Екипите на Општина Центар веќе втор ден спроведуваат активности за собирање кабаст отпад и расчистување на поголеми количини смет на просторот на Кале, паралелно со уредување на зелените површини, објави градоначалникот Герасимовски на социјалните мрежи.
Градоначалникот Горан Герасимовски информираше дека покрај отстранувањето на отпадот, на терен се врши и интензивно косење и одржување на јавните зелени површини.
Акциите за собирање кабаст отпад не се ограничени само на Кале. Во тек се активности и во населбите Буњаковец, Дебар Маало, како и на улицата „50. Дивизија“, каде што комуналните служби работат на расчистување и подобрување на хигиената во урбаните средини.
Герасимовски упати апел до граѓаните за поголема одговорност кон јавната хигиена, здравјето и просторот во кој живеат, посочувајќи дека одржувањето на чиста и уредена околина е заедничка обврска на институциите и граѓаните.
