ТРАМП

Анализа на Би-Би-Си: Кратката средба меѓу Трамп и Си може да ги дефинира односите меѓу суперсилите

Безбедноста околу плоштадот Тјенанмен во Пекинг е засилена во пресрет на очекуваната средба меѓу американскиот претседател Доналд Трамп и кинескиот претседател Си Џинпинг, за која Би-Би-Си оценува дека би можела долгорочно да ги дефинира односите меѓу двете светски суперсили.Според анализата, иако посетата ќе биде кратка, влогот е огромен – иднината на светската трговија, тензиите околу Тајван, технолошката конкуренција и улогата на Кина во конфликтите на Блискиот Исток.Во Пекинг се подготвува голем дипломатски и протоколарен спектакл, кој вклучува разговори меѓу двајцата лидери, свечен банкет и посета на Храмот на небото. Ова ќе биде прва посета на американски претседател на Кина од последната посета на Трамп во 2017 година.Би-Би-Си наведува дека Кина се обидува да се наметне како посредник во конфликтот меѓу САД, Израел и Иран, а Пекинг заедно со Пакистан предложил мировен план од пет точки за прекин на судирите и отворање на Ормутскиот теснец.Анализата посочува и дека прашањето за Тајван ќе биде едно од најчувствителните на средбата. Администрацијата на Трамп испратила спротивставени сигнали – од одобрување воена помош за Тајван, до изјави дека островот не ѝ возвраќа доволно на Америка за безбедносните гаранции.Во економскиот дел се очекува разговорите да се фокусираат на трговските односи, царините, ретките минерали и трката за доминација во вештачката интелигенција. Според Би-Би-Си, „чип-дипломатијата“ и ограничувањата за извоз на американски микропроцесори ќе бидат меѓу клучните теми.„Можеби нема да има многу време за големи договори, но дури и толку кратка средба би можела да ја одреди насоката на преговорите и односите меѓу двете суперсили за долг период“, оценува Би-Би-Си.

Свет | пред 2 седмици

Хегсет ќе го придружува Трамп на патувањето во Кина

Американскиот министер за одбрана, Пит Хегсет, потврди дека ќе го придружува американскиот претседател Доналд Трамп на претстојната посета на Кина.Посетата доаѓа во период на неизвесност околу примирјето со Иран и зголемени геополитички тензии.Запрашан за продажбата на оружје на Тајван, Хегсет изјави дека Трамп ќе ги донесе сите одлуки поврзани со тоа прашање.„Претседателот наскоро патува и јас ќе бидам со него, а тој ќе ги донесе сите одлуки поврзани со тоа“, рече Хегсет.Се очекува Трамп денеска да отпатува од Вашингтон за Пекинг.Во меѓувреме, иранскиот амбасадор во Кина изјави дека Пекинг може да одигра важна улога во намалувањето на тензиите меѓу САД и Иран.

Свет | пред 2 седмици

Трамп: Иранците ни рекоа дека ќе добиеме „нуклеарна прашина“

Американскиот претседател Доналд Трамп изјави дека е уверен оти Иран ќе престане со збогатување ураниум и ќе се откаже од каков било обид за развој на нуклеарно оружје.Во интервју за радио-емисијата „Sid and Friends in the Morning“ на WABC, Трамп рече дека лично учествува во разговорите со иранските претставници.„Сто проценти ќе престанат“, изјави Трамп, одговарајќи на прашање дали верува дека Иран може да биде спречен да развие нуклеарна бомба.Тој додаде дека Иранците му порачале дека САД ќе добијат „прашина“.„Јас тоа го нарекувам нуклеарна прашина, бидејќи тоа е соодветно име. И ќе ја добиеме“, рече американскиот претседател.Трамп истовремено нагласи дека Вашингтон нема потреба да брза кон постигнување договор со Техеран.„Нема ништо да забрзуваме, имаме блокада“, изјави тој.

