ТОП

Неизвесен е почетокот на второто полугодие

Министерството за здравство ја информира јавноста дека членовите на Комисијата за заразни болести на денешниот состанок дискутираа за повеќе предлог мерки, за кои дополнително ќе се донесат одлуки и заклучоци. На Комисијата се разгледуваше предлогот за скратување на времето на изолација на позитивни од тестирани на SARS-CoV-2 кои се асимптоматски случаи. За овој предлог членовите ќе донесат одлука по дополнителна обемна дискусија која ќе следи во наредните денови.На денешниот состанок Комисијата за заразни болести ја разгледуваше и евентуалната можност за промена на почетокот на второто полугодие од учебната 2021/2022 година. Одлуката по овој предлог ќе биде донесена непосредно пред почетокот на второто полугодие, бидејќи клучно ќе биде каква е епидемилошката состојба во државата. Одлуката за почетокот на второто полугодие од учебната година ќе биде усогласена и со Министерството за образование и наука.

Македонија | пред 4 години

Доктори гневни откако добиле казни од ФЗО: Срам да ви е глувци канцелариски!

Матични доктори добиле парични казни од Фондот за здравствено осигурување бидејќи издале рецепти на пациенти кои имале извештај од специјалист постар од шест месеци. Докторот Ненад Лазаров на социјалните мрежи, одговорните лица од ФЗО ги нарече „глувци канцелариски“.„На цела мака, ФЗО празнично не испореди со парични казни дури и ретроградно и за 2019 година, за лекови издадени на пациенти кои имале извештај од специјалист постар од 6 месеци и слични небулози и баналии. Истите треба да се платат во рок од 15 дена иако ФЗО ни должи пари за Ноември! Никаква помош цела криза, ова ги прелева чашите, меѓу другото и затоа ќе гледате како затвораме ординации во наредниот период! Срам да ви е глувци канцелариски, уште не повикувате на телефон да дојдеме да си потпишеме "капитулација" т.н. договорна казна, зошто ви е страв од канцеларија да искочите“, вели Лазаров.

Коментари | пред 4 години

Наместо во изолација, лица со симптоми на корона одат на работа по ресторани

Докторот Ненад Лазаров посочува дека пациенти кои прават брзи тестови поради симптоми на коронавирус, не се изолираат од околината, туку одат по ресторани и на работа. Тој смета дека состојбата не е нормална.„Во моментов имам ист или поголем број на ковид пациенти без пцр отколку такви кои имаат, повеќето прават тест сами дома и сами си одредуваат колку и дали ќе бидат во изолација! Со закон ми е забрането и немам како да реагирам кога ги гледам по ресторани, си одат на работа, шетаат најнормално, дури и продавачи кои одат по канцеларии, ова не е нормално!“, вели Ненад Лазаров.Инаку, лицата кои прават брзи тестови и се позитивни на коронавирус, немаат законска обврска да бидат изолирани, ниту добиваат решение за изолација. Па така, тие и натаму можат да ги напуштаат нивните домови.

пред 4 години

Мицкоски: Во новата влада се истите лица чии политики беа поразени

Претседателот на ВМРО-ДПМНЕ Христијан Мицкоски во изјава за Дојче Веле, за предлог составот на Владата вели дека во неа се наоѓаат истите ликови чии политики беа поразени на последните локални избори, но и ликови кои што воопшто не се впечатливи додавајќи дека на овие позиции се дојдени како чувари на заевизмот и слепи послушници.„Сега во оваа влада се наоѓаат истите ликови чии политики беа поразени. Го имате Љупчо Николовски кој беше задолжен за антикорупција во времето кога оваа влада на сите скали е на првото место по корупција. Повторно министер е Маричиќ, кој е познат по неправдите и хаосот во правосудството и монтираните случаи кои завршуваат со неспроведување на правдата. Во владата продолжува да биде министер за внатрешни работи Оливер Спасовски, кој е главниот бранител на мафијата и во чие време се случија најголемите скандали поврзани со разни шверцови, пасоши, нерасветлени убиства и слично. Министер е и Битиќи, кој ќе остане запаметен по фијаското во економијата, инфлацијата, високите цени во маркетите, а ниските плати, изјави Мицкоски.Од друга страна, имате и невпечатливи министри, чии портфолија кажуваат дека таму се дојдени како чувари на заевизмот и слепи послушници. Министер е и професорот Тупанчески, кој би било добро да го чуеме што мисли како добар правник за главното барање на Алтернатива кое е дел од договорот со СДСМ – за реотворање на случаите „Монструм“ и другите правно утврдени случаи“, додаде претседателот Мицкоски.Мицкоски смета дека оваа влада ќе биде само континуитет на претходната влада на Заев без нова свежина и енергија, без план и стратегија, укажувајќи дека единствен излез од сегашната криза се нови предвремени парламентарни избори.„Ова е влада која е континуитет на таа на Заев, без нова свежина и енергија. Влада која ги има и истите ветувања како и Заев, без план и стратегија – како понатаму. Истите зборови и истите флоскули. Оваа е влада каде формално стои СДСМ, а реално е предводена од ДУИ, потпомогната со триото ЛДП, ДОМ и ДС, кои поради сопствениот комодитет поддржуваат влада на криминал. Затоа излезот е избори што побргу, сериозни реформи за излез од кризата, и борба за нова иднина“, вели Мицкоски.

