ТРАМП

Трамп: Преговорите со Иран напредуваат, но нема да брзаме со договор

Американскиот претседател Доналд Трамп изјави дека преговорите меѓу САД и Иран „се одвиваат уредно и конструктивно“, додавајќи дека на американските преговарачи им порачал да не брзаат со постигнување договор.Трамп нагласи дека „времето е на американска страна“ и порача дека американската поморска блокада кон Иран ќе остане целосно во сила сѐ додека договорот не биде постигнат, потврден и официјално потпишан.„Двете страни мора да одвојат време и сѐ да направат како што треба. Не смее да има грешки“, изјави Трамп.Тој додаде дека односите меѓу Вашингтон и Техеран стануваат „многу попрофесионални и попродуктивни“.Американскиот претседател повторно истакна дека Иран не смее да „развие или да набави“ нуклеарно оружје, повторувајќи ги ставовите што претходно ги изнесе и државниот секретар Марко Рубио.Воедно, Трамп уште еднаш го критикуваше нуклеарниот договор со Иран од 2015 година, познат како JCPOA, кој беше постигнат за време на мандатот на Барак Обама. Според него, тој договор бил „директен пат“ кон развој на иранско нуклеарно оружје.

Свет | пред 6 дена

Трамп остана без клучна соработничка од врвот на разузнавачката служба

Тулси Габард соопшти дека поднесува оставка од функцијата директор на американската Национална разузнавачка служба.Според американските медиуми, Габард за својата одлука го информирала Доналд Трамп за време на состанок во Овалната соба.Нејзината оставка ќе стапи на сила на 30 јуни.Во писмото до Трамп, Габард навела дека е „длабоко благодарна за довербата и можноста да ја води Канцеларијата на директорот на Националната разузнавачка служба во изминатата година и пол“.Како причина за повлекувањето, таа открила дека на нејзиниот сопруг неодамна му бил дијагностициран редок вид рак на коските.

Свет | пред 1 седмица

Трамп со нова бизарна изјава: „Ќе се обидам да дојдам на свадбата на син ми, го познавам долго време“

Доналд Трамп повторно предизвика реакции на социјалните мрежи со необична изјава за својот најстар син, Доналд Трамп Помладиот, чија свадба е закажана за следниот викенд на Бахамите.Говорејќи во Овалната соба, Трамп рече дека не е сигурен дали ќе присуствува на свадбата поради обврските поврзани со Иран и други меѓународни прашања.„Би сакал да одам, но тоа ќе биде мала приватна церемонија и ќе се обидам да стигнам. Реков дека ова е лошо време за мене. Имам нешто што се вика Иран и други работи“, изјави Трамп.Тој додаде дека медиумите ќе го критикуваат без разлика каква одлука ќе донесе.Најголемо внимание, сепак, привлече неговиот коментар за сопствениот син.„Тој е човек што го познавам долго време“, рече Трамп, по што изјавата стана предмет на потсмев и шеги на социјалните мрежи.Доналд Трамп Помладиот викендов треба да се ожени со Бетина Андерсон. Тој претходно беше во брак со Ванеса Трамп, со која има пет деца.

Свет | пред 1 седмица

Трамп можеби ќе го пропушти венчавањето на синот: „Во моментов се занимавам со Иран“

Доналд Трамп најверојатно нема да присуствува на венчавањето на својот син Доналд Трамп Јуниор, кое викендов ќе се одржи на Бахамите, пренесува Си-ен-ен, повикувајќи се на извори запознаени со плановите.Најстариот син на американскиот претседател, Доналд Трамп Јуниор, ќе се ожени со моделот и инфлуенсерката Бетина Андерсон на мала приватна церемонија на остров на Бахамите.Според изворите, листата на гости намерно била ограничена на најтесното семејство и најблиските пријатели на парот, а на свадбата се очекуваат помалку од 50 гости.Трамп, сепак, не даде конкретен одговор кога новинарите во Овалната соба го прашаа дали ќе присуствува на свадбата.„Би сакал да одам, но тоа ќе биде мала приватна церемонија и ќе се обидам да стигнам. Тајмингот во моментов не ми одговара. Тука се Иран и други работи“, изјави американскиот претседател.Еден од изворите за Си-ен-ен посочил дека одамна се очекувало Трамп да не присуствува, делумно поради желбата на младенците церемонијата да остане целосно приватна.Во јавниот распоред на претседателот засега нема најава за патување на Бахамите.„Тоа е ситуација во која не можам да победам. Ако дојдам, ќе бидам критикуван. Ако не дојдам, повторно ќе бидам критикуван“, рече Трамп, алудирајќи на медиумските реакции.Според изворите, Доналд Трамп Јуниор и Бетина Андерсон сакале деталите за свадбата да не протечат во јавноста, со цел настанот да остане изолиран од медиумско внимание и да се избегнат дополнителни безбедносни компликации што ги носи присуството на американски претседател.Ова ќе биде втор брак за Доналд Трамп Јуниор. Тој претходно 12 години беше во брак со Ванеса Трамп, од која се разведе во 2018 година. Ванеса Трамп деновиве соопшти дека ѝ бил дијагностициран рак на дојка.Трамп Јуниор претходно беше свршен и со Кимберли Гилфојл, актуелна американска амбасадорка во Грција.