Свет | пред 2 седмици

Иран до Трамп: Не мисли дека ќе влезеш триумфално во Пекинг

Иран испрати остра порака до американскиот претседател Доналд Трамп пред неговото патување во Пекинг на средба со кинескиот лидер Си Џинпинг.Советникот на иранскиот врховен лидер, Али Акбар Велајати, порача дека Трамп не треба да го толкува моменталниот прекин на борбите како победа на САД.„Господине Трамп, немојте ни да помислите дека, користејќи го моменталното затишје во Иран, ќе можете триумфално да влезете во Пекинг“, изјави Велајати, а пренесе иранската полуофицијална агенција Тасним.Тој додаде дека Иран ги победил САД „на бојното поле“ и предупреди Вашингтон да не се однесува како победник ниту во дипломатијата.„Ве победивме на бојното поле, затоа никогаш немојте да мислите дека ќе излезете како победник и во дипломатијата“, рече Велајати.Изјавата доаѓа откако Трамп во понеделникот кажа дека едномесечното примирје меѓу САД и Иран е „на апарати“.И покрај формалниот прекин на огнот, во изминатиот период двете страни продолжија со меѓусебни напади и тензии во стратешки важниот Ормуски теснец.

Свет | пред 2 седмици

Доналд Трамп: Многу го почитувам кинескиот лидер

Американскиот претседател Доналд Трамп го пофали својот „одличен однос“ со кинескиот лидер Си Џинпинг во пресрет на нивната средба во Пекинг оваа недела.„Многу го почитувам, се надевам дека и тој ме почитува мене“, изјави Трамп.Говорејќи за своите планови поврзани со повторното отворање на Ормускиот Теснец, Трамп рече дека Си „би сакал тоа прашање да се реши“.Се очекува Доналд Трамп за време на посетата да се обиде да го убеди Си Џинпинг да го искористи влијанието на Кина врз Иран, за Техеран да прифати отстапки.Но, конфликтот меѓу САД, Израел и Иран, како и тензиите во Ормускиот Теснец, дополнително ги оптоварија односите меѓу Вашингтон и Пекинг и ја загрозија кинеската енергетска безбедност.

Свет | пред 2 седмици

Трамп води американски бизнис-елити во Пекинг на разговори со Кина

Илон Маск и директорот на Apple, Тим Кук, се поканети да му се придружат на американскиот претседател Доналд Трамп на претстојната посета на Кина, каде што ќе се сретне со кинескиот лидер Си Џинпинг.Според „Блумберг“, во делегацијата се очекува да бидат и директори на неколку големи американски компании и финансиски институции, меѓу кои Дејвид Соломон, Лери Финк и Џејн Фрејзер.Целта на посетата е постигнување нови деловни договори и економска соработка меѓу САД и Кина.Кинеската државна агенција „Синхуа“ потврди дека Доналд Трамп ќе престојува во Кина од 13 до 15 мај.

Свет | пред 2 седмици

Финскиот претседател: Време е Европа повторно да разговара со Русија

Финскиот претседател Александар Стуб ги повика европските земји да „се смират и да ја намалат тензијата“ поради стравувањата дека САД би можеле да го намалат военото присуство во Европа.Во интервју за италијанскиот весник „Кориере дела Сера“, Стуб изјави дека САД нема да го напуштат НАТО и покрај најавите за повлекување на околу 5.000 американски војници од Германија.„САД нема да се повлечат од Европа. Ако сакаат да ја проектираат својата моќ кон Блискиот Исток, Азија и Африка, мора да имаат силна основа овде“, рече Александар Стуб.Тој оцени дека Европа правилно постапува со зголемувањето на трошоците за одбрана, но предупреди дека паничните пораки можат да ја ослабнат способноста за одвраќање на противниците.Осврнувајќи се на безбедносната политика на Финска кон Русија, Стуб порача: „Ако ние можеме да се браниме, може и НАТО.“Финскиот претседател исто така оцени дека е „време да се почне разговор со Русија“ и потврди дека меѓу европските лидери веќе се разговара кој би можел во иднина да воспостави контакт со Кремљ.Во меѓувреме, високата претставничка на ЕУ за надворешна политика, Каја Калас, го отфрли предлогот поранешниот германски канцелар Герхард Шредер да биде европски посредник во евентуални мировни преговори за војната во Украина.

Свет | пред 2 седмици

(Видео) Трамп разочаран од Курдите: Само земаат, а не помагаат

Американскиот претседател Доналд Трамп изјави дека е „многу разочаран од Курдите“, зборувајќи за обидите за вооружување на населението во Иран.„Иранците сакаат да излезат на улиците. Немаат оружје, немаат пушки. Мислевме дека Курдите ќе дадат оружје, но Курдите нè разочараа. Курдите само земаат, земаат и земаат“, рече Трамп пред новинарите во Овалната соба.Тој додаде дека Курдите имаат „одличен углед во Конгресот“, но според него „жестоко се борат само кога се платени“.Си-Ен-Ен претходно објави дека Централната разузнавачка агенција работела на план за вооружување на курдските сили со цел поттикнување народен бунт во Иран.Трамп тврди дека уште од почетокот бил против таквиот план.„Реков дека тоа нема да успее. Не се согласував со тоа што го направија. Реков дека оружјето никогаш нема да стигне таму. И бев во право“, изјави Доналд Трамп.Според него, дел од испратеното оружје и муниција било задржано и никогаш не било испорачано.

