ТОП

Се огласи директорката од скопското училиште, која мејлот со дојавата за бомба го прочитала еден ден подоцна

Директорката на училиштето ООУ „Кочо Рацин“ во Петровец, Виолета Јаневска даде објаснување во врска со денешните дојави за бомба во училиштето.Таа вели дека меилот е испратен по завршување на работното време, и во тоа време немало ученици во училиштето.„Маилот е пратен вчера во 15 ч и 07 мин. по завршување на работното време на службите кои што што се задолжени за отворање на електронската пошта на училиштето и во моментот училиштето нема ученици. Утрово по пристигнување на работното место ја отворив електронската пошта околу 7ч и 20.мин. пред почеток на часовите при што видов дека има порака со заканувачка содржина. По што го известив МВР и општината и учениците беа безбедно евакуирани во училишниот двор“, вели таа.Според неа, потоа пристигнале единиците на Министерството за внатрешни работи при што беше констатирано дека дојавата за бомба е лажна.„Воедно сакам да Ве информирам дека истовремено истиот мејл стигнува и во други 4 училишта меѓу другото и ООУ, Илинден” од Крива Паланка кое што исто така го пријавува случајот денес околу 11 часот, а претходниот ден МВР го бара тоа училиште во општина Илинден, но не може да го најде. Сакам да прашам зошто кога на испратениот е-маил се гледа до кои училишта е пратена пораката меѓу кои е и нашата е маил адреса МВР не не контактира да праша дали сме добиле порака со заканувачка содржина а веќе се знаеле до кои училишта е пратено???“, прашува директорката.

Скопје | пред 3 години

Мицкоски: Нов увоз на струја и ново авансно „херојско” плаќање, за само 3 дена од 5-ти до 7-ми декември, ЕСМ ќе увезе струја во вредност од околу 4.200.000 евра

Продолжуваат во владата „хероите” со „херојските дела“ во енергетиката. Нов увоз на струја и ново авансно „херојско” плаќање. За само 3 дена од 5ти до 7ми Декември, ЕСМ ќе увезе струја во вредност од околу 4.200.000€.За само еден месец, од 7ми Ноември до 7ми Декември „хероите” во владата увезоа струја за точно 32.955.084€ или за повеќе од 1 милион € на ден. Доколку работеше ЕСМ како што најавуваа „хероите” во владата со трите блока во Битола и едниот блок во Осломеј, или ако трансформаторот во Битола стигнеше како што најавуваа на 1ви Ноември, овие пари немаше да се потрошат на увоз на струја. Ќе имаше повеќе за студентски оброк, за земјоделците, ќе имаше повеќе за градинки, улици, паркови и училишта.Наместо да произведуваат, увезуваат за авансни „херојски” провизии. Доаѓа денот на одговорност кога „херојските” авансни провизии ќе ви бидат претешки.

Македонија | пред 3 години

Дојави за бомби во Скопје, МВР влезе во училиштата

Министерството за внатрешни работи ја известува јавноста дека се направени сите потребни проверки во врска со денешните пријави од училиштата во скопско кои добиле порака на електронската адреса со закана за поставена експлозивна направа, и утврдено е дека станува збор за лажни пријави.Имено, денеска (02.12.2022) околу 07.30 часот во СВР Скопје е пријавено дека на електронски адреси на три основни училишта во скопско е упатена закана за поставена експлозивна нaправа. Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави.

Скопје | пред 3 години

Даночна реформа, нема нови даноци и се укинува прогресивното оданочување, вели СДСМ