Македонија | пред 4 години

Зголемен број на реинфекции со Ковид 19, расте процентот на заразени со Омикрон

Министерството за здравство ја информира јавноста дека согласно анализите на Институтот за јавно здравје, во период од една седмица за 51%, е зголемен бројот на позитивни од тестирани на SARS-CoV-2. Регистрирани се заболени лица од сите возрасни групи. Најзастапени се возрасните групи на лица на возраст од 30-39(27%), 20-29(24%) и 40-49(17%). Најмал број е регистриран кај возрасната група од 0-9(2%). Најголемо зголемување на заболени е кај возрасната група од 20-29 години како и кај возрасната група од 30-39 години. Во период од една недела односно од 3 до 9 јануари, пријавени се 946 реинфекции, со зголемување од 7 пати во однос на претходната недела.Во лабораторијата за вирусологија и молекуларна дијагностика на ИЈЗ, во периодот од 05- 10.01.2022, направено е секвенционирање на вкупно 152 позитивни примероци на SARS-CoV-2, а во 104 од нив(68%) е детектирана Омикрон варијантата. Омикрон варијантата е откриена во 12 градови и тоа: Скопје – 48, Охрид – 27, Кочани – 7, Тетово – 6, Велес – 5, Пехчево, Штип, Гевгелија, Кавадарци по 2 и Виница, Неготино, Битола по 1 заразен.Според извештаите од болниците моментално на територија на цела држава се хоспитализирани 351 лице што е 41% повеќе во споредба со претходна недела. Од вкупниот број хоспитализирани пацинети, 156 се во Скопје на КИБФС, ТБЦ и ГОБ 8 Септември. Во останатите болници низ државата хоспиталзиирани пациенти има во Битола, Штип, Велес, Куманово, Охрид, Прилеп, Струга, Кичево, Кавадарци и Струмица. Зголемен е бројот на дневни прегледи во инфективните одделенија низ болниците во државата, бројот на прегледи на дневно ниво понекогаш во болниците во Скопје надминува 100 пациенти.Според епидемилошките анкети најголем дел од пацинетите имале контакт со позитивен случај 3 дена пред почетокот на симптоми/добивање на позитивен резултат. Министерството за здравство, апелира граѓаните кои чуствуваат какви било симптоми, да направат тест и да се излоираат како би спречиле ширење на вирусот.