Свет | пред 1 седмица

(Видео) Му се смееја, а сега го купуваат: Објавено првото видео од „Trump Phone“

Телефонот „Trump Mobile T1“, кој со месеци беше предмет на потсмев и сомнежи дали воопшто ќе се појави на пазарот, конечно почна да пристигнува кај дел од купувачите кои го нарачале во претпродажба.Технолошкиот портал CNET објави видео од распакување на уредот на YouTube, откривајќи што точно добиваат корисниците во кутијата.За разлика од повеќето модерни телефони од Apple, Samsung или Google, каде најчесто доаѓа само USB-C кабел, „Trump Phone“ вклучува и полнач, како и проѕирна заштитна маска.Во пакувањето има:USB-C кабелполначпроѕирна силиконска маскаСепак, засега нема информации за брзината на полнење или техничките детали на адаптерот.CNET наведува дека телефонот има пластичен заден дел, а уште при првото вклучување се инсталирани апликациите „Truth Social“ и „Doctegrity“.Дополнително, фотографиите направени со телефонот автоматски добиваат воден жиг со логото „T1“, како и датум и време. Засега не е познато дали оваа функција може да се исклучи.Во технолошките кругови веќе се појавија сомнежи дека „Trump Mobile T1“ не е целосно нов уред, туку ребрендирана верзија на HTC U24 Pro од 2024 година.Истовремено, дел од американските технолошки портали предупредуваат дека веб-страницата на „Trump Mobile“ можеби има безбедносни пропусти преку кои би можеле да протекуваат кориснички податоци.Поради тоа, повеќе специјализирани медиуми во САД не им препорачуваат на корисниците да инвестираат или да купуваат ваков уред.

Свет | пред 1 седмица

Конфузија во НАТО: Трамп зборува за повлекување, па најави испраќање војници во Полска

Американскиот претседател Доналд Трамп предизвика нова конфузија кај сојузниците во НАТО, откако најави дека САД ќе испратат дополнителни 5.000 војници во Полска – само неколку дена по најавите за намалување на американското воено присуство во Европа.Одлуката ги затекна и европските партнери и дел од Пентагон, бидејќи администрацијата на Трамп претходно соопшти дека планира повлекување на околу 5.000 американски војници од европскиот континент.„Врз основа на успешниот избор на актуелниот претседател на Полска, Карол Навроцки, кого со гордост го поддржав, и нашиот однос со него, со задоволство објавувам дека САД ќе испратат дополнителни 5.000 војници во Полска“, напиша Трамп на „Трут соушл“.Навроцки, кој беше избран со поддршка на националистичката партија „Право и правда“, важи за близок сојузник на Трамп и често е во судир со проевропскиот полски премиер Доналд Туск.Во исто време, Трамп и Пентагон во изминатите недели најавуваа повлекување на најмалку 5.000 американски војници од Германија, по критиките што германскиот канцелар Фридрих Мерц ги упати кон американската политика во однос на Иран.Минатата недела беше стопирано и распоредувањето на околу 4.000 американски војници од Втората оклопна бригада во Полска. Американски медиуми објавија дека одлуката била дел од планот за намалување на военото присуство во Европа.Републиканскиот конгресмен Дон Бејкон изјави дека полските власти биле „целосно затечени“ од ваквите потези.„Срамота е за нашата држава тоа што ѝ го направивме на Полска“, рече Бејкон.Од Пентагон засега нема јасно објаснување дали новите 5.000 војници ќе бидат дополнителни сили, замена за претходно откажаното распоредување или дел од поширока ротација на трупи во Европа.Американски одбранбени претставници неофицијално признаваат дека и самите не знаат што точно значи новата објава на Трамп.„Последните две недели ги поминавме обидувајќи се да реагираме на првата одлука. Ни ние не знаеме што значи ова“, изјавил еден американски функционер за медиумите.Во меѓувреме, државниот секретар Марко Рубио отпатува во Шведска на состанок со министрите за надворешни работи на НАТО, каде европските партнери бараат објаснување за честите и непредвидливи промени во американската политика кон Европа и НАТО.

