ТОП

Се огласи д-р Софијанова: Ниту еден денар немам земено надвор од мојата работа

По вчерашната драма на Детската клиника во рамки на Клиничкиот центар мајка Тереза, кога новинарот Фуркан Салиу ја обвини д-р. Аспазија Софијанова дека земала повеќе пари за дежурства отколку што и е основицата на плата, на социјалните мрежи се огласи докторкатаТаа тврди дека не земала ниту денар повеќе надвор од нејзината работа.„Почитувани пријатели и сите останати,Сакам на почетокот да изразам жалење за тоа што во текот на вчерашниот ден и начинот на кој се одвиваше комуникацијата во јавност.Секогаш и во секоја прилика во мојата долгогодишна кариера сум била, се уште сум и ќе останам транспарентна за новинарите. Во текот на вчерашниот ден после 24 часовно дежурство, после предавање на студенти и одржани вежби, добив барање од новинарот Фуркан Салиу да разговара на тема за децата со Цистична фиброза. Го поканив и разговорот наместо најавената тема се претвори во настанот кој за жал веќе го видовте вчера во кој реагирав бурно на сосема неточни обвинувања кон мене за месечните примања.Ниту еден денар немам земено надвор од мојата работа, работам само на Клиниката за детски болести и јикаде на друго место. Начинот на пресметка на дежурства е утрвден со соодветен правен акт и истиот се почитува до детал. И, на крај никогаш мојата плата не била 300.000 илјади денари, никогаш.Клиниката е мојот дом ова го знаете многу добро повеќето од вас, мојата вчерашна реакција беше поттикната од шокираноста на обвинувањата за моите дежурства на одделот за интензивна, за сите тешки случаи со дечиња на интензивна, и сите останати одделенија. На секој утрински репорт стои моето име за секоја посериозна одлука, а одлуките знаете станува збор за живот и здравје на дечиња. Тие се мојот приоритет, јас работам и кога не сум физички присутна достапна сум 24/7 и тоа го имам прифатено како животен стил бидејќи тоа е тоа што го знам најдобро во интерес на сите мои и наши пациенти.Останувам транспаретна и достапна за сите информации.Искрено ваша

Македонија | пред 3 години

(ФОТО) Сообраќајка на раскрсницата кај Сити Мол, откако семафорите повторно беа исклучени

На раскрсницата кај трговскиот центар Сити Мол доцна вечерва се случи сообраќајна незгода.Ова доаѓа неколку минути откако семафорите пред трговскиот центар беа исклучени и имаше само жолто трепкаво светло.Не се знае дали има повредени лица, а крстосницата во овој момент е проодна, иако сообраќајот се одвива отежнато. Дополнително сообраќајот беше отежнат поради дождот кој врне од попладнево.Инаку не се знае кој и поради која причина ги исклучил семафорите на крстосницата особено ако се има во предвид дека последно кога светлата на семафорите светеа жолто се случи страшната сообраќајна незгода во која загина маледата Викторија Николова која поминуваше на пешачки премин.Сообраќајот во времето кога семафорите беа исклучени не беше регулиран од страна на полициски службеници, туку автомобилите поминуваа согласно правилото во сообраќајот за првенство на минување.

Скопје | пред 3 години

(ВИДЕО) „Се слушаа“ штурци кога на министерката за култура и поставија прашање во кои нови проекти инвестирала