Свет | пред 2 седмици

Трамп: Со Иран имав договор четири или пет пати, па се предомислуваа

Американскиот претседател Доналд Трамп изјави дека дипломатско решение за конфликтот со Иран сè уште е можно, иако, како што рече, иранското раководство постојано го менува ставот.На прашањето дали верува дека мирно решение е достижно, Трамп одговори: „Не, мислам... многу е можно“.„Имав договор со нив четири или пет пати. Потоа го менуваат мислењето. Раководството се многу нечесни луѓе“, изјави Доналд Трамп.Тој додаде дека повеќепати во бизнисот се соочувал со слични ситуации, кога договорите биле одложувани и менувани во последен момент.„Со тие луѓе ќе договорите работа, а следниот ден ќе ви испратат документ за кој му требаат пет дена да стигне, иако можел да стигне за 20 минути“, рече Трамп.Во изјавата тој алудираше и на внатрешните состојби во иранското раководство, тврдејќи дека „никој не сака да биде претседател“.Инаку, актуелен претседател на Иран е Масуд Пезешкијан, избран во 2024 година.

Свет | пред 2 седмици

Трамп: Сè уште верувам во договор со сегашното иранско раководство

Американскиот претседател Доналд Трамп изјави дека и понатаму верува оти САД може да постигне мировен договор со актуелното раководство на Иран.„Имате умерени и имате лудаци. Мислам дека умерените имаат поголема почит. Лудаците сакаат да се борат до крај. Тоа би била многу кратка борба“, рече Трамп.Тој направи споредба и со состојбите во Америка.„Како и нашата земја, и ние имаме лудаци. Ги нарекувам лудаци, ги нарекувам и глупави луѓе. Во Иран има умерени кои очајно сакаат договор, а потоа има и лудаци“, изјави Доналд Трамп.

Свет | пред 2 седмици

Трамп: Примирјето меѓу САД и Иран е „на апарати“

Американскиот претседател Доналд Трамп изјави дека примирјето меѓу САД и Иран е „на апарати за одржување во живот“.„Тоа ви е како кога доктор ќе влезе и ќе каже: Господине, вашата сакана личност има еден процент шанси да преживее“, рече Трамп за време на настан во Овалната соба.Примирјето што Доналд Трамп го објави на почетокот на минатиот месец, последните денови станува сè понестабилно, додека двете страни продолжуваат со размена на напади.

Свет | пред 2 седмици

Трамп: Иран се согласи да се откаже од нуклеарниот материјал, па се предомисли

Американскиот претседател Доналд Трамп изјави дека Иран првично се согласил да се откаже од својот нуклеарен материјал под услов тој да биде отстранет од страна на САД, но подоцна ја повлекол таа согласност.„Се согласуваат со нас, а потоа го повлекуваат тоа што го кажале“, изјави Доналд Трамп пред новинарите.Трамп додаде дека иранскиот контрапредлог подоцна го оценил како „парче ѓубре“ и рече дека не „губел време“ читајќи го.Според американски и меѓународни медиуми, разговорите меѓу Вашингтон и Техеран остануваат блокирани околу прашањето за збогатениот ураниум и иднината на иранската нуклеарна програма.

Свет | пред 2 седмици

Трамп: Имам најдобар план досега за Иран

Американскиот претседател Доналд Трамп изјави дека има „најдобар план досега“ за Иран и повторно порача дека Техеран не смее да поседува нуклеарно оружје.Одговарајќи на новинарски прашања во Овалната соба, Трамп рече дека неговиот план е „многу едноставен“.„Не знам зошто едноставно не го кажете јасно – Иран не може да има нуклеарно оружје“, изјави Доналд Трамп.Тој додаде дека со таквиот став „му се прави услуга на целиот свет“.Воедно, американскиот претседател го нарече „глупав“ иранскиот предлог до САД за завршување на војната, кој претходно го отфрли.