Свет | пред 1 седмица

Републиканците во последен момент блокираа гласање за прекин на војната со Иран

Републиканските лидери во Претставничкиот дом на американскиот Конгрес во последен момент го откажаа гласањето за резолуција со која ќе се бараше прекин на војната со Иран, освен ако претседателот Доналд Трамп не добие одобрение од Конгресот.Одлуката доаѓа само два дена откако слична мерка помина во американскиот Сенат.Гласањето требаше да се одржи во четврток попладне, непосредно пред пратениците да заминат на продолжен викенд по повод Денот на сеќавањето.По откажувањето на гласањето, демократите тврдат дека веќе обезбедиле доволно поддршка за резолуцијата да помине, иако републиканците имаат мнозинство во Претставничкиот дом.„Без никакво сомневање ги имавме гласовите и тие го знаеја тоа“, изјави демократскиот конгресмен Грегори Микс, водечки член на Комитетот за надворешни работи.Според него, републиканското раководство намерно го одложило гласањето до почетокот на јуни.Претставничкиот дом и претходно блокираше три слични резолуции за ограничување на претседателските воени овластувања, при што републиканците речиси едногласно го поддржуваа Трамп и војната против Иран.Но како што конфликтот трае без јасен исход, а американските и израелските напади врз Иран продолжуваат од 28 февруари, поддршката кај дел од републиканците почнала да слабее.Последната слична резолуција не помина поради изедначен резултат, а овојпат постоеле индиции дека неколку републиканци ќе гласаат за ограничување на Трамп.Демократите и дел од републиканците бараат Трамп да побара формално одобрение од Конгресот за употреба на воена сила, потсетувајќи дека според американскиот Устав, само Конгресот има право да објави војна.Тие предупредуваат дека претседателот можеби ја вовлекол државата во долготраен конфликт без јасна стратегија.Од Белата куќа и мнозинството републиканци, пак, тврдат дека Трамп постапува легално и во рамки на своите овластувања како врховен командант, со цел да ги заштити САД од непосредни закани.Во вторникот и Сенатот усвои процедурална резолуција за ограничување на претседателските воени овластувања, што претставуваше редок удар врз Трамп од дел од неговите сопартијци.За мерката гласаа четворица републикански сенатори заедно со речиси сите демократи.

Свет | пред 1 седмица

Руте се обидува да го задржи Трамп во НАТО преку милијарди за американската воена индустрија

Генералниот секретар на НАТО, Марк Руте, се обидува да го убеди американскиот претседател Доналд Трамп да не ја ослабне поддршката за Алијансата, преку нов план што предвидува поголеми воени договори и инвестиции корисни за американската воена индустрија, пишува „Политико“.Според четворица дипломати од НАТО, Руте во последните недели води интензивна кампања за силно зголемување на производството на оружје и склучување нови договори пред самитот на НАТО во Анкара во јули.Целта е двојна – да се намалат европските воени недостатоци, но и на Трамп да му се покаже дека НАТО носи економска корист и за САД.Темата за одбранбената индустрија ќе биде една од главните и на состанокот на министрите за надворешни работи на НАТО во шведскиот Хелсингборг.Шведската министерка за надворешни работи Марија Малмер Стенергард ја поддржа иницијативата на Руте.„Добро е што Руте го отвора ова прашање во Анкара за да имаме заеднички стандарди, подобра интероперабилност и да произведуваме повеќе и поевтино“, изјави таа за „Политико“.Според неа, САД имаат „единствени способности“ и заедничкото производство на оружје треба да продолжи.Еден дипломат на НАТО оценил дека планот е „добра вест и за САД“.Но, иницијативата може да отвори нов судир со Европската Унија, која во последните месеци агресивно турка политика за развој на сопствена воена индустрија и намалување на зависноста од американско оружје.Брисел веќе претстави повеќемилијардни програми и кредити за европските производители на одбранбена опрема.„САД не беа премногу сигурен партнер“, изјавил дипломат на ЕУ, додавајќи дека идејата за европска стратешка автономија сè повеќе добива поддршка.„Ќе трошиме многу пари за одбрана и европските компании мора да имаат корист од тоа“, додал дипломатот.Руте се обидува да најде тема што би го обединила сè понапнатиот НАТО.Трамп овој месец ги вознемири Германија и Полска со најави за намалување на американското воено присуство во Европа, додека сојузниците се поделени и околу помошта за Украина, како и можната улога на НАТО во Ормутскиот Теснец.Поранешната функционерка на НАТО, Герлинде Нихус, оцени дека фокусот на одбранбената индустрија „има смисла бидејќи го одвлекува вниманието од поделбите во други области“.Според дипломатски извори, Руте зад затворени врати бара од европските сојузници на самитот во Анкара да донесат конкретни докази за нови договори, инвестиции и зголемено производство на оружје.Тоа вклучува и заеднички проекти со американски воени компании, како и дополнителни набавки на американско оружје.На самитот се очекува НАТО да објави и неколку нови договори, меѓу кои и замена на старите американски авиони AWACS на „Боинг“ со шведските извидувачки авиони „Saab GlobalEye“.Сепак, аналитичарите предупредуваат дека Руте нема големи овластувања реално да управува со военото производство, бидејќи државите-членки самостојно одлучуваат за купување оружје и инвестиции.

