По кражбите во европските музеи, Тошковски најави зајакнување на безбедноста на културното наследство

Панче Тошковски денеска го посети Археолошкиот музеј во Скопје, каде што се разговарало за можностите за унапредување на институционалната соработка и зајакнување на безбедноста на културните добра.

— реклама —

Тој посочи дека неодамнешните кражби на вредни историски и археолошки предмети од музеи во повеќе европски земји се потсетник за важноста на заштитата на културното наследство и навременото преземање превентивни мерки.

— реклама —

— реклама —

Тошковски нагласи дека Македонија располага со богато археолошко и културно наследство, кое сведочи за долгата историја на овие простори и претставува дел од колективната меморија и културниот идентитет.

Според него, заштитата на културните добра не е само прашање на културата, туку и важен безбедносен предизвик. Спречувањето кражби, нелегална трговија со културни добра и други облици на загрозување бара постојана будност, превенција и координирано дејствување на надлежните институции.