Свет | пред 2 седмици

Трамп: Ме чека голема група генерали за разговори за Иран

Американскиот претседател Доналд Трамп изјави дека го очекува состанок со „голема група генерали“ за разговори поврзани со Иран.Трамп ова го кажа за време на настан во Овалната соба посветен на здравствената заштита на мајките, кога им порача на присутните да бидат кратки, бидејќи мора да замине на состанок.„Не зборувајте предолго, затоа што ме чека голема група генерали, а и тоа е важно, поврзано со апсолутно прекрасната земја Иран“, изјави Доналд Трамп.Изјавата ја даде додека зад него стоеја жени кои ги претставуваа предлозите на администрацијата за подобрување на здравствената грижа за мајките и поддршка на мајчинството.Меѓу присутните била и републиканската сенаторка Кејти Брит, која ја предводи иницијативата поврзана со мајчинството.

Свет | пред 2 седмици

Трамп: Засега не е јасно како би влегле во Иран по нивниот нуклеарен материјал

Американскиот претседател Доналд Трамп изјави дека размислува повторно да го активира краткотрајниот „Проект Слобода“, овојпат со пошироки цели што би ја надминале само придружбата на бродови низ Ормуски Теснец.Во телефонско интервју за Фокс Њуз, Трамп посочи дека конечна одлука сè уште не е донесена.Иницијативата првпат беше најавена минатата недела, но брзо беше ставена во мирување поради мировните преговори со Иран.Според Трамп, за време на разговорите, иранската страна му порачала дека САД треба да ја отстрани „нуклеарната прашина“ од иранските постројки, бидејќи наводно била закопана толку длабоко што самите Иранци не можеле да ја достигнат.Во разговорот со новинарот Џон Робертс, Трамп признал дека во моментов не знае на кој начин САД би можеле да влезат во Иран за да ја спроведат таквата операција, нагласувајќи дека тоа ќе биде предмет на понатамошни преговори.

Свет | пред 2 седмици

Трамп се закани: Ако некој се приближи до ураниумот, ќе го разнесеме

Американскиот претседател Доналд Трамп изјави дека САД внимателно го надгледуваат иранскиот збогатен ураниум и дека се подготвени да реагираат доколку добијат информации за активности на локацијата каде што се чува.Во интервју за емисијата „Фул мејџр“, Трамп рече дека американските сили ја следат локацијата и предупреди на можен одговор.„Ако некој се приближи до тоа место, ќе знаеме и ќе ги разнесеме“, изјави Трамп.Тој додаде дека САД „во одреден момент“ ќе дојдат до иранскиот збогатен ураниум.Американскиот претседател говореше и за Ормутскиот Теснец, нагласувајќи дека САД не зависат од тој поморски правец и дека американското присуство таму е насочено кон помош на сојузниците во регионот.„Тоа го правиме за да им помогнеме на Израел, Саудиска Арабија, Катар, Обединетите Арапски Емирати и другите“, рече Трамп.Тој истовремено изјави дека САД моментално произведуваат повеќе нафта и гас од Русија и Саудиска Арабија заедно и дека очекува производството дополнително да се зголеми до крајот на годината.Во меѓувреме, ирански воен портпарол за државната агенција ИРНА изјави дека иранските сили се во „целосна готовност“ за заштита на нуклеарните постројки каде што се складира ураниум.Бригадниот генерал Акрам Нија изјави дека Иран смета оти постои можност САД да се обидат да го преземат ураниумот преку инфилтрација или воздушна операција.

