ХАЈРЕДИНИ

Ставревски би бил грешка на Мицокоски ако стане гувернер, тој ќе остане запаменет по Груевски, и купување чоколади наместо леб, вели Хајредини

Името на ексминистерот за финансии, Зоран Ставревски, се споменва кога во прашање е идниот гувернер на Народна банка. Ексминистерот за финансии и политички аналитичар, Џевдет Хајредини, кој сега е дел од Советот за безбедност на претседателката Гордана Сиљановска-Давкова, смета дека ваквото назначување ќе биде грешка на премиерот Христијан Мицкоски.„Би била голема грешка на премиерот Мицкоски, доколку, толку успешната гувернерка на НБМ, Анита Ангеловска Бежоска, ја замени со Зоран Ставрески, кој е познат како десна рака на Груевски и негов кум, прво во улога на министер за финансии, потоа негов заменик.Тој ќе остане запаметен и како цело тоа време за проектот "Скопје 2014" се потрошија една милјарда евра, пари на народот и " кога немавме леб купувавме чоколади".Ставрески од Индија во Македонија го донесе злогласниот и контроверзен бизнисмен, Субрата Рој.Во негово време се склучи и коруптивниот договор со кинеската компанија СИНОХИДРО, од која зедоа близу 30 милјони евра мито.П.с. Познат е и по случајот кога беше на власт, поради непозната адреса, поштата не можеше да му ја врачи поканата за да се јави на суд“, напиша Хајредини.

Коментари | пред 10 месеци

Хајредини: Само македонскиот народ може да одлучува за идентитетот и историјата, Албанците треба да поддржат

Поранешниот министер за финансии, Џевдет Хајредини, предизвика реакции со својот став за идентитетските прашања на Македонците. Во објава на социјалните мрежи, тој вели дека одлуките за идентитетот, историјата и македонскиот јазик се исклучиво во рацете на македонскиот народ.„Во врска со прашањaта за идентитетот, историјата и македонскиот јазик, право да одлучува има само македонскиот народ. Албанците нивната одлука треба да ја поддржат“, напиша Хајредини.

Коментари | пред 11 месец

„Бомбите“ за ДУИ се чуваат во сефот на Груби, тоа е терор за партиските функционери, вели Хајредини

Поранешниот прв вицепремиер Артан Груби кој е во бегство поседува „бомби“ (прислушувани разговори) за раководството на ДУИ, а тие „бомби“ му се дадени токму од поранешниот премиер Зоран Заев, тврди ексминистерот за финансии Џевдет Хајредини.„Бандата, според внатрешни извори, со поддршка на Али, е терор за поранешните и сегашните партиски функционери. Овој разумен страв произлегува од тоа што еднаш, во времето на бомбите, сите прислушувани разговори на ДУИ, вклучително и на Али, Заев му ги предаде на Артан. Како што е познато, од стотиците објавени закани за бомби, и покрај предупредувањата, не беа пронајдени бомби за челниците на ДУИ, иако сите тврдат дека ги има во изобилство, а добро се чуваат во приватниот сеф на Артан Груби. Со нив може да уценува, да влева страв и да диригира со своите кадри“, пишува Хајредини.Во нова објава, Хајредини посочува дека само со враќањето на Груби ќе може да се почне со расчстување на криминалот и корупцијата.„Само со враќањето на Груби од егзил може да започне демонтажата на првата линија на одбраната против епидемијата на криминал и корупција која долги години е неказнета“, напиша Хајредини.

