ТОП

ВМРО-ДПМНЕ: Ефектот од средбите Арсовска - Ковачевски: Блокиран град, банкротирано ЈСП и сомнеж за провизии во џебот на скопски сметководител

Ефектот од средбите Арсовска - Ковачевски е блокиран град, банкротирано ЈСП и сомнеж за провизии кои завршуваат во приватни џебови, вели ВМРО-ДПМНЕ„Тендерот за набавка на нафта во ЈСП е потпишан од директорот Александар Стојковски, кадар на СДС, а фирма добитник е во сопственост на пратеник коалициски партнер на власта Пуцко Петрол.Тендерот за набавка на нафта за ЈСП секогаш имал вклучен рабат од 6 денари. Дури и во времето на Шилегов. Сега со Арсовска нема.Што се сменило сега во однос на години претходно? Нафтата се набавува на големо, а не на бензинска. А, цените кои ќе ги плаќа ЈСП според договорот за набавка тежок 27 милиони евра, се исти како во малопродажба.Секој поголем потрошувач на горива добива рабат, тргнувајќи од транспортери до превозници. Само ЈСП, кој е најголем директен потрошувач во државата плаќа за 14.500.000 литри како да купува 50 литра.Ваквиот договор со кој се сомневаме дека ЈСП се оштетува за над 1.4 милиони евра е потпишан од Александар Стојковски, директор на претпријатието, кадар на СДС.Дали е точно дека нема попуст затоа што има провизии?Која е улогата на блискиот сметководител на Данела Арсовска од Ѓорче Петров Драган Митковски Книга?Дали и во чии приватни џебови завршија провизиите од попустот кој го нема.Дали Драган Митковски Книга е главниот кадровик во Градот Скопје и ЈСП?На кого треба да припадне приватниот превоз во градот Скопје?Во моментот директорите во град Скопје на СДС, ДУИ и Левица, заедно со Данела Арсовска владеат со хаосот во град Скопје“, се вели во соопштението.

Скопје | пред 3 години

Загина младо момче во тешка несреќа вечерва

Тешка несреќа се случи вечерва во Скопје, со една жртва. Неофицијално загинатиот е младо момче кое управувало моторцикл.Во несреќата учествувале три возила, „Цитроен“, „Мини купер“ и моторцикл кој бил марка „Хонда“.Екипи на Брза помош констатирале смрт кај момчето.Детали од полицијата засега нема, во тек е увид.

Скопје | пред 3 години

Нови цени на горивата, понеделничко поевтикување

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,66 % во однос на одлуката од 1.12.2022 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,137%, кај дизелот зголемување за 0,131%, кај екстра лесното масло намалување за 1,045% и кај мазутот зголемувањето е за 2,090%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,176%.Малопродажната цена на бензинот ЕУРОСУПЕР БС-95 се намалува за 1,50 ден/лит, додека малопродажната цена на бензинот ЕУРОСУПЕР БС-98 се намалува за 1,00 ден/лит.Малопродажната цена на ЕУРОДИЗЕЛ (Д-Е V) не се менува.Малопродажната цена на Екстра лесното масло за домаќинство на (ЕЛ-1) се намалува за 1,00 ден/лит, додека малопродажната цена на Мазутот М-1 НС се зголемува за 0,361 ден/кг.Од 6.12.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 83,00 (денари/литар)Моторен бензин ЕУРОСУПЕР БС - 98 85,50 (денари/литар)Дизел гориво ЕУРОДИЗЕЛ БС (Д-Е V) 84,50 (денари/литар)Масло за горење Екстра лесно 1 (ЕЛ-1) 81,50 (денари/литар)Мазут М-1 НС 42,171 (денари/килограм)Напоменуваме дека ова се максималните цени на нафтените деривати од 00:01 часот на 6.12.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Нема бомби во кавадаречките училишта

Министерството за внатрешни работи ја известува јавноста дека се направени сите потребни проверки во врска со денешните пријави од училишта во Кавадарци дека на електронските адреси на училиштата била испратена закана за поставена експлозивна направа, и утврдено е дека станува збор за лажни пријави.Веднаш по добиените пријави, од полициски службеници се преземени мерки за безбедно евакуирање на училиштата и по извршени проверки утврдено е дека станува збор за лажни пријави.