Министерката за култура Бисера Костадиновска-Стојчевска, на дешната прес-конференија не знаеше да изводи ниту еден крупен капитален проект во областа на културата. Таа на прашањето во кои и во колку капитални инвестиции во областа на културата во изминатиов период како министерство имаат вложено напомена само реконструкција и доградба на веќе постоечки објекти.„Во Прилеп заврши проектната постапка за доградба на Центарот за култура каде ќе биде сместен театарот во Прилеп. Исто така во националната библиотека работиме на санација на кров, таму мислам дека градежните работи се во доста напредна фаза. Во музеј на современа уметност исто така работиме на санација на кров. Овие денови ќе биде распишан повикот за за нов проект за реконструкција на Кино Партизан во Битола и рекнструкција на дел од салата во Центарот за култура. Така да во однос на капиталните инвестиции имаме доста солидна реализација со оглед на тоа дека имавме проблем со зголемување на цени“, изјави Стојчевска.На прашањето во кои нови објекти било инвестирано министерката изјави дека во моментот не може да се сети.„Јас во моментов точно не можам да се сетам бидејќи најчесто се фокусираме на реконструкција на оние објекти кои што веќе ги имаме од областа на култура. Бидејќи сметаме дека и тековното одржување е доста важно. Располагаме со многу објекти на кои им треба постојана грижа, но се грижиме и за оние објекти кои се рачунаат дека се многу нови, како например една зграда на МНТ која претрпе катастрофални последици од невремето пред еден месец. Уште раобтиме на санирање на тие штети на тие нови згради“, додаде министерката.На ова се надоврза и портпаролката која изјави дека тоа се тешки проекти, за кои се потребни повеќе години за изградба.„Во Тетово се гради библиотеката со театар, турскиот театар продолжи да се гради“, додаде таа.

Македонија | пред 3 години

Ќе ја преживее ли Македонија зимата и какви последици ќе остави таа по целокупниот економски и социјален живот, прашува Димовски

Неписмениот секогаш комплицира за да изгледа писмен, вели пратеникот од ВМРО-ДПМНЕ, Илија Димовски„ Затоа ајде едноставно, почетни позиции:1). Кризата ќе е помала доколку имаме поевтина енергија.- Цената на нафтата и нафтените деривати на светските берзи е висока;- Еврото, а и денарот со него, изгуби значајна вредност на светските пазари;- Цената на електричната енергија на берзите е висока.2). Цената на нафтата е регулирана на светски пазар, а ние немаме производство.3). Цената на струјата е регулирана на пазарна основа, ама ние имаме доволно капацитети во Република Македонија за да произведеме доволно за нас.4). Дополнителните даноци, акцизи, маржи и разни давачки со кои е оптеретена цената на нафтата, енергијата и сличните производи зависи само од Република Македонија.5). Цената на дома произведената електрична енергија е дури и за 10 до 20 пати поевтина од цената на увезената електрична енергија....За да дознаеме како Република Македонија ќе ги помине следните неколку критични месеци, потребни ни се следните одговори:1). Колку квалитетни ремонти се направени на хидроелектарните и термоцентралите?2). Дали Република Македонија конечно се откажа од среднорочната идејата за затворање на термоцентралите?3). Колку проценти е зачуваниот капацитет на воден потенцијал во хидроакомулативните зафати и дали тој е не повеќе од 30%?4). Колку количина на јаглен се произведува дневно во рудниците околу РЕК Битола?5). Колку резерви на јаглен има во овој момент во РЕК Битола, а колку во ТЕЦ Осломеј?6). Дали договорената набавка на јаглен од Грција е доволна за работа на РЕК Битола и ТЕЦ Осломеј за повеќе од 40 дена?7). Колку резерви на мазут има државата или ЕЛЕМ за производство на електрична енергија во ТЕЦ Неготино?8). Дали имаме обезбедено гас, и колку, за работа на Те То, по истите принципи како што тој капацитет работеше во 2021 година?9). Дали државата обезбеди други начини на производство на електрична енергија за критичните здравствени и државни институции?10). Колкава беше цената на јагленот, мазутот и гасот пред 4, 5 или 6 месеци, а колкава е сега и кој ќе ја објасни штетата за ненавремена набавка?11). Дали државата направи план за намалување на давачките, даноците, маржите и акцизите на нафтата, топлинската и електричната енергија со цел да за зачува кондицијата на стопанството и социјалната положба на граѓаните?12). Кој ќе ја сноси цената на неконкурентноста на нашето стопанството споредено со најблиските соседи заради тоа што во Република Македонија се плаќа највисоката цена за електрична енергија?...Одговорите на овие прашања се клучни за да дојдеме до одговорот дали Македонија, нејзините граѓани и стопанството ќе ја преживее зимата и какви последици ќе остави таа по целокупниот економски и социјален живот.Тие што ги знаат одговорите, сега за сега, се сериозни песимисти“, додава тој.

