СДСМ: Марта Кос ја откажа посетата на Србија поради величењето на Младиќ – поради истата политика на Мицкоски и Стоилковиќ

СДСМ реагира дека откажувањето на посетата на Србија од страна на европската комесарка за проширување Марта Кос поради величењето на осудениот воен злосторник Ратко Младиќ е јасна порака дека таквото однесување е неспоиво со европските вредности.

— реклама —

„Величењето што ја придружува неговата смрт е неспоиво со вредностите врз кои се гради патот кон ЕУ. Тој пат бара соочување со минатото, вистинско помирување и почитување на жртвите на воените злосторства“, напиша Кос на мрежата X.

— реклама —

Од СДСМ велат дека истата политика, според нив, се спроведува и во Македонија, обвинувајќи го премиерот Христијан Мицкоски дека ги заштитил министерот Иван Стоилковиќ и Далибор Китановиќ по нивните ставови поврзани со Младиќ.

— реклама —

„Нема оставки. Нема разрешувања. Нема одговорност. Мицкоски свесно одлучи да ги заштити“, наведуваат од СДСМ.

Од партијата додаваат дека ваквата политика, според нив, ја оддалечува Македонија од Европската Унија и ја обвинуваат Владата за „намерна изолација, антиевропска кампања и одработување за руската агенда“.