ТОП

Данела Арсовска прогласи победа во Скопје: За противник го имав Шилегов, но и премиерот во заминување

Независната кандидатка за Град Скопје, Данела Арсвоска прогласи победа во Скопје. Таа се заблагодари на скопјани, за кои кажа, ја препознале човечноста наспроти црната кампања која се водела против неа. Рече дека веќе од утре ќе почне со работа, за остварување на сите ветени проекти.„Голема благодарност да довербата и поддршката за визијата за поубаво, помодерно Скопје. Не можам да изразам зборови колку ми значи тоа што сите вие скопјани ја поддржавте мојата визија и што пред се одбравте да верувате во човечноста, што истакнавте дека сте против црните кампањи и што ми ја дадовте довербата следните четири години да го водам Скопје и да бидам ваш човек во градот“, рече Арсовска.Арсовска кажа дека вечерва ќе слави, а веќе од утре ќе работи бидејќи има многу проекти кои мора веднаш да се реализираат, во првите 82 дена.„Мој противник не беше само стариот градоначалник туку и премиерот во заминување. Скопје за првпат по 30 години има жена за градоначалник. Морам да ја истакнам благодарноста за семејството, пријателите и сите скопјани кои ме бодреа сите денови, кои кажаа дека и покрај црната кампања треба да продолжиме напред. Сега имаме шанса од првиот ден, посветено да работиме, Скопје да го направиме град на среќни луѓе“, додаде таа.

Скопје | пред 4 години

(ВИДЕО) Пецаков слави во Охрид: Од првиот ден ќе работам за сите!

Илјадници поддржувачи на Кирил Пецаков и ВМРО-ДПМНЕ, излегоа на градскиот плоштад во Охрид да ја прослават победата на кандидатот. Со бакли и македонски песни, како и македонски знамиња, се прославува во градот. Таму освен кандидатот, прустен е и Сашо Донев, носител на советничката листа кој ги поздрави присутните и рече: „Победивме со 4.500 гласови разлика. Аирлија. Градоначалник е Кирил Пецаков“.„И покрај сите притисоци, уцени, поткупи, ние денеска победивме. Победија охриѓани, Македонија. Да бидете горди сите, денеска радувајте се и бидете среќни. На никого ништо не му должиме. Имаме една голема тежина, должиме на охриѓани. Вечерва ќе славиме, од утре ќе работиме. Ќе докажеме дека сме различни од сите пред нас“, рече Донев.Присутните на плоштадот го поздравија Пецаков со скандирање: „Пецак, Пецак, ВМРО-ДПМНЕ“.„Често говорев дека нема да ве разочарам, сега ќе кажам благодарам од сѐ срце. Поминавме уште еден непотребен круг. Оваа власт ни покажа зошто е време да замине во историја. И замина. Поразем е режимот. Во овие четири години се соочивме со притисоци и нервози, бевме потценувани и маргинализирани. Ние сите заедно, работевме и знаевме дека ќе дојде денот кога ќе кажеме дека Македонија победи. Од првиот ден ќе работиме за сите“, рече Кирил Пецаков.

Македонија | пред 4 години

Теута Арифи призна пораз на уште недобројани гласови

Кандидатката на ДУИ за Тетово, Теута Арифи, призна пораз по вториот изборен круг.„Според броењето на резултатите, тој резултира дека противкандидатот има повеќе гласови и дека Тетово ќе биде водена од него. Сакам да му честитам на победата и да му посакам успешна работа. Сакам да се заблагодарам на тие граѓани кои ме поддржаа. Останувам на мислењето дека мојот концепт е прогресивен и дека времето ќе го покаже тоа“, рече Теута Арифи.

Македонија | пред 4 години

Неофицијално: ВМРО-ДПМНЕ освоја 12 градочалници, меѓу кои Скопје, Охрид, Битола

ВМРО-ДПМНЕ брифира дека според нивниот аналитички штаб, во вториот изборен круг освоиле власт во 12 градови. Според нив, градоначалнички места добиле во Скопје, Охрид, Битола, Брвеница, Радовиш, Гевгелија, Зелениково, Василево, Ресен, Ново Село, Чешиново и Лозово.Во Охрид, кандидатот на ВМРО-ДПМНЕ, Кирил Пецаков, веќе прогласи и победа преку објава на социјалните мрежи. Во Скопје, од 24 отсто од пребројаните гласови, предност има Данела Арсовска од ВМРО-ДПМНЕ.Овие се неофицијални информации, а пребројувањето од општинските изборни комисии и натаму е во тек.

