ПРАВДА

Филков: Убеден сум дека во наредните 15 дена Фемида системот за аудио и видео снимање на судските расправи ќе се применува насекаде

Министерот за правда Игор Филков во своето обраќање во Управниот суд посочи дека воведувањето на тонското и видео снимање започнало уште во 2010 година, со Законот за парнична постапка и Законот за кривичната постапка.„Денес, по изминат период од повеќе од 10 години, за жал може да констатираме дека судовите само делумно го користеле тонското снимање при водење на постапката и не успеале да спроведат целосна и доследна имплементација на законските решенија, ниту во граѓанската ниту пак во кривичната постапка, а евидентно од денешниов настан ниту во управната постапка.За жал, констатирани се и бројни примери и на уништена опрема за тонското снимање. Сето претходно е само мал дел за објаснување на што се должи перцепцијата и довербата на граѓаните во правосудството од само 2%“, рече Филков.Министерот порача дека граѓаните се тие кои се најмногу засегнати во управната постапка.„Опремата за тонско снимање во Управниот суд се инсталира денес. Да не губиме уште 14 години и да не чекаме пресуди од ЕСЧП кои ќе наложуваат да ги применуваме стандардите за фер судење. Ве охрабрувам да целиме и да инвестираме во модерното судство и за тоа да придонесеме сите заедно. Мојата гласна борба за независност на судството ќе биде преку обезбедување на процентот за независен судски буџет. Но, исто така, Ве мотивирам, секој од вас во секој предмет да успее да го користи тонското снимање и секоја друга алатка за да се овозможат стандардите на фер и правично судење. И на крај,ова е само мал придонес, би рекол, симболичен во започнување на реформите кои зависат и мора да започнат од нас самите. Со оглед дека веќе нема оправдување за непостоење на технологија за тонско снимање, со фактот што сите судови се опремени, убеден сум дека во наредните 15 дена системот ќе се применува насекаде“, истакна Филков.

Македонија | пред 1 година

ЗНАМ ќе го добие Министерството за правда, но Бендевска нема да го добие министерското место

Политичката опција ЗНАМ на Максим Димитриевски ќе добие две министерски места во новата Влада предводена од ВМРО-ДПМНЕ, дознава „Скопје1“.За сигурно, договорено е дека во нивни раце оди Министерството за правда. Но, иако во јавноста се лицитира дека идна министерка ќе биде Весна Бендеска која три мандати беше пратеничка на СДСМ, извори за „Скопје1“ брифираат дека тоа не е точно.Гледајќи наназад, на министерското место во ова министерство, традиционално доаѓал правик. Затоа, се очекува, така да биде и овојпат. Бендевска е дипломиран психолог.Познато е и дека ВЛЕН ќе добие четири министерства, додека останатите ќе ги раководат кадри на ВМРО-ДПМНЕ.

Македонија | пред 1 година

Најчевска по Тупанчевски: Не тропајте глупости, нема аномалија туку луѓе со скромно познавање на правото

Професорката по право, Мирјана Најчевска и натаму смета дека одбивањето на референдумот од страна на Талат Џафери е грешка. Таа бара: „Ве молам да престанете со тресење глупости“. Нејзиниот став е спротивен на државниот.„Договорот со Бугарија е ратификуван во Собранието. Собранието е единствениот надлежен орган за ратификација на меѓународните договори. Не мешајте потпишување на договор со негова ратификација. Меѓународните договори не произведуваат правно дејство со потпишување туку со ратификација. Дајте елементарна правна писменост. И да референдумот се однесува на прашање кое е во исклучива надлежност на Собранието. Исклучива. Нема тука никаква аномалија освен таа што луѓе со многу скромно познавање на правото се универзитетски професори“, вели Најчевска.Иницијативата за референдум има правни аномалии што ја прават недоволно добра од правен аспект за постигнување на една замислена цел, изјави министерот за правда Никола Тупанчески.Според него, пред поднесувањето на иницијативата требало да се земат предвид одредбите од Уставот, Законот за референдум и Деловникот на Собранието.,,Во членот 118 од Уставот експлицитно е утврдена материјата во однос на меѓународните договори. Тие, како што стои во овој член, претставуваат составен дел од внатрешниот правен поредок на државата и не можат да бидат менувани со закон. Особено е важна и регулативата во Законот за референдум каде во членот 24 се вели дека референдум би можел да се распише пред потпишување , односно ратификација на меѓународен договор. Во членот 28, пак, кој се однесува на Бадентеровото мнозинство, исто така има релевантна одредба”, рече Тупанчески, потенцирајќи дека треба да се земат предвид и одредбите од Деловникот на Собранието при разгледувањето на иницијативата.