пред 4 години

Ковачевски за кадровскиот состав на Владата

Нашата цел да составиме стабилна Влада, со јасни принципи на делување во интерес на граѓаните и државата е исполнета. Задоволен сум како течеше целиот процес, во позитивна и конструктивна атмосфера, посветени на одговорноста за подобра иднина на сите наши граѓани. Денеска со одлуките на Централниот одбор на СДСМ се заокружи овој процес, вели претседателот на СДСМ, Димитар Ковачевски.„Пред да преминам на кадровскиот состав на Владата односно министрите од СДСМ, ќе акцентирам неколку клучни столбови, вградени и во владината програма, врз основа на коишто ќе се базира работата на новата Влада.Новата Влада предводена од СДСМ значи ефикасност во работењето, одговорност и посветеност во решавањето на сериозните предизвици кои се пред граѓаните.Примарен фокус во следните месеци ќе биде ставен на нашиот силен одговор на глобалната енергетска криза која се надоврза на веќе тешката економска состојба предизвикана од Ковид пандемијата.Свесен сум колку граѓаните и компаниите се финансиски исцрпени и новата Влада целата енергија ќе ја насочи кон обезбедување на соодветна финансиска поддршка, зајакување на економијата, отворање на нови работни места и заштита на постоечките.Веќе имаме подготвен план. Подговуваме сет на мерки кои ќе значат директната поддршка за граѓаните и стопанството, ќе бидат поткрепа за семејниот буџет на граѓаните но и помош за компаниите. Во буџетот веќе има резервирани 130 милиони евра, а правиме аналзизи за алокација или обезбедување на повеќе средства.Ова Влада има можност во следните 2,5 години континуирано и без изборни циклуси, да се посвети целосно на економијата и квалитетот на живот на нашите граѓани.Веќе има поставено одлични економски политики, но за кои е потребен многу подобар систем на имплементација од сегашниот.Граѓаните очекуваат ефикасност, ефективност и видливи резултати и јас, заедно со мојот тим на тоа се обврзуваме.Со посветена работа и вистински економски политики очекувам континуиран раст на вкупната економија од 4,6 отсто до 5,9 отсто годишно. Секако, ова примарно ќе биде условено и од глобалните кризи и економски текови, но со силен фокус на економијата и висока реализацијата на капиталните инвестиции верувам дека може да го постигнеме.Најавувам драстично зголемување на домашните приватни и корпоративни инвестиции и влез на странски директни инвестиции, но многу повеќе нивно поврзување со домашните компании.Понатаму, ставаме фокус и на намалување на невработеноста, која до крајот на мандатот наша цел е конечно за првпат да биде едноцифрена. Со добрите економски политики и антикризни мерки веќе спасивме 60.000 работни места во пандемијата.Понатаму, ќе продолжиме со зголемувањето на платите и пензиите. Согласно анализите Просечната плата ќе ја надмине висината од 500 евра месечно и ќе продолжи да расте.Ги правиме последните анализи за времето и висината на зголемувањето на минималната плата со цел обезбедување достоинствен живот за сите граѓани.Нема да има зголемување на даноците, граѓаните и компаниите бараат стабилност и предвидливост. Но, ќе воведеме поголема ефикасност и силна борба против сивата економија.Состојбата со ковид пандемијата внимателно ја следиме. Во координација со Комисијата за заразни болести и Кризниот штаб заеднички ќе делуваме во заштита на здравјето на граѓаните. Вакцинацијата и натаму останува приоритет и истата треба дополнително да ја интензивираме.Најавувам градежна експанзија во делот на инфраструктурата.За 2,5 години финиширање на најкрупните делници на Коридорот 8 и Коридорот 10, но и продолжување на реконструкција на магистралните и регионалните патишта.Целосно завршување на примарната и секундарна гасоводна мрежа во целата држава и поставување на условите за почетокот на користење за домаќинствата како и нови инвестиции во еколошки и обновливи извори на енергија.Имаме добри и успешни земјоделски политики кои се димензионирани да во вистинско време им се помогне на земјоделците, кога им е најпотребно. Силната поддршка на земјоделието ќе продолжи и во иднина.Како влада ќе бидеме посветени на бескромпромисна војна против криминалот и корпуцијата. Да нема недопирливи и секој да одговара.Нашиот концепт Едно општество за сите е веќе општо прифатен, тоа е наш успех но и нова вредност. Еднаквоста во општеството ќе продолжиме да ја градиме.Владата предводена од СДСМ ќе остане посветена на стратешките цели, евро-атланските интеграции и полноправно членство во ЕУ.Формирањето на нови влади и кај нас и во Бугарија дава нова шанса и надеж во разговорите што ги водиме со нашиот сосед,„Врз база на европските вредности и принципи ќе продолжиме да разговараме и да бараме решение.Секако, врз основа на утрвдените државни позиции и Декларацијата усвоена во Собранието со поддршка од сите партии.Во однос на кадровските решенија во новата Влада, сметам дека се луѓе кои имаат професионален капацитет, чесност и желба да работат за граѓаните и општеството.Луѓе кои веруваат во еднаквоста и солидарноста, кои се борат за правата на ранливите, а правичноста е нивна карактерна особина.Станува збор за тим од нови луѓе, но и докажани кадри од претходната влада кои имале добра реализација во своите ресори.За министри од редовите на СДСМ во новата влада кои ќе ги доставам до Собранието се:Вицепремиер за борба против корупцијата и криминал, одржлив развој и човечки ресурси, Славица Грковска, поранешна пратеничка на СДСМ, магистер по математички науки.Вицепремиер задолжен за економски прашања, координација на економските ресори и инвестиции, Фатмир Битиќи, актуелен вицепремиерВицепремиер за европски прашања, Бојан Маричиќ, досегашен министер за правда, магистрант по меѓународно и европско право.Министерка за одбрана, Славјанка Петровска, пратеничка на СДСМ, поранешна заменик-министерка за внатрешни работи во техничката влада.Министер за ватрешни работи, Оливер Спасовски, кој и досега ја извршуваше оваа функција, магистрант по уставно право.Министер за правда, Никола Тупанчевски, познат професор на Правниот факултет.Министер за земјоделство, Љупчо Николовски, поранешен и јас би додал успешен министер во овој ресор.Министерка за труд и социјална политика, Јована Тренчевска, магистар по социолошки науки, членка на повеќе меѓународни тела, директорка на Државниот инспекторат за труд.За министерка за култура, Бисера Костадиновска-Стојчевска, актуелна пратеничка на СДСМ, Доктор на науки, професорка на Педагошки факултет.Министер за транспорт и врски, Благој Бочварски, актуелен министер, поранешен градоначалник, дипломиран архитект.Од сите нив очекувам максимално посветена работа во интерес на граѓаните и остварување на ветеното.Составот на новата Влада и владината програма утре ќе ги доставам до Собранието на Република Северна Македонија.Новата влада ќе биде високо продуктивна во работењето, посветена на економските предизивици, како и на зајакнување на животниот стандард на граѓаните.Почитувани граѓани, поставуваме навистина високи цели, но сигурен сум дека со многу работа и труд можеме да ги реализираме“, додаде тој.

Македонија | пред 4 години

БЕГ не смее да го прекине греењето, вели Бектеши

Министерот за економија Крешник Бектеши денес во гостување на телевизија 24 изјави дека носителот на лиценцата не смее да го прекине греењето. Тој додава дека само под оправдани причини може да има прекин, односно при некоја интервенција на системот.„Мрежата не е на БЕГ туку на Град Скопје, БЕГ има договор за користење на мрежата. За тоа постои и судски спор како се издадени лиценците кон БЕГ. Ние во член 47 во Законот за енергетика сме превиделе непрекинато давање топлинска енергија. Носителот на лиценца не смее да прекине да ја исполнува обврската, или, не може да има прекин на греењето. Според закон може да има прекин само ако претходно се извести Регулаторната комисија, но само под оправдани причини, кога има реална причина, некоја интервенција на системот на пример. Но, генерално не може да има прекин. Ние ќе ги користиме сите механизми за да имаме редовна дистрибуција на топлинска енергија.“- изјави Бектеши.

