Министерството за здравство реагираше по објавите за наводно задоцнета интервенција на Итната медицинска помош при утринската сообраќајна несреќа на булевар „Партизански одреди“, во близина на поликлиниката „Букурешт“, нагласувајќи дека реакцијата на службите била навремена и спроведена согласно протоколите.
„Во однос на објавата за наводно задоцнета реакција на Итната медицинска помош, ја информираме јавноста дека интервенцијата е реализирана согласно постојните протоколи и во соодветна временска рамка.
Имено, повикот е примен во 07:20 часот, а пациентот веќе во 07:42 часот е транспортиран до здравствена установа.
Ова укажува на навремена и ефикасна реакција на службата, особено имајќи го во предвид сообраќајниот метеж во утринските часови.
Апелираме проверка на фактите и точно информирање, со цел да се избегне ширење неточни информации кои можат да го нарушат угледот на службата и да предизвикаат непотребна загриженост кај граѓаните“, велат од Министерство за здравство.