Македонија | пред 3 години

Малолетник ги испраќал дојавите за бомби во основни училишта во Скопје, се гони за тероризам

Денеска (05.12.2022) Секторот за борба против тероризам, насилен екстремизам и радикализам при Одделот за сузбивање на организиран и сериозен криминал до Основно јавно обвинителство за гонење на организиран криминал и корупција поднесе кривична пријава против малолетник од Скопје, за сторено кривично дело „тероризам” предвидено и казниво по член 394-б став 2 од Кривичниот законик.„Имено, пријавениот малолетник инспириран од претходни објави за поставени бомби во неколку средни училиштата на територијата на град Скопје, во перод од 26.10.2022 до 02.11.2022 година, на социјалните мрежи забележал дека пораките биле испратени преку конкретен провајдер, кој нуди криптирање и заштита на комуникацијата, при што на 04.11.2022, од неговиот персонален компјутер, пристапувајќи на интернет мрежата на еден телекомуникациски оператор, креирал електронска адресата на конкретниот провајдер, преку која напишал заканувачка порака за поставени експлозиви во четири средни училишта.Истиот ден, користејќи посебна апликација, преку неговиот мобилен телефон се поврзал на неговиот персонален компјутер и во 14.09 часот, од претходно креираната електронска адреса на службените електронски адреси на четирите средни училишта во Скопје, ја испратил горенаведената порака со заканувачка содржина.Од страна МВР-ОСОСК-СБПТНЕР-Единица за откривање и демонтирање на експлозивни средства и направи, извршена е антитерористичка проверка на сите училишта кои што ја добиле порака, при што не се пронајдени експлозивни направи.Со цел обезбедување на докази, од страна на Секторот за борба против тероризам насилен екстремизам и радикализам во соработка со Секторот за компјутерски криминал и дигитална форензика и Секторот за меѓународна полициска соработка преземени се мерки, при што е утврдено дека електронската адреса на пријавеното лице била креирана на 04.11.2022 година во 11.17 часот од IP адреса, за која од страна на телекомуникациски оператор се доставени податоци дека сопственик е Д.К.Ч.(43) од Скопје, мајка на кривично пријавеното малолетно лице.Врз основа на издадени наредба од Судија на претходна постапка при Основен кривичен суд Скопје, на 07.11.2022 година е извршен претрес на дом и други простории каде живее Д.К.Ч., при што се одземени десктоп компјутер, еден мобилен телефон и СИМ картичка, кои ги користел малолетникот., а од страна на Секторот за компјутерски криминал и дигитална форензика извршен е преглед во електронските уреди кои ги користи кривично пријавениот, при што е утврдено дека на 04.11.2022 година преку интернет пребарувач било пристапено на конкретниот сервис провајдер, а врз основа на наредби од ОЈО за ГОКК извршено е вештачење на електронскиот доказен материјал, при што е утврдено дека пријавениот платил за закупување на пакет од провајдерот за користење на безбедна електронска пошта.На 07.11.2022 во ПСОН Карпош, во присуство на родител, инспектор за малолетници и семејно насилство од СВР Скопје и адвокат, извршен е разговор со пријавениот малолетник, при што тој го призна и го појасни начинот на извршување на кривичното дело.

Скопје | пред 3 години

Блокадите може да се прошират, граѓаните нека и се лутат на Данела, посочија приватните превозници

