на Лавров да седи и слуша, па да пренесе зошто Русија е изолирана

Жозеп Борел, висок претставник на ЕУ за надворешни работи и безбедносна политика и потпретседател на Европската комисија, откако посочи дека често е во Македонија годинава, остро го искритикува рускиот претседател Владимир Путин. Борел кажа дека министерот за надворешни работи на Русија, Сергеј Лавров треба да ги чуе пораките и да ги пренесе во Русија, особено за тоа, зошто таа земја е изолирана.„Русија се обидува да го поткопа постоењето на ОБСЕ и нејзиното постоење. Јас сфаќам дека некои земји не беа рамнодушни на поканата за Лавров, бидејќи Русија започна незаконска војна. А сепак, да дозволите Лавров да учествува, е во дел од нашата цел, да го одржиме мултилатеризмот жив. Лавров треба да чуе зошто ја изолираме и осудуваме Русија. Треба да чуе од учесниците зошто Русија е изолирана. Тогаш ќе може да се врати во Кремљ и да му каже на господарот на Кремљ“, рече Жозеп Борел, висок претставник на ЕУ за надворешни работи и безбедносна политика и потпретседател на Европската комисија.Борел додаде дека Украина се бори да ги задржи интегритетот и суверенитетот.„Се бори и за стабилноста и мирот во Европа, вклучувајќи го и Западниот Балкан“, додаде Борел.Тој го поздрави предлогот Малта да биде следниот претседавач на Самитот на ОБСЕ, кој се надева дека ќе биде прифатен од сите.

Македонија | пред 2 години

Меѓународна конференција посветена на економската и еколошката димензија на ОБСЕ во Струга

Во рамките на Претседавањето на Македонија со ОБСЕ, денеска во Струга ќе се одржи Меѓународна конференција посветена на економската и еколошката димензија на Организацијата, како една во низата меѓународни конференции планирани да се одржат до крајот на годината.Конференцијата се одржува во време на бруталната агресија на Русија врз Украина која, покрај тоа што претставува директно кршење на основните вредности и принципи на Организацијата, едновремено предизвикува и разорни економски последици како и еколошки катастрофи, што е посебно видливо од последниот напад на браната Какховка.Имајќи ги предвид рефлексиите на актуелната безбедносна криза во ОБСЕ просторот врз глобалните економски текови, конференцијата ќе се фокусира и на изнаоѓање одговори за тешките предизвици од климатските промени, зајакнувањето на отпорноста на енергетската инфраструктура кон природни и катастрофи предизвикани од човечкиот фактор, вклучително и обезбедување стабилна и одржлива енергетска транзиција. Северна Македонија и преку оваа конференција дава придонес кон напорите за економското закрепнување и борбата против климатските промени, како суштински дел од концептот на ОБСЕ за сеопфатната безбедност. Во тој контекст, на Конференцијата ќе се дебатира и за борбата против корупцијата, како еден од приоритетите на Претседавањето на Северна Македонија со ОБСЕ.Конференцијата ќе ја отвори Претседавачот со ОБСЕ, Министерот Бујар Османи, а ќе се обратат и Заменик на претседателот на Владата на Северна Македонија за политики за добро владеење – Славица Грковска, Министерот за економија Крешник Бектеши, Министерската за животна средина и просторно планирање – Каја Шукова, како и Заменик министерот за енергетика на Украина – Јарослав Демченков.Воведна сесија на оваа меѓународна конференција ќе биде отворена за претставниците на медиумите.