Коментари | пред 3 години

(ВИДЕО) Маричиќ „пропадна“ во земја од прашања на новинар, правеше гримаси додека слушаше на што треба да одговори амбасадорот Гир

За време на денешната прес-конференција, новинарот Кристијан Ландов побара од вицепремиерот за европски прашања Бојан Маричиќ да открие шето јаделе и пиеле откако е дојден во Секретаријатот за европски прашања и побара да му бидат доставени сметките кои вицепремиерот ги вети во три пати во три наврати.„На вашето прво барање целосно беше одговорено инаку немаше да имате материјал за серијал за пишување на таа тема. Во однос на трошоците во СЕП прво го упативте барањето на погрешна адреса, по што ви беше укажано. По укажувањата на институциите за споделување на потребните информации добивте покана да дојдете во СЕП и да извршите увид во сметките и во се што ве интересира. Вие тоа го одбивте и сега во наредна фаза ќе ви ги доставиме сите информации кои што ви се потребни, но треба јавноста да знае дека имавте можност да добиете увид во сите документи и дека вие тоа го одбивте. Така што еве во следна фаза институционално ќе ги решиме сите недоразбирања и мислам дека немаме што да криеме и дека нашата институција и секоја институција која што сум ја водел редовно доставувала информации и до владиниот систем за владини финансии и до сите медиуми и се она што ги интересира медиумите“Новинарот Ландов му возврати на Маричиќ дека од него биле побарани фотокопии, а не увид.„Треба да кажете дека беа барани фотокопии, Вие баравте да дојдеме да правиме увид. Не Ви беше побаран увид. Не треба да ја лажете јавноста, мислам…Треба да бидете фер целосно до крај, еве Невена е тука, може да потврди…“, изјави Ландов.-„Не, не, не ја лажам јавноста... Еве јас одоговорив на прашањето, ако не сте задоволен може и писмено да ме прашате и ќе ви одговорам но ви беше понуден увид во сметките вие го одбивте и тоа треба јавноста да го знае“, додаде Маричиќ.

Македонија | пред 3 години

Јавната администрација делумно ќе работи од дома

Јавната администрација делумно ќе работи од дома, ова денеска го потврди вицепремиерот за економски прашања Фатмир Битиќи.Намалување на прекувремената работа за преку 20 отсто во МВР, во АНБ, како и во Агенцијата за разузнување, работа од дома на вработените со ротации, па дури и суспензија или укинување на колективните договори.Ова се дел од мерките што биле разгледувани на вчерашната четиричасовна седница на Економско-социјалниот совет, која беше прекината, откако Владата, синдикатите и работодавачите останаа со спротиставени ставови.Претседателот на УПОЗ, Трпе Деаноски во вчерашната „Топ тема“ на Телна обелодени дел од мерките и препораките на владата за намалување на расходите на буџетските корисници. Освен мерката за намалување за 10 отсто на платата која што беше единствено соопштена во јавноста, документот содржи уште неколку точки меѓу кои за синдикатот е најспорно укинувањето на колективните договори. Синдикалците и од јавниот и од приватниот сектор предупредија дека сите заеднички ќе се спротивстават на тоа.Денеска требаше да се донесе и пакетот на мерки за помош на стопанството. Но, владата одлучи тоа да се случи кон крајот на месецот. Државата донесе одлука финансиски да им се помогне само на одредена категорија граѓани. Експертите сметаат дека тоа е во ред, но мора да има и мерки со кои би се забавила инфлацијата.

