ТРАМП

САД имаат 99 тони плутониум од времето на Студената војна, Трамп сака да им го даде на приватни лица

Трамповата администрација започна преговори со неколку компании што развиваат мали модуларни нуклеарни реактори за користење на дел од американските резерви на плутониум од воен квалитет, создадени за време на Студената војна. Според пишувањето на „Франс 24“, станува збор за околу 99 тони плутониум, кој би можел да се пренамени во гориво за нови генерации реактори.Меѓу компаниите што влегле во напредна фаза на разговори е и француско-италијанската компанија „Њуклео“, специјализирана за развој на мали нуклеарни реактори.Американските власти со децении се обидуваат да најдат решение за огромните резерви плутониум што повеќе не се потребни за нуклеарниот арсенал. Чувањето на материјалот бара високи безбедносни мерки и значителни финансиски средства, а претходните обиди за негово претворање во енергетско гориво не дадоа резултати.Новиот пристап на администрацијата на Доналд Трамп предвидува приватниот сектор да добие улога во решавањето на овој проблем. Планот е дел од пошироката стратегија за зајакнување на американската нуклеарна енергетика и зголемување на производството на електрична енергија, особено поради растечките потреби на индустријата за вештачка интелигенција и големите центри за обработка на податоци.Поддржувачите на иницијативата посочуваат и на геополитичката димензија на проектот. По руската инвазија врз Украина, САД настојуваат да ја намалат зависноста од рускиот збогатен ураниум, кој со години беше важен извор на гориво за нуклеарната индустрија.Сепак, бројни експерти предупредуваат на сериозни ризици. Тие нагласуваат дека плутониумот е една од најопасните и најтоксични супстанции создадени од човекот, а неговото транспортирање и обработка бараат исклучително строги безбедносни протоколи.Дополнителна загриженост предизвикува можноста за злоупотреба на материјалот. Според експертите за нуклеарна безбедност, плутониумот може да се искористи за производство на нуклеарно оружје, поради што секое проширување на бројот на субјекти што ќе имаат пристап до него го зголемува ризикот од кражба, губење или нелегална употреба.Критичарите сметаат и дека ваквиот потег испраќа погрешна порака во време кога меѓународната заедница настојува да го ограничи ширењето на нуклеарните материјали. Дополнително, тие посочуваат дека процесот на претворање на плутониумот во употребливо гориво е долг, сложен и скап, а првите резултати би можеле да се очекуваат дури по повеќе години.

Свет | пред 19 часа

САД бараат Иран да го отвори Ормускиот теснец без наплата

Американскиот претседател Доналд Трамп објави низа услови што, според него, Иран мора да ги прифати за евентуален договор со САД.Во објава на Truth Social, Трамп порача дека Техеран мора да се согласи никогаш да не поседува нуклеарно оружје, а Ормускиот теснец веднаш да биде отворен за непречен бродски сообраќај во двата правци, без никаква наплата за премин.„Иран мора да прифати дека никогаш нема да има нуклеарно оружје или бомба. Ормускиот теснец мора веднаш да биде отворен, без наплата, за непречен бродски сообраќај во двата правци“, напиша Трамп.Тој наведе и дека сите морски мини, доколку ги има, мора да бидат отстранети. Според него, американските сили веќе уништиле голем број мини со помош на специјални подводни миноловци.„Иран ќе го заврши итното отстранување и/или детонирање на преостанатите мини“, објави американскиот претседател.Трамп тврди дека американската поморска блокада ќе биде укината и дека бродовите кои останале блокирани во Ормускиот теснец ќе можат да продолжат со пловидбата.Во објавата тој се осврна и на иранскиот збогатен нуклеарен материјал, кој го нарече „нуклеарна прашина“. Според Трамп, материјалот се наоѓа длабоко под земја, под речиси урнати планини, по американскиот напад со бомбардери Б-2 пред 11 месеци.Тој најави дека материјалот ќе биде ископан од САД, во координација со Иран и со Меѓународна агенција за атомска енергија, а потоа ќе биде уништен.„Збогатениот материјал, понекогаш нарекуван ‘нуклеарна прашина’, ќе биде ископан од САД, кои според договорот, заедно со Кина, се единствените земји со механичка способност за тоа, во тесна координација и соработка со Исламската Република Иран и Меѓународната агенција за атомска енергија, и ќе биде УНИШТЕН“, напиша Трамп.На крајот од објавата, американскиот претседател порача дека оди во кризниот штаб во Белата куќа за да донесе конечна одлука.

Свет | пред 1 ден

Трамп: Воен удар врз Иран останува опција ако нема поволен договор

Американскиот претседател Доналд Трамп изјави дека воена акција против Иран и натаму останува можна доколку преговорите не резултираат со договор што ќе биде прифатлив за САД.Во интервју за телевизијата „Фокс њуз“, кое треба да биде емитувано утре, Трамп оцени дека претходните американски воени операции значително ги ослабнале иранските нуклеарни амбиции и го намалиле капацитетот на земјата.Тој нагласи дека главен услов за каков било договор е постигнување „добар договор за САД“, што, според него, претставува црвена линија за Вашингтон.„Да не беа американските удари со бомбардерите Б-2 пред девет месеци, Иран веќе ќе поседуваше нуклеарно оружје“, изјави Трамп.Американскиот претседател додаде дека САД имаат значителна преговарачка предност, тврдејќи дека Иран е сериозно ослабен воено, а неговите поморски и воздушни сили се во голема мера нефункционални.Во меѓувреме, американски извори претходно соопштија дека е постигнат прелиминарен договор за меморандум за разбирање, со кој примирјето меѓу САД и Иран би било продолжено за 60 дена, а би биле отворени и преговори за иранската нуклеарна програма. Сепак, според истите извори, документот сè уште чека одобрување од Трамп.Од друга страна, иранската агенција „Тасним“, повикувајќи се на извор близок до иранскиот преговарачки тим, објави дека текстот на евентуалниот меморандум меѓу Техеран и Вашингтон сè уште не е финализиран ниту официјално потврден.

