ТОП

Трагедија: Почина млада девојка од Велешко последица на корона

23-годишна девојка почина ноќеска од последиците на ковид-19 во болницата во Велес. Таа е велешкото село Иванковци, во модуларната болница била донесена на 23 октомври, а на 28 октомври е регистрирано дека е позитивна на коронавирусот.„Пациентката која беше хоспитализирана седум дена, имаше коморбидитети, церебрална парализа, неподвижна со параплегија и епилепсија. Пациентката не е вакцинирана“, соопшти Велешката болница за СДК.мк.

пред 4 години

Објавено како тече гласањето ден пред изборите: 5.588 гласаат дома, 376 во карантин, 1.409 во затвор

376 лица кои се во карантин ќе гласаат во вториот круг на локалните избори, соопшти Државната изборна комисија. 1598 набљудувачи од кои 368 странски ќе го набљудуваат процесот на гласање во текот на утрешниот ден.„Право на глас на локалните избори се 1.353.990 гласачи. Своето право на глас ден пред изборите можат да го остварат 7.645 гласачи. На местата во 14 казнено-поправни установи своето право на глас можат да го остварат 1.409 гласачи“, кажа ДИК.До сега, гласањето во застворите тече без проблеми. Во своите домови гласачкото право ќе го остварат 5.588 граѓани кои се пријавиле.

Македонија | пред 4 години

Дрога, сообраќајки, лица со тешки повреди, мигранти - полицијата постапувала во десетина случаи

На 29.10.2021 во 19,00 часот полициски службеници од Единицата за интервентна полиција СВР Скопје на подрачјето на Карпош го лишиле од слобода А.Н.(19) од Скопје затоа што кај него била пронајдена марихуана. По документирање на случајот против него ќе биде поднесен соодветен поднесок.На 30.10.2021 во 00,40 часот полициски службеници од СВР Скопје на подрачјето на Кисела Вода го лишиле од слобода Ј.П.(34) од Скопје затоа што кај него била пронајдена марихуана. По документирање на случајот против него ќе биде поднесен соодветен поднесок.На 30.10.2021 во 00,30 часот полициски службеници од СВР Скопје на подрачјето на Карпош го лишиле од слобода Д.Д.(25) од Неготино затоа што кај него била пронајдена марихуана. По документирање на случајот против него ќе биде поднесен соодветен поднесок.На 28.10.2021 во 22,35 часот на магистралниот пат Кичево-Охрид, од полициски службеници од ОВР-Кичево бил лишен од слобода Д.П.(23) од Кичево кој бил со патничко моторно возило „киа пиканто“ со охридски регистарски ознаки, затоа што кај него била пронајдена марихуана. По документирање на случајот против него ќе биде поднесен соодветен поднесок.На 29.10.2021 во 09,25 часот било пријавено дека во Кочани, на крстосница со кружен тек од ул.„Т.Паунов“ и ул.„Македонска“, се случила сообраќајна несреќа помеѓу патничко моторно возило „тојота“ со кочански регистарски ознаки управувано од Ј.М.(53) од Кочани и мопед „хонда“ со штипски регистарски ознаки, управуван од малолетник од Кочани. Во несреќата со тешки телесни повреди се здобил возачот на мопедот констатирани во ЈЗУ-Кочани. Извршен бил увид на местото на настанот од увидна екипа на Полициската станица Кочани.На 29.10.2021 во 19,30 часот било пријавено дека на ул.„6“ во с.Стајковци–скопско, патничко моторно возило „мерцедес“ со скопски регистарски ознаки управувано од Џ.И.(47) од с.Батинци удрило во велосипед управуван од Д.К.(71) од с.Стајковци. Во несреќата со тешки телесни повреди се здобил велосипедистот, констатирани во Комплексот клиники “Мајка Тереза“. Извршен бил увид на местото на настанот од увидна екипа од СВР Скопје.На 29.10.2021 во 13,30 часот било пријавено дека во Струмица на ул.“24-ти Октомври“ патничко моторно возило “џип“ со струмички регистарски ознаки, управуванo од Б.М.(29) од Струмица удрило во пешакот Л.М.(70) од Струмица. Во несреќата со тешки телесни повреди се здобила Л.М. констатирани во Медицинскиот центар во Струмица. Извршен бил увид на местото на настанот од увидна екипа од СВР Струмица.На 29.10.2021 во 14,00 часот во Полициската станица Бит Пазар Е.К.(30) од Скопје пријавил дека на ул.“Ферид Мурати“ бил каснат од куче скитник.На 29.10.2021 во 22,00 часот на наплатна рампа Смоквица од страна на полициски службеници од Полициската станица за граничен премин и граничен надзор Богородица бил лишен од слобода Б.Б.(50) од Куманово, затоа што при контрола на патничко моторно возило “пежо 206“ со кумановски регистарски ознаки биле пронајдени четири лица-мигранти од Куба. Тие биле пренесени во Прифатно-транзитниот центар „Винојуг“ во Гевгелија за понатамошна постапка. По целосно документирање на случајот против Б.Б. ќе биде поднесена соодветен поднесок.

