Републикански сенатор бара нови американски удари врз Иран

Републиканскиот сенатор Линдзи Греам повика на засилени американски воени акции против Иран, оценувајќи дека преговорите со Техеран „удриле во ѕид“.

Во интервју за „Ен-би-си“, Греам изјави дека продолженото затворање на Ормускиот Теснец и неуспешните преговори само го прават Иран посилен.

— реклама —

„Ништо не покажува дека сегашниот режим е поинаков кога станува збор за тероризмот, уништувањето на Израел и нападите врз САД“, изјави сенаторот од Јужна Каролина.

Тој го повика американскиот претседател Доналд Трамп дополнително да го ослабне Иран, додавајќи дека постојат уште цели што можат да бидат нападнати.

— реклама —

Изјавите на Греам доаѓаат во момент кога преговорите меѓу Вашингтон и Техеран се во застој, а затворањето на Ормускиот Теснец предизвика раст на светските цени на нафтата и горивата.

— реклама —

Според Греам, цените на горивата ќе паднат кога Иран ќе биде „ставен под контрола“.

Во меѓувреме, иранскиот министер за надворешни работи изјави дека Техеран нема доверба во американските преговарачи.

Трамп, кој неодамна се врати од самитот во Кина, изјави дека не побарал помош од кинескиот претседател Си Џинпинг околу Иран, додавајќи дека на САД не им е потребна ничија помош.

Американскиот претседател истовремено се соочи со критики поради изјавата дека изборите нема да влијаат врз неговите одлуки поврзани со Иран и дека Техеран не смее да дојде до нуклеарно оружје.