Македонија | пред 3 години

(ВИДЕО) Досега невиден настап на Софијанова, дерење и најава за пријава кон новинар кој ја прашуваше за земени пари од Клиниката

Вистинска драма денеска се случуваше на Детската клиника во рамки на Клиничкиот центар мајка ТерезаКлан Македонија објави дека Софијанова земала пари за дежурства, а притоа не се појавувала на работно место.Софијанова земала повеќе пари за дежурства отколку што и е основицата на плата, но кавгата со директорката се случила откако и било посочено дека земала плата, а не одела на дежурства, објавува порталот.

Македонија | пред 3 години

(ВИДЕО) Јакимовски откри уште колку пратеници фалат за промена на Уставот

Лидерот на ГРОМ, Стевчо Јакимовски во денешната епизода на “Тешки муабети” објави дека според неговите информации на власта ѝ фалат уште двајца пратеници за гласање на уставните измени.-Уште двајца фалат, уште два пратеника фалат за да се изгласаат уставните измени. Два предавници според моите информации, а многу често се точни, вели Јакимовски.

Македонија | пред 3 години

Џафери го одби Апасиев за референдум

Одговор на претседателот Џафери на поднесеното Предлог барање од Апасиев.„Ве известуваме дека претседателот на Собранието на Република Северна Македонија, Талат Џафери, денеска го прими „Предлог - барањето за покренување граѓанска иницијатива на државно ниво за распишување задолжителен дополнителен референдум“, поднесено од страна на овластениот предлагач, пратеникот Димитар Апасиев“, пишува Кабинетот на Џафери.

Македонија | пред 3 години

Се утврдуваат причините за смртта на македонскиот нуркач во Хрватска

Се утврдуваат причините за смртта на македонскиот нуркач во Хрватска. Телото на 40-годишниот македонски нуркач кој вчера почина на Јадранското море е на обдукција во хрватскиот град Сплит.Вера претпладне му се слошило и останал без свест. Го извлекле на копно и имало обид за реанимација. Лекарите од Итната помош на островот се обиделе да му помогнат, но нуркачот веќе бил починат. Починал во близина на малото островче Равник. Нуркачот е скопјанец кој со ова хоби се занимавал повеќе од 20 години. По, обдукцијата се очекува телото да биде предадено на семејството. Пред една деценија на истото место во Хрватска имало сличен случај и починал нуркач.

Македонија | пред 3 години

Ново покачување на горивото, одново за 3 денари

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 1,01% во однос на одлуката од 10.10.2022 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,999%, кај дизелот за 4,151%, кај екстра лесното масло за 3,164% и кај мазутот зголемување е за 0,881%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,039%.Малопродажната цена на ЕУРОДИЗЕЛ (Д-Е V) се зголемува за 3,00 ден/лит, додека малопродажната цена на Екстра лесното масло за домаќинство на (ЕЛ-1) се зголемува за 2,00 ден/лит.Малопродажните цени на бензините ЕУРОСУПЕР БС-95 и ЕУРОСУПЕР БС-98 како и на Мазутот М-1 НС не се менуваат.Од 13.10.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 89,00 (денари/литар)Моторен бензин ЕУРОСУПЕР БС - 98 91,00 (денари/литар)Дизел гориво ЕУРОДИЗЕЛ БС (Д-Е V) 103,50 (денари/литар)Масло за горење Екстра лесно 1 (ЕЛ-1) 99,00 (денари/литар)Мазут М-1 НС 51,920 (денари/килограм)Напоменуваме дека ова се максималните цени на нафтените деривати од 00:01 часот на 13.10.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Коментар на денот: Дел од оние кои одеа по улиците 2016, не им беше мотивот рушење на Грујо, туку ќар

Ана Глигорова, граѓанска активистика, го коментира протестирањето на „Шарена револуција“ пред 6 години. По низата вработувања на лица кои беа демонстранти и маваа со јајца и боја, таа донесе заклучок.Нејзиниот коментар:Дел од оние кои одеа по улиците 2016, не им беше мотивот рушење на Грујо, туку ќар.Напикани по 300 државни институции, или невладини, се наполнија со пари и имот како бродови.Најмногу ме боли што ми солат памет, кримоси.Почнувам да мислам дека никогаш не би имале ништо против режимот вождот да ве викнел.Тркало се врти, ај ќе биде интересно кога се што сте украле во името на слободата ќе го повратите.Во вистинска смисла на зборот.