Коментари | пред 3 години

Тупанчески од Орбан ќе бара Груевски да го вратат назад, но и бегалците од „Монтрум“

Министерството за правда во наредниот период ќе поднесе нови барања за екстрадиција на Никола Груевски, Африм Исмаиловиќ и Алил Демири.„За Никола Груевски досега е испратено едно барање за екстрадиција од ноември 2018 година и едно дополнување на барањето за екстрадиција од јуни 2019 година.Екстрадицијата е побарана за сите случаи за кои имавме сознанија дека се водат постапки пред македонските правосудни органи,односно за сите постапки за кои е распишана потерница.Унгарија го одби барањето за екстрадиција на 05.08.2019 година со образложение дека на Никола Груевски му е даден азил и согласно нивниот закон лицето не може да биде предадено на државата од која избегал.Состојбата со сите судски постапки внимателно се следи а Министерството за правда ќе постапи соодветно и ќе поднесе ново барање за екстрадиција“, велат од Министерство за правда.„За Лицата Алил Демири и Африм Исмаиловиќ прв пат од Република Косово е побарана екстрадиција на 15.03.2013 година.Барањето за екстрадиција беше одбиено со пресуда на Основниот суд во Приштина од октомври 2015 година , потврдено и од Апелациониот суд на Косово јануари 2016 година.Екстрадиција повторно е побарана за двајцата на 05.09.2018 година. На 08.10.2021 година добиено е известување од Министерството за правда на Косово дека екстрадицијата за Исмаиловиќ се одбива , а за Демири нема одговор.Во постапките , се што беше побарано од косовските власти беше доставено.Официјални одговори од Косово со кои се одбива екстрадицијата на Исмаиловиќ се испратени два пати , февруари 2016 година и октомври 2021 година. За Демири има официјален одговор од Косово во февруари 2016 година.Апелациониот суд Скопје донесе пресуда со која ја потврди првостепената одлука за ,,Монструм” со која Алил Демири и Африм Исмаиловиќ се правосилно осудени на доживотна казна затвор. За овие лица Министерството за правда повторно ќе поднесе ново барање за екстрадиција“, соопштува Министерство за правда.

Македонија | пред 3 години

Марјан се правда дека не правел притисоци за Боки 13 и Кочан, а рекетот не го споменува во демантот

Директорот на Управата за извршување на санкции Марјан Спасовски во целост ги отфрла наводите и обвинувањата на поранешниот директор на затворот Идризово, Реџеп Реџепи изнесени во порталот,, А1 он”, за наводни притисоци за преместување на Бојан Јовановски и Сеад Кочан во други полоши услови.„Спасовски бара од Реџепи јавно да се извини во рок од три дена за изнесената клевета. Во спротивно ќе ги преземе сите институционални мерки за заштита на своето достоинство и интегритет. Ваквите изјави нема да ја поколебаат Управата за извршување на санкции да се справува против девијантните однесувања а неселективната борба против криминалот и корупцијата во казнено поправните установи ќе продолжи и во наредниот период“, посочува Министерството за правда.

Македонија | пред 3 години

„Тешка перверзија е министерот кој без срам лажеше да зборува за подобрување на перцепцијата за судството“

Новинарот Кристијан Ландов го искоментира излагањето на министерот за правда Никола Тупанчевски во кое зборува за враќање на довербата во правосудството, а откако ја излажа јавноста дека сам ги платил трошоците за патување во Палермо, а потоа, призна дека летот и картата ги платила ФФМ.„За мене тешка перверзија е министер за правда, кој без срам лажеше цела јавност, да зборува за подобрување на перцепција за судството. Истиот тој кој на трибини беше со судски претседател и обвинител. Уште потешка перверзија е кога ќе ми текне дека истиот тој министер додека лажеше беше во Палермо, а овде странска амбасада ни соопшти дека само 8 отсто од граѓаните веруваат во македонското судство. И тоа не е сѐ, најголема трагедија е што сѐ уште е министер и се прашува за подобрување на состојбата во судството, а не за тоа зошто не беше искрен кон јавноста. Ако завршивте со перверзии, да си легнеме порано денеска“, напиша новинарот.