Свет | пред 1 седмица

Трамп со нов ултиматум до Иран, CENTCOM објави блокада на пристаништа

Централната команда на американската војска (CENTCOM), која раководи со операциите во војната против Иран, соопшти дека ударната група на носачот на авиони „УСС Абрахам Линколн“ во Арапското Море е ставена „во висока готовност“.Во објава на социјалните мрежи, CENTCOM сподели фотографии од полетување на американски борбени авиони од палубата на носачот, меѓу кои и ловци Ф-35.„Американските сили остануваат подготвени додека ја спроведуваат американската блокада на иранските пристаништа“, соопштија од CENTCOM.Објавата доаѓа во време на зголемени тензии на Блискиот Исток, додека Пакистан се обидува да посредува во постигнување мировен договор меѓу Вашингтон и Техеран.Во исто време, американскиот претседател Доналд Трамп повторно упати закани кон Иран, предупредувајќи дека Техеран ќе се соочи со „многу драстични“ мерки доколку не ги предаде резервите на ураниум на САД.Трамп претходно изјави дека Вашингтон нема да дозволи Иран да располага со високо збогатен ураниум и најави дека резервите „веројатно ќе бидат уништени“ откако ќе бидат преземени.

Свет | пред 1 седмица

Трамп: Нема да му дозволиме на Иран да има ураниум

Соединетите Американски Држави и Иран остануваат на спротивставени позиции околу иранските резерви на збогатен ураниум и контролата врз Ормутскиот теснец, додека напорите за смирување на кризата даваат мал напредок, објави „Ројтерс“.Американскиот претседател Доналд Трамп изјави дека САД нема да дозволат Иран да располага со високо збогатен ураниум и најави дека резервите најверојатно ќе бидат уништени.„Ќе го добиеме. Не ни треба, не го сакаме. Веројатно ќе го уништиме откако ќе го добиеме, но нема да им дозволиме да го имаат“, рече Трамп пред новинарите во Белата куќа.Вашингтон тврди дека иранските резерви служат за развој на нуклеарно оружје, додека Техеран инсистира дека програмата има исклучиво цивилна намена.Според „Ројтерс“, врховниот лидер на Иран, ајатолахот Моџтаба Хамнеи, издал директива ураниумот да не се испраќа во странство.Трамп се спротивстави и на најавите на Техеран за можни такси за пловидба низ Ормутскиот теснец, низ кој пред војната минувала околу една петтина од светската нафта и природен гас.„Сакаме теснецот да биде отворен и слободен. Не сакаме да плаќаме такси. Тоа е меѓународен пловен пат“, изјави Трамп.Во меѓувреме, Иран оваа недела испратил нов предлог до Вашингтон, во кој бара надзор врз Ормутскиот теснец, воени отштети, укинување санкции, ослободување замрзнат имот и повлекување на американските трупи.Заменик-министерот за надворешни работи на Иран, Казем Харибабади, изјави дека Техеран може да преземе „практични и пропорционални мерки“ за заштита на сопствената и поморската безбедност.Американскиот државен секретар Марко Рубио предупреди дека евентуални ограничувања во Ормутскиот теснец би биле „закана за светот“ и „целосно незаконски“.Меѓународната агенција за енергија предупреди дека кризата предизвикала најтежок енергетски шок во светот, а пазарот на нафта би можел да влезе во „црвена зона“ во текот на јули и август.Трамп порача и дека е подготвен за нови напади врз Иран доколку не добие, како што рече, „вистински одговори“ од иранското раководство.Од друга страна, Иранската револуционерна гарда предупреди дека евентуални нови американски напади ќе предизвикаат одмазда и надвор од регионот на Блискиот Исток.

Свет | пред 1 седмица

Американскиот амбасадор за Гренланд: Трамп исклучи употреба на сила

Американскиот амбасадор за Гренланд, Кен Хауери, изјави дека претседателот на САД, Доналд Трамп, ја исклучил можноста за употреба на сила кон Гренланд.Говорејќи за јавниот сервис КНР, за време на отворањето на новиот американски конзулат во главниот град Нук, Хауери беше прашан дали САД и натаму се заинтересирани за контрола врз Гренланд.„Претседателот ја исклучи употребата на сила. Иднината на Гренланд е Гренланѓаните да одлучат за неа“, изјави Хауери.Тој додаде дека се надева на заедничко решение кое ќе ги адресира безбедносните грижи што ги изнел Трамп, но и загриженоста на Гренланд и Данска, истовремено создавајќи економски можности за жителите на островот.Изјавите доаѓаат во време на политички тензии и протести по повторното отворање на американскиот конзулат во Нук.Гренландскиот премиер Јенс-Фредерик Нилсен одбил да присуствува на церемонијата, а дел од локалните политичари ги одбиле поканите од конзулатот поради затегнатите односи со Вашингтон.Според КНР, демонстранти се собрале во близина на центарот на Нук во пресрет на протест против САД, додека низ градот се појавиле и антиамерикански плакати.И покрај тензиите, Хауери рече дека средбите со гренландските лидери биле „добри и искрени“, нагласувајќи дека САД сакаат посилна соработка со Гренланд во областа на рударството, туризмот, рибарството, енергетиката и технологијата.„САД ќе останат соседи, сојузници и партнери без разлика како Гренланд ќе одлучи за својата иднина“, изјави Хауери.