Македонија | пред 4 години

ФОТО: Гужви и нервози поради неисчистениот снег на автопатот Скопје - Штип

Снегот напарави тотален хаос на автопатот Скопје- Штип. Поради неисчистениот снег има целосен застој на овој автопат.Според фотографиите објавени на социјалните мрежи може да се забележат огромни наноси на снег. Возачите се бесни што Македонија пат повторно се неажурни и неподготвени.АМСМ информираше дека денес од 16:00 ч. поради превртено ТМВ сообраќајот за ТМВ е во прекин на патен правец Штип - Миладиновци.На патниот правец крак Маврово - Дебар поради интензивни врнежи од снег во 09:30 часот се воведува забрана за сообраќај за тешки товарни возила.Од 20:30 часот забрана за движење на ТМВ на планинскиот превој Ѓавато.

Македонија | пред 4 години

Нема фотографија

ФОТО: Автомобил се заби во автобус, трагична сообраќајка во Ченто

Тешка сообраќајна несреќа се случи попладнево во скопската населба Ченто, кога автомобил со голема брзина се судри со автобус со бројот 65, кој сообраќа во населбата, објави Алсат.Според првичните информации од МВР, едно лице го загуби животот во сообраќајната несреќа.На местото излегоа екипи на МВР и на Противпожарната бригада.„Денеска околу 17.35 часот пријавено е дека на ул.„М.А.Ченто” се случила сообраќајна незгода помеѓу автобус на ЈСП линија бр.65, управуван од С. С.(1961) од Скопје и ПМВ „Голф” со скопски таблички, управувано од С.О.(1982) од Скопје“, велат од МВР. Фото: Алсат

Скопје | пред 4 години

СДСМ пресече: Ова се новите министри во Владатa

Денес едногласно беше усвоен новиот состав на Владата кој утре ќе се достави во Собранието на Република МакедонијаСлавица Грковска е предложена на позицијата вицепремиер против корупција, Љупчо Николовски како министер за земјоделство, Никола Тупанчевски за министер за правда, а Бојан Маричиќ во евроинтеграции.Славјанка Петровска е предложена на позицијата министер за одбрана.Бисера Костадиновска е предложена за министерка за култура, Јована Тренчевска за труд и социјална политика.Фатмир Битиќи, Благој Бочварски и Горан Милевски остануваат на досегашните позиции.Министер за здравство, министер без ресор задолжен за дијаспортата и за информатичко општество се кадри на Алијанса за Албанците.Кадрите на ДУИ остануваат непроменети во новата влада. Али Ахмети одлучи да не ги менува досега поставените министри.Се очекува Димитар Ковачевски да одржи прес конференција.

Македонија | пред 4 години

(ВИДЕО) Повторно горат бараки во Градски парк

Голем пожар вечерва избувна во Градски парк кај Градски стадион. Горат баракитe во близина на стадионот, кои се наоѓаат близу детското игралиште кај ресторанот Томче Софка, објави Сител.Ова е вторпат за неколку месеци да горат овие бараки. Старите судски бараки се запалија на 26 октомври и тогаш во пожарот штета беше направена и на салата Партизан и на ресторанот „Томче Софка“.

Скопје | пред 4 години

Има голема нескладност помеѓу PCR лабораториите во Македонија, вели д-р Кунгуловски

Биоинженерот д-р Горан Кунгуловски забележува недоследности во резултатите од тестирањата за корона вирус на водечките македонски лаборатории.„Што се случува со PCR лабораториите во Македонија?Ако се анализираат јавно достапните податоци од ИЈЗ и се направи анализа на PCR позитивни резултати од вкупен број на тестови во текот на најсилните бранови на пандемијата, излегува дека има силна неконзистентност и нескладност помеѓу PCR лабораториите во Македонија.Aко ги земеме последните 9 дена кога букна омикрон сојот во Македонија ќе утврдиме дека една група на лаборатории меѓу кои и референтната ИЈЗ-Вирусологија имаат стапка на позитивни PCR тестови од ~22-35%, додека некои други лаборатории имаат стапка на позитивни PCR тестови од 0.5-3.5%.Што можат да бидат причините за нескладност од 10-44 пати помеѓу лабораториите?Едната група на лаборатории имаат далеку посензитивни тестови од другата група на лаборатории?Едната група на лаборатории не зема соодветно материјал за анализа, при што се јавуваат лажно негативни резултати.Eдна група на лаборатории тестира исклучиво симптоматски пациенти или пациенти коишто имале контакти со потврдени позитивни случаи, а додека пак другата група тестира пациенти коишто патуваат (тековно кај произволна популација PCR позитивитет треба да биде некаде меѓу 2-5%).Се случува нешто што не би сакал ни да го помислам.*Во анализите не се вклучени сите лаборатории што извршуваат PCR тестови. Тоа оставам на истражувачки новинари или овластени институции.**Позитивните од Жан Митрев Струмица се пријавуваат преку Жан Митрев Клиник во МојТермин.***Додатни анализи треба да се направат и за претходните бранови, но има слични трендови“, вели тој.