Свет | пред 2 седмици

(Фото) AI слики од уништена иранска флота: Нови контроверзни објави на Трамп

Доналд Трамп повторно се активираше на својата социјална мрежа Truth Social, објавувајќи серија AI-генерирани фотографии поврзани со конфликтот со Иран, како и снимки од голф-турнир.Според „Индипендент“, поранешниот американски претседател во саботата споделил повеќе од десетина објави, меѓу кои и фотографии создадени со вештачка интелигенција на кои се прикажани ирански дронови што паѓаат во морето, американски воени бродови кои испукуваат ласери и сцени од уништена иранска флота.Во една од објавите, Трамп споделил графика со поделен екран на која е прикажана уништена иранска морнарица под наслов „Трамп“, во споредба со недопрена флота означена како „Обама/Бајден“. Со тоа повторно ја повторил својата претходна изјава дека американските сили потопиле 159 ирански бродови.Тој објавил и AI-фотографија на која стои на палуба од брод и со двоглед набљудува флота во пламен.Објавите доаѓаат во време на засилени тензии меѓу САД и Иран, додека двете страни продолжуваат со блокади во Ормускиот теснец, една од најважните светски поморски рути.Трамп во меѓувреме продолжи и со критики кон Џо Бајден и Барак Обама, обвинувајќи ги дека не презеле доволно остри мерки против Иран.Според анализа на „Дејли бист“, Трамп минатиот месец објавил 565 пораки на Truth Social, односно во просек по околу 18 објави дневно.Дел од неговите неодамнешни AI-генерирани објави предизвикаа силни реакции во јавноста, меѓу кои и фотографија на која е претставен како Исус, како и пораки со закани за уништување на цивилизацијата.

Свет | пред 2 седмици

(Видео) Во Флорида откриена голема позлатена статуа на Трамп

Голема позлатена статуа на американскиот претседател Доналд Трамп беше откриена на неговиот голф-терен во Дорал, Флорида, на свеченост организирана од евангелистички пастор.Скулптурата, висока речиси седум метри, го прикажува Трамп со крената тупаница – поза што ја зазеде по обидот за атентат врз него во Батлер, Пенсилванија. Статуата е поставена меѓу палми на имотот „Трамп нешнл Дорал Мајами“.На церемонијата говореше пасторот Марк Барнс, член на организацијата „Пастори за Трамп“, кој изјави дека статуата „не е златно теле“, туку симбол на отпорност, слобода, патриотизам и борба за иднината на Америка.Во текот на настанот, преку телефонско јавување се обрати и самиот Трамп, кој им се заблагодари на присутните и на Барнс, велејќи дека статуата е поставена „од љубов“.Според американските медиуми, скулптурата ја финансирала група криптоинвеститори кои сакале да го промовираат својот „мемекоин“ наречен „Патриот“. Автор на делото е скулпторот Алан Котрил, кој откри дека бронзената статуа чинела околу 300.000 долари и дека инвеститорите доцнеле со исплатата.Ова не е прва статуа со ликот на Трамп што се појавува во САД. Неодамна пред зградата на американскиот Конгрес беа поставени и други уметнички инсталации со негов лик, меѓу кои и една што го прикажуваше со покојниот Џефри Епстајн. Спорните инсталации подоцна биле отстранети.

Свет | пред 3 седмици

Кремљ: Јасно е дека Трамп брза, но мирот во Украина сè уште е многу далеку

Кремљ денеска порача дека Соединетите Американски Држави брзаат со постигнување мировен договор за завршување на војната во Украина, но дека каков било договор е сè уште многу далеку, бидејќи прашањата се премногу сложени, а преговорите во суштина се во застој.Во текот на четирите години од најсмртоносниот европски конфликт од Втората светска војна наваму, руските сили досега не успеаја да го заземат целиот регион Донбас во источна Украина, каде украинските сили се потиснати кон линија на утврдени градови.Американскиот претседател Трамп вети дека ќе стави крај на војната во Украина, а својот неуспех во тоа го нарече едно од најголемите разочарувања, иако во петокот најави тридневен прекин на огнот од 9 до 11 мај, на кој се согласија Русија и Украина.„Разбирливо е дека американската страна брза“, изјави портпаролот на Кремљ Димитри Песков за државната телевизија.„Но, прашањето за украинското решение е премногу сложено, а постигнувањето мировен договор е многу долг пат со сложени детали“, рече Песков.Руските трупи се борат во Украина повеќе од четири години, подолго отколку што советските сили се бореле во Втората светска војна, позната во Русија како Голема татковинска војна од 1941 до 1945 година.Прекинот на огнот меѓу Украина и Русија вклучува прекин на сите „кинетички активности“ и размена на илјада заробеници од секоја земја, напиша Трамп во објава на Truth Social.„Би сакал да видам големо продолжување“, им рече Трамп на новинарите во петокот. „Можно е.“Кремљ соопшти дека договорот е склучен на три дена и дека преговорите и понатаму се во застој.„Преговорите веројатно ќе продолжат, но сè уште не е јасно кога“, изјави помошникот за надворешна политика на Кремљ.„Имаше договор прекинот на огнот за Денот на победата да трае три дена: 9, 10 и 11 мај.“