Ленин Јовановски од „Слобода превоз“ е дециден дека нема да се запрат блокадите, а постои можност тие да продолжат и на повеќе раскрсници низ Скопје. Смета дека чекорот Скопје да биде блокирано поради неисплатниот долг од скоро 2 милиони евра кон приватните превозници е правилен.„Неодговорно е однесувањето. Не се работи за приватна бавча на градоначалничката која ќе ја работи како сака. Таа мора да се грижи јавниот интерес и да постапува согласно законот. Се што излага надвор од тоа, ги продуцира ваквите проблеми. Затоа зборувам дека системски се наруши јавниот интерес. Ако е веќе сценарио, тоа е да се исцрпат приватните превозници, да имаат големи долгови, да не можат да ја извршуваат дејноста и така да престанат да ја вршат, за некој потоа да има причина да им го раскине договорот и да ги исфрли од игра“, кажа Јовановски.Според него, блокадите ќе бидат постојани се додека не се најде законски соодветно решение за целиот проблем.„Ќе има можеби и одредено проширување. Има околу 200 автобуси во Скопје кои ќе го свртат внимание кон себе за граѓаните да ја знаат вистинската состојба. Не може граѓаните да ги критикуваат приватните превозници, туку треба да го критикуваат изворот на проблемот а тоа е градоначалничката“, додаде тој.

Скопје | пред 3 години

„Била пронајдена мртва во спална, до неа имало пиштол“, нови медиумски детали за смртта на инфлуенсерката Маја во Охрид

Јужноафриканската полиција ги истражува околностите во кои трагично го загуби животот Маја Јанеска, познатата инфлуенсерка и мејк-ап артистка која потекнува од Македонија. Таа во петокот била пронајдена со прострелна рана во главата, јавува еден јужноафрикански портал.Според порталот, полицијата не ја третира смртта на Јанеска како сомнителна, но семејството и пријателите изјавиле дека не можат да веруваат дека таа сама би си го одзела животот.„Полицијата добила повик за лице кое наводно се самоубило во имотот Басонија. По пристигнувањето на дадената адреса, полицијата пронашла жена во спалната соба со прострелна рана во главата. До неа имало огнено оружје. Смртта ја потврдил лекар“, изјавил портпаролот на полицијата Масондо.Порталот пренесува дека нејзиното момче за време на настанот било во домот.Познатата инфлуенсерка пред неколку дена била во Македонија.„Не можам да поверувам дека повеќе не е меѓу нас, а само минатата недела беше во Македонија да го прослави тоа што на државава и помогна да биде признаена од Јужна Африка и после долго време да се воспостават дипломатски односи“, пишува на Фејсбук нејзиниот долгогодишен пријател Сефер Цаноски од универзитетот ФОН.Цаноски вели дека Маја му кажала дека создала голема мрежа на пријатели во многу држави на африканскиот регион и дека ја почитуваат како успешна жена.

Македонија | пред 3 години

Весна Дамева од член на правната комисија на СДСМ стана претседател на Судски совет

Весна Дамева, поранешен стручен соработник во Кривичниот суд и поранешен член на правната комисија на СДСМ стана претседател на Судскиот совет со 10 гласа „за“ и 1 „против“ кој го доби од Лорета Горгиева. Дамева, во јавноста е познат како партиски кадар поради нејзиното членување во комисијата на СДСМ, но кога ја избраа, ветуваше дека ќе го реформира судството.„И по две години, ќе бидете горди на ова гласање. Благодарност до медиумите, вие сте двигател. Голем предизвик е за мене, со реформите во тек, да бидам на чело на оваа институција која мора да се издигне на нивото кое го заслужува. Јас заедно со колегите, ќе го понесеме главниот товар и ќе го напреднеме судството согласно насоките од ЕУ и да има голем успех ако работиме заедно“, кажа Дамева.И покрај тоа што излегува од редовите на СДСМ и тоа во време кога има жестоки критики за партизација и коруптивност во правосудството, колегите ја претставија како личност со интегритет.„Весна Дамева е избрана од Собранието на Северна Македонија, функцијата во Судски совет ја извршува посветено, има позитивен допринос, сметам дека е личност со интегритет, таа ќе го подигне интегритетот и довербата на судиите во Советот, како и перцепцијата на граѓаните“, кажа членот на Судскиот совет.

Македонија | пред 3 години

Пријави за бомби во основни училишта, итно евакуирани учениците

Денеска (05.12.2022) околу 07 часот во Полициска станица Кавадарци било пријавено дека на електронска адреса на пет училишта (две средни и три основни) во Кавадарци е упатена закана за поставена експлозивна нaправа.Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случајите.