Свет | пред 1 ден

Рубио опасно му се доближи на Венс во трката за републиканската номинација за 2028 година

Трката за републиканската претседателска номинација за изборите во 2028 година станува сѐ понеизвесна, откако нова анкета покажа дека американскиот државен секретар Марко Рубио значително ја намалил предноста на потпретседателот Џеј Ди Венс.Според истражувањето на колеџот Емерсон, спроведено на 24 и 25 мај меѓу веројатни републикански гласачи, Венс има поддршка од 35,5 проценти, додека Рубио е веднаш зад него со 34,6 проценти. Гувернерот на Флорида, Рон Десантис, е трет со 5,4 проценти, а поранешната гувернерка на Јужна Каролина, Ники Хејли, има 4,6 проценти поддршка.Резултатите претставуваат голема промена во однос на февруари, кога Венс уживаше поддршка од 52 проценти, наспроти 20 проценти за Рубио. Во август минатата година разликата беше уште поголема – Венс имаше 52 проценти, а Рубио само 9 проценти.„Републиканските предизбори значително се променија од февруари. Потенцијалните кандидати за 2028 година сега се практично изедначени“, изјави директорот на Емерсон Колеџ Полинг, Спенсер Кимбол.Според анализата, Рубио бележи најголем раст кај републиканските гласачи постари од 50 години, додека Венс и натаму има предност кај помладите избирачи.Ниту еден од двајцата политичари засега нема официјално најавено кандидатура за претседателските избори. Венс неодамна ги отфрли шпекулациите за кандидатура, нагласувајќи дека не сака да зборува за избори додека е на функцијата потпретседател.Во Белата куќа, пак, порачаа дека администрацијата е фокусирана на актуелните предизвици, а не на изборите во 2028 година.Анкетата покажува и интересни движења кај демократите. Поранешниот министер за транспорт Пит Бутиџиџ води со 18 проценти поддршка, пред гувернерот на Калифорнија, Гевин Њусом, кој има 16 проценти. Следуваат Александрија Окасио-Кортез со 11 проценти, како и поранешната потпретседателка Камала Харис и гувернерот на Пенсилванија, Џош Шапиро, со по 10 проценти.

Свет | пред 1 ден

Канадскиот премиер: Канада ќе помогне Америка повторно да стане голема

Канадскиот премиер Марк Карни повика на „ново партнерство“ со САД, оценувајќи дека блиската соработка меѓу двете земји ќе помогне „Америка повторно да биде голема“.Во говор одржан во Њујорк, Карни изјави дека светот се менува додека САД ги трансформираат своите трговски односи, но нагласи дека посилната соработка со Канада ќе биде од корист за двете држави.Неговото обраќање доаѓа во период на трговски тензии меѓу Отава и Вашингтон, а Карни најави дека Канада во следната деценија ќе го удвои извозот кон други пазари. Тој потсети и дека минатата година биле потпишани повеќе од 20 економски и безбедносни договори.Канадскиот премиер се осврна и на претходните изјави на американскиот претседател Доналд Трамп за можно припојување на Канада како 51. американска држава, оценувајќи дека односите меѓу двете земји откриле „слабости што треба да се исправат“.Карни истакна дека САД суштински го промениле пристапот кон трговијата, воведувајќи царини какви што не биле видени уште од времето на Големата депресија.Сепак, во говорот тој имаше помирувачки тон кон Вашингтон, опишувајќи ги САД како „најдинамичната, најотпорната и најиновативната земја во светот“.„Силна Канада ќе помогне Америка повторно да биде голема“, порача Карни, повикувајќи на поголема соработка во секторите како алуминиумската индустрија, автомобилската индустрија и производството на клучни минерали.

Свет | пред 2 дена

Трамп повторно го тужи „Волстрит журнал“: Бара 10 милијарди долари поради напис за Епстин

Американскиот претседател Доналд Трамп повторно поднесе тужба за клевета против „Волстрит журнал“, барајќи најмалку 10 милијарди долари отштета поради текст поврзан со неговите наводни врски со Џефри Епстин.Тужбата следува откако судија претходно ја отфрли првата верзија на предметот поради правни недостатоци.Во новата тужба се наведува дека весникот, кој е во сопственост на медиумскиот магнат Руперт Мардок, му нанел сериозна репутациска и финансиска штета на Трамп со напис во кој се споменува роденденска честитка испратена до Епстин со потпис на Трамп.Трамп и неговите адвокати тврдат дека честитката е фалсификувана, иако документот бил објавен од законодавци кои го истражувале случајот со Епстин.Како тужени во постапката се наведени Руперт Мардок, компаниите „Дау Џонс“ и „Њуз корп“, извршниот директор Роберт Томсон, како и двајца новинари на „Волстрит журнал“.Од „Дау Џонс“ соопштија дека целосно стојат зад точноста и професионалноста на известувањето на весникот и најавија дека ќе се бранат на суд.Претходната тужба беше отфрлена од федерален судија кој оцени дека Трамп не успеал да го исполни правниот стандард за докажување „стварна злонамерност“, што е неопходно во случаи на клевета кога тужителот е јавна личност.Џефри Епстин почина во затвор во Њујорк во 2019 година, а неговиот случај предизвика бројни контроверзии и теории на заговор во САД. Трамп тврди дека ги прекинал контактите со Епстин уште пред неговите правни проблеми да станат јавни во 2006 година.