Свет | пред 1 седмица

Рубио ги нападна членките на НАТО: Одбиваат да направат нешто за војната со Иран

Американскиот државен секретар Марко Рубио денеска ги критикуваше земјите членки на НАТО, обвинувајќи ги дека „одбиваат да направат нешто“ за да им помогнат на САД во војната со Иран.Рубио, пред заминувањето за Шведска, каде што утре ќе учествува на состанокот на министрите за надворешни работи на НАТО, изјави дека претседателот Доналд Трамп не барал од сојузниците да испратат војници или борбени авиони, но дека тие сепак не сакале да преземат никаква акција.„Тоа нè вознемири многу“, изјави Рубио пред новинарите.Тој нагласи дека многу земји од НАТО се согласуваат дека Иран не смее да дојде до нуклеарно оружје и дека претставува закана за светот, поради што, според него, Трамп одлучил „да дејствува“.САД и Израел ги започнаа нападите врз Иран на 28 февруари, без претходни консултации со НАТО. Неколку европски сојузници изразија сомнежи за оправданоста на војната и ги оспорија американско-израелските тврдења за непосредна иранска нуклеарна закана.Шпанскиот премиер Педро Санчез ја осуди војната како незаконска и одби американските авиони да ги користат базите во Шпанија.Во меѓувреме, германскиот канцелар Фридрих Мерц изјави дека Иран ги „понижува“ САД во преговорите, што предизвикало гнев кај Трамп, кој најавил повлекување на 5.000 американски војници од Германија.Рубио, кој порано важеше за силен поддржувач на НАТО, јавно го постави прашањето за вредноста на Алијансата за Вашингтон.„Знам зошто НАТО е добар за Европа, но зошто НАТО е добар за Америка?“, изјави тој, оценувајќи дека тоа е „сосема легитимно прашање“.Министрите за надворешни работи на НАТО денеска и утре се состануваат во Хелсингборг, каде што ќе разговараат за поддршката за Украина и подготовките за следниот самит на Алијансата во Турција.

Свет | пред 1 седмица

Трамп: Или ќе има договор со Иран или ќе следат „непријатни работи“

Доналд Трамп изјави дека преговорите со Иран се во завршна фаза, но предупреди дека се можни нови напади доколку не се постигне договор.„Во завршна фаза сме со Иран. Или ќе имаме договор или ќе направиме некои работи што ќе бидат малку непријатни, но се надевам дека тоа нема да се случи“, изјави Трамп пред новинарите.Американскиот претседател додаде дека засега сака да ѝ даде шанса на дипломатијата.„Ќе му дадеме уште една шанса на договорот. Не ми се брза“, рече Трамп, нагласувајќи дека идеално би било да нема многу жртви.Во меѓувреме, Иранската револуционерна гарда соопшти дека доколку нападите врз Иран продолжат, конфликтот би можел да се прошири и надвор од Блискиот Исток.Претседателот на иранскиот парламент, Мохамад Бакер Калибаф, изјави дека „отворените и скриените потези“ на САД покажуваат подготовка за нови напади врз Иран.

Свет | пред 1 седмица

Цените на нафтата паднаа по сигналите за можно брзо завршување на конфликтот со Иран

Цените на нафтата денеска паднаа на меѓународните пазари, откако инвеститорите беа охрабрени од пораките од САД за можно брзо завршување на конфликтот со Иран и од информациите дека супертанкери повторно минуваат низ Ормускиот Теснец.На лондонскиот пазар цената на барел нафта падна под 107 долари, додека на американскиот пазар се движеше околу 100 долари за барел.Доналд Трамп изјави дека постојат „многу добри“ шанси за договор со Иран за ограничување на нуклеарната програма и порача дека војната би можела да заврши „многу брзо“.Во меѓувреме, иранските медиуми објавија дека Техеран бара прекин на непријателствата, укинување на санкциите, одмрзнување на иранскиот имот во странство и повлекување на американските сили од базите во регионот.Според Иранската револуционерна гарда, во последните 24 часа низ Ормускиот Теснец поминале 26 бродови, меѓу кои и нафтени танкери.Пазарите дополнително ги смири и информацијата дека два големи кинески танкери со околу четири милиони барели нафта успешно го напуштиле теснецот.

