ВЛАДА

Мицкоски: Состојбите кои се наследени со Буџетот се алармантни, недостасуваат пари, ќе има истрага како е трошено, но ќе усвоиме ребаланс кој ќе ја стабилизира состојбата

Претседателот на Владата на Република Северна Македонија, Христијан Мицкоски во вечерашното гостување во Централниот дневник на ТВ Сител вели дека владината седница за ребаланс на Буџетот се уште не е завршена, укажувајќи дека состојбите кои се наследени се алармантни и катастрофални, но потенцираше дека ќе има истрага како и што е трошено.„Има една катастрофална алармантна состојба која што ја оставиле, направиле Буџет за 6 месеци, како да кога го правеле Буџетот знаеле дека нема да бидат повеќе Влада, па се труделе што повеќе проблеми да и остават на новата Влада. Така што милијарда, милијарда денари останале непокриени, законски обврски кои што морале да ги направат не ги предвидувале во Буџетот итн. Но, мислам дека период кој што следи истражните органи ќе имаат многу работа“, дециден е тој.На прашањето што значи тоа, премиерот Мицкоски рече:„Па да ги истражуваат сите овие работи кои што се оставени како недостатоци и зошто се тие недостатоци. Еве на пример да ви кажам дека Национални шуми 4 месеци немаат земено плата вработените и се потребни околу 250 до 280 милиони денари. Водостопанство исто така нема земено плати, акутно се потребни од 60 до 100 милиони денари.“Според премиерот Мицкоски ваквата состојба е поради лошото менаџирање од страна на претходната влада.„И тоа е резултат од лошото менаџирање, а недостасуваат и 3 милијарди и 700 илјади денари за земјоделците. Милијарда и 200 илјади се пари кои што треба да се платат по основ на казни поради тоа што некои од министрите дивееле и ги прераспределувале вработените во институциите надвор од законот, вработените тужеле и сега Буџетот треба да ги сервисира тие обврски затоа што некој дивеел“, додаде премиерот Мицкоски.

Македонија | пред 1 година

Мицкоски од Вашингтон: следните денови ќе бидеме дел од одбележувањето на 75 години од НАТО, ќе остваруваме средби со државници, но и со бизнисмени и со дијаспората, а ќе најавиме и нова инвестиција

„Голем поздрав од Вашингтон. Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од настанот кој што ќе прославува 75 години од постоењето на НАТО алијансата.Она кое што сакам исто така да го потенцирам се големиот број билатерални средби кои што ќе ги имам заедно со државници на земји кои што се членки на НАТО алијансата, во деновите кои што следат, но исто така во деновите кои следат ќе имам средби со бизнис заедницата овде во САД, каде што ќе ги презентирам потенцијалите кои што ги нуди Македонија за инвестирање.Ќе најавам уште една нова странска инвестиција на компанија која што е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани.Тоа е она кое што преставува основен приоритет на новата влада во Македонија. Би сакал исто така да напоменам дека последните денови во Њујорк ќе ги искористам за средба со македонската дијаспора, македонските исселеници.Би сакал од нив да слушнам што е она што тие го очекуваат од новата влада и нормално, што е она што новата влада ќе го понуди за да можат нашите исселеници да се вратат дома, во нивната татковина, таму да инвестираат и практично да ги избегнат сите оние пречки кои што беа изминатиот период со кои тие се соочуваа при своето доаѓање назад во својата татковина.Уште еднаш да се заблагодарам на македонската јавност што не следи изминатиот период и да ја охрабрам дека доаѓаат нови убави моменти за македонските граѓани. Ние на најдостоинствен начин, како што ни прилега, ќе ги претставуваме интересите на граѓаните и државата овде во Вашингтон , а потоа и во Њујорк”, објави премиерот Христијан Мицкоски.

Македонија | пред 1 година

Прв проект на Меџити: Затворање на депонија во Липково

Првиот заменик претседател на Влдaта, а воедно и министер за животна средина и просторно планирање, Изет Меџити, заедно со вицепремиерот Арбен Фетаи, како и пратеници од регионот и општински советници, денеска најавија затворање на нестандардната депонија на Липково, која се наоѓа во близина на селото Никуштак. Меџити во оваа прилика најави дека во рамките на ИПА2 Програмата за животна средина и климатска акција предвидени се значајни проекти за управување со отпадот во Источниот и Североисточниот регион.Овие проекти вклучуваат набавка на возила и контејнери, затворање на нестандардни депонии во двата региона како и изградба на регионален систем за управување со отпад.Проектот опфаќа набавка на возила и контејнери на соодветните региони, вклучително и општина Липково, која ќе добие камион за собирање смет и 139 контејнери. Дополнително, планирано е затворање на повеќе нестандардни депонии, вклучително и депонијата во Липково (Никуштак) и пет други помали депонии во Матејче, Горна Рупа, Лојане 1, Лојане и Гору.Во моментов проектот е во фаза на тендерирање по претходното откажување на избран изведувач. Новата проценка започна на 6 јуни 2024 година и се очекува да биде завршена до крајот на август 2024 година, кога ќе биде потпишан Договорот и ќе започне теренската работа.Во меѓувреме, мал дел од депонијата ќе остане отворен до изградбата на регионалната депонија во Свети Николе. Во втората фаза од проектот, во рамките на ИПА 3 Програмата, депонијата ќе биде целосно затворена. По изградбата на регионалната депонија, отпадот од Липково ќе се транспортира до друг пункт во Куманово, а потоа до регионалната депонија во Свети Никола.Во нестандардната депонија во Липково, која се наоѓа во близина на селото Никуштак, ќе се вршат активности како преобликување на телото на депонијата, тампонирање стар отпад, изградба на пасивен систем за собирање гас и покривање на депонијата со здрава почва. Депонијата се наоѓа на стрмна падина и е далеку од секакво водно тело.„Дејствуваме за доброто на граѓаните, за поздрав живот и почиста животна средина“, изјави првиот вицепремиер и министер за животна средина и просторно планирање Изет Меџити.

