Се проверува дали имало лекарска грешка при лекувањето на починатото девојче на Детската клиника

„Во врска со случајот со починатото 14-месечно бебе, донесено рано утринава на Клиниката за детски болести, од Клиниката информираат дека е хоспитализирано со тешка респираторна инфекција, тешка општа состојба и засегнати витални функции. Настапило рапидно влошување на состојбата, со отежнато дишење, со пад на сатурација“, велат од Министерството за здравство и додаваат:

— реклама —

„Телото на бебето е пратено на обдукција, по што ќе се утврдат причините за смртта.

— реклама —

ДСЗИ, согласно надлежностите ќе изврши вонреден инспекциски надзор во здравствените установи каде починатото бебе било лекувано: на Универзитетската клиника за респираторни заболувања кај децата во Козле, каде претходно се лекувало и на Клиниката за детски болести, каде денес во утринските часови било хоспитализирано и починало.

Со цел да се утврди вистинитоста за евентуални пропусти во лекувањето, надзорот ќе се изврши во присуство на одговорните лица на здравствените установи, како и на лекарите кои учествувале во претходно пружање здравствена заштита.

— реклама —

Министерството за здравство во врска со овој случај ќе иницира комисија за стручен надзор во двете здравствени установи.

— реклама —

Министерство за здравство изразува сочувство до семејството и најблиските за оваа загуба.