Македонија | пред 2 години

Османи во посета на Молдавија

Од денес Претседавачот на ОБСЕ министерот Бујар Османи ќе биде во посета на Мисијата на ОБСЕ во Република Молдавија, со што практично продоложува реализацијата на приоритетните обврски од Прoграмата за претседавањето на Северна Македонија со ОБСЕ во 2023.За време на посетата Преседавачот Османи ќе биде примен од Претседателот на Република Молдавија – Маја Санду, а ќе има состанок и со неговиот домаќин Заменик премиерот и министер за надворешни работи и европска интеграција на оваа земја – Нику Попеску, како и со заменик претседателот на владата и министер за реинтеграција Олег Серебриан. Османи ќе има средби и со авторитетите на Транснистрија – Владимир Красноселски и нивниот главен преговарач Виталиј Игнатиев.Посетата ќе се одвива во време на сложени внатрешно-политички состојби во земјата и после ненадејната оставка поднесена од премиерот на Молдавија – Наталија Гаврилита, но и заради надворешното влијание предизвикано од последиците воената агресија на Руската Федерација врз Украина. Главна цел е да се поттикне процесот на посуштински преговори помеѓу Владата на Молдавија и авторитетите на Транснистрија за реализирање на договорената рамка од 8 области, но и да се даде целосна поддршка на работата на Мисијата на ОБСЕ во Молдавија која има клучна улога во одржувањето на политичкиот дијалог воден од страна на ОБСЕ во формат 5+2, како и за проектите кои се доменот на интеграцијата на државата и социо- економското заздравување на Молдавија.Во текот на дводневната посета Претседавачот на ОБСЕ ќе реалзира и средби на терен, при што ќе се сретне и со младински активисти во Молдавија кои го помагаат прифатот на бегалци од Украина.

Македонија | пред 2 години

Османи ќе оствари своја прва посета на теренската мисија на ОБСЕ во Скопје

Претседавачот со ОБСЕ, Бујар Османи денеска ќе оствари своја прва посета на теренска мисија во својство на претседавач, со посета на мисијата на ОБСЕ во Скопје при што ќе ги разгледа и разговара за проектите кои мисијата на ОБСЕ ги имплементира во рамките на својот мандат.Османи во мисијата ќе има интерактивен разговор со членовите и шефот на мисијата, амбасадорот, Килиан Вал.Исто така, Османи ќе го посети полицискиот центар во Ѓорче Петров, и ќе разговара со корисници на обука во рамките на програми на мисијата на ОБСЕ каде што заедно со министерот за внатрешни работи, Оливер Спасовски ќе присуствува на показна вежба на припадници на Специјалната антитерористичка единица -Тигар и Единицата К9.Во текот на денот, на агенда на претседавачот е посетата и на теренската канцеларија на ОБСЕ во Тетово.

Македонија | пред 2 години

Хакирана страницата на ОБСЕ во Македонија

Само дваесетина дена откако Македонија стана претседавач со Организацијата за безбедност и соработка во Европа (ОБСЕ), македонската страница на оваа меѓународна организација на Фејсбук е преземена со хакерски напад.Од ОБСЕ го потврдија случајот, поставувајќи објава во која ги предупредуваат корисниците на Фејсбук.„ОБСЕ знае дека Фејсбук профилот на Мисијата на ОБСЕ во Скопје е хакиран. Ве молиме имајте предвид дека сите пораки кои доаѓаат од таа сметка до понатамошно известување не се авторизирани од ОБСЕ“, стои во објавата.

Македонија | пред 2 години

Македонија денеска го презема претседавањето со ОБСЕ

Македонија денеска го презема годишното претседавање со Организацијата за безбедност и соработка во Европа (ОБСЕ).„Голема одговорност и чест е да го преземеме претседавањето со ОБСЕ во 2023 година. Нашата цел ќе биде да се фокусираме на самите принципи на завршниот акт на Хелсинки, во интерес и потреби на народот“, рече министерот за надворешни работи и новиот претседавач со ОБСЕ Бујар Османи.Османи рече дека планот на ОБСЕ е да им пружи помош на населението погодено од конфликтот, но и на другите на кои им е потребна, бидејќи задача на организацијата е да ги ублажува кризите и да го поддржува мирот.Османи посочи дека Украина ќе остане приоритет и клучно безбедносно прашање, бидејќи војната во таа земја ја поткопа европската безбедност и ги загрозува мирот и стабилноста на континентот и пошироко, соопшти ОБСЕ.Зачувувањето на вредностите на ОБСЕ и почитувањето на меѓународното право мора да бидат заеднички приоритет, посочи Османи.Според него, работата ќе се фокусира и на поддршка на одржливиот економски раст и соработка во областа на животната средина.Османи официјално ќе биде инаугуриран како претседавач и ќе ги претстави приоритетите на Македонија за време на претседавањето на состанокот на Постојаниот совет на ОБСЕ во Виена на 12 јануари.

Македонија | пред 3 години