Пациенти алармираат за колапс на Клиниката за хематологија - Бараме итен инспекциски надзор, велат од Левица

Левица преку соопштение соопшти дека до партијата пристигнале, како што наведуваат, вознемирувачки сведоштва од пациенти кои се лекуваат на Универзитетска клиника за хематологија, а кои укажуваат на сериозни проблеми во функционирањето на установата.

— реклама —

Според партијата, пациентите се соочуваат со недостиг од терапии, како и со недостиг од основни медицински материјали, меѓу кои шприцеви, стерилни ракавици, средства за дезинфекција и кеси за венепункција.

— реклама —

Од Левица тврдат дека на клиниката бил воспоставен систем во кој лекарите за секоја терапија и интервенција морале да бараат одобрување од директорката Соња Генадиева-Ставриќ преку телефонски повици и пораки.

Партијата наведува и дека, според сведоштвата, на одредени пациенти им биле кратени терапии спротивно на медицинските индикации.

— реклама —

Во реакцијата, Левица го повикува директорот на Државен здравствен инспекторат, Кирил Лазов, да иницира вонреден инспекциски надзор за состојбата со терапиите, набавките и начинот на носење одлуки на клиниката.

— реклама —

„Доколку овие наводи се точни, станува збор за сериозен проблем за кој мора да има одговорност“, наведуваат од Левица.