Македонија | пред 4 години

Агитирање, поткуп, закани - што се е пријавувано во МВР и како е постапено

„Дозволете ми на почетокот да го изразам моето задоволство од тоа како протече денешниот изборен ден, од вториот круг од овие локални избори, но и од тоа како во целост минаа Локалните избори 2021 – во мирна и фер атмосфера, со положен демократски испит на зрелоста на нашата земја. А за тоа искрени честитки заслужуваат граѓаните, кои покажаа дека знаат што е демократија, дека демократијата не е нешто што се случува само за време на избори, но изборите се показател до каде сме стигнале во тој континуиран процес на градење. Граѓаните покажаа дека демократијата станува дел од културата на нашето граѓанско општество, дел од нашите животи“, кажа министерот Оливер Спасовски на МВР.„До 19.00 часот се бележи вкупно намалување на бројот на пријавени настани и тоа за 31,7 %, во споредба со изборите во јули 2020 година. Во вториов круг се регистрирани 114 пријавени настани, од кои најголемо намалување од 67% е забележано кај пријавените поткупи. Најголемиот број пријавени настани се на подрачје на СВР Штип - 50, 32 настани на СВР Куманово, 12 на СВР Битола, шест на СВР Скопје, пет на СВР Струмица, пет на СВР Тетово, три на СВР Охрид и еден настан на подрачје на СВР Велес.Најголемиот број на настани се однесуваат на: агитирање на гласачи - 83 настани, од кои 14 се отфрлени како неосновани, а по другите пријави се постапува. Притоа, во овој сегмент влегуваат и пријави за превезување на гласачи, вршење притисок/влијание на гласачи, носење на лични карти на гласачи, телефонски јавувања и др. изборен поткуп – 10 настани, од кои три се веќе отфрлени како неосновани, а за останатите се преземаат мерки за расчистување, вербални закани –три пријавени настани, злоупотреба на лични податоци - два пријавени настани,загрозување на сигурноста – два настани, од кои еден отфрлен како неоснован, додека за другиот се постапува, групирање на лица во близина на гласачко место- два настани, од кои еден отфрлен, а за другиот преземаме мерки за негово расчистување. Ова се покарактеристичните настани во текот на овој изборен ден, пријавени досега, но би сакал да ги споменам двете пријавени кривични дела, и тоа уништување на изборен материјал на подрачјето на ОВР Кичево, за што против лицето кое е приведено ќе биде поднесена кривична пријава за сторено кривично дело „уништување изборен материјал“ и повреда на тајноста на гласањето на подрачјето на ОВР Кочани за што ќе биде поднесена кривична пријава за сторено кривично дело „повреда на тајноста на гласањето““, кажа тој.

Македонија | пред 4 години

Шилегов: Скопјани со масовното излегување покажaa кој сака да го води градот

Кандидатот за градоначалник на Град Скопје, Петре Шилегов на СДСМ и коалицијата „Најдоброто за мојата општина“ по денешното гласање на избирачкото место во СУГС „Георги Димитров“ во Тафталиџе порача дека гласањето е празник за демократијата.-Гласањето е нешто кога луѓето одлучуваат во кој правец сакаат да се движат, во конкретниот случај градот Скопје. Имајќи предвид дека меѓу двата изборни круга успеавме до граѓаните да допреме со концепт, континуитет и развој на нашиот град. Излезноста е поголема од првиот круг, а јас сум убеден дека скопјани со масовното излегување ќе одберат градот да се движи во континуитет, развој и храбри потези што заедно ги влечеме и ќе ги почекаме резултатите до вечерва, изјави Шилегов.