Македонија | пред 1 година

Уште една тура нови директори во повеќе институции

Владата на Република Северна Македонија на денешната трета седница донесе одлука за именување на нови кадри и разрешување од должност на национални координатори.Во однос на нови именувања во државните институции на владина седница се донесе одлука за назначување на:Васе Анакиев се именува за вршител на должноста директор на Државниот инспекторатот за земјоделство. Анакиев е дипломиран инженер агроном и магистер на економски науки, со работно искуство во Министерството за шумарство и водостопанство. Бил претседател на Комисијата за доделување на земјоделско земјиште.Весела Честоева, се именува за вршител на должноста директор на Управата за заштита на културното наследство. Честоева дипломирала на Институтот за Историја на уметноста и Археологија при филозофскиот факултет во Скопје и магистрант на Институтот за национална историја. До 2024 година е директор на ЈОУ Вински музеј за регион Тиквеш- Кавадарци, а претходно и директор на НУ Археолошки музеј на Македонија – Скопје, како и пратеник во Собранието.Иван Живковски се именува за в.д. директор на Агенцијата за катастар на недвижности. Живковски има магистрирано на тема „Правниот статус на Агенцијата за катастар и недвижности како државен орган“, а има дипломирано на правиот факултет „Јустинијан Прв“ во Скопје. Работи како адвокат. Во минатото бил и претседател на Студентскиот парламент на УКИМ и има учествувано во повеќе органи на управување.Данијел Апостолоски се избира за управител на Друштво за изградба, управување и издавање на повеќенаменска Сала Борис Трајковски ДООЕЛ Скопје. Апостолоски е дипломиран професор по физичка култура и магистрант на Факултет за менаџмент на човечки ресурси при Универзитет за туризам и менаџмент – Скопје. Има работно искуство во ДСУ „Спортска академија“ Скопје.Амет Зибери се именува за в.д. заменик на директорот на Агенцијата за катастар на недвижности.Даут Мемеши се именува за в.д. директор на Бирото за регионален развој.Рефик Џемаили се именува за в.д. директор на Агенција за странски инвестиции и промоција на извозот на Република Северна Македонија.Александар Донев се именува за в.д. директор на Управа за сигурност во железничкиот систем.Диме Ратајкоски, на предлог на министерот за култура се именува за директор на Културно-Информативен Центар на Република Северна Македонија во Истанбул, Република Турција. Ратајковски е магистрант на катедра за Историја на УКИМ, а работи како новинар и уредник во МРТВ на Културно-документарна програма и автор и сценарист на документарни филмови.Мими Ѓоргоска Илиевска, на предлог на министерот за култура се именува за директор на Културно-Информативен Центар на Република Северна Македонија во Загреб, Република Хрватска. Ѓоргоска Илиевска е магистер по филолошки науки, универзитетски професор и експерт за заштита на аудиовизуелното наследство. Има повеќе од 20 години работно искуство во филмската дејност и дејноста на заштита на аудиовизуелното наследство. Член е на Европската филмска академија, а има раководено со Агенцијата за филм и Н.У. Кинотека.Васко Шутаров, на предлог на министерот за култура се именува за директор на Културно-Информативен Центар на Република Северна Македонија во Белград, Република Србија. Шутаров дипломирал на Факултетот за политички науки во Белград, на насоката по дипломатија. Магистрирал во областа правни науки и применета дипломатија на Универзитетот „Гоце Делчев“ во Штип и докторирал во областа политички науки на истиот универзитет. Бил советник во советот на Општина Гевгелија и пратеник во собранието, а автор е на број научни трудови и книги.Владата ги разреши националните координатори и тоа:Владимир Пивоваров се разрешува од должноста в.д. координатор на Националниот координативен центар за гранично управување.Неби Бејадин се разрешува од должноста в.д. заменик координатор на Националниот координативен центар за гранично управување.Борче Мирчески се разрешува од должноста в.д. Национален координатор за медијација.Фатмир Ејупи се разрешува од должноста Национален координатор за социјална заштита и процес на деинституционализација.Бедри Бехадини се разрешува од должноста Национален координатор за информатика и енергетика.Фатон Асани се разрешува од должноста Национален координатор за соработка со дијаспора.Рамадан Рамадани се разрешува од должноста Национален координатор за кохезија.Владимир Симоновски се разрешува од должноста Национален координатор за имплементација на Националната платформа за намалување на ризици од несреќи и катастрофи на Република Северна Македонија.Златко Апостолоски се разрешува од должноста Национален координатор за спречување на насилен екстремизам и борба против тероризам.Џеладин Тефик Ајвази се разрешува од должноста заменик национален координатор за спречување на насилен екстремизам.Златко Арсов се разрешува од должноста заменик национален координатор за борба против тероризам.Роберт Алаѓозовски се разрешува од должноста Национален координатор за интеркултурализам, едно општество, развој на културата и меѓуресорска соработка.Магбуле Амети се разрешува од должноста Национален координатор за здравство.Д-р Маја Мосјова Мијовска, на предлог на министерот за здравство се разрешува од должноста Национален координатор за трансплантација.Д-р Билјана Андоновска се разрешува од должноста заменик на националниот координатор за трансплантација.На седницата на Влада се донесе одлука со која се направи пренамена во програмата за финансиска поддршка во земјоделството за 2024 година со која се обезбедуваат преку Министерството за земјоделство, шумарство и водостопанство 600 милиони денари за дополнителни директни плаќања за земјоделците за растително и сточарско производство кои до сега биле неисплатени.Исто така се донесе одлука со која Министерството за транспорт и врски согласно програмата за капитални инвестиции става на располагање 6 милиони денари на општината Ѓорче Петров за изградба и реконструкција на патна инфраструктура.

Македонија | пред 1 година

Владата ќе го усвои новиот законот со кој ќе се укинат економските директори во јавните здравствени установи

,,Владата ќе го усвои новиот закон за изменување и дополнување на Законот за здравствената заштита со кој ќе се укине институцијата економски директори во јавните здравствени установи.Оваа промена има за цел да ја подобри ефикасноста во управувањето со здравствените установи, да ги намали административните трошоци и да ги зголеми средствата за подобрување на здравствените услуги.Според новите законски одредби, ќе се укине постоењето на две управувачки позиции - организациски и медицински директор кои досега беа присутни во здравствените домови со над 1.000 вработени, универзитетските клинички центри, универзитетските клиники, клиничките болници и институтите. Од сега натаму, со овие установи ќе раководи само еден директор, кој ќе биде одговорен за организацијата и работењето на установата, како и за законитоста на работењето.Со оваа реформа, Владата се надева дека ќе ги подобри условите и квалитетот на здравствените услуги за граѓаните, овозможувајќи поголема транспарентност и отчетност во работата на здравствените установи.”, велат од Владата на Република Македонија.