Македонија | пред 4 години

Ковид удира по младите: 16-годишна пациентка во тешка состојба се лекува на Инфективна

На Клиниката има хоспитализирано 16 годишна пациентка од тетовско која има развиено тешка клиничка слика, изјави директорката на Инфективната клиника во Скопје, Милена Стевановиќ за ТВ Сител.Таа има 16 години и развива една тешка ковид-презентација. Во моментов немаме сознанија дека има хронички болести, рече Стевановиќ.Државниот санитарен и здравствен инспекторат почна постапка за да се утврди начинот на кој била лекувана 17-годишната девојка од демирхисарското село Сопотница, која вчера почина на Инфективната клиника од ковид-19. Малолетничката лекувањето го почнала со матичниот лекар во Демир Хисар, по што била хоспитализирана во Битола, а починала на Инфективната клиника во Скопје каде девојката ја изгубила битката со вирусот.

пред 4 години

Елеонора треба да има втор третман: Бараме помош за да и ја вратиме насмевката, а болничките ходници да се минато!

„По неколку третмани во Франција и еден со матични клетки во Турција, состојбата на петгодишната Елеонора Тодоровска е подобрена. Ова е и причината поради која се бара втор третман за справување со леукодистрофијата, а тој можеме да го овозможиме само со ваша помош. Докторите од „Лив хоспитал“-Турција сметаат дека шансите за Елеонора да има подобро утре се големи“, посочија од семејството.„Затоа ја бараме вашата помош, крајната цел се собирање на 21.000 евра за петгодишната Елеонора ги надмине секојдневните болки, да ја врати насмевката, а болничките ходници да бидат минато. Борбата е секојдневна и тешка, бидејќи Елеонора не говори, не може да оди, не може самостојно да се храни“, велат од семејството.Инаку, заболувањето на Елеонора е ретка генетска болест, што се јавува кај едно од 100.000 деца. Од дете со совршен развој, претходниве две години Елеонора ги минува низ болнички ходници. Со третманите, не само што се стопира прогресијата на болеста, туку и има одредени подобрувања, особено во делот на болките кои секојдневно ги имаше петгодишната Елеонора.143-127 – Телеком143-484 – А1Трансанкциска сметка во Тутунска, на име Елеонора Тодоровска, сметка за донација: 210700000662646Девизна сметка на име Елеонора Тодоровска, со IBAN: МК07210501730191280 SWIFT: TUTUNMK22

Македонија | пред 4 години

Од вечерва се менува сметањето на времето

Зимското сметање на времето почнува ноќва на 31 октомври во 3 часот по полноќ со поместување на времето за еден час наназад. Со тоа времето во 3 ќе се смета како 2 часот.Интересно е што промената на времето годинава се поклопува со денот на вториот круг на локалните избори во Македонија.Промената на часовниците со години подлежи на дебата поради тврдењата дека предизвикува низа здравствени и психолошки нарушувања кај човекот. Според некои научници, поместувањето на часовникот може да доведе до низа тегоби, како што се мигрени, нервоза и депресија, губење на енергијата.Европскиот парламент на 4 март 2019 изгласа да биде укинато сезонското поместување на времето од 2021 година. Сепак, Советот на ЕУ не ја донесе конечната одлука.Сезонското менување на времето, освен во Европа, се применува и во повеќето земји од Северна и Централна Америка, како и во повеќе други држави во светот. Исклучок се Русија, Белорусија и Исланд.

Магазин | пред 4 години

Денеска се „молчи“, утре се гласа

Од ноќеска на полноќ започна изборниот молк за локалните избори, кој ќе трае до 19 часот на 31 октомври (недела).Во текот на овие две недели за вториот круг од локалните избори, партиите и коалициите имаа можност повторно да ја претстават својата изборна понуда пред граѓаните.Денеска во Македонија гласаат болните и немоќните, лицата кои се инфицирани со Ковид-19 или се во изолација, затворениците, лицата во притвор, во старски домови и внатрешнораселени лица.Вториот круг од локалните избори во земјата ќе се одржи утре.Ќе се гласа во вкупно 44 општини, а право на глас имаат 1 353 990 избирачи на 2481 избирачко место. Повторување на гласањето за градоначалник и за совет ќе има на едно избирачко место (0543) во Дебар, а ќе се прегласува и на избирачко место 2957/1 во Шуто Оризари за членови на совет. Управниот суд го поништи гласањето на овие две избирачки места за гласањето од првиот круг на изборите на 17 октомври.Нема да има гласање за градоначалник во Маврово-Ростуше и Центар Жупа бидејќи не беше исполнет законскиот цензус на гласање во првиот круг од изборите да излезат најмалку една третина од запишаните гласачи во Избирачкиот список. За овие две општини ДИК ќе ја извести Владата, а потоа во Маврово-Ростуше и Центар Жупа ќе се организира повторување на гласањето за градоначалник согласно Законот за локална самоуправа. Членови на советот се избрани бидејќи за нив не е потребен цензус.Во првиот круг беа избрани 32 градоначалници, како и членовите во општинските совети.На изборите за првпат се применуваат уреди за биометриска идентификација на гласачите со отпечатоци од прсти.