Скопје | пред 4 години

Во Карпош, Центар и Чаир одѕивот поголем отколку во првиот круг

Со исклучок на Шуто Оризари, во останатите скопски општини каде што денеска се гласаше за градоначалник во вториот круг од локалните избори, излезноста е поголема во однос на првиот круг.Според податоците на ДИК од обработени 98,04 проценти избирачки места, до 18:30 часот, најголем е одѕивот во Карпош 53,50 отсто, што е за 3,72 проценти повеќе во однос на првиот круг кога беше 49,78.Во Центар излезноста е 51,16, а пред две недели беше 48,10.Во Чаир на гласање до 18:30 излегоа 44,73, а на 17 октомври 43,05.Само во Шуто Оризари се бележи помал одѕив. До половина час пред затворањето на избирачките места гласаа 32,81 отсто, а во првиот круг излезноста беше 33,31.

Скопје | пред 4 години

Очекуваме победа во Скопје и сите општини, вели Митева од ВМРО-ДПМНЕ со обвинувања за поткуп и уцени

Обвинувања за нерегуларности во текот на изборниот ден и за време на молкот упати Марија Митева од ВМРО-ДПМНЕ. Портпаролката верува дека ВМРО-ДПМНЕ победила и во вториот круг на изборите, одбрале поинаква и поубава иднина за сите. Според неа, рано е за резултати, но со сигурност ќе бидат поволни за народот.„Изборниот процес помина со низа нерегуларности, нарушување на изборниот процес и истите беа доказ за начинот на кој СДСМ е спремна да ја зачува власта по секоја цена иако тоа не е вољата на надородот. Вчера се ширеше пропаганда, поткуп на гласачи и други прекршувања. Имаме информации за поткуп во Кочани, Радовиш, Ново село, Ѓорче Петров и други делови од Скопје“, рече Марија Митева од ВМРО-ДПМНЕ.Таа посочи дека доаѓа нова иднина и дека народот ја победила власта, која Митева ја нарече ненародна.„Огромна благодарност до сите граѓани кои со учевство на изборите го остварија своето право. Одговорот на црната кампања на власта беше зголемена излезност. Тажен ден за недемократската власт на Заев, силен ден за вољата на народот кој се одлучи за промени и нова иднина. Власта на Заев го покажа своето недемократско лице. Видовме како излгеда власт која паѓа“, рече Митева.

Македонија | пред 4 години

48,88 отсто од гласачите излегле до 18:30 часот, најмала излезност во Сарај

48,88 отосто од гласачите излегле на гласање односно над 555 илјади гласачи. Во Кочани, Росоман, Демир Капинија има над 80 отсто излезност. Најмала излезност е во Сарај до 18:30 часот.„Имавме успешен и мирен гласачки ден“, рече Александар Даштевски.Претходно, до 17 часот 42,85 проценти од гласачите излегоа на гласање. Најмногу има во Вевчани, Конче, Ранковце, Пробиштип, Печхево, Дебар и други. Срај и Шуто Оризари имаат најмала излезност.„Сите избирачки места се отворени од избирачките одбори и процесот на гласање е во тек и во најголем дел се одвива непречено. Рано утринава во 7 часот беа отворени гласачките места во 44 општини од вториот круг на локалните избори. Се бираат градоначалници, а право на глас имаат 1.353.990 избирачи.Членовите на избирачките одбори добија инструкции читањето на прстите да се одвива според следниот редослед: Прво се чита показалецот од едната рака, доколку уредот не го препознава, тогаш следи обид со показалецот од другата рака. Доколку и во тој случај уредот не може да го исчита гласачот, се вметнува личната карта. Како последен обид, се оди со рачно вметнување на единствениот матичен број на граѓанинот.

Македонија | пред 4 години

Кандидат за Куманово: Луѓе од 6-управа при МВР агитираат, уценуваат, даваат логистика на партиски војници

Независен кандидат за градоначалник на Куманово преку социјалните мрежи се пожали дека полицијата учествува во изборнито процес преку агитирање. Тој се жали дека министер за полиција дал налог за тоа.„Луѓе од 6та управа повторно на терен, агитираат, попречуваат, уценуваат, даваат логистика на партиски војници, униформираните се неми набљудувачи на сето тоа. Малтретирате наши активисти, со денови не следите, ни одземате возила, се обидувате да не поткупите и заплашите и што уште не и повторно неможете да не скршите и поколебате- Што сакате можете да правите, кумановци се решени, ќе победат денеска и ќе ја вратат демократијата назад кај граѓаните. Кумановци се со нас! - Има сведоци, снимки, ќе одговарате за се! Куманово секогаш бил град кој се одважувал и од тука тргнувале сите големи општествени промени за подобар живот, така ќе биде и денес!“, пишува кандидатот.