Македонија | пред 1 година

Недостасуваат 2,5 милијарди денари за редовното исплаќање на пензиите

Премиерот Мицкоски од средбата со пензионерите во Велес: „Ветувањето за повисоки пензии кое го кажавме тука во 2023 година го реализиравме во првите пет дена од формирањето на Владата“„Ви благодарам на топлиот пречек, така беше на почетокот на октомври кога се сеќавам како многумина од вас кажуваа со какви се предизвици се соочувате. И тогаш главната идеа потекна од оваа средба да имаме комплетна промена на концептот во пензискиот систем, а тоа е да имаме линеарно покачување на пензиите на пензионерите. На тој начин практично сите пензионери ќе добијат подеднакво и нема да се создава преголема разлика помеѓу малкумина и повеќе од 80% од пензионерите.“, истакна претседателот на Владата, Христијан Мицкоски на денешната средба со здружението на велешките пензионери, после одлуката на Владата за зголемување на пензиите за пензионерите.„И тогаш рековме и денес сакам тоа да го потврдам, дека наша главна цел ќе ни биде нашите повозрасни сограѓани да имаат подостоинствени пензионерски денови, односно во најубавите години од својот живот да може да се чувствуваат пристојно и достоинствено, а не како што беше минатата есен и зимата, кога за жал нашите родители, дедовци, баби, наместо да ги поминуваат пензионерските денови онака како што заслужуваат, тие чекореа по улиците и плоштадите ширум Македонија, барајќи поголеми права и повисоки пензии.“, истакна премиерот Мицкоски.Премиерот Христијан Мицкоски посочи дека е направена детална анализа и врз основа на тоа беше дадено ветувањето дека во првата година од мандатот ќе се направи линеарно зголемување на пензиите за пет илјади денари.Денес на седницата на Владата како точка за информирање донесовме заклучок дека пензиите кои што треба да бидат нивелирани, сега во месец септември, а потоа и во месец март следната година, ќе го вклучат тоа линеарно покачување, најпрвин од 2.500 денари сега во септември, и уште 2,500 денари и во месец март. Тоа значи дека најпрвин за три месеци, па за 9 месеци, порано од таа една година што ја ветувавме, тие 5.000 денари линеарно зголемување на пензиите за пензионерите ќе бидат веднаш исплатени- рече претседателот на владата.Тој потенцираше дека се правеле напори и сега во септември да се исплатат во целост 5.000 денари покачување на пензиите, но во овој буџет ваков каков што е , недостасуваат 2,5 милијарди денари за редовното исплаќање на пензиите. Со оглед на тоа дека со ново покачување ќе бидат зафатени исто толку пари, со ребалансот на буџетот ќе бидат реструктуирани 5 милијарди денари или повеќе од 80 милиони евра.„Она кое што го ветивме при нашата средба во октомври месец 2023 година, тоа и го реализираме во првите пет дена од формирањето на новата влада.“, посочи премиерот Мицкоски и дополни дека главен приоритет во периодот кој што следи ќе биде и здравствениот систем.„Заедно работевме со министерот Арбен Таравари. Во подготовка е новиот закон во кој ќе направиме рационализација на функционерите во здравството, односно ќе дојде до бришење на делот во кој беа т.н. организациски или кај народот познати, економски директори. И тоа веќе министерот Таравари го направи, голем дел од нив кои што беа вршители на должност кои беа без мандат, заминуваат во историја, а со овој нов закон кој влезе во владина процедура, ќе бидат сите организациски директори укинати. На тој начин практично ќе имаме поефикасна и поевтина работа и повеќе пари кои ќе останат за здравствените осигуреници.“, рече претседателот на Владата Мицкоски на денешната средба со здруженијата на пензионерите во Велес.

Македонија | пред 1 година

Изгласани повисоки пензии, здравство во Струга нема да се учи - Мицкоски за првата владина седница

Премиерот Христијан Мицкоски објави дека на првата владина седница се изгласани неколку точки. Меѓу најзначајните е дека ќе има повисоки пензии за 2500 денари, потоа се укинува факултетот за здравствени услуги во Струга кај Мерко, а именувани се и нови директори.Прва седница на Владата: Повисоки пензии; Укинат факултетот за здравствени услуги во Струга; Нови именувања“, напоша Мицкоски.

Македонија | пред 1 година

Ова се новите директори во Царина, Управа за јавни приходи, Биро за јавна безбедност...