Владата предводена од СДСМ од почетокот на наредната година почнува со етапно воведување нов даночен систем, чија главна карактеристика е праведноста, вели СДСМ„Реформата на даночниот систем не предвидува нови даноци, не предвидува зголемување на даноците, односно данокот на личен доход останува 10 отсто и не се зголемува, данокот на додадена вредност останува 18 % и не се зголемува и каматите на депозите на штедните влогови нема да се оданочуваат.Новина е дека од 1 јануари 2023 година нема да се применува прогресивното оданочување, односно се укинува концептот на прогресивно оданочување и ќе продолжи да се применува оданочувањето со единствена стапка од 10 отсто.Една од мерките што ќе продолжи да се применува на барање на бизнис заедницата, е ослободувањето на реинвестираната добивка.Во Законот за ДДВ останува основната стапка од 18 проценти која е најниска во регионот, и двете повластени од 5 проценти и 10 проценти, кои, исто така, се најниски. Она што ќе се ревидира е листата на производи кои се луксузни и кои ќе се оданочуваат со втората повластена стапка.Во однос на хонорарците низ дебата се дефинираа насоките за создавање модел на кој ќе се работи во наредниот период и ќе овозможи на доброволна основа да плаќаат придонеси, со што им се обезбедува здравствено и пензиско осигурување.Со концептот се останува на определбата за поддршка на спортот и лицата со посебни потреби. Односно со концептот се воведува нов начин на донации за спортот, а вработените лица со посебни потреби и понатаму остануваат ослободени од данок на личен доход.Приоритет на даночната реформа е поголема праведност во оданочувањето, односно секој да ја исполнува својата општествена обврска и да го плати својот праведен удел од данокот.Даночната реформа воведува даночен систем кој ќе биде предвидлив, транспрентен, едноставен и стабилен и ќе создаде здрава основа на сите политики во државата“, се вели во соопштението.

Македонија | пред 3 години

Во енергетиката се случува “распад ситем“- состојбите се коса да му се крене на човек, вели ВМРО-ДПМНЕ

“Распад ситем“ е фраза која најдобро го опишува енергетскиот ситем во Македонија со власта на Ковачевски и СДС. РЕК Битола работи со еден блок со 75% од инсалираната моќност, иако беше ветувано во функција не се ставени РЕК Осломеј и ТЕЦ Неготино, а хидропотенцијалот е само 18%. Сето ова се случува во декември среде грејна сезона, вели ВМРО-ДПМНЕ„Заради ова Македонија увезува струја и троши народни пари заради нечија неспособност но и нечии провизии. Само за првите 4 дена од декември авансно се платени 6 милиони евра за увоз на струја. Од 7-ми ноември заклучно до 4-ти декември граѓаните ќе ги платат неспособноста и криминогеноста на оваа влада со скоро 29 милиони евра за увоз. Во просек по над 1 милион евра дневно.Згора ба сето ова, продолжува договарањето во 4 очи во РЕК Битола, што се прави со омилените компании на директорот за дебели и мрсни износи. Врват камионите, врват матните бизниси, парите се испумпуваат, РЕК Битола пропаѓа исто како и целиот енергетски систем. Коса да му се крене на човек од состојбите, но тоа на Ковачевски нема ефект. Тој или е опериран од одговорност или кога се работи за криминалите во енергетиката го нема она чувство како со нож да му го сечат стомакот. Само и Ковачевски и неговите пајташи треба да знаат дека времето на одговорност е пред нив и може да се кријат но не може да избегаат“, се вели во соопштението.

Македонија | пред 3 години

Мртвиот пешак од Битола виновен што е мртов, семејството: Не ни е јасно како не им работи родителскиот инститкт