Македонија | пред 4 години

Рапиден раст на бројот на гласачи во вториот круг во Скопје

Рапиден раст на бројот на гласачи во вториот круг од локалните избори се бележи во Скопје. Во апсолутни бројки, во главниот град на државата, до 13 часот гласале 110 543 избирачи, за разлика од првиот изборен круг кога на гласачките места во истиот период излегле 88 240 гласачи.Според податоците, најмотивирани се гласачите во Карпош. Бројката таму е поголема за 4 788, односно во одлучувачката трка за оваа градоначалник на оваа скопска општина и за градоначалник на Скопје, до 13 часот гласале 16 116 избирачи, за разлика од првиот круг во кој на избори во овој период излегле 11 328 гласачи.Повеќе од 4 000 гласа во кутиите во однос на првиот круг има и во Аеродром а над 3 000 е разликата во овој круг во споредба со првиот и во Центар и во Кисела Вода. Во Аеродром и во Кисела Вода се гласа само за избор на градоначалник на Скопје.Ист е случајот и со Ѓорче Петров и Бутел, каде изборите за градоначалници на општината се завршени, но 17 298 се решиле да учествуваат со својот глас да решат кој ќе го предводи Град Скопје. Во првиот круг, до 13 часот гласале 15 152 избирачи.

Скопје | пред 4 години

42,85 проценти излегоа до 17 часот, од скопските општини најмногу гласачи има во Аеродром

До 17 часот 42,85 проценти од гласачите излегле на гласање. Најмногу има во Вевчани, Конче, Ранковце, Пробиштип, Печхево, Дебар и други. Срај и Шуто Оризари имаат најмала излезност.Аеродром 42,37 проценти, во Бутел 26,65 проценти, во Гази Баба 38,18 проценти, во Ѓорче Петров 40,75 проценти, во Карпош 47,05 проценти.Сите избирачки места се отворени од избирачките одбори и процесот на гласање е во тек и во најголем дел се одвива непречено. Рано утринава во 7 часот беа отворени гласачките места во 44 општини од вториот круг на локалните избори. Се бираат градоначалници, а право на глас имаат 1.353.990 избирачи.Членовите на избирачките одбори добија инструкции читањето на прстите да се одвива според следниот редослед: Прво се чита показалецот од едната рака, доколку уредот не го препознава, тогаш следи обид со показалецот од другата рака. Доколку и во тој случај уредот не може да го исчита гласачот, се вметнува личната карта. Како последен обид, се оди со рачно вметнување на единствениот матичен број на граѓанинот.RELATED ITEMS:ТОПВО ЖИВО: ИЗБОРНИ РЕЗУЛТАТИ И ИЗЛЕЗНОСТ

Македонија | пред 4 години

34,22 отсто од гласачите излегле на гласање до 15 часот, најмногу во Вевчани најмалку во Сарај

До 15 часот одѕивот на изборите е 34,22 отсто. Претседателот на Државната изборна комисија, Александар Даштевски извести дека и попладнево продолжува трендот на поголема одѕив во споредба со првиот круг. Одѕивот во првиот круг при пресекот во 15 часот бил 31,47 отсто.До 15 часот најголем е одѕивот во Вевчани 66,54 отсто, а најмал повторно во Сарај, каде на гласање излегле 16,38 отсто од запишаните гласачи.„Немаме пријави за неправилности на ниту едно избирачко место и засега гласањето тече мирно. Се надевам дека така ќе продолжи и ги повикувам сите граѓани и кои досега не го направиле тоа да излезат и да го остварат своето гласачко право“, рече претседателот Даштевски.Во Државната изборна комисија пристигнале 311 приговори од кои 268 се прифатени, 25 се одбиени, а 18 од гласачите било утврдено дека ги има во Избирачкиот список.Гласањето во цела држава се гласа со користење на уредите за биометриска идентификација, без проблеми.