Ве известуваме дека Владата на Република Северна Македонија донесе повеќе одлуки за именувања на раководни кадри на државни институции. Овие одлуки ги вклучуваат следните назначувања:Игор Јанушев е именуван за Генерален секретар на Владата. Јанушев е дипломиран правник на Правниот факултет „Јустинијан Први“ - Скопје. Неговото претходно искуство вклучува работа како пратеник во Собранието, директор на ЈСП „Скопје” и раководител на Секторите за воздухопловство и за општи работи при Министерството за транспорт и врски. Како пратеник, Јанушев беше шеф на делегацијата во Парламентарното собрание на ОБСЕ и претседател на Комисијата за надзор над спроведување на мерките за следење на комуникациите.Ивица Томовски е назначен за директор на Службата за општи и заеднички работи. Тој има магистратура по менаџмент на човечки ресурси и долгогодишно професионално искуство во деловното работење, консалтинг услуги и менаџирање во приватниот сектор. Томовски е поранешен управител на ЕЛЕМ Турс и има стекнато обуки на повеќе интернационални школи за менаџмент на човечки ресурси.Елена Петрова е новиот директор на Управата за јавни приходи. Петрова беше дополнителен заменик-министер за финансии во последната техничка Влада. Таа е дипломиран економист со над 25 години искуство во Управата за јавни приходи, каде што работела на различни раководни позиции, вклучувајќи управник на Дирекцијата за големи даночни обврзници. Има активно учество во неколку управни одбори и поседува бројни лиценци и сертификати, вклучувајќи обуки и соработки со Светска банка, ММФ и други меѓународни организации.Бобан Николовски е именуван за директор на Царинската управа. Николовски доаѓа од позицијата пратеник во македонското собрание и има 15 години работно искуство во Царинската управа, вклучувајќи и работа како директор на ЈП „Куманово план“. Тој има магистратура по бизнис и поседува десетици обуки и лиценци за царинско работење.Александар Јанев е назначен за директор на Бирото за јавна безбедност. Јанев има 27 годишна полициска кариера која започнала како кадет на Средното полициско училиште „Елисије Поповски Марко“. Образованието го продолжил на Правниот факултет „Јустинијан Први“ и на Факултетот за менаџмент на човечки ресурси. Јанев работел на различни позиции во Министерството за внатрешни работи, вклучувајќи инспектор, раководител на единица и сектор, и аналитичар за потребите на министерството. Тој е унапреден во главен инспектор во секторот за обезбедување и заштита на личности и објекти и раководел со четири сектори со 300-350 вработени во областа на организираниот криминал, корупцијата, транснационалниот криминал, тероризмот и насилниот екстремизам.За државен секретар во Министерството за внатрешни работи е именуван Сашо Петрушевски. Тој е доскорешен директор на Јавно претпријатие во Општина Куманово. Тој е добитник на Ноемвриска награда на Град Куманово, како и добитник на награда за најдобро работење на ЈП „Куманово Паркинг” - Куманово од Агенција „Company Wall“ Macedonia за најдобар бонитет А. Поседува повеќе сертификати и обуки за менаџирање со човечки ресурси и комуникациски техники.За шеф на Канцеларијата на Претседателот на Владата е назначен Владимир Нелоски, а негов заменик Саше Павлоски. Владимир Нелоски има завршено на Економскиот факултет, воедно е магистер на Правниот факултет „Јустинијан први” од областа на корпоративното право. Тој е советник во Град Скопје. Бил претходно вработен во Агенцијата за електронски комуникации и има богато искуство во менаџирање со процеси и човечки ресурси.Саше Павлоски завршил на Економскиот Факултет при УКИМ. Тој има повеќегодишно работно искуство во Владата на Република Северна Македонија и искуство од менаџерско работење и делување. Бил и член на Надзорен одбор на МЕПСО и претседател на Управниот одбор на Национален парк „Маврово”.Воедно Министерот за земјоделство, шумарство и водостопанство на Република Северна Македонија, Цветан Трипуновски ја информираше владата за штетите од невремето пришто беше задолжен од општините да прибере информација за проценка на штетите од невремето за да се направи проценка на износите на штета.Министерот за култура и туризам Зоран Љутков информираше за штетите предизвикани од невремето врз Драмскиот театар, пришто е најавена ревизија на постапувањето на минатата управа на Театарот и континуираната негрижа.Воедно, меѓународниот универзитет во Струга не може да основа Факултет за здравствени науки. Донесената одлука од претходното владино раководство е поништена, а информацијата беше потврдена денеска на првата седница на новата Влада.Владата расправаше и за зголемување на пензиите од 5.000 денари, пришто беше потврдена заложбата и беше одлучено ова зголемување да се реализира на два пати, од кои првата исплата од 2.500 денари ќе биде во септември, а втората од 2.500 денари ќе следува во март.

Македонија | пред 1 година

Меџити и објаснувал на Агелер како Македонија нема да се гуши во загаден воздух, а го затвориле и прашањето дека тие се легитимен партнер во Владата

Изет Меџити, заменик на претседателот на Владата и Министер за животна средина и просторно планирање на Република Северна Македонија, оствари средба со Нејзината Екселенција, Амбасадорот на САД во РС Македонија, г-ѓа Ангела Агелер.„На средбата ги истакнав клучните приоритети и стратешки определби на новата влада. Ја уверив Амбасадорката дека како владеачко мнозинство, остануваме и понатаму максимално посветени на продлабочување на меѓусебните односи со нашиот најголем стратешки партнер и силен сојузник – Соединетите Американски Држави.Ја уверив Амбасадорката, нејзината екселенција Ангела Агелер, дека за нас евроатлантската определба и полноправното членство во Европската Унија остануваат врвен приоритет.Како прв Заменик на Претседателот на Владата, на средбата изразив искрена благодарност за поддршката и безрезервната помош која САД во континуитет ја пружаат во насока на реформирање ена институциите и зацврстување на демократските капацитети и демократскиот амбиент во нашата држава. Заеднички се согласивме дека се потребни резултати во борбата против политичката корупција која е навлезена длабоку во порите на многу институции. Испораката на правдата мора да биде неселективна и согласно највисоките стандарди на владеење на правото. За да се случи ова, потребни се реформи во правосудниот систем и Владата е решителна оваа борба да ја спроведе до крај.Заедно се согласивме дека за прашањето на политичкиот легитимитет на новата Влада е затворено прашање. Периодот пред нас ќе биде искористен за спроведување на успешна транзиција и консолидирање на институциите во државата. Во овој процес е од исклучително значење поддршката на меѓународните партнери, пред се на Соединетите Американски Држави.Како Министер за животна средина и просторно планирање, ја информирав Амбасадорката за клучните приоритети на Министерството кое го предводам во насока на безкомпромисната борба со загадувачите на амбиенталниот воздух, согласно највисоките европски стандарди и во рамки на планот за чист воздух.Заеднички ќе се посветиме на градење на обновливи извори на енергија кои што ќе обезбедат повисоки еколошки стандарди. Истакнав дека, како млада држава, имаме потреба од добри искуства и споделување и размена на знаења во оваа насока. Од Амбасадорката побарав помош во нашите напори за подобрување на државните политики во насока на здравата животна средина.На крај, уште еднаш го уверив нашиот стратешки партнер дека високо ги цениме сите досегашни инвестиции од САД, како економски, така и во насока на подигање на капацитетот на институциите и општествениот демократски развој.Остануваме сигурен гарантор дека Република Северна Македонија ќе остане на стратешкиот курс“, објави Меџити.