Македонија | пред 1 година

Хајредини: Невозможно во еднаква службена употреба да биде албанскиот јазик кој не го знаат 80% од граѓаните

Ексминистерот за финансии и политички аналитичар, Џевдет Хајредини, кој сега е дел од Советот за безбедност на претседателката Гордана Сиљановска-Давкова, смета дека албанскиот јазик не може биде еднаков со македонскиот.„Невозможно е да се биде во еднаква службена употреба, во унитарна држава како Македонија, албанскиот јазик, кој речиси 80 отсто од вкупниот број граѓани ниту го зборуваат, ниту го знаат“, напиша Хајредини.За Законот за јазици, се огласи и професорката по право, Мирјана Најчевска.„Меѓународната заедница ни порача дека Законот за јазиците не е добар. Значи треба да се промени.И за тоа треба да се разговара. Секое спротиставување на отворање демократска расправа за овој закон и закани со насилство треба да биде санкционирано како противзаконско и противуставно“, напиша таа во еден статус, па објави следен во кои им се ибраќа на 250-те потписници од албанската академска заедница кои упатија писмо до уставните судии за Законот за јазиците.„Прво, Уставниот суд не смее да донесе никаква одлука без отворање на јавна експертска расправа.Второ, на секој од овие потписници на писмото треба да им се испрати примерок од: 1. Уставот на Македонија; 2. Рамковната конвенција за заштита на малцинствата; 3. Повелбата за регионалните и малцинските јазици 4. Охридскиот рамковен договор; 5. Мислењето на Венецијанската комисија за актуелниот Закон за употреба на јазиците на малцинствата во Македонија; Да им се испратат на: македонски, албвански и англиски; Чисто да бидеме сигурни дека ќе ги прочитаат. А можеби треба и една презентација со објаснивање што всушност кажуваат бидејки очигледно знаат да читаат ама не го разбираат тоа што го читаат“, додаде Најчевска.

Коментари | пред 1 година

Ем со пари, ем на слобода: „Еден од „највалканите пазари“ е измената на Кривичниот законик“

Ексминистерот за финансии и политички аналитичар, Џевдет Хајредини, на социјалната мрежа „Фејсбук“ посочува дека криминалците останале со парите и неказнети, а благодарение на пратениците кои го изгласаа Кривичниот законик.„Еден од "највалканите пазари", што се случи неодамна, е измената на Кривичниот Законик, со која криминалците, не само што се спасија од затвор, туку им останаа и украдените пари“, вели Хајредини.За повеќе од 80 лица обвинети во 14 судски предмети иницирани од времето на СЈО настапи апсолутна застареност за кривичен прогон. Донесувањето на законските измени во Собранието експерсно за два дена беа со образложение дека се усогласува македонското со европското законодавство.

Коментари | пред 1 година

Хајредини: Познато е дека во Македонија не се казнети тие што од Телеком примиле по 2,5 милиони евра

Ексминистерот за финансии и политички аналитичар, Џевдет Хајредини, на социјалната мрежа „Фејсбук“, смета дека неказнети останале лицата од „Телеком“, откако врховниот судија Наке Георгиев беше уапсен за земени 10.000 евра поради примање на награда поради противзаконтио влијание.„Не ми е познато колку е казната за мито од 10.000 евра, меѓутоа, познато е дека во Македонија не се казнети тие што од ТЕЛЕКОМ примиле по 2,5 милиони евра“, вели Хајредини.Поранешниот министер за финансии Џевдет Хајредини, кој последниве години во јавноста настапува како политички аналитичар, јавно го прашуваше експремиерот Димитар Ковачевски – кога Владата ќе го избрка „Телеком“ од земјава, по скандалот со поткупувањето политичари во земјава и во други држави од регионот, за кој компанијата-мајка, „Дојче Телеком“ беше тужена и спогодбено плати казна во САД.„По десетти пат, истото прашање до Ковачевски: Дали и кога Владата мисли од Македонија да го избрка ТЕЛЕКОМ, затоа што е познато дека нивни менаџери подмитувале некогашни и сегашни високи политичари и државни функционери на нашата земја?Ковачевски не одговара на ова прашање, иако прво за заменик министер, а потоа и премиер на Владата (дали случајно?), дојде токму од оваа коруптивна компанија, во која бил на раководни функции.П.с.Сигурно и самиот не мисли дека на прашањето одговорил кога вели: “Благодариме што нè контактиравте. Ја примивме вашата порака и го цениме што се јавивте”.Не случајно, и Зоран Заев, при една средба во својот кабинет, на актуелните директори на МАЃАР ТЕЛЕКОМ им вети “искрена соработка” на Владата и во иднина, исто како во минатото.Заев пред да замине изјави дека во Македонија нема корупција во првиот и вториот ешалон, туку само во пониските ешалони.Уште нешто: Компанија која ги корумпира државните функционери, како што е случајот со ТЕЛЕКОМ, од каде Вие сте дојдени, не може да биде “препознатлив бренд”, како, од само на Вас познати причини, така ја нарекувате“, пишуваше Хајредини.