Македонија | пред 4 години

Објавен одговор од американска разузнавачка служба дали короната е биолошко оружје

Канцеларијата на американскиот директор на Националната разузнавачка служба (ODNI) објави нова проценка од која е отстранета тајната ознака за потеклото на Ковид-19, а во извештајот се проценува дека коронавирусот не е развиен како биолошко оружје.Во извештајот, се отфрлаат индициите дека коронавирусот настанал како биолошко оружје и се наведува дека поборниците на оваа теорија немаат директен пристап до Институтот за вирологија во Вухан“и се обвинети за ширење дезинформации.Извештајот е производ на 90-дневниот преглед објавен од администрацијата на американскиот претседател Џо Бајден во август, во услови на интензивна политичка контроверзија околу тоа дали и до кој степен Кина треба да се обвини за глобалната пандемија, или владите кои можеби не реагирале доволно брзо на ги штитат своите граѓани.Во извештајот на ОДНИ се наведува дека четири американски разузнавачки агенции и тело што обединува неколку агенции имаат ниско ниво на доверба дека Ковид-19 потекнува од заразено животно или поврзан вирус.Но, една агенција има умерена доверба дека првата човечка инфекција со Ковид-19 најверојатно била резултат на лабораториска несреќа, која најверојатно вклучувала експериментирање со животни во Институтот за вирологија во Вухан.Американските разузнавачки агенции веруваат дека нема да можат да дадат попрецизно објаснување за потеклото на Ковид-19 без нови информации кои укажуваат дека вирусот поминал специфичен пат од животните до луѓето или дека лабораторија во Вухан работела на вирусот или сродниот вирус пред Ковид 19.Во извештајот се наведува дека на американските агенции и на глобалната научна заедница им недостасуваат клинички примероци или целосно разбирање на епидемиолошките податоци од најраните случаи на Ковид-19, така што овој контроверзен извештај би можел да се преиспита доколку се појават повеќе докази.Кина се соочи со меѓународни критики дека не соработува поактивно во истрагите за потеклото на актуелниот коронавирус.

пред 4 години

Димитиревски до Спасовски: Која е причината за толкава раздвиженост на полициски возила кон Куманово?

Независниот кандидат за градоначалник Максим Димитриевски јавно го прашува министерот за внатрешни работи Оливер Спасовски, која е причината за толкава раздвиженост на полициски возила кон Куманово на неколку часа пред изборниот молк?„ Дали повторно ќе инволвирате дел од непрофесионалните од МВР во изборниот процес?- Дали повторно следниве два дена како и предходно луѓе вработени од ваша страна во 6та управа и ваше лично обезбедување ќе бидат главните организатори и агитатори во изборниот процес за Илиевски и најгрубо ќе го кршат законот.Ги охрабрувам кумановци и им ветувам дека после понеделник ќе отпочнам со процесот на демонтажа на узурпираното МВРО2, притисоците кај кумановци не поминуваат“, вели Димитриевски.

Македонија | пред 4 години

1.000.000 евра Шилегов потрошил за Нова година, обвинува Георгиевски

Петар Георгиевски Камиказа преку статус на Фејсбук ја поздравува ВМРО-ДПМНЕ која го откри скандалот поврзан со дочекот на новата 2020 година, но открива и други работи поврзани со таа Нова година.-Eеее,јас ова го верглав цела една година,но сепак браво за објавеното. Ако го додадете Винтерленд и осветлувањето на Скопје за таа нова 2020, сумата ближи скоро 1.000.000 евра, кој Шилегов ги потроши,ко да се негови,а не пари на граѓаните. Меѓу главните е Здравко Кочишки od “Dvd pet”кој ги има добиено сите 41 тендер во вредност од преку 1.500.000 евра, а сите други фирми: (O), По објавеното,истиот ја растура фирмата на две нови, Двд Плус и Двд рентал,за да ја затшка целата работа, па со нив во време на ковид,кога пола од компаниите од нашата дејност се затворија,овие две добија нови милионски суми,и се разбира повторно сите тендери со : МКЦ,УНИВЕРЗАЛНА САЛА,МОБ,ФИЛХАРМОНИЈА,СКОПСКО ЛЕТО,ОХРИДСКО ЛЕТО,МАК ФЕСТ,ВЛАДА НА РЕПУБЛИКА МАКЕДОНИЈА,како и многу други поситни тендерчиња.Значи ,едноставно ,овие две се,а сите други О !!!По овие локални избори многу работи ќе станат појасни!!!!!Македонија вечна, стои во неговиот пост на Фејсбук.