Македонија | пред 1 година

(Видео) Македонија доби нова Влада, чиј премиер е Христијан Мицкоски

Со 77 гласови „за“, 22 гласови „против“ и без воздржани е изгласана новата Влада, чиј премиер ќе биде Христијан Мицкоски.Премиерот Христијан Мицкоски кажа дека ова е последна шанса за Македонија да биде повторно горда. Во говорот кажа дека нема да се откаже од враќање на старото име на државата, без придавката „северна“. Говорот му беше поздравен со аплауз.Европскиот фронт предмалку донесе одлука да ја напушти седницата и да не учествува во гласањето за избор на нова Влада предвбодена од мандатарот Христијан Мицкоски.Досегашниот технички министер за внатрешни работи Панче Тошковски е предложен за министер во овој ресор, за надворешни работи и надворешна трговија - Тимчо Муцуски, а за финансии потпретседателката на ВМРО-ДПМНЕ, Гордана Кочоска Димитриеска. Функцијата на заменик претседател на Владата и министер за транспорт треба да ја добие Александар Николоски, во ресоротот одбрана се предлага Владо Мисајловски, а за информатичко општество и дигитална трансформација Стефан Андоновски. Министер за локална самоуправа ќе биде поранешниот директор на ЈП „Водовод и канализација“, Златко Перински.Со новоформираното Министерство за енергетика, рударство и минерални суровини ќе раководи Сања Божиновска, Цветан Трипуновски ќе го добие Министерството за земјоделство, шумарство и водостопанство, Весна Јаневска ќе биде прв човек во образование и наука, кандидат за во Министерството за култура и туризам е актерот Зоран Љутков, а со Министерството за спорт ќе раководи ракометарот Борко Ристовски.Вицепремиерски места ќе имаат и коалициските партнери Социјалистичката партија и Демократската партија на Србите. Љупчо Димовски, претседателот на СП ќе биде вицепремиер и министер за политички систем, а Иван Стоиљковиќ - вицепремиер задолжен за односи со заедниците. Шабан Салиу ќе биде министер без ресор задолжен за интеграција и имплементација на декадата на Ромите.На министерската функција во правда треба да дојде Игор Филков, додека за министер за јавна администрација е предложен Горан Минчев од Движењето ЗНАМ.

Македонија | пред 1 година

Желни да кажат нешто за новата Влада: СДСМ нема да молчи на новата собраниска седница

Пратениците на СДСМ решија да дискутираат во Собранието на точката за избор на нова Влада. Ова доаѓа откако претходно никој од нив не се пријави за збор кога се конституираше Собранието и се правеше избор на собраниски спикер. Прв ќе зборува поранешниот министер за внатрешни работи, Оливер Спасовски, а по него, пратеникот на ВМРО-ДПМНЕ, Ѓорѓија Сајковски.Рокот од 20 дена за формирање влада истекува на 25 јуни. За Владата да биде изгласана потребно е апсолутно мнозинство од најмалку 61 пратеник од вкупно 120-члениот парламент. Седница за избор на Владата се одржува во рок од 15 дена од приемот на предлогот. Расправата во Собранието може да трае најмногу два дена односно до утре на полноќ.

Македонија | пред 1 година

Тој што нема да има промакедонски позиции, нема да биде дел од Владата, отворено најави Мицкоски

Христијан Мицкоски, мандатар за состав на Владата, очекува секој член на Владата да има промакедонски и татковински пристап.„Секој ќе излезе од промакедонски наратив, кој ќе излезе од тоа, ќе биде надвор од Владата. Очекувам сите да имаат промакедонски позиции и да се борат за нивната татковина Македонија“, рече Мицкоски.Тој објасни: „Промакедонската позиција значи стратешкото ориентирање на Македонија кон Европа“.

Македонија | пред 1 година

(Видео) Мицкоски ги кажа сите идни министри од ВМРО-ДПМНЕ: Мисајлоски, Николоски, Муцунски, Тошковски...

Мандатарот Христијан Мицкоски кажа дека собраниското мнозинство ќе има и двотретинска поддршка за дел од законите. Централниот и Извршниот комитет ги потврдија министрите кои ќе бидат предложени до Собранието. Мицкоски кажа дека луѓето кои ги предлага се чесни кадри, во кои има надеж.„Заменик-претседател на Владата и министер за транспорт ќе биде Александар Николоски, верувам во неговата способност. Министер за одбрана ќе биде предложен Владо Мисајлоски. Министер за финансии ќе биде Гордана Димитроска-Кочоска, човек со искуство во финансиите. Предлог за министер за надворешни работи ќе биде Тимчо Муцунски. Министер за локална самоуправа ќе биде Златко Перински, тој го водеше и мојот кабинет, беше директор на скопски Водовод“, рече Мицкоски.Тој додаде: „Министер за администрација ќе биде Стефан Андоновски. Министер за спорт ќе биде Борко Ристоски. Предлог за министер за енергетика, рударство и минерални суровини ќе биде Сања Божиновски, која е член на ИК на ВМРО-ДПМНЕ. Предлог за министер за земјоделие ќе биде Цветан Трипуноски. Министер за култура и туризам ќе биде Зоран Љутков, кој има блескава актерска кариера и се надевам на сериозен ангажман. Министер за внатрешни работи ќе биде Панче Тошковски. Весна Јанеска ќе биде предлог за министер за образование“.Мицкоски кажа дека очекува многу работа.