Македонија | пред 3 години

Три раскрсници затворени за сообраќај, приватните превозици повторно на протест

Приватните автобуски превозници денеска од шест часот наутро повторно поставија блокади на неколку главни точки во главниот град, односно крстосниците пред ТЦ Мавровка, Црвен Крст, како и Булеварот Илинден околу локацијата на градското Собрание.Од МВР за протестот информираа дека ќе има посебен сообраќаен режим и апелираа до граѓаните да ги почитуваат наредбите што ги издаваат полициските службеници.Планот на приватните превозници е блокадата на Скопје да трае се дури не им се исплати долгот, но најавија дека е можно да преземат и уште порадикални чекори.

Скопје | пред 3 години

Гужва на овие булевари во Скопје

ЦУКС известува дека во овие утрински часови поголем број возила се забележуваат долж:-ул. Свети Кирил и Методиј кон бул.Водњанска,-ул. Васил Ѓоргов кон ул. Железничка,-бул. Водњанска во двете насоки,-бул. Свети Климент Охридски во двете насоки,-бул. Киро Глигоров во двете насоки,-ул. Перо Наков во двете насоки,-бул. 8ми Септември во двете насоки,-бул. Партизански Одреди во двете насоки,-ул. Беласица во двете насоки,-мост Нова железничка станица во двете насоки,-ул. Никола Карев во двете насоки,-ул. Пролет и бул. 3та Македонска бригада во двете насоки,-бул. Македонија во двете насоки,-бул. Митрополит Теодосиј Гологанов кон бул. Свети Климент Охридски,-бул. Свети Климент Охридски во двете насоки,-бул. Кузман Јосифовски Питу кон Нова железничка станица .

Скопје | пред 3 години

Кока за Чадиковски: Не му честитав на „победникот“ бидејќи ова беше журка на партиско-штабски директиви меѓу ДУИ и СДСМ

Новинарката Филјана Кока, противкандидатката на Младен Чадиковски кој беше ре-избран за претседател на Здружението на новинари на Македонија, по изборите, остави свој коментар на социјалните мрежи. Кока, која е новинарка со долгогодишно искуство објасни зошто не му честитала на Чадиковски.„Им благодарам на 53 колеги кои ме поддржаа покажувајќи целосен професионален интегритет. Не излегов да му честитам на ”победникот” бидејќи ова беше само журка на партиско-штабски директиви меѓу ДУИ и СДСМ. Господ да му е на помош на македонското новинарство!“, напиша Кока.На собранието дојдоа и беа регистрирани дури 456 медиумски работнички и работници, членови на ЗНМ. Чадиковски доби 229 гласови. Противкандидатот Марјан Николовски доби 85, додека актуелната потпретседателка на ЗНМ, Фиљана Кока, доби само 40 гласови.Собранието на ЗНМ кое брои околу 1.000 членови, започна во 10 наутро и заврши во 18 часот.

Коментари | пред 3 години

(ФОТО) „БМВ“ влета во дуќани на Партизанска

Автомобил марка „БМВ“ излета од булеварот Партизански одреди во Скопје.Несреќата се случила во близина на Соборниот храм.Автомобилот со скопски регистарски ознаки се забил во столб од зграда. Од ударот се отворило едно од воздушните перничиња.Според коментарите под фотографијата, несреќата се случила околу три часот по полноќ.https://twitter.com/hedonisam/status/1599349869671755778?s=20&t=JD374JmnMBsX9t402YmhjA

Скопје | пред 3 години

(ВИДЕО) Македонец ја расплака Цеца во Гранд

Вчерашната емисија „Ѕвездите на Гранд“ ја отвори Македонецот Бојан Илиевски. Toj доби 6 гласа од жирито и влезе во тимот на балканската фолк-дива Цеца Ражнатовиќ.Поддршка на 22 годишното момче беше неговата баба, која ја расплака Цеца откако ја раскажа животната приказна на Бојан, кој многу млад останал без мајка и татко.Настапот на Бојан погледнете го на самиот почеток од емисијата.?t=234

Магазин | пред 3 години

Судовите сосе затворите и факултетите ќе може да паднат во мрак

Поради големи долгови и факултетите, судовите, зоолошката градина, затворите може да останат без струја.ЕВН од утре ќе испорачува известување за исклучување и до овие инситуции. Претходно ваков документ добија Клинички и Железници, дека за помалку од две недели можат да останат без електрична енергија.Сега министерот за финансии Бесими ќе проба да најде пари за барем да го намали долгот од околу 7 милони и Клинички да се спаси од мрак.Во меѓувреме се токмат нови милионски набавки на струја. Од утре продолжува купувањето на електрична енергија.