Коментари | пред 3 години

(ВИДЕО) Заврши продолжениот викенд, еве колку гужва има на граничните премини

Голема фреквенција на возила е забележана на граничните премини Табановце и Богородица.Многу од граѓаните продолжениот викенд го искористија за посета на туристичките центри во соседството, по што се враќаат дома. За отежнатоста на сообраќајот придонесува и дождливото време кое го успори движењето на автомобилите.Од АМСМ информираат дека на граничните премини од македонска страна нема поголеми задржувања.„Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата“, информираат од АМСМ.

Македонија | пред 3 години

Груевски со честитка за празникот: Треба да ни се случи нешто, па одредени настани, личности и датуми повеќе да ги разбираме, чувствуваме, вреднуваме и почитуваме!

Поранешниот премиер Никола Груевски се огласи на социјалните мрежи по повод денешниот празник. Тој во својата честитка вели дека понекогаш треба да ни се случи нешто за одредени настани, личности и датуми повеќе да ги разбираме, чувствуваме, вреднуваме и почитуваме!„Нека е честит 11 Октомври денот на народното востание и почеток на антифашистичката борба!Понекогаш помислувам дека треба да ни се случи нешто, како актуелните настани поврзани со толкувањето на историјата (и обидите за) нејзина промена па одредени настани, личности и датуми повеќе да ги разбираме, чувствуваме, вреднуваме и почитуваме!Но кога ќе се присетам дека грешките ги повторуваме, постојано и постојано, упорно и тврдоглаво, си мислам дека сеуште не сме доволно зрели. Барем оние кои во моментот се мислат дека се најзрели само затоа што имаат приграбено моќ…со рок на траење. Едно зборат во пригодните говори, фб статуси и соопштенија, друго прават во реалноста. Штом народот ќе си ја врати моќта…ќе созреат! Само штетата и жртвите во меѓувреме да се поблаги и помали.Македонија ќе ги надживее и овие сатрпи, како што ги надживеа и оние кои исто така се чуствуваа и однесуваа во 1941 година!Нека е вечен празникот и нека е вечна Македонија“, вели Груевски.

Македонија | пред 3 години

Монти Пајтон: Сите известуваат дека Груби му го држел чадорот на Таче, а молчат дека е уништена плочата со имињата на борците од НОБ

Саше Јанчев – член на Централниот Комитет на Левица и Советник во Општина Гевгелија на социјалните мрежи објави статус во кој вели дека сите медиуми известуваат дека Груби му го држел чадорот на Таче, а молчат дека е уништена плочата со имињата на борците од НОБ.„Телма вести денес не информираа дека Димитриевски сам си го држел чадорот, а на Таче Груби му го држел. Он најмногу одговарал оти седел меѓу двајцата.Гратис инфо:Од споменикот во Куманово фали мермерна плоча на која стоеле имиња на дваесетина борци од НОБ.Монти Пајтон вода да носи со дупната кофа“, вели тој.

Коментари | пред 3 години

Тешка сообраќајка на патот Охрид - Кичево, се судрија четири возила

Тешка сообраќајна несреќа се случи на автопатот Охрид - Кичево, помеѓу Ботум и Пресека.Неофицијално во сообраќајката учестувале четири возила.Повеќе информации наскоро.