„Правораздавачите“ се имуни на лелеците и солзите на родителите, кои по нечија туѓа вина го изгубиле својот млад син. Ова е ставот на Бојан Петровски, брат на пешакот Оливер кој беше прегазен во Битола, а каде возачот доби 18-месеци затвор. Тој и семејството останаа на ставот дека пресудата е срамна, а уште посрамно е тоа што сега е потврдена и од Апелација. Братот на усмртениот Бојан, во реакцијата посочува и: „Која е причината за нивното вакво постапување не можам со сигурност да знам, но најверојатно е корупција, прилично сум убеден во тоа“.„Само, не ми е јасно како не мислат на сопствените деца, како нивниот родителски инстинкт не проработува во вакви случаи, како не помислуваат дека со продолжувањето на неказнивоста на несовесните возачи, ги ставаат во опасност сопствените деца, кои утре можат да завршат како мојот брат Оливер (иако никому тоа не му го посакувам)... На ‘судиите’ и неколкуте проценти доверба кои ги имаат им се многу. Судовите се полни со лица како син му на Талат и како оној обвинителот за организиран криминал, кои од почетокот на кариерата започнуваат со скандали, неправди и незаконитости (а треба да спроведуваат правда). И тие исти лица се авторитет, имаат моќ да му наштетат на обичниот чесен човек, да го унаказат, да го пратат во затвор, а криминалците да ги ослободуваат. И го прават тоа, и никој не ги санкционира. Иако се изморив од барање на механизми за да влијаам да се донеси поправедна пресуда, ништо не се промени, што е доволен доказ зошто институциите на системот овде се во колапс, и целата ‘држава’ е пред крах“, вели Оливер Петровски, брат на загинатиот.Тој додава дека иако неговиот брат немал вина, судиите Љиљана Чочковска, Зоран Караџовски и Александар Камбовски, идентично како нивната колешка од Основниот суд, постапиле тотално пристрасно, и половина од вината ја префрлиле кај неговиот покоен брат, а го наградиле оној кој му го одзеде животот.„Правда на светов нема, ама мислете му ја како ќе излезете пред Бога, вие кои сте назначени да спроведувате правда, а спроведувате криминал, бидејќи сите еден ден ќе го напуштиме овој привремен свет, и веќе нема да можиме да ги трошиме нечесно стекнатите пари“, додава Петровски.И битолска Апелација смета дека се доволни година и половина затвор како санкција за возачот што го прегази битолчанецот Оливер Петровски, а кој загина како последица на сообраќајката. За семејството првостепената пресуда беше срамна, но не и за второстепените судии. Тие сметаат дека нема зошто да се изрече построга казна за возачот. 25-годишниот битолчанец кој управувал електричен тротинет беше прегазен во јули 2020 година додека одел на работа, каде никогаш не стигна.

Македонија | пред 3 години

Нови цени на горивата, ново поевтинување

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,46 % во однос на одлуката од 28.11.2022 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,230%, кај дизелот за 2,811%, кај екстра лесното за 1,639% и кај мазутот зголемувањето е за 4,350%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,614%.Малопродажната цена на ЕУРОДИЗЕЛ (Д-Е V) се намалува за 2,00 ден/лит.Малопродажните цени на бензините ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство на (ЕЛ-1) и на Мазутот М-1 НС не се менуваат.Од 2.12.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 84,50 (денари/литар)Моторен бензин ЕУРОСУПЕР БС - 98 86,50 (денари/литар)Дизел гориво ЕУРОДИЗЕЛ БС (Д-Е V) 84,50 (денари/литар)Масло за горење Екстра лесно 1 (ЕЛ-1) 82,50 (денари/литар)Мазут М-1 НС 41,810 (денари/килограм)Напоменуваме дека ова се максималните цени на нафтените деривати од 00:01 часот на 2.12.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Каде ќе бидат блокадите: Приватните превозници утре од 6 часот наутро со 200 автобуси ќе блокираат во Скопје

Приватните превозници утре од 6 часот наутро со 200 автобуси ќе го блокираат булеварот Илинден од пред Владата до крстосницата кај МИ-ДА. На тој потег се наоѓа седиштето на Град Скопје.Приватните автобуси од „Слобода превоз“ и „Макекспрес“ кои беа дел од јавниот превоз во главниот град утре ќе го блокираат сообраќајот на десната лента од Илинденска, најави директорот на „Слобода превоз“, Ленин Јовановски на прес-конференција.Доколку и во меѓувреме нема резултати, за в понеделник најавуваат дека ќе бидат блокирани крстосниците кај Мавровка, Црвен Крст и ул. „Илинденска“.

Скопје | пред 3 години

Посебен сообраќаен режим во петок (02.12.2022) во Скопје

Министерството за внатрешни работи ја информира јавноста дека на 02.12.2022 (петок) поради најавено одржување на протест со почеток во 06.00 часот, СВР Скопје ќе преземе мерки за посебен режим на сообраќајот на бул „Илинден“, од крстосницата на бул „Илинден“ со бул. „Св. Климент Охридски“ до крстосниците со бул.8-ми Септември и околните улици.МВР апелира до граѓаните да ги почитуваат наредбите што ги издаваат полициските службеници.

