Дирекцијата за заштита и спасување за „Скопје1“ потврдува дека постои можност пилотот Метотка Стојанов да замине од нивната институција. Според информции кои протекоа во јавноста, тој оди за Луксембур.
Дали сигурно ќе оди, тоа по празникот, конкретно за два дена ќе биде точно конкретизирано, значи во вторник“, велат од ДЗС за „Скопје1“.
Од институцијата посочуваат дека и минатата година Стојанов имал понуда за заминување во странство, но тогаш останал во Македонија по барање на директорот Стојанче Ангелов.
„И лани имаше таква понуда пилотот Метотка Стојанов, но на замолница на Ангелов тој остана во Македонија и тогаш беше единствениот вработен пилот за летање со противпожарен авион ‘ер трактор’ во државата, конкретно во ДЗС“, велат од институцијата.
Директорот на ДЗС, Стојанче Ангелов, за „Скопје1“ изјави дека веќе е во тек постапка за вработување на уште еден пилот, кој наесен ќе биде испратен на дообука за управување со противпожарните авиони „ер трактор“.
Според информациите, редовно вработените пилоти во ДЗС земаат плата од околу 2.600 евра.
Во јавноста претходно се појавија информации дека Стојанов се приклучува на приватната компанија „Aquarius aff“ од Луксембург, специјализирана за противпожарна авијација. Компанијата располага со флота од авиони „ер трактор“, како и сопствен тренинг и логистички центар.
Македонија и ова лето се очекува да се соочи со висок ризик од пожари, а темата за бројот на пилоти и подготвеноста на системот повторно се отвора во јавноста.
