Разорни напади во Газа: Во последните два дена загинаа повеќе од 50 деца

Повеќе од педесет деца загинаа во Џабалија, северниот дел на Газа, меѓу петокот и саботата, соопшти денеска УНИЦЕФ.

— реклама —

Децата загинаа кога две станбени згради, во кои имаше стотици луѓе, беа срамнети со земја во бомбардирањето, изјави извршната директорка на УНИЦЕФ, Кетрин Расел, пренесува Политико.

— реклама —

Расел, исто така, рече дека израелските сили извршиле два напади кои ја нарушија кампањата за вакцинација против детска парализа во Газа.

— реклама —

Во еден инцидент беше погоден и запален автомобилот на вработен во УНИЦЕФ, но никој не беше повреден.

— реклама —

Во друг напад, најмалку три деца беа ранети во близина на клиника за вакцинација во населбата Шеик Радван.