Свет | пред 1 седмица

Трамп и Израел наводно сакале Ахмадинеџад да ја преземе власта во Иран

Поранешниот ирански претседател Махмуд Ахмадинеџад наводно бил дел од план на САД и Израел за промена на власта во Иран, објавуваат „Њујорк тајмс“ и „Атлантик“, повикувајќи се на американски извори.Според наводите, една од првичните цели на војната била Ахмадинеџад да биде ослободен од домашен притвор и поставен како нов лидер на Иран.Во првите денови од конфликтот, неговиот дом во Техеран бил погоден во израелски напад, кој наводно имал цел да ги елиминира чуварите и да му овозможи бегство. Ахмадинеџад преживеал, но по нападот наводно се повлекол од целиот план.Американски претставници тврдат дека Израел и САД сметале оти тој би можел да предводи нова власт во Иран, иако токму Ахмадинеџад за време на својот мандат бил познат по остри антиамерикански и антиизраелски ставови.Во текстот се наведува дека планот за промена на режимот бил дел од поширока стратегија која предвидувала воздушни напади, ликвидации на ирански лидери и создавање политичка нестабилност што би довела до колапс на власта.Иако американскиот претседател Доналд Трамп јавно тврдеше дека целта на операцијата била уништување на иранските нуклеарни и воени капацитети, извештаите посочуваат дека зад сцената постоел и план за поставување ново раководство во Техеран.Според американските медиуми, по првичните напади станало јасно дека иранската власт не се распаднала како што очекувале западните сојузници, а целиот план постепено пропаднал.

Свет | пред 1 седмица

Трамп до Иран: „Имате уште една шанса – последна“

Доналд Трамп изјави дека на Иран му е дадена уште една „последна шанса“ за постигнување договор, додавајќи дека не брза со преговорите.„Не брзам. Воопшто не размислувам за изборите кога станува збор за Иран. Мора повторно да го отвориме Ормускиот теснец“, изјави Трамп.Изјавата доаѓа во период на зголемени тензии на Блискиот Исток и затворен Ормуски теснец, преку кој вообичаено се транспортира значителен дел од светската нафта и течен природен гас.Фејсал бин Фархан ја поздрави одлуката на Трамп да „ѝ даде шанса на дипломатијата“ за постигнување договор за запирање на конфликтот.Во меѓувреме, иранскиот претставник Мохамед Багер Галибаф предупреди дека секој нов напад би предизвикал „силен одговор“, додека Иранската револуционерна гарда соопшти дека евентуален нов конфликт би се проширил и надвор од Блискиот Исток.Поради неизвесноста околу поморскиот пат, растат и стравувањата од економски последици, особено поради порастот на цените на енергенсите. Во Кенија веќе се регистрирани протести и нарушувања во јавниот превоз поради поскапувањето на горивата.

Свет | пред 1 седмица

Трамп: „Си Џинпинг никогаш не ми кажа дека Путин можеби ќе зажали за инвазијата во Украина“

Американскиот претседател Доналд Трамп ги демантираше медиумските извештаи според кои кинескиот претседател Си Џинпинг му рекол дека рускиот претседател Владимир Путин би можел да зажали поради инвазијата врз Украина.„Фајненшл тајмс“ објави дека Си наводно ја изнел таа оценка за време на разговорите со Трамп во Пекинг, во рамки на пошироките дискусии посветени и на војната во Украина.Весникот, повикувајќи се на повеќе извори запознаени со исходот од средбата меѓу Си и Трамп, наведе дека пораките на Кина во врска со Путин и одлуката за напад врз Украина биле поостри отколку претходно.Сепак, Трамп пред новинарите изјави дека Си никогаш не кажал такво нешто.„Никогаш не го рече тоа“, изјави американскиот претседател.Трамп претходно соопшти дека за време на минатонеделната посета на Пекинг разговарал со Си Џинпинг за војната во Украина и дека двајцата се согласиле оти сакаат крај на конфликтот.Во меѓувреме, рускиот претседател Владимир Путин вчера започна дводневна посета на Кина.Според Кремљ, Путин и Си Џинпинг ќе разговараат за проширување на билатералната соработка, како и за актуелните глобални прашања.Рускиот претседател во Пекинг е придружуван од делегација составена од министри, бизнис-лидери и високи државни функционери, меѓу кои и гувернерката на Централната банка Елвира Набиулина, како и директорите на големите енергетски компании „Гаспром“ и „Роснефт“.

Свет | пред 1 седмица

Трамп: САД можеби повторно ќе го нападнат Иран

Американскиот претседател Доналд Трамп изјави дека САД можеби повторно ќе го нападнат Иран и дека бил „само еден час“ оддалечен од носење таква одлука.„Само еден час ме делеше денес од одлука за напад“, изјави Трамп пред новинарите во Белата куќа.Тој додаде дека иранските власти бараат договор, но предупреди дека доколку не се постигне, во наредните денови може да следува нов американски напад.„Можеби во петок, сабота или недела, можеби на почетокот на следната недела“, рече Трамп, додавајќи дека САД нема да дозволат Иран да развие ново нуклеарно оружје.Говорејќи за Куба, Трамп изјави дека верува оти е можен дипломатски договор со владата во Хавана.„Куба нѐ повикува. Им треба помош“, рече американскиот претседател, додавајќи дека земјата е „пропадната нација“ на која ѝ е потребна поддршка.