Свет | пред 2 дена

Трамп со нов дипломатски потег: бара проширување на Аврамовите договори

Американскиот претседател Доналд Трамп започна нова дипломатска иницијатива поврзана со Блискиот Исток, барајќи од повеќе муслимански земји да им се приклучат на Аврамовите договори за нормализација на односите со Израел, додека паралелно се обидува да постигне договор со Иран.Според „Ројтерс“, Трамп разговарал со лидерите на Саудиска Арабија, Катар, Пакистан, Турција, Египет и Јордан, како и со Обединетите Арапски Емирати и Бахреин, кои веќе се дел од Аврамовите договори.„Барам сите земји веднаш да ги потпишат Аврамовите договори и, доколку Иран го потпише својот договор со мене како претседател на САД, би било чест и тие да бидат дел од оваа светска коалиција“, напиша Трамп на својата социјална мрежа.Аврамовите договори беа постигнати во 2020 година со посредство на администрацијата на Трамп и претставуваат договори за нормализација на односите меѓу Израел и неколку арапски и муслимански држави. Првите потписници беа Обединетите Арапски Емирати и Бахреин, а подоцна им се приклучија Мароко и Судан.Главната цел на договорите беше воспоставување дипломатски односи со Израел, економска и безбедносна соработка, отворање амбасади и намалување на регионалните тензии.Сега администрацијата на Трамп гледа можност за нивно проширување како дел од поширока стратегија за создавање регионален блок близок до САД и ограничување на влијанието на Иран.Особено внимание привлекува можноста Саудиска Арабија да стане дел од договорите, што би претставувало голем дипломатски пресврт со оглед на нејзината улога во арапскиот и муслиманскиот свет. Сепак, прашањето останува чувствително поради војната во Газа и барањата на Ријад за напредок кон формирање палестинска држава.Пакистан веќе го отфрли предлогот, додека останатите земји засега не се изјаснија официјално. Според извори на „Ројтерс“, јавната недоверба кон Израел во голем дел од муслиманскиот свет останува висока по израелската офанзива во Газа.Египет, Јордан и Турција веќе имаат дипломатски односи со Израел, иако тие врски во последниот период се дополнително затегнати поради конфликтот во Газа.

Свет | пред 2 дена

Трамп му се закани на Оман: „Ќе ве дигнеме во воздух“

Американскиот претседател Доналд Трамп му се закани на Оман доколку оваа заливска држава застане на страната на Иран во обидите за заедничка контрола врз Ормускиот Теснец.Говорејќи на седница на американската влада, Трамп порача дека САД нема да дозволат Иран и Оман да управуваат со стратешки важниот поморски премин.„Никој нема да го контролира теснецот. Ние ќе го надгледуваме, но никој нема да го контролира. Тоа е дел од преговорите што ги водиме“, изјави Трамп.Тој потоа упати директна закана до Оман.„Оман ќе се однесува како и сите други или ќе мора да ги дигнеме во воздух. Тие го разбираат тоа. Сè ќе биде во ред“, рече американскиот претседател.Според медиумските извештаи, Оман претходно беше посредник во разговорите меѓу САД и Иран пред избувнувањето на конфликтот на 28 февруари.Ормускиот Теснец е една од најважните светски поморски рути за транспорт на нафта и гас, а последните изјави дополнително ги зголемија тензиите во регионот.

Свет | пред 3 дена

Трамп: Никој нема да го контролира Ормускиот теснец, санкциите кон Иран остануваат

Американскиот претседател Доналд Трамп изјави дека САД ќе го надгледуваат Ормускиот теснец, но нагласи дека „никој нема да го контролира“, додавајќи дека тоа е дел од тековните преговори поврзани со Иран.Говорејќи на состанок на кабинетот, Трамп се осврна и на улогата на Оман, кој, според медиумските извештаи, посредува во разговорите со Техеран за координација на управувањето со теснецот.„И Оман ќе мора да се однесува како и сите други“, изјави американскиот претседател.Трамп повторно нагласи дека Вашингтон не размислува за какво било ублажување на санкциите кон Иран во замена за откажување од високо збогатениот ураниум.„Тие ќе се откажат од својот високо збогатен ураниум, но не поради укинување на санкциите. Не, никако“, изјави Трамп во разговор за PBS News.Во меѓувреме, американскиот државен секретар Марко Рубио соопшти дека е постигнат „одреден напредок“ во разговорите за можен договор со Иран.Тој повтори дека дипломатијата останува прв избор на Вашингтон, но предупреди дека претседателот Трамп има и „други опции“ доколку не се постигне договор.„Ако може да се постигне договор, сакаме тоа да се случи. Имаше одреден напредок и интерес, а во следните часови и денови ќе видиме дали ќе има дополнителен напредок“, изјави Рубио пред новинарите.