Македонија | пред 4 години

12 починаа, 349 нови со корона

Министерството за здравство информира, согласно податоците од Институтот за јавно здравје дека во последните 24 часа:Направени се 2.754 тестирања, а регистрирани се 349 нови случаи на КОВИД-19:Скопје – 166, Куманово – 23, Штип – 22, Прилеп – 18, Битола – 17, Кочани – 16, Кавадарци – 13, Тетово – 11, Велес и Охрид – по 10, Свети Николе – 9, Неготино – 8, Берово и Пробиштип – по 4, Гевгелија и Демир Хисар – по 3, Струмица, Кичево, Крива Паланка и Делчево – по 2, Гостивар, Струга, Ресен и Виница – по 1.Регистрирани сe 208 оздравени пациент од: Скопје – 90, Охрид – 37, Куманово – 17, Штип – 13, Велес – 10, Битола – 9, Кавадарци – 7, Крива Паланка – 5, Неготино – 4, Кочани, Свети Николе, Струга и Радовиш – по 3, Пробиштип и Кичево – по 2.Во текот на изминатите 24 часа регистрирани се 12 починати лица: 3 починати лица од Скопје (51г, 64г и 85г), по 2 починати лица од Штип (64г и 75г) и Свети Николе (66г и 82г) и по едно починато лице од Куманово (43г), Битола (60г), Радовиш (75г), Струмица (68г) и Дојран (62г). Од пријавените лица сите се починати во болнички услови.Направени се 2.754 тестови преку: ИЈЗ-186, ЦЈЗ Скопје-32, ЦЈЗ Битола-67, ЦЈЗ Прилеп-35,ЦЈЗ Тетово–45, ЦЈЗ Куманово-39, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –2, ГОБ 8-ми Септември-0, Институт за микробиологија–203, Жан Митрев (Филип Втори)-57, Авицена-134, Биотек-116, Систина-32, лабораторија Лаор-161, Синлаб-8, Ремедика-19, Плодност–54, Генеа-2, Никоб лаб-203, ВФВ Медикал-33, Ели Медика-17, Ројал Медика –26, Спектра-ММ-3, Рапид Лаб – 0, ЈЗУ и ПЗУ (рапид тест) – вкупно 1.280.Досега во земјата се направени вкупно 1.385.429 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 202.552, бројот на оздравени пациенти е 188.540, на починати е 7.132, а бројот на активни случаи изнесува 6.880.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 88659, Активни 3413Куманово 12283, Активни 427Тетово 11025, Активни 153Прилеп 9496, Активни 297Гостивар 8005, Активни 27Битола 7460, Активни 252Велес 6823, Активни 348Кавадарци 6316, Активни 254Охрид 6176, Активни 187Штип 6183, Активни 223Струмица 5912, Активни 121Кичево 4104, Активни 73Струга 3843, Активни 43Кочани 3586, Активни 192Гевгелија 2564, Активни 91Неготино 2395, Активни 52Свети Николе 2022, Активни 88Крива Паланка 1650, Активни 143Радовиш 1601, Активни 49Ресен 1595, Активни 51Дебар 1453, Активни 3Берово 1256, Активни 39Делчево 1169, Активни 46Виница 1092, Активни 38Пробиштип 1026, Активни 69Валандово 858, Активни 27Кратово 650, Активни 33Богданци 586, Активни 24Крушево 549, Активни 14Демир Хисар 494, Активни 43Македонски Брод 477, Активни 2Демир Капија 410, Активни 1Македонска Каменица 361, Активни 45Пехчево 323, Активни 5Дојран 150, Активни 7