Свет | пред 1 седмица

Советници на Трамп: Прашањето за Тајван станува сè поопасно

Блиски советници на американскиот претседател Доналд Трамп стравуваат дека неодамнешниот самит со Кина ја зголемил опасноста од можен кинески напад врз Тајван во следните пет години, објави американскиот портал „Аксиос“.Според извештајот, евентуален конфликт околу Тајван би можел сериозно да го наруши снабдувањето со чипови неопходни за развојот на вештачката интелигенција во американските компании.Еден од советниците на Трамп изјавил дека кинескиот претседател Си Џинпинг се обидува да покаже дека Кина повеќе не е „сила во подем“, туку рамноправна глобална сила, додавајќи дека Пекинг го смета Тајван за свое прашање.„Оваа посета значително ги зголеми шансите прашањето за Тајван да стане клучна тема во следните пет години“, изјавил советникот.Според него, САД сè уште не се економски подготвени за такво сценарио бидејќи американскиот синџир за снабдување со чипови не е доволно самостоен.Во текстот се наведува дека Трамп бил воодушевен од пречекот и третманот што му го приредил Си Џинпинг во Пекинг, но дека посетата не донела конкретни резултати.Истовремено, неколку директори на големи компании го пофалиле Трамп за неговиот цврст став кон Иран и Венецуела, како и за напорите за отворање на кинескиот пазар за американски компании.

Свет | пред 1 седмица

Трамп до Иран: „Подобро брзо да се придвижите или нема да остане ништо од вас“

Американскиот претседател Доналд Трамп повторно ја заостри реториката кон Иран, објавувајќи нова директна закана на својата социјална мрежа „Трут соушл“.„За Иран часовникот отчукува и подобро би било да се придвижат, БРЗО, или од нив нема да остане ништо. Времето е од клучно значење!“, напиша Трамп.Објавата доаѓа веднаш по неговото враќање од Пекинг и дополнително ги засили шпекулациите дека дипломатските обиди за решавање на кризата во Ормускиот Теснец се во целосен застој.Само неколку часа претходно, Трамп објави и АИ-генерирана фотографија на која позира на воен брод со пораката „Тоа беше затишје пред бура“.Според аналитичарите, серијата агресивни пораки претставува директен притисок врз иранското раководство, но и подготовка на американската јавност за можен крај на примирјето кое стапи во сила на 7 април.„Њујорк тајмс“ претходно објави дека соработниците на Трамп веќе подготвиле оперативни планови за можни нови воздушни напади врз Иран.Меѓу опциите што се разгледуваат се нови бомбардирања на ирански воени и енергетски цели, како и испраќање специјални единици во нуклеарниот комплекс Исфахан за обезбедување високо збогатен ураниум.Во меѓувреме, Техеран порача дека иранските вооружени сили се подготвени да одговорат на евентуален напад.Според информации на американските медиуми, Иран повторно ставил во функција 30 од 33 ракетни позиции долж Ормускиот Теснец, кои претставуваат закана за трговските рути и американските воени сили во регионот.

Свет | пред 1 седмица

Републикански сенатор бара нови американски удари врз Иран

Републиканскиот сенатор Линдзи Греам повика на засилени американски воени акции против Иран, оценувајќи дека преговорите со Техеран „удриле во ѕид“.Во интервју за „Ен-би-си“, Греам изјави дека продолженото затворање на Ормускиот Теснец и неуспешните преговори само го прават Иран посилен.„Ништо не покажува дека сегашниот режим е поинаков кога станува збор за тероризмот, уништувањето на Израел и нападите врз САД“, изјави сенаторот од Јужна Каролина.Тој го повика американскиот претседател Доналд Трамп дополнително да го ослабне Иран, додавајќи дека постојат уште цели што можат да бидат нападнати.Изјавите на Греам доаѓаат во момент кога преговорите меѓу Вашингтон и Техеран се во застој, а затворањето на Ормускиот Теснец предизвика раст на светските цени на нафтата и горивата.Според Греам, цените на горивата ќе паднат кога Иран ќе биде „ставен под контрола“.Во меѓувреме, иранскиот министер за надворешни работи изјави дека Техеран нема доверба во американските преговарачи.Трамп, кој неодамна се врати од самитот во Кина, изјави дека не побарал помош од кинескиот претседател Си Џинпинг околу Иран, додавајќи дека на САД не им е потребна ничија помош.Американскиот претседател истовремено се соочи со критики поради изјавата дека изборите нема да влијаат врз неговите одлуки поврзани со Иран и дека Техеран не смее да дојде до нуклеарно оружје.