Скопје | пред 4 години

Бугарскиот премиер Јанев: Со Македонија имаме заедничко минато и иднина

Со Македонија имаме заедничко минато и заедничка иднина, изјави привремениот бугарски премиер Стефан Јанев во дискусија на Фејсбук, при тоа апелирајќи земјава да ги признае правата на оние граѓани кои себе си се идентификуваат како Бугари.– Бугарија постојано ја поддржува земјата, но во исто време мора да биде способна да ги брани сопствените национални интереси. За жал, раководството на Република Северна Македонија не брза да ги исполни обврските предвидени во Договорот за добрососедство, додаде Јанев, апелирајќи да „престане поттикнувањето омраза кон Бугарија”.Тој нагласи дека Бугарија е заинтересирани да се грижи за македонските граѓани кои имаат бугарско чувство и кои се идентификуваат како лица со бугарско потекло, со цел да имаат еднакви права со сите други и да не бидат „прогонувани и регресирани”.

Македонија | пред 4 години

Големо ќе биде поскапувањето на струјата, можеби и двојно, вели Мицкоски

„Сериозна е опасноста од паѓање на системот и од рестрикциите, цените на берзите повторувам колку стотини евра од мегават на саат се, ќе ве потсетам. Она што го произведува ЕЛЕМ поранешно, сегашно ЕСМ и го продава не е за 37 евра и на тој начин се чува социјален мир во Македонија во овој момент, за да се спаси политичката кариера на Зоран Заев уште некој ден, и малкумината кои што се околу него. Додека цените на електричната енергија, на струјата на берзите се качени“, истакна претседателот на ВМРО-ДПМНЕ, проф. д-р. Христијан Мицкоски при гостување во вестите на Сител телевизија.„Големо ќе биде поскапувањето, не можам да предвидам со бројки, но не би се зачудил да биде двојна“, укажа Мицкоски.Мицкоски посочи дека поради неодговорното однесување на власта, цената на електричната енергија ќе се качи.„Неодговорно се однесуваа кон енергетскиот сектор, не правеа на време ремонти, тендерите за ископ и уредување на рудниците во РЕК Битола ги користеа за да ангажираат свои фирми“, појасни Мицкоски.Мицкоски рече дека не би го зачудило сметка од 2.000 да стане околу 3 или 4.000 денари. Можно е и од први декември веќе да има покачување на сметките за електрична енергија, бидејќи состојбата е доста сериозна. Рудникот во РЕК Битола од ден за ден работи, евентуално час за час се копа јаглен, а пропадна тендерот за јаглен.

Македонија | пред 4 години

Од август до октомври од коронавирус починале 282 вакцинирани лица

Во период од 6 до 28 октомври на територијата на државата 45.621 граѓанин биле позитивни на Ковид-19, од нив, како што соопшти Министерството за здравство, 27 % биле целосно вакцинирани, односно 12.375 лица.Според последниот извештај од здравствените власти, голем е бројот на невакцинирани граѓани што се заразиле од коронавирус.Министерството за здравство ја објавува анализата на вакцинирани од позитивни случаи на Ковид-19 во периодот од 6 август заклучно со 28 октомври. За вакцинирани се сметаат лицата што се вакцинирани со две дози и поминале најмалку 14 дена од примањето на втората доза вакцина.„Според статистиката за изминативе два месеца, 33.246 граѓани, односно 73 % од позитивните на Ковид-19 не биле вакцинирани. Процентот на хоспитализирани лица што се невакцинирани изнесува 75 %, а само 25 % од сите моментно хоспитализирани пациенти се целосно вакцинирани. Смртноста кај невакцинираните е драстично поголема, покажува анализата. Во период од 6.8 до 28.10.2021 на територијата на државата починале 1.592 пациенти од Ковид-19, 1.310 од починатите, односно 82 %, не биле вакцинирани, а само 18 %, односно O, известуваат од Министерството.Според анализите, починатите имале повеќе комбинирани хронични заболувања. Пациентите биле вакцинирани со сите типови вакцини што ги има на располагање кај нас.Министерството за здравство укажува на важноста од вакцинација, секоја вакцина што ја имаме на располагање е безбедна. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на Сарс-Ков2, велат од таму.

Македонија | пред 4 години

Ќе се постават фотоволтаици на покривот на ГТЦ

АД ЕСМ и АД ГТЦ ќе градат систем за производство на електрична енергија од сонце на покривот на Градскиот трговски центар.Фотоволтаиците ќе бидат поставени на покривниот простор, кој во моментот е неискористен и кој во иднина ќе се употребува за производство на зелена енергија во срцето на градот.„Со изградба на фотоволтаиците на покривот на Градскиот трговски центар ќе се овозможи инвестирање во нови обновливи извори на енергија, со што се постигнува одржлив развој и се намалува негативното влијание врз животната средина преку искористување покрив на деловен објект“, велат од ЕСМ.Меморандумот за соработка го потпишаа генералниот директор на АД ЕСМ, Васко Ковачевски, и извршниот директор на АД ГТЦ, Ѓоко Трајчевски.Зафатот е со цел реализација на Стратегијата за развој на енергетиката 2021-2025 година и еден од врвните приоритети на енергетската политика на АД ЕСМ, а тоа е енергетска трансформација со проширување на производствени капацитети од обновливи извори на енергија, особено на сончевата енергија.