Свет | пред 3 дена

Трамп: Мислеа дека можат да ме исцрпат со чекање

Американскиот претседател Доналд Трамп изјави дека е уверен оти САД ќе постигнат поволен договор со Иран за завршување на војната, но порача дека нема намера да брза со преговорите.За време на состанокот на неговиот кабинет, Трамп оцени дека Техеран нема друг избор освен да прифати договор под американски услови.„Мислеа дека можат да ме исцрпат со чекање. Сметаа дека ќе попуштам поради изборите. Не ми е грижа за изборите“, изјави Трамп, алудирајќи на претстојните избори во САД.Тој додаде дека американската администрација сè уште не е целосно задоволна од понудените услови, но верува дека договор ќе биде постигнат.„Или ќе има добар договор или едноставно ќе мораме да ја завршиме работата“, рече Трамп.Американскиот претседател исто така оцени дека иранската економија е во тешка состојба и дека режимот во Техеран е принуден да бара решение.Во интервју за PBS News, Трамп категорично ја отфрли можноста САД да ги укинат санкциите кон Иран во замена за предавање на залихите високо збогатен ураниум.„Нема укинување санкции. Тие ќе се откажат од високо збогатениот ураниум, но не поради тоа“, изјави тој.Во меѓувреме, Белата куќа остро ги демантираше извештаите на иранските државни медиуми за наводен нацрт-меморандум за разбирање меѓу Вашингтон и Техеран.„Тоа е целосна измислица. Никој не треба да верува во она што го објавуваат иранските државни медиуми“, соопшти Белата куќа преку платформата Икс.Иранските медиуми претходно тврдеа дека можниот договор би вклучувал повлекување на американските сили од близина на Иран и укинување на блокадата на иранските пристаништа.Портпаролката на Белата куќа, Оливија Велс, изјави дека преговорите „добро напредуваат“ и дека Трамп јасно ги поставил американските „црвени линии“, нагласувајќи дека САД нема да дозволат Иран да поседува нуклеарно оружје.

Свет | пред 3 дена

Трамп со нов фонд и мерки се штити од идни истраги

Администрацијата на американскиот претседател Доналд Трамп е обвинета дека преку нови мерки систематски ги поткопува механизмите за контрола на претседателската моќ и создава заштита од идни истраги, пишува Си-ен-ен.Во фокусот е договорот за формирање фонд за „борба против инструментализација на правосудството“, вреден речиси 1,8 милијарди долари, кој според критичарите може да послужи за заштита на Трамп, неговото семејство и блиски соработници од идни правни постапки.Според анализата, фондот би можел да ги обесхрабри поединците да соработуваат во идни конгресни или федерални истраги поврзани со претседателот.Правни експерти предупредуваат дека Трамп во вториот мандат дополнително ја проширува извршната моќ, користејќи ја поддршката од конзервативното мнозинство во Врховниот суд на САД.„Сведоци сме на драматично поместување кон поголема извршна моќ, концентрирана во рацете на самиот претседател“, изјави професорот по право Адам Цимерман од Универзитетот во Јужна Калифорнија.Според Си-ен-ен, новиот фонд произлегол од тужба што Трамп ја поднел против американската Даночна служба поради протекување на неговите даночни пријави.Договорот, како што се наведува, не се однесува само на даночни постапки, туку и на други потенцијални владини истраги поврзани со наводна „инструментализација“ на институциите против претседателот.Критичарите предупредуваат дека администрацијата истовремено ги наградува лојалистите и ги казнува службениците кои учествувале во претходните истраги против Трамп.Министерството за правда, пак, го брани фондот, тврдејќи дека неговата цел е заштита на Американци кои биле неправедно цел на „правно војување“ поради нивните политички ставови.Во анализата се наведува и дека Трамп сменил неколку главни инспектори во федералните агенции, ги оспорил правилата за архивирање на претседателски документи и ја зајакнал контролата врз независните институции.Поранешниот правен советник на Претставничкиот дом, Даг Летер оцени дека ваквите потези „далеку го надминуваат сè што авторите на американскиот Устав можеле да замислат“.

Свет | пред 3 дена

Трамп против забраните за „пазарите за предвидување“ во САД

Американскиот претседател Доналд Трамп побара федералната влада да ја задржи контролата врз индустријата на таканаречените „пазари за предвидување“, вредна милијарди долари, предупредувајќи дека сојузните држави не треба да воведуваат сопствени ограничувања.Трамп на социјалните мрежи порача дека Комисијата за тргување со стоковни фјучерси (CFTC) треба да има „исклучива надлежност“ над овие пазари, кои овозможуваат обложување на исходи од различни настани.Станува збор за платформи како Kalshi и Polymarket, каде што корисниците се обложуваат на политички, економски и други случувања, а компаниите тврдат дека не се работи за коцкање, туку за тргување со деривати.Трамп изјави дека лично „никогаш не бил премногу наклонет“ кон ваквите пазари, но неговото семејство веќе има деловни врски со индустријата. Неговата медиумска компанија минатата година лансирала производ поврзан со пазарите за предвидување, а неговиот син Доналд Трамп Џуниор, според американските медиуми, има врски со две водечки компании во секторот.Во меѓувреме, повеќе американски држави почнаа да воведуваат рестрикции. Минесота неодамна стана првата сојузна држава што целосно ги забрани овие пазари, оценувајќи дека создаваат зависност и ги погодуваат младите и луѓето со ниски приходи.Главниот обвинител на Минесота, Кит Елисон, изјави дека ваквите платформи „им помагаат на супербогатите да станат уште побогати, а останатите да осиромашат“.Само ден по усвојувањето на законот во Минесота, федералната комисија CFTC поднесе тужба со цел да го укине.Трамп остро ги нападна демократските политичари кои поддржуваат ограничувања, порачувајќи дека САД не смеат да дозволат „други земји да ја преземат предноста во овој нов финансиски сектор“.Според CNBC, неделниот обем на тргување на платформата Kalshi пораснал од 100 милиони долари минатата година на повеќе од 3 милијарди долари денес.

