ТОП

Празничен скандал ја тресе Академијата за судии и обвинители!

Ниту поштата залутала, ниту адресата на која кандидатурата била испратена е згрешена. Ниту едно оправдување на Академијата за судии и јавни обвинители за тоа зошто во последен момент ја добиле кандидатурата на судијата Андреј Димовски не е оправдано.„А1он“ утврди дека Академијата си ја променила адресата на седиште на нивниот официјален веб сајт пред два дена. Ова значи дека погрешна адреса стоела на сајтот додека се примале кандидатури, а точната адреса е внесена по завршување на рокот за примање кандидатури.На официјалниот сајт на Академијата (jpacademy.gov.mk), кој е регистриран на име на јавната установа, сега стои дека е лоцирана на адреса „Јане Сандански 12, 1000 Скопје“.Архивата на промени од „Гугл“, која ја користеше „А1он“ во текот на проверката, покажа дека до вторникот односно 6-ти декември, на сајтот била впишана адресата „Јане Сандански, 2, 1000 Скопје“. Оваа адреса е грешна. Периодот во кој стои оваа адреса е истиот во кој е активен огласот за кандидатури за директор на Академијата.Повеќе на А1он.мк

Македонија | пред 3 години

Ни срам ни перде: Адеми, Герасимовски и Рајевска оспорени членови на Управен, ќе бираат директор на Академијата за судии и обвинители

Беса Адеми претседателка на Врховниот суд чија снаа е слушател на Академијата за судии и јавни обвинители, Зоран Герасимовски член на судскиот совет чија судиска функција е во мирување, како и Фиданка Рајевска, член на Советот на јавни обвинители чија обвинителска функција е во мирување ќе треба да гласаат за избор на нов директор на Академијата.Сите оспорени од правната фела. Адеми поради конфликт на интереси и можност за влијание. Герасимовски и Рајевска поради неисполнување на услови и голема концентрација на моќ. Заедничко за сите тројца е што и покрај јавниот аларм, тие не се повлекоа од Управниот одбор на Академијата, туку токму преку овој орган ќе бираат нов директор, но и тоа што молчат кога се прашани која е нивната легитимност во процесот на избор.Повеќе на А1он.мк

Македонија | пред 3 години

Можно е Скопје да биде одблокирано, „Слобода превоз“ со нов план

Приватните превозници утрово најавија дека е можно Скопје да биде одблокирано, а протестите да се префрлат само пред бараките на Град Скопје оти како што велат, бесот е кон градоначалниката Данела Арсовска.„Бесот се` повеќе се фокусира кон главниот виновник за состојбата, а тоа е управата на Град Скопје. Се стеснува кругот и на виделина излегува кој е крив за оваа ситуација и затоа е можно фокусот на протестите и блокадите да биде само пред Град Скопје“, рече Кемал Муриќ, раководител на секторот сообраќај и контола во „Слобода превоз“.Денеска е четврти ден како клучни раскрсници во Скопје се блокирани од страна на приватните превозници со 200 автобуси. Превозниците велат додека не добијат барем дел од долгот од 1,5 милион евра нема да се повлечат.Градоначалничката Данела Арсовска, пак, јавно на седница на Советот изјави дека нема намера да им го плати долгот на приватниците, им рече да ја тужат и четири дена откако Скопје е парализирано не се појавува во јавност туку се крие и не одговара ниту на новинарските повици и пораки.

Скопје | пред 3 години

Нема фотографија

Ковачевски на лидерскиот самит: ЕУ да не дозволи нови блокади, очекувам интеграција да се базирана на исполнети критериуми