Скопје | пред 3 години

Декември со снег

Декември веројатно и нема да донесе некои врнежи од снег во главниот град. Како што денеска изгледаат прогнозите, Скопје во последниот месец од годината го чекаат многу дожд и температури кои нема да бидат нешто претерано ниски.Оваа недела ќе ја завршиме во генерално врнежливо време. Утре се очекува некое мало разведрување но за викендот повторно ќе имаме дожд. Поради облаците, температурите нема да одат во минус во утринските часови а во текот на денот ќе се движат околу 10 степени.Релативно високи температури за овој период од годината се очекуваат и од понеделник. Речи си цела работна недела ќе ја поминеме со двоцифрени дневни температури и утрински кои ќе бидат неколку степени над нулата. Крајот на неделата се очекува заладување кога утринските температури ќе се спуштат и под нулата а дневните ќе се движат околу 6 степени. Во текот на оваа недела се очекува и дожд, особено на почетокот и пред стартот на викендот.Слични услови ќе имаме се до крајот на првата половина на месецот. Дожд ќе врне речи си секој ден а температурите и наутро ќе останат во позитива, а дневните ќе се движат околу 10 степени.Постудена воздушна маса се очекува во претпоследната недела од декември. Заедно со влагата во воздухот и во облаците можно е да провее и снег. Утринските температури ќе се спуштаат и до минус 6 степени а дневните ќе останат околу  2 степени. Во такви услови можно е на кратко да се задржи и снежна покривка бидејќи не се очекуваат некои интензивни врнежи.Последната недела од годината ќе биде генерално сува. Утрата ќе имаме температури од околу минус 7 степени а дневните ќе се искачуваат до 3.Новогодишната ноќ се очекува да биде сува со минимални температури околу нулата а максимални до 8 степени.Иако ваквите долгорочни прогнози не даваат прецизни податоци, сепак, она што сега се предвидува е дека повеќе снег во главниот град ќе има во јануари.

Македонија | пред 3 години

Ковачки му одговори на Ковачевски: Лагата дека некој барал власт од странците не поминува, власт дава и зема народот на Македонија

Димитар Ковачевски, човекот кој се крие позади Цаци, поставен да одработи на штета на македонскиот народ и на Македонија, не знае дека народот е тој кој бира и дава и народот е тој кој зема на избори, а не странските политичари, вели Драган Ковачки од ВМРО-ДПМНЕ„Вакви лаги како оваа не поминуваат.Ковачевски зборувал и за храброста...Храброста можеше да ја покажеш тогаш кога беше најпотребно и наместо да дезертираш и да вадиш лажни лекарски белешки, да се бориш за Македонија или пак барем сега кога веќе те поставија таму каде што си, да излезеш на ТВ дуел и на избори па народот да слушне и да види колку си храбар.И за крај, за разлика од него нема потреба од прашања, на сите им е јасно дека Ковачевски не само што така си мисли, туку и гласно си кажува, "се ќе потпишам, само да бидам премиер, затоа што друга шанса и прилика нема".Епа Таче, седи си и не станувај, не се брукај!#Нелегитимен#ТрајноНеспособен#НационалнаКатастрофа“, вели тој.

Македонија | пред 3 години

Синот на Талат со неправо влегол во правосудниот систем и ќе дели правда- Ковачевски голта кнедли само заради коалициски интереси, вели ВМРО-ДПМНЕ

Очигледно за Ковачевски и СДС коалициските интереси се поважни од погазувањето на законите. Скандалот кој излезе за положениот правосуден испит на синот на спикерот Талат Џафери покажа дека институциите во Македонија се заложници на партиските интереси на СДС и ДУИ. Да имаше правна држава уште првиот ден ќе се спроведеше истрага и ќе беа казнети прекршителите на законот, вели ВМРО-ДПМНЕ„Имено синот на Талат Џафери полагал правосуден испит пред да стекне соодветно образование, а институциите со денови молчат и се прават ненадлежни. Ова е директно кршење на нормите и законите во Македонија, а да биде поапсурдно на тој начин лицето се запишал и на Академијата за судии и обвинители. Со неправо влегол во правосудниот ситем и ќе дели правда?!Скандалот излезе во јавноста и власта молчи. Прават се да го забошотат случајот. Ова е владеењето на правото и правната држава по урнекот на Ковачевски и СДС. Ова се европските стандарди со кои им е полна устата на владините функционери. Власта на Ковачевски ќе биде казнета од народот и за овој скандал, како и за низата други во кои е длабоко заглавена. СДС се свесни за тоа, па сега голтаат кнедли, само и само да се задржат уште некој месец повеќена функција да украдат уште некој милион. Одговорност мора да има“, се вели во соопштението.