Скопје | пред 3 години

Скопје и утре ќе е хаотично, блокирани ќе се булевари

Посебен режим на сообраќај утре (05.12.2022) во СкопјеМинистерството за внатрешни работи ја информира јавноста дека на 05.12.2022 (пoнеделник), поради најавено одржување на протест, со почеток во 06.00 часот, полициски службеници од СВР Скопје ќе преземат мерки за посебен режим на сообраќајот.Притоа, посебниот режим на сообраќај ќе биде воспоставен на бул. „Илинден“ - од крстосницата на бул. „Илинден“ со бул. „Св. Климент Охридски“, до крстосницата од бул.„8 Септември“ и бул. „Илинден“ - крстосницата од ул. „11 Октомври“ и бул.„ Кочо Рацин“ (Црвен крст) и крстосницата од бул. „Гоце Делчев“ и бул. „Крсте Мисирков“ (Судска палата).Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива настанот со цел безбедност на сите учесници во сообраќајот.

Скопје | пред 3 години

„Бугарија се соочува со драматична политичка криза, зависна е од Русија“

Ивор Мицковски, новинар, коментирајќи ги состојбите во регионот и светот, посочува дека Бугарија се соочува со криза, бидејќи е зависна од Русија.Неговиот коментар во целост:„Бугарија се соочува со драматична политичка криза, зависна е од Русија, од криминална и недемократска власт, меѓународно и во рамки на ЕУ е изолирана и тргната настрана. Само нашите власти се договорија нашите квазипреговори да зависат од волјата на Софија и да им дадат на нивните корумпирани политичари запалив материјал за одржување каков-таков внатрешен консензус.Уствари, кај сме за нигде и не правиме ништо корисно за себе, им правиме плус и услуга на отфрлените и непосакувани бугарски криминалци на власт. Ние извезуваме корупција, криминал и неспособност“.

