Прв сериски убиец на жени во Македонија: Обвинителството откри уште две убиства и два обиди за убиства

Истрагата за осомничениот убиец од Старо Нагоричане, кој според обвинителството се води како прв сериски убиец на жени во Македонија, открила уште четири нови кривични дела – две убиства и два обиди за убиство.

— реклама —

Ова денеска на брифинг го соопшти обвинителот Љубомир Лапе, кој посочи дека случајот има елементи на фемицид, бидејќи сите жртви биле жени и нападите биле мотивирани од нивниот пол.

— реклама —

„Се работи за прв случај на сериски убиец со елементи на фемицид, бидејќи сите жртви биле жени и биле нападнати токму поради нивниот пол“, кажа обвинителот Лапе.

— реклама —

Според досега објавените информации од обвинителството и полицијата, осомничениот е идентификуван со иницијали Т.Б., 25-годишен жител на селото Малотино во општина Старо Нагоричане.

Обвинителството и полицијата веќе водат постапка за повеќе убиства врз жени во кумановскиот регион, а со новите откритија истрагата дополнително се проширува.