Македонија | пред 1 година

Наместо во Идризово, со измените на Кривичниот законик, многумина ќе станат министри, а Ковачевски премиер, коментира Хајредини

Ексминистерот за финансии и политички аналитичар, Џевдет Хајредини, ги коментираше составите на кандидатските листи за пратеници кои се очекуваат да бидат објавени наскоро. Според него, измените на Кривичниот законик со кој застарија дела за низа политички активисти и ексфункционери, ќе придонесат тие да се вратат или за првпат да се појават во политиката.„Наместо поради долгогодишен криминал и корупција да се преместат во Идризово, со измените на Кривичниот Законик, ќе се наместат на кандидатските листи за пратеници и повторно ќе (о)станат министри, со Ковачевски премиер“, напиша Хајредини.Во сите предмети ефектирани од измените се опфатени над 80 лица. Во најмалку 14 судски процеси познати во јавноста, каде што на обвинителна клупа седат поранешни функционери, ќе настапи или веќе настапи застареност на кривичните дела злосторничко здружување и злоупотреба на службената положба и овластувањата.

Коментари | пред 2 години

Знае Европа дека ние не сме за кај нив, само се плаши кај нас да не дојде некој друг, вели Хајредини

Политичкиот аналитичар Џевдет Хајредини смета дека Европа не нѐ сака, но се плаши да не остави. Според него, стравот е дека во Македонија можат да завладеат други сили и политики, па не нѐ остава.„Знае Европа дека ние не сме за кај нив, само се плаши кај нас да не дојде некој друг“, вели Хајредини.

Коментари | пред 2 години

Оценката на министерот Бесими не се совпаѓа со објавениот скрининг, вели Хајредини

Поранешниот министер за финансии, Џевдет Хајредини, повторно со директна критика до владините претставници. Овој пат своите укажувања ги насочи кон неговиот така наречен „наследник“, односно актуелнито министер за финансии, Фатмир Бесими.Хајредини, прво го цитира Бесими, за неговата изјава со која посочува оти јавните финансии се солидни, а потоа потенцира оти актуелниот министер и извештаите на Европската комисија се разидуваат.- Бесими: ЕК укажува дека јавните финансии се солидни, како резултат на подобрувањата кај фискалното управување и дисциплина во последните години.Ако ова е точно, тогаш оценката на ЕК и на министерот Бесими не се совпаѓа со онаа што се содржи во објавениот скрининг извештај "... дека корупцијата е широко распространета во многу области на јавниот и финансискиот живот и предизвикува и натаму сериозна загриженост во ЕК" - напиша Хајредини на Фејсбук.

Коментари | пред 2 години

Тешко дека било каде во светот претседател на партија преговара за изградба на пат, вели Хајредини

Поранешниот министер за финансии, Џевдет Хајредини, денеска повторно со критики кон постапките и изјавите на владините претставници, со особен акцент на изјавите на претставници на владејачката коалициска партија ДУИ.- Тешко дека било каде во светот постои друг случај, претседателот на една од повеќе мали партии, за изградба на пат, да преговара со еден министер за сообраќај на друга соседна држава - напиша Хајредини на неговиот Фејсбук профил.