Свет | пред 3 дена

Зеленски испратил итно писмо до Трамп: Украина останува без противракетна одбрана

Украинскиот претседател Володимир Зеленски испратил итно писмо до американскиот претседател Доналд Трамп во кое предупредува на сè поголем недостиг на украински системи за противвоздушна одбрана, особено на капацитети за одбрана од балистички ракети, објави „Киев Индипендент“.Апелот доаѓа во време кога Русија ги засилува масовните воздушни напади врз Украина и јавно се заканува со нов бран далекусежни удари врз Киев, вклучително и напади врз локации што Москва ги опиша како украински „центри за донесување одлуки“.„Кога станува збор за противракетната одбрана, се потпираме на нашите пријатели. Но, кога е во прашање одбраната од балистички проектили, речиси целосно зависиме од САД“, се наведува во писмото, во кое увид имал „Киев Индипендент“.Украински претставници стравуваат дека ограничените резерви на пресретнувачи „Патриот“ и други западни системи тешко ќе можат да ја издржат сегашната динамика на бомбардирање.Според извор запознаен со ситуацијата, украинската амбасадорка во САД, Олха Стефанишина, го доставила писмото до Белата куќа, претседателот на Претставничкиот дом Мајк Џонсон и други членови на Конгресот.Во писмото се изразува и загриженост поради проблемите со набавката на оружје преку програмата PURL, која им овозможува на сојузниците од НАТО да финансираат купување американско оружје за Украина.„Моменталната динамика на испораки преку програмата PURL повеќе не одговара на реалната закана со која се соочуваме“, се наведува во писмото. „Ве молиме, помогнете ни да го заштитиме украинското небо од руските ракети.“Најновиот руски масовен напад дополнително го истакнал притисокот врз украинската противвоздушна одбрана. Украинските воздухопловни сили соопштиле дека руските сили во текот на ноќниот напад на 24 мај лансирале 90 ракети и 600 дронови.Во меѓувреме, рускиот министер за надворешни работи Сергеј Лавров во телефонски разговор со американскиот државен секретар Марко Рубио најавил нови удари врз украинските „центри за донесување одлуки“ и го повикал Вашингтон да ја евакуира американската амбасада во Киев.И покрај тоа, Зеленски во писмото порачал дека украинското небо може да биде заштитено.„Поголемиот дел од руските ракети може да се запрат“, истакнал украинскиот претседател.

Свет | пред 3 дена

Трамп по лекарскиот преглед: Сè е совршено

Американскиот претседател Доналд Трамп изјави дека „сè е совршено“ по извршениот лекарски преглед во Националниот воен медицински центар „Волтер Рид“.Трамп, кој следниот месец ќе наполни 80 години, не откри детали од прегледот, туку само кратко се огласи на својата платформа Truth Social, каде што напиша дека прегледот е завршен.Американскиот претседател често се претставува како поенергичен и во подобра форма од неговиот претходник Џо Бајден, кој минатата година ја напушти функцијата на 82-годишна возраст.Сепак, неодамнешните фотографии на кои се забележува осип на вратот на Трамп повторно отворија прашања за неговата здравствена состојба. Претходно во јавноста се појавија и снимки од отечени зглобови и модринки на раката, прикривани со шминка.Трамп, кој роденденот го слави на 14 јуни, во јануари 2025 година ќе стане највозрасната личност што ја презела функцијата претседател на САД.Посетата на медицинскиот центар „Волтер Рид“ беше негов трет лекарски преглед во последните 13 месеци.

Свет | пред 4 дена

Рубио по американските напади: Договорот со Иран ќе биде постигнат

Американскиот државен секретар Марко Рубио изјави дека администрацијата на претседателот Доналд Трамп и понатаму е посветена на постигнување мировен договор со Иран, и покрај новите американски напади врз ирански цели во текот на ноќта.Рубио порача дека Вашингтон верува оти договорот е блиску и дека преговорите продолжуваат.„Мислам дека постои силно усогласување и согласност околу тоа како треба да изгледа прелиминарниот нацрт“, изјави Рубио.Тој додаде дека, како и кај секој сложен договор, ќе бидат потребни уште неколку дена за усогласување на деталите, вклучително и околу формулациите во текстот.„Тоа ќе потрае уште неколку дена, дури и кога станува збор за договор околу еден збор или реченица“, рече Рубио.Сепак, нагласи дека очекува договорот на крајот да биде постигнат.Американскиот претседател Доналд Трамп претходно тврдеше дека договорот со Техеран „во голема мера веќе е испреговаран“, но во текот на викендот ја ублажи таа изјава.Изјавите на Рубио доаѓаат по новите американски напади врз ирански цели во близина на Ормутскиот теснец, што дополнително ги зголеми тензиите на Блискиот Исток и предизвика стравувања дека мировните преговори би можеле да пропаднат.