Коментари | пред 3 години

Мицкоски проговори за тајните средби на Арсовска и Ковачевски

Мојата порака и до градоначалничката и до Ковачевски е кога ќе се среќаваат на тие тајни средби во Владата е да договорат суштински работи кои ќе им помогнат на превозниците, затоа што така им помагаат на скопјани. Хаосот кој се случува сите тие луѓе ги фрустрира, ги прави нервозни и тоа не е добро и затоа треба барем кога ќе се состануваат на тие тајни средби за кои што потврди Ковачевски да излезат од тие средби со некакво решение, вели претседателот на ВМРО-ДПМНЕ Христијан Мицкоски одговарајќи на новинарско прашање како го коментира протестот на приватните превозни и одбивањето на градоначалничката на Град Скопје Данела Арсовска да седне на маса и да разговара со нив за изнаоѓање на решение и стопирање на хаосот во градот со јавниот превоз.Мицкоски потенцираше дека тендерот за набавка на нафта во ЈСП Скопје не содржи член за рабат односно попуст како што содржале сите претходни договори, укажувајќи дека доколку попустот е 6 денари за еден литар нафта и доколку ЈСП троши дневно по 25 илјади литри тогаш ќе заштеди 2.500 евра дневно, на месечно ниво би заштедиле 75.000 евра, додека на годишно ниво би заштедиле 900.000 евра, односно како што рече доволно за да се подмират приватните превозни и да се прекине сообраќајниот хаос.Изминатите денови во јавноста дел од партиските соработници на Ковачевски излегоа со договорот кое што ЈСП го има потпишано за набавка на нафта. Излегоа против нивниот партиски другар, кој што е директор на ЈСП бидејќи тој е член на централното раководство на СДСМ. И таму за волја на вистината погрешно го цитираат членот 3 и велат дека има фиксна цена, што не е точно. Ако го прочитате подолу, бидејќи не го читаат до крај или ги мрзи или пак сакаат да спинуваат, во договорот ќе видите дека цената која ја плаќа ЈСП ја плаќа врз основа на утврдената малопродажна цена на Регулаторна комисија и таа се нивелира од ден за ден. Но, точно е тоа дека има фиксна цена, но што не содржи овој договор? Овој договор не содржи рабат или попуст кој што го содржале сите договори на сите минати раководства, дури и во времето на Петре Шилегов, и во времето на Коце Трајановски. А тој рабат е 6 денари за еден литар. Ако дневно троши ЈСП 25 тона нафта, тоа се 25 илјади литри, со овие 6 денара тоа е 150.000 денара, или 2.500 евра на ден рабат односно попуст. Помножено со 30 дена тоа е 75.000 евра месечно, помножено со 12 месеци тоа е околу 900.000 евра. Еве ги парите за приватните превозници кои што ЈСП им ги должи, порача Мицкоски и додаде дека наместо парите да завршат кај приватните превозници тие завршуваат кај луѓе блиски до дуото Ковачевски и Арсовска.Е сега овие пари завршуваат кај лица блиски до дуото Ковачевски и Арсовска, роднини, соработници во делот на сметководството кои што секојдневно се наоѓаат во ЈСП и кажуваат кои фактури да се платат, а кои не се платат. Ако овие 6 денара беа дел од овој договор, еве ги парите и ќе бевме ние сите скопјани заштитени од ова што денес ни се случува.Договорот кој што е потпишан е 2 годишен и вклучува 14 ипол милиони литри, тоа значат рабат од 1 ипол милион евра, еве ги парите само не треба да се крадат и да се местат тендери за резервни делови за семејството, треба да се вратат кај луѓето, дециден е Мицкоски.

Македонија | пред 3 години

Десетици специјалци во Арачиново за апсење на вработен во локал кој имал пиштол со него

На 03.12.2022 полициски службеници од СВР Скопје - Единица за недозволена трговија, Единица за интервентна полиција, Оперативен тим за Потраги и Одделот за специјални полициски операции извршија акциска контрола во угостителски објекти на подрачјето на с.Арачиново, скопско, при што лишен од слобода А.Д.(40), вработен во еден од локалите.Кај него бил пронајден пиштол "ТТ" и рамка со осум куршуми. Тој е приведен во полициска станица и по документирање на случајот против него ќе биде поднесена кривична пријава по чл. 396 од Кривичниот законик. Инаку, во рамки на акциската контрола бил извршен преглед на 54 лица затекнати во угостителските објекти и 11 возила.

Скопје | пред 3 години

Тинејџер го украл возилото на Брза помош

По преземени мерки и активности, на 03.12.2022 во 15.40 часот полициски службеници од Полициската станица Кочани го лишиле од слобода Д.Н.(18) од Кочани, поради основи на сомнение дека од кругот на болницата во Кочани одзел возило на Итната медицинска помош Кочани.Како што веќе информиравме, по преземени мерки и активности, возилото било пронајдено во 08.30 часот на ул.„Кирил и Методиј“ во Кочани и било вратено на Итната медицинска помош. Исто така, по преземени оперативно - тактички мерки расчистени се и кривични дела „тешка кражба“ на компјутер и „одземање моторно возило“ „опел корса“, извршени претходно. Во службен разговор во полициска станица Д.Н. ги признал делата, а одземените компјутер и возило „опел корса“ биле пронајдени и вратени на сопствениците. По целосно документирање на случаите против него ќе бидат поднесени соодветни кривични пријави.

Македонија | пред 3 години

Полициските службеници остануваат најдеградирани работници, коментира адвокат

Скопскиот адвокат Александар Димитриевиќ коментирајќи го ставот дека полицајците биле криви за случувањата во Арачиново, посочува: „Полициските службеници остануваат најдеградирани работници“.Тој додава:Го памтиме случајот кога полицајката со голем интегритет во МВР се удри од пајакот па после си даде и оставка. И како да очекуваме полицајците да не бранат кога ниту тие не се чувствуваат безбедно. Ваквиот пристап на Министерот спротивен на член 42 од ЗРО им дава право на работниците да одбијат работа.