Коментари | пред 2 години

Хајредини до Грковска: Борбата против корупцијата ќе зајакне само кога корумпираните, кои со тебе се на власт, ќе одат во затвор

Целта на работната група за подготовка на законот, која вчера го одржа првиот состанок, е до средината на септември да се подготви решение кое потоа ќе оди на мислење до Европската Унија и до Венецијанската комисија. Според вицепремиерката Грковска, која претседава со ова тело, ваквото законско решение ќе биде додадена вредност во алатките за борба против корупцијата.Џевдет Хајредини преку социјалните мрежи и се обрати на Славица Грковска, вицепремиeр за борба против корупцијата и криминалот.„Не, Гркова, борбата против корупцијата ќе зајакне само кога корумпираните, кои со тебе се на власт, ќе одат во затвор“, вели Хајредини.

Коментари | пред 2 години

Хајредини за Ахмети: Чудно, како на Али не му текнува дека и тој да не беше, тоа што се случи во 2001 немаше да се случи

Џевдет Хајредини на социјалните мрежи кусо ја искоментира изјавата на лидерот на ДУИ, Али Ахмети во која вели дека да бил Заев во 2001 година немало да се случи тоа што се случи.„Да беше Зоран Заев во 2001 година немаше да се случи тоа што се случи, искоментирал лидерот на ДУИ, Али Ахмети, на денешната конференција во Скопје по повод 20-годишнината од Рамковниот договор. Тоа им го пренесе на присутните организаторот на настанот – првиот вицепремиер Артан Груби.п.с. Чудно, како на Али не му текнува дека и тој да не беше, тоа што се случи немаше да се случи“, вели Хајредини.

Коментари | пред 2 години

Хајредини до Ковачевски: Народот, освен вас функционерите, сега може да купи за една третина помалку производи

Eкс министерот за финансии, Џевдет Хајредини го демантира тврдењето на СДСМ дека стандардот пораснал.„Не, обратно, народот, освен вас функционерите, сега може да купи, не речиси, туку сигурно – за една третина помалку производи“, пишува тој на Фејсбук.Претходно, премиерот Димитар Ковачевски изјави дека „народот сега може да купи за речиси една третина повеќе производи“. Ковачевски кажа дека со членство во Европската Унија (ЕУ) стандардот ќе се зголемува.

Коментари | пред 2 години

Нема фотографија

Хајредини: Од каде сега одеднаш од ВМРО станаа “албанофоби”, кога скоро 10 години со ДУИ беа во заедничка власт

Поранешниот министер за финансии и политички аналитичар, Џевдет Хајредини  коментира како одеднаш од партијата ВМРО-ДПМНЕ станале “албанофоби”, кога, како што вели тој, се знае дека не многу одамна скоро 10 години со ДУИ биле во заедничка власт.„Од каде сега одеднаш од ВМРО станаа “албанофоби”, кога се знае дека не многу одамна скоро 10 години со ДУИ беа во заедничка власт. Од Груевски побараа и тој, за да биде раат цел мандат, со сила ги натера своите пратеници да гласаат за амнестија на хашките случаи. Невиден притисок од страна на највисоки претставници на САД, ЕУ и НАТО беше потребен до последните 20 минути ДУИ да се оттргне од ВМРО. Со поддршка на ДУИ, Груевски близу една милиарда евра потроши за проектот СКОПЈЕ-2014“, пишува Хајредини на Фејсбук,Според него во 2014 ДУИ, иако имала 2/3 мнозинство, во договор со ВМРО, побарала предвремени избори само за да се овозможи поранешниот претседател Ѓорѓе Иванов повторно да биде избран за претседател на државата.„Никогаш Али Амети не се дистанцираше од антизападната политика на Груевски, напротив, го фалеше дека е прозападно ориентиран; Објавени се тајни разговори со Груевски од кои се слуша како Али Амети на македонски јазик бара од него да не се уриваат дивоградбите на узурпирано државно земјиште на функционери на ДУИ; Според тоа, ВМРО најмалку има причина да биде “албанофоб” поради ДУИ“, пишува Хајредини.Претходно Хајредини посочи и дека се детски игри на кои ни децата не им веруваат за оставките со кои министрите од ДУИ условуваат гласање за уставните измени.Макфакс

