Полска ги доби првите борбени авиони Ф-35 од САД

Полска оваа недела ја доби првата испорака на борбени авиони Ф-35 од САД, со што значително ги засилува своите одбранбени капацитети на источното крило на НАТО.

— реклама —

Првите три авиони слетаа во петокот во воздухопловната база Ласк.

— реклама —

Полскиот министер за одбрана, Владислав Косинијак-Камиш, ги нарече авионите „нови чувари на полското небо“.

„Ова се првите борбени авиони од петта генерација на источното крило на НАТО, кои можат да откријат закани пред самите да бидат забележани“, порача министерот.

— реклама —

Полска од САД нарача вкупно 32 повеќенаменски борбени авиони Ф-35, произведени од Lockheed Martin. Договорот беше потпишан во 2020 година, а целосната испорака се очекува да заврши до 2030 година.

— реклама —

Ф-35 важат за едни од најнапредните борбени авиони во арсеналот на земјите членки на НАТО. Во Европа, покрај Полска, ги користат и Германија, Обединетото Кралство, Норвешка, Италија и други сојузници.