Унијата не смее да дозволи нови блокади. Очекувам од ЕУ да го следи напредокот на мојата земја и придонесот што го дава и да не дозволува уцени од никого. Ајде да зборуваме за критериумите и нивното исполнување. Затоа што кредибилитетот на ЕУ на Балканот се гледа преку примерот на Северна Македонија. Ако се изгуби тој кредибилитет, ЕУ ризикува да го изгуби целиот регион, рече претседателот на СДСМ, Димитар Ковачевски во обраќањето на денешниот лидерски самит во Виена организиран од Групата на социјалисти и демократи (Socialists & Democrats) во Европскиот парламентПрашањето за проширувањето на ЕУ повеќе не е само прашање на проширување, тоа е и геостратешко и безбедносно прашање. Оваа војна, меѓу другото, докажа дека за Европа да биде безбеден и силен континент, на ЕУ и треба мирен и интегриран регион на Западен Балкан.Прашањето за проширување повеќе не е само прашање на проширување, тоа е и геостратешко и безбедносно прашање, додаде Ковачевски.-Затоа работевме посветено на влезот во ЕУ и работевме на тоа да го добиеме најдобриот можен предлог од ЕУ во кој ќе бидат вградени нашите позиции и на 19 јули ги започнавме долгоочекуваните преговори со ЕУ. Во тој процес го обезбедивме македонскиот јазик во Европската унија, го заштитивме македонскиот идентитет еднаш засекогаш. Оттогаш го потпишавме договорот ФРОНТЕКС на македонски јазик, кој докажа дека ЕУ е кредибилен партнер и ги исполнува своите ветувања, потенцираше Ковачевски.Обезбедивме дека процесот на скрининг ќе се заснова на заслуги и ние како земја сме подготвени да ги преземеме следните предизвици што ќе не доближат до исполнување на нашата стратешка цел - полноправно ветено членство во ЕУ, додаде претседателот на СДСМ и премиер Ковачевски во обраќањето пред лидерите.-Нашата напорна работа за членство во ЕУ не е само заради самото членство. Тоа е наше ветување за општество кое живее според европските вредности, општество со подобар образовен, социјален и здравствен систем, земја со просперитетна економија, подобар животен стандард, побогати граѓани, рече претседателот на СДСМ, Димитар Ковачевски.Лидерски самит во Виена е организиран од Групата на социјалисти и демократи (Socialists & Democrats) во Европскиот парламент а во партиската делегација на СДСМ учествуваат и потпретседателката Бисера Костадиновска Стојчевска и секретарот за меѓународна соработка, Бојан Маричиќ.

Македонија | пред 3 години

Малолетник и тинејџери се уапсени во Скопје, најголем дел во Карпош

На 07.12.2022 во 23.22 часот на паркинг кај спортски центар на подрачјето на Карпош, полициски службеници од СВР Скопје го лишиле од слобода П.К.(20) од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.На 07.12.2022 во 21.45 часот во близина на спортски центар на подрачјето на Карпош, полициски службеници од СВР Скопје го лишиле од слобода Т.Р.(24) од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.На 07.12.2022 во 14.30 часот на подрачјето на Аеродром, полициски службеници од Единицата за интервентна полиција при СВР Скопје го лишиле од слобода Ф.Ц.(20) од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.На 07.12.2022 во 14.20 часот на подрачјето на Карпош, од полициски службеници од Единицата за интервентна полиција при СВР Скопје бил лишен од слобода малолетник од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.

Скопје | пред 3 години

Kако на лицa со трајна попреченост по налог на Министерката за одбрана им било дадено оружје во рака, вели Ковачки

Тие што треба да го бркаат криминалот и корупцијата во МО тоа не го прават, а Министерката за одбрана за нивната послушност ги наградува со повеќе-годишни дипломатски плати надвор од државата, вели Драган Ковачки од ВМРО-ДПМНЕ.„Да објаснам:Вчера прашавме до каде е истрагата за криминалот и корупцијата во МО, односно како е можно никој да не одговара што на лице со трајна попреченост (веројатно психичка) или со судски постапки по налог на Министерката за одбрана им било дадено оружје во рака, а за тоа дури земале и плата од МО, но одговор немаше.Прашавме и како е можно на мировна мисија надвор од државата единицата да биде испратена без болничар, или со помалку стрелци затоа што на нивно место по налог на министерката заминале лица-котлари.Од МО како најтранспарентно министерство одлучија да молчат и да не одговараат.Не добивме одговор ниту зошто Министерката за одбрана директно го крши Законот за Одбрана со тоа што ги деградира офицерите и подофицерите со нејзини писмени Решенија и на тој начин, преку газењето на војничката хиерархија, создава револт кај офицерите, кај подофицерите и кај војниците.Нормален човек кој редовно плаќа даноци на државата и очекува системот да функционира, ќе се запраша дали нема кој да се дрзне да ја праша зошто го прави тоа, дали е така исправно и дали е тоа така затоа што за тоа се земени пари?Нормален човек ќе праша дали има некој да ја праша Славјанка како тоа устите им се полни со борба со корупција и празни флоскули, а смрди-корне од распаднатиот систем воспоставен од кадрите на СДС и ДУИ.Одговорот е нема кој тоа да го направи. Зошто?Затоа што лицата - офицери кои по Закон се должни да постапат, а не постапиле, односно молчеле и НЕПРЕЗЕМАЛЕ ништо, Министерката за одбрана ги има наградено со неколку-годишни дипломатски плати. (!!)Така на пример, најглавниот уште минатата година го наградија со плата од над 4000 евра месечно во Виена и се' уште е таму - ја претставува Македонија во ОБСЕ, а вториот којшто дојде на негово место сега чека потпис за исто толкава плата од Пендаровски за да и тој замине да ги брани боите на Македонија во НАТО во Брисел.Затоа нема борба со корупцијата во МО, затоа што сите знаат дека е беспредметно да се пријави корупција.Затоа што пријавата за корупција нема ниту да се заведе или ќе заврши во фиока на офицерите кои наместо да го спроведат законот, тие го кршат и го покриваат криминалот, а за тоа биваат наградени со дебели суми на пари токму од тие што ги потпишуваат решенијата.Славјанка го наследи трулиот систем на Шекеринска и во истиот добро се вклопи. Кадрите на СДС и ДУИ со својата алчност за пари и отсуство на чувство за одговорност ја симнаа одбраната на најниското скалило на функционирање“, додава тој.