Коментари | пред 4 години

Македонија пат изгледа работат од дома, ако нема снег патиштата ќе бидат преодни, велат твитерџиите

На надлежните институции им премина во навика секоја зимска сезона да бидат неажурни, неподготвени од јануарскиот снег.Па традиционално твитерџиите се пошегуваа на сметка на Македонија пат, кои изгледа и годинава се изненадени од снегот.https://twitter.com/neskafeNA/status/1480503452560244740https://twitter.com/Dr_Dina_1/status/1480589719394267136https://twitter.com/Cyanide30349997/status/1480593126679101453https://twitter.com/tesko_nas/status/1480592464444592129https://twitter.com/SevernaNikogas/status/1480619289929469953https://twitter.com/Broj181/status/1480604432429682690https://twitter.com/Kaurkata903/status/1480496180765286402https://twitter.com/fraerot/status/1480578926976151552https://twitter.com/pluviofil666/status/1480577525290053632https://twitter.com/Gile13Prase/status/1480556323280412673https://twitter.com/TodorKacarov/status/1480550145825591300https://twitter.com/Kaurkata903/status/1480509611853688843https://twitter.com/ZoranGega/status/1480507138007085056https://twitter.com/seizmolog/status/1480618005109215236 

Коментари | пред 4 години

Нема фотографија

Арсовска: Општините се презадолжени, ќе дадеме предлог мерки за состојбата со топлинската енергија

Градоначалничката на Град Скопје, Данела Арсовска, на вечерашното гостување во дебатната емисија Топ Тема на телевизија Телма, на прашањето дали градот ќе преземе некакви мерки за ублажување на состојбата со испораката на топлинска енергија во главниот град и дали воопшто има пари за некакви субвенции за граѓаните, Арсовска посочи дека градот ќе помогне со давање предлог мерки.„Давање предлог мерки е она што можеме да го направиме со оглед на практиките кои што ги има не само во регионот, туку и низ цела Европа, едноставно можеме да понудиме мерки со кои што ќе се ублажи ценовниот шок за граѓаните, затоа што за жал, како што знаете, општините во Скопје се наоѓаат во една незавидна положба, презадолжени се, а тоа се долгови што се влечат од пред извесен период. Ваквата моментална состојба не овозможува да се интервернира или да се преземе драстичен чекор, ние практично имаме свои трошоци кои што како град мораме да ги покриеме, а сите тие се во интерес на граѓаните, меѓутоа се премногу сложениза да можеме да интервенираме за вакви мерки, а притоа степенот на децентрализација на општините и средствата кои што тие ги добиваат за да можат да работат се навистина ограничени“ – истакна Арсовска.Градоначалничката Арсовска потенцираше дека сето она што Град Скопје го предлага како сет на мерки е по препорака од контактите што ги има од земјите од Европа, посочувајќи ја како пример Белгија која им помогна на компаниите кои што имаат склучено договори за снабдување со електрична енергија со економските оператори и тоа е еден од примерите кои треба да ги следи и имплементира и нашата држава.

Скопје | пред 4 години

(ВИДЕО) Страшна сообраќајка на патот Миладиновци - Штип

Денес на автопатот Миладиновци - Штип се случи страшна сообраќајна несреќа.Поради сообраќајна незгода кај Коњари, сообраќајот на патниот правец Миладиновци - Штип е во прекин за сите видови на возила, информираат од АМСМ.Засега нема информации дали има повредени во несреќата.

Македонија | пред 4 години

Поскапува и нафтата

Цената на дизелот од ноќеска на полноќ се зголемува за два денара по литар, а бензините поскапуваат за половина денар по литар, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 2,24 отсто.Новата малопродажна цена на бензинот ЕУРОСУПЕР БС-95 ќе изнесува 75,5 денари за литар, ЕУРОСУПЕР БС – 98 ќе се продава за 77,5, а ЕУРОДИЗЕЛ БС (Д-Е V) и Екстра лесното масло за горење (ЕЛ-1) по 67,5 денари за литар.Со одлуката на РКЕ за 1,514 денари за килограм се зголемува и малопродажната цена на Мазутот М-1 НС и ќе изнесува 41,724 денари.Како причина за зголемувањето на малопродажните цени на нафтените деривати од РКЕ ги посочуваат зголемените референтни цени на светските берзи во изминатите седум дена кај бензинот во просек за 2,051 отсто и кај дизелот за 4,978 отсто, како и за 0,101 отсто повисокиот курс на денарот во однос на доларот.