Скопје | пред 4 години

МЗ:73% од новите случаи и 75% од хоспитализираните, со Ковид 19 се невакцинирани

Министерството за здравство ја објавува анализата на вакцинирани, од позитивни случаи со Ковид 19, во период од 6 август заклучно со 28 октомври. За вакцинирани се сметаат лицата кои се вакцинирани со две дози и поминале најмалку 14 дена од примање на втора доза вакцина.Во период од 06.08 до 28.10.2021 на територија на државата 45.621 граѓанин, се позитивни од тестирани на Ковид 19, од нив 27% биле целосно вакцинирани, односно 12.375 лица. Голем е бројот на невакцинирани граѓани кои се заразиле со Ковид 19. Според статистика за изминативе два месеци, 33.246, граѓани, односно 73% од позитивните на Ковид 19 не биле вакцинирани. Процентот на хоспитализирани лица кои се невакцинирани изнесува 75%, додека само 25% од сите моментално хоспитализирани пациенти се целосно вакцинирани. Смртноста кај невакцинираните е драстично поголема, покажува анализата. Во период од 6.08 до 28.10.2021 на територија на државата починале 1592 пациенти со Ковид 19, 1310 пациенти од починатите, односно 82% не биле вакцинирани, а само 18%, односно 282 примиле вакцина. Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас.Министерството за здравство укажува на важноста на вакцинација, секоја вакцина која ја имаме на располагање е безбедна. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2.

пред 4 години

Oткриен нов сој на коронавирус отпорен на вакцините на „Фајзер“ и „Астра зенека“

Новиот сој на коронавирус А.30, откриен во Ангола и Шведска, е високо отпорен на антителата од вакцините на „Фајзер“ и „Астра зенека“, покажа ново научно истражување.Тим на научници од Германија го проучуваше новиот вид на коронавирус А.30, кој првпат беше регистриран во Танзанија, а потоа беше идентификуван кај неколку пациенти во Ангола и Шведска во текот на пролетта оваа година. Тие ги споредија мутациите на оваа варијанта со варијантите Бета и Ета. Бета е избрана затоа што има највисоко ниво на отпорност на антитела, објаснуваат германските научници.Според нивната студија, видот А.30 покажал подобрена способност да навлезе во повеќето клетки домаќини, вклучувајќи ги и клетките на бубрезите, црниот дроб и белите дробови.Оваа мутација навлегува во одредени клеточни линии со зголемена ефикасност и избегнува неутрализација со антитела од вакцините „Астра зенека“ и на „Фајзер“, покажаа резултатите од студијата.А.30, исто така, покажал отпор кон моноклоналниот лек Бамланивимаб, кој се користи за лекување на Ковид-19. Сепак, оваа варијанта покажа слабост за мешавината на Бамланивимаб и Етесевимаб.Светската здравствена организација во моментов не му придава преголема важност на новиот вид на коронавирус поради неговата ниска распространетост.

пред 4 години

Земјотрес во близина на Дебар

Земјотресот со јачина од 4.4 степени според рихтеровата скала беше почувствуван во близина на Дебар.Епицентарот на земјотресот е на 17 km од Центар Жупа и на длабочина од 10км.