Македонија | пред 3 години

Коалицијата Тачела е виновна за блокадата на превозниците, спремаат ли пат за бугарска фирма да го земе превозот, вели ВМРО-ДПМНЕ

Коалицијата Тачела составена од Ковачевски и Арсовска е виновна за блокадата на превозниците, спремаат ли пат за бугарска фирма да го земе превозот? Се користи ли ЈСП за коалициски комбинаторики, вели ВМРО-ДПМНЕ„ЈСП е еден од стожерите на коалицијата на неврзаните (СДС - ДУИ - Левица).Данела Арсовска првин го постави Александар Стојковски за директор на ЈСП. Стојковски е кадар на СДС, што се потврдува и од фотографии на кои тој е сликан во централниот штаб.Стојковски потпишува договор за набавка на гориво вреден 27 милиони евра, и во тој договор го нема попустот од 6 денари, кој до сега бил пракса.Со непостоењето на попуст, буџетот на ЈСП е оштетен за 1.4 милиони евра. Пари кои се доволни за да го покријат долгот кој ова претпријатие го има кон приватните превозници.Веќе е создаден проблемот. Арсовска ги има приватните превозници на улица, а средства нема. Во меѓувреме распишува нов повик за избор на превозници, а долгот не го враќа.Скопјани се прашуваат дали зад хаосот кој го гледаме деновиве со блокирани улици, се крие режирано сценарио за бугарска фирма да го земе превозот во Скопје?Дали Арсовска свесно ги креираше проблемите?Дали 6-те денари кои до сега биле попуст, завршиле како провизија?Дали ЈСП е дел од пазарот за тајната коалиција Тачела? Што треба скопјани да трпат за Арсовска да може да владее“, се вели во соопштението.

Скопје | пред 3 години

Правото на протест на граѓаните не може да го ограничува правото на слобода на движење, посочува професорот по право, Јовевски

Тема: Живот низ блокади„Јас не знам дали Ленин е близок со „Овој“ или „Оној“, ниту пак ме интересира, ниту знам дали Данела е суетна, или е многу фина, но и тоа не ме интересира, ниту пак сакам да знам кој повеќе вреќи сол може да изеде!? Но две работи знам!“, вели проф. д-р Лазар Јовевски од Правниот факултет.Тој додава:Правото на протест (кое е уставно гарантирано право) на граѓаните не може да го ограничува правото на слобода на движење (кое исто така е уставно загарантирано право) на граѓаните! И второ, согласно Законот за јавни собири, МВР има право да го забрани или ограничи правото на протест ако се исполнети одредени услови. Во овој случај условите се исполнети, а тоа е повреда на правата и интересите на поголема група на граѓани.Логично, се поставува прашањето зошто МВР ништо не презема??? Кој ќе ја нодмести штетата согласно членот 7 од Законот? Зошто согласно членот 4 не се гарантира нормално одвивање на сообраќајот? Одговорот нека го бара секој од вас, но тоа што загрижува е дека овој начин на нефункционирање на системот е на штета на секој граѓанин и не е согласно Македонската мера на граѓанско живеење! Не може правото на еден да биде неправо за друг!

Коментари | пред 3 години

(ВИДЕО) Протече снимка од експлозијата во трговскиот центар во Скопје

Вооружена група рано утрово нападнала трговски центар во скопската населба Топанско Поле и со експлозив кренала во воздух банкомати.Станува збор за „Поинт ретаил парк“, а полицијата поради тоа го затвори за сообраќај делот од улицата Македонско косовска бригада.