пред 4 години

24,87 отсто е излезноста до 13 часот, поголема од првиот круг

До 13 часот, според пристигнатите податоци во Државната изборна комисија на гласање излегле 269.684 гласачи, односно одѕивот е 24,87 отсто. Излезноста е поголема од минатиот прв круг, во ова време. Во Вевчани, Ранковце, Деми Капија има најголема излезност. Од скопските општини, Карпош има најголема излезност. Доста мала излезност има во Сарај со 9,84 отсто излезност, па Теарце со 15,85 и Шуто Оризари со 15,8 отсто излезност.„Имаме многу мирен избирачки ден. Прилично солидна, добра излезност. Немаме пријавено дека има редици. Јас и лично гласав сега. Минатиот пат чекав 1 час, а сега ни пет минути“, рече ДаштевскиСите избирачки места се отворени од избирачките одбори и процесот на гласање е во тек и во најголем дел се одвива непречено. Рано утринава во 7 часот беа отворени гласачките места во 44 општини од вториот круг на локалните избори. Се бираат градоначалници, а право на глас имаат 1.353.990 избирачи.Членовите на избирачките одбори добија инструкции читањето на прстите да се одвива според следниот редослед: Прво се чита показалецот од едната рака, доколку уредот не го препознава, тогаш следи обид со показалецот од другата рака. Доколку и во тој случај уредот не може да го исчита гласачот, се вметнува личната карта. Како последен обид, се оди со рачно вметнување на единствениот матичен број на граѓанинот.

Македонија | пред 4 години

Поднесена кривична за спречување на избори и гласање во Кочани, за случајот во Ѓорче нема информации

Комисијата за следење на евентуални нерегуларности поврзани со извршување на кривични дела од Глава шеснаесет – Кривични дела против изборите и гласањето од Кривичниот законик и други кривични дела кои би биле сторени при организирањето и спроведувањето на локалните избори, ја известува јавноста дека во континуитет ги следи случувањата поврзани со изборниот процес.Дежурен јавен обвинител од скопското обвинитeлство е присутен во седиштето на СВР Скопје каде заедно со Штабот во рамките на оперативна акција Избори 2021 година се следат сите настани поврзани со неправилности за локалните избори.Основното јавно обвинителство Кочани синоќа прими кривична пријава против две лица за кривично дело – Спречување на избори и гласање од член 158 став 1 и кривично дело – Поткуп при избори и гласање од член 162 став 1 од Кривичниот законик. Јавен обвинител веднаш издаде наредба до МВР-ОВР Кочани за да се извршат проверки по наводите во пријавата.До Комисијата, преку електронската адреса во текот на вчерашниот ден пристигна една пријава од невладина организација, која се однесува на притисоци и закани упатени кон набљудувачи на изборите искажани преку коментари на социјална мрежа. Комисијата ги проверува наводите.Во претходните денови, Комисијата постапуваше по сознанија за евентуално сторени кривични дела поврзани со организирањето и спроведување на локалните избори. Дадени се задолженија до основните јавни обвинителства за итно постапување, односно за формирање предмети и преземање на сите дејствија за утврдување на релевантни факти од кои зависи правилната примена на Кривичниот законик.Комисијата за следење на евентуални изборни нерегуларности преку воспоставените дежурства на јавни обвинители во основните јавни обвинителства продолжува да го следи спроведувањето на локалните избори.​

Македонија | пред 4 години

МВР за изборниот процес

До сега Министерството за внатрешни работи нема регистрирано посериозни нарушувања на јавниот ред и мир во текот на гласањето, кое, генерално, се одвива мирно, без проблеми, соопшти на денешната прес конференција портпаролот на МВР Тони Ангеловски.„ По отворањето на гласачките места до 11.00 часот регистрираме два настани во Кичево и еден во Тетово.Полициски службеници од Полициската станица Кичево го лишиле од слобода Б.К.(64) од Кичево затоа што во 07.45 часот го искинал гласачкото ливче откако гласал на избирачко место бр.0745 во Кичево. По насоки на Јавен обвинител на Б.К. ќе му биде поднесена кривична пријава за сторено кривично дело „уништување на изборен материјал“. Во 08.25 часот во Полициската станица Кичево, од избирачкиот одбор во с.Премка било пријавено дека на избирачко место бр.0796 во с.Премка, А.У. од село Премка го фотографирал гласачкото ливче. Се преземаат мерки за расчистување на случајот. Во 09.15 часот во СВР Тетово, заменик претседателка на гласачко место бр.1972 во основно училиште „Братство Миѓени“ во Тетово пријавила дека С.Д. сакала да го оствари своето право на глас без приложување на соодветен документ за идентификација, односно се обидела да гласа прикажувајќи фотографија од нејзината патна исправа на мобилниот телефон, а откако и било кажано дека тоа е противзаконски започнала агресивно да се однесува кон неа. Се работи на расчистување на случајот“, соопшти Ангеловски.Регистрирани се и пријави за агитација во Кочани и Кратово, но за сега овие пријави не се докажани.„Апелирам до граѓаните и до учесниците во изборите и во останатиот дел од гласањето да се воздржат од инциденти, а доколку има било какво нарушување на изборниот процес граѓаните веднаш да ја известат полицијата или на бројот 192 или да пријават во најблиската полициска станица“, рече Ангеловски.