Македонија | пред 4 години

11 починати од коронавирус, 436 нови случаи

Министерството за здравство информира, согласно податоците од Институтот за јавно здравје дека во последните 24 часа:Направени се 2.732 тестирања, а регистрирани се 436 нови случаи на КОВИД-19:Скопје – 203, Битола – 24, Куманово и Кавадарци – по 22, Велес и Штип – по 21, Прилеп – 19, Кочани – 16, Тетово – 12, Пробиштип – 9, Охрид – 8, Неготино и Свети Николе – по 6, Кичево, Крива Паланка и Делчево - по 5, Струмица и Берово - по 4, Гевгелија, Кратово и Дојран – по 3, Гостивар , Радовиш, Ресен, Виница, Валандово и Демир Хисар - по 2, Струга, Крушево и Македонска Каменица – по 1.Регистрирани сe 321 оздравени пациент од: Скопје – 145, Куманово – 32, Штип и Прилеп – по 20, Велес – 17, Кочани – 14, Кавадарци – 12, Битола – 9, Крива Паланка – 8, Струмица – 6, Кичево и Гевгелија – по 5, Тетово и Кратово – по 4, Пробиштип – 3, Свети Николе, Гостивар, Ресен, Виница, Крушево, Дебар и Богданци – по 2, Радовиш, Валандово и Демир Хисар – по 1.Во текот на изминатите 24 часа регистрирани се 7 починати лица: 3 починати лица од Скопје (66г,69г и 86г) и по едно починато лице од Кавадарци (79г), Охрид (76г), Демир Хисар (17г) и Штип (73г). Од пријавените лица сите се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, се пријавени 4 починати лица со датум на смрт од 01.09.2021 година до 22.10.2021 година. Регистрирани се 2 починати лица од Гостивари по едно починато лице од Кочани и Кичево на возраст од 55 до 86 години, од кои 2 се починати во болнички услови а 2 во домашни услови.Направени се 2.732 тестови преку: ИЈЗ-258, ЦЈЗ Скопје-77, ЦЈЗ Битола-50, ЦЈЗ Прилеп-29,ЦЈЗ Тетово–52, ЦЈЗ Куманово-49, Клиника за инфективни болести и фебрилни состојби-0, Судска медицина-0, лабораторија болница Козле-19, УК Пулмологија со алергологија –0, ГОБ 8-ми Септември-0, Институт за микробиологија–160, Жан Митрев (Филип Втори)-55, Авицена-132, Биотек-129, Систина-59, лабораторија Лаор-71, Синлаб-8, Ремедика-16, Плодност–36, Генеа-9, Никоб лаб-258, ВФВ Медикал-21, Ели Медика-31, Ројал Медика –15, Спектра-ММ-6, Рапид Лаб – 0, ЈЗУ и ПЗУ (рапид тест) – вкупно 1.192.Досега во земјата се направени вкупно 1.375.566 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 201.292, бројот на оздравени пациенти е 187.695, на починати е 7.098, а бројот на активни случаи изнесува 6.499.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 88111, Активни 3258Куманово 12217, Активни 445Тетово 10992, Активни 127Прилеп 9427, Активни 256Гостивар 8000, Активни 23Битола 7402, Активни 231Велес 6760, Активни 332Кавадарци 6249, Активни 220Охрид 6150, Активни 199Штип 6122, Активни 207Струмица 5905, Активни 134Кичево 4089, Активни 69Струга 3839, Активни 43Кочани 3546, Активни 177Гевгелија 2546, Активни 82Неготино 2377, Активни 45Свети Николе 2003, Активни 82Крива Паланка 1621, Активни 137Радовиш 1590, Активни 46Ресен 1585, Активни 43Дебар 1453, Активни 3Берово 1237, Активни 25Делчево 1158, Активни 38Виница 1086, Активни 35Пробиштип 1007, Активни 60Валандово 852, Активни 24Кратово 642, Активни 31Богданци 584, Активни 25Крушево 547, Активни 14Демир Хисар 483, Активни 34Македонски Брод 477, Активни 2Демир Капија 410, Активни 1Македонска Каменица 357, Активни 41Пехчево 320, Активни 4Дојран 148, Активни 6

Македонија | пред 4 години

Арсовска на средба со претставници од „Го сакам Водно“: На Водно нема да се закова ни шајка

Независната кандидатка за градоначалник на Град Скопје, Данела Арсовска, денеска се сретна со граѓанското здружение „Го сакам Водно“, веднаш по нивниот повик преку соопштение до јавноста, во кое што стои дека Водно е секој ден сè поблиску и поблиску до бетонирање на својата иднина. Тие бараат од Арсовска да направи чекор повеќе кон Водно како гаранција дека нејзината намера за вистински и целосно заштитено Водно еискрена, затоа што, како што велат, само нејзината заложба може да се најде над секоја одлука која што води кон уништување на Водно.На средбата Арсовска ги ислуша сугестиите и се обврза итно да ги иницира сите неопходни чекори кои ќе обезбедат сеопфатна и целосна заштита на Водно. Таа истакна дека за Водно не смее да има компромиси и дека решенијата ќе се креираат заеднички преку формирање на работен комитет од здруженијата, со професори и експерти кои ќе работат на сеопфатна заштита на Водно. Како доказ за своите намери, кандидатката за градоначалник ја посочи и својата програма, во која се опфатени повеќе проекти a чија цел е Водно да стане зелен штит, токму како што граѓаните бараат.„Ќе се залагам за заштита на просторот со Закон и ќе го решам проблемот со појавување на нови градби на парк шумата, без да дозволам да се закова дури и една шајка. Во исто време проектот за Водно – зелен штит на Скопје ќе вклучува и пошумување со 100 000 садници автохтони видови дрвја годишно. Се предвидува и 24-часовна лупа на Водно, односно постојана грижа за парк шумата. Ќе има 24 часовна патрола на редари кои ќе се грижат за заштита на шумското и природно богатство како и за безбедноста на планинарите при несакани ситуации, повреда или слично”, посочи Арсовска.Арсовска истакна и дека додека граѓаните го бранеле Водно со жив штит поради сечењето дрвја и се обидувале да ја одбранат парк шумата, никој од локалната управа не им помогнал, напротив, застанале на другата страна.„Ова не смее да биде нашата реалност. Градоначалникот мора да ги слуша барањата на жителите и да наоѓа решенија во нивен интерес“, истакна Арсовска. На крајот од средбата, заклучија дека неопходна е итна реакција и брзо делување за да се изборат за зачувување на парк шумата. Арсовска се обврза на заедничка соработка и континуирана комуникација со цел Водно да продолжи да биде зелена заштита за Скопје и скопјани.