Коментари | пред 2 години

Хајредини за оставките на министрите на ДУИ: Детски игри што никој, освен Ковачевски, не им верува

Детски игри на кои ни децата не им веруваат, коментира Џевдет Хајредини, поранешен министер и аналитичар, за оставките со кои министрите од ДУИ условуваат гласање за уставните измени.– Министрите на ДУИ потпишале оставки кои ќе важат ако ВМРО-ДПМНЕ гласа за уставни измени. Дотогаш ќе можат фудбал и кошарка да играат во канцеларијата на „координаторот“, каде, според (Димитар) Ковачевски, можат да прават сè што сакаат. Детски игри што никој, освен Ковачевски, не им верува. Дури ни децата, коментира Хајредини во објавите на Фејсбук.

Коментари | пред 2 години

„Ако бидат осудени сите што на власт краделе, ќе има потреба да се градат модуларни затвори“, вели Хајредини

Поранешниот министер Џевдет Хајредини на социјалните мрежи објави статус дека доколку се осудат сите оние што краделе, ќе има потреба од модуларни затвори.„Ако бидат осудени сите што 20 години на власт краделе, за сместување ќе има потреба да се градат модуларни затвори“, напиша Хајредини.

Коментари | пред 2 години

Сеопфатна истрага е потребна за Али Ахмети, вели Хајредини

Сеопфатна истрага е потребна за Али Ахмети. Сите други он ги именува и пред него одговараат. Ова на својот фејсбук-профил го напиша Џевдет Хајредини, поранешен министер за финансии.Тој вчера со неколку поста ја коментираше и одлуката на Стејт департментот за прогласување за непожелна личност на струшкиот градоначалник Рамиз Мерко и неговото семејство.Хајредини вчера ја искоментира и изјавата на премиерот Димитар Ковачевски: „Јас да сум на црна листа, веднаш давам оставка! Ковачевски вели дека доказите против Мерко се сериозни.Да не се тие од црна листа, во Македонија не би имале ни стабилна владина коалиција“.

Коментари | пред 2 години

Хајредини: Изборен модел како што и одговара на ДУИ, инаку паѓа влада или „војна ќе има“

Џевдет Хајредини на социјалните мрежи објави статус во кој вели дека консензус за изборниот модел може да има само доколку сите партии прифатат тоа што и одговара на ДУИ.„До консензус за изборниот модел лесно може да дојде, само под услов сите други партии да прифатат тоа што му одговара на ДУИ, инаку паѓа Владата или “војна ќе има”“, вели Хајредини.

Коментари | пред 2 години

Хајредини го „закопа“ Груби: 20 години сте проневериле многу денари и ниеден од вас ниеден ден не скапел во затвор

Ако се проневери еден денар да скапеме во доживотен затвор, вели првиот вицепремиер Артан Груби. Ова се однесува за проектите за коридорите 8 и 10.Во врска со ова на социјалните мрежи свој коментар даде Џевдет Хајредини.„Ако се проневери еден денар, ако се корумпира еден од нас, тогаш да скапеме во затвор“, рече Груби.20 години сте проневериле многу денари и ниеден од вас ниеден ден не скапел во затвор“, вели Хајредини.

Коментари | пред 2 години

Хајредини до Ковачевски: Дали и кога Владата мисли од Македонија да го избрка Телеком поради поткуп на државни функционери?