Македонија | пред 4 години

ВО ЖИВО: Следете излезност по градови и општини

Проверете сами каква е излезноста низ градовите и општините.

Македонија | пред 4 години

Апаратите се отпечаток прават проблеми и во вториот круг

Претседателот на Државната изборна комисија, Александар Даштевски кажа дека има прекини во десетина избирачки места, поради проблем со апаратите за идентификација со отпечаток од прст. Тој кажа дека причините се банални, а тоа е проблемот со мемориската картица на уредите. Таму каде имало прекини, додека да стигнат картиците, се гласало на класичен начин.„Имаме прифатени 109 приговори, 65 се одбиени. До 24 часот ние одлучуваме, а потоа ги одлучуваат општинските изборни комисии. Имаме уште 84 кои се испратени таму. 72 се прифатени, 8 одбиени. Прекини повеќе од 1 час имало на три места во Скопје и три места во Сарај, едно место во Карпош, едно во Чешиново-Облешево, едно во Зелениково каде е повеќе од еден час. Причините за подолгите прекини и неизвесност дали ќе продолжи гласањето, се немање на мемориска картичка, односно немање сигнал во апаратите за фингерпринт. Тие проблеми се во главно во Скопје. Банални се причините“, рече Даштевски.

Македонија | пред 4 години

Излезноста до 11 часот е зголемена споредено со првиот круг

До 11 часот, според пристигнатите податоци во Државната изборна комисија на гласање излегле 160.035 гласачи, односно одѕивот е 14.11 отсто. Највисок одѕив има во Ранковце, Вевчани.. Најмала излезност има во Сарај со пет осто и Боговиње. Во првиот изборен круг, излезноста до 11 часот беше 10,22%, односно тогаш излегоа 135.906 гласачи да го остварат своето право.Излезноста до 9 часот според Државната изборна комисија беше 5,25 отсто, односно на гласање излегле 63.006 гласачи.Сите избирачки места се отворени од избирачките одбори и процесот на гласање е во тек и во најголем дел се одвива непречено. Рано утринава во 7 часот беа отворени гласачките места во 44 општини од вториот круг на локалните избори. Се бираат градоначалници, а право на глас имаат 1.353.990 избирачи.Членовите на избирачките одбори добија инструкции читањето на прстите да се одвива според следниот редослед: Прво се чита показалецот од едната рака, доколку уредот не го препознава, тогаш следи обид со показалецот од другата рака. Доколку и во тој случај уредот не може да го исчита гласачот, се вметнува личната карта. Како последен обид, се оди со рачно вметнување на единствениот матичен број на граѓанинот.

Македонија | пред 4 години

Два изборни инциденти: Се кинат и фотографираат гласачки ливчиња

Два инциденти се регистрирани од полицијата, по отворањето на гласачките места. И двата се во Кичево. Како што информира МВР, првата нерегуларност е фотографирање на гласачко ливче, а вториот е уништување на гласачки материјал.Според првичните информации, гласач го искинал гласачкото ливче бидејќи како што кажал, заокружил погрешен број.За двата настани се постапува и се преземаат мерки.