Скопје | пред 4 години

Наставникот кој тепаше ученик не дошол на работа, отказ се уште нема

Наставникот по англиски јазик од основното училиште „Панајот Гиновски“, кој беше снимен како тепа ученик од седмо одделение, денеска не дошол на работа и ќе биде заменет од друг наставник, информира директорката на училиштето, Ќамуране Реџа за ТВ21, додавајќи дека тој не е отпуштен од работа, но оти нема да држи настава додека се чека одлуката на дисциплинската комисија во училиштето.Таа вели дека досега немало жалби против наставникот, кој предава во ова училиште 13 години.„Јас како директорка не можам сама да донесам одлука за да го отпуштам од работа. Формирав дисциплинска комисија со наставници од училиштето, синдикатот и советот на родители. Тие ќе дадат свое мислење и потоа ќе се одлучи за отпуштање од работа од училиштето“, вели Реџа.

Скопје | пред 4 години

Димитриевски го објави бројот кој праќал заканувачки пораки до активистка од Куманово

Независниот кандидат за градоначалник на општина Куманово, Максим Димитриевски на неговата фан-страница на Фејсбук објави фотографии на кои се гледаат пораки кои се испраќаат, како што вели тој на активистка од граѓанската иницијатива „За наше Куманово“.„Погледнете ги пораките што се испраќаат на наша активистка, мајка за нејзиното дете! Ова е недозволиво, срамно и загрижувачки! Барам МВР веднаш да спроведе детална истрага, а ние ќе направиме сè семејството да остане анонимно за да немаат дополнителни трауми од поединци!Првата порака е испратена на 16.10.2021, од телефонскиот број 076 866 464 со следната содржина:„Максо нон стоп спомнуе несреќан случај за некое дете води ред и твое така да не се спомнуе, а дете убаво си вози мотор. Последна опомена“.По 5 минути, повторно уште една порака, која гласи:„Док си таму поздрави се последан још мало па бивши градоначалник“.Но, комуникацијата не завршува тука. На 26-ти октомври во 18:22 часот, повторно уште една порака:„Убав дн днска на дете ти роденден, другара ти Максу покани ли га мож ќе биде последан роденден да се подружите“.4 минути подоцна, уште една порака:„Многу убаво те опоменасмо да се повлечеш ама ти не. што и да се деси сама си крива“.Според нашите неофицијални информации со кои располагаме, станува збор за лице кое е поранешен осуденик и кое издржувало казна затвор, а во моментов е во штабот на СДСМ. Случајот е пријавен во Министерството за внатешни работи. Досега имаме пријавено многу случаи во МВР, но оваа институција не реагира.Со кое право вршите закани врз родител жена, мајка на нечие дете испракајќи и порака дека може на нејзиното дете да му биде последен роденден! Вака ли сакате да водите кампања за локални избори! Застрашувачки е тоа што се случува од месец септември досега во Куманово. Срамота!Ги повикувам сите кои се соочуваат со закани и притисоци поради сопствено убедување веднаш да ги пријават!“ - пишува Димитриевски на Фејсбук.

Македонија | пред 4 години

Алек Теранова нема доказ дека инвестирал во туѓи станови и плацеви

Обвинетиот Сашо Мијалков го распрашуваше сведокот Александар Ивановски-Теранова околу деталите дадени во неговиот исказ. По скоро секое цитирање на исказот, Сашо Мијалков го интересираше дали сведокот има материјален доказ за контактите и средбите за кои тврди дека ги имал. Ивановски-Теранова негираше.“Нели е нелогично преку тебе да се распрашувам за земјиште, туку за друг, како што кажуваш и ти, па не ја гледам причината зошто би прашувал, особено ако тој за кого ти кажуваш дека било наменето земјиштето имал секојдневен контакт со сите институции. Која е логиката?”, праша Мијалков, на што сведокот одговори: “А што тој што гледал ДУП-ови не сакал да се знае дека има плацеви”, на што Мијалков му рече: “Ќе ја видиме таа логика понатаму затоа што не е така”. Судијата реагираше на коментарот, а Мијалков врати: “Ако да се разбереме малку”.“Дали ти Алек имаш доказ дека јас сум ти се јавил?”, праша Мијалков, на што Ивановски-Теранова одговори: “Немам доказ, телефонски беше тоа”.“Треба да ги снимам разговори, ако барате доказ, немам”, одговори Александар Ивановски-Теранова на уште едно прашање за тоа дали за исказот и разговорите кои ги споменува има материјални докази.“Ти немаш вакво искуство, ти посакувам и да немаш. Постапката е таква да одговараш само тоа што прашувам”, рече Сашо Мијалков.На ова реагираше Лиле Стефанова, поради што судијата Илија Трпков ја предупреди дека не смее да се обраќа директно до Сашо Мијалков.“Немојте да преговарате директно. Мене ќе ми се обратите па ќе направам јас ред во судница”, рече судијата Илија Трпков до Лиле Стефанова.Александар Ивановски-Теранова кажа дека нема доказ со кој може да потврди дека инвестирал во туѓи станови и плацеви.“Ваш плац, ваши пари, ваши комуналии. Како да веруваме дека тие станлви и плацови не се ваши?”, праша адвокатот Давидовиќ, а сведокот кажа: “Мој плац мои комуналии, моја градба а беше правена за Телеком. По вашата логика ако одиме”, а адвокатот врати: “Ама сте земале пари за тоа”.