Џевдет Хајредини, поранешен министер за Финансии на Република Македонија, преку социјалните мрежи го праша премиерот Димитар Ковачевски кога Владата ќе го избрка Телеком.„По десетти пат, истото прашање до Ковачевски:Дали и кога Владата мисли од Македонија да го избрка ТЕЛЕКОМ, затоа што е познато дека нивни менаџери подмитувале некогашни и сегашни високи политичари и државни функционери на нашата земја?Ковачевски не одговара на ова прашање, иако прво за заменик министер, а потоа и премиер на Владата (дали случајно?), дојде токму од оваа коруптивна компанија, во која бил на раководни функции.П.с.Сигурно и самиот не мисли дека на прашањето одговорил кога вели: “Благодариме што нè контактиравте. Ја примивме вашата порака и го цениме што се јавивте”.Не случајно, и Зоран Заев, при една средба во својот кабинет, на актуелните директори на МАЃАР ТЕЛЕКОМ им вети “искрена соработка” на Владата и во иднина, исто како во минатото.Заев пред да замине изјави дека во Македонија нема корупција во првиот и вториот ешалон, туку само во пониските ешалони.Уште нешто: Компанија која ги корумпира државните функционери, како што е случајот со ТЕЛЕКОМ, од каде Вие сте дојдени, не може да биде “препознатлив бренд”, како, од само на Вас познати причини, така ја нарекувате“, вели Хајредини.

Коментари | пред 2 години

Колку поголема е помошта на “нашите меѓународни пријатели” – сè поголема е корупцијата во Македонија, вели Хајредини

Поранешниот министер Џевдет Хајредини повторно се огласи на социјалните мрежи во врска со корупцијата во Македонија.„Колку поголема е помошта на “нашите меѓународни пријатели” – сè поголема е корупцијата во Македонија“, вели тој.

Коментари | пред 2 години

Хајредини до Агелер: Толку ли е тешко да прашате во судот во Њујорк кои се политичарите од Македонија кои примиле милиони евра мито од Дојче Телеком?

Џевдет Хајредни преку социјалните мрежи и постави прашање на американската анбасадорка Агелер во врска со случајот со Дојче Телеком.„После интервјуто на тв. АЛСАТЕдно прашање до амбасадорката на САД, госпоѓа Анџела Агелер:Толку ли е тешко во окружниот суд на Њујорк да прашате кои се политичарите, високи државни функционери на Македонија, на кои директорите на Дојче Телеком и Маѓар Телеком, им исплатиле повеќе милиони евра мито, за што судот и ги осудил?“, вели Хајредини.

Коментари | пред 2 години

Хајредини: Али Амети, како најкорумпиран, самиот стои на чело на структурираната криминална група

Џевдет Хајредини објави статус на социјалните мрежи во кој вели дека Али Ахмети е најкорумпиран, и стои на чело на структурирана криминална група.„Никој никогаш не бил и е денес против коридорите 8 и 10. Оние што досега не ги изградиле нека одговорат. За 20 години не можат да се изградат ни 2 км.Али Амети, како најкорумпиран, самиот стои на чело на структурираната криминална група. Доволно е само да се спомене аферата Телеком“; вели Хајредини.

Коментари | пред 3 години

Хајредини до премиерот: Кога татко ти ќе ти купи канцеларија, тогаш прави што сакаш, а додека ние те плаќаме, барем обиди се да не тресеш глупости!

Џевдет Хајредини преку социјалните мрежи го искритикува премиерот Димитар Ковачевски за неговата изјава во која вели дека кој што сака може да прави во својата канцеларија.„Ковачевски: Кој што сака може да прави во својата канцеларија.П.с Дури и да можат, премиере, нe би требало да прават баш сè.Кога татко ти ќе ти купи канцеларија, тогаш прави што сакаш, а се додека ние те плаќаме, барем обиди се да не тресеш глупости!Лани по еден, годинава се случуваат по два скандали дневно“, вели тој.

Коментари | пред 3 години

Коментар на денот: Наши министри отидоа да бараат храна и енергија, а ниеден министер од соседните држави не дојде во Македонија да бара било што

Џевдет Хајредини на социјалните мрежи објави статус во кој вели дека не е вистина дека нашата влада дала најенергичен дговор во регионот на Западен Балкан на енергетската и ценовната криза.„Не е вистина дека "нашата влада даде најенергичен одговор во регионот на Западен Балкан на енергетската и ценовната криза", напротив, вистина е дека наши министри отидоа во сите соседни земји да бараат храна и енергија, додека ниеден министер од соседните држави не дојде во Македонија да бара било што“, вели Хајредини.

Коментари | пред 3 години