Македонија | пред 1 година

Познати и замениците-претседатели на Владата

До 23 јуни, Македонија треба да ја добие новата Влада. Ова го кажа Христијан Мицкоски, кој рече дека веќе утре ќе ги достават сите имиња на министри ќе бидат достравени до Собранието, каде пратениците ќе требаат да гласаат. Освен министрите за кои веќе објавивме, свое место најдоа и претседателите на Социјалистичката партија и Демократската партија на Србите.„Претседателот на Социјалистичката партија, Љупчо Димовски ќе биде предлог за заменик-претседател на Влада одговорен за политичкиот систем. Иван Стоиљковиќ, ќе биде исто така предлог за заменик-претседател на Влада и минситер на ресорот за односи меѓу заедниците. И Шабан Салиу кој ќе биде министер без ресор, задолжен за имплементација на декадата на Ромите“, рече Мицкоски.Тој ги соопшти и останатите решенија: 

Македонија | пред 1 година

Сите министри, од сите партии кои ќе бидат дел од новата Влада

Партијата Беса ги претстави кандидатите за идни министри во новата ВладаБеса која е дел од коалицијата Вреди соопшти дека иден министер за социјална политика демографија и млади ќе биде Фатмир Лимани. Министер за економија и труд ќе биде Бесар Дурмиши. А пак, заменик министер за култура и туризам ќе биде Седат Сулејмани. Овие кандидати ќе се најдат на листата која треба да поомине на седница на Собранието која е закажана за во вторник.И Максим Димитриевски ги кажа своите министриДвижењето ЗНАМ на Максим Димитриевски веќе ги потврди двајцата министри кои ги добија со коалицискиот договор. Игор Филков, е предлог да раководи со правда, а Горан Минчев е кандидат за министер за администрација.И Алтернатива знае со кого ќе настапува На Централното претседателство на Алтернатива Орхан Муртезани, едногласно е избран за кандидат на партијата за министер во Министерството за европски прашања – соопштија од партијата. Муртезани е поранешен генерален директор во МЕПСО и во Македонски Железници – Транспорт, како и актуелен секретар за односи со јавноста и портпарол на Алтернатива.На оваа средба се разговарало и за кандидатот за заменик министер за образование и наука, при што исто така едногласно било одлучено да биде проф. д-р. Лулзим Алиу, универзитетски професор и продекан на Педагошкиот факултет, поранешен заменик министер за образование, а моментално секретар на Секретаријатот за стратегиски политики во Алтернатива.ВЛЕНЛидерот на Демократското движење Изет Меџити ќе биде прв вицепремиер и воедно министер за екологија, додека лидерот на Алијанса за Албанците и се уште актуелен градоначалник на Гостивар Арбен Таравари ќе биде министер за здравство.Бесар Дурмиши, ќе биде министер за економија и труд. Седат Сулејмани ќе биде заменик министер за култура и туризам.ВМРО-ДПМНЕ денеска ќе пресечеЈасно е дека премиер ќе биде Христијан Мицкоски, лидер на ВМРО-ДПМНЕ. Листите за министри не се потврдени и тоа ќе биде направено денеска. Но истовремено, во јавноста протекоа одредени имиња и функции.Панче Тошковски се враќа во МВР, Гордана Димитриеска-Кочоска ќе биде министерка за финансии, Тимчо Муцунски оди во Министерството за надворешни работи, Владо Мисјаловски оди во Министерството за одбрана, Весна Јаневска оди во Министерството за образование, Цветан Трипуновски се враќа во Министерството за земјоделство, Алексаднар Николоски оди во Министерството за транспорт, Борко Ристески во новото Министерство за спорт, Зоран Љутков во Министерството за култура.

Македонија | пред 1 година

Познати имињата кои ќе бидат дел од новата Влада

Министер за внатрешни работи треба да биде Александар Јанев, кадар на ВМРО-ДПМНЕ од техничката влада во 2020, кога беше началник на Одделот за сузбивање на сериозен и организиран криминал. Ова се неофицијални партиски информации до кои дојде „Скопје1“.Меѓу останатите се:Министер за одбрана – Игор Јанушев,Министер за внатрешни работи – Александар Јанев,Министер за правда – „ЗНАМ“,Министер за заедници – Љупчо Димовски,Министер за надворешни работи и трговија – Тимчо МуцунскиМинистер за економски прашања – АлтернативаМинистер за финансии – Гордана ДимитриевскаМинистер за економија и труд – Бесар ДурмишиМинистер за енергетика – Сања БожиновскаМинистер за земјоделство – Цветан ТрипуновскиМинистер за здравство – Арбен ТаравариМинистер за образование и наука – Весна ЈаневскаМинистер за социјална политика – Фатмир ЛиманиМинистер за транспорт – Александар НиколовскиМинистер за екологија – Изет МеџитиМинистер за спорт – Борко Ристевски.Сите овие имиња дополнително треба да бидат потврдени од Извршниот и Централниот комитет на ВМРО-ДПМНЕ.

Македонија | пред 1 година

Препораки до граѓаните и работодавачите поради најави за топлотен бран од утре

Владата на Република Северна Македонија, на барање на Министерството за здравство, одржа вонредна седница, поради најавите за топлотен бран во државава и донесе соодветни препораки.Од Институтот за Јавно здравје и метео-алармот на Управата за хидрометеоролошки работи се добиени информации дека на 11.06.2024 (вторник) и 12.06.2024 година (среда), територијата на градовите Гевгелија, Богданци, Валандово и Дојран ќе биде зафатена од високи температури од портокалова фаза.Владата ги усвои препораките од Министерството за здравство за намалување на ризиците од високите температури, согласно Акцискиот план на Министерството за превенирање на последиците од топлотните бранови врз здравјето на населението за територијата на градовите Гевгелија, Богданци, Валандово и Дојран, за деновите 11.06.2024 (вторник) и 12.06.2024 година (среда), согласно коишто е предвидено:1. Ослободување од работните обврски на најранливите групи население, односно: бремените жени и лицата на возраст над 60 години;2. Во установите за згрижување на децата (градинки) да не се практикува физичка активност и да не ги изнесуваат децата на отворено во периодот од 11:00 до 17:00 часот;3. Единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица, бездомни лица;4. Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, се потсетуваат работодавачите на обврската за почитување на законските прописи од оваа област.Во овој период, 11.06.2024 година (вторник) и 12.06.2024 година (среда) најавено е и дека териториите на Скопскиот и Вардарскиот регион ќе бидат зафатени од високи температури, но од жолта фаза (алерт - подготвеност). Во овие региони ќе важат општите препораки, коишто ќе ги соопшти Министерството за здравство.

Македонија | пред 1 година

Со кои институции, агенции, затвори ќе раководи ВЛЕН: Финансиско разузнавање, Фонд за здравство, затвори..

