САД: Ормускиот Теснец е отворен, Иран не го контролира

Американската војска соопшти дека Ормускиот Теснец останува отворен за меѓународна пловидба, откако Иран претходно најави дека ќе го затвори овој стратешки важен поморски премин поради обновените тензии со Соединетите Американски Држави.

Американската Централна команда (CENTCOM) објави дека теснецот е отворен за сите бродови што легално пловат низ меѓународниот пловен пат.

— реклама —

„Иран не го контролира Ормускиот Теснец. Пловидбата се одвива нормално“, порачаа од CENTCOM, додавајќи дека американските сили се подготвени да ја гарантираат слободата на пловидбата и покрај, како што наведуваат, заканите и агресивното однесување на Техеран.

— реклама —

Американскиот претседател Доналд Трамп, коментирајќи ја ситуацијата, изјави дека според САД, теснецот е отворен.

Тој додаде дека неодамна бил постигнат договор со Иран, но дека состојбата брзо се променила.

— реклама —

„Вчера имавме договор со нив. Попуштаа за сè, а потоа, два часа подоцна, со дрон погодија брод. Ние одговоривме синоќа со силен напад“, изјави Трамп.

Претходно во текот на денот, Иран соопшти дека Ормускиот Теснец ќе остане затворен „до понатамошно известување“, наведувајќи дека низ него нема да биде дозволено движење на бродови додека траат американските воени операции во регионот.

Ормускиот Теснец е еден од најважните поморски премини во светот, преку кој поминува околу една петтина од глобалната трговија со нафта и природен гас.