Македонија | пред 4 години

Скоро дупло поголем одѕив до 09 часот од првиот круг на изборите

Излезноста до 9 часот според Државната изборна комисија е 5,25 отсто, односно на гласање излегле 63.006 гласачи. Во првиот круг на изборите, излезноста беше 3,30 отсто од запишаните избирачи. Ова значи дека скоро е дупло повеќе избирачи изглегле сега да го остварат своето право на глас.„Излезноста е 5,25 односно гласале 56.700 гласачи. Имаше технички проблеми на неколку избирачки места во Скопје и низ државата. Сите се решени. Гласањето продолжува. Таму каде беше прекинато гласањето повеќе од саат време, ќе биде продолжено за толку-колку што било прекинато“, рече Александар Даштески, претседател на Државната изборна комисија.Во Ранковце, Пехчево, Лозово, Зелениково има најголема излезност.Сите избирачки места се отворени од избирачките одбори и процесот на гласање е во тек и во најголем дел се одвива непречено. Рано утринава во 7 часот беа отворени гласачките места во 44 општини од вториот круг на локалните избори. Се бираат градоначалници, а право на глас имаат 1.353.990 избирачи.Членовите на избирачките одбори добија инструкции читањето на прстите да се одвива според следниот редослед: Прво се чита показалецот од едната рака, доколку уредот не го препознава, тогаш следи обид со показалецот од другата рака. Доколку и во тој случај уредот не може да го исчита гласачот, се вметнува личната карта. Како последен обид, се оди со рачно вметнување на единствениот матичен број на граѓанинот.

Македонија | пред 4 години

Вкупно 1598 домашни и странски набљудувачи, новинари и преведувачи го следат вториот изборен круг

Вкупно 1598 домашни и странски набљудувачи, новинари и преведувачи се акредитирани за следење на вториот круг од Локалните избори 2021.Овој број е поголем за 347 споредено со првиот круг кога беа акредитирани 1251.Од домашните најбројни се од Граѓанската асоцијација „АКСИОС 2017“ и од Здружението „ЦИВИЛ“, а останатите се од „Центар за слобода Скопје“, Здружението за афирмација на хумани вредности и младинска интеграција „Мак-Сонце“, од Институтот за економски стратегии и меѓународни односи Охрид-Скопје, од Национален ромски центар, од Граѓанска превенција „Превенција за време на избори“ и од Здружението „Млади европски федералисти – ЏЕФ“.Од странските набљудувачи најбројни се од Специјалната мисија за проценка на изборите на ОБСЕ/ОДИХР и од американската Амбасада, а изборите ќе ги следат и набљудувачи од ИФЕС, британската Амбасада, амбасадите на Франција, на Унгарија, на Албанија, на Русија, Холандија, Италија, Чешка, Хрватска, Косово, Грција, Бугарија, Шпанија, Летонија и Австрија, како и од Централната изборна комисија на БиХ.Акредитирани се и 10 странски новинари.

Македонија | пред 4 години

Гласаа ли Мијалков, Камчев, Јанева, Јанкулоска

Денеска, за вториот круг на локалните избори, се гласа во сите затвори низ земјава. Излезноста е голема, односно затворениците и притворениците го користат своето право да учествуваат во изборот на идните градоначалници.Како што неофицијално дознавa „Фокус“ на гласање излегле и „вип” станарите на затворите, односно поранешниот директор на УБК Сашо Мијалков, бизнисменот Орце Камчев, екс специјалната обвинителка Катица Јанева, како и поранешната министерка Гордана Јанкулоска.Право на глас имаат вкупно 1.409 затвореници и притвореници, кои гласаат во 14 Казнено – поправни установи. Сите гласачки места во затворите се отворени во 7 часот и таму гласањето ќе трае до 19 часот.

Македонија | пред 4 години

Детали за поткупот во Геге од МВР

Денеска (30.10.2021) околу 14 часот полициски службеници од СВР Скопје ги лишија од слобода Г.З. (59) и А.С. (63) од Скопје кои во скопската населба Даме Груев давале пари во замена за глас на локалните избори односно вршеле кривично дело по член 162 од КЗ „поткуп при избори и гласање“.На лицата на кои им давале пари за глас им земале копии од лични карти, а при приведувањето кај нив се најдени пари и други предмети.

Скопје | пред 4 години