Македонија | пред 4 години

813 новозаболени од коронавирус, 10 починаа

Почитувани,Министерството за здравство информира, согласно податоците од Институтот за јавно здравје дека во последните 24 часа:Направени се 5.165 тестови, а регистрирани се 813 нови случаи на КОВИД-19: Скопје – 549, Битола – 49, Куманово – 40, Кавадарци – 25, Охрид – 20, Струмица – 17, Прилеп – 16, Штип – 11, Струга – 10, Гостивар и Велес – по 9, Гевгелија – 7, Кочани – 6, Ресен и Виница – по 5, Крива Паланка, Радовиш, Делчево и Пробиштип – по 4, Тетово, Кичево, Неготино, Берово и Дебар – по 3, Демир Хисар – 2, Свети Николе и Валандово – по 1.Регистрирани сe 998 оздравени пациенти од: Скопје – 498, Прилеп – 105, Битола – 58, Охрид и Струмица – по 38, Велес – 27, Кичево – 22, Кавадарци – 21, Гевгелија и Валандово – по 20, Куманово и Ресен – по 18, Штип – 16, Неготино – 15, Крива Паланка – 11, Радовиш и Делчево – по 10, Свети Николе – 9, Македонски Брод – 8, Тетово и Богданци – по 7, Кочани – 6, Демир Хисар – 4, Гостивар и Крушево – по 3, Струга и Македонска Каменица – по 2, Виница и Берово – по 1.Во текот на изминатите 24 часа регистрирани се 6 починати лица: 3 починати лица од Скопје (56г, 74г и 78г) и по едно починато лице од Тетово (78г), Валандово (58г) и Кичево (78г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се 4 лица, 2 починати лица од Тетово (странец) и по едно починато лице од Кичево и Гостивар, починати во период од 27 - 29.12.2021г. Починатите се на возраст од 57 години до 68 години. Од пријавените 2 лица се починати во болнички услови и 2 во домашни услови.Направени се 5.165 тестови преку: ИЈЗ-513, ЦЈЗ Скопје-35, ЦЈЗ Битола-0, ЦЈЗ Прилеп-0, ЦЈЗ Тетово–0, ЦЈЗ Куманово-32, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–153, Жан Митрев (Филип Втори)-323, Авицена-125, Биотек-278, Систина-160, лабораторија Лаор-0, Синлаб-0, Ремедика-0, Плодност-47, Генеа-0, Никоб Лаб-664, ВФВ Медикал-46, Ели Медика-48, Ројал Медика–0, Спектра-ММ-0, Рапид Лаб–28, Жан Митрев Струмица–0, Нова Лаб Дијагностика–11, Рамус-0, ЈЗУ и ПЗУ (рапид тест) – вкупно 2.702.Досега во земјата се направени вкупно 1.665.043 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 234.277, бројот на оздравени пациенти е 215.852, на починати е 8.042, а бројот на активни случаи изнесува 10.383.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 104670, Активни 6212Куманово 13388, Активни 259Тетово 11535, Активни 113Прилеп 11292, Активни 535Битола 10117, Активни 876Гостивар 8189, Активни 107Кавадарци 7728, Активни 317Велес 7653, Активни 159Охрид 7128, Активни 392Штип 6925, Активни 176Струмица 6463, Активни 192Кичево 4418, Активни 98Кочани 4189, Активни 85Струга 4005, Активни 73Гевгелија 3102, Активни 167Неготино 2711, Активни 68Свети Николе 2179, Активни 26Крива Паланка 2005, Активни 49Ресен 1972, Активни 96Радовиш 1864, Активни 59Делчево 1509, Активни 44Берово 1495, Активни 15Дебар 1467, Активни 9Виница 1198, Активни 19Пробиштип 1173, Активни 31Валандово 1086, Активни 49Кратово 797, Активни 8Богданци 712, Активни 29Демир Хисар 665, Активни 24Крушево 653, Активни 49Македонски Брод 564, Активни 21Демир Капија 440, Активни 7Македонска Каменица 433, Активни 5Пехчево 366, Активни 7Дојран 186, Активни 7

пред 4 години

Славјанка Петровска и Димитар Ковачевски стануваат министри

Новиот лидер на СДСМ и мандатар за состав на нова влада Димитар Ковачевски пресекол пратеничката Славјанка Петровска да биде нова министерка за одбрана, велат за Фокус високи партиски извори, во пресрет на денешните состаноци на извршниот и централниот одбор на партијата, на кои треба да се потврдат кадровските решенија за новата влада.Како што веќе објавивме, во конкуренција за оваа позиција беа и државниот секретар во МВР Магдалена Несторовска, поранешниот шеф на кабинет на се уште актуелната министерка Радмила Шекеринска – Катерина Ставревска, како и вицепремиерот за антикорупција Љупчо Николовски.Според неофицијални информации, Николовски дефинитивно се враќа на чело на министерството за земјоделство, додека функцијата вицепремиер за антикорупција, што ја извршуваше во изминатиов период, можно е да биде биде укината.Се уште останува непознато кој ќе управува со министерството за правда, кое, како што објавивме, треба да го води непартиски кадар од академската заедница.Извор: Фокус

Македонија | пред 4 години

ВИДЕО: Интензивни врнежи од снег во Скопје

Од попладнево, интензивно почна да паѓа снег во Скопје. Во одредени делови, веќе има и снежна прекривка. Ова доаѓа по најавата на метеролозите за намалување на температурите. Тие посочија дека се очекува и снег во главниот град. Низ улиците, веќе се превземаат мерки за чистење. Дел од општините излегоа и со апел граѓаните сами да го чистат снегот на споредните улици, согласно Законот за одржувањето на јавната чистота.

Скопје | пред 4 години

Сведоштва од Скопје за земјотресот: За кратко почнаа да паѓаат помали предмети, ужасно беше

Силниот земјотрес кој беше почувствуван во Македонија предизвика паника меѓу скопјани. Голем дел од нив кои живеат во станови, велат дека потресот траел скоро 30 секунди. Според нив, откако еднаш запрел, потоа продолжил да тресе. Тие објаснуваат: „зградата се клатеше лево-десно“.„Прво почна како мал потрес, мислевме не е ништо страшно, бидејќи секогаш се осеќа кога има земјотрес, а живееш во зграда. За кратко почнаа да паѓаат помали предмети, лустерите се поместуваа, како хорор филм. Сето ова за момент. По некои 10 секунди запре, па потоа, за кратко продолжи да тресе. Се слушаше паника и од кај соседите, буквално ужасно. Ова посети на ужасните земјотресите од пред некоја година, кога имаше и повредени.. Ако се повтори, со сигурност ќе излеземе надвор и нема да останеме дома“, вели читател на „Скопје1“.Други, објаснуваат дека нивните деца биле потресени од силниот земјотрес.„Одеднаш, почна се да се тресе. Се сѐ случи за момент. Веднаш излеговме надвор, за секој случај“, објаснуваат жители на Скопје кои го напуштиле домот.Според првичните информации потресот е со јачина од 5.8 степени според рихтер, а епицентарот е на 130 километри јужно од Скопје, во Грција.По силниот потрес следеа уште два помали од 3,5 и 4,2 степени според рихтер.