Македонија | пред 3 години

Колкава е каматата на новиот заем од ММФ

Каматата за новиот заем од Меѓународниот монетарен фонд(ММФ) е помеѓу 1 и 2 отсто.ММФ и Министерството за финансии постигнале договор за Инстументот на ММФ за претпазливост и ликдвидност, за што информираа вчера.„Тој ќе биде исплаќан оваа година, идната и наредната година и каматата е помеѓу 1 и 2 отсто, а потоа сукцесивно оди враќањето, како што заздравува буџетското функционирање на државата. Овој инструмент се користи за поддршка на буџетот и девизните резерви“, рече премиерот Димитар  Ковачевски за Тв 24.Вели дека опозицијата цело време ја критикувала власта за овој заем.

Македонија | пред 3 години

Плусинфо: Пропагандната машинерија на власта има краток фитиљ, како еден инфуенсер успеа да разоружа цела чета

Веќе цели два дена, повеќето највлијателни владини мегафони на социјалните мрежи без престан го обвинуваат инфлуенсерот Божидар Божиновски дека е алкохоличар, бидејќи, како што „аргументираат“, на секоја втора фотографија на Фејсбук позирал со пиво во раката, пишува Плусинфо.мкМоќната владина пропагандистичка машинерија викендов ги запали моторите и со сите сили, без претходно утврдени правила на игра, удри по инфлуенсерот Божидар Божиновски.Првиот контранапад Божиновски го изврши во саботата, кога најави дека во наредниот период ќе ги разоткрие сите владини „ботови“ кои со години наназад преку лажни или „кодирани“ профили на социјалните мрежи ја шират владината пропаганда и вршат синхронизирани напади врз политички неистомисленици.Прв на списокот се најде провладиниот активист Боби Илиевски, а со целосно име и презиме беше објавен и сопственикот на Твитер налогот „Сплинтер“, за кого Божидар тврди дека е главниот пропагандист на експремиерот Зоран Заев и на Бугарите. Фотографија и податоци беа објавени и за Твитер профилот наречен „Цене“, а на листата се отвори место и за братот на новинарот Сашо Ордановски, за Влатко Васиљ, за Валон Керими, за Рубин Иваноски, за Никола Наумовски – Никса…Ваквиот негов потег дополнително ја разлути власта, па сите партиски ботови на социјалните мрежи очигледно во исто време добиле наредба за јуриш, односно за синхронизирано „тролање“ на „палавиот“ Божидар. Целиот текст можете да го прочитате тука

Македонија | пред 3 години

Македонија ја осудува Русија, Османи до Путин: Ова е кршење на правото

„Денешните ракетни напади врз цивилни цели во Киев, Лавов, Днипро, Харков, Криви Рих и други делови од Украина претставуваат флагрантно кршење на меѓународното хуманитарно право, како и дополнително поткопување на меѓународниот поредок заснован на правила“, пишува Бујар Османи, министер за надворешни работи.Тој додава:Република Северна Македонија силно ги осудува ваквите неприфатливи дејствија извршени од страна на Русија, кои резултираат со невини човечки жртви. Сторителите на нападите треба да бидат изведени пред лицето на правдата и да одговараат за извршените воени злосторства.Уште еднаш ја реафирмираме солидарноста со украинскиот народ, како и цврстата поддршка за суверенитетот и територијалниот интегритет на Украина, упатувајќи уште еден повик за итно прекинување на сите воени дејствија и повлекување на руските воени сили од земјата............................................

Македонија | пред 3 години

ЧЕТВРТО ЗГОЛЕМУВАЊЕ: Дизелот поскапува за три денари, се зголемуваат цените на горивата