Македонија | пред 3 години

Субвенции за тротинети и велосипеди, на повикот ќе мое да се аплицира од петок

Јавен повик за субвенции за велосипеди и електрични тротинети за граѓани од социјално ранливи категорииГрадот Скопје најавува дека од 09.12.2022 година (Петок) активен ќе биде со објава на веб страната на градот, Јавен повик за доделување на субвенции за велосипеди и електрични тротинети за граѓани од социјално ранливи категории, невработени лица, вработени лица чии месечни примања не го надминуваат износот на минимална плата и пензионери со минимална пензија. 🚲🛴🚲🛴Субвенционирањето на велосипеди и електрични тротинети, како алтернативни превозни средства во градот, е практика веќе неколку години наназад, но сега за прв пат акцентот е ставен на социјално ранливи категории на граѓани со 100% субвенција.👉Граѓаните ќе можат да достават фискални сметки за купен велосипед или електричен тротинет од 01.01.2022 година. Средствата што Градот Скопје ќе ги субвенционира се во износ од 100% од вредноста на велосипедот, но не повеќе од 11.000 денари по лице, а за електричниот тротинет, не повеќе од 15.000 денари по лице, со вклучен данок на личен доход.📍Повикот ќе биде отворен до 14.12.2022 година.Градот Скопје континуирано остварува социјална заштита и социјални услуги и сервиси за ранливи категории на граѓани, поттикнува развој на лични и општествени вредности и работи на унапредување на здравствената заштита.

Скопје | пред 3 години

Нов детал за смртта на инфлуенсерката Маја, откриено чиј бил пиштолот најден до нејзе

Пиштолот што беше пронајден покрај безживотното тело на македонската државјанка Маја Јанеска, во Јужна Африка бил во сопственост на нејзиниот партнер, Кајл Филипс, кој, патем, е тутунската индустрија, утврдила истрагата на јужноафриканската полиција која сè уште е во тек, објави порталот „Њуз24“. Јанеска викендот беше пронајдена со прострелна рана во главата, а Филипс, како што објавија медиуми во Јужна Африка, бил во куќата.Порталот „Њуз24“, повикувајќи се на полициски избори, објави дека Филипс наводно одбил да се подложи на преглед од државен патолог кој е задолжен за спроведување на обдукцијата на Јанеска. Додека разговарале и се обидувале да утврдат дали има некакви траги по телото, се додава во веста на медиумот, тој „буквално бил опколен од своите телохранители“.Смртта на Јанеска во оваа фаза од истрагата не се третира како сомнителен случај, иако нејзините роднини и блиски пријатели не веруваат дека станува збор за самоубиство.Јанеска пред неколку денови била во земјава за прослава на признавањето на Македонија од Јужна Африка и за воспоставување на дипломатски односи меѓу двете земји во што и самата помогнала.

Македонија | пред 3 години

Данела ја префрли топката кај МВР: Реагирајте!

Град Скопје не се гледа како виновник за блокадите кои ги има скоро на секој булевар. Тие сметаат дека приватните превозници прават штета поради нивниот личен интерес. Многу прашања од граѓаните останаа неодогворени, бидејќи, секретарот Зоран Глигоров избега штом исчита неколку реда напишана изјава. Меѓудругото, побара МВР да ги тргне блокадите.„Го повикуваме МВР да реагира и да преземе мерки, бидејќи приватен личен интерес врши штета на граѓаните, градот и жителите на Скопје“, кажа Глигоров.Дециден е дека Градот им понудил решенија на приватните превозници.„Уште на почеток од Градот беа понудени решенија. На некого тие не му одговарале. Дали поради злоупотреба или политички влијанија, ќе видиме. Тоа за кратко време ќе излезе пред лицето на вистината“, додаде тој.Тој кажа дека тече ревизијата која е поврзана со исплатите кон приватните превозници.„Во моментов исклучително интензивно се врши ревизија на ситуацијата. По неа, ќе се утврди состојбата. Застој во обавувањето на јавниот превоз, од страна на ЈСП, нема. Застојот е поради политички блокади и личен интерес на поединеци“, кажа секретарот на Град Скопје.

Скопје | пред 3 години

Објавени новите цени на горивата кои важат од утре

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,95 % во однос на одлуката од 5.12.2022 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,832%, кај дизелот за 1,817%, кај екстра лесното масло намалување за 1,668% и кај мазутот зголемувањето е за 0,140%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,543%.Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 2,00 ден/лит.Малопродажните цени на ЕУРОДИЗЕЛ (Д-Е V), Екстра лесното масло за домаќинство на (ЕЛ-1) и на Мазутот М-1 НС не се менуваат.Од 8.12.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 81,00 (денари/литар)Моторен бензин ЕУРОСУПЕР БС - 98 83,50 (денари/литар)Дизел гориво ЕУРОДИЗЕЛ БС (Д-Е V) 84,50 (денари/литар)Масло за горење Екстра лесно 1 (ЕЛ-1) 81,50 (денари/литар)Мазут М-1 НС 42,171 (денари/килограм)Напоменуваме дека ова се максималните цени на нафтените деривати од 00:01 часот на 8.12.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Ленин ќе поднесе оставка од „Слобода превоз“ по парализирањето на градот