Македонија | пред 3 години

Изречени високи затворски казни за обвинетите за убиството на Денис Тот

Близу четири месеци од првото рочиште од судењето за убиството на хрватскиот ракометар, Денис Тот, кој беше претепан до смрт пред ноќен клуб во градскиот парк во Скопје, во Основниот Кривичен суд денеска беше објавена пресудата за случајот во кој се обвинети Анџело Ѓоргиевски, Клементина Левковска и Андреј Костовски.Обвинетата Клементина доби затворска казна од 18 години. Анџело Ѓоргиевски затворска казна од 18 години, а Андреј Костовски години 16

Македонија | пред 3 години

Опожарени три контејнери во близина на Бит Пазар

Непознати сторители вечерва опожарија три сада за одлагање отпад лоцирани на булеварот Крсте Мисирков, во близина на Бит Пазар. Опожарените контејнери беа со зафатнина од 3,2 м3 и се целосно уништени и неупотребливи. Со цел да не се наруши динамиката на одлагање, собирање и транспорт на комуналниот отпад,  ЈП Комунална хигиена-Скопје опожарените садови веднаш ги замени со нови.Ова е трет случај годинава од страна на непознати сторители да бидат опожарени садови за одлагање отпад на истата локација. ЈП Комунална хигиена-Скопје апелира да престане уништувањето на контејнерите, за екипите на Претпријатието да можат навремено да ги извршуваат своите работни обврски на терен, согласно Оперативната програма за работа.Сите случаи на опожарување на контејнерите се пријавени до надлежните органи. ЈП Комунална хигиена-Скопје упатува апел до МВР во најкус можен рок  да бидат преземени соодветни мерки за да се пронајдат и санкционираат сторителите.

Скопје | пред 3 години

Истече времето за клубот Ванчо Михајлов

Истече времето за клубот Ванчо Михајлов. Бугарскиот културен центар во Битола ќе мора до крајот на денов да го смени името или во спротивност се соочува со прекршочна постапка и глоба.Рокот од 45 дена за здружението да ги отстрани сите спорни елементи во името, статутот и програмата дојде откако беше утврдена дискриминација по основа на национална и етничка припадност со основањето на клубот.„Според нашиот закон надлежностите се тие. Доколку не се исполни препораката во мислење од Комисијата за дискриминација, тие се надлежностите. Но идејата не е да се казнуваат граѓаните парично, идејата е да се отстранат сите практики кои создаваат нееднаквост во ова општество”Санкцијата со која се соочува клубот “Ванчо Михалјов” е од три до 10 илјади евра. Но бугарскиот центар може да се соочи и со кривична одговорност, најавија од Комисијата, бидејќи не е испочитуван ниту рокот за отстранување на спорните содржини, објавени од страна на клубот на социјалните мрежи.„Спорните содржини упатуваат не само на вознемирувачки говор, туку постојат сериозни индиции дека се повредуваат правата на поголем број на луѓе, а тоа упатува на одредби од членот од Кривичниот закон, со што топката ја префрламе на Основното јавно обвинителство“Бугарските клубови “Ванчо Михалјов” и “Цар Борис Трети” се соочуваат и со рокови од Законот за здруженија.Доколку до февруари не ги променат имињата, ќе бидат избришани од Централниот регистар, а задолжено за надзор за примената на ваквите одредби има Министерството за правда.И додек продолжуваат проблемите со Бугарија, Грција доби Центар за македонски јазик, откако оваа невладина организација доби зелено светло за регистрација од грчките власти.Станува збор за прво здружение од ваков вид во земјата, со што од Центарот велат дека и де факто се признава македонското говорно население во Грција.