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 2,43% во однос на одлуката од 7.10.2022 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 2,033%, кај дизелот за 4,496%, кај екстра лесното масло за 4,181% и кај мазутот зголемување е за 1,986%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,316%.Малопродажните цени на бензинот ЕУРОСУПЕР БС-95 и на Екстра лесното масло за домаќинство на (ЕЛ-1) се зголемуваат за 2,50 ден/лит, додека малопродажната цена на бензинот ЕУРОСУПЕР БС-98 се зголемува за 2,00 ден/лит.Малопродажната цена на ЕУРОДИЗЕЛ (Д-Е V) се зголемува за 3,00 ден/лит.Малопродажната цена на Мазутот М-1 НС, се зголемува за 0,668 ден/кг и сега ќе изнесува 51,920 ден/кг.Од 11.10.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 89,00 (денари/литар)Моторен бензин ЕУРОСУПЕР БС - 98 91,00 (денари/литар)Дизел гориво ЕУРОДИЗЕЛ БС (Д-Е V) 100,50 (денари/литар)Масло за горење Екстра лесно 1 (ЕЛ-1) 97,00 (денари/литар)Мазут М-1 НС 51,920 (денари/килограм)Напоменуваме дека ова се максималните цени на нафтените деривати од 00:01 часот на 11.10.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Српски медиуми: Скопје има гас за само две недели, а грејната сезона почнува в сабота

Во сабота на 15 октомври ќе почне грејната сезона во Скопје, иако земјата има гас за само две недели работа на топланите, односно до 1 ноември, пишува Б92Премиерот Димитар Ковачевски посочува дека државата е подготвена да користи алтернативно гориво за затоплување на домови, училишта, градинки, деловни простории, министерства, имајќи предвид дека топланите можат да работат на гас и мазут.„Годинава направивме се Скопје да има греење на 15 октомври. Не беше лесно со оглед на екстремно високата цена на гасот. Сепак, со оглед на краткорочното поевтинување на гасот и договорот што Макпетрол го има со снабдувачот со кој традиционално работи, до крајот на октомври е обезбеден износ за работа на топланите. А доколку гасот енормно поскапи, државата е подготвена да ги затоплува домовите на граѓаните на алтернативно гориво“, рече Ковачевски.Тој вели дека проблем не е само цената на гасот, туку и достапноста.Знаете дека имаше пренасочување на гасоводот кон север, што ги намали испораките, потоа често има намалување на протокот...“, рече Ковачевски.Премиерот рече дека до 1 ноември гасот го обезбедува Мекпетрол по цена од 1.713 евра за 1.000 кубни метри гас.„До крајот на грејната сезона ќе се утврди концептот на греење, односно енергија во зависност од тоа дали и во каков режим ќе работи гасната централа ТЕ-ТО, која како нуспроизвод од производството на електрична енергија испорачува топлинска енергија, “ соопштија од компанијата.Доколку не се набави гас за топланите (Исток, Запад, Скопје-Север и таа во Железара), тогаш главниот град ќе треба да се грее на мазут, се вели во соопштението..

Скопје | пред 3 години

Дурловски го „спушти“ Пендаровски

Игор Дурловски македонски оперски пејач и поранешен пратеник го искоментира приемот на старлета во Вила Водно, кај шефот на државата, Стево Пендаровски. Тој приемите во претеседателската вила ги подели на два дела: „Во Македонија и во Северна“, како што пишува.Тој објави дека во времето на Ѓорѓе Иванов, тогашниот претседател доделувал титули национален уметник, која во 2015 година ја добила Ана Дурловски, сопруга на Игор и уметница со интернационална кариера.Во 2022 година, во „Северна“ како што пишува Дурловски, Пендаровски пречекува старлети.

Коментари | пред 3 години

За скандалозното однесување: На Пендаровски не му пречи што старлетата ги бакнуваше гардистите

Кабинетот на претседателот Стево Пендаровски за Прес24 појасни дека хрватската старлета Нивес Жељковиќ, позната како Целзиус на прием била на покана на Спортското радио.Оттаму велат дека таа не прекршила никаков закон и нема простор за реакција на Кабинетот.-По повод одржувањето на 30. јубилеен Турнир во мал фудбал на медиуми, во организација на Спортско радио 90.3 ФМ, во Кабинетот на претседателот се одржа краток прием за учесниците и организаторите на турнирот. Нивес Жељковиќ беше на листата на гости на Спортско радио, меѓу кои беа околу 70 новинари, спортисти и естрадни уметници од земјава и од регионот. Однесувањето на секој од присутните гости за време на приемот зависи од нивниот личен интегритет и домашно воспитување, а во тој дел сè додека не се прекршени законите, нема простор за наша реакција, велат од Кабинетот на Пендаровски за Прес24.Фотографијата и видеото кои таа ги објави на социјалните мрежи покренаа дебата на социјалните мрежи за нејзиното присуство во Вила Водно. На видеото се гледа како таа бакнува еден од гардистите пред влезот на резиденцијата.