Свет | пред 3 седмици

Трамп: Од Венецуела изнесени 13,5 килограми високо збогатен ураниум

Американскиот претседател Доналд Трамп соопшти дека од Венецуела е изнесена залиха од 13,5 килограми високо збогатен ураниум од стар истражувачки реактор, во операција која заеднички ја спровеле САД, Обединетото Кралство и Венецуела.Американското Министерство за енергетика соопшти дека од Венецуела е отстранет ураниумот благодарение на „одлучното лидерство на претседателот Трамп“. Материјалот бил складиран во истражувачки реактор недалеку од главниот град Каракас.Меѓународната агенција за атомска енергија објави дека материјалот бил „безбедно транспортиран по копно и море од Јужна во Северна Америка“ по, како што наведуваат, сложена и чувствителна операција. Ураниумот потоа бил пренесен во комплекс на американското Министерство за енергетика во Јужна Каролина.Американската Национална управа за нуклеарна безбедност ја опиша операцијата како „победа за Америка, Венецуела и светот“. Администраторот Брендон Вилијамс изјави дека безбедното отстранување на целиот збогатен ураниум од Венецуела испраќа сигнал за обновена и стабилизирана Венецуела.Оваа операција доаѓа во период на значителна промена во односите меѓу Вашингтон и Каракас. По одлуката на Трамп од 3 јануари за приведување на венецуелскиот претседател Николас Мадуро, Белата куќа повторно воспостави односи со властите во Венецуела.Администрацијата на Трамп ја призна потпретседателката Делси Родригес и почна да ја отвора земјата за американски енергетски и рударски компании. Во последните месеци во Венецуела пристигнале и високи американски претставници, а повторно е отворена и американската амбасада.Бизнис круговите го поздравуваат почетокот на новата фаза на економски односи меѓу САД и Венецуела, која ги има најголемите докажани резерви на нафта во светот. Но продемократските активисти ја критикуваат администрацијата на Трамп поради приближување кон властите и маргинализирање на опозицијата.Трамп веќе неколку месеци се обидува да постигне сличен договор со Иран. Еден од неговите главни цели е Техеран да предаде околу 408 килограми високо збогатен ураниум, но досега тоа не е постигнато.

Свет | пред 3 седмици

Трамп: Русија и Украина договорија тридневно примирје од 9 до 11 мај

Американскиот претседател Доналд Трамп објави дека меѓу Русија и Украина ќе биде воспоставено тридневно примирје од 9 до 11 мај. Трамп ова го објави на социјалната мрежа „Truth Social“, наведувајќи дека за време на примирјето ќе бидат прекинати сите борбени активности и ќе биде извршена размена на по 1000 воени заробеници од секоја страна.„Задоволен сум што можам да објавам дека ќе биде воспоставено ТРИДНЕВНО ПРИМИРЈЕ (9, 10 и 11 мај) во војната меѓу Русија и Украина“, напиша Трамп.Тој додаде дека во Русија се одбележува Денот на победата, но и дека Украина била „голем дел и важен фактор во Втората светска војна“.„Примирјето ќе вклучува прекин на сите борбени активности, како и размена на 1000 заробеници од секоја земја“, напиша тој.Трамп тврди дека барањето за примирје дошло директно од него и дека цени што го прифатиле рускиот претседател Владимир Путин и украинскиот претседател Володимир Зеленски.„Ова барање директно го поставив јас и многу ценам што го прифатија претседателот Владимир Путин и претседателот Володимир Зеленски“, наведе тој. Трамп изрази надеж дека станува збор за почеток на завршување на војната.„Се надевам дека ова е почеток на крајот на една многу долга, смртоносна и тешка војна. Преговорите за завршување на овој голем конфликт, најголем од Втората светска војна, и понатаму траат и секој ден сме сè поблиску до договор“, напиша американскиот претседател.Засега нема официјална потврда од Москва ниту од Киев за деталите на примирјето ниту за размената на заробеници.