Договорени се над 60 здравствени и кулутурни институции, државни агенции и затвори, во кои на раководните функции директор или заменик-директор ќе бидат поставени кадри на ВЛЕН, коалициониот партнер на ВМРО-ДПМНЕ. Начелно, ВЛЕН влегува на местата каде досега имаше кадри на ДУИ. Па така, директори ќе имаат на Клинички центар, заменици во Фонд за здравство и Пензиски фонд.Свои луѓе ќе постават и во Управа за финансиско разознавање, заменик-директори во Управа за финансиско разузнавање УЈП, Централен регистар, Агенција за администрација и Царина, директор во Управа за матични книги. Од покрупните договорени институции, договорени се и заменичкото директорско место во МРТВ и МИА, директорското на ЈП Пасишта, Агенција за класифицирани информации, Метрологија, заменичкото во Државни шуми и ЕЛЕМ.ВЛЕН ќе раководи и со повеќе театри, со Филхаронија, а заменик директор ќе добие и во Универзитетската библиотека во Скопје.Од затворски институции, добива двајца директори и тројца заменици директори. Па така, кадри на оваа партија ќе раководат со струшкиот и тетовскиот затвор, а заменици ќе има во охридскиот, во Шутка и Куманово.Распределбата на ресори не е готова и се прават завршни преговори. Дел од институциите ќе добијат и ЗНАМ на Максим Димитриевски.

Македонија | пред 1 година

Во напредна фаза преговорите за новата Влада: нема конечен договор, се разговара за ресори

„Она што можам засега да го кажам е дека преговарачкиот процес се базира на принципи, пред се нели на евроинтегративниот процес, борбата против криминалот и корупцијата, како и од потребата од одредени реформи за забрзан економски развој“, одговори портпаролот на ВМРО-ДПМНЕ, Наум Стоилковски на поставеното прашање од медиуми за тоа до каде се преговорите со коалиционите партнери.Стоилковски додаде дека во тој контекст ВМРО-ДПМНЕ внимава и на персоналните решенија кои што се нудат во коалициските преговори. При што истите не треба да бидат ниту компромитирани на било кој начин и да се посветени кон работата и реформите кои што ќе следат.„Засега она што може да се каже е дека преговорите се во напредна фаза, но се уште нема конечен договор и се до официјално моментот кога ќе може да се соопшти нема да соопштуваме никакви детали. Се разговара и за ресори кои што се од економска и политичка природа, но најважно е тие да ги прифатат принципите на Владата и генералните програмски определби“, појасни портпаролот на ВМРО-ДПМНЕ.Тој посочи дека во преговорите се внимава на квалитетот на самата поделба и на бројката која што ВМРО-ДПМНЕ ја има во освоени пратеници за овој парламентарен состав.„Преговорите можам да кажам дека ќе продожат и во следните денови“, заклучи Стоилковски.

Македонија | пред 1 година

Мицкоски најави дека ќе ја каже земјата: Земаме заем од Влада со Влада, за да ги финансираме лошите проекти од оваа Влада

Христијан Мицкоски, претседател на ВМРО-ДПМНЕ, не откри која е државата од која Македонија ќе повлече заем, но кажа дека ќе се земат до една милијарда евра, за да се крпат дупки, кои според него, ги правеле СДСМ и ДУИ. Спроед Миццкоски, условите се поволни. За тоа која е државата - рече ќе открие наскоро.„Влада со Влада да повлечеме заем, до една милијарда евра, средства кои ќе ни бидат потребни за да ги финансираме лошите проекти на оваа Влада. Можам да кажам само дека државите кои ги споменуваа не се тие, дека станува збор за европска држава, наскоро ќе ја дознаат и медиумите и државата. Станува збор за поволни услови, многу поповолни од задолжувањето на Валдата и на неродените поколенија“, рече Мицкоски.Кажа дека ќе бидат посветени на економските политики.„Јас кажав дека станува збор за инвестиција во енергетиката, од приватен капитал, од исклучително голем играч, каде има големи финансиски институции во акционерската структура. Од оправдани причини не можам да кажам за што станува збор, договорот е завршен, станува збор за проект кој е од обновлива енергија. Проект во кој нема потреба од стратешки договори како што на шверцерски се носеа во Собранието“, рече Мицкоски.

Македонија | пред 1 година

Пак ќе биде со пунктови за поминување: Се одбележува 121 годишнина од смртта на Гоце Делчев

Владата на Република Македонија, на 04.05.2024 година (сабота), ќе ја одбележи 121 годишнината од смртта на Гоце Делчев со положување свежо цвеќе на неговото вечно почивалиште, во црквата „Св.Спас“,Скопје.„По тој повод, во 10:30 часот, свежо цвеќе ќе положи претседателот на Република Северна Македонија, Стево Пендаровски, владина делегација предводена од Славјанка Петровска, министерка за одбрана во Владата на Република Северна Македонија, Каја Шукова, министерка за животна средина и просторно планирање во Владата на Република Северна Македонија.Поради безбедносни протоколи, потребно е медиумските екипи да се пристигнати на еден од двата пункта за контрола од страна на МВР најдоцна до 09:30 часот (едниот на крстосницата кај „Меморијалниот центар на холокаустот“ или другиот кај Мустафа-пашината џамија) и од таму пешки треба да се упатат кон црквата „Св. Спас““, велат од Влада.

Македонија | пред 1 година

„Бел ден не видов“ - Ангелов се пакува од ЦУК, Џафери му јавил дека ќе покрене разрешување

Стојанче Ангелов, директор на Центарот за управување на кризи, ќе биде тема на денешната владина седница, каде ќе се дискутира за негово разрешување. Ова доаѓа откако „Достоинство“ се реши да ја напушти коалицијата со СДСМ и да влезе во коалиција со ВМРО-ДПМНЕ.„Како премиер неспорно е дека тој има право да предлага именување и разрешување на функционери. Конечната одлука ја носи Владата. За да биде прифатен предлогот на премиерот за мое разрешување, поддршката треба да дадат министрите сосе вицепремиерите на СДСМ. Во спротивно нема да има мое разрешување“, кажа Ангелов.Генералниот секретар Миле Зеќевиќ прв знаел дека Ангелов излегува од коалицијата со СДСМ, а дури потоа претседателот Димитар Ковачевски.„Тие сметаа дека без разлика на политичка одлука на Достоинство, треба да останам на позицијата (во ЦУК)“, додаде Ангелов.Тој кажа дека вчера попладнето, Талат Џафери му се јавил на телефон и му кажал дека ќе следува негово разрешување.„Тоа го прифаќам како нормално“, кажа Ангелов.Прашан како поминал при директурувањето во ЦУК тој рече: „Бел ден не видов“, оти баш кога требало да одмара, се случувале најголемите несреќи.„Тогаш баш се случуваа најголемите несреќи“, потенцираше тој.

