САД повторно му се закануваат на Иран: „Можеби ќе мора да ги уништиме“

Американскиот министер за енергетика Крис Рајт изјави дека е можно да не биде постигнат нуклеарен договор со Иран, при што како една од алтернативите ја спомена можноста САД да ги уништат иранските капацитети за развој на нуклеарната програма.

„Можно е да нема нуклеарен договор. Можеби едноставно ќе биде потребно да се уништат нивните капацитети за тоа. Договорот можеби ќе почека нова администрација во Иран. Едноставно не знаеме“, рече Рајт за ABC News.

— реклама —

На прашањето дали продолжувањето на бомбардирањето би можело да биде стратегија за спречување на Иран да развие нуклеарно оружје, Рајт одговори потврдно.

— реклама —

„Мора да ги уништите нивните способности за тоа“, изјави тој, додавајќи дека Иран изградил огромна инфраструктура за производство на ракети. Според Рајт, Иран во моментов располага со ракети кои ги користи во нападите, но нема капацитети за производство на нови.

Американскиот министер се осврна и на движењето на нафтата низ Ормускиот Теснец. Тој рече дека седумдневниот просек на протокот во моментов е над девет милиони барели дневно, што, според него, е највисок досега забележан седумдневен просек.

— реклама —

Со вклучување на нафтата што од регионот се извезува преку нафтоводи низ Саудиска Арабија и Обединетите Арапски Емирати, вкупниот проток достигнува меѓу 13 и 14 милиони барели дневно.

Иран и САД во јуни, со посредство на Пакистан и Катар, потпишаа меморандум за разбирање со кој беа предвидени чекори за прекин на конфликтот, повторно отворање на Ормускиот Теснец и решавање на прашањата поврзани со економските ограничувања.

Оттогаш, Вашингтон и Техеран меѓусебно се обвинуваат за непочитување на преземените обврски. Ормускиот Теснец останува една од главните точки на спорот, при што двете страни имаат спротивставени тврдења за тоа дали пловниот пат е отворен, кој го контролира и дали е безбеден за комерцијалниот сообраќај.