Свет | пред 3 седмици

Федерален суд му зададе нов удар на Трамп: Глобалните царини прогласени за незаконски

Федерален суд во Њујорк Сити пресуди против новите глобални царини од 10 проценти што ги воведе американскиот претседател Доналд Трамп, оценувајќи дека мерките се незаконски и дека администрацијата ги пречекорила овластувањата што ги има според законот.Поделениот тричлен совет на Судот за меѓународна трговија, со два гласа „за“ и еден „против“, утврди дека глобалните царини не се законски оправдани, по тужбата поднесена од мали бизниси.Судот оцени дека Трамп ги надминал овластувањата за воведување царини што Конгресот на Соединетите Американски Држави му ги доделил на претседателот. Според мнозинството судии, царините се „неважечки“ и „неовластени со закон“.Третиот судија сметал дека законот му дозволува на претседателот поголема слобода при утврдувањето на царинските стапки.Се очекува администрацијата да поднесе жалба на одлуката, најпрво пред Американскиот апелациски суд за федералниот округ во Вашингтон, а потоа можеби и пред Врховниот суд на Соединетите Американски Држави.Одлуката претставува втор голем правен удар врз трговската стратегија на Трамп за краток период. Претходно, Врховниот суд на САД ги поништи пошироките царини што администрацијата ги воведе врз основа на Законот за меѓународни економски вонредни овластувања.По тој пораз, Белата куќа се обиде да ја продолжи тарифната политика преку Законот за трговија од 1974 година, повикувајќи се на сериозен дефицит во платниот биланс. Но судот оцени дека таа законска основа не може да се користи за воведување широки глобални царини врз речиси целиот увоз.Сепак, одлуката директно важи само за два приватни бизниси и за државата Вашингтон, кои биле дел од тужбата. За поголемиот дел од компаниите, царините остануваат во сила додека не заврши жалбената постапка или додека мерката не истече.Администрацијата на Трамп веќе најави дека ќе бара други правни механизми за продолжување на тарифната политика, меѓу кои и членот 301 од Законот за трговија, кој се користи за мерки против нефер трговски практики.За американските компании што зависат од увоз и глобални синџири за снабдување, судската одлука претставува сигнал дека царините можат да бидат оспорени и дека дел од платените давачки во иднина би можеле да станат предмет на барања за поврат.Пресудата доаѓа во чувствителен период за светската трговија, во време кога САД имаат отворени трговски тензии со Кина, Европската унија, Јапонија и други големи партнери.Судот, практично, не му ја одзеде на Трамп можноста да ја користи царинската политика како средство за економски притисок, но постави јасна граница за начинот на кој претседателот може да ги воведува таквите мерки.

Свет | пред 3 седмици

Актер од „Star Wars“ објави AI слика од Трамп во гроб, Белата куќа реагираше: Болен човек

Актерот Марк Хамил, познат по улогата на Лук Скајвокер во „Star Wars", се најде на удар на критики од Белата куќа откако објави фотографија создадена со вештачка интелигенција на која американскиот претседател Доналд Трамп лежи во плиток гроб, со затворени очи и опкружен со маргаритки.На надгробниот споменик стоело: „Доналд Џ. Трамп 1946–2024“.Хамил, кој е познат и како отворен критичар на републиканскиот претседател, ја објавил фотографијата на својот официјален профил со порака дека посакува Трамп да живее доволно долго за да сведочи на „неизбежниот катастрофален пораз“ на изборите на средината од мандатот, како и да одговара за, како што навел, „невидена корупција“.„Доволно долго за да сфати дека засекогаш ќе остане посрамен во историските книги“, додал актерот.Белата куќа остро реагираше, оценувајќи дека ваквата реторика поттикнува насилство.„Марк Хамил е болен човек. Овие радикални левичарски екстремисти едноставно не можат да си помогнат. Ваквата реторика е токму она што инспирираше три обиди за атентат врз нашиот претседател во последните две години“, било наведено на профилот на Белата куќа за брзи реакции.По реакциите, Хамил ја избришал објавата и се извинил.„Всушност му посакав токму спротивното од смрт, но се извинувам ако фотографијата била несоодветна“, напишал тој во посебна објава.Случајот доаѓа по неодамнешниот инцидент во Вашингтон, кога еден маж беше обвинет за обид за атентат врз Трамп за време на пукање на вечера организирана од Здружението на дописници од Белата куќа.Во деновите по инцидентот, Доналд Трамп, Меланија Трамп и други американски претставници побарале телевизискиот водител Џими Кимел да добие отказ од Еј-Би-Си.Кимел претходно се пошегувал дека првата дама имала „сјај на идна вдовица“ во сатиричен скеч со кој ја пародирал вечерата, пред да се случи инцидентот. Меланија Трамп го обвинила водителот за „реторика на омраза и насилство“, што, според неа, го дели американското општество.„Време е Еј-Би-Си да заземе став. Уште колку пати раководството ќе го дозволува ужасното однесување на Кимел на штета на нашата заедница?“, прашала таа.Кимел возвратил дека неговата шега била само алузија на разликата во годините меѓу Доналд и Меланија Трамп.Во меѓувреме, американската Федерална комисија за комуникации покренала предвремена ревизија на лиценците на осум телевизиски станици на Еј-Би-Си во сопственост на Дизни. Претседателот на Комисијата, Брендан Кар, ги отфрлил тврдењата дека ревизијата е резултат на притисок од Белата куќа.