Свет | пред 4 дена

Трамп дефинитивно ѝ врти грб на Европа: Ова е тајниот план за НАТО

САД планираат значително да ги намалат своите воени придонеси во НАТО, вклучувајќи го бројот на оружени системи и војници што ги ставаат на располагање на Алијансата, објави германскиот магазин „Шпигел“.Според информациите, претставник на американскиот министер за одбрана, Пит Хегсет, минатата недела во седиштето на НАТО во Брисел ги информирал сојузниците дека Вашингтон има намера да ги намали клучните воени капацитети што ги обезбедува за Алијансата.Меѓу нив се борбени авиони, воени бродови, дронови и авиони за дополнување гориво во воздух.САД планираат да ги намалат и обврските во рамките на таканаречениот „NATO Force Model“, усвоен во 2022 година по почетокот на руската инвазија врз Украина, со кој се дефинираат силите што НАТО може директно да ги користи за одбрана на Европа.Вашингтон подолго време бара европските сојузници да преземат поголем дел од товарот во Алијансата. Досега САД обезбедуваа околу половина од воените капацитети на НАТО.Според „Шпигел“, САД планираат да го намалат бројот на стратешки бомбардери и борбени авиони наменети за НАТО, а бројот на американски борбени авиони би можел да биде намален за една третина.Американската морнарица, исто така, планира да го намали бројот на разурнувачи достапни за Алијансата, додека подморниците повеќе нема да бидат ставани на располагање во рамките на НАТО-силите.Европските земји, според планот, ќе треба самостојно да обезбедат извидувачки дронови, бидејќи и американскиот ангажман во областа на беспилотните летала ќе биде значително намален.Сепак, САД порачале дека сакаат да го задржат нуклеарното одвраќање во Европа, додека европските членки би требало да ја преземат речиси целосната конвенционална одбрана на континентот.

Свет | пред 4 дена

Трамп: Иранскиот збогатен ураниум ќе биде уништен или испратен во САД

Доналд Трамп изјави дека иранскиот збогатен ураниум ќе биде испратен во САД на уништување или ќе биде уништен на друга локација, додека продолжуваат преговорите за рамковен договор за прекин на војната со Иран.Трамп на својата платформа Truth Social напиша дека збогатениот ураниум „веднаш“ ќе биде предаден на САД и уништен таму или ќе биде уништен на самото место или на друга прифатлива локација во координација со Техеран.Тој додаде дека во процесот треба да учествува „Комисијата за атомска енергија или нејзин еквивалент“, но не прецизираше дали мисли на американска агенција или на Меѓународната агенција за атомска енергија.Едно од главните спорни прашања во преговорите остануваат околу 400 килограми високо збогатен ураниум што ги поседува Иран.Трамп претходно изјави дека рамковниот договор е „главно испреговаран“.Во меѓувреме, Бенјамин Нетанјаху соопшти дека во телефонски разговор со Трамп се согласиле дека секој договор со Иран мора целосно да ја отстрани нуклеарната закана.Според Нетанјаху, тоа подразбира демонтирање на иранските постројки за збогатување ураниум и отстранување на резервите високо збогатен ураниум од земјата.

Свет | пред 4 дена

Туристи масовно откажуваат патувања во САД: Главна причина е Трамп

Соединетите Американски Држави во 2025 година забележаа значителен пад на меѓународниот туризам, при што земјата ја посетиле околу четири милиони помалку странски туристи во споредба со претходната година.Според анализата на Си-ен-ен, падот од 5,5 проценти е најголем во последните две децении, со исклучок на пандемијата на ковид-19.Во текстот се наведува дека причините не се пандемија или економска криза, туку политиките и реториката на американскиот претседател Доналд Трамп, кои, според дел од патниците, влијаеле врз нивната одлука да ги избегнуваат САД како туристичка дестинација.Поради намалениот број посетители, туристичката потрошувачка е намалена за повеќе од осум милијарди долари.Аналитичарите предупредуваат дека падот на туризмот не влијае само врз угостителскиот сектор, туку и врз меѓународниот имиџ и таканаречената „мека моќ“ на САД.Според професорката Џулиет Кајем од Харвард, во странство сè повеќе се создава слика за Америка како држава со политичка дисфункционалност, насилство и нестабилност.Дополнителен проблем претставуваат и предлозите за воведување нови визни такси, зголемените трошоци за патување и намаленото финансирање на организацијата „Brand USA“, задолжена за промоција на американскиот туризам.Најголем пад е забележан кај туристите од Канада, додека намалување има и кај посетителите од Германија, Франција, Австралија, Индија и Кина.Од друга страна, зголемен е бројот на посетители од Мексико.Бизнисите што зависат од туризмот веќе ги чувствуваат последиците, а дел од туристичките компании во Калифорнија и Флорида пријавуваат значителен пад на приходите и резервациите.И покрај очекувањата Светското фудбалско првенство да донесе дополнителни посетители, аналитичарите сметаат дека тоа нема да биде доволно за да се надоместат загубите од 2025 година.

Свет | пред 5 дена

Трамп подготвува проширување на историскиот договор: „Ништо нема да го надмине“

Американскиот претседател Доналд Трамп изјави дека преговорите меѓу САД и Иран „добро напредуваат“, но предупреди дека доколку не се постигне договор, Блискиот Исток би можел повторно да се соочи со голем конфликт.Во објава на социјалната мрежа Truth Social, Трамп порача дека договор ќе биде можен само ако биде „добар за сите страни“.„Ако нема договор, враќањето на бојното поле и пукањата ќе бидат поголеми и посилни од кога било досега – а тоа никој не го сака“, напиша Трамп.Тој откри дека во саботата разговарал со повеќе лидери од регионот, меѓу кои саудискиот престолонаследник Мохамед бин Салман, претседателот на Обединетите Арапски Емирати Мохамед бин Зајед Ал Нахјан, катарскиот емир Тамим бин Хамад Ал Тани, турскиот претседател Реџеп Таип Ердоган, египетскиот претседател Абдел Фатах ел-Сиси, јорданскиот крал Абдула Втори и пакистанскиот воен лидер Асим Мунир.Трамп ги повика земјите од регионот да им се приклучат на Аврамовите договори – дипломатска иницијатива започната за време на неговиот прв мандат, со која неколку арапски држави ги нормализираа односите со Израел.„Повеќето земји треба да бидат подготвени ова да го претворат во историски настан“, порача Трамп.Тој оцени дека Аврамовите договори донеле економски и општествен напредок и додаде дека нивното проширување може да донесе „сила, стабилност и мир на Блискиот Исток за првпат по 5000 години“.Трамп наведе дека Саудиска Арабија и Катар треба да бидат меѓу првите нови членки на договорот, а посочи дека би му било чест доколку еден ден и Иран се приклучи на оваа иницијатива.

