„СДС цели 8 години како власт во Македонија и Спасовски како министер, не успеаја да се справат со владеењето на криминалот. Поточно, работеа врз база на тоа како до сега, односно по насоки од Мала Речица“, реагира ВМРО-ДПМНЕ на прес-конференцијата на Мартин Костовски од СДСМ.
„Да не заборавиме, Спасовски и СДС се единица мерка за криминал. Спасовски и СДС беа оние кои што даваа пасоши на белосветски криминалци. Спасовски и СДС го направија главниот град да биде едно криминално подземје, со кое управуваа криминалните банди од Грчец, Ченто и Арачиново.
Да не заборавиме, дека во времето на Спасовски и СДС, полицајци се пукаа едни кон други кај Александар Палас. Спасовски и СДС ја убедуваа јавноста дека полицаец се има удрено во пајак возило, само затоа што возилото било на лице од ДУИ.
Заврши времето на „како до сега’’.
Владата на ВМРО-ДПМНЕ жестоко ќе се бори против криминалот. Синоќешните чинители на инцидентите, веднаш се лишени од слобода од страна на МВР.
За само пет месеци, во МВР се зголеми бројот на приведени лица, лица кои биле барани со потерници, лица избегани од затвори или сториле одредено кривично дело“, се додава во реакцијата на ВМРО-ДПМНЕ.