Македонија | пред 2 години

Дрска, скандалозна, со незаконско постапување - Тошковски ја опиша Владата на Џафери

Дрски, кои донесоа незаконска и скандалозна одлука. Ова се зборовите со кои техничкиот министер за внатрешни работи, Панче Тошковски ја опиша техничката Влада предводена од Талат Џафери. Според него, незаконски е чекорот со кој, Владата му ги укинува издадените наредби во рамки на МВР.„Целовкупното поведение на техничката Влада во најмала мера е чудно за сите, а јас можам да кажам крајно незаконито и скандалозно. Ги знаете одлуките за актите кои беа потпишувани, за одлуката за СВР Тетово, а сега Влада се дрзна да поништи наредба за колешка, која на доброволна основа е упатена во пунктот во Ново село. Влада ја поништува одлуката. За наредба зборувам! Во минатите мандати не се случило да поништат наредба. Ај што се тотално неинформирани, па уште од згора и дрски - да зборуваат за потписи, формални грешки“, вели Тошковски.Нему му беа поништени пет наредби.„Имено, една од петте поништени наредби се однесува на работник во Министерството за внатрешни работи кој се упатува да извршува работни задачи во управните служби во Ново Село каде се соочуваме со кадровски дефицит во делот на издавањето на лични документи, а со ваквата одлука на Владата практично се доведува во прашање функционирањето на оваа организациска единица, односно издавањето на лични документи на граѓаните на оваа Општина.Останатите четири наредби се однесуваат на советници од мојот кабинет со кои им се даваат конкретни насоки за постапување, а со нивното поништување исто така се влијае на работата на Министерството на највисоко ниво кое во претстојниот период треба да биде гарант за спроведување на мирен и демократски изборен процес“, соопшти претходно Тошковски.

Македонија | пред 2 години

Нема фотографија

(Видео) Толку е: Неславен крај на фабриката за автомобили каде Ковачевски и Џафери со министрите од ДУИ фрлаа лопати

Пред една година најавија голема инвестиција за вработување на 900 лица и доделија пари на граѓаните, се сликаа со лопати. По една година, увидоа дека ништо од фабриката за автомобили и ги повлекоа парите. Лопати со цемент фрлаа тогашниот премиер Димитар Ковачевски, министерот за финансии, Фатмир Бесими и министерот за економија Крешник Бектеши. На настанот се собраа куп државници. Сега од ТИРЗ велат – запираме со доделувањето на државните средства.„Дирекцијата на ТИРЗ како застапник на Владата во договорот за доделување државна помош со компанијата ‘е.Го‘ информира дека се запира извршувањето на договорот и на секоја постапка предвидена за доделување јавни средства. Запирањето на доделувањето државна помош следи по добиени јавно достапни информации за поднесено барање за несолвентност на компанијата ‘мајка‘ во Германија. Барањето е поднесено пред надлежните судови во оваа земја. Со ова, Дирекцијата за ТИРЗ ги активира заштитните механизми од потпишаниот договор кои ги предвидуваат и овие околности (стечај, ликвидација), како предуслов за запирање на доделување државна помош. Имајќи го предвид интересот на граѓаните, информираме дека и покрај доставените барања од страна на инвеститорот, досега не се доделени никакви средства на компанијата“, велат од ТИРЗ-Тетово“.Почетокот на изградбата на фабриката беше одбележан со голема церемнија. Во први редови беа лидерот на ДУИ, Али Ахмети, тогашниот собраниски претседател Талат Џафери, министерката за одбрана Славјанка Петровска, минситерот за транспорт, Благој Бочварски.

Македонија | пред 2 години

Политичарите лажат, бројките - не, ако нема законски измени до 18 мај - 100.000 граѓани нема да можат да гласаат, кажа Тошковски

Техничкиот министер за внатрешни работи, Панче Тошковски, порача дека освен измена на Изборниот законик, нема друг начин како 100.000 граѓани да го остварат правото на глас. Според него, ако до 18 март нема законски измени, тоа ќе значи дека тие граѓани не можат да го остварат нивното право да бираат, загарантирано со Устав.„Несериозна е изјавата имајќи во предвид дека станува збор за потреба од утврдување на можност со патните исправи со старото име, а важечки датум, да македонските граѓани го остварат правото на глас. Немаме 50 дена, бидејќи на 18 март се затвора Избирачкиот список. Ако до тој ден нема измена на законските измени, ќе биде прекршено второ човеково право - правото на глас. Се надевам дека премиер и останатите фактори во оваа држава, ќе најдат заеднички јазик и ќе ја поддржат иницијативата на ВМРО-ДПМНЕ за барем да не го кршиме ова право, а тоа е над 100.000 граѓани да можат да гласаат“, вели Тошковски.Според него, согласно сегашните количини, обрасци има до прва половина од мај - ако продолжи истата динамика на печатење.„Ако месечно произведуваме 75 до 80 илјади патни исправи, бројка драстично зголемена со претходните месеци кога имало 50 илјади, ако продолжиме така, до средината на мај ќе се исцрпат обрасците“, додаде Тошковски.Тој кажа дека работат во насока да се обезбедат обрасци до мај, за да не се прекине процесот на производство на пасоши.„Политичарите лажат, бројките не лажат. Бројките рапидно растат во споредба со претходниот месец, граѓаните можат да ги видат. Тоа значи дека со реорганизација можело да се зголемат бројките и да има ред. Сега не е хаотично со јамболии пред полициска станица во 12 часот на полноќ“, додаде Тошковски кој тврди дека драстично се зголемува бројот на издавање на документи.

Македонија | пред 2 години