Македонија | пред 3 години

Претседателката на Судскиот совет поднесе оставка: Наместо да се посветиме на реформи, стана поважно како да ме нападнат

„Ја известувам јавноста дека поднесувам оставка од позицијата претседател на Судскиот совет на РСМ. Веднаш по мојот избор на функцијата започна медиумска хајка со крајна цел да дадам оставка затоа што мојот избор за претседател не одговараше на група од судската – бизнис елита. До ден денешен хајката не престана преку пласирање лажни информации до новинари, а во континуитет се опструираа и намерно се одолговлекуваа внатрешните процеси во Советот, кои се од клучно значење за успешно завршени задачи и за функционирањето на судството“, вели Павлина Црвенковска, претседател на Судскиот совет.Таа додава:Стана жално што наместо да се посветиме заеднички на активностите и реформите и да ја унапредиме состојбата во судството, некому стана поважно како да ме нападне и како да им наштети на проектите. Последен пример со лажно брифирање на новинарите беше околу тоа дека е моја незаконската одлука за избор на член во Управниот одбор на Академијата за судии и јавни обвинители, иако јас ниту го предложив, ниту го гласав членот на Судскиот совет, Зоран Герасимоски. Се надевам дека идниот претседател ќе биде подобен за оваа судско – бизнис елита.Благодарна сум на оние колеги кои покажуваа почит и ме подржуваа во намерите нешто да промениме, но сепак Советот како колективно тело одлучува по која патека ќе се движи судството.

Македонија | пред 3 години

Синот на заменик министерот во МВР нелегално користел флешери и бегал од полициска патрола?

МВР ќе ги проверува информациите до кои дојде Телма според кои син на функционер на МВР нелегално користел флешери и бегал од полициска патрола но откако полициските службеници успеале да го сопрат го пуштиле со тврдење дека станува збор за службен автомобил на Службата за општи и заеднички работи иако при легитимирањето било констатирано дека според регистарските таблички станува збор за приватно возило.Сепак доказите за инцидентот не можеле да се избришат бидејќи истите биле снимени преку радио комуникацијата на полициските службеници и централата на СВР Скопје согласно законските прописи.Телма дознава и дека возилото на кое нелегално биле инсталирани флешери било земено на лизинг како возило на обезбедување на фабрика со марихуана… За истото возило неколкупади до сега имало и казни за сообраќајни прекршоци, а еднаш дури било спуштено од пајак возило кога било непрописно паркирано. Од МВР велат дека доколку биде утврдено полициско постапување спротивно на законот полициските служеници ќе бидат санкционирани.

Македонија | пред 3 години

Во тек е исплата на ноемвриските пензии

Министерството за труд и социјална политика известува дека на ден 29.11.2022 година (вторник) започнува етапната исплата на пензиите за месец ноември, кои продолжуваат да се исплатуваат предвремено.Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:За пензии со висина до 11.000 денари, исплатата да се изврши на 29.11.2022 година (вторник);За пензии со висина 11.001-14.000 денари, исплатата да се изврши на 30.11.2022 година (среда);За пензии со висина 14.001-18.000 денари, исплатата да се изврши на 01.12.2022 година (четврток) иЗа пензии со висина над 18.001 денари, исплата да се изврши на 02.12.2022 година (петок).Пензионерите кои користат платежна картичка, поврзана со сметката на која се префрлува пензијата, со парите можат да располагаат од 29 ноември (вторник). Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Македонија | пред 3 години

Јавниот превоз е во колапс, а и останатите јавни претпријатија се во хаос, вели СДСМ

На Скопје му се случува хаос предизвикан од неспособноста од градската власт предводена од ВМРО-ДПМНЕ, вели СДСМ„Јавниот превоз е во колапс, а и останатите јавни претпријатија се во хаос.Поради неспособноста и неодговорноста на ВМРО-ДПМНЕ, Скопје за првпат во историјата остана без јавен автобуски превоз, а деновиве се случува целосен сообраќаен хаос.Нема ништо од бесплатниот автобуски превоз, нема нови автобуси, ја нема фабриката за автобуси што Христијан Мицкоски ја најавуваше.Не се менаџира ниту постоечкиот автобуски превоз, па граѓаните на Скопје со денови се приморани да ги користат само линиите на ЈСП, кои не се редовни што предизвикува нервози, доцнења на работа, на училиште, на факултет, на лекар…По Скопје 2014, ВМРО-ДПМНЕ со својата неспособност на главниот град му приредува нова непогода.ВМРО-ДПМНЕ и нивната градска власт се големо разочарување за граѓаните“, се вели во соопштението.

