Премиерот на Гренланд нема да присуствува на отворањето на новиот американски конзулат

Премиерот на Гренланд, Јенс-Фредерик Нилсен, нема да присуствува на отворањето на новиот конзулат на Соединетите Американски Држави во Нук, објавија локалните медиуми.

— реклама —

Конзулатот треба да биде отворен со прием во новите простории во центарот на Нук, но Нилсен изјавил дека ќе ја одбие поканата поради актуелните тензии меѓу Гренланд и САД.

— реклама —

„Не донесовме формална одлука од принципиелни причини, но јас нема да учествувам“, изјавил Нилсен.

Според извештаите, повеќе поканети гости исто така одлучиле да не присуствуваат на настанот поради реакциите што ги предизвикаа изјавите на американскиот претседател Доналд Трамп, кој претходно изрази желба Гренланд да биде под американска контрола.

— реклама —

Данската пратеничка Нааја Х. Натаниелсен исто така соопшти дека ќе ги одбие поканите од американскиот конзулат, наведувајќи дека односите меѓу двете страни моментално се тензични.

— реклама —

Гренланд, автономна територија на Данска, подолго време е во фокусот на американскиот интерес поради стратешката позиција и богатите минерални ресурси.