Македонија | пред 4 години

Земјотрес почуствуван во Македонија

Земјотрес вечерва почувствуван во МакедонијаСпоред првичните информации потресот е со јачина од 5.8 степени според рихтер, а епицентарот е на 130 километри јужно од Скопје, во Грција

Македонија | пред 4 години

(ВИДЕО) Во ноќните часови на Божиќ никна минаре во скопската населба Злокуќани

Во ноќните часови на Божиќ никна минаре во скопската населба Злокуќани, објави телевизија Сител.Објектот, кој е дивоградба, веќе функционира како џамија, каде се одржуваат верски обреди. Староседелците подолго време реагираат на бесправното градење, бидејќи дивоградба не е само џамијата, туку и многу од куќите наоколу.Градоначалникот на Општина Карпош, Стевче Јакимовски потврди дека џамијата се гради бесправно и за телевизија Сител вели дека околу неа има три и пол метарска бетонска ограда и затоа не се гледа од надвор што се гради.Градоначалникот тврди дека ја стопирале изградбата, а раководител на општинскиот инспекциски надзор веќе излегол на терен и одговорните се повикани на средба во општината утре наутро.Телевизија Сител не успеала да добие официјален одговор од Исламската верска заедница на прашањето дали тие стојат зад изградбата на овој верски објект, бидејќи одговорното лице за тој регион бил на пат.

Скопје | пред 4 години

(ВИДЕО) Бошковски: Можело да се интервенира за немаме толкава енергетска криза, граѓаните со право реагираат за проблемите со парното

Во Македонија немаме енергетска, туку имаме финансиска и техничка криза оценува поранешниот член на регулатораната комисија за енергетика Дејан Бошковски за ТВ 24. Тој вели дека со оглед на тоа што се случува на светските берзи очекувано беше поскапувањето на електричната енергија. Откако со денови скопски општини немаат парно греење, Бошковски вели, ова не е новитет – тоа е нешто кое со години ни се провлекува.„Беше очекувано и нормално да имаме покачување на електричната енергија. Тука може да имаме повеќе дискусии дали е доволно или не, дали можело повеќе да се интервенира - да секако дека можело да се интеревенира за да немаме толкава криза, да имаме повеќе вклученост на домашните капацитети во производството на електрична енергија. Но, секако, регионалните берзи ја рефлектираа високата цена во крајната цена која ќе биде испорачана кон домаќинствата. Евтината тарифа, како што образложи претседателот на Регулаторната комисија, не беше издржана. Таа беше некоја социјална категирија, која требало низ повеќе претходни години, на друг начин да се рефлектира на сметките онаму каде се планирало со таква мерка да се помогне на домаќинствата“, смета Бошковски.За топлинската енергија, Бошковски вели дека последните 10 години во Скопје има проблем со неа.„Не ми е ни мене јасно што таму се случува, бидејќи имавме стечај на претходното акционерско друшство Топлификација, како што слушнавме од медиумите има нов сопственик. Граѓаните со право реагираат. Постојано има некои превирања. Чудно е како БЕГ во континуитет е во загуба односно ТЕТО нивната фирма-ќерка. Би рекол дека државата треба повеќе да се занимава со друг вид на управување и поголемо нејзино влијание во управувањето на топлинската енергија, при снабдувањето на граѓаните, за да немаме вакви шокови. Бидејќи и кога беше 350 долари за 1000 метри кубни гас топлинска енергија тие беа во загуба и сега кога имаме 800/1000 за 1000 метри кубни гас тие се незадоволни“, посочи Бошковски.Тој предвидува финансиски, а не егергетски шок.„Електропреносните мрежи се во кондиција за да можат да го надохнадат сето тоа. Потребни се пари за да се избегне електрична криза. За БЕГ, бидејќи е природен монопол, треба друга форма и модел да се најде на управување, односно повеќе да се внимава. Бидејќи ударите кои можат да настанат се посериозни. Имајќи во предвид, бидејќи во претходните 10 години имавме граѓани кои се исклучуваа од парно греење и нивната трансформација во преминување на електрична енергија за греење, ќе ја оптовари дополнително електричната мрежа на Град Скопје, што ќе доведе до технички проблеми односно испади“, додаде тој.Посочи дека треба да се внимава на регионалните случувања, а да не се запоставуваат домашните енергетски ресурси.„Веројатно има затајување при управувањето на енергетските компании, кои не ги следеле региоанлните случувања навреме. Има задоцнети одлуки. Но, од сето ова, како што реков, треба да извлечеме поуки и со зелената транзиција да бидеме внимателни, треба Регулатрна комисија да превземе мерки околку промената на пазарните правила за електрична енергија, треба веројатно да се приклучиме кон регионалните берзи, за да им се овозможи поголема флексибилност на самиот пазар на елеткрична енергија на самите ученисици, како би се намалиле последиците при вакви кризи. Таму каде пазарите се пофлексибилни, таму и шоковите се помали“, посочи Бошковски.

