Северна Кореја бесна поради воените вежби на САД и Јужна Кореја

Новите заеднички воени вежби на САД и Јужна Кореја предизвикаа остра реакција од Пјонгјанг, кој порача дека ќе продолжи да го користи своето право на самоодбрана.

— реклама —

Севернокорејската државна агенција КЦНА ги осуди воените вежби, оценувајќи дека тие придонесуваат за зголемување на тензиите на Корејскиот Полуостров. Според Пјонгјанг, Северна Кореја ќе продолжи да презема мерки за самоодбрана како одговор на, како што ги опишува, воените закани од САД и Јужна Кореја.

— реклама —

Реакцијата од Северна Кореја следува откако американскиот претседател Доналд Трамп изјави дека му наложил на министерот за одбрана Пит Хегсет значително да го намали обемот на заедничките воени вежби со Јужна Кореја.

Трамп како причина го наведе фактот дека Сеул не сакал да им се придружи на САД во „денуклеаризацијата на Иран“.

— реклама —

Американскиот претседател притоа се повика и на, како што го опиша, својот „многу добар однос“ со севернокорејскиот лидер Ким Џонг-ун. Тој претходно оцени дека заедничките воени вежби се скапи за САД и испраќаат, како што наведе, несоодветна и непријателска порака кон Северна Кореја.

— реклама —

Сепак, Пјонгјанг и натаму ги гледа воените активности на Вашингтон и Сеул како директна закана, што дополнително ја одржува напнатоста на Корејскиот Полуостров.