Директорот на „Слобода превоз“, Ленин Јовановски, чии превозници трет ден го блокираат Скопје, вели дека никој нема да се пријави на јавниот оглас на Град Скопје за линиите 20 и 22.-Никој, претпоставувам, од превозниците нема да се јави, ниту од постојните, ниту некој нов. По логиката на нештата, кој би сакал да влезе, да врши работа, да биде во јавниот превоз и после неколку месеци да ви кажат: „Тужете нѐ за долгот, ќе ви ја одземеме работата“. Се воведе една лоша пракса и довербата во Град Скопје, преку градоначалникот не дозволува луѓето кои сакаат да влезат во оваа работа, имаат интерес. Освен ако тоа не се некои кои се претходно договорени, рече Јовановски во изјава за Сител.Тој обвинува дека Данела Арсовска ја злоупотребила својата службена положба обесправувајќи ги приватните превозници. Тој ќе побарал и да биде повлечен од директорката позиција во „Слобода превоз“ за целата ситуација да не добива политичка димензија.-Јас ќе понудам пред превозниците да се повлечам и како Ленин Јовановски и како „Слобода превоз“ од понатамошните процеси, ако веќе тоа беше некаква пречка. Или тоа гледам дека сега се актуелизира до тоа ниво, да некој тоа му е изговор за неспособноста да го реши овој проблем на приватните превозници. Сега јас ќе им го одземам тој комодитет за да можат да се правдаат вперувајќи го прстот кон мене како индивидуа, рече Јовановски.Данела Арсовска трет ден по ред нема излезе ниту пред медиуми, ниту пред граѓаните за да предложи решение за проблемот, ниту пак, ги повика превозниците на разговор за скопјани да можат редовно да ги завршуваат обврските, а не да бидат закочени на улиците. Единствено, преку социјалната мрежа Фејсбук објави статус преку кој топката ја префрли кон првиот човек на ВМРО-ДПМНЕ, Христијан Мицкоски, но и кон актуелната власт.

Скопје | пред 3 години

Евакуирани девет средни училишта и Народна банка, добиле закани за бомби

Денеска (07.12.2022) околу 09.45 часот во СВР Скопје било пријавено дека на електронска адреса на девет средни училишта во Скопје е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случаите.Исто така, денеска, околу 10.10 часот и од НБРМ било пријавено дека на електронска адреса била упатена закана за поставена експлозивна направа. Веднаш се преземени неопходните мерки за безбедно евакуирање и во тек се антитерористички проверки и се преземаат мерки за расчистување на случајот.

Скопје | пред 3 години

Детали за ужасната сообраќајка: Од 53-годишник за несреќата во Козле каде загина малолетник

Основното јавно обвинителство Скопје поведе постапка против едно лице за кривично дело – Тешки дела против безбедноста на луѓето и имотот во сообраќајот од член 300 од Кривичниот законик.Осомничениот 53-годишник, на 5 декември, со возило „Мини купер“, навлегол на крстосницата меѓу улиците „Пијанец“ и „Козле“, без да го пропушти возилото кое веќе се движело по улицата „Козле“ и кое имало првенство на минување. На тој начин тој го попречил движењето на мотоцикл „Хонда“, управуван од дете на возраст од 14 години.Мотоциклот удрил во страничниот дел од автомобилот, оштетениот се превртел и паднал на коловозот, па се излизгал на лентата наменета за сообраќај на возила во спротивна насока, каде удрил во автомобил „Цитроен Ц3“. Во несреќата, оштетениот возач на мотоциклот се здобил со тешки телесни повреди и веднаш починал.По предлог на јавен обвинител, Основниот кривичен суд Скопје определи мерки на претпазливост за осомниченото лице – забрана за напуштање на живеалиште/престојувалиште, обврска да се јавува повремено на определено службено лице, привремено одземање на патна или друга исправа за преминување на државната граница, како и привремено одземање на возачката дозвола односно забрана за нејзино издавање.​

Скопје | пред 3 години

За хаосот во Скопје вината е кај Мицкоски и кадрите на ВМРО ДПМНЕ во јавните претпријатија, вели СДСМ