Македонија | пред 4 години

1.396 нови случаи и 9 починати од коронавирус

ИНФО - 09.01.2022 (податоците се заклучно со 08.01.2022)Денес се регистрирани 1.396 нови лабораториски позитивни случаи на SARS CoV-2, со што вкупната бројка на дијагностицирани лица со КОВИД-19 изнесува 233.464Оздравени се 348 пациенти – пријавени се 9починати лица.Министерството за здравство информира, согласно податоците од Институтот за јавно здравје дека во последните 24 часа:• Направени се 11.479 тестови, а регистрирани се 1.396 новислучаи на КОВИД-19:Скопје – 790, Битола – 164, Прилеп – 80, Кавадарци – 41, Куманово – 31, Охрид и Гевгелија – 26, Гостивар – 24, Кичево – 22, Велес – 21, Ресен – 19, Тетово – 18, Неготино – 17, Штип и Кочани – по 16, Струга – 12, Крушево – 9, Пробиштип – 8, Свети Николе, Крива Паланка и Радовиш – по 7, Валандово и Македонски Брод – по 6, Струмица – 5, Делчево – 4, Богданци и Пехчево – по 3, Виница и Кратово – по 2, Берово, Демир Хисар, Македонска Каменица и Дојран – по 1.• Регистрирани сe 348 оздравени пациенти од: Скопје – 199,Битола – 32, Кавадарци – 26, Ресен – 13, Охрид – 12, Тетово – 10, Неготино – 9, Гевгелија – 8, Штип – 6, Куманово, Гостивар, Велес и Струмица – по 4, Кичево и Валандово – по 3, Кочани, Радовиш, Делчево и Дојран – по 2, Струга, Свети Николе и Македонска Каменица – по 1.Во текот на изминатите 24 часа регистрирани се 6починати лица: по едно починато лице од Демир Хисар(78г), Битола (79г), Ресен (73г), Прилеп (76г) Штип (63г) и Македонска Каменица (73г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавенисе 3 лица, по едно лице од Тетово, Струмица и Кичево, починати во период од 17 - 18.12.2021г. Починатите се на возраст од 68 години до 87 години. Од пријавените едно лице е починато во болнички услови и 2 во домашни услови.• Направени се 11.479 тестови преку: ИЈЗ-308, ЦЈЗ Скопје-79, ЦЈЗ Битола-123, ЦЈЗ Прилеп-77, ЦЈЗ Тетово–8, ЦЈЗ Куманово-253, Клиника за инфективни болести и фебрилни состојби-0, Судска медицина-5, лабораторија болница Козле-0, УК Пулмологија со алергологија –7,ГОБ 8-ми Септември-0, Институт за микробиологија–3,Жан Митрев (Филип Втори)-198, Авицена-313, Биотек-501, Систина-179, лабораторија Лаор-932,Синлаб-158, Ремедика-30, Плодност-222, Генеа-13, Никоб Лаб-1.048, ВФВ Медикал-159, Ели Медика-599, Ројал Медика–120, Спектра-ММ-63, Рапид Лаб–71, ЖанМитрев Струмица–71, Нова Лаб Дијагностика–60, Рамус-34, ЈЗУ и ПЗУ (рапид тест) – вкупно 5.845.Досега во земјата се направени вкупно 1.659.878 тестирањана Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 233.464,бројот на оздравени пациенти е 214.854, на починати е 8.032, а бројот на активни случаи изнесува 10.578.Според епидемиолошки анализи во моментов, дистрибуцијата по градови е следна:

пред 4 години

Короната е широко раширенa, Јанкуловски дециден: Еден позитивен дома - сите позитивен, без опуштање!

Медицинскиот техничар Денис Јанкуловски познат како Космонаутко, кој секојдневно на терен зема брисеви за коронавирус, состојбата ја оцени како „препозитивна“. Тој посочува дека нема селекција, се заболуваат млади и стари.„Еден позитивен дома - сите позитивни, во најголем број случаи. На моменти ми се чини дека вирусов го има насекаде па и меѓу буквиве на тастатурава. Не е ни битно кој сој е, Омикрон, Флукрон или како и да ги крстат. Нека е и КојГоСмислиКрон. Според она што го гледам (мислам дека е така или барем се надевам) доброто во цела оваа каша попара од големиот број на позитивни случаи е сепак малата хоспитализација и релативно лесна клиничка слика но не кај секого, некои и потешко поминуваат, што укажува едно нешто многу важно:Без опуштање и размислување како за нешто на кое не треба да му се придава значење, тогаш непријателот е најјак.Затоа што никој ништо не знаеме а малку треба за голема беља. А доста ни е од бељи!!Само прифаќање на фактот дека е тука меѓу нас и соодветно совесно однесување за себезаштита и заштита на сите околу нас.Толку треба за да биде се како што треба, да биде се' во ред и нас да не биде.И ќе биде.Чувајте се. За дружби, за насмевки и прегратки во живо, за гуш и бац. За сето ова со сите што ни се сакани со кои сакаме и понатаму да го имаме секојдневието ЗАЕДНО.За сите нив и секако за сите вас - Чувајте се“, напиша Јанкуловски-Космонаутко.

Коментари | пред 4 години