Македонија | пред 4 години

Ужас: Почина 17 годишна пациентка од Демир Хисар последица на корона

Министерството за здравство со голема жалост информира, дека на Клиниката за инфективни болести и фебрилни состојби утрово почина 17 годишна пациентка од село Сопотиница, Демир Хисар.„Младата пациентка имала хронично заболување јувенилен Diabetes Melitus Tipe 1 и не била вакцинирана. Тегобите кај пациентката биле 9 дена пред да биде примена на Инфективната клиника во Скопје. Според лекарските извештаи, на 18.10, младата пацинетка за првпат побарала лекарски преглед во КБ Битола. Пациентката била донесена во болница со ниска сатурација, ТТ 40С, отежнато дишење и болки во телото и мускулите. Овие симптоми пациентката ги имала неколку дена пред да побара лекарска помош во болницата во Битола.Лекар ја прегледал во пнеумофизиологија - амбуланта за суспектни пациенти со Ковид, тестирана е за Ковид 19 и истот ден е добиен резултат - Ковид позитивна. Поради сериозност на состојбата задржана е во болница и поставена на перманентна кислородна поддршка. За пациентката, поради тежината на состојбата, возраста и коморбидитетите, веднаш е организиран транспорт на КИБФС во Скопје.На 19.10 пациентката со возило на Итна Помош е донесена на Клиниката во многу тешка состојба. За време на транспортот е на постојана кислородна поддршка под надзор на медицински тим во возилото. Пациентката е примена во единица за интензивна нега на КИБФС и почнат е интензивен третмант по протокол за лекување пациент со тешка Ковид 19 инфекција.Во тек на престојот следи прогресивно влошување на состојбата со влошување на лабораториските, биохемиски анализи, рентгенграфски наод и клиничка слика. Пациентката е мултидисциплинарно лекувана поради развиените компликации. Во текот на вчерашниот дена драматично се влошиле виталните параметри на пациентката, што довело до срцево белодробно попуштање. И покрај сите превземени дијагностички, тераписки и реанимациони мерки пациентката денеска во раните утрински часови почина“, се вели во соопштението.

пред 4 години

Погледнете ги „експертитe“ во МЕПСО, и сакате да нема криза за струја?, вели Хајредини

поранешниот министер и еконимски аналитичарот Џевдет Хајредини, кој денеска на својот профил на Фејсбук објави дел од „експертите“ во МЕПСО:– Дел од „експертите“ во МЕПСО! Синот на Бучко! Ќерката на Талат Џафери! Синот на Грчев! Ќерката на Невзат Бејта! Сестрата на Бектеши… И сакате да нема криза за струја?- напиша Хајредини.Хајредини вчера беше гостин во ТВ 24 каде најави дека енергетската криза во Македонија ќе биде платена со дополнителни оданочувања за граѓаните.

Коментари | пред 4 години

Не очекува ли инфлација?

Денарот е стабилен, а ценовните движења се должат на растот на цените на енергенсите на светските берзи по високиот пад минатата година, како и на привремените нарушувања на синџирите на снабдување предизвикани од пандемијата. Ова се промени од привремен карактер, коишто би стивнале до година, а „подгревање“ на инфлациските движења не е потребно, порача вицегувернерката на Народнaта банка, Емилија Нацевска, во гостување на емисијата „Утрински брифинг“.„Причината за побрзиот раст на цените во првите девет месеци годинава од 2,8%, во однос на очекувањата за раст од 2,2% за целата година, се на страната на понудата. Тоа се должи, пред сѐ, на повисокиот раст на цените на енергенсите на глобално ниво ‒ цената на нафтата и гасот, што доаѓа по високиот пад на цените минатата година и нарушувањето на глобалните синџири на снабдување, како резултат на пандемијата“, вели Нацевска.Таа додава дека нема простор за паника од инфлација.„Простор за паника од инфлација нема, но треба да се однесуваме одговорно и не треба неосновано да се создаваат ценовни притисоци онаму каде што нема потреба, бидејќи тоа ќе се одрази на целата економијата. „Подгревањето“ на инфлациските очекувања е нешто што може да доведе до раст на цените. Во вакво сценарио, централната банка реагира преку монетарната политика, вклучително и со раст на каматната стапка, што сепак не е пожелно во услови кога нема нерамнотежи, а на економијата сѐ уште и е потребна поддршка за закрепнување од пандемијата ‒ вели Нацевска.

Македонија | пред 4 години