Скопје | пред 3 години

Во 21 век, за војниците и старешините нема вода за пиење, вели Ковачки

Нема елементарни услови за живот и работа во касарната во која се наоѓа командата на најголемата единица на АРМ, вели Драган Ковачки од ВМРО-ДПМНЕ."Во 21 век, за војниците и старешините нема вода за пиењеВисоки офицери алармираат до сите институции, почнувајќи од кабинетот на трајно неспособниот премиер, народниот правобранител и Собранието на РМ.Сите до една институции се глуви на проблемот.Ова подолу е писмо доставено до сите пратеници во Собранието уште од месец септември.Владејачкото мнозинство не го интересираат условите на војниците, нема закажано седница на Комисија за одбрана за да се расправа за овие катастрофални состојби, едноставно молк и игнорирање - како и до сега.За војниците и старешините нема, но во Кабинет на МО се пие флаширана вода. До толку се грижат.Оставка неспособни", вели тој.

Македонија | пред 3 години

„Скопје е заробено од самите скопјани“

Приватните превозници вклучени во Јавниот линиски превоз денеска од 7 часот со повеќе од 30 автобуси протестираат со целосно блокирање во сите правци на крстосницата кај „Мавровка”, односно булеварот Гоце Делчев и булеварот Крсте Петков Мисирков. Од  приватниот градски автобуски превозник „Слобода превоз” велат дека не е утврдено времетраењето на протестот бидејќи се планира да трае до исполнување на барањата.Ова предизвика хаос во Скопје. Низ градот има огромни гужви, а граѓаните доцнат за на работа. Тие својот револт го изразија на социјалните мрежи.https://twitter.com/MILANEZ_MKD/status/1597133797115703297?s=20&t=Zcku7NxM_v_S8RlvYN_VPwhttps://twitter.com/kraft_mk/status/1597109281853161472?s=20&t=Zcku7NxM_v_S8RlvYN_VPwhttps://twitter.com/Covek1/status/1597125232976068608?s=20&t=Zcku7NxM_v_S8RlvYN_VPwhttps://twitter.com/Vlatko100janosk/status/1597132125676838912?s=20&t=Zcku7NxM_v_S8RlvYN_VPwhttps://twitter.com/Generalot4/status/1597134777919815681?s=20&t=Zcku7NxM_v_S8RlvYN_VPwhttps://twitter.com/_____Nosferatu/status/1597120501133897728?s=20&t=Zcku7NxM_v_S8RlvYN_VPw 

Коментари | пред 3 години

Хаос со превозот во Скопје, ВМРО-ДПМНЕ создаде катастрофа, вели СДСМ

Неспособноста на ВМРО-ДПМНЕ го доведе во колапс јавниот превоз и создаде хаос во функционирањето на Град Скопје, вели СДСМ„Новата работна недела Скопјани ја започнаа со сообраќаен метеж, блокирани улици.Приватните автобуски превозници не возат поради неисплатени милионски долгови од страна на Градот Скопје.Скопјани се приморани да ги користат само линиите на ЈСП, кои не се редовни што предизвикува нервози, доцнења на работа, на училиште, на факултет, на лекар.Поради неспособноста и неодговорноста на ВМРО-ДПМНЕ, Скопје за првпат во историјата остана без јавен автобуски превоз. ЈСП се подлабоко тоне во долгови.Додека јавниот сообраќај е во хаос никаде ги нема новите автобуси што ВМРО-ДПМНЕ и Арсовска ги ветуваа, ниту ја има фабриката за електрични автобуси што шпицниот градоначалник Мицкоски ја најавуваше.Арсовска лани ги доби локалните избори токму со ветувањата за јавен превоз. Ветуваше брз, ефикасен и бесплатен автобуски превоз за сите граѓани.Наместо реализацијата на ветувањата, ВМРО-ДПМНЕ и Арсовска создадоа катастрофа во Град Скопје“, се вели во соопштението.