Свет | пред 3 седмици

Трамп го наруши глобалниот углед на САД

Глобалната перцепција за САД се влошила втора година по ред и сега е полоша од перцепцијата за Русија, покажува годишното истражување за демократијата објавено во петокот. Според резултатите, политиките на американскиот претседател Доналд Трамп и натаму сериозно го оптоваруваат НАТO.Истражувањето го нарачала данската фондација „Алијанса на демократии“, која соопшти дека САД, по Русија и Израел, најчесто се споменуваат како држава што претставува најголема закана за светот. Фондацијата, чија цел е заштита и промоција на демократските вредности, не навела подетални критериуми користени во истражувањето.Основачот на организацијата и поранешен генерален секретар на НАТО, Anders Fogh Rasmussen, изјави дека „брзиот пад на перцепцијата за САД низ светот е тажен, но не и изненадувачки“.„Американската надворешна политика во изминатите 18 месеци, меѓу другото, ги доведе во прашање трансатлантските односи, воведе широко распространети царини и се закануваше со инвазија врз територија на сојузници во НАТО“, изјави Расмусен.Трансатлантските односи дополнително биле нарушени од царините воведени од Трамп, неговите повторени закани за контрола врз Гренланд, намалувањето на американската помош за Украина, како и американско-израелската воена кампања против Иран и растот на цените на нафтата што следувал потоа.Дополнителна напнатост предизвикала и најавата на Трамп од април дека размислува за повлекување на САД од НАТО, што дополнително го ослабело сојузот. Изјавата следувала откако европските држави одбиле да испратат свои морнарици за отворање на Ормутскиот Теснец за глобален сообраќај по почетокот на воздушната војна против Иран.Истражувањето „Индекс на перцепција на демократијата“, кое ги рангира државите на скала од -100 до +100 проценти, покажало дека нето-перцепцијата за САД паднала на -16 проценти, додека пред две години изнесувала +22 проценти. Со тоа, САД се нашле зад Русија со -11 проценти и China со +7 проценти.Причината за позитивниот однос кон Кина не е наведена во извештајот. Анкетната компанија Нира Дата го спровела истражувањето меѓу 19 март и 21 април врз повеќе од 94.000 испитаници во 98 држави, додека перцепцијата за државите била мерена врз примерок од 46.600 испитаници во 85 држави. Извештајот е објавен во пресрет на Самит за демократија во Копенхаген, кој ќе се одржи на 12 мај.

Свет | пред 3 седмици

(Видео) Трамп ја нападна новинарката на ABC News: „Вашето прашање е глупо и безобразно"

Американскиот претседател Доналд Трамп остро реагираше на прашање од новинарка на ABC News, која го праша зошто администрацијата се насочува кон проекти за обнова во момент кога трае војната со Иран, а цените на горивата нагло растат.„Затоа што сакам нашата држава да остане убава и безбедна“, одговори Трамп.„Поставивте толку глупаво прашање. Го уредуваме рефлектирачкиот базен кај Меморијалот на Линколн, го обновуваме споменикот на Вашингтон, а вие прашувате: ‘Зошто го поправате тоа?’“Трамп продолжи со лични навреди кон новинарката, велејќи дека е „една од најлошите новинарки“ и дека е „вистинска катастрофа“.„Можеби вие подобро се разбирате во нечистотија од мене, но јас тоа нема да го дозволам“, изјави тој.Потоа повторно го спомена нејзиното прашање во реторичка форма.„Таа прашува: ‘Зошто воопшто да се мачиме со поправките?’ Зошто би се трудел да извадам 11 или 12 камиони нечистотија од водата кај меморијалот на Линколн? Токму тоа ја направи нашата држава голема“, рече Трамп.„Такво прашање е срам за нашата држава“, заклучи американскиот претседател.

Свет | пред 3 седмици