Свет | пред 1 седмица

Тајван со прва реакција по изјавите на Трамп: Нема да бидеме жртвувани

Тајванскиот претседател Лаи Чинг-те порача дека Тајван нема да биде жртвуван ниту предмет на политичка трговија, нагласувајќи дека островот нема да се откаже од својот демократски и слободен начин на живот.Во објава на Фејсбук, Лаи изјави дека американската продажба на оружје за Тајван е законска обврска на САД и дека островот нема да попушти под притисок.Неговата реакција доаѓа по самитот во Пекинг меѓу американскиот претседател Доналд Трамп и кинескиот лидер Си Џинпинг, кој предизвика загриженост во Тајван околу идната американска поддршка.Трамп изјави дека сè уште размислува дали да продолжи со нова продажба на оружје за Тајван и порача дека САД не сакаат некој да прогласи независност мислејќи дека Вашингтон целосно ќе го поддржи.Тој ја опиша Кина како „неверојатно моќна и голема земја“, а Тајван како „мал остров“, додавајќи дека островот „ѝ ја украл индустријата за чипови“ на Америка.Лаи истакна дека жителите на Тајван се загрижени поради разговорите меѓу Трамп и Си, но воедно ѝ се заблагодари на американската влада за поддршката на мирот и стабилноста во Тајванскиот теснец.„Нема да провоцираме ниту да ја ескалираме ситуацијата, но нема да се откажеме од нашиот суверенитет, достоинство и слободен начин на живот“, порача тајванскиот претседател.Кина го смета Тајван за своја територија и не ја исклучува можноста за употреба на сила за да го стави островот под своја контрола.

Свет | пред 1 седмица

Каја Калас: САД, Кина и Русија сакаат слаба и поделена Европска Унија

Високата претставничка на Европската унија за надворешна политика, Каја Калас, изјави дека администрацијата на американскиот претседател Доналд Трамп не ја сака Европската унија бидејќи ја гледа како силен геополитички играч.Говорејќи на конференцијата „Ленарт Мери“ во Талин, Калас предупреди дека Вашингтон, како и Кина и Русија, претпочитаат поделена Европа наместо обединет блок.„Не ја сакаат Европската унија, тоа е многу јасно. Ако сме заедно и дејствуваме обединето, тогаш сме силна и рамноправна сила“, изјави Калас.Таа оцени дека стратегијата „раздели па владеј“ се користи преку развивање блиски односи со поединечни европски држави, наместо со ЕУ како целина.Калас изрази загриженост што некои земји членки се обидуваат да одржуваат посебни канали на комуникација со Вашингтон, наместо да настапуваат заеднички преку институциите на Унијата.Осврнувајќи се и на односите со Кина, таа изјави дека Европа сè уште нема заеднички одговор како да се справи со економските и трговските предизвици.Според неа, Европската унија ќе мора да избере меѓу продолжување на субвенциите за домашната индустрија или воведување построги мерки како контрола на странските инвестиции и ограничување на зависноста од клучни суровини.

Свет | пред 1 седмица

(Фото) Трамп со нова порака до Иран: „Затишје пред бура“

Американскиот претседател Доналд Трамп доцна синоќа објави драматична фотографија создадена со вештачка интелигенција на својата социјална мрежа Truth Social, испраќајќи јасна порака до Иран во екот на новите тензии на Блискиот Исток.На фотографијата Трамп позира на воен брод со црвена капа „MAGA“, додека во позадина се гледаат американски воени бродови и невреме. Објавата беше проследена со пораката: „Тоа беше затишје пред бура“.Објавата доаѓа по неговото враќање од Кина и во период кога Вашингтон размислува за можни нови воени потези против Иран.Според „Њујорк тајмс“, блиски соработници на Трамп веќе подготвиле планови за евентуално обновување на воените операции доколку не се постигне договор со Техеран.Меѓу опциите што се разгледуваат се нови воздушни напади врз иранска воена инфраструктура и можни специјални операции насочени кон нуклеарни постројки.Од Иран, пак, стигнаа пораки дека земјата е подготвена за сите сценарија. Претседателот на иранскиот парламент Мохамад Багер Галибаф порача дека САД ќе бидат „целосно изненадени“ доколку започнат нов напад.Според американски медиуми, околу 50.000 американски војници моментално се во состојба на висока готовност на Блискиот Исток, додека Иран повторно ставил во функција поголем дел од своите ракетни позиции долж Ормускиот теснец.

Свет | пред 1 седмица

САД поставиле пет услови за договор со Иран

Соединетите Американски Држави поставиле пет клучни услови за постигнување договор со Техеран, објави иранската полуофицијална агенција „Фарс“.Според извештајот, еден од главните услови е само една иранска нуклеарна постројка да остане во функција.Вашингтон, наводно, бара Иран да предаде 400 килограми збогатен ураниум на САД, а истовремено не планира да исплати отштета ниту да ослободи 25 проценти од замрзнатиот ирански имот.Како уште еден услов се наведува дека евентуалниот прекин на огнот на сите фронтови ќе зависи од исходот на преговорите.Од друга страна, Иран бара прекин на конфликтите во регионот, укинување на санкциите, ослободување на замрзнатите средства и надомест за воените штети.Техеран, исто така, бара признавање на иранскиот суверенитет над Ормускиот теснец.Тензиите меѓу Иран, САД и Израел дополнително се зголемија по нападите врз Иран во февруари, по што Техеран одговори со напади врз Израел и американски сојузници во Заливот и со затворање на Ормускиот теснец.Примирјето стапи во сила на 8 април со посредство на Пакистан, но досегашните разговори не донесоа траен договор.

Свет | пред 1 седмица