Градот Скопје е целосно парализиран, сообраќајот е во колапс, на улиците владее општ хаос, метеж и застој, вели СДСМ„Граѓаните не можат нормално да се движат низ градот, доцнат на работа, на училиште, на факултет, не можат да ги однесат децата во градинка, не можат да стигнат на лекар, не може да помине ни брза помош, ни пожарна.Вината за блокадите и хаосот во Скопје е кај Христијан Мицкоски и кадрите на ВМРО-ДПМНЕ во градот и во јавните претпријатија.Токму Мицкоски пред една година славеше дека го освоил Скопје, со Данела Арсовска, наводно независната кандидатка на ВМРО-ДПМНЕ.ВМРО-ДПМНЕ и Мицкоски ги собираа потписите, ја промовираа Арсовска како најдобра идна „мајка на градот“. Мицкоски ги повикуваше граѓаните да гласаат за бројот 82, за Арсовска.Дури и победата Арсовска ја славеше во Белиот дворец, заедно со раководството на ВМРО-ДПМНЕ.Довербата на граѓаните ја добија со ветувањата за бесплатен јавен превоз, за 250 нови автобуси и тоа еколошки.Но, шпицниот градоначалник Мицкоски и менаџерката Арсовска се скараа за провизии и тендер од 130 милиони евра.На површина исплива целата неспособност на кадрите на ВМРО-ДПМНЕ во град Скопје, директорите на јавните претпријатија, членовите на управните одбори во ЈСП и во другите претпријатија, мнозинството во Советот на Град Скопје.Цената на нивната неспособност и неодговорност ја плаќаат граѓаните на Скопје“, се вели во соопштението.

Скопје | пред 3 години

Петровска го крши Законот за одбрана и ги изложува мисиите, а со тоа и припадниците на АРМ на дополнителен ризик, вели Ковачки

Помина цел месец откако јавно обелоденивме дека Министерката за одбрана давала плата на лица со трајна или времена ограниченост за воен рок, дека за заминување на мисија се дава мито, дека на лица кои не ги исполнуваат условите и критеримите Министерката им засновала работен однос во МО како подофицери и сега истите треба да им бидат претпоставени на лица кои ГИ исполнувале условите, ама ним работниот однос им останал под договор, вели Драган Ковачки од ВМРО-ДПМНЕ„Значи, јавно посочивме криминал и корупција во редовите на МО и директно посочивме дека имаме сериозни сомнежи, но и докази кои и' беа отстапени на Министерката за одбрана, но досега не видовме никакви преземени активности од страна на надлежните институции.Случаите беа чисти и требаше веднаш да се постапи.Но, наместо со сериозност да се пристапеше кон изнесените факти, Министерката за одбрана си продолжи со вродениот СДС-овски инает и продолжи да ги крши законите, да ги омаловажува офицерите и подофицерите и да стимулира корупција во редовите на МО.Само за пример, на мисии во странство кои ги плаќаат граѓаните, наместо истата да се корегираше после изнесените факти од наша страна, министерката не реагираше и во мисии си испратила лица:- подофицери на војнички места,- котлари на место стрелци,- експерти за муниција на место болничари.Значи, ја надмина дури и претходната Министерка која пак упатуваше лица без дообука за теренски возила на место возачи.Ваков аматеризам со упад во формациските состави на единиците од страна на цивили кои не разбираат што значи војничка хиерархија и потреба од секоја специјалност токму така како што е пропишано, немам видено.Министерке Славјанка Петровска, има причина зошто во една единица имате командир, заменик, стрелци, снајперисти, болничари итн.Тоа што го правеа и се' уште го прават кадрите на СДС и ДУИ не може да се оправда и заслужува осуда од плаќачите на даноци - граѓаните на Македонија.Еве недај Боже да затреба болничар на единицата, кој ќе ја врши таа улога, муницијашот ли?Колку пати треба ова да повториме за да насадените од СДС сфатат дека војската не смее да биде ничија играчка, затоа што си играат со човечки животи?Славјанка Петровска со нејзините постапки го крши Законот за одбрана и ги изложува мисиите, а со тоа и припадниците на АРМ на дополнителен ризик.Од кои причини, самата треба да и' објасни на македонската јавност“, се вели во соопштението.

Македонија | пред 3 години

Утрово гужва на девет скопски булевари

ЦУКС известува дека во овие утрински часови поголем број возила се забележуваат долж:-бул. 8ми Септември кон ул. Скупи,-мост Нова железничка станица кон ул. Никола Карев,-ул. 11 Октомври кон к-ца со бул. Македонија,-ул. Свети Кирил и Методиј кон бул.Водњанска,-бул. Киро Глигоров во двете насоки,-ул. Пролет кон к-ца со ул. 11 Октомври-бул. 3та Македонска кон ул. Пролет,-бул. Македонија во двете насоки,-мост Близнак во двете насоки.