Свет | пред 5 дена

Трамп под жесток притисок поради Иран: „Го направија будала“

Американскиот претседател Доналд Трамп се соочува со сè поголем притисок и од републиканците и од демократите поради можен мировен договор со Иран, за кој критичарите стравуваат дека нема да ги исполни првичните воени цели на САД.Според анализа на Си-ен-ен, предложениот договор би довел до повторно отворање на Ормускиот Теснец, но иранската нуклеарна програма би останала главно нерешена, додека Трамп се соочува со пад на популарноста и раст на цените на горивата пред претстојните избори.Трамп во изминатите недели повеќепати тврдеше дека договорот со Техеран е блиску, но неговите изјави предизвикаа скепса и кај конзервативните кругови и кај демократите.Американските и израелските власти претходно поставија како клучна цел отстранување на иранските резерви на високо збогатен ураниум, но според дел од критичарите, сегашните преговори не гарантираат таков исход.Републиканскиот сенатор Том Тилис изјави дека е нејасно зошто САД би прифатиле ирански нуклеарен материјал да остане во земјата.„Како тоа воопшто има смисла?“, праша Тилис.Сенаторот Линдзи Греам предупреди дека дозволувањето Иран да ја задржи предноста преку контролата врз Ормускиот Теснец може да ја промени рамнотежата на силите на Блискиот Исток.Критики стигнаа и од демократите. Сенаторот Кори Букер изјави дека договорот не се занимава со клучното прашање – иранската нуклеарна програма.„Иран го влече Доналд Трамп за нос“, изјави Букер.Во меѓувреме, државниот секретар Марко Рубио ги отфрли критиките, нагласувајќи дека администрацијата нема да прифати договор што би го ставил Иран во подобра позиција во однос на нуклеарното оружје.Трамп во неделата порача дека на своите преговарачи им наложил да „не брзаат со договорот“, додавајќи дека „времето е на американска страна“.

Свет | пред 5 дена

Трамп: Ормускиот теснец мора прво да биде отворен, па потоа договор со Иран

Американскиот претседател Доналд Трамп изјави дека САД ќе ја задржат поморската блокада на иранските бродови во Ормускиот теснец сè додека не биде постигнат и потпишан конечен договор со Иран.„Американската блокада на иранските бродови во Ормускиот теснец ќе остане во целосна сила сè додека договорот не биде постигнат, заверен и потпишан“, напиша Трамп на својата мрежа „Truth Social“.Тој додаде дека „двете страни мора да одвојат време и правилно да ја завршат работата“.Според информации од високи претставници на администрацијата на Трамп, Вашингтон и Техеран се блиску до усогласување на меморандум за разбирање, кој би бил основа за поширок мировен договор и повторно отворање на Ормускиот теснец – клучна рута за светските испораки на нафта и течен природен гас.Американски функционер, кој зборувал под услов на анонимност, изјавил дека Иран „начелно“ се согласил да го отвори теснецот во замена за укинување на американската поморска блокада и решавање на прашањето со високо збогатениот ураниум.Според истиот извор, Вашингтон верува дека иранскиот врховен лидер, ајатолахот Мојтаба Хамнеи, веќе го одобрил поширокиот рамковен договор.Од Иран засега нема официјална потврда за ваквите тврдења, а агенцијата „Тасним“, блиска до Револуционерната гарда, објави дека САД и понатаму блокираат делови од можниот договор, особено барањето на Техеран за ослободување на замрзнатите ирански средства.Американските претставници велат дека првиот чекор би бил отворање на Ормускиот теснец и укинување на поморската блокада, додека преговорите за деталите околу нуклеарната програма би продолжиле дополнително.Според втор висок функционер од администрацијата, предложената рамка би им дала на преговарачите рок од 60 дена за постигнување конечен договор.Ирански извори за „Ројтерс“ изјавиле дека постојат „изводливи формули“ за решавање на спорот околу збогатениот ураниум, меѓу кои и негово разредување под надзор на Меѓународната агенција за атомска енергија.И покрај тековното кревко примирје, двете страни и натаму имаат сериозни несогласувања околу иранската нуклеарна програма, санкциите, замрзнатите милијарди долари од нафтени приходи, како и регионалните конфликти поврзани со проирански групи.

Свет | пред 5 дена

Прво најавуваше напади, сега зборува за договор: Што се случува со ставот на Трамп кон Иран?