Коментари | пред 3 години

МВР кажа што според нив се случило во Арачиново

По извршени детални проверки од страна на СВР Скопје и Одделот за внатрешна контрола, криминалистички истраги и професионални стандарди, ја известуваме јавноста дека комплетна дезинформација се објавите дека полициски службеници биле нападнати во општина Арачиново. Од извршените проверки е утврдено дека на 30.11.2022 тројца полициски службеници запреле возило „фолксваген“, управувано од малолетник, но не ги презеле потребните службени дејства, за што против нив се изготвени иницијативи за дисциплинска постапка, а во извршените службени разговори тројцата полициски службеници негираат дека било кој им се заканувал или вршел притисок врз нив. Затоа, апелираме пред да се проверат фактите да не се објавуваат дезинформации со кои се вознемируваат граѓаните.Во врска со случајот, утрово во Полициско одделение Арачиново е повикан 17-годишниот малолетник заедно со неговиот родител, двајцата од с.Сарај, скопско, поради основано сомнение за сторен прекршок по чл.225 од Законот за безбедност на сообраќајот на патиштата и по извршен службен разговор, малолетникот го појаснил стореното дело. Против малолетникот е поднесен поднесок за констатиран прекршок за управување на моторно возило без возачка дозвола, а против родителот поднесок за сторен прекршок по чл.317 ст.14 од истиот закон, поради тоа што му дозволил на малолетникот да го управува возилото без дозвола.

Македонија | пред 3 години

Скопје е во хаос, на двете партии им е крива Арсовска, градот заглавен во долгови

„Цела недела Град Скопје е во тотален колапс поради неспособноста на ВМРО-ДПМНЕ и нивните кадри во градската власт. Цела недела приватните автобуски превозници не возат и блокираат важни сообраќајници поради тоа што Град Скопје и градоначалничката Арсовска не им ги исплаќаат долговите. Јавниот превоз крахира, ЈСП нема доволно капацитети да ги опслужува сите линии комплетно, па скопјани со часови чекаат автобус на постојките и се возат во преполни автобуси,Во исто време, ЈСП кое тоне во долгови, случува договор за набавка на дизел гориво по цена од 118 денари за литар дизел, во период кога ова гориво чини 86,5 денари за литар“, вели Љубица Јанчева, координаторка на советничката група на СДСМ и коалицијата во Град Скопје.„Катастрофална е ситуацијата и во други градски јавни претпријатија како „Дрисла“ и „Водовод и канализација“. Но, градската власт на ВМРО-ДПМНЕ и градоначалничката Арсовска ги игнорираат сите овие проблеми и продолжуваат меѓусебно да се обвинуваат за криминал. Во меѓувреме, градот стагнира, нема ниту еден нов проект, ниту пак се продолжуваат проектите наследени од претходната градска власт предводена од СДСМ. Една година градска власт на ВМРО-ДПМНЕ е една година стагнација на градот, една година разочарувања за граѓаните“, додава таа.Наспроти нив, се огласи и ВМРО-ДПМНЕ.„Данела Арсовска и СДС се во коалиција, Ковачевски потврди имале и средби, плод на коалицијата е директорот на ЈСП кадар на СДС. Димитар Ковачевски јавно призна дека имал средби со Данела Арсовска. А тоа се гледа и по кадровските политики на градоначалничката на Скопје, која за свои први соработници назначува луѓе од СДС. Имено Александар Стојковски, директорот на ЈСП поставен од Данела Арсовска е кадар на СДС. Ова е фотографија од која се гледа Стојковски на партиските состаноци во централниот штаб на СДС. Заедничкиот интерес на таквата коалиција се тендерите и договорите во 4 очи. Зошто ЈСП троши повеќе нафта од тоа што трошеше со повеќе автобуси од пред 8 години? Зошто фирмата на владиниот пратеник е победничката на милионскиот тендер за набавка на нафта за ЈСП? Одговорите ги крие коалицијата Арсовска - Ковачевски, кои што се одговорни за хаосот. Данела Арсовска молчи и за долгот на Клинички центар кон ЈП Водовод и канализација. Зошто молчи, ако не се во тајна коалиција?“, вели Наум Стоилковски, портпарол на ВМРО-ДПМНЕ.„Град Скопје му должи на ЈП Улици и патишта. Данела Арсовска го заглавила градот во долгови, неподмирени обврски и во проблеми. Еден од таквите проблеми е и застојот во јавниот превоз. Додека делат тендери, Арсовска и Ковачевски ги ставија приватните превозници на милост и немилост, а скопјани со нарушен јавен превоз. Скопје е блокирано, а скопјани заглавени во сообраќаен хаос, и тоа е вина само на СДС и на Данела Арсовска. Очигледно е зошто ВМРО-ДПМНЕ ја повлече својата поддршка за Арсовска. Никогаш нема да поддржиме некој кој тргнува во коалиција со криминалци за правење на матни зделки“, додава тој.