Скопје | пред 3 години

Ковачевски и Арсовска го блокираа Скопје поради бугарски автобуси кои треба да ги заменат приватните превозници, вели ВМРО-ДПМНЕ

Скопје е блокирано заради матните тендери на Арсовска, плод на коалицијата со Ковачевски. Таков тендер е набавката на гориво за потребите на ЈСП од 27 милиони евра, вели ВМРО-ДПМНЕ„Арсовска за разлика од сите нејзини претходници не добива попуст од 6 денари по литар. Овој попуст го имало и кај Костовски и кај Трајановски и кај Шилегов, но го нема кај Арсовска. Доколку имаше попуст ЈСП ќе платеше 1.4 милиони евра помалку. Тоа се повеќе од доволно средства за да се покрие долгот кон приватните превозници.Зошто нема попуст знае само Арсовска.Градоначалничката не треба да бега, туку да одговори:Дали тендерот за набавка на гориво за ЈСП е дел од договорот за тајната коалиција со Ковачевски?Дали на средбата Арсовска - Ковачевски е договорено провизија, наместо попуст?Зошто во договорот за нафта со Пуцко Петрол нема ниту еден процент попуст, а во сите претходни има? Од Костовски, преку Трајановски до Шилегов.И дали е точно дека бугарски автобуси треба да вршат јавен превоз како замена за тековниот?Доколку имаше попуст на договорот за набавка на гориво за ЈСП ќе имаше и пари за приватните превозници. Дали на Арсовска и одговара кризата? И дали Скопје е жртва за бизнис интереси“, се вели во соопштението.

Скопје | пред 3 години

Данела има седум прашања за Мицкоски и пет за Битиќи, меѓу другото и дали местел тендери преку Унгарија

Скопската градоначалничка Данела Арсовска постави низа прашања до ВМРО-ДПМНЕ, на кои посочува дека очекува одговори. Ова доаѓа по низа пресови и соопштенија во која таа е посочена како виновник за блокадата на Скопје„Што се однесува на патетиката на ВМРО-ДПМНЕ, ги повикуваме да одговорат на следните прашања:- Дали Христијан Мицкоски со неговиот директор на штаб Орце Тодоровски, инаку притворен и првообвинет во случајот „Делчевски Ниви“, договараа набавка на 150 автобуси од Унгарија?- Дали Христијан Мицкоски и неговиот актуелен шеф на штаб, Ивица Томовски, преку негови фирми е единствен подобен за одржување и чистење во општините, училиштата и претпријатијата каде ВМРО-ДПМНЕ е власт?- Дали Христијан Мицкоски заедно со Ковачевски имал тајна средба во еден скопски локал?- Дали е точно дека Христијан Мицкоски, Александар Николоски, заедно со Зоран Заев и Венко Филипче пред два месеци имале заеднички ручек во ресторан во Малешевијата каде се зборувало за уставните измени?- Дали е точно дека Христијан Мицкоски има истрага во ОЈОГОКК за криминал со хидроцентрали кој се држи во фиока?- Дали е точно дека брат на член на обезбедувањето на Христијан Мицкоски, сопственик на фирмата „Моби Саунд“ е единствен организатор на манифестации во општините каде власт е ВМРО-ДПМНЕ?- Дали е точно дека Игор Јанушев, другар на Христијан Мицкоски и актуелен пратеник, како директор на ЈСП склучил штетен договор со милионски пенали доколку се раскине, со фирмата „Маратон“ за рекламирање на автобусите на ЈСП и дали е точно дека од овој бизнис се делат провизии?“, пишува Арсовска.Таа додава:Што се однесува до изјавата на вицепремиерот во владата на СДСМ Фатмир Битиќи, пред да зборува за некаква неподготвеност на Градот, прво да одговори на следните прашања:- До каде е автопатот кон Охрид?- До каде е автопатот кон границата со Бугарија?- До каде е Клиничкиот центар?- До каде се инвестициите од Гугл и Фејсбук?- До каде е инфлацијата?