Американскиот претседател Доналд Трамп во последните недели испраќа различни и често контрадикторни пораки за можниот договор со Иран, додека преговорите меѓу двете страни сè уште траат без конечен исход.На почетокот на мај Трамп тврдеше дека е постигнат напредок кон финален договор и го суспендираше проектот за американска придружба на бродови низ Ормускиот Теснец. Само еден ден подоцна, тој изјави дека договорот со Иран е „голема претпоставка“ и се закани со продолжување на бомбардирањата „на многу повисоко ниво и интензитет“ доколку разговорите пропаднат.На 10 мај Иран ги претстави своите услови за завршување на војната и повторно отворање на Ормускиот Теснец. Техеран, според достапните информации, побарал итен прекин на конфликтите на сите фронтови, крај на американската поморска блокада и гаранции дека нема повторно да има напади врз Иран.Трамп тогаш го оцени иранскиот предлог како „целосно неприфатлив“.Следниот ден го обвини иранското раководство дека е „многу нечесно“ и повторно порача дека Иран „никогаш нема да има нуклеарно оружје“.Во средината на мај, американскиот претседател сигнализираше можен пресврт во ставот на Вашингтон, изјавувајќи дека би прифатил 20-годишна суспензија на иранската нуклеарна програма, иако претходно инсистираше на трајно прекинување на збогатувањето ураниум.Неколку дена подоцна Трамп соопшти дека откажал планиран воен напад врз Иран по барање на земјите од Заливот, бидејќи, како што рече, се водат „сериозни преговори“.На 23 мај тој објави дека договорот е „главно испреговаран“ и дека остануваат уште финални детали, меѓу кои и повторното отворање на Ормускиот Теснец.Сепак, денеска Трамп повторно порача дека американската блокада на иранските пристаништа ќе остане „целосно на сила“ сè додека договорот не биде постигнат, потврден и потпишан.Тој додаде дека односите меѓу САД и Иран стануваат „многу попрофесионални“, но повторно предупреди дека Техеран не смее да „развие или да набави нуклеарно оружје или бомба“.

Свет | пред 6 дена

Републиканци: Притискаме Трамп да ја заврши оваа војна

Демократскиот конгресмен Ро Кана изјави за NBC News дека верува оти во американскиот Конгрес сега има доволно поддршка за усвојување резолуција за воени овластувања поврзана со конфликтот со Иран.Станува збор за предлог со кој претседателот Доналд Трамп би бил принуден да се повлече од евентуален поширок воен ангажман против Иран.Републиканското раководство во Претставничкиот дом во четвртокот го откажа гласањето за резолуцијата, откако стана јасно дека нема доволно гласови за нејзино блокирање.„Има многу републиканци кои сметаат дека војната треба да заврши“, изјави Кана.Тој додаде дека републикански конгресмени разговарале со американски фармери кои предупредиле на нагол раст на цените на азотот, амонијакот и уреата поради блокадите и контролата врз Хормушкиот Теснец.Според Кана, американските граѓани веќе ги чувствуваат последиците преку повисоките цени на горивата.„Ова создава притисок врз Трамп да постигне договор и затоа Конгресот е важен“, рече тој.„Дури и кога не успеваме да протуркаме гласање, создаваме притисок врз претседателот и се надеваме дека оваа војна ќе заврши“, додаде американскиот конгресмен.

Свет | пред 6 дена

Нетанјаху: Со Трамп се согласивме дека Иран не смее да има нуклеарно оружје

Израелскиот премиер Бенјамин Нетанјаху објави детали од синоќешниот разговор со американскиот претседател Доналд Трамп, наведувајќи дека двајцата разговарале за клучните прашања поврзани со Иран – Хормушкиот Теснец и нуклеарната програма на Техеран.Нетанјаху на социјалната мрежа Икс порача дека со Трамп се согласиле оти секој конечен договор со Иран мора целосно да ја отстрани нуклеарната закана.„Претседателот Трамп и јас се согласивме дека секој конечен договор со Иран мора да ја елиминира нуклеарната опасност. Тоа значи демонтирање на иранските постројки за збогатување ураниум и отстранување на збогатениот нуклеарен материјал од иранска територија“, напиша Нетанјаху.Тој додаде дека Трамп повторно го потврдил правото на Израел да се брани од закани „на сите фронтови, вклучително и Либан“.„Партнерството меѓу нашите држави се докажа на бојното поле и никогаш не било посилно“, истакна израелскиот премиер.Нетанјаху порача и дека неговата политика, како и политиката на Трамп, останува непроменета – Иран да не поседува нуклеарно оружје.

Свет | пред 6 дена

Трамп најави нова фаза во односите со Иран и на Блискиот Исток

Американскиот претседател Доналд Трамп изјави дека преговорите со Иран се „уредни и конструктивни“, нагласувајќи дека американската блокада ќе остане во сила сè додека не биде постигнат конечен договор.„Блокадата ќе остане целосно на сила додека договорот не биде постигнат, потврден и потпишан. Двете страни мора да одвојат време и сè да направат како што треба. Не смее да има грешки“, напиша Трамп на својата социјална мрежа „Трут соушал“.Тој додаде дека односите меѓу САД и Иран стануваат „многу попрофесионални и попродуктивни“, повторувајќи дека Техеран не смее да развие или да поседува нуклеарно оружје.Трамп им се заблагодари и на земјите од Блискиот Исток за поддршката и соработката, најавувајќи продлабочување на регионалната соработка преку пошироко вклучување во Авраамовите договори.Притоа, тој посочи дека и Иран во иднина би можел да стане дел од тој дипломатски процес.Авраамовите договори беа постигнати во 2020 година со посредство на САД и доведоа до нормализација на односите меѓу Израел и неколку арапски држави, меѓу кои Обединетите Арапски Емирати, Бахреин и Мароко.Американскиот претседател повторно го критикуваше и нуклеарниот договор со Иран од 2015 година, оценувајќи го како „еден од најлошите договори некогаш склучени“.Трамп ја обвини администрацијата на поранешниот претседател Барак Обама дека со тој договор му овозможила на Иран полесен пат до развој на нуклеарно оружје, додавајќи дека актуелните преговори се „многу подобри“ и претставуваат дел од поефикасен пристап кон Техеран.

Свет | пред 6 дена