Коментари | пред 3 години

Владата го утврди текстот на предлог-законот за ратификација на Конвенцијата за договорите за избор на надлежен суд

На денешната седница Владата го утврди текстот на предлог-законот за ратификација на Конвенцијата за договорите за избор на надлежен суд.Конвенцијата за договорите за избор на надлежен суд, усвоена во рамките на Хашката Конференција за меѓународно приватно право во Хаг, од 30 јуни 2005 година има за цел да ја осигура ефикасноста на спогодбите за избор на суд (познати и како „клаузули за избор на форум“ или „клаузули за јурисдикција“), помеѓу страните во меѓународните трговски односи.Конвенцијата претставува инструмент кој ќе овозможи судскиот начин на решавање на споровите да стане стварна и привлечна алтернатива на меѓународната трговска арбитража, притоа трудејќи се да обезбеди поголема правна сигурност за прекуграничниот бизнис и да креира поповолна клима за меѓународната трговија и вложувањето, онака како што истакнува и Меѓународната трговска комора.

Македонија | пред 3 години

Богдан Илиески за Тупанчески: Биле школски другари, кога ме притворија му побарала помош, а тој не нашол време ниту да ја чуе

Богдан Илиески на социјалните мрежи објасни зошто изминатите денови и тој застана спроти министерот за правда Никола Тупанчески. Илиески сподели моменти од животот кога Тупанчески и свртел грб на неговата мајка, која пак, му била школска другарка.„Инаку, бидејќи не знам, не сакам и нема да лажам... Тупанче и мајка ми се школски од средно. Зборувала Бети моја со хвалоспеви за него години и години наназад како капацитет, како докторанд на Ломоносов итн итн.Мене ме притвораат, мајка ко мајка бара помош на сите страни бидејќи детето и е во затвор и го гледа на 15 дена преку пластична ограда по 45 минути. Бара и од него. Не наоѓа школскиот време да ја прими, сослуша, помогне. Славниот кривичар, наследникот на Камбо.Отишла дома, му пишала писмо на 12 страни. Го пратила до него, препорачано. Што друго може да прави една мајка за своето дете, неправедно затворено. Дете кое го гледа еднаш на 15 дена по 45 минути, преку пластична ограда. И не може да му помогне...Така да, професор докторе Тупанче, ова е за солзите на мајка ми. Јас нит те знам, нит познавам. Нит па сакам да те знам, након свих ових година на твоја мукла, славен кривичаре, години на политичка тортура врз „неподобните“ и „небањатите“ во кои дури и 5 минути се немало за другарите од средно, кога сте имале по 15-16 години, сте биле деца, и сте ја знаеле душата, чиста и детска, на својот ближен. Денес јас сум голем, а не пак вие. И големите знаат дека кармата си доаѓа по своето. Ова ти е за солзите на мајка ми.И ова е крајот, колку и да не ти е јасно во моментов“, напиша Богдан Илиески

Македонија | пред 3 години

Тупанчески треба да биде веднаш разрешен, а ректоратот на Универзитетот “Св. Кирил и Методиј“ да расправа за достоинството на професијата, смета Најчевска

Министерот за правда Никола Тупанчески за „А1он“ призна дека не ја платил картата за чартер-летот и влезот на стадионот во Палермо. Фактурата за аранжманот, односно сместувањето ја платил откако целата јавност го виде на трибините, односно по четири денови од одржувањето на натпреварот. За ова, со коментар се јави професорката Мирјана Најчевска.„Тупанчески не треба да поднесе оставка. Тој треба да биде веднаш разрешен, а Ректоратот на Универзитетот “Св. Кирил и Методиј“ треба да расправа за достоинството на професијата и нарушувањето на етичкиот кодекс на Универзитетот“, напиша Најчевска.Министерот претходно велеше дека сите трошоци ги подмирил тој од неговата трансакциска сметка.

Коментари | пред 3 години

„Тупанчески не е свесен дека ако не отидеше во Палермо, немаше да знам дека е министер“, Јоци за арогантниот однос

Политикологот и новинарка, Јорданка Ивановска-Јоци го коментираше континуираното правдање на министерот за правда Никола Тупанчески. Тој цела недела во јавноста пласира изјави преку одредени медиуми, дека си го платил патувањето во Палермо, Италија. Но, никогаш не го докажа тоа. Па така, во „Трилиг“ посочи дека не треба на новинарите да им доставува докази.„Срам немаат тројцата! Арогантни и неподносливо присутни во етер, уште и уште ја дразнат јавноста со своите изјави како ете - не примиле поклонче од ФФМ т.е цела недела докажуваат дека не се корумпирани! Овој па Тупанчевски не е ни свесен дека ако не отидеше во Палермо да го покаже камера, немаше ни да знам дека го ставиле министер за правда! Е, до толку е листопаден!“, напиша Јоци.

Коментари | пред 3 години