Скопје | пред 3 години

Проблемот со приватните превозници се продлабочува, Арсовска им порача дека нема да можат да се јават на новиот повик

„Јавниот градски превоз, го организираат органите на локалната самоуправа, а не приватни бизнисмени, политички партии или други интересни групи. Во случајов, организацијата на јавниот градски превоз е обврска на градот Скопје и ЈСП Скопје“, вели Данела Арсовска, градоначалничка на Скопје.Таа додава:Основна заложба на ова градско раководство е оптимизација на непродуктивните трошоци и пренасочување на тие средства кон проекти од корист за граѓаните. Оттука, градот Скопје и ЈСП во последните шест месеци успеа да оспособи 130 автобуси од флотата на ЈСП со што бројката на градски автобуси се зголеми од 140 активни во овој период минатата година, на 270. На овој начин, граѓаните на градот Скопје добиваат подобра, сигурна и стандардизирана услуга.Што се однесува до јавниот повик, истиот ќе биде објавен утре, а се однесува на линиите од кој градот Скопје има потреба - тоа се линиите со бр. 20 и бр. 22. Единствена разлика е во тоа што ниту „Слобода Превоз“ ниту „Макекспрес“ нема да можат да конкурираат една година од денот на раскинување на договорот поради прекршување на одредбите од договорот од нивна страна.Ги повикуваме сите приватни превозници да аплицираат на објавениот јавен повик, индивидуално или преку претставник на група на приватни превозници.

пред 3 години

Нема назад, Агелер донесе тим од САД да ти „тресе“ корумпираните функционери

Тимот за санкции од САД пристигна во Македонија за да изврши увид во бившите и сегашните корумпирани функционери, по што ќе следува и соодветен одговор, објави американската амбасадорка Анџела Агелер на Твитер.„Тимот за санкции од Вашингтон е тука заради поагресивен поглед на минатите и сегашните корумпирани актери и да ги разгледа сите можни одговори. На правосудниот сектор во Северна Македонија му требаат повеќе истраги и гонење за да се покаже дека никој не е над законот“, напиша Агелер на Твитер.Ова следува неколку дена откако Габриел Ескобар, заменик-помошник на државниот секретар на САД, изјави дека американските санкции за корумпираните политичари од Балканот имаат ефект и дека САД ќе продолжат со санкционирање корумпирани функционери од регионот.На 11 април годинава, Стејт департментот и американското министерство за финансии ги санкционираа експремиерот Никола Груевски и ексдиректорот на УБК Сашо Мијалков како одговор на нивното учество во значајна корупција. Како што соопшти тогаш Стејт департментот, нивните дела ги поткопуваат владеењето на правото, демократските институции и јавните процеси и ја еродираат јавната доверба во владата. Покрај Груевски и Мијалков, Стејт департментот, на црна листа ги стави членовите на нивното потесно семејство.

Македонија | пред 3 години

Ленин до Ристо: Може и тенкови да ни испрати или да не стрелаат

„Протестот на приватните превозници е законски и е законски најавен, доколку Ристо Пенов смета дека има нешто што е погрешно во целиот случај и дека може нешто да стори за да престане протестот, тогаш нека го направи тоа. Може и тенкови да ни испрати или можат да стрелаат врз возачите на блокадите“, изјави директорот на „Слобода превоз“ Ленин Јовановски како реакција на синоќешната изјава на министерот за локална самоуправа Ристо Пенов дека Владата има инструменти и насилно да ги прекине блокадите.„Се анализира состојбата. Да се исцрпат сите можности за разрешување на проблемот па Владата да презема мерки, затоа што веќе не е само облигациониот однос и долгот од 1 милион кон приватните превозници. Веќе имаме раскинување на нивниот договор. Тие и да го добијат долгот се исклучени од натамошна работа и не верувам дека со исплата на долгот ќе престане протестот,” рече Пенов според кого во Советот на Град Скопје влијание врз мнозинството има ВМРО-ДПМНЕ и дека таа партија може, ако сака, на градоначалничката Данела Арсовска да ѝ наметне решение на проблемот.

Скопје | пред 3 години

Пенов ќе ги реши блокадите: Самоволие!

Ристо Пенов, министер за локална самоуправа, одби да каже кои се мерките кои државата ќе ги преземе за да ги тргне блокадите од скопските улици. Тој посочува дека ситуацијата се следи и за истата додаде дека е непријатна. Се пожали дека и тој додека патувал кон Струмица, едвај го напуштил главниот град.„Ја следиме таа ситуација. Непријатна е. Преголема штета трпат граѓаните поради некакво самоволие кое е присутно на улиците во Скопје. Ние доаѓајќи накај Струмица, едвај излеговме од Скопје. Непотребно. Тој протест треба да биде насочен кон тие што го креираат. Штетата ја плаќаат граѓаните. Секој по половина час вози повеќе, се вози повеќе, се троши гориво, се губат бизниси и работни часови, што е огромна штета за граѓаните.“, кажа Пенов.Во главниот град втор ден по ред се блокирани раскрсниците. Приватните превозници најавија дека нема да ги тргнат автобусите од улиците се додека не им се платат средствата кои Град Скопје им ги должи.

Скопје | пред 3 години