Скопје | пред 3 години

Мицкоски го советуваше Ковачевски

Христијан Мицкоски посочува дека не знае кој го советува премиерот, ама советите се погрешни. Заклучокот го извлекол откако видел дека советниците му кажале да се фали со зголемен број на социјални случаи. Стратегијата, според Мицкоски е погрешна.„Тие немаат друга тема која ќе ја зборуват. Сиромаштија, крадат во енергетиката, прават тендери во четири очи, многу се краде, многу се краде, поради дојавите за бомбите децата не можат да следат настава, нема сегмент каде можат да кажат дека има напредок. И ајде сега што ќе правиме - ќе збориме за ланскиот снег. Нема што да променам и да додадам на тоа“, кажа Мицкоски за обвинувањата дека се договарал со странците да гласа за уствани промени во замена за власт.Алармантна е ситуацијата во државата и економијата, посочува Мицкоски, кој вели дека состојбата нема да биде добра.

Македонија | пред 3 години

(ВИДЕО) Низ улиците во Македонија се шетаа албански знамиња, по победата на Швајцарија над Србија

Вчра, веднаш по натпреварот Србија – Швајцарија започнале собирања и на улиците низ Македонија. До редакцијата на boemot.mk пристигнале видеа на кои може да се забележи за провокациите кои вечерва ги има во Куманово по победата од страна на Швајцарија над Србија.https://twitter.com/boemot_mk/status/1598812194510032897?ref_src=twsrc%5Etfw%7Ctwcamp%5Etweetembed%7Ctwterm%5E1598812194510032897%7Ctwgr%5Ed57f4fedf8af3eacc994d0a5b59bfd65c62a9a81%7Ctwcon%5Es1_&ref_url=https%3A%2F%2Fboemot.mk%2Fekskluzivno-video-provokacii-tenzija-fizicka-presmetka%2FКако што може да се забележи од видеото каде јасно се гледаат албанските знамиња, станува збор за собир на албански навивачи кои ја слават победата.https://twitter.com/Malta97039924/status/1598812991146713088?ref_src=twsrc%5Etfw%7Ctwcamp%5Etweetembed%7Ctwterm%5E1598812991146713088%7Ctwgr%5Ed57f4fedf8af3eacc994d0a5b59bfd65c62a9a81%7Ctwcon%5Es1_&ref_url=https%3A%2F%2Fboemot.mk%2Fekskluzivno-video-provokacii-tenzija-fizicka-presmetka%2FОсвен во Куамново, собири имало и во Скопје, Тетово, Гостивар и останати градови.https://twitter.com/boemot_mk/status/1598812641384075265?ref_src=twsrc%5Etfw%7Ctwcamp%5Etweetembed%7Ctwterm%5E1598812641384075265%7Ctwgr%5Ed57f4fedf8af3eacc994d0a5b59bfd65c62a9a81%7Ctwcon%5Es1_&ref_url=https%3A%2F%2Fboemot.mk%2Fekskluzivno-video-provokacii-tenzija-fizicka-presmetka%2F

Македонија | пред 3 години