Скопје | пред 3 години

Поскапите цени на услугите од Катастар се за да се покрие недомаќинското раководење, вели ВМРО-ДПМНЕ

Фалична е власта на Ковачевски затоа што е одлепена од реалноста. Во услови на тешка економска криза и сиромаштија ги оптоварува граѓаните и субјектите со повисоки цени на услугите на Агенцијата за катастар на недвижности. Со новиот тарифник на катастарот, за кој дала согласност владата на Ковачевски, цените на услугите се поскапени за 100, 200 па дури и 500%, вели ВМРО-ДПМНЕ„Ако досега за добивање на податоците кои се потребни за подготовка на геодетски елаборат се плаќало 750 денари, со зголемувањето износот ќе биде 1.552 денари;-ако правото на упис на стан досега чинеше 300 денари, сега е 1200 денари;-ако имотен лист чинеше 180 денари, сега е 250 денари.Ова е удар по граѓаните, за да се покрие недомаќинското работење на Агенцијата за катастар. Дали со поскапи услуги ќе се спасува Катастар од банкрот, институција која изминатите 5 години потроши 50 милиони евра од Буџетот и 10 милиони евра донации? Каде отидоа овие пари кога нема ниту реформи, ниту подобар систем?Власта на СДС и Ковачевски се шампиони во упропастување на државни компании, агенции и институции и нивно претворање во загубари. Нивното недомаќинско и криминогено работење потоа граѓаните скапо го плаќаат“, се вели во соопштението.

Македонија | пред 3 години

Измамник прави хаос во Скопје, внимавајте: Се претставува како д-р Дејан и досега покраде од десетици угостители

Дејан, доктор Дејан, Дејан Николовски. Ова се само дел од идентитетите на лицето кое измами десетици угостители во Скопје. Закажува лажни прослави, нарачува скапи пијалаци и го снемува, бара да изнајми маси и столици од Скопје за во други градови кои наместо за прослава, завршуваат на адреси кај луѓе на кои никогаш не им требало таква услуга. Овие случаи се само дел од оние за кои дозна „А1он“, а се случувале изминатиот период.Последниот од низата случаи бил вчера. Лицето кое се претставило како доктор Дејан Николовски, се јавил во еден кетеринг сервис во Скопје. Нарачал услуга за 90 лица, за кои кажал дека треба да гледаат фудбал во кругот на Марков Манастир. Му било побарано однапред да плати за услугата преку уплата на сметка, а измамникот кажал дека е сабота и поради фактот што банките се затворени, не може да го направи тоа и сакал да плати во готово. Тоа му било овозможено. И тука почнала сагата со нарачката на пијалаци и тоа скапи шишиња шампањ.Кога доставувачот на пијалаци тргнал да му доставува роба, бил контактиран од измамникот кој се претставил како Дејан. Од него имало молба, пред да се упати кон Марков Манастир, во центарот на Скопје да остави околу 200 евра кај лице кое наводно требало да се погрижи за декорацијата на забавата. Доставувачот, добил уверување дека штом го достави пијалакот, ќе му биле платено, а со тоа и вратени 200-те евра. Парите биле оставени во Аеродром, во близина на Тобако. Ги земал возрасен човек. По ова Доставувачот тргнал кон Марков Манастир, а кога го побарал измамникот за да му посочи каде точно треба да застане – бројот веќе бил недостапен. Тука тој сфатил дека станува збор за измама.Целиот ткест можете да го прочитате тука

Македонија | пред 3 години

Екипите на “Македонија Пат” годинава нема да бидат изненадени од снегот, будно ја следат состојбата на терен

Екипите на Јавното Претпријатие за одржување и заштита на Магистрални и Регионални патишта – Скопје, будно ја следат состојбата на сите патни правци и планински превои. Навремено се превземени превентивни меркисо опесочување на сите делници на кои се очекуваат ниски температури и врнежи од снег.Воедно упатуваме апел до сите учесници во сообраќајот да носат и користат зимска опрема и да ја прилагодат брзината согласно условите на патот.

Македонија | пред 3 години