Македонија | пред 3 години

Нема фотографија

Ослободен битолчанецот кој ја спасуваше ќерка му и го уби зетот - по осум месеци излегува од притвор

Битолчанецот Тони Ѓорѓевски Фердо доби ослободителна пресуда за убиството на зетот. Тој делото не го сторил намерно и со умисла како што тврдеше Обвинителството, туку во нужна одбрана додека го бранел семејството. Ова е заклучокот и на судот, кој го ослободи битолчанецот, по осум месеци притвор.„Конечно судот по осум месеци донесе правилна пресуда, ослободителна за мојот татко. Тој е конечно слободен, фала ви на сите за поддршката“, вели Јове Ѓоргиевски, син на Тони Ѓоргиевски – Фердо.Неговото семејство организираше и протест, на кој бараше слобода за битолчанецот.„Осомничениот, на 21 февруари, со умисла го лишил од живот неговиот зет за ќерка. Според првичните сознанија, сега починатиот, вооружен со долг нож, започнал да удира со клоци по дрвената влезна врата од домот на осомничениот и ја скршил. Штом влегол во домот, во претсобјето бил пречекан од осомничениот кој пукал директно во него со пиштол „Бајкал” што го поседувал со дозвола. Го застрелал со два последователни истрели, па оштетениот веднаш паднал и починал на лице место“, се наведуваше во соопштението од Обвинителството.

Македонија | пред 3 години

Коментар на денот: На семејствата на кои им понудив работа, а не прифатија, без разлика на причината, во иднина нема да им помагам

Корисник на фејсбук објави статус во кој вели дека повеќе нема да им помага на семејствата кои немаат храна, оти ниту една жена на која и била понудена работа не прифатила.„Есента започна, не очекува долга и студена зима. Секојдневно слушаме, читаме, гледаме дека ќе е СТРАШНО.Мене веќе почнаа да ми пишуваат и да се јавуваат семејства кои немаат храна. Очекувам дека нивниот број ќе е голем, а оние кои бараат, тоа ќе го прават се почесто.Што сакам да кажам...Дел од семејствата ме бараа за храна и во текот на летото. На сите им понудив работа и солидна плата. Ниту една жена од тие семејства не дојде ни на разговор, не па да прифати работа. Работа им понудив речиси и на сите жени-мајки-девојки од семејствата на кои речиси секојдневно им помагав. Не прифати ниту ЕДНА. Изговори различни, не навлегував во нив.Поентата е јасна, ако ја има, не ја пишувам, секој/а нека си ја дефинира.Но едно ќе кажам: на овие семејства на кои им понудив работа, а не прифатија, без разлика на причината, во иднина НЕМА да им помагам.Нема да трчам деноноќно за да обезбедувам намирници, за барем привремено еднаш месечно да им доставам гајбенца со прехранбени производи, нема да обезбедувам комплет оброци, па барем два пати во месецот да им обезбедам комплетен оброк, нема да го трошам моето слободно време за да ги обезбедувам овие семејства со празнични задоволства... При здрави-прави сопруги, мајки, сестри, да седиш дома и да одбиеш работа, осигурување и плата, а да молиш за едно парче леб...тоа веќе НЕ!!!Продолжувам со мојата добротворна работа, но на начин кој јас го одредувам...секако со ваша поддршка која многу значи.Лека ем